სსიპ ქ.თბილისის 143 საჯარო სკოლა- Tbilisi Public School 143

4 ივნისს V (ა) კლასში ბუნების პედაგოგმა - თინიკო ზარდიაშვილმა ჩაატარა ვიქტორინა, სადაც მონაწილეობდა 4 ჯგუფი
ვიქტორინა იყო ძალიან საინტერესო და სახალისო.
გუნდები დაჯილდოვდნენ და გადაეცათ შესაბამისი ხარისხის სერტიფიკატები..

10 ივნისს, VII (2) კლასის მოსწავლეთა მიერ ჩატარდა ღონისძიება ,,კულტურული მემკვიდრეობის სადარაჯოზე!“.
პედაგოგები: ნათია ყურაშვილი, მზია პაპუნაშვილი, ხათუნა და ეკა ბარნაბიშვილები.
ქართულის, სამოქალაქო განათლებისა და მუსიკის ჰარმონიული შერწყმით მოსწავლეებმა არაჩვეულებრივად გადმოსცეს, რომ, როგორც არასდროს, ახლა სჭირდება საქართველოს მომავალ თაობას დემოკრატიული კულტურის კომპეტენციის განვითარება, სათანადო უნარების მობილიზება და გამოყენება მოცემულ კონტექსტში არსებულ მოთხოვნებზე, გამოწვევებსა და შესაძლებლობებზე - ადეკვატური და ეფექტური რეაგირების მიზნით.
ღონისძიებაზე მოწვეული საპატიო სტუმრის, პოეტ ტარიელ ხარხელაურის, შეფასებით, VII (2) კლასის მოსწავლეები მართლაც ამაყად დგანან კულტურული მემკვიდრეობის სადარაჯოზე და არიან მისაბაძი მაგალითნი მომავალი თაობისა.
ღონისძიების მუსიკალური მხარდამჭერები იყვნენ: 143-ე სკოლასთან არსებული ხელოვნების სტუდია ,,მუზას“ წევრები: ლიზი ჩებიჩაშვილი, მარიამ არსენიძე და ლუკა ხეთაგუროვი. IX (4) კლასის მოსწავლე ანი ცინდელიანი და ჩვენი სკოლის კურსდამთავრებული, ვაჟთა ფოლკლორული ანსამბლ ,,მძლევარის" სოლისტი, შოთიკო გლურჯიძე - ანსამბლის წევრებით.

7 ივნისს, VI (2)კლასში ჩატარდა ინტეგრირებული პროექტ-გაკვეთილი.
საგნები: ქართული ენა და ლიტერატურა და მუსიკა;
პედაგოგები: ნათია ყურაშვილი და ეკატერინე ბარნაბიშვილი;
კლასის ხელმძღვანელი: მარიამ ბესიაშვილი.
თემა: ,,მელოდეკლამაცია“.
პედაგოგებმა ისაუბრეს მელოდეკლამაციაზე, მის დანიშნულებასა და ეფექტებზე ლიტერატურული ტექსტის კითხვის დროს. მოსწავლეებმა, მათივე, წინასწარ მოძიებული მელოდიები, შეუსაბამეს ქართულში ნასწავლ ლექსებს და წაიკითხეს მხატვრულად. გაკვეთილმა მეტად სასიამოვნო, თბილ და რომანტიკულ გარემოში ჩაიარა.

ინგლისურ ენაში V კლასებს შორის ჩატარებული კონკურსის "ყველაზე ჭკვიანი"-ს გამარჯვებული მოსწავლეები:
1. დაჩი ბულაური
2. იოსებ ბაკიძე

სსიპ ქ.თბილისის 143- საჯარო სკოლაში lV (ა) და lV (გ) კლასებში ჩატარდა ბავშვთა დაცვის დღისადმი მიძღვნილი ფინალური შეხვედრა "მოძრავ თამაშებში", სდაც მშობლები აქტიურად იყვნენ ჩართულნი, მოსწავლეებმა გამოავლინეს თავიანთი შესაძლებლობები, იყვნენ ხალისიანები და მეგობრულები. ორგანიზატორები სპორტის პედაგოგები : მედეა ლელაშვილი ტატიანა ჩეტვეროვა

