草逸堂 Yat Chinese Medicine Clinic

《馬丹陽天星十二穴》

最近喜歡玩的～～～天星十二穴，無論什麼亂七八糟的病針了都會好一點😂😂😂

馬丹陽就是射雕英雄傳里面那個馬鈺道長啦，但歷史上也是真有奇人的～～

原文載於《針灸大成》～

「 三里內庭穴，曲池合谷接，委中配承山，太沖崑崙穴，環跳與陽陵，通里並列缺；合擔用法擔，合截用法截，三百六十穴，不出十二訣。治病如神靈，渾如湯潑雪，北斗降真機，金鎖教開徹。至人可傳授，匪人莫浪說。 」

《藿香放棄水》 夏日雞尾酒推薦

我今年實在遭受到潮濕天氣嘅折磨～～如果大家濕到想放棄人生不如就黎飲「藿香放棄水」

材料：

1.朋友送但一直未飲完的Roku Jin 😂
2.Tonic 水
3.藿香正氣水兩三支

橙皮碎少少～

風味獨特，不妨一試～～

《閒談醫患關係》

話說我係thread 上見到個有個人鬧啲醫生，咁佢中西醫都鬧嘅，就話俾咁多錢使咁多時間都睇唔好佢啲病，啲醫生係咪廢同無用，言下之意只要俾錢，身體個病就唔關佢事的了😂😂

當時我內心反應是呢個人大概是不會好的了😂😂

有一種只要俾錢就可以獲得神仙打救的感覺。

終於明白佛陀明明教了三乘佛法，但啲人凈係想捐個錢燒個香就獲得幸福美滿，免除人間痛苦一樣😂佢應該睇到眼痛。

然而病的原因係因為之前無俾錢醫生嗎？😂

撇除某啲業障病，其實好多病都是自己一步步「造作」出黎的，想想習慣與性格就會知其實唔病都無天理啦。

當然醫生也是有庸醫的啦，或者我就是其中一個😂😂

但是我之前聽說過，有個基本商業原則，就是「誰受傷最多誰就是錯的」，例如你依紅綠燈過馬路，但没有看清楚路，俾車撞殘廢了，法律上絕對是你正確，但你的確做錯了，因為你受傷最重😂

我認為一個人病的時候，應該好好想想受傷的是誰，就會知如何取捨。

《躺平》

我一直支持大家躺平嘅，雖然個個口里都話想躺平，但能夠自心寬坦咁躺到平一平則是很難的，躺躺下老是想做些什麼証明自己是存在的，或者躺躺下就好似好無安全感～～

但係你起身做到好攰做足幾十年都係無安全感嫁啦😂

年輕時跟唔少朋友討論過，人生到底有咩意義，我諗啊諗，最後都係覺得人生係無意義嘅，因為最後都係會死的，而無論最好最好的享樂，或者最慘最慘的經歷，生生世以來我地都經歷過無數次，因此大家今生係做乜都得嘅，但培養一種「無乜咁大件事姐」嘅心態，可能可以解救自己於萬劫不復之中～～

《萬方之組—— 桂枝湯》

《太陽中風，陽浮而陰弱，陽浮者，熱自發，陰弱者，汗自出。嗇嗇惡寒，浙浙惡風，翕翕發熱，鼻嗚乾嘔者，桂枝湯主之。》

教科書講左幾萬字都講唔明此處「陽浮陰弱」係啲乜，睇番李東垣的玉屏風散就會明，脾虛易出汗，用黃芪白朮e防風，陽浮是指太陽脈浮，陰弱乃指太陰虛弱，整句加咪就係一個太陰脾土虛弱的人，有一天傷風了就脈浮，發熱，乃屬太陽病，不過是素體脾虛咁解，所以易出汗～～

