西多 Sai Kung Store

今日探咗三個監，又拎咗@fung1seon3zi2 封信子厚實嘅新品。五年來失去一啲人，又認識一啲人，仲有唔少人到今時今日仲寫緊信，仲覺得有嘢可以做✍️

由香港人畫嘅香港風景做嘅信紙，聽講 .bookstore 有售

討論西貢公路二期要擴建時就講到口水乾，塞車唔係因為唔夠路。

原文：

1970: One more lane will fix it.
1980: One more lane will fix it.
1990: One more lane will fix it.
2000: One more lane will fix it.
2010: One more lane will fix it.
2020: ?

The annual Thanksgiving video of the 405 Freeway in LA by 11 Los Angeles

店短周記（612）

踏入6月，每日清醒嘅時候都會被各樣回憶襲擊，人哋嘅回憶、自己嘅回憶、集體嘅回憶。當年6月9日遊行完係有興奮，但612開始就係不斷累積無力感，一積就積5年，到今日都無解。

雖然6月主題係記仇，但有時係香港就只係好想有一秒遺忘，喺果一秒我先會停止問自己「到底係咪盡咗力？」、「果一刻我喺咪可以更勇敢？」、「如果我咁咁咁⋯⋯」就算過咗5年，每日都有新嘢發生，我每一個決定都仲俾當年嘅「失敗」纏繞住，未必因為敲問自己多咗而勇敢咗，有時甚至會by default想縮咗先，又或者係用一把更窄嘅尺去量度自己。即使明知「如果 # # #」未必可以改變都會怪自己。因為窒息會想擺脫呢種感覺，寧願自己唔記得，但又因為仲有咁強烈嘅感情會慶幸自己仲係一個人。

612唔一定要寫自己當年點點點，依家又點點點。如果大家嘅回憶仍然觸動你，恭喜你，咁就一樣保持初心了。多謝呢個荒謬政權每日有新嘢提醒大家唔好麻木。

（因為周記就貼下近照，近來去咗一轉慈山寺，係幾好嘅放鬆）

讀書分享會
《被遺忘的香港故事- 南涌講古》

南涌，在沙頭角的一角，比西貢更山旯旮的地方。群山環繞，有載香港300多年歷史的客家村，有2013年開始成長的生態社區。

生態社區的成員於2017年開始，跟村民訪談對話、翻查史料，緝成一書，紀錄南涌客家建村、落地生根的經過，又載有村裡的傳統、家族故事，為香港本土歷史增添重要的一頁。

想知道南涌跟西貢有甚麼分別？想知道如何客家村落如何在發展套丁之外有甚麼出路和生活實踐？來讀書分享會聽聽別人的故事，也分享自己的故事吧。

6月22日（六）
下午 5 - 7
神話書店

報名表： https://forms.gle/X5e5HraCzVSS49ut5

#西多 #讀書分享會 #南涌

邊個入左信？記得check email，請假，一齊執公聽會！

半夜分享

6月5日還是會不斷想6月4日晚發生的一切，被4日發生的事激發出來的情緒纏繞著，無力或愧疚或恐懼，不斷質疑自己到底是不是盡責了？自己還算勇敢嗎？這個世界還可以更黑暗嗎？以為情緒會過，但一整個六月幾乎每一日都有紀念日，更龐大的黑暗情緒漩渦撲面而來⋯⋯

2023年6月5日晚上，我跟我母在家吃飯看新聞。忽然有人拍門，由母親應門。對方聲稱是黃大仙重案組的，我就知道是找我的，都應該跟六四有關。吞了口飯就去接應，說要協助調查，可以讓他們入屋或跟他們到警署一趟。我選擇跟他們到警署，就入屋換件衣服。

在我換衣服時我聽到我母跟長官們的對話，大概是「她還在吃飯，可以先讓她吃完嗎」、「湯還未涼呢，再等一下吧」、「哎呀還有幾隻蝦，涼了就不好吃」⋯⋯長官們一下子不知道如何回應我母那些與案情完全無關的問題，應該他們預演一百次都沒有想像到有人真心問這些問題。

