忠醫診所

相當抱歉！ 由於尖沙咀診所已經營運左一段時間，都需要少少維修保養，尖沙咀診所將於8月21-31日暫停服務，於9月1日重啟。 部份醫師上述時段，會將應診地點由尖沙咀改為荔枝角。

不便之處，敬請見諒

如有任何查詢：
電話：2110 9337
WhatsApp: 9315 3921

【蕁麻疹又黎啦，好彩佢有睇開忠醫Post】

有位長期睇開忠醫Post既朋友，Send左兩張圖過黎，表示無啦啦發蕁麻疹，仲發得好勁，好在上次有睇到忠醫教點樣在家應對，唔洗15分鐘就暫時消晒，起碼可以訓個覺先。

為左方便大家保存同使用，今次排版排好少少：

蔥白生薑湯 （蕁麻疹/風癩發作時外用，最最最最好用前問問你既中醫）

材料：
蔥白 （煮餸既蔥，白色個段）：一扎蔥份量
生薑（唔刨皮都無所謂）：五至六片
水：煮公仔麵份量

煮法：
1. 用個煲裝煮公仔麵份量既水 （大約500-600ml)
2. 未水滾就掉晒所有材料落去
3. 水滾轉細火，五分鐘後熄火

用法：
1. 慢慢溝清水，溝到40-60度左右，自己接受到熱度就得
2. 拎乾淨毛巾浸一浸落去
3. 抹落患處
4. 著番衫，稍等一陣
5. 將發作緊 同 消退左既相 Send比忠醫☺️

那，條方雖然真係好簡單，但真係幫到自己幫到人，唔好睇少佢。
大家記得Save低佢，有需要時都可以幫到自己或朋友手！ 如果有需要記得仲可以搵忠醫幫下手！

你仲有無咩唔舒服既家中急救應對方法想知呢？ 留言話我地知，我地會幫你研究下。

📞 預約電話：2110 9337
📱 WhatsApp：9315 3921
📩 Telegram：
希望更快捷了解各項忠醫診所資訊，亦可到Profile Bio，㩒一下依條Link：https://mtr.bio/thecmp

#忠醫診所 #中醫治療 #過敏 #蕁麻疹 #風癩 #家中急救 #健康生活

【真係天口㷫呀，講多少少中暑】

持續幾日都酷熱天氣，連部車都熱到著晒燈，何況係人呢？ 依幾日都不斷提住大家小心中暑，但係諗一諗，又好似無同到大家講點先叫中暑，所以今日分享一下。

中西醫對中暑定義係有少少唔同。 衛生署就咁講既：「當體溫升至攝氏四十一度或以上時，患者更會出現全身痙攣或昏迷等現象，稱為中暑。」（圖中部車就符合中暑要求）

但中醫既中暑，唔需要你體溫41度，亦唔需要你昏迷。 中醫話你中暑，好有可能係講緊你感受暑邪。

暑邪係咩黎呢？

中醫認為外邪有六種，風、寒、暑、濕、燥、火。 當中，只有暑邪有季節性，而且只可以從外界感受，身體係唔會自己內部出現暑邪 （但例如濕氣就可以自己身體內部產生）。

暑邪有咩特點呢？

書入面寫有好多，但更重要既係暑性升散。

意思係，感染暑邪佢會升去頭部，令你呆下呆下，反應變慢，神昏腦脹。 而另一方面，佢會自動幫你打開埋毛孔，令你不斷出汗。 而出得汗多，就會開始有氣虛表現，個人開始連講野都無咩氣咁。 最後真係無晒氣，就暈埋係到。

