Addis Ababa prosperity women’s league- ብልፅግና

ፓርቲያችን ብልፅግና ብሔራዊነት ገዢ ትርክት እንዲሆን የፈለገበት የመጀመሪያው ምክንያት ትርክቱ "አማካይ በመሆኑ" የተነሳ ነው!!

ኅብረ ብሔራዊነትን፣አካታችነትን ፍትሀዊነትን እና እኩልነትን ለሁሉም ኢትዮጵያውያን የሚያረጋግጥ አሰባሳቢ ትርክት ሀገራችን ያስፈልጋታል ብሎ ብልፅግና ፓርቲ ያምናል።

አብሮነትን ክዶ ልዩነት ላይ ብቻ የሚያተኩር ትርክት፣ብዝኃነትንም ደፍጥጦ ፍፁማዊ አንድነት ላይ የሚያተኩር ትርክት ለምናስበው ሀገራዊ ብልፅግና አይጠቅመንም።

ኢትዮጵያ ሀገራችን ትናንት ሀገራዊ አንድነትን ለማስጠበቅ ሁሉም ኢትዮጵያውያን ዋጋ የከፈሉላት፣ህዝቦቿ ብዙ የተድላ እና የፈተና ጊዜያትን በጋራ ወጥተው የወረዱባት፣በአንድነትም በልዩነትም ትርክት የተነሳ ግጭት እና ፈተናዎችን ያሳለፈች ሀገር ናት።

የብልፅግና ብሔራዊነት ትርክት ትናንትን አምርሮ የሚረግም ወይም አግንኖ የሚያወድስ አይደለም። ከትናንት ጠቃሚ የሆኑ ወረቶችን ለማስቀጠል የሚሰራ፣ጥፋቶችን የሚያርም ነው።ዛሬን ግን ለስራ እንጂ ለቁዘማ አይጠቀምበትም።

የአ/አ ብልፅግና ሴቶች ሊግ በአራዳ ክ/ክፍለ ከተማ በመገኘት ከወረዳ አመራሮችና ከመ/ድርጅት እንዲሁም ከህዋስ አመራሮች ጋር ስለተቋሙ የስራ አፈፃፀም ፍሬያማ ውይይት አድርገናል። በውይይቱ የሴቶች ተሳትፍና ተጠቃሚነት ላይ እየተሰራ ያለው ስራና የኑሮ ውድነትን ለማቃለል የተጀመረው ተግባር ተጠናክሮ መቀጠል እንዳለበትና ለተግባሩ ውጤታማነትም የበኩላቸውን እንደሚወጡ ከመግባባት ተደርሷል።

መረዳዳት የቀደመ ባህላችን ነው።

የአዲስ አበባ ብልፅግና ሴቶች ሊግ ዛሬ በጉለሌ ክ/ከተማ ከመዋቅሩ አመራርና አባላት ጋር የስራ ግምገማና የመስክ ጉብኝት አድርገናል።በግምገማው በክ/ከተማው የዝግጅት ምዕራፍ ተግባራት በጥሩ ሁኔታ መከናወናቸውንና የተግባር ምዕራፍ ስራዎችም በተሻለ ፍጥነት እየተሰሩ መሆኑን በተለይ የሴቶች ተጠቃሚነት ላይ የተጀመሩ ስራዎች ተጠናክረው መቀጠላቸውን በመስክ ምልከታችን አረጋግጠናል።

የአዲስ አበባ ብልፅግና ፓርቲ ሴቶች ሊግ በክረምት የተተከሉ ችግኞችን የመንከባከብና የበጋ በጎ ፈቃድ ስራን የማስጀመር ተግባር ዛሬ በ15/3/2016 አከናውኗል። በተጨማሪም በአዲስ ከተማ ክ/ከተማ ወረዳ 10 ተጀምሮ የነበረ የአቅመ ደካማ እናትን የመኖሪያ ቤት በማጠናቀቅ የማስረከብ ስራ ተሰርቷል። መርሃ ግብሩ እንዲሳካ የማስተባበር ስራውን ለተወጡ ሁሉ ምስጋናችን ይድረሳችሁ።

በከንቲባ አዳነች አቤቤ ዘመን! ውብ እና ፅዱ ከተማ!
ለሚ ኩራ! የመንገድ አካፋዮች እንዲህ ተውበዋል!