然後在警署落口供時長官軟硬兼施說自己未食飯要我合作時，我就想到那些對話會偷笑。這幾天想像今年又會發生甚麼事時都會想起那些對話，又會笑。

在荒謬的時代不被恐懼或無力感吞噬，與其把spotlight 打在未知的事，就記著一件窩心的事，必要時從中提取溫暖的支持。

PS 我後來先知可以拒絕協助調查關門唔理的
PSS 進入由治及興嘅世紀，大家唔好唔記得當件學點應對長官嘅方法

PSSS 此為2023年的紀錄，早前長官已打電話來說file已close

今年六四跑咗6.4K

維園8點人來人往，舞台上表現者表演「維吾爾族」舞蹈，背幕繽紛縱放。公園內散步人肅穆嘅表情，空氣彌漫緊張氣氛。當政者同人民就活係同一時空兩個世界。

六四不可能一日平反，維園會更不倫不類，日常會充滿荒謬。我要不斷尋找抓緊自己嘅方法。今晚在維園跑了6.4K 可能對世界都沒有意義，但對於我嚟講好重要。仲係「敏感時節」有，小小驚但都寫兩隻字跑幾步路，提吓自己提吓仲聽我講嘢嘅人唔可忘記，知道自己初心未變。

知道今晚唔少街坊都跑咗6.4K❤️仲有人俾長官問長問短。吾道不孤。街坊都叻叻❤️

#六四三十五

西貢近來有咩唔妥？

今早係郵局附近被截停搜查～查完長官話：「西貢近來都唔係咁妥當，會好多差人巡查」

問番街坊有咩唔妥當？
可能性1️⃣天后誕+搬村50年搭晒棚做戲封晒路
可能性2️⃣天后誕+搬村50年搭晒棚做戲封晒路有市集+食盤菜
我諗可能性
可能性3️⃣長官做嘢唔出示委任證
可能性4️⃣今日六四35周年，但唔知點解淨係西貢唔妥

Any肥，各位街坊出入小心，提防騙子！🍇

#六四

2023年6月4日

那日是星期日。星期日是最早開的一日，想要方便未出街的街坊，但兩年來都鮮有街坊一早出現。忘了那天有沒有人等我開門，我記得選好了歌單就已經開始忙碌。

大概第三次聽李志的《廣場》時就有人問我有看過他的live嗎？然後他們雀躍分享在大陸的地下經驗，然後上年Clockenflap 有萬青、草東⋯⋯沒有去現場，不知道編曲或詞改了幾多。每次想到有人講香港融入大灣區就不夠愛国了，兩地人的生活經驗早已超前融合了。

那日的生意額奇高，又有人帶食物探班。有空的時候我會到店內導賞，帶大家看店外的風景，講述兩星期內發生的奇事。大家也會分享自己的觀察，到底換了幾輛車。也有沉不著氣的非華裔街坊說她走去敲那警車的門問為什麼要這樣監視西多。

到差不多關門時，街坊說車上的警員「落車」了，我想應該是坐太攰了，都快要關門應該不是甚麼行動。然後大家在谷裡說兩批警員分兩批向西多進發，我已準備好關門，拖完地，想說不如就等。坐下來聽了一首「沒有煙抽的日子」（真的那刻只想抽煙），然後他們還在店外十米範圍，我決定不等他們。關了閘，走了大概十米，穿過第一批警員，大概十秒後他們才從後把我叫停要搜袋查身分證。不用兩分鐘就放行，當晚我順利出到維園。

不過事隔一年就已經忘了很多細節，趁記得紀錄一下。35年前的64我未出生，沒有記憶，但靠著大家這麼多年的紀錄我還是記著了。

#毋忘六四

無獎問答非遊戲

平時都唔聽陌生電話，但有個人打咗幾時次來，好似非廣告就聽。原來是將軍澳警民（以前是黃大仙的），問我下星期二64係咪會跑步。長官，我係每個星期二都跑啊～

咁長官問係咪齋跑？無其他特別？係邊到跑？點解舖頭執咗都係西貢跑？

errrrrrr 長官我哋平時都係輕鬆跑，即日睇狀態再決定，想問下星期二有咩咁特別？我係邊到跑又有咩關係？我呢啲咁last minute 決定嘢嘅人無啦啦晨早約晒人不是更古怪麼？

長官最後提醒，要小心唔好觸犯国安法，唔好令健康嘅運動變質🏃‍♂️ 下星期再打俾我🫡要好好諗下下星期二跑邊到。

#你知我知單眼佬都知 #多謝長官提醒

店短周（月）記 （0528）

西多門市摺埋一個月，有乜搞？交吉係最大雨嘅兩日都算係完成了，仲有啲物資未去晒慢慢散，各類找數都大致完成。到依家都未敢再行去個門口附近，離遠見到又會諗如果當初有咁咁咁，咁西多又會唔會點點點？不過世界冇如果，都係要搵啲方法慢慢向前。

