Dangil

የብሄራዊ መረጃና ደህንነት አገልግሎትና የኢንፎርሜሽን መረብ ደህንነት አስተዳደር ከኦሮሚያና አማራ የፖሊስ ኮሚሽኖች ጋር በመቀናጀት ባደረጉት የክትትል ሥራ በህገ ወጥ የጦር መሣሪያ ዝውውሩ ላይ የተሳተፉት ሶሰት አዘዋዋሪዎች ትናንት እጅግ ከፍንጅ ተይዘዋል ።
የመረጃና ደህንነት ተቋማት ከፀጥታ አካላት ጋር በመቀናጀት በወሰዱት ኦፕሬሽን ካሳሁን ጌታቸው አምባዬ የተባለ ህገወጥ የጦር መሣሪያ አዘዋዋሪና መሀመድ ይማም መሀመድ የተባለ ሹፌር መነሻውን ከባህርዳር አድርጎ የጦር መሣሪያዎች በተሽከርካሪ ጭኖ ወደ ኦሮሚያ ቢሾፍቱ ከተማ ለማምራት ተልዕኮና ዕቅድ ይዘው ሲንቀሳቀሱ የነበረ ሲሆን ታህሳስ 11 ፤ 2015 ዓም ከምሽቱ 2፡00 ሰዓት በሱልሉታ ከተማ ሲደርሱ የኦሮሚያ ፖሊስ ሹፌሩንና ህገ ወጥ የጦር መሣሪያ አዘዋዋሪውን በቁጥጥር ሥር መዋል ችሏል ።
ከሹፌሩ ሲያዝ አብረውት የነበሩ 3 ሰዎችም በኦሮሚያ ፖሊስ በቁጥጥር ስር እንዲውሉ ከተደረገ በኋላ በተሸከርካሪው አካል ተደብቀው የነበሩ በርካታ ህገ ወጥ የጦር መሣሪያዎች ከመያዛቸውም በላይ በቢሾፍቱ በሚገኘው የሽፌሩ መኖሪያ ቤት በተደረገው ፍተሻም የተለያዩ የጦር መሣሪያዎች ተይዘዋል ።
በቁጥጥር ሥር የዋሉት የጦርመሣሪያዎችና መለዋወጫዎች እንደሚከተለው ከዚህ በታች በዝርዝር ተቀምጧል ፡፡
▪️የብሬን ጥይት - 773
▪️የክላሽንኮቭ ጠመንጃ - 3
▪️የክላሽንኮቭ ጠመንጃ መቀያየሪያ ክፍሎች - 290
▪️የክላሽ ጥይት -7
▪️ኤም 14 ጠመንጃ- 1
▪️ኤም 14 ጠመንጃ -1
▪️የኤም 14 ጠመንጃ ጥይት -160
▪️ኤ ኤስኬስ ጠመንጃ -2
▪️የኤ ኤስኬስ ጠመንጃ ካርታ - 14
▪️የተለያዩ ሽጉጦች - 136
▪️የሽጉጥ ጥይቶች - 1ሺህ 145
▪️የሽጉጦች ካርታ - 9
▪️የጦር መሣሪያ ማስተካከያ ማሽን - 1

#የዓባይልጅ

ጣና ሀይቅ የዓለም ብሎም የሀገር ሀብት ነው:: በተፈጥሮ አጋጣሚ ለባህርዳር ከተማ ጌጥ ተደርጎም ተፈጥሯል:: በየዓመቱ የጣና ፎረም የዓለም እና የአፍሪካ መሪዎች የሚታደሙበትም ያለምክንያት አይደለም:: ጣና ታሪካዊ ገዳማትና አድባራትን አቅፎ የገዘፈ ስምና ዝናውን ይዞ እዚህ ደርሷል:: ወደፊትም ይቀጥላል:: በጣና ላይ የተጋረጠው አደጋ እምቦጭ ብቻ አይደለም:: ይልቁንም በየዓመቱ ጣና ሲጎድል እየተከተሉ የሚያርሱ ሲሞላ ደግሞ እየሸሹ መጉደሉን በጉጉት የሚጠባበቁ አርሶ አደሮች ጉዳይ ትልቅ ስጋት ነው:: ወደ ጣና የሚፈሱ በርካታ ወንዞች ተሸክመውት የሚገቡት አፈር እና ግሳንግስ ሳያንስ ዙሪያውን ሲሸሽ ማረሳችን በደለል እንዲሞላ ሁኔታዎችን ያመቻቻል:: ይህ ደግሞ ከእምቦጭ ያልተናነስ ስጋት ነው:: ስለሆነም ጣናን በዘላቂነት መጠበቅ ለነገ የማይባል ተግባር ነው:: ተግባሩም በፌደራል መንግስት አስተባባሪነት እና ግንባር ቀደም ተሳትፎ ሊመራ ይገባል:: የክልሉ መንግስት ከዚህ በፊት የሚያደርገውን ጥረት አጠናክሮ ይቀጥላል:: በዛሬው የባለድርሻ አካላት የምክክር መድረክም የተግባባንበት ይህንኑ ነው:: በእስካሁኑ ጣናን ለመታደግ በተደረገው እንቅስቃሴ ለተረባረባችሁ ሁሉ ምስጋናዬን እያቀረብኩ የጀመርነውን እጅግ ተስፋ ሰጭ አኩሪ ተግባር በጋራ በማስቀጠል ፍፃሜ በማድረስ የትውልድ ኃላፊነታችንን የምንወጣ ይሆናል::