因此桂枝湯也是很好的脾胃藥喔～

《試用王家衛mode 講中醫辨証》

試下簡單將辨証理解為一種分類的方法～

1.八網辨証（2分法）
2.三焦辨証（3分法）
3.衞氣營血（4分法）
4.臟腑辨証（5分法）
5.六經辨証（6分法）

以上仲可以溝埋做瀨尿牛丸，例如臟腑辨証x八網辨証；三焦辨証x衞氣營血，六經x臟腑etc，其實你點玩都得，不過先學傷寒有個好處就係你好易就識分file ，而且分得愈細就愈精準，例如先用二分法分左陰經，陽經，再分三分三陽，再分在經在腑，再分化熱化挾濕挾瘀等等，再分主証，獨証，或然証，同其他辨証又無沖突，仲可以加起來用，都咪話唔正😎

其實一個病嘅証，同人一樣係會變嘅，「証」係有時間性嘅，無論疾病發展到咩階段，都有佢嘅現在，過去同未來。

《乜乜乜脈》

根據無上瑜珈部，人身共有七萬二千脈，遍佈全身。主脈有三︰中、左、右三脈。

尤以中脈為主，稱之為「命脈」。

左、右脈會在不同部位交纏中脈，而形成所謂脈結，如車輪般，在中脈上共有四處脈結，從下到上依序是臍、心、喉、頂輪。

凡夫身中的氣可流經大部分的脈，但中脈除外。在正常狀態下，除了死亡和睡眠之外，氣是不會進入中脈；但藉著禪修之專注力，亦可以使氣入中脈的。

而中醫對經脈的認識可分為經絡、十二正經和奇經八脈。經絡可比作小溪，十二正經可比作河流，奇經八脈可比為海洋。

但看了藏醫的書後，才知道「中脈」就那可比喻為宇宙了。而且藏醫中，氣脈的「氣」，不是空氣或呼吸，而是一種心氣、智慧氣，那是完全由大悲心和菩提心所攝的，跟中醫氣脈中的業劫氣大不相同。

中脈没有打結的話則受智慧風所影響的多，而打了很多結的話，就受業風影響的多，這樣說來，你的中脈如何你投射出黎的世界也必如何囉😂

（因為懶惰的關係我并沒有查太多的資料，如有錯誤就自己更改新🙏🏻🙏🏻，純分享下～)

「恆常，當我們碰上一個村落或城鎮的風景時，那第一瞥的印象之所以總是如此無可媲美且又難以復得，迺是源於其近景和遠景間存在的那種嚴謹的扣連感：

該時習慣還未發揮作用。而一旦當我們回過神並開始自覺於自己的所在時，眼前那一「風景」便會迅即消失，就像一座我們剛踏入的房子的正面一樣—本來還未因我們在感知習慣上對環境的恆常探索而變得顯著。故當我們一旦開始對周遭環境熟悉後，那原初的畫面將永遠不能復原。」——— 班雅明。

如果想睇啲又長又囉唆的書真的可以睇班雅明😂😂

《神闕———神的出入門口》

今年開檔以黎，有唔少人一坐低就喊😂😂😂先不論什麼原因，咁多數黎得睇醫生都係話訓唔到啊，無精神啊，全身痛啊，心情差啊咁樣啦～～～

大部分人有野煩惱個陣就會用想法去抵抗想法，結果只會越諗越亂，成晚唔使訓，第二朝無精神，惡性循環，人生又毁了😂

所以最好就直接回歸身體，將注意力放係神闕（即是肚臍），吐兩口氣之後吸滿一口氣，慢慢呼氣的時候將肚臍無限收入腹內直至無法再收入，hold 個十零廿秒，就慢慢放開，如是者做六七次，大概就是5～10分鐘左右，要煩的事就漸漸忘了可以睡了。

醫道同源，反正呢間診所都係怪怪地，也就不分什麼醫不醫了😂😂最近沉迷研究蘇美爾人同宇宙起源😂😂其實在古舊的經典里，都有相近的描述～～覺得有趣，分享下～

《道德經》

「道者何？即鴻蒙未判前，天地未兆，人物無形，混混沌沌，渾然一氣。無涯無際，無量無邊，似有一物，由混沌而成，盤旋實際，先天地而生者，所謂無極是也。」

《普賢王如來祈願文》

吙！
「法界輪涅諸幻相，一根二道成二果，覺與無明所變現」

又「輪迴涅槃名原無」。

大部份人間的快樂就像R濕疹的快樂～～不R就痕，R了就爛～～但是没有人為了R濕疹的快樂而想生濕疹，但當人生濕疹的時候，R下的確又幾快樂～～總括而言當痛苦稍息的時間，人類就會快樂～