კიდევ ერთი ლამაზი დღე თბილისის N 143 საჯარო სკოლის ისტორიაში.
5 ივნისს ჩვენს სკოლას ესტუმრა თეატრი ,,აზდაკის ბაღი". მათ წარმოგვიდგინეს ნოდარ დუმბაძის ყველასთვის საყვარელი ,,ჰელადოსი".
სპექტაკლი იყო ძალიან საინტერესო. აქ დუმბაძის უკვდავ პერსონაჟებს განასახიერებდნდნ აუტისტური სპექტრისა და დაუნის სინდრომის მქონე ახალგაზრდა მსახიობები. მათ გასაოცარი პროფესიონალიზმით შეძლეს მაყურებლამდე მიეტანათ თავიანთი გულწრფელი ემოციები.
სპექტაკლს ესწრებოდნენ სკოლის მერვე კლასის მოსწავლეები. მათთვის საინტერესო იყო ნასწავლი მოთხრობის პერსონაჟების სცენაზე ხილვა და იმის გააზრება, რომ არ არსებობს შეზღუდული შესაძლებლობები.
მადლობას ვუხდით ქალაქ თბილისის მერია / Tbilisi City Hall-ს და თეატრ ,,აზდაკის ბაღის" ყველა მონაწილეს და ვუსურვებთ შემდგომ წარმატებას შემოქმედებით ცხოვრებაში.

https://l.facebook.com/l.php?u=https%3A%2F%2Fedu.aris.ge%2Fpnews%2Fvar-tu-ara-kargi-maswavlebeli-pasuxi-saswavlo-wlis-bolos-da-metodi-tvitrefleqsiisatvis.html&h=AT2wBSeswbkaGnhoufk8UOySajMO5qOXMG7Fl8o60_lkb2Lvf9MmMebOIDAK59_ijsHDIJmXSuBWYnhdPd-_qTt14RJmamCJfBefhc087h4uEGlLiVGPuj37VMlXhcsFxYq0&s=1

„ვარ თუ არა კარგი მასწავლებელი?!“ – პასუხი სასწავლო წლის ბოლოს და მეთოდი თვითრეფლექსიისათვის „პედაგოგმა საკუთარი მუშაობის შედეგი მოსწავლეთა მიღწევებით უნდა გადაამოწმოს. ვასწავლი მუსიკას და თუ რამდენად ნ....

"ოლიმპიზმის" სწავლებიდან გამომდინარე შემაჯამებელი გაკვეთილის ფარგლებში სსიპ ქ.თბილისის 143 საჯარო სკოლის VIII (გ) კლასი ესტუმრა „ საქართველოს ეროვნულ ოლიმპიურ მუზეუმს“.
მუზეუმში მასპინძრლობა გაგვიწია ქნ-მა თეონა ომანაძემ.
სპორტის მასწავლებელი ირმა მთვარელიშილი

ქ. თბილისის 143-ე საჯარო სკოლაში III(ა) და III(დ) კლასის მოსწავლეებმა წარმოადგინეს ღონისძიება, სახელწოდებით "მოისაზრე გამოიცან".
ორ გუნდად წარმოდგენილი მოსწავლეები შეეჯიბრნენ ერთმანეთს სააზროვნო თავსატეხებში. "ყვითელ მხედრებსა" და "მწვანე რაინდებს" შორის გამართულ შერკინებაში გაიმარჯვა სიკეთემ, სიყვარულმა, მშვიდობამ და მეგობრობამ.
კლ. ხელმძღვანელი - მ.თუმანიშვილი
მუსიკალური გაფორმება- თ.არზიანი