既然話要抖，既然多咗時間，咁都要做番啲之前成日話有時間就會做嘅嘢。今個月最成功就係跑步！🏃‍♀️🏃🏽🏃‍♂️成功係西多谷搵到人陪跑，每個星期二，目標係一齊跑三十分鐘。過去四個星期二都真係有跑到！仲要有三次係跑多過三十分鐘。雖然得一個人係同我一齊四個星期都有跑，但冇係星期二跑嘅朋友都會自己另一日補番，而且每個星期都會有新人加入！最開心係咩啊？就係跑完一齊食雪糕🍦

講起一齊跑步就諗起對上一次集體跑步係大學時代參加咗一個叫「平反六四 愈走愈近」嘅活動。每年跑個距離係跟六四幾多周年。當年生活咁無紀錄都係要跑20幾k了，完全唔記得自己係點完成，或者都係行去國殤之柱而已。仲笑如果繼續唔平反六四咁每年跑嘅距離愈長唔係愈遠咩？到底設計呢樣嘢嘅人係咩心態？

依家自己認真研究點跑先會達到目標就發現「平反六四 愈跑愈近」呢個活動嘅重點唔在於距離，而係自己嘅心態同體力。當我哋多留意當下，每一個呼吸，每一個步伐都係為著目標去做，達到目標可能只係簡單好多次問自己仲繼唔繼續時俾一次肯定自己⋯⋯係經過好多次沉悶、看似無意義嘅重覆就會忘記距離幾遠，唔小心就會達到目標，甚至可以超越。有時心急會亂咗節奏，呼吸急速，變得辛苦就會想放棄。要超越痛苦唔一定要捱或勉強自己，搵一個自己覺得舒服嘅方法可能先係好開始。

我哋完全唔追求快，只係希望係呢個過程大家可以互相支持，開開心心一齊達到目標（如果你目標係快就要等下我哋）。

下星期二，一齊跑！愈跑愈近！

台灣！！！

就來開庭定罪了，之前冇去旁聽嘅朋友都可以睇下到底「串謀」係啲乜

咁真係要數下西貢⋯⋯

執笠關注｜盤點港九新界 1095 舖位　吉舖 12 %　葵廣無人店冒起　北上消費殺天水圍街市

全文：https://shorturl.at/RA0i3

「投降、半價」、「最強人流」、「緣份到，租旺舖」⋯⋯行過路過，清貨、招租標語隨處可見。去年香港店舖請人難，今年開始，港人北上消費、店舖執笠消息不絕於耳。香港的市道實況如何？

《集誌社》今年四月及五月，抽樣追蹤港九新界約 1095 間店舖的經營情況，統計出吉舖比率約為 12 %，記者在各區觀察市道微妙變化。

在人流集中的葵涌廣場，看到無店員駐場的夾公仔舖、韓式自拍館等「無人店」冒起；在九龍區，深水埗多間「元祖級」文青店已悄然離場，港島區，銅鑼灣、灣仔的小店嘆剛過去的 5.1 黃金周，對市道無助。

#集誌社 #深度報道 #吉舖 #執笠關注 #市道 #經濟 #零售 #夾公仔機 #貼紙相店 #無人店

西多最好賣品牌之一！用心製作整地食材，不得了！

期待懶人米再出現！

曾經西貢都有不是垃圾站

店長周記（0507）
我們要留在香港見證甚麼？

上星期西多的最後的一晚，還有一些雜物要帶走。有些預早約了到店取物的街坊，本來只留一物，最後也被說服多取幾件走。早在兩年前就要清理的舊物，我拖到最後一刻，說是都不想浪費，也私心希望那些陪伴我好些日子的相框或文具都可以有一個新的歸宿。

有人說西多走得太快，但我嫌太慢了。收拾以後我看著幾袋雜物，在店內看著外面風雨交加，不斷的閃電，我就只是想快點把雜物帶走。想著不時有人說這個空間有鬼，我就笑是不是因為我沒有好好跟靈體們道別所以他們要我多留一陣子？在這裡四年多的日子真的是成長了，知道人可以比鬼可怕，我也只是靜靜的等雨停，決心要完成仼務，不被任何事拖延。

在沒有人見證的情況下，我如常拉上生銹的閘門，提著雜物離開了。交出了鎖匙，已經不可能再在這個空間自出自入。然後要安頓滿室雜物，literally空間愈收愈窄。總有人抱著懷疑的態度問西多真的沒有受到有關當局的壓力嗎？有時我也分不清到底大家的恐懼是不是都可以歸為有關當局的壓力，有時過多的問候和關心也會使人疲倦。