老師話起初人類只是無聊，為了無咁悶，佢地就去尋找快樂，為了快樂就需要物質啊，錢啊咁，為左得到更多，佢地就需要自律，但咁樣又好痛苦，於是乎就由簡單的只是無聊，變到又無聊又痛苦😂😂

《三伏炙通知》

等我做番啲正經野～～

「三伏天灸」日期：
初伏：2024年7月15日～18日
中伏：2024年7月25日～28日
末伏：2024年8月14日～17日

$780 / person ，包括：總共做三次，每次一小時艾炙。

（以往有rich people 以為做一次就已經要收780😂😂，不是啦😂😂）

報名自己去頁面條link 㩒～

今年好濕，特別推薦😂👍

《宋版傷寒論讀書班》

1.由頭到尾讀一次宋版傷寒雜病論，真係讀出聲個種讀。

2.每星期六，讀1.5小時，有30分鐘是雞精答問時間😂😂為期兩個月。讀完全書，最後maybe 俾多兩星期是歸納總結。

3.醫師已經累了，應該不會教得很詳細，只是提供場地，書本，人類供同學學習。間唔中搭下嗲。

4.隨班贈送精美印刷的宋版傷寒論二冊😂重點！讀書用靚書開心啲嘛😂❤️

5.費用是：$2800 HK，報名Dm即可，因為有不是讀中醫的人也有話想讀，所以都可以啦😂。

6.開唔開得成則是睇報名人數～～Namaste 😂🙏🏻

《寒寒濕濕的自救指南》

話說今年去教書的時候教點計五運六氣個啲啦，啲同學計到今年太陽寒水同太陰濕土之氣貫穿成年，開頭我都唔係好信有幾準，但呢半年想曬個太陽都非常艱難，成個人好似一卷廁子咁，（新日本名），我意指係我呢啲陽虛之人過得非常唔爽快，終日昏沉渴睡。

咁首先我是因為陽虛氣虛排不到濕個種人，所以單純的去濕對我是無咩用的，我是靠補氣去清下濕的，咁腎氣丸加補中益氣丸啊，或者參苓白朮散就食得很舒服。

補完一排夠少少氣了就食個加强袪濕的小柴胡加藿香正氣散，如果是陰虛帶濕的體質則不在此列，回去吃你的參苓白朮散或豬苓湯。

第二條路則是艾炙，躺著也是躺著就燒個艾躺著，幫補下家計，關元，陽陵泉+足三里，或八髎。

第三是搭飛機去有陽光的地方😂😂曬幾下～～

《法度與分寸》

有個讀中醫的學生問話，其實科班（學校）教啲野係咪廢，我話我都唔知😂我大學時期做得最多係同啲同學耍廢同執啲貓番黎養😂😂

但是要考牌嘛，最後還是硬生生日日夜夜咁將五版教材成套食落肚，導致而家見到綠皮書都會想嘔😂😂😂

到後來開始臨証，的確教材里面的東西很少用得到，但是你要說整個中醫學院教的東西都是垃圾嗎？

那也不是，其實五版教材編得很好，算是提供了一個「法度」，也就是不會令人整死人的法度，法度之後如果就此打住，不再去讀經典，不去臨証，不去看看各個醫家的想法，可能中醫的效用也就停留在「不會整死人」，同都巿閒情教你煲湯的程度咁上下。

在從前去跟脾胃科的時候，有個老師成日著皮䄛番工好型咁，佢成日話：老師贈你一個字叫「度」。我話老師你咁講野係咪型啲😂。

其實佢講得無錯，度就是分寸感，呢啲分寸感係無得讀書讀番黎，同人際關係一樣，無數次與人接觸交談後，得到一個大家都舒服的距離，是需要經驗累積的，不是說你智識有幾宏厚開闊有幾聰明就知道分寸的。因為這些人是生勾勾的，不是文字。