143-ე სკოლაში, 30 მაისს ჩატარდა სასკოლო კონფერენცია ხელოვნებასა და მუსიკაში. მოსწავლეებმა წარმოადგინეს საკმაოდ საინტერესო პრეზენტაციები. მადლობას ვუხდით მოსწავლეებს და მასწავლებლებს ასეთი საინტერესო თემების წარდგენისთვის.
კონფერენციის დასრულების შემდეგ მუსიკალური ნომრები წარმოგვიდგინეს სკოლის პატარა თაობამ.
მასწავლებლები: ია ბაგიშვილი, ხათუნა ბარნაბიშვილი, ეკა ბარნაბიშვილი, თეა არზიანი, მზია გაგნიძე, ნანა მეცხოვრიშვილი.

სსიპ ქ. თბილისის 143 საჯარო სკოლაში V, VI კლასებში ჩატარდა ბავშვთა დაცვის დღისადმი მიძღვნილი მძლეოსნური „ამანათრბენი“. ხმაურიანი, ხალისიანი და საინტერესო გარბენი სადაც საპრიზო ადგილები ასე გადანაწილდა:
I ადგილი - VI (ე) კლასი;
II ადგილი - V (გ) კლასი;
III ადგილი- VI (ბ) კლასი.
მადლობა ყველა მონაწილე მოსწავლეს. გისურვებთ შემდგომ წარმატებას.
ორგანიზატორები, სპორტის პედაგოგები:
ირმა მთვარელიშვილი-პეტრიაშვილი;
ჰამლეტ მამიკონიანი;
ტატიანა ჩეტვეროვა;
ვლადიმერ ავლოხაშვილი

28 მაისი, V (1) კლასელები სტუმრად საქართველოს ეროვნულ მუზეუმში. მოსწავლეებმა დაათვალიერეს კავკასიის ბიომრავალფეროვნების, ქვის ხანის ადამიანის და ძველი იარაღის ექსპონატები. გაეცნენ კავკასიის მინერალებსა და ქანებს, ცხოველთა სამეფოს წარმომადგენლებს, დმანისელ ადამიანებსა და არქეოლოგიური გათხრების შედგეად მოპოვებულ მასალას. დამრიგებელი: ეთერ ოქრუაშვილი;
ბუნების მასწავლებელი : თინათინ ზარდიაშვილი

22 და 27 მაისს II ( ბ ) კლასის მოსწავლეებმა პროექტის, ,,გავუფრთხილდეთ ბუნებას ჯანსაღი ცხოვრებისთვის", ფარგლებში განახორციელეს შემდეგი აქტივობები:
1.შეხვდნენ სკოლის ექიმს. ექიმმა საინტერესოდ ისაუბრა ჯანსაღი ცხოვრების წესზე.
2. მოსწავლეებმა დიდი ენთუზიაზმით დაასუფთავეს სკოლის ეზო.
კლასის ხელმძღვანელი: შორენა ჯიშკარიანი

მიმდინარე წლის 24 მაისს V (გ) კლასის მოსწავლეებმა წარმოადგინეს ემოციებით სავსე ღონისძიება სახელწოდებით "გაუმარჯოს ყველას"-ფიროსმანი. ბავშვებმა გააცოცხლეს ფიროსმანის ნახატები. დადებითი ემოციებით აღსავსე დღე, რომელიც დიდხანს გაყვება თვითვეულ ჩვენგანს,მადლობა ჩვენს ძვირფას და უნიჭიერეს ბავშვებს❤️❤️❤️

მასწავლებლები: ია ბაგიშვილი, თეა არზიანი,ეკა ბარნაბიშვილი

24 მაისს, მე-9 კლასის მოსწავლეთა ჩართულობით შედგა შეხვედრა საქართველოს უნივერსიტეტის პროფესორ, რელიგიის თავისუფლების ინსტიტუტის დირექტორთან, ბატონ არჩილ მეტრეველთან.
თემა: არასრულწლოვანთა და მათი მშობლების რელიგიისა და რწმენის თავისუფლება.
სიამაყით გვინდა აღვნიშნოთ, რომ ბატონი არჩილი ჩვენი, 143 -ე სკოლის, ნამოწაფარია! ❤
მადლობა მას მობრძანებისა და ძალიან საინტერესო ლექციისათვის.
შეხვედრის ორგანიზატორი: ნათია ყურაშვილი. მონაწილე პედაგოგები: ნანა დანელია, ლიკა კომლაძე, მზია პაპუნაშვილი.