但一向都話病向淺中熱，中暑初期係相對易處理，所以依排出街，真係留意下小朋友同朋友，會唔會有以下特點：

1. 呼吸變快、變大力
2. 口乾想飲水，飲完一陣又想飲過
3. 開始個人呆呆地，唔點出聲，唔點比反應
4. 啲汗停唔到
5. 胃口忽然變差

有依啲表現，都拖番佢去陰涼地方先，睇下表現會唔會好轉，再曬落去，就暈比你睇架啦！

當然⋯如果情況持續，你仲可以拖佢黎忠醫診所，食番啲消暑藥，好快就攪掂。 如果你地對中暑有咩唔明，隨便發問，識答一定答。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #中醫 #中暑 #熱衰竭 #頭暈 #中暑處理

【繼續酷熱天氣出沒﹐請注意！】

近排天氣都係繼續熱，連續四五日都有機會出現酷熱天氣警告，真係小心中暑，落雨方面呢都會變少，所以天氣先生頭頂舊雨雲都變細左。

但因為天氣都係熱，所以內容就重覆一次改少少野，方便上星期無睇到既朋友，都了解下點樣應對炎熱天氣。

黎緊每日中午氣溫都有機會去到34度以上，如果中午行出去食個飯，都有少少中暑感覺：即係無咩胃口、個人變呆、暈暈地，其實都好正常。 如果露天工作，依個情況就可能更明顯，咁要點做呢？

⭐ 中午揀湯飯或者粥，會較容易消化同補充水份，會幫到少少改善胃口欠佳情況，重點係佢地都比較容易消化，對腸胃負擔會較輕。

⭐ 綠豆沙、冬瓜盅、涼瓜黃豆排骨湯，可以話係近排最啱食既野，主要都係補氣清暑解熱毒為主，大家可以留意下。

如果翻工大部份時間都要曬，到去番陰涼地方，都發覺皮膚滾滾地，有層熱氣困左係入面咁，有兩個方法可以試下：

1️⃣ 沖凍水涼，會凍開頭個一兩秒，之後你會感覺到皮膚啲熱散緊出黎咁，沖到重新感受番凍，就轉番正常沖涼

2️⃣ 食個西瓜，留番塊皮塗抹一次皮膚覺得熱既位置，你會知道幾時先要停手，然後正常咁沖個涼。

咁你可能問，我都出左成日汗，咁攰，做咩唔求其沖個涼，開冷氣訓覺算，攪咁多野為咩？

原因係，你之所以去番陰涼地方都仲覺得皮膚熱熱地，係因為你皮膚已經吸收左過多熱量，皮膚仲有種熱氣散緊出黎時，即係佢仲未降完溫，直接訓有機會出現以下情況：

1. 影響睡眠：畢竟你有半個人同床墊接觸，依啲位置會散熱比較慢，會阻礙散熱。 自然調節下，你可能會碌黎碌去，影響睡眠質量

2. 出現夜汗：因為真係無辦法散熱，身體就會自然出汗。 係身體應該散熱既時間，你都仍然出汗，令津液無辦法係休息時補充，會令第二日情況更難捱，咁樣利疊利，真係好易變真中暑

唔知你又有咩消暑必殺技可以同大家分享呢？ 不妨分享下，大家一齊消暑。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #天氣預報 #中醫建議 #酷熱天氣 #皮膚發熱

【耳前瘻管係唔係一定要做手術？】

近日有位朋友既小朋友，耳前瘻管做完手術幾個月，又有再復發表現，再次發炎，開始有腫起、發熱等等表現，所以向忠醫求助。

耳前瘻管係一種先天性問題，耳仔前方會有個細細地既窿仔，而依個窿仔只係一個開口位，實際上佢入面係一串樹枝狀咁既管道空腔。 大約平均每100個人，就有2-4個人有依個問題，好彩既係平時係唔會影響生活。

但如果佢被細菌感染，出現發炎等情況，就會比較麻煩。 因為入面結構複雜，分泌物難以排出，甚至蓄膿。 當發生依種情況，西醫一般會建議做手術切除，但都未必可以一次切除乾淨。

