Learn with Nataly

1937 წლის რეპრესიების დროს, პეტრე ოცხელი ვასო აბაშიძის მიწვევით მოსკოვში იმყოფებოდა, სადაც შილერის "ვერაგობა და სიყვარულზე" მუშაობდა. სექტემბერში, რეჟისორთან ერთად ის და გიორგი ჟორდანიაც დააპატიმრეს და სამივეს დახვრეტა მიუსაჯეს. ბრალდება აბსურდული იყო - მოსკოვის მცირე თეატრის დირექტორ სერგო ამაღლობელის მიერ შექმნილი კონტრრევოლუციურ-ტერორისტული ორგანიზაციის წევრობა. განაჩენი 2 დეკემბერს აღასრულეს, მაგრამ ოფიციალური ცნობის მიხედვით, ის თითქოს გადასახლებაში იხდიდა სასჯელს და ოჯახიც ათწლეულების განმავლობაში ელოდა მის დაბრუნებას. მხოლოდ 1991 წელს გაირკვა სიმართლე, როცა თეატრმცოდნე ვასილ კიკნაძემ ოცხელის დახვრეტის ოქმს მიაკვლია.

ქართულ თეატრში ის 1927 წელს გამოჩნდა; როცა კოტე მარჯანიშვილი მის მიერ გაფორმებულ "ცეცხლის გამჩაღებლებს" დაესწრო მუშათა თეატრში, ჯერ კიდევ აკადემიის სტუდენტი იყო, თუმცა რეჟისორმა მაშინვე შეამჩნია გამორჩეული ხელწერა, რაც დღემდე მხოლოდ პეტრესთვისაა დამახასიათებელი და მასთან სამუშაოდ მიიწვია. მიუხედავად იმისა, რომ თეატრში ყველა აღფრთოვანებული არ შეხვედრია რეჟისორის გადაწყვეტილებას, მის გარდაცვალებამდე (1933 წ.) ერთად 15 სპექტაკლზე იმუშავეს. მათ შორისაა: "ურიელ აკოსტა", "ხატიჯე", "მშენებელი სოლნესი", "მუნჯები ალაპარაკდნენ", "ოტელო".

გარდა მჭიდრო პროფესიული კავშირისა, მას და მარჯანიშვილს მეგობრული და მამა-შვილური ურთიერთობა ჩამოუყალიბდათ, რაც პირად წერილებშიც იკითხება, სადაც მარჯანიშვილი წერს: "როგორ არის შენი ჯანმრთელობა? გახსოვდეს, რომ შენი ჯანმრთელობა ჩემი ერთ-ერთი ქრონიკული საწუხარია." ან "სიკვდილი არ არსებობს! სიკვდილი სულელური სიტყვაა! სწორედ ის, რაც დარჩება შენს შემდეგ, არის გამარჯვება სიკვდილზე, ანუ სამარადისო დავიწყებაზე!" და სხვ.
ოცხელის ესკიზები ყველას აღფრთოვანებას იწვევდა, რაც აღიზიანებდა კიდეც, რადგან ვერ იჯერებდა, როგორ შეიძლებოდა ყველა ნამუშევარი გამორჩეულად კარგი ჰქონოდა. თუმცა გარდა სცენისა, ისინი დამოუკიდებლადაც სრულფასოვნად არსებობდნენ, არა როგორც კოსტიუმებად, არამედ გმირების მხატვრულ სახეებად. შეიძლება ეს დეტალი აღმოჩნდა მისთვის როგორც საჩუქარი, ასევე წყევლაც, რადგან სწორედ ინდივიდუალიზმთან მებრძოლი საბჭოთა იდეოლოგიისთვის საფრთხისშემცველაც ჩათვალეს.

მისი შემოქმედება სულ 31 სპექტაკლის სცენოგრაფიას, ჩანახატებს, რამდენიმე ფერწერულ ნამუშევარსა და "მფრინავი მღებავისთვის" შესრულებულ დეკორაციებსა და კოსტიუმების ესკიზებს მოიცავს.

Learn with Nataly-ს გუნდი ვირჩევთ ევროპულ მომავალს და ვუერთდებით ქართველი ხალხის პროტესტს "რუსულ კანონთან" დაკავშირებით!

არა - რუსეთს!
კი - ევროპას! 🇪🇺🇬🇪

14 აპრილს საქართველოში დედაენის დღე აღინიშნება 🇬🇪

1978 წლის 24 მარტს, გაზეთ „კომუნისტში“ საქართველოს სოციალისტური რესპუბლიკის კონსტიტუციის ახალი რედაქცია გამოქვეყნდა, რომლის მიხედვით იმავე წლის 14 აპრილს, ქართული ენის, როგორც სახელმწიფო ენის სტატუსი უქმდებოდა. საბჭოთა საქართველოს სახელმწიფო ენა, ქართულის ნაცვლად რუსულით უნდა ჩანაცვლებულიყო. საბოლოოდ, ჩვენი მოქალაქეების პროტესტი 60 ათასიან მასშტაბურ აქციაში გადაიზარდა და საბჭოთა კავშირის ლიდერებმა, საკუთარი ინტერესების გატარება ვერ გაბედეს და უკან დაიხიეს. თბილისში გამართულმა ამ საპროტესტო გამოსვლებმა ქართულ ენას სახელმწიფო ენის სტატუსი შეუნარჩუნეს.

1990 წელს, 14 აპრილი დედაენის, ქართული ენის დაცვის დღედ ოფიციალურად გამოცხადდა!

მშობლიური ენა ერის იდენტობის, კულტურული მემკვიდრეობის დაცვისა და განვითარების უნიკალური ინსტრუმენტია, რომლის მოფრთხილებას, შენარჩუნებას და გავრცელებას დიდი მნიშვნელობა აქვს ქვეყნის კულტურული თუ პოლიტიკური მომავლისთვის. ბოლო დროს, ხშირია დეზინფორმაციები ევროკავშირსა და მის მიერ გატარებულ პოლიტიკასთან წევრის ქვეყნების სახელმწიფო ენებთან დაკავშირებით;
არადა ევროკავშირის ერთ-ერთი დამფუძნებელი პრინციპია მულტილინგვიზმი, რაც მრავალენოვანი გარემოს პატივიცემას და დაცვას გულისხმობს. ეს მიდგომა მას სხვა ორგანიზაციებისგანაც გამოარჩევს, რადგან მხარს უჭერს მულტილინგვისტურობას თავის პროგრამებშიც და მისი ინსტიტუტების მუშაობაშიც. ორგანიზაცია ცნობილია კულტურული და ენობრივი მრავალფეროვნებით და წევრ ქვეყნებში სალაპარაკო ენები მისი კულტურული მემკვიდრეობის არსებითი და ხელშეუხებელი ნაწილია.