მშობელთა ჩართულობა სასკოლო ცხოვრებაში მოსწავლეთა მოტივაციის ამაღლების ერთ-ერთი წინაპირობაა. სწორედ ამიტომ II (გ) კლასში დაიგეგმა და 23 მაისს ჩატარდა ,,მხიარული სტარტები". პროცესი ძალიან სახალისო და საინტერესო გამოვიდა. მადლობა მშობლებს აქტიური ჩართულობისთვის!😍
დამრიგებელი: ნეკო ლაცაბიძე
სპორტის პედაგოგი: ოლიკო ზვადიშვილი. ❤️

საოცარი შთაბეჭდილებებით სავსე დღე 143-ე სკოლის ნიჭიერ მერვეკლასელებთან ერთად.❤❤❤☀️☀️☀️
ბავშვებმა გააცოცხლეს ეგზიუპერის ,, პატარა უფლისწულის" პარსონაჟები და შეეცადნენ ,თავიანთი გულწრფელი ემოციებით, გადმოეცათ ის,რისი დანახვაც მხოლოდ გულით შეიძლება.💖💖💖💖💖
მადლობას ვუხდით ქეთევან მანიას, ეკა ბარნაბიშვილსა და მოსწავლეებს დაუვიწყარი შთაბეჭდილებებისა და დაუღალავი შრომისთვის!💖💖💖💖

მიმდინარე წლის 22 მაისს V (3), VIII, IX, XI კლასის მოსწავლეები ეწვივნენ მუზეუმს. მუზეუმი წარმოადგენს ცნობილი ქართველი მხატვრის – ნიკო ფიროსმანაშვილის (1862-1918) მირზაანის სახლ-მუზეუმის ფილიალს და ყოფილ საცხოვრებელ ბინას, სადაც მან სიცოცხლის უკანასკნელი წლები გაატარა. მუზეუმში დაცულია მხატვრის რამდენიმე სურათის ასლი (ორიგინალები დაცულია შ. ამირანაშვილის სახ. ხელოვნების მუზეუმში და მირზაანის სახლ-მუზეუმში), პირადი ნივთი, ჭურჭელი და სხვა.
პედაგოგები: ნინო ონიანი,ია ბაგიშვილი,ეკა ბარნაბიშვილი

ბოლო ზარი დამთავრების სიმბოლოა, ის ერთდროულად მხიარული და სევდიანი დღესასწაულია.

დაირეკა ბოლო ზარი 143 - ე საჯარო სკოლაში... გაცისკროვნებული თვალები, " პირსიცილიანი " მომავალი თაობა ეთხოვება სკოლას. ცოდნის ტაძარს, რომელმაც საფუძველი ჩაუყარა მათი პიროვნული ღირებულებების ჩამოყალიბებას.

❤️ სკოლის დამთავრებას გილოცავთ, ჩვენო კეთილო, სათნო და ჭკვიანო ბავშვებო. დაგილოცავთ იმ მომავლის გზას, რომელზეც მუდამ გაბრწყინებულები ივლით. თქვენი სკოლა ყოველთვის იამაყებს თითოეული თქვენგანის ულევი წარმატებით. კეთილ სურვილებს თან გაგაყოლებთ მომავლის გზაზე, გზაზე,რომელზეც თქვენ ღირსეულად უნდა იაროთ. ❤️

❗️2024-2025 სასწავლო წლისთვის ზოგადსაგანმანათლებლო დაწესებულებებში პირველკლასელთა საყოველთაო რეგისტრაცია 20 მაისს, 09:00 საათზე დაიწყება და
13 ივნისის ჩათვლით გაგრძელდება.

