30fx.KT

全新登場！

消暑解渴特色凍飲 - 「抵夏露西爽」登場😜

一杯凍飲，集合楊枝甘露+西柚+紅豆爆珠+仙草爽一身，即時爽快感覺飊升~WOW!!

每杯單點$25，跟任何食品加購只需$19

【七月限量新品】

😎震撼味蕾，震撼視覺😎
[我推的豪斯燈堡丼] 上場💕

豪華安格斯牛肉漢堡丼飯，配上牛肝菌醬，日本蘭王蛋及紫菜，單睇組合已知有幾好食🤤

每塊漢堡約重150g，人手打造而成，肉香滿滿，口感澎湃，脂香滿溢🤤🤤

每份$48 / 七月二日起每日限量發售😆

臭豆腐 / 炸爆茜燒賣 / 臭茜Combo Set

即日登場 臭爆開源道

腦細在愚人節當日吹水話出「椒絲腐乳西瓜」，竟然引來極大迴響！好多人都問係咪真係有得食，仲話好想試咁喎！🤣🤣

老老實實，腦細一向都係中意認真做柒事咁人，真係有研究過出椒絲腐乳西瓜嘅可行性。🤔🤔🤔

經過幾日反覆思考同做實驗，腦細就找數同大家玩個期間限定！即日起在叁拾士多嘅實驗所 30Fx推出…

😎🥳椒絲腐乳西瓜🥳😎

供應期：6/4-14/4
供應地點：30Fx (觀塘廣場地舖）

😍為表支持答謝大家😍
現凡購買「椒絲腐乳西瓜」朋友，憑單到30Fx滿$30，或到叁拾士多任何分店滿$50，即可享無限次享有95折優惠，直至四月底為止。

【30Fx】
觀塘開源道68號觀塘廣場地下8號舖
營業時間：1100-2100

【叁拾士多】
地址：九龍觀塘成業街19-21號成業工業大廈3樓22室
營業時間：1130-1930
【叁拾士多 F】
地址: 新界大埔廣福道146號地下
營業時間：1030-2000
【叁拾士多 V】
地址: 香港灣仔道97號聯泰大廈地下
營業時間：1030-2000
【叁拾士多 N】
地址: 新界元朗壽富街15號
營業時間：1030-2000

即日登場！

新品推介 - 必殺媾死仔
以必殺粉材料為基本，變成超惹味雞粥。
完全無法抗拒嘅味道💕💕

中碗$30 / 大碗$40

歲晚收爐 初六啟市

30Fx 踏入十二月有新品推出🎉

採用西班牙伊比利亞黑毛豬爽梅肉，香烤後以日式切法夾在香軟刈包內，配上金黃優質靚煎蛋，就係呢個「黯然銷魂包」😎

🎉每個$30，即日有售🎉

30Fx 新品登場！😎

以傳統中菜翡翠白肉卷為本，改良成為這個一人前，方便即食又好味嘅新產品….