ყოველ ჯერზე, როცა ევროკავშირს ახალი წევრები უერთდებიან, ოფიციალური ენების რაოდენობა იზრდება. მის მოქალაქეებს უფლება აქვთ გამოიყენონ 24 ოფიციალური ენიდან რომელიმე ევროკავშირის ინსტიტუტებთან კომუნიკაციისთვის, ხოლო ინსტიტუტები ვალდებულნი არიან უპასუხონ იმავე ენაზე - ეს დადგებილია ევროპული საბჭოს მიერ N1 რეგლამენტით - ევროპარლამენტის დებატები, სესიები და კონფერენციები, ასევე ოფიციალური ჩანაწერები და დოკუმენტები ითარგმნება ყველა ოფიციალურ ენაზე. აქედან გამომდინარე ითვლება, რომ ევროპარლამენტი თარჯიმნების ყველაზე დიდი დამსაქმებელია მსოფლიოში 350 მუდმივი თარჯიმანით, რომლებსაც პიკის პერიოდში უერთდება დაახლოებით 400 ე.წ. Freelancer თარჯიმანი.

#14აპრილი #დედაენისდღე #საქართველო #ევროკავშირი

2011 წლის 19 ოქტობმერს, ქოლდფლეიმ მათი ყველაზე ცნობილი სინგლი , სტივ ჯობსის ხსოვნისადმი მიძღვნილ საღამოზე დაუკრა. გამოსვლამდე კრის მარტინმა თქვა: „ეს სიმღერა სტივ ჯობსისთვის 10 წლის წინ შევასრულეთ და მაშინ მან გვითხრა, რომ Yellow არაფრად ვარგა და პოპლარულობასაც ვერ მივაღწევდით".

კრის მარტინმა, ფილიპ ჰორკის ნაშრომის Child's Reflections, Cold Play-ს წაკითხვისთანავე გადაწყვიტა თავისი ბენდისთვის ქოლდფლეი დაერქვა, თუმცა იდეა რამდენიმე წელი ვერ განახორციელა.

ქოლდფლეიმდე მან რამდენიმე ბენდში სცადა დაეკრა, თუმცა პირველივე ბენდი მსმენელმა მაშინვე დაიწუნა. 1996 წელს ლონდონის საუნივერსიტეტო კოლეჯში გადასვლისას კრისმა მისი მომავალი ჯგუფის წევრები გაიცნო და წლის ბოლოს უკვე ჩამოყალიბებული ჰქონდათ ბენდი Starfish. 1998 წლის დასაწყისში კი საბოლოოდ შეთანხმდნენ -ს სახელით დაეკრათ.

ქოლდფლეი იმ მცირე ბენდებს შორისაა, რომელთა სიმღერებიც კოსმოსში გაჟღერდა. 2021 წელს, მათი მე-9 სტუდიური ალბომის სინგლის -ის პრემიერა კოსმოსში გაიმართა.
ჩართვისას ორბიტაზე ფრანგი ასტრონავტი ტომას პესკე იმყოფებოდა, რომელიც ბენდის წევრებს ლაივში ჩაერთო.

ბენდი ძირითადად ალტერნატიული როკსა და პოსტ-ბრიტპოპს აერთიანებს, თუმცა არც ექსპერიმენტებს ერიდებიან და ბოლო წლებში ელექტრონული მუსიკის ელემენტებსაც იყენებენ. თავიდანვე შეთანხმდნენ რამდენიმე წესზე, რათა ჯგუფი სრულად და დაუნაწევრებელად შეენარჩუნებინათ; ეს იყო, ფინანსური თანასწორობა - მოგება მათ შორის დღემდე თანაბრად ნაწილდება. და მძიმე ნარკოტიკების აკრძალვა - თუ რომელიმე მათგანი მათ მოხმარებას დაიწყებდა ჯგუფიდან წავიდოდა. ალბათ ესაა ერთ-ერთი მიზეზი, როს გამოც როკ-მუსიკის ინდუსტრიაში დღემდე კარგი ბიჭების სახელით სარგებლობენ.

💡 ტრადიციულად ვაგრძელებთ ინგლისური იდიომების სერიას.

🇬🇧 Learn with Nataly-ს უცხო ენების შემსწავლელ სკოლაში ინგლისური ენის შესწავლა ან გაუმჯობესება შეგიძლიათ როგორც ქართველ, ისე Native speaker მასწავლებლებთან.

💬 კურსზე რეგისტრაციისთვის ან დამატებითი ინფორმაციის მისაღებად, მოგვწერეთ ან დაგვირეკეთ: +995 599 012 605

#ინგლისური #ინგლისურისკურსი #ინგლისურისგაკვეთილები #ინგლისურიმარტივად

სერიალ -ის წინა ორი სეზონის წარმატებისგან გამომდინარე უკვე ოფიციალურად დაუმტკიცდა მე-3 და მე-4 სეზონი.

თავიდან ეს წარმატება თვითონ სერიალის შემქმნელებისთვისაც კი გასაკვირი აღმოჩნდა, პილოტის გაშვებისთანავე ის ტოპ ხუთეულში მოხვდა. სერიალი მთლიანობაში 10 ემის მფლობელია კომედიის ჟანრში, რომელიც ხშირად იწვევს დაბნეულობას რადგან სამზარეულოს სტრესული ყოველდღიურიურობის და მთავარი პერსონაჟების ფსიქოლოგიური მდგომარეობიდან გამომდინარე, მას კომედიასთან საერთო ნაკლებად აქვს. თუმცა ამის მიზეზი არა ჟანრი, არამედ სერიების ხანგრძლივობაა, რომელიც მხოლოდ 30 წუთია.