🔻რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე -registration.emis.ge. რეგისტრაციას უზრუნველყოფს მშობელი/კანონიერი წარმომადგენელი. ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 14 ივნისიდან 25 ივნისის ჩათვლით განხორციელდება.

☑️პირველ კლასებში არსებული ადგილების რაოდენობის შესამოწმებლად გადადით ბმულზე: https://skolebi.emis.ge/ და მოძებნეთ სასურველი.

🔻პირველკლასელთა საყოველთაო რეგისტრაციის ინსტრუქცია იხილეთ:https://elfiles.emis.ge/uploads/emis/pirvelklaselta-registraciis-instruqcia.pdf

💛 სიამაყით გაცნობებთ,რომ

🇪🇺 სულხან-საბა ორბელიანის უნივერსიტეტის მხარდაჭერით ჩატარდა ესეების კონკურსი ევროპის დღეების ფარგლებში.

მოსწავლეებს, ესესთვის, შეთავაზებული ჰქონდათ 2 თემა:

1) სისტემას შეწირული ადამიანები (საბჭოთა რეჟიმის მაგალითზე)

2) გამოხატვის თავისუფლების მნიშვნელობა არადემოკრატიულ ქვეყნებში

143-ე საჯაროს სკოლის მე-10 მეორე კლასის მოსწავლემ, მარიამ მაღრაძემ ( ქართული ენისა და ლიტერატურის პედაგოგი: ეკა ქართველიშვილი), აღნიშნულ კონკურსში დაიმსახურა პირველი ადგილი. ვულოცავთ მარიამს ამ დიდ წარმატებას და ვუსურვებთ წინსვლას მომავალში.

14 მაისს II (ბ) კლასის მოსწავლეებმა და მშობლებმა გამართეს ,,მხიარული სტარტები" დამრიგებელი: შ.ჯიშკარიანი, სპორტის მასწავლებელი: ოლიკო ზვადიშვილი. წარმატებები პატარებს!

ჩვენი სკოლის XI (ა) კლასის მოსწავლე, ბარბარე მამისეიშვილი ,ევროპის ახალგაზრდული პარლამენტის ( European youth parliament) სპეციალური მიწვევით ,ერთი კვირით ,იმყოფებოდა ბელგიაში, სადაც მონაწილეობა მიიღო საერთაშორისო სამუშაო შეხვედრებში. აღსანიშნავია, რომ საქართველოდან მხოლოდ ოთხი მოსწავლე შეირჩა. პროგრამა ინგლისურ ენაზე განხორციელდა და მასში ევროპის სხვადასხვა ქვეყნის ახალგაზრდა წარმომადგენლები იღებდნენ მონაწილეობას. სესიები მოიცავდა საინტერესო დისკუსიებს, დებატებს, ჯგუფურ სამუშაოებს, ადგილობრივი სანახაობების დათვალიერებასა და სხვა მრავალ საინტერესო აქტივობას.
ევროპის ახალგაზრდული პარლამენტი არის პლატფორმა, რომელიც აერთიანებს ახალგაზრდებს მთელი ევროპიდან, რათა განიხილონ აქტუალური საკითხები.

ჩვენი სკოლის XI (ა) კლასის მოსწავლე სოფიკო სიმონიშვილი მონაწილეობდა მოსწავლეთა 77-ე ეროვნულ კვლევით კონფერენციაზე. სოფიკომ წარმატებით გაიარა ყველა შესარჩევი ეტაპი. მოხსენების თემა: ,,ფიზიკის როლი დიაგნოსტიკის თანამედროვე მეთოდების განვითარებაში”. მასწავლებელი: თინათინ ზარდიაშვილი

მიმდინარე წლის 25 აპრილს V (ა) კლასის მოსწავლეებმა ინგლისურ-ქართულ ენაზე წარმოადგინეს ღონისძიება -"დედამიწა ავადაა, დედამიწას უნდა შველა, აბა ჩქარა პლანეტებო, ფეხზე უნდა დავდგეთ ყველა".
პედაგოგები: თინათინ ზარდიაშვილი, ეთერ ოქრუაშვილი, მზია გაგნიძე.