依位小朋友已經做過一次手術，但過左幾個月又再次有發炎表現，所以家長想試試中醫治療效果。

中醫認為耳前瘻管發炎，與外感風熱，以及三焦經痰結氣滯有關。 因此，需要用藥一邊清疏風散熱，一邊化痰解鬱熱。 最後成功消炎消腫，免左又捱一刀既苦。

依到亦想順便提提化痰既問題，用藥化痰只係化痰既其中一個部份，有問題當然要處理，但點可以截斷「痰」既來源，都係重點之一。

中醫認為，「痰」並不單單指大家平時咳嗽咳出黎既痰，當身體有濕，再加上熱氣，就會漸漸將濕氣轉化成痰，大家可以想像下熬糖水，隨住越煲越少水，淨番既液體會越黎越黏稠，就係濕化痰既原理。

所以，點樣截斷濕氣都會係重點之一，而除左用藥，清淡飲食都好重要，所以治療既依個星期，都要食下小米粥、白粥、豆腐等等，用清淡飲食養好脾胃，減少濕氣積聚，從而減少痰既源頭。

依個案例都會再追蹤，睇下過一排又會有咩變化。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #耳前瘻管 #發炎 #兒科 #耳仔發炎 #瘻管 #化濕 #化痰

【你個中醫諗緊咩？ -- 滋水涵木】

有朋友同忠醫反映，想了解多少少中醫睇症時到底諗緊咩，點解會出現失眠又補腎、抑鬱又補腎，明明睇開忠醫啲文話，依啲關個肝事，但點解就好似咩都補腎咁既情況，所以黎緊會同大家分享多少少治療方法背後既中醫哲學，令你更明白你既中醫到底諗緊咩 （戴定頭盔先，新手入門級）

中醫係由哲學而黎，好多野都同哲學有關，例如：陰陽、五行等等，都係黎自道家思想。

五行，大家多多少少都會接觸或者聽過少少。 木、火、土、金、水，五種屬性既相生相剋，順住去就係相生，隔一個就相剋，例如：木生火，木剋土。 而中醫係依堆五行入面再做左延伸，幫唔同既臟腑，根據特點，都為佢配番一個屬性。 例如：腎屬水、肝屬木。 而因為五行入面「水生木」，所以補腎係可以影響到肝。

咁如果，腎水（腎陰）唔係好足夠（原因包括但不限於經常捱夜、經常縱慾過度等等，令腎陰有所損傷），就會令肝陰都漸漸不足，最後引起肝火旺盛，出現如頭暈目眩、眼乾眼澀、耳朵暴聾等等既表現。

依個亦係點解捱完夜會眼乾、頭暈既原因。

如果出現依種情況，就需要用到滋水涵木法，即係補腎陰，間接補埋肝陰，令肝火問題都得以解決。 並唔係中醫咩都補腎，而係我地重點放左係更根本原因上，而唔係追住唔同既表現去醫。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

【百搭穴位 -- 太溪穴】

最近有朋友反映，你之前分享既穴位都有啲難搵，有無啲常用得黎又簡單既穴位，諗左一陣係有既，就係 太溪穴。

先講少少佢既背景先，太溪穴，係一個腎經既穴位，而且係腎經既原穴，意思係腎部原氣會經過以及停留既地方。

現代人個個一聽腎虛就面都青埋，而依個穴位可以直接刺激到腎臟既原氣，係補腎既重要穴位，仲可以根據中醫理論，變成一個百搭一般既穴位。

咁佢到底係邊呢？ 你只需要抬起隻腳，一個二郎腿咁既姿勢，你就會望到自己內側腳眼，係腳眼同腳筋之間會有個窩位，輕輕上下郁一郁腳掌，窩位最凹落去既位，就係太溪了。 輕輕按落去，打圈按摩下，或者用暖水浸腳，浸過依個位，都會有幫助。