მთავარი პერსონაჟი კარმი ბერზატო (ბერზატოების ზედმეტსახელიც Bear, მათი გვარიდან იღებს სათავეს), რომელიც აშშ-ს საუკეთესო რესტორნის შეფია, ძმის თვითმკვლელობის შემდეგ ოჯახის სასენდვიჩეში ბრუნდება და ცდილობს ძმის მიერ დატოვებული და გაკოტრების პირას მისული ობიექტი გადაარჩინოს, რაც მისი ოცნება იყო, როცა კულინარიის აკადემია დაამთავრა, თუმცა უფროსი ძმა არ აძლევდა საოჯახო ბიზნესში გარევის უფლებას. ჩიკაგოში დაბრუნების შემდეგ კარმი თანდათან იგებს მისი ძმის მიზეზებს და კიდევ უფრო ეფლობა თავისი დისფუნქციური ოჯახის პრობლემებში, რომლისგან გაქცევას მუდმივად ცდილობდა.

სერიალის ტემპი მუდმივად მშფოთვარე, დაძაბულ და ისტერიულ ტალღაზეა, იდეალურად არის ნაჩვენები სამზარეულოს ცხოვრების კიდევ უფრო "შიდა სამზარეულო", ყოველგვარი შელამაზების და რომანტიზირების გარეშე. პერსონაჟების განვითარების ჭრილში მე-2 სეზონი კიდევ უფრო წარმატებული აღმოჩნდა, ფლეშბექ ეპიზოდის Fishes-ში კი ჯეიმი ლი კერტისი, ბობ ოდერნიკი და სარა პოლსონი არიან მოწვეული მსახიობები. მომდევნო სერიებში კი უილ პოლტერს და ოლივია კოლმანსაც იხილავთ.

ბოლო ათწლეული სერიალების აღზევების ხანად ითვლება და თითოეულ პროექტს სადაც ცნობადი სახეები მოიაზრებიან, აუდიტორია დიდი ინტერესით ელოდება და ალბათ ყველას გვახსოვს, როცა 3 წლის წინ -მ ბერგმანის -ს რიმეიქი გადაიღო ჯესიკა ჩესტეინის და ოსკარ აიზეკის მონაწილეობით. თვითონ ბერგმანის ვერსია 1974 წელს გამოვიდა და ერთ-ერთ ისეთ ნაშრომად იქცა, რომელიც კულტურის შემდგომ განვითარებაზე წარუშლელ კვალს ტოვებს. ეს წანარმოები, ისევე როგორც სხვა დანარჩენი მისი შემოქმედებიდან პირადი ცხოვრებით იყო ნაკარნახევი. სცენარი სატელევიზიო მინი სერიებისთვის კი ლივ ულმანთან ურთიერთობამ შთააგონა, რომელიც მისი მუზა იყო სიცოცხლის ბოლომდე და რომელთანაც სასიყვარულო ურთიერთობაში იყო1965-70 წლებში. სერიალში მთავარი როლიც ულმანმა შეასრულა.

რეჟისორმა ლივი -ს გადაღებებისას გაიცნო და შეუყვარდა. შეიძლება ითქვას, მისით შეპყრობილიც კი იყო. მიუხედავად იმისა, რომ გადაღებებისას ორივე მათგანი სხვებთან იყვნენ ქორწინებაში, ბერგმანმა ლივთან შეუთანხმებლად კუნძულ ფეროზე მათთვის სახლის მშენებლობა წამოიწყო. ამას მოჰყვა 5 წლიანი თანაცხოვრება და 40 წლიანი თანამშრომლობა. თუმცა შვედი პრინცესასთვის რეჟისორი იმ ურჩხულად რჩებოდა, რომელიც პრინცად ვერასდროს გადაიქცევა. დაშორების შემდეგ ინტერვიუებში ლივი იხსენებდა, რომ სახლი კუნძულზე ციხეს უფრო წარმოადგენდა მისთვის, ვიდრე ოჯახურ გარემოს, ხოლო ბერგმანი უფრო და უფრო მესაკუთრე და ეჭვიანი ხდებოდა.

რეჟისორი 5-ჯერ იყო დაქორწინებული, თუმცა მათ შორის ლივი არცერთი იყო. მისი ურთიერთობა ცოლებთან, საყვარლებთან, მშობლებთან, ძმასთან; ასევე ბავშვობის დროინდელი მოგონებები, ყველაფერი ნამდვილი ხელოვანის სულისკვეთებით გადმოიტანა სცენარებში და პიესებში. მიუხედავად იმისა, რომ აუდიტორია ბერგმანს როგორც დიდ კინორეჟისორად იცნობს, ის თეატრშიც ისეთივე წარმატებული იყო, როგორც კინოში. მისი ავტობიოგრაფიაც (ქართულად ითარგმნა 2012 წელს ლიკა ჩაფიძის მიერ), სათაურის მიუხედავად, ძირითადად თეატრზეა, ასევე მის ბავშვობაზე და ურთიერთობებზე, სადაც ბერგმანი საერთოდ არ ერიდება აუდიტორიას და შეულამაზებლად ყვება მის შიშებზე, ნაკლოვანებებზე და წარუმატებლობებზე, მას სულ სხვა თვალით გვანახებს.

წლევანდელი ოსკარის დაჯილდოვება ერთ-ერთი გამოერჩეული იყო - "ოპენჰაიმერმა" მოლოდინები გაამართლა და შეიძლება ითქვას, მათ გადააჭარბა კიდეც; 7 ოსკარი დაემატა ფილმის სხვა უამრავ ჯილდოს.

"საბრალო ადამიანებსა" და "ბარბის" შორის მიმდინარე დისკუსიები, თუ რომელი იმსახურებდა გამარჯვებას კოსტუმების, გრიმებისა და ვარცხნილობების კატეგორიაში, საბოლოოდ "საბრალო ადამიანების" სასარგებლოდ გადაწყდა.

"ბარბის" კი მხოლოდ ერთი ოსკარი ერგო ბილი აილიშის წყალობით, საუკეთესო ორიგ. სიმღერის ნომინაციაში.

ერთ-ერთი გულისამაჩუყებელი და დასამახსოვრებელი გამოსვლა ჰქონდა კილიან მერფის სამადლობელო სიტყვისას; ასევე მსტისლავ ჩერნოვს, რომელმაც თქვა, ჯილდოს მაშინვე დათმობდა ოღონდ "20 დღე მარიუპოლში" გადაღება საერთოდ არ გამხდარიყო საჭირო.

