Sidama National Regional State Revenue Authority

ብሔራዊ መታወቂያ ፕሮግራም ከኢትዮጲያ ፖስታ አገልግሎት (ኢትዮፖስት) Ethiopost ጋር የፋይዳ ዲጂታል መታወቂያ ካርድ ህትመት ስርዓት ዝርጋታ አደረገ። ብሔራዊ መታወቂያ ፕሮግራም የዲጂታል መታወቂያ ህትመትን ለህብረተሰቡ ተደራሽ ለማድረግ ከኢትዮፖስት ጋር በዘረጋው ስርዓት ፣ ነዋሪዎች የፋይዳ ምዝገባ ካከናወኑ በኃላ የህትመት ጥያቄ በማቅረብ ዲጂታል መታወቂያውን ደህንነቱ በተጠበቀ መንገድ ማግኘት የሚችሉበትን መንገድ ያመቻቻል። አስፈላጊ የሆኑ ቅድመ ሁኔታዎችን ለማወቅ id.et/cardprint ይጎብኙ።

#ፋይዳመታወቂያ #ፋይዳካርድ

Sidaamu dagoomu qoqqowi mootimma eote biilloonyi oduuba afirenani facebookete qoola:-
https://www.facebook.com/profile.php?id=100084512184901

Sidaamu Dagoomu Qoqqowi Mootimma Eote Biilloonye የሲ/ብ/ክ/መ/ገቢዎች ባለሥልጣን ግብር ግዴታ ሳይሆን ለሀገር ከላባችን የምንሰጠው የፍቅር ስጦታ ነው !

Sidaamu dagoomu qoqqowi mootimma eote biilloonyi giwiru seera ayirrisiisate handaari ogeeyyera qajeelsha aanni afamanno.

Barra 6-10/7/2013 m.d ontu barri geeshsha keeshshshanno qajeelsha qoqqowoho noo baalante quchumma giwiru seera ayirrisiisatenna shallagote ogeeyyera federaalete ledo halame alatta wondi quchumi mereershira qajeelsanni afamanno.

Biilloonyunnihu layinki sooreessinna giwiru seera ayirrisiisate handaari sooreessi kalaa Aberri Isayyaasihu hasaawu barera leelle sokko sayisanni kuni qajeelshi ogeeyyete dhuka kaajjishatenni giwiru seera ayirrisiinse seerimale doogonni ba'annota dagate eo gatisate illacha tungoonniha ikkasi qummi asse hattono deresanyu fulonna eo amanyoote lifixisate ikkasi xawisino.

Qajeelshu iibbino garinni ga'a geeshsha sufanni afamanno.

Sidaamu dagoomu qoqqowi eote biilloonyi 12 woradinna hawaasi quchumi sinu quchumma eote xiinxallo rosichunna koffeenyu handaari ogeeyyera lamu barrira arfaasa 13-14/52013 alatti wondi quchumi mereersh giddo uynanni keeshshinoonnihu layinki doycho qajeelshi gumulamino.
Sa'u lamalara 24 woradira daayye quchumi mereershira konne qajeelsha uynanni keeshshinoonniti qaangannita ikkitanna aantete uynoonni qajeelshshi techo gumulamino.
Qajeelshunniti qara hedo qajeelaano eo gamba assate wodhonna biddiishshubba aana egennonsa bowirsidhanno assatenni aanteteno afidhino egenno kaima assite eote baataanora huwanyoote cu'mishiishate illacha assino qajeelsha ikkasi barraho hasaawa gumulinohu biilloonyunnihu layinki sooreessinna eote xiinxallo rosichinna koffeenyu handaari sooreessi kalaa Engidaayyow Zewudehu xawisino.
Aanteteno qajeelaano afidhino qajeelshi garinni uminsa qeecha fulate qajeelshu kakkaooshshe kalaqinonsata xawissinoha ikkanna lamu barri qajeelshi gumulamino.

Sidaamu dagoomu qoqqowi mootimma albisaano eote baataanora afanshanna baraarsha baraasu
=============================================
Techo barra sadaasa 19/4/2013 m.d eote biilloonyi albisaano eote baataanora afanshanna baaraarsha baraasino. Baraarshanna afansha uynoonni eote baataano 2012 m.d wodhonna seera agadhite afidhanno eonni ragunninna yannatenni baataatenni qansichimmansa qeecha fultinoreetinna latishshu ejjeetto ikkitino baataanooti.
Battalete leellinohu sidaamu dagoomu qoqqowi mootimma peresidentichinna barru wosinchi ayirradu Desti Ledamohu sokka saysanni eo mitte gobbara latishshaho; danchu gashshootira hattono miinju bowirrera dugugguru miqicho ikkitinota xawise barraho baraarsha uynoonni eote baataano ammanatenninna ammanatenni gadachonsa qeecha fultinohura galatama hasiissannonsata xawisino. Ayirradu barru wosinchi sokkasi saysanni daganke politiku roqqinninna kuttuwinni fulturono techo geeshsha latishshu xa'mo anga galte noonke jawa hajo ikkitinohura eo hafanfartukkinni baata; hafanfartukkinni loosu aana hosiisanna daga latisa daga uytinonke eeggo ikkitinohura garunni fullo yitanno sokko saysino.
Qoqqowu eote biilloonyi qara sooreette ayirrado baabba Muluworqi Derreseti eo yannatenni baatenni qeecha fula gobbankeranna dagankera noonke baxille leellishate malaateeti yite konnirano 2013 m.d dirira amandoommota eote mixo butukkukkinninna qorxitukkinni gamba assine daganketa latishshu gooro kassi assate baalunku feeffata hasiissannota qummi assitino.
Ledoteno barraho beeqqaancho ikkitinoti tophiyu eote biilloonyi layinki sooreette ayirrado baabba Mihireti Miniasbeti sidaamu dagoomu qoqqowi mootimma lowo manni lubbo baatantenna safaminota qummi assite techo kayinni haaru sidaamu qoqqowi eo lossateno ikko baalunku handaarira maareekkanni noo gumi dhaggeeffachishannohonna naaxxisiisannoha ikkinohura aanteteno eote baataano afidhino afanshinninna baraarshinni macciishshommose hagiirre xawissino.
Goofimarchohono deerru deerrunkunni noo eote baataano giddonni luphi yitino eo 18 miloone baatino baataanchinni kayse deerri deerrinsanni boowenna afanshu ba'latto baraansoonni.