我以往覺得學中醫就是要勁要快，而家都收曬火😂😂😂

但我都見過好勁的醫師可以做到咩水平，感謝🙏🏻

早排睇左出戲，大概在早段里面，有段對話關於「冬蟲夏草是點樣黎？」很有趣，

大概就是從前有條蟲生活在地下，在他長大要變成蛾的過程當中，如果不小心有啲菌絲花粉就跌落佢個頭到，咁呢啲粉絲就會不斷蠶食佢個頭直至佢死，雖然這條蟲蟲也很想拔開頭上的花粉，但無論佢幾想拔開都好，佢都做唔到，因為這個蟲他没有手😂😂😂😂最後這個菌在春天長成了草，剩下的蟲屍則埋在地下。

里面的演員說了一句：「這真的很有趣～～」

啲業風就係咁勁～～除非佢認知里面他不再是一條没有手的蟲嘅姐～

好書介紹：《古典針灸入門》

其實啲鬼老學中醫仲中醫過啲中醫～

就好像咖啡因來自咖啡果一樣，所以咖啡因非先係果～

夏天來了，很想去跳海呢～（只能夠游25米的我😂😂）

有人問，學中醫要學幾耐？😂😂

當年跟師，老師問：「你覺得你幾耐先學得完？」

我大言不慚：「三年夠啦嘛～呢啲野觸類旁通嫁嘛～」

結果十幾年先摸到觸類旁通個門係邊😂😂😂sor🤣

主要係想講你個腦無事就唔好學中醫😂😂

《不要低估肢體運動對精神狀態的影響》

眾所週知我是那種胸無大志，可以hea 的話不會郁嘅人，加上今年年運太陽寒水同太陰濕土之氣的加持，（又寒又濕）整個春天，我都像廢人一樣，一起身就眼訓，四肢沉重，但由於擔心有日會無啦啦死左，卻連大禮拜都未做完，心中惶恐，就迫自己每天由幾十下開始拜，於是明顯地觀察到就由身體開始出汗的時候，個腦筋就清醒了，身體沉重的感覺也會變輕，接下來要讀的書也很快讀完，短暫報告完畢🤘🏻🤘🏻

但凡事有個度，不建議過度極端運動～～

「若夫乘天地之正，而御六氣之辯，以遊無窮者，彼且惡乎待哉？」—-《逍遙遊》

最好這一生就可以原地蘇醒～～😂😂

我剛去讀中醫時在色逹看過一次天葬，就是將人的屍體一塊塊斬開丟給鷹食，那時覺得人死了真是一具臭皮囊，但是偏偏我的職業就幫人好好保養這個皮囊，有時我跟病人說，其實你「老」了就是會有某啲「病」的啦，但彷彿大家都接受不了這件事，會說「下？我以前唔係咁。」

😂😂😂哎咁你番番去以前啦😂

有時無聊我都會問自己到底窮盡一生都咁珍愛的一個「自己」是什麼東西？
到底在珍愛什麼呢？
是這個會不斷會變老，衰退的身體嗎？
你甚至為了它每天洗澡洗頭水刷牙，去工作同咪搵野俾佢食😂😂知唔知用左幾多時間🥲🥲

但我不是說喔喔反正你都要死的啦，咁身體就不重要，相反地它是唯一陪你到最後的東西，也是一個很好工具，無論你有什麼偉大或微細的想法，恐怕最後都要靠身體去實現出來，又或者只是最簡單的感官享受，也需要一個健康而靈敏的身體，我不太相信身體差的人能夠食得出食物的美味，聽得出音樂的美妙等等之類的～～

要重複讀一百次的書～～話說十幾年前去成都讀中醫時，因緣際會下便跟朋友去報了五明佛學院前行廣釋的課堂，當時大家都有拖延症，啲大禮拜拖到而家都未拜完😂😂😂上課也是三天打魚兩天曬網，有時仲會話堪布講野真係好慢，每每聽到一半就訓著左，後尾知道原來咁樣下世會投胎做隻蚌😂😂sorry 知錯了🙏🏻🙏🏻🙏🏻