კრისტოფერ ნოლანს კი ოსკარი "ოპენჰაიმერისთვის" სტივენ სპილბერგმა გადასცა, რაც რეჟისორისთვის ორმაგი პატივის აღმნიშვნელი აღმოჩნდა.

⭐ გამარჯვებულთა სია კი ასე გამოიყურება:
საუკეთესო ფილმი -
საუკეთესო რეჟისორი - კრისტოფერ ნოლანი (Oppenheimer)
საუკეთესო მსახიობი კაცი (მთავარი როლის შემსრულებელი) - კილიან მერფი (Oppenheimer)
საუკეთესო მსახიობი ქალი (მთავარი როლის შემსრულებელი) - ემა სტოუნი ( )
საუკეთესო მსახიობი კაცი (მეორეხარისხოვან როლში) - რობერტ დაუნი უმცროსი (Oppenheimer)
საუკეთესო მსახიობი ქალი (მეორეხარისხოვან როლში) - დევაინ ჯოი რენდოლფი ( )
საუკეთესო ორიგ. სცენარი -
საუკეთესო ადაპტირებული სცენარი -
საუკეთესო სრულმეტრაჟიანი ანიმ. ფილმი -
კინემატოგრაფია - Oppenheimer
საუკეთესო კინომონტაჟი - Oppenheimer
კოსტიუმების საუკეთესო დიზაინი - Poor Things
საუკეთესო სრულმეტრაჟიანი დოკ. ფილმი -
საუკეთესო მოკლემეტრაჟიანი დოკ. ფილმი -
საუკეთესო საერთაშორისო ფილმი - (UK)
საუკეთესო გრიმი და ვარცხნილობა - Poor Things
საუკეთესო მოკლემეტრაჟიანი ანიმ. ფილმი - ! Inspired by the Music of John & Yoko
საუკეთესო მოკლემეტრაჟიანი Live Action ფილმი -
ხმის საუკეთესო რეჟისურა - The Zone of Interest
საუკეთესო ორიგ. კინომუსიკა - Oppenheimer
საუკეთესო ორიგ. სიმღერა - ბილი აილიშის ? ( )

🌱🌸 გაზაფხულის მოსვლის აღსანიშნავად მომდევდო იდიომად "Spring" შეგირჩიეთ. იდიომებშიც "Spring", ისევე როგორც წელიწადის ეს სეზონი, ძირითადად სიახლესთან, იმედიანობასთან, გამოცოცხლებასთან და დადებით განწყობებთან ასოცრიდება.

👆 არ დაგავიწყდეთ, ჩვენს სკოლაში ინგლისური ენის შესწავლა ან გაუმჯობესება შეგიძლიათ როგორც ქართველ, ისე Native speaker მასწავლებლებთან.

🥰 კურსზე რეგისტრაციისთვის მოგვწერეთ პირად შეტყობინებაში ან დაგვირეკეთ ნომერზე: +995 599 012 605

პიკასოს ე.წ. ცისფერი პერიოდის (Período Azul) ნამუშევრებმა, რომლებიც მისი ადრეული შემოქმედებიდან დღეს ყველაზე პოპულარულია, თავის დროზე ცუდი გავლენა მოახდინა მის რეპუტაციაზე და ფინანსურ მდგომარეობაზე.

ეს პერიოდი 1901-1904 წლებს მოიცავს და გამოირჩევა ცისფერი და მომწვანო-მოცისფრო ფერების დომინაციით, განწყობა კი, რომელიც ტილოებიდან მოდის ცალსახად სევდიანია. პერსონაჟებიც ძირითადად ღარიბი მხატვრები და მათხოვრები იყვნენ. ჯერ კიდევ 20 წლის პიკასო, რომელიც თავისი სტილის ძიებაშია და ცხოვრებაში კიდევ ბევრჯერ შეიცვლის მიმართულებას, 1901 წელს ესპანეთში მოგზაურობას იწყებს და ამას თან ერთვის, ამავე წლის ბოლოს მისი მეგობარი კაზაგემას სიკვდილის ამბავი.

როგორც მხატვარი წლების შემდეგ აღნიშნავდა: "როცა კაზაგემას სიკვდილის შესახებ გავიგე, მაშინ დავიწყე ლურჯ ფერში ხატვა".
ამას თან დაერთო გლოვისგან გამოწვეული დეპრესიული ფონი. აქამდე ზედმეტად სოციალური პაბლო, საკუთარ თავში ჩაიკეტა და შემოქმედებაშიც ისეთი თემებისკენ მიიწევდა, როგორიცაა საზოგადოებისგან ადამიანების გარიყვა და სიღარიბე.

საზოგადოების და კრიტიკოსების პასუხიც იგივე იყო - მათ უბრალოდ უარი თქვეს იმ წლებში მის ნამუშევრებზე, რადგან არავის უნდოდა თავიანთი სახლების კედლებზე მსგავსი ნამუშევრების ხილვა.

ეს ყველაფერი 1904 წლამდე გაგრძელდა და ჩანაცვლდა "ვარდისფერი პერიოდით", რომელიც ბევრად იმედიანი და წარმატებული აღმოჩნდა.

კვირის რეკომენდაცია: "ერთი დღე" 💌

2 კვირის წინ, ნეტფლიქსმა ახალი მინი სერიები გამოუშვა; "ერთი დღე" დევიდ ნიკოლსის ნოველის მიხედვითაა გადაღებული, რომელიც 2009 წელს დაიბეჭდა და მაშინვე ბესტსელერად იქცა.

თუმცა, მინი სერიებამდე შეიძლება უკვე გეცნოთ, როგორც სახელი, ასევე მსგავსი პოსტერები წინა დეკადიდან და დიახ, 2011 წელს გადაღებული ეკრანიზაცია, სადაც ენ ჰეთევეი და ჯიმ სტარჯერსი მონაწილეობენ ამავე ნოველის მიხედვითაა გადაღებული.