西多的三個高峰：開業、2023年六四和結業。我想現在不少黃店或小店都一樣，黃色經濟沒有融入生活，卻似是取代了我們以前的遊行和集會，都因為不滿、不憤而再碰面聚首。為甚麼這些力量不能轉化為持久、深沉的行動？這兩年來望著盤數，感受到西多真的在跟香港共存亡，與這個城市有前所未有的親密感，感覺與這城市在發展一段相愛相殺的關係。我看著這個都市沉淪，有時做了一些稍為有建設的事也會反問自己到底是為了這個城市好還是在害這個地方。

在西多最後的日子，我好像有多一點頭緒。告別的日子當然大家都只講好多好說話，感謝有西多這個地方，高興可以遇到其他有趣的街坊。在無人駕駛的日子，我放了一本紀念冊。有人畫了一個煲底，朋友笑說「今時今日仲有人記得呢個承諾？」我們從來就不為那些搞走塑去叫人用紙餐具的人而努力。在這個分崩離析的世界，我們小心翼翼的檢拾美好世界的碎片，留著有一天可以再用。今天用幾多即棄餐具或有否垃圾分類或者和民主自由沒有關係，我們沒有義務去實踐他人的野心，純粹我不想建立理想的世界在垃圾堆之上。有些破壞可以復原，但有些是不可逆轉。

守護新田濕地，城規會諮詢到聽日，Greenpeace做咗簡表俾大家3分鐘提交意見 https://act.gp/3wrhvma

❤️❤️❤️

深度｜影像｜追蹤一年　紙包回收廠喵坊「重生記」 垃圾徵費近日掀爭議，公眾批評執行混亂、回收設施不足，致政策僅達致「徵費」而不能實踐減廢原意。在香港經營回收產業甚艱難，面對土地、資金、政策等等不同挑戰，喵坊 MilMill 的故事正是一例。《集誌社》和獨立製作人...

今朝起身已經收到西貢多處地方水浸同車停駛嘅消息。但其實只係紅雨都仲可以探監，就要諗計到底點先可以離開西貢？

發現巴士已開，但塞係大環，市中心快步行去大環站應該會快過唔知幾時再開嘅車？然後發現有街坊車係車龍，咁仲好過巴士！用十五分鐘步行，沿路都唔少人紅雨行路，仲有人赤腳放狗散步！？（大家唔好學啦）

俾我成功上到街坊車，然後車龍開始散。原來大環街坊自發清塞咗嘅渠口（超有愛！❤️）。兩邊都有死車，兩邊嘅司機都好禮讓，每邊都有幾架過咁。西沙沿路都超多水坑，司機都小心翼翼，我哋一邊聽Let it go一邊前進。好搞笑。

之後約咗另一個街坊可以係十四鄉pick up車我去羅湖😭😭😭一出到馬鞍山就冇雨，真係局部地區性大雨。最後又見到羅湖羊，仲成功探到人。

牆內人話聽到電台知西貢咩境況，叫我下次唔好去了。但今日我係有唔知邊到來嘅意志力，紅雨又真係探得，又有咁多人夾到，橫風橫雨有咩可怕？係開心嘅。謝謝各位！

店短周記（10）

最後正式營業日之後先係忙碌嘅開始，清嘢執嘢再放嘢，因為每日都有傢私free出街，間舖每日都唔同。有幸展覽兩位攝影師同西多logo設計師都同場，仲影咗張世紀合照❤️

我幻想嘅街坊party都係咁樣大家坐係到傾吓計丫🎉點知大家都係忙咗兩日。Party完咗先可以正式約一日同店長們食飯傾吓計～冇乜感人嘅發言，都係講吓西貢八卦，邊個西醫最hea，係咪開瑪莎了！？當然大家都會擔心唔夠時間執嘢🤣食完飯個個又幫手執一輪嘢。

普通道最後一個周末，由拆招牌開始。有陳師傅嘅強勁小臂彎，好快手就搞掂，然後路過嘅街坊同店長都係咁行出行入送嘢俾人、扔嘢。到開始處理雜物時我真係咆哮幾千聲😭😭😭係咪要續租清嘢！要知道斷捨離真的很重要！好彩附近有人新搬來又接收咗西多一堆嘢。