Techo barra 15/3/2013 m.d sidaamu dagoomu qoqqowi eote biilloonyi bushu amanyooti barra kaima assatenni biilloonyu sooreeyyenna ogeeyye mittimatenni hasaawa assitanni leeltanno.
Barrunniha hasaawa massagginoti biilloonyu qara sooreette ayirrado baabba Muluworqi Derreseti hasaawu afii-fano aana qummi assitanni mooranna baincho assoote sharramatenni jireenyu ha'ranshonke qaroonsineemmo yaanno uminni ayirrinsanni barri ninke biilloonyi deerrinni sissilline hasaawa qara guulchooti yite bainchunna muishshu lophote dhiiga ikkinohura tenne ikkitonni umonke keereensine woleno sharramate qinaamboommore ikka umi hajooti yitino. Hasaawu hanafotenni jeefote geeshsha beeqqaanote wiinni hedonna xa'mo ka'eenna hala'ladunni hasaambihu gedensaanni gumuloteno biillonyu sooreeyyenna ogeeeyye deerru deerrunni jironsa maareekkitanno tajete sanade adhite malaatisatenni gumulamino.

Techo barra 8/3/2013 m.d gobbate deerrinni "gobbate ga'labbo gargarooshshi qotira uurreemmo" yaanno massagote qaalinni sidaamu dagoomu qoqqowi eote biilloonyi massagaanonna ogeeyye kunni garinni tophiyu baandeera amadde hiwaati gobbanke olanto aana assitino jaddora giddonsa laala leellishshe harunsiteno qotinsara
noota buuxisiissino.

Sidaamu dagoomu qoqqowi mootimma eote biilloonyi eo gamba assate loosi
aana hasaawa assi.
=================
Birra 16-17/2/2013 m.d barri geeshsha qoqqowu deerrinni baalante woraddanninna quchummanni beeqqitino haja la'annonsa beeqqaano ikkitinori eote sooreeyye; quchumu latishshi sooreeyye; maazagaajju loosu harisaanonna eote borro minna loosu qineessaano ledo lamu barrira iibbado hasaawa assinoonni.
Hasaawu illachi eo gamba assate mixo yawo eate sheemaatenna umikki boci-boci gumulo keeno aana sissilline hasaamboonni.
Battalate leellinohu barru wosinchi ayirradu Ashennaafi Eeliyaasihu sidaamu dagoomu qoqqowi mootimma jireenyu paarte tantanote handaari sooreessi sidaamu daga xa'mo politikunnita calla ikkitukkinni latishsha; miinjenna dancha gashshoote hanqaffinota ikkitanna xaa yannara politiku xa'mo higgurono latishshunna miinju xa'mo xaano sharrote aana noota xawisino.
Tenne rakko tirate jawaata eo gamba assa doorshu nookki hajo ikkitinota beeqqaanote kule eo gamba assate aana leeltanno laooshshu qarrubba tirate tini battala kaajjite eeliidi tantano geeshsha suffannota qummi assino.
Hasaawu beeqqaanora biilloonyu sooreette ayirrado Muluworqi Derreseti haaru sidaamu dagoomu qoqqowira haaro ajuuja amande eote mixonke butukkukkinni jeefisiisate baalinke daga uyitinonkeha yawote sheemaate fula agartannonketa xawisse mitte mootimma dhaabbata ikkitannohu dhaabbata eo heedhuro calla ikkinota hawaqissino.
2013 m.d qoqqowu mootimma biilloonyi 3.3 biiloone aliidi eo gamba assate mixirinoha ikkanna tenne mixo garunni gumulsiisatenni sidaamu dagata latishshunna miinju lopho gooro kassi assate beellama hasiissannota buuxisiissino.
Kunnirano; eo lossate guficho ikkannore mooranna eo maaxate qarruwa daganke horo gufissannore ikkinota anfe mooranna eo maaxa effidhe gibbanno daganna uurrinsha kalaqa ga'ara yinannikki hajo ikkitinota xawissino.
Hasaawu beeqqaanono kuni diri sidaamu daga seedu diri xa'mo higgeenna umise mootimma tanta'nite loosu giddoro e'ino diro ikkasinni daganke latishshunni bowirsate eote buicho halashsh*te mixo gumulsiisate kaajjishshe loossannota buuxisiissino.
Goofimarchohono woradunna quchumu eote sinu borro mini sooreeyye qoqqowu biilloonyi ledo yawote sheemaate malaatisatenninna lamala kiiro afirinoha uurrinshu xawishsha fushshatenni hasaawa gumulloonni.

Hawaasi Quchumi Lamu Agani Giddo 500,000,000 Birra E'o Gamba Assate Millimillo Techo Hanafino, Dikki'neemmo wote Darasanya Adha Budenke Assino!!