როცა საქმე "რიმეიქებს" ეხება, რთულია ერთგული ფანების ან უბრალოდ კინომოყვარულების გული მოიგო. ბევრი დღემდე სენსიტიურად აღიქვამს საყვარელი ფილმის "გაუფასურებას" მორიგი რიმეიქით ან წიგნის "შეურაცხყოფას" კიდევ ერთი ეკრანიზაციით. თუმცა ნეტფლიქსის ახალი მინი-სერიები ნამდვილად გამონაკლისია. გარდა იმისა, რომ 14 ეპიზოდში ჩატეული ემას და დექსტერის 20 წლიანი ურთიერთობა უფრო ახლოსაა წიგნის სიუჟეტთან და ბევრ დანაკლისს უვსებს მაყურებელს, როგორც ემოციურს, ასევე პერსონაჟებთან და მოვლენებთან დაკავშირებით. 2011 წლის ეკრანიზაციისგან განსხვავებით, როცა ენ ჰეთევეი და ჯიმ სტარჯესიც უკვე A კლასის მსახიობებად მოიაზრებოდნენ, ლეო ვუდალი (რომელიც დიდი ალბათობით "თეთრი ლოტუსიდან" გეცნობათ) და ამბიკა მოდი ამომავალი კინოვარსკვლავები არიან. რაც ერთგვარად ხელსაც კი უწყობს მაყურებელს, ბოლომდე მოახდინონ კონცენტრაცია სიუჟეტზე. მიუხედავად იმისა, რომ ასეთ დროს, ზეწოლა მსახიობებზე უფრო მეტია, რადგან ყველა კრიტიკულად განწყობილი ელოდება რამდენად გაამართლებენ მოლოდინს, ლეომ და ამბიკამ მოლოდინს ბევრად გადააჭარბეს.

ორივე გადაღებისას წიგნის ავტორი ბოლომდე იყო ჩართული პროცესში, რაც ხაზს უსვამს ე.წ. creator approval-ს. საბოლოოდ განსხვავება ამ ორ პროდუქტს შორის, არა ხარიხსში, არამედ დროშია - დაახლოებით ხუთჯერ მეტი ეკრანული დრო სრულიად საკმარისი აღმოჩნდა, რომ იდეალური ეკრანიზაცია მიგვეღო.

Happy Valentine's Day! 💌

ვაგრძელებთ ინგლისურში ხშირად გამოყენებადი იდიომების და მათი მნიშვნელობების სერიას, ამჯერად ვალენტინობის თემით.

👆 არ დაგავიწყდეთ, ჩვენს სკოლაში ინგლისურის შესწავლა შეგიძლიათ როგორც ქართველ, ისე Native speaker მასწავლებლებთან.

🥰 კურსზე რეგისტრაციისთვის მოგვწერეთ პირად შეტყობინებაში ან დაგვირეკეთ ნომერზე: +995 599 012 605

მორისონმა ბენდისთვის სახელი , ჰაქსლის The Doors of Perception-ის სათაურიდან აიღო. თვითონ ჰაქსლიმ კი, უილიამ ბლეიკის ლექსიდან The Marriage of Heaven and Hell: "If the doors of perception were cleansed everything would appear to man as it is, infinite". ჯიმმა მეგობრებს გაუზიარა, რომ სურდა ის „აღქმის კარი“ ყოფილიყო და ბენდის სახელიც ერთხმად იქნა მიღებული.

მანამდე მორისონი კალიფორნიის უნივერსტიტეტში კინოს ფაკულტეტზე სწავლობდა, თუმცა, ეს სფერო დიდად არ აინტერესებდა და რეი მანზარეკთან ერთად ბენდის შექმნა გადაწყვიტა, რომელმაც საზაფხულო არდადეგებზე, მისთვის სიმღერის გაკვეთილების ჩატარება თავის თავზე აიღო. ეს გადაწყვეტილება ჯიმს მშობლებთან ურთიერთობის საფასურად დაუჯდა, რომლებიც ბოლოს 1964 წლის შობაზე ნახა.

თავიდან "დორსის" გამოსვლები ძალიან სუსტი იყო, მთავარი მიზეზი ჯიმის სიმორცხვე და გაუბედაობაც იყო, რომელიც ხშირად მაყურბლისგან ზურგით იდგა და ისე მღეროდა. მაგრამ ამას გოგონებისთვის ხელი არ შეუშლია მალევე გამხდარიყვენ მისი ფანები და კითხვებით შეეწუხებინათ ბარების მფლობელები - თუ კიდევ როდის ნახავდნენ "იმ თმიან ბიჭს" ბენდიდან.

წარმატება მეორე სინგლ Light my Fire-ს შემდეგ დაიწყო, რომელიც ჩარტების სათავეში მოხვდა.ჰალუცინოგენების გამოყენებამ კი პირდაპირი და ძლიერი გავლენა მოახდინა მორისონზე და მის პერფორმანსზე, რაც სასცენო იმიჯზეც აისახა და მისტიკური ელფერი შესძინა "ხვლიკების მეფეს".

გარდა "დორსის" შემოქმედებისა, მორისონის პოეზიამაც მიიღო აუდიტორიისთვის საკულტო დატვირთვა, ხშირად რემბოს და ბლეიკის გვერდითაც მოიხსენიებდნენ, რაც ისედაც გამოწვეული იყო მათი ზეგავლენისგან. მისი სასცენო იმიჯი, ჩაცმულობა და მანერები, უკვე არამარტო თაყვანისმცემელი გოგონების, არამედ სხვა მუსიკოსების ინსპირაციაც გახდა.

ბენდის წარმატების პიკში ჯიმის დაღმასვლა დაიწყო, ალკოჰოლის ხშირი მოხმარების გამო, ხშირად ეხვეოდა სკანდალებში, ლაივებისას აუდიტორიასთან კამათობდა ან აპატიმრებდნენ. ყველაზე გახმაურებული დაპატიმრება კი 1969 წლის 1 მარტში იყო, სცენაზე შეუსაბამო საქციელის გამო. ამას თან დაერთო მისი სავიზიტო ბარათის - როკ ვარკვლავის იმიჯის შეცვლა - წონაში მოიმატა, წვერის ტარება და შედარებით ტრადიციულად ჩაცმა დაიწყო.

1971 წელს პატრნიორ პამელასთან ერთად პარიზში გადავიდა, მიზანი - ცხოვრების წესის შეცვლა და პოეზიაზე ორიენტირება იყო, თუმცა რამდენიმე თვის შემდეგ გარდაცვლილი იპოვეს თავის ბინაში.

რამდენიმე თვის წინ ფერზან ოზპიტეკის Nuovo Olimpo გამოვიდა, თურქ-იტალიელი რეჟისორის ალბათ რამდენიმე წარმატებული ფილმი ან სერიალი მაინც გექნებათ ნანახი: The Ignorant Fairies, Facing Windows ან The Ignorant Angels.