咁佢有咩用呢？ 咁就太多了⋯ 道理上黎講，所有陰虛、腎相關問題佢都會有幫助，包括但不限於：聽力下降、下肢無力、神經性厭食症、腹漲、肚屙、失禁、夜尿、頭暈、痛經、偏頭痛、心悸、痛風、濕疹、哮喘等等等等，實在太多太多，有咩事都可以試下㩒下佢，睇下有無幫助。

如果你唔太肯定你既問題太溪幫唔幫到手，或者唔太肯定太溪係邊，不妨留言話我地知，我地會私下聯絡，同解釋比你聽。 咁好既穴位，仲唔立即分享比朋友？

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

【放血醫唔醫到靜脈曲張？】

靜脈曲張依個問題，都算半個香港人既通病，因為香港人番工不時要久站或者久坐。 靜脈血壓一般都比較低，缺乏肌肉收縮，血壓又不足時，就會停留係靜脈瓣，久而久之就會形成靜脈曲張。

主要影響：
1. 外觀問題：小腿顏色有機會變深、小腿變粗
2. 健康影響：令下肢出現酸痛、腫脹、疲勞

中醫角度黎講，靜脈曲張叫做「筋瘤」，成因最主要係氣滯血瘀，依點同現代西醫角度都似，即係啲氣郁唔到，推唔郁啲血，形成瘀血。

治療方法：
1. 中藥治療：用中藥補氣加埋活血化瘀會對情況有所改善
2. 針灸治療：諗法亦好簡單，與其等中藥慢慢化瘀，點解唔直接用針放血，令靜脈瘀血可以直接流番出黎，短時間內令症狀獲得明顯改善

如果你身邊都有朋友出現靜脈曲張，不妨分享比佢地睇睇。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #中醫 #針灸 #中藥 #放血 #靜脈曲張 #小腿粗

大熱天時，你仲會唔會有寒顫呢？

最近天氣鬼死咁熱，我就諗住光榮冷氣再開大啲，忠醫就話咁熱天氣最岩做天灸，醫啲長期手腳冰冷、哮喘、鼻敏感問題，我對中醫就唔係好熟，總之講講下就話，拎住光榮張單，去做天灸時Show出黎，就可以減$50蚊。

中醫啲野我真係唔熟，有興趣都係睇番忠醫啲Post

佢都解釋得幾詳細，怕你亂報名，仲整埋份問卷，阻止你唔啱做都照報名。

但係有一句我聽得明：大熱天時仲翻拍寒戰既人，就最岩做天灸

【用屯門公路教識你，咩係肝氣鬱結】

香港生存壓力大就係人都知，而壓力往往會引起一個病機--「肝氣鬱結」

你有無聽過你既中醫話你有，肝鬱？ 肝氣鬱結？ 依類問題呢？佢其實係咩黎，就等忠醫一篇文話過你知啦！

「肝」係中醫角度黎講，係擔當住一個路政處咁既角色，條路點行，條路去到邊，去唔到邊，都係佢話事，係中醫角度黎講，叫「肝主疏泄」，凡親同分泌有關既野，多多少少都關佢事，譬如話：月經準唔準時、膽汁胃液分泌，甚至激素分泌--令你快樂既多巴胺，通通都同佢有關。

另一方便，條路塞唔塞都係同路政處有關，條路起夠四線，無封路，無限速，自然道路暢通無阻。 所以身體氣、血、津液行得暢唔暢通又係關佢事。

肝氣鬱結係一個咩狀況呢？ 就係因為各種原因，例如撞車、改路、封路，令四線行車變單線行車。 結果可想而知，排晒車龍，塞到一個點，具體情況可以參考屯門公路。 塞車時，大家都會鼓躁，又響安又推車，又亂Cut線結果撞多兩部，咩都黎。 無錯，一塞個人就會躁，身體同樣如是，如果你熟悉屯門公路，其實你已經明白左肝氣鬱結既概念。

咁咩原因會導致肝氣鬱結出現呢？

開車時多野諗，可以導致撞車封路，開車時太開心唔望鏡又可以引起撞車封路，嬲得濟瘋狂推車