26 აპრილს VIII (ბ) კლასი ისტორიის და
გეოგრაფიის პედაგოგებთან ერთად
იმყოფებოდა საქართველოს ეროვნულ
მუზეუმში,სადაც მოინახულეს
საქართველოს ქვის ხანის დარბაზი და
ასევე კავკასიის ბიომრავალფეროვნების
განყოფილება.გაეცვნენ ბევრ საინტერესო
ფაქტს, იხილეს მნიშვნელოვანი
ექსპონატები. უნდა აღინიშნოს, რომ
მოსწავლეებისთვის გასვლითი
გაკვეთილი მუზეუმში საინტერესო და
დასამახსოვრებელი
აღმოჩნდა. პედაგოგები: მ.ედიბერიძე;
ნ.მახარაძე

VII (ა) კლასის მოსწავლეებმა, კლასის დამრიგებლის, თამარ ჭეილიძის, ხელმძღვანელობით განახორციელეს პროექტი სახელწოდებით " დედამიწაზე სიცოცხლე ჩვენი საზრუნავია!" მოსწავლეებმა მოამზადეს პოსტერები კლიმატის ცვლილებებსა და მის წინააღმდეგ ბრძოლის გზებზე, გამართეს პრეზენტაციები, პროექტის დასასრულს იმყოფებოდნენ ბოტანიკურ ბაღსა და სიმონ ჯანაშიას სახელობის ეროვნული მუზეუმის კავკასიოლოგიის განყოფილებაში.

“ქმედება იძლევა რეალურ შედეგებს” სწორედ ამიტომ 143- ე საჯარო სკოლის მე-7 გ კლასის მოსწავლეებმა ფიზიკის მასწავლებლის შორენა შინჯიკაშვილის ხელმძღვანელობით, დედამიწის დღესთან დაკავშირებით მიძღვნილ აქტივობის ფარგლებში, უარი თქვეს პოლიეთილინის პარკის გამოყენებაზე. ამით ისინი შეეცადნენ საზოგადოებისთვის მიეცათ პირადი მაგალითი. მათ ძველი თბილისის ქუჩები მოარეს მოსწავლეების ხელით შქმნილი საინფორმაციო შინარსის მქონე ეკომეგობრული ჩანთებით. გიდობას გვიწევდა, პროფესიონალი გიდი, ლელა გიორგაძე (ჩვენი მშობელი), მისი დამსახურებით დღე იყო შემეცნებითი, შემოქმედებითი და საინტერესო, რისთვისაც მას უხდით მადლობას.

მიმდინარე სასწავლო წელს SEU-სა და ტურისტული კომპანია Discover Georgia-ს ორგანიზებით ჩატარდა კონკურსი თემაზე, „მემკვიდრეობის ტურიზმი: წარსულის გახსენება და მომავლის ფორმირება“. მოსწავლეებმა შექმნეს ერთდღიანი ტურები საქართველოს სხვადასხვა კუთხის მოსანახულებლად.
143-ე საჯარო სკოლის მე-10 კლასის მოსწავლემ ლიკა გოგრიჭიანმა შექმნა რაჭის ტური, სახელწოდებით, „ტური მიწიერ სამოთხეში“. 12 აპრილს საქართველოს ეროვნული უნივერსიტეტის მიერ, ლიკა გოგრიჭიანი და 143-ე საჯარო სკოლის გეოგრაფიის მასწავლებელი, მაგდა ედიბერიძე, მიწვეულ იქნენ პროექტში მონაწილე წევრების ნაშრომების გასაცნობად. მე-10 კლასის მოსწავლეს, ლიკა გოგრიჭიანსა და 143-ე საჯარო სკოლას გადაეცა მადლობის სიგელი.