Nuovo Olimpo-ში მოქმედება 70-იანი წლების რომში ხდება. ამავე სახეწლოდების კინოს სახლში, სადაც ძველ ფილმებს უჩვენებენ.

პიეტრო, რომელიც მომავალი ქირურგია, რამდენიმე დღით რომში ჩამოდის დედასთან ერთად და სწორედ Nuovo Olimpo-ში იწყება მისი ურთიერთობა ენეასთან, ახალგაზრდა რეჟისორთან.

პიეტროს და ენეას ისტორია, ესაა ამბავი სიყვარულზე და მუდმივ მონატრებაზე. იმაზე თუ რამხელა გავლენას ახდენს "მეორე ნახევარი", თუნდაც შეუმდგარი ურთიერთობიდან, ადამიანის ცხოვრებაზე. ფილმში მოქმედება 70-იანი წლებიდან კიდევ რამდენიმე ათწლეულს მოიცავს და ყოველ ჯერზე, რეჟისორი ხელიდან არ უშვებს შანსს გვაჩვენოს რომის სილამაზე ანდრეა გუერას მუსიკის ფონზე.

ფილმში ქალებს დიდი როლი უჭირავთ მთავარი გმირების ცხოვრებაში - ტიტი, ელისი, ჯულია, პიეტროს დედა - ყველა ძლიერი ქალია, რომლებიც მიყენებული ტკივილის მიუხედავად, საბოლოოდ პიეტროს და ენეას გულშემატკივრებად რჩებიან.

სპოილერი ⚠️
ალბათ სუბიექტურია იმის აღქმა, რანდენად სწორი და ბედნიერი დასასრული აქვს ფილმს - პიეტროც და ენეაც ერთმანეთს სამუდამოდ ემშვიდობებიან და თავიანთ პარტნიორებთან ბრუნდებიან, რომლებთანაც უკვე აკავშირებთ ბედნიერი ცხოვრება, თუმცა რეჟისორი აქ უკვე what if მომენტს გვიტოვებს, რათა უკვთ გავუგოთ მთავარი პერსონაჟებს და იმას თუ რა რთულია ცხოვრება იმ შეგრძნებით, როცა მუდმივად ფიქრობ "რა იქნებოდა თუ ..."

"ქუჩიდან სცენა რესტორანში გადადის, სადაც პიეტრო და ენეა პროტესტის დღეს უნდა შეხვედროდნენ, ისინი პიეტროს დაჯავშნილ მაგიდას უსხედან და მთელი საღამოს განმავლობაში იცინიან და ლაპარაკობენ."

იდიომების, სლენგების და ფრაზალურ ზმნების ცოდნას თანამედროვე სასაუბრო ინგლისურში დიდი ყურადღება ექცევა.

განსაკუთრებით, თუ Native speaker-ებთან მოგიხდათ კომუნიკაცია ხშირია დაბნეულობის მომენტი 🤯

Learn with Nataly აგრძელებს ინგლისურში ხშირად გამოყენებადი იდიომების და მათი მნიშვნელობების სერიას.

👆 არ დაგავიწყდეთ, ჩვენს სკოლაში ინგლისურის შესწავლა როგორც ქართველ, ისე Native speaker მასწავლებლებთან შეგიძლიათ.

🥰 კურსზე რეგისტრაციისთვის მოგვწერეთ პირად შეტყობინებაში ან დაგვირეკეთ ნომერზე: +995 599 012 605

გასულ წელს იტალიელი პროფესორის კარლო ვეჩეს ავტორობით გამოიცა წიგნი "კატერინას ღიმილი, ლეონარდოს დედა". მან და ვინჩის გარდაცვალებიდან 500 წლისთავზე გადაწყვიტა კვლევები ჩაეტარებინა მის წარმომავლობაზე, თუმცა პანდემიის დაწყებამ ხელი შეუშალა. საბოლოოდ კი კვლევამ, რომელიც ოფიციალური ჩანაწერებითაა გამყარებული რომანის სახე მიიღო.

და ვინჩის ხსენებაზე პირველ რიგშ რათქმაუნდა მონა ლიზა ჩნდება ჩვენს გონებაში და ყველა ის ნახატი, რომელიც სასკოლო პროგრამებშია. ხაზი ყოველთვის ესმეოდა იმას, რომ მის სახელს ბევრი გამოგონება ეწერება, თუმცა დაწვრილებით იშვიათადაა განხილული, რადგან მისი ჩანაწერები თუ ჩანახატები თითქმის დაუსრულებელია.

ლეონარდო ალბათ ყველაზე გამორჩეული პოლიმათია ისტორიაში, მის თანამედროვედ არსებულ თითქმის ყველა სფეროზე მოიპოვება ინფორმაცია მის დღიურებში. სადაც ჩანახატების და ჩანაწერების (რომელიც ცალკე ყურადღება იმსახურებს, რადგან მარცხენა ხელით წერდა და სარკისებურად) სახით მოიპოვება ტანკის, ვერტმფრენის, მანქანის, იარაღის, რობოტის თუ მზის ენერგიის გამოყენების საშუალებების წინამორბედები.

აქვეა ანატომიური ჩანახატები, რომელსაც გვამების გაკვეთის შემდეგ აკეთებდა, გეომეტრიული ფიგურები, მათემატიკური ფორმულები - რომელთან საფუძველზე დაყდრნობით მუშაობდა ნახატებზე. 2018 წელს ასევე გამოითქვა მოსაზრება, რომ მას თვალის ფუნქციის იშვიათი მოშლილობა ჰქონდა - წყვეტილი ეგზოტროპია. ეს კიდევ ერთი დეტალია, რომელიც მის ბიოგრაფებს არწმუნებს იმ შესაძლებლობებში, რის გამოც მისი ნახატები გამოირჩევა, რადგან ხელს უწყობდა სამგანზომილებიანი სივრცის, ტილოს ორგანზომილებიან ზედაპირზე გადატანაში (სხვათაშორის მსგავსმა კვლევებმა აჩვენა, რომ სტრაბიზმის ეს ფორმა რემბრანდტს, ედგას დეგასს და პიკასოსაც ჰქონდათ).