但最後都完成左整個課程，關於前行個啲野，細個又真係覺得無咩大不了，講的都是很簡單，很容易就丟埋一邊，但去到大個每逢遇到人生的大坎都係靠呢啲基本嘅野去化解，無，我只是想讚嘆一下～🙏🏻🙏🏻

同咪順便講下當年明就仁波切教禪修時，個課程名叫「開心禪」，咁個陣我同個朋友就係台下講話：「嘩啲仁波切一出黎就幾萬人拜佢，又唔使搵食，佢緊係開心嫁😂😂」

點知過左幾個月，佢就偷走去左閉關，去乞食，去遊走，去住係啲我應該一日都住唔到嘅地方到過左幾年，都係咁開心，嗯😂😂😂功力問題😂😂🙏🏻佢流浪個本書就叫《歸零～

啲karma ge 野，與當地眾生啲債找完數，個地方都不會留得耐，黃ec 做到2024尾就著草，成間交俾

打理，有咩就搵佢啦，雖然佢好煩但有認真學嘅醫💪🏻

感謝各位對區區在下的厚愛🙏🏻🙏🏻❤️

成日都有病人問話「窮」有無得醫😂😂，帶水晶有無用啊剩，因為窮令到佢壓力好大身體好差等等，😂😂我話有用嘅話，咁啲賣水晶嘅人就係最有錢嘅人啦，其實都可能有用但我唔係好清楚點運作，大家知我講野都係亂咁講😂不必當真～

但按照佛教的因果定律，要有錢最緊都係「俾出去」先，但幾時會番黎就講唔埋，可能係今年，今世或者下下幾世，所以要發達嘅話都係用番現代社會嘅方法😂😂😂就唔好用佛法黎搵錢啦😂但有其他無數好處係不可思議嘅～

但好耐之前無聊睇個啲無聊脈輪書就話，其實一個人如果「海底輪」能量好差，咁基本上呢個人搵錢都好艱難，因為好似話海底輪係一個人嘅基本安全感，即係佢黎到呢個世界，佢就相信佢有能力令自己生存落去；我早排睇蔡志忠，佢話每根小草上都有一滴露珠，每個人都養活自己的一個方法。

但係海底輪失衡的人會對金錢方有極端嘅表現，有過多的恐懼/過於焦慮，一係極度匱乏，一係過於虛榮，基本就終日惶不安，對應番中醫理論即係腎嘅負面情緒———「恐」，而腎嘅正面情緒係「志」，咁如果咁諗又好合理，一個人如果一條黑路行到尾都要行自己嘅路嘅，我諗佢心中係無恐懼的🙏🏻🙏🏻咁通常都會唔小心做左啲成績出黎，什麼財啊名啊是自然會發生的事啦，但是最最最基本，氣（能量）要夠，身體要好，拎番個安全感同自信先啦～～完。

雖然舊年話想學太極，結果我四日就放棄左🫠

但係本野係我家角落冤魂不散咁，岩岩無聊又睇下，居然對了解多點中醫有幫助；

《太極拳經》：「虛實宜分清楚，一處自有一處虛實，處處總此一虛實，周身節節貫串，無令絲毫間斷耳。」

在人的身體里，一處虛必有一處實，虛實是相對的，只要將實的地方的氣引到虛的地方，肝肝好填補了它的空虛，就達到精氣「以平為期」的目的～

例如想太多訓唔著個啲人，兩針太沖湧泉就訓到，嘩大老，你讀教科書真係讀三十年都讀唔明點解佢有用啊，又肝又腎咁，又心神不交咁，咁點解凈係呢兩個穴呢？講一萬字都講唔到人明😂

但係呢啲簡簡單單一句，或者就已經明白好多😂

《任何困難都可以克服

我》

係內經第一篇：《上古天真論》：「夫上古聖人之教下也，皆謂之虛邪賊風，避之有時，恬惔虛无，真氣從之，精神內守，病安從來。是以志閑而少欲，心安而不懼，形勞而不倦，氣從以順，各從其欲，皆得所願。」