各位，「好好Jade」登場！😍

以日本旺菜為「外皮」，餡料有豬肉、蝦米、冬菇、芹菜及鹹蛋黃。再配上不同口味嘅湯底，雞湯/藤椒湯/牛肝菌湯三種不同口味，帶俾大家不一樣驚喜。

今日三點起，「好好Jade」開始發售😋

新系列，孤獨一人前…😎

大家等左好耐喇！ 戶戶送獨家為您送
可以安坐家中order燒賣同必殺粉了😍

30Fx 新品「麻香雞腿包」唔知大家試過未？除左用料靚之外，好想大家留意下呢款精製醬汁。

醬汁酸甜帶微辣，似曾熟悉嘅感覺，大家可能又硬係講唔出呢種味道係乜，總之每食一啖，都硬係會停唔到口…😋

$28/份，仲唔快啲試下🤭🤭🤭

九月新品

30Fx 全新推出，精製麻香雞扒，搭優質靚生菜及醬汁，配以台式刈包，格外美味！

唔駛講野，快試！

2022年8月15日，30Fx要推出一件全新產品，產品目標，腦細要大家一食就上癮！😎

無論午餐，下午茶，晚餐，宵夜咩時段都好，食一碗，就要大家滿足快樂！😎😎

各位朋友，「必殺粉」登場！必殺一擊，俘虜你心！💕💕

以自家胡椒豬肚湯先來勾魂奪魄，再以爽口豬肚絲及邪惡豬油渣條左右夾擊嚼感，中間再來惹味絕頂辣菜脯，造就這必殺一擊，要撤撤底底攻陷大家味蕾！🤩🤩

值得一提係今次採用呢款「辣菜脯」，係腦細特意搵昔日「石籬車仔檔」賣粉仔嘅主理人親自出山，為30Fx重做出獨特嘅香港風味。🤩🤩

「必殺粉」可以有「銀針粉」及「米通粉」兩款供大家選擇，即日起30Fx登場！

👉🏻$30（中）/ $40 （大）👈🏻
👉🏻另加特製惹味辣菜脯(＄20/盒)👈🏻

【突發新品上架】迷你老母滷肉飯Fx

唔玩古早味，唔係台灣味，是叁拾味🤭

$35/碗，即日起限量發售

特別限量登場：鮮菠蘿番茄焗豬扒飯

今日lunch又多個好選擇👍😎

30Fx 新開張時剛好遇上這機會，有幸參與由Redholic Music Production 主辦SoulJase X 小肥《Vocalist》演唱會

歌手（Vocalist）的天職從不止於演唱音符，更可成為演繹你我故事的說書人。「時光機」、「寵物」、「留下來的人」、「安眠詩」？相信都是大家人生歌單中不可或缺的愛歌🎤。

兩位歌手出道超過十年，陪伴香港人經歷過人生中不少高低起伏，現破天荒首次攜手合作舉辦聯合演唱會，希望能讓聽眾回顧所有之餘，同時帶來新鮮感！

演唱會將會以時間穿梭為背景，帶領觀眾貫穿過去現在未來，感受兩位歌手由出道至今的一點一滴之餘，亦會在作品上注入不同音樂元素，以聲音導航，和大家一起感受不一樣的質感。

《Vocalist》將在2022年8月4及5日於香港九龍國際展貿中心 Music Zone 舉行，詳情如下，期待和各位一同乘坐時光機，唱出時間流動，然後說句晚安🫡。

✨SoulJase X 小肥《Vocalist》演唱會✨
日期：2022/8/4, 8/5
時間：8:00 pm
地點：香港九龍灣國際展貿中心 Music Zone
票價：$880 / $680

冠名贊助：浜滝
主辨及製作：Redholic music
出品人：Buns design
訂票平台：KKTIX

全力贊助（排名不分先後）：
Buns design
茶星人 .tea.hk
30Fx 30Fx]
The Artilicious cakery
無名氏

全力支持（排名不分先後）：
7am workshop 晨七工作室
30Fx
LL workshop

#小肥 #演唱會 #香港 #叁拾士多 #支持本地音樂 30Fx]

30Fx試業的第三天，餐單仍在整理中，店舖內還有很多大小事要整頓，麻煩大家忍讓一下。🙏🏼

這幾天氣酷熱，但仍有很多客人特意到來支持，非常感激。除燒賣外，幾款熱賣產品如雞髀飯盒，銀針粉，蘭王蛋拌沙茶碎牛米通等等都有不錯口碑，真心多謝大家。

另一款極快沽清嘅應該係鵝腸火雞腎Chok麵，不過好多客人都對呢個產品有疑惑，甚至問候腦細老母，因為覺得無理由要用$45食一個撈冷麵。🤣🤣🤣🤣🤣

腦細想補充一下，呢款產品嘅麵條，採用「泓一拉麵」特製麵條，杯中麵條份量跟正常拉麵店一碗份量一樣！可以話係份量十足，加上用叁拾士多名物「夠抽」製作嘅東歐鵝腸，特製嘅撈麵醬，質素絕對有保證！所以整體比起一碗日本拉麵更抵！😎 天氣咁熱，真係見到要買黎試下！🤣🤣🤣

一分錢一分貨，用心製作，看來要大家理解，還有一段路要走。腦細不怕，會努力的！🥰

圖片來源： .hk

30Fx 今日開始試業喇…
腦細知好多野都未必準備好，希望客人們多多見諒🙏🏼

地址：觀塘開源道68號觀塘廣場地下8號舖
暫定營業時間：11:00-21:00

「蘭王炸蛋老味雞髀飯」/「蘭王炸蛋豬扒飯」係「30Fx」專程為顧客精心炮製嘅飯盒，份量十足，味道絕對驚喜。😎

「蘭王炸蛋老味雞脾飯」專程挑選體積較大嘅雞脾，並以自家滷水汁醃製。雞髀入盒前，更會以火槍輕燒表面，務求保持肉質嫩滑之餘，亦能帶出雞皮香脆嘅口感。而腦細表示堅持雞髀「不切、不起骨」，希望提醒大家食雞髀最地道食法，就係「拎上手大啖咬」，識食雞髀，就要有應有嘅態度，同埋記住記住要食雞皮，食雞唔食皮，不如唔好食！🤭

另一款「蘭王炸蛋豬扒飯」嘅豬扒做法，亦係腦細同佢嘅團隊精心研製。「30Fx」挑選豬扒嘅時候，針對選擇厚度適中，及面積較大的豬扒，希望讓顧客在食用時更方便滿足。而醃製過程中，特別加入鮮橙汁，為豬扒帶來鬆軟口感。同時，食客品嚐時會聞到淡淡橙香，非常滋味。🤤

兩款飯嘅另一賣點，就係同樣配搭即炸日本蘭王蛋，蘭王蛋黃呈橙紅色，蛋香特別濃郁。而經過油炸後，蛋邊會炸至微燶狀態，蛋漿與白飯攪拌進食，加上以自家秘製醬汁調味，香脆軟綿口感更是讓人食慾大開。🥰🥰

30Fx，7月22日正式試業，到時見！

終於黎喇！

😎30Fx 於本星期五 22/7 正式開始試業😎

營業時間暫定為1100-2100

地址：觀塘開源道68號觀塘廣場地下8號舖

到時見啦！

琴日講左「30Fx」的米通粉系列嘅「蘭王蛋拌沙茶牛肉撈米通粉 」，其實仲有兩款湯版本，都係由叁拾士多極受歡迎嘅「餃子系列」演變出黎，佢地就係「喇沙湯」同埋「番茄牛面頰肉湯」。舊有湯底配搭新食材，Fx版本味道更新鮮濃郁，加上兩款湯底同樣濃而不膩，配上米通粉後更可以一口飲盡，享受湯的精華！

三款「30Fx」米通粉，集結港式，西式及東南亞風味，總會有一款會喜愛吧？😘

「30Fx」除早前提及嘅銀針粉外，亦會帶來坊間較罕見嘅米通粉系列，其中一款是今次要介紹嘅「蘭王蛋拌沙茶碎牛撈米通粉 」。

米通粉係較為健康嘅麵食類，其「索湯」特性更讓米通粉同精華湯汁融為一體，口感味道更加豐盈。今次喺「30Fx」出現嘅係「蘭王蛋拌沙茶牛肉撈米通粉 」製作時便改用沙茶醬代替沙嗲醬，剔除濃厚花生味，減低膩滯感，加入蛋味濃厚嘅日本蘭王蛋一齊乾撈，醬香配搭蘭蛋黃黏笠嘅口感，同樣惹味過人，可能更勝傳統茶記「沙嗲牛肉太陽蛋公仔麵」。🤣

【龍蝦湯脆米灌湯餃】
腦細由細到大都好鐘意食灌湯餃，除左因為大大粒餃，口感豐富之外，佢更認為個湯先係重點，所以普通嘅湯又點會滿足到腦細呢？😎

所以30Fx 嚟緊都會有足料新鮮龍蝦湯嘅灌湯餃，現場熱辣辣飲，超濃厚嘅龍蝦湯頭，已經非常好飲，再落埋脆米，嚼感昇華….真係一個唔覺意，仲以為自己去左高級餐廳飲海龍皇湯添呀⋯⋯🤪

「邪惡銀針粉」是腦細最私心推薦的食物，腦細更特別跟師傅學習，如何炒出完美的銀針粉，務求深入了解銀針粉的特質、配搭、火候。

對腦細而言，銀針粉是小時候的回憶，但讓他感到訝異的是，原來許多年輕人對銀針粉並不知曉，坊間也甚少有主打手售賣銀針粉的食店。故他希望通過「30Fx」讓年輕一代品嚐銀針粉的風味。

「30Fx」的銀針粉以蘿蔔、洋蔥、芽菜、雞蛋作為主要材料，為了讓銀針粉更加惹味，在落鑊炒時更會加入鹹蛋黃，以陣陣鹹香刺激大眾味蕾。顧客食用時更可以自由配搭兩款自家製的混醬或秘製蔥醬汁，讓味道更上一層樓。

【鵝腸火雞腎Chok 麵】
叁拾士多Chok麵嘅進化版，靈感來自童年時街邊嘅袋裝涼拌冷麵。

麵條，由本港人氣拉麵店「泓一拉麵」特別定製，再加入咗自家調配嘅蒜辣醬。黎到「30Fx」為咗令成件事更加邪惡，今次特別加入左惹味爽口嘅豉油王鵝腸，同埋切成絲嘅彈牙火雞腎，連埋比較掛汁硬身嘅拉麵，嚼感超豐富，真係好正好邪惡！

30Fx，七月同大家見面。

整裝待發，七月同大家見面

延續叁拾口味 七月強勢登場

密切留意 Coming Soon July 2022