უამრავი წიგნის, კვლევების, დოკ. თუ მხატვრული ფილმების შემდეგ, მის პერსონაზე ინტერესი არასდროს წყდება, ბოლო წლებშიც რამდენიმე ფილმი და სერიალი დაემატა ამ გრძელ სიას, რომლებსაც პოსტში იხილავთ.

Learn with Nataly-მ ამ დღეებისთვის საახალწლო განწყობის მატარებელი ფილმები შეგირჩიათ, რომელთა უმრავლესობაც, ალბათ ნანახი გექნებათ, მაგრამ მთელი ხიბლიც იმაშია, რომ კიდევ ბევრჯერ შეგვიძლია ვუყუროთ და ყოველ ჯერზე ვისიამოვნოთ 🎄

1. გრეტა გერვიგის "პატარა ქალები", ამავე სახელწოდების რომანის ეკრანიზაციაა, როგორც წესი დღემდე დავობენ რომ ფილმმა ვერ აჯობა 1994 წლის ეკრანიზაციას, სადაც ნამდვილი ვარსკვლავთცვენა იყო, თუმცა გერვიგის ვერსიაში, მიუხედავად იმისა, რომ რამდენამდე გადახვეულია წიგნისგან, ტიმოთე შალამეს, ფლორენს პიუს, მერილ სტრიპის, ლაურა დენის და კიდევ ბევრ ტოპ მსახიობის საუკეთესო პერფორმანსებს იხილავთ.

2. "ბრიჯიტ ჯონსის დღიურის" გარეშე ახალი წლის წარმოდგენა ცოტათი რთულია. ბრიტანული იუმორით (და აქცენტებით) გაჟღენთილი ბრიჯიტის (რენე ზელვეგერი), მარკ დარსის (კოლინ ფერტი) და დენიელ კლივერის (ჰიუ გრანტი) სასიყვარულო სამკუთხედის დრამები და ისტორია, სუსხიანი და თოვლიანი ლონდონის ფონზე - ალბათ თქვენს watchlist-შიც მუდმივადაა.

3. ჯუდ ლოუ "შვებულების" ალბათ მთავარი სავიზიტო ბარათია, თუმცა მთლიანი ისტორია და ფილმი, იმდენად ზღაპრული და კომფორტულია, გამორიცხულია ერთხელ მაინც არ მოგინდეთ შობის გატარება კეიტ უინსლეტის გმირის სახლში, რომელიც ლონდონთან ახლოს ულამაზეს სოფელში მდებარეობს.

4. ტიმ ბარტონი და ჯონი დეპი დიდი ხანია ჰოლივუდის dream team-ად ითვლება. "მაკრატელხელება ედუარდი", რომელიც მიუხედავად იმისა, რომ ტრაგიკული ისტორიაა, მაინც ატარებს სადღესასწაულო განწყობას და 90-იანების ტიმ ბარტონისეული ფილმის ესთეტიკა შიგადაშიგ დაგავიწყებთ ედუარდის საშინელი ბედის შესახებ.

5. ცოტა ხნის წინ "რეალური სიყვარულის" გამოსვლიდან 20 წელი გავიდა, ბრიტანული რომ-კომი 10 სხვადასხვა ისტორიით, რომლებშიც გმირები ცდილობენ შობის პერიოდში პრობლემებს გაუმკლავდნენ, იცხოვრონ, გადარჩნენ ან უბრალოდ უყვარდეთ.

6. "ელფი" ყველასთვის საყვარელი საშობაო კლასიკაა, უილ ფარელის გმირი, რომელიც ელფებმა გაზარდეს, ერთ დღეს აღმოაჩენს, რომ ნამდვილი ელფი არაა და აქედან იწყება მისი თავგადასავალი ნამდვილი ოჯახის ძიებაში.

7. ყველას უყვარს 2000-იანი ფილმების ესთეტიკა, განსაკუთრებით საშობაო ფილმების, მიუხედავად იმისა, რომ "შობა კრანკებთან" A list-ის ფილმად არ ითვლება, ჯემი ლი კურტისის და ტიმ ალენის გმირები, საშობაო კომედიების ერთ-ერთი გამორჩეული წყვილია, რომლებიც შობის სახლში აღნიშვნას კარიბის ზღვის კუნძულებზე დასვენებას არჩევენ.

8. და ბოლოს კაპრას შედევრი "ეს მშვენიერი ცხოვრება", რომელიც ათწლეულებია საშობაო (და არამხოლოდ) ფილმების სიებში პირველ ადგილზეა, ჯორჯის ისტორია ერთ-ერთი საუკეთესოა ახალი წლის იმედებით დასაწყებად.

ამ კვირაში, ახალ წელთან დაკავშირებული იდიომებით დაგიბრუნდით 🎄🎊

მეტი სასარგებლო კონტენტისთვის მოიწონეთ ან გამოიწერეთ ჩვენი გვერდი 💚

📚 ინგლისური ენის კურსზე რეგისტრაციისთვის მოგვწერეთ ან დაგვირეკეთ: +995 599 01 26 05

#ინგლისურიენა #ინგლისური #ინგლისურიენისსწავლა #ისწავლეინგლისური

ცნობილია, რომ რობერტ პლანტს უკვე ეზიზღება Led Zeppelin-ის შედევრად აღიარებული და როკ'ნ'როლის ისტორიაში ერთ-ერთ საუკეთესო სიმღერად შეფასებული Stairway to Heaven.
წარმოიდგინეთ ამ ინფორმაციით გამოწვეული სტრესი როცა ენ ვილსონმა, თავის ბენდ Heart-თან ერთად 2012 წელს თვითონ პლანტის, პეიჯის და პოლ ჯონის წინაშე შეასრულა სიმღერა.

ზიზღის მიზეზი კი ლედ ზეპელინის ბენდის წევრებისგან, სიმღერის ქავერების სიმრავლეა - ყველგან, ყოველთვის და ყველა ათწლეულში სხვა მუსიკოსების სურვილი, გაეკეთებინათ Staiრway to Heaven-ის ქავერი - სიმღერის ავტორების ზიზღს უფრო და უფრო ზრდიდა, თვითონ პლანტიც აღირებდა რომ ყოველ ჯერზე, გაუმჯობესების მაგივრად უფრო და უფრო მარხავდნენ და აფუჭებდნენ ნამუშევარს.