當中「避之有時」呢句我特別鍾意，有時都好驚啲病人好積極，認為一定要努力病先會好，或者認為「避」係窩囊，廢，同垃圾的表現，但有時我又會諗，如果係街到遇到一舊屎，係咪真係要踩過去先叫過到去，係咪轉第二條路唔得😂😂😂，其實就唔關內經時，只係聯想到😂🙏🏻🙏🏻

《香奩潤色》

今日下午終於有個病人忍唔住，話醫師，你個頭好亂😂😂😂，就令我諗起其實古人個頭髮又唔剪，點解唔會亂呢，原因係其實佢地雖然無發明飛機大炮，但好早已經發明左gel 頭嘅髮膠，唔污染環之餘，仲有得護髮，問你死未～～

咁係明代嘅《香奩潤色》就收錄左一種以鹿角菜制作發膠的方法，名字就叫「鬢不亂，如鏡生光方」，搵日得閒我就整佢出黎玩～

《附子》
續上篇，炮附子黎講，係四川見過曾升平老師係類風濕秔用過一兩斤一次都有😂😂😂，但附子用量與配搭不同，方向就不一樣，例如補腎嘅話就用少量炮子搭大量地黃，如腎氣丸；但四逆湯急溫之，附子就要重手，配搭干姜就會大量釋放腎上腺素用黎急救，但四逆湯用得兩三次之後，收工都要藏番，搭番地黃😂😂，唔係都係收唔到工😂咁量多量少就視乎想溫定想補了，溫就係快手的，但剩溫唔補，都係有啲手尾剩嘅，咁張景岳就係溫補派嘅代替，佢啲方係好慢好慢嘅，可能人佢啲客係有錢人😂😂

《濕，濕熱與濕為陰邪&濕疹》

香港平均每五個人就有一個生過濕疹，咁好多人都會聽講過生濕疹啊你咁你一定係濕熱啦剩，咁香港地域氣候係濕熱就唔使駁啦，每逢暑天悶熱時我都差唔多覺得呢個世界唔可以生存了😂😂

咁所以第一點，係香港呢啲地方，濕進入身體嘅第一步，的確係「濕熱」，即係暑天熱氣蒸煮人肉個種，但由於「濕」本身係陰邪，性質黏連，佢唔似其他邪氣咁一拳打爆你，甚至乎一開始你根本覺得無乜野，但係佢會慢慢咁蠶食身體的陽氣，因此唔少慢性濕疹嘅病人，其實係超怕凍（陽虛），陽虛之後就會長年累月都好攰，做野無動力等等，然後人生就因為濕氣重而毁了😂😂。

咁個呢種情況底下就好難再用清濕熱嘅方法去醫了，但係得閒做艾灸，做運動出下汗，都有幫助。如果好懶咁由得自己腐爛落去我都無咩意見😂

用藥方面，除左脾胃濕，尙要分清楚是否三焦經塞左，肝膽濕熱；但濕疹更多嘅係免疫系統失調，即係壓力大，情緒差引致個啲，雖然類固醇有很好的抑制免疫系統作用，但抑制耐左都總有反彈嘅一日，大家三思～😂停左爆到全身爛曬個啲，呢幾年都見唔少。

呢種類固醇反彈就要用到補腎（自體產生類固醇）的方法去搞了，地黃，知母，附子，干姜，甘草，等等都係少不了的藥。

完😂😂

#類固醇反彈

《三月八號婦女敷mask +燒艾大會》

話說上年無聊釀了兩缸酒，有參與嘅朋友應該還記得一齊撈糯米同榨天冬汁的痛苦😂😂😂好彩無釀成醋，今年已經成功變成酒，都係時候過濾出黎飲～～～但啲珍貴嘅酒糟要丟左佢實在太折墮，要知道幾千蚊set 嘅sk3都酒糟黎嘅姐，老夫決定搵日俾人用左佢，敷住一路燒艾都應該幾sor 符～

敏感肌唔準黎😂🙏🏻

要一個鐘時間，只限十人，報名：

https://www.planfy.com/booking-widget/yay-chinese-medicine-clinic?mibextid=Zxz2cZ