今日居然超標完成，聽日開多一日無人駕駛free雜物，展覽冇了，想睇下西多個場嘅聽日都可以去行下～

請各位俾掌聲呢兩年半以來幫手嘅店長/短、攝影師、設計師、街坊⋯⋯所有人❤️❤️❤️ 好人都一生平安！

#西多 #西貢人士多

店短周記（88你條尾）

西多要離開普通道32號了。以前諗話如果我執笠就一定靜靜地，唔想同人講，因為唔想見到離愁別緒，亦都唔知點面對啲「我好撐你，不過西貢太遠所以我之前冇嚟」嘅人。

其實年頭都決定睇完新年前條數就落個決定，自己都掙扎咗一陣，有諗自己咁離場係咪好似以前辭職區議員咁係懦弱？咁樣執笠係咪因為自己太廢？好似三十幾歲人都一事無成⋯⋯然後有偷偷地喊，偷偷地求安慰。感激身邊嘅人都係超級溫暖而強大，其實我已經好努力，一路走來唔容易，都唔應該歸咎於自己。（加自己有努力做下運動）（（有冇人想一齊跑吓步？））

收拾好心情就先同店長/短交代(sorry其實都唔係問大家意見），都有同相熟街坊講，諗住大家知就好。但世事豈如人料，大家話想再一齊見吓面傾吓偈，咁就決定約兩日一齊聚吓。如果兩年幾前辭任區議員係倉促同創傷，今日我有時間有空間，我就想修好傷痕。預番一個月時間，搵咗強大嘅朋友幫手，執嘢、布展、搞活動！我想大家會記得西多普通道32號呢個空間，我想自己係笑住完結呢個階段。

貫徹始終，甩甩漏漏，「咦～我係邊到見話你」順利完成。20、21日兩日原本諗住冇乜人chill chill地過，點知都係街坊幫手搞呢搞路，今日印絲網印到夜晚10點幾，連地板都拆埋出嚟！（真！大家睇相要小心🤣） 呢兩日 Mountzero個絲網好生意到我哋工廠式咁冇停過，街坊問「係咪要檢討吓西多生意模式出現問題，一早拎啲絲網出嚟咪冇事」。真係屌咗出聲，但又好好笑。

諗起大家四年幾前一齊做選舉嘢到今日一齊咁玩都係一路叫苦又一路冇停手，呢班西貢街坊真係幾時都唔會放過大家我就放心了～

希望大家呢幾日係玩得開心，唔好意思叫咗朋友來都招呼唔到。冇唔捨得架，因為我抖吓又會搵嘢玩，大家仲係到就好。呢啲時間大家就去撐吓其他小店同路人。

呢幾日都辛苦大家了

咖啡試飲
塔香 / 鹽麴 .zoe
Cocktail - 朋友私整，要就DM
塔羅 .karmic.eye
精油診療 .mirai

仲有各位原本想chill但辛苦兩日嘅店長/短 或 各位街坊！❤️❤️❤️

#咦我係邊到見過你 無人駕駛西多 去到28日！大家把握機會來西多行吓！未來過都來啦，我雖然會心諗做咩唔做早啲來，但都感激大家的～

#西多 #西貢人士多 #店短周記

提提各位，要印嘢要自己帶衫/ 袋 / 毛巾

幾個模都有啲大，得香港加油係細嘅。因為com 洗嘅顏料有限同較難印，所以建議衫同毛巾係用布顏料，袋用塑膠彩。黑白色都充予，要其他色可能要先己買。

工具有限，每次換色要洗一洗先，所以用唔同顏色可能要等耐啲。

今日繼續13:00 - 印到入黑，自由定價

再提提大家西多正式營業日已過了

今日印咗好多「由字及興」，忙碌期間有三位長官來訪，特意調查西多有冇無牌賣酒。仲問在場人士咩人🤣咁我都提番長官我地正式營業日已過，呢兩日只係同大家玩吓say 個goodbye 啦～要係門口提番大家唔好亂入哦～

Anyway，街坊同朋友夜晚大家仲要邊飲酒邊幫手做埋「咦～我係邊到見過你」part 2❤️

聽日（21日）繼續好好告別普通道32號地下·派對

#西多 #西貢人士多

如果搞包場仲可以去邊方便大家？

衷心感謝大家多年來的支持！

由於租約結束，嘉禾啟德將於2024年4月22日起結束營業。不便之處，敬請原諒。

期待在其他嘉禾院線戲院見！

Thank you for your continued support over the years!

With effect from 22 April 2024, GH Kai Tak will be closed due to the end of tenancy. We are sorry for any inconvenience caused.

We hope to see you again at other GH cinemas!

#嘉禾啟德 #嘉禾院線

西多全民印刷
🖨️🖨️🖨️🖨️

4月20-4月21日
14:00 - 18:00

·顏料只備黑、白色塑膠彩，要其他色或高級嘢請自備
·自備素材：衫、袋、掛布
·自行印刷
·自由定價
·請預時間等乾
·特別模型：由字及興、香港加油

#西多 #西貢人士多 #絲網