თუმცა, ენის შესრულება გამონაკლისი აღმოჩნდა, მთელი პერფორმანსის დროს, სადაც სხვადასხვა მუსიკოსები ლედ ზეპელინის სიმღერებს ასრულებდნენ და ამით პატივს მიაგებდნენ ბენდის წევრებს, მხოლოდ Stairway to Heaven-ის შესრულებამ აატირა პლანტი და დანარჩენებს მთელი სიმღერის განმავლობაში ბედნიერი და ღიმილიანი გამომეტყველება არ მოშორებიათ. ვინ შეძლება ამას, თუ არა ენ ვილსონი და მისი ვოლაკური შესაძლებლობები.

სიეტლელი დები ენი და ნენსი ვილსონები 70იანი წლებიდან აქტიურობენ როკის სამყაროში, Heart კი პირველი როკ ბენდი იყო, რომლის ვოკალისტები მხოლოდ ქალები იყვნენ. მიუხედავად იმისა, რომ ისინი 1967 წლიდან გამოჩნდნენ ინდუსტრიაში, მეინსტრიმულ წარმატებას 1977 წელს, მესამე სტუდიური ალმობით Little Queen მიაღწიეს (სხვათაშორის Heart-ის ცნობილი "ბარაკუდა" ამ ალბომის მთავარი სინგლია).

ბენდის დანარჩენი წევრების მუდმივი ცვლილების ფონზე, ასევე დაშლი, დაღმასვლების და ძლიერი comeback-ების ფონზე მათი თითქმის უკვე 60 წლიანი ისტორია 16 სტუდიური ალბომით, ჯერ არ დასრულებულა. ხშირი და დროებითი პაუზების ფონზე, რომლის დროსაც დებს სოლო ტურებიც აქვთ, დროდადრო ერთიანდებიან Heart-ის სახელის ქვეშ და ლაივებს მართავენ.

2023 წელს კი, მათ უამრავ მიღწევებს გრემის Lifetime Achievement Award-ი დაემატა

🍰 დღეს კიდევ ერთ ახალ იდიომას The icing on the cake-ს გაგაცნობთ.

მოიწონეთ ან გამოიწერეთ ჩვენი გვერდი მეტი სასარგებლო კონტენტისთვის 💚👇

🟢 ინგლისური ენის კურსზე რეგისტრაციისთვის მოგვწერეთ ან დაგვირეკეთ: +995 599 01 26 05

#ინგლისურიენა #ინგლისური #ინგლისურიენისშესწავლა #ისწავლეინგლისური #ისწავლეინგლისურიონლაინ

"I don't have time for hobbies" - ბექჰემის ეს ფრაზა, ზუსტად გამოხატავდა მის დამოკიდებულებას ფეხბურთის და ოჯახის მიმართ, მთელი მისი საფეხბურთო კარიერის განმავლობაში. მაშინაც კი, როცა რეალ მადრიდში დარჩენილი მისი ბოლო თვეების განმავლობაში თამაშის უფლება არ ჰქონდა, ბოლომდე გუნდზე იყო ორიენტირებული.

ოქტომბერში ნეტფლიქსმა მინი დოკ-სერიალი გამოუშვა. 4 სერიაში კარგადაა გადმოცემული მისი როგორც, არამარტო პროფესიონალი ფეხბურთელის ისტორია, ასევე ადამიანის რომელმაც, დიდ სიძულვილიც ტალღას გაუძლო წლების განმავლობაში. ზოგადად ნეტფლიქსის მსგავსი დოკუმენტური სერიები დიდი მოწონებით სარგებლობს, თუმცა "ბექჰემი" უდაოდ საუკეთესო ნამუშევარი აღმოჩნდა.

და , 90-იანებიდან მოყოლებული პოპ კულტურის აიქონები იყვნენ, მუდმივი ყურადღების და დაკვირვების ქვეშ მყოფი წყვილის ისტორია, სერიებში სულ სხვანაირადაა ნაჩვენები; საზოგადოებისთვის არც ისე საყვარელი ვიქტორია, ბევრად მისაღები, მხიარული, გულწრფელი და მოწყვლადია, რომელიც ღიად საუბრობს იმ პრობლემებზე, რომლებთანაც გამკლავება მოუხდა როგორც ბექჰემის ცოლს, რომელსაც მუდმივად აკრიტიკებდნენ.

დევიდიც კი, მიუხედავად იმისა რომ ტოპ მოთამაშედ არის აღიარებული, გულწრფელად საბრობს თუ როგორ ანგრევდა და უარყოფითად მოქმედებდა მის კარიერაზე და თითოეულ პერფორმანსზე, ოჯახისგან, ვიქტორიასგან და შვილებისგან შორს ყოფნა.

ფლეშბექებთან ერთად, სერიებში თხრობის ხაზი თანდათან გადმოდის ახლანდელი დევიდის ყოველდღიურობაზე და იმ ტრანსფორმაციაზე, რაც წლების განმავლობაში განიცადა, როგორც მეუღლემ და მამამ. მისი ყოველდღიური რუტინა საფეხბურთო კარიერის დასრულების შემდეგ, უფრო და უფრო ობსესიუ სახეს იღებდა და დღეს უბრალოდ შეპყრობილია სამზარეულოს დასუფთავებით, მისი გარდერობის დალაგებით, რაზეც ღიად და ხუმრობით საუბრობს. ასევე შაბათობით გრილთან ტრიალით, სადაც უამრავ რეცეპტს ტესტავს, ფუტკრების მოვლით ან ვიქტორიასთვის ვახშმების მომზადებით, მისი ცხოვრება ბევრად უფრო მშვიდია ბრიტანეთში, ვიდრე კარიერის დასაწყისში, სადაც მსოფლიო თასზე მიღებული წითელი ბარათის გამო, მთელმა ქვეყანამ იმდენად შეიძულა, რომ ქუჩაში გადაადგილებაც უჭირდა.

სერიებში, გარდა ოჯახის წევრებისა, არის ინტერვიუები რონალდოსთან, ფიგოსთან, ალექს ფერგუსონთან, რამოსთან, გარი ნევილთან, რობერტო კარლოსთან, დონოვანთან, ფილ ნევილთან და იმ ადამიანებთან, რომელთა არსებობამაც მის ცხოვრებაში, დიდი როლი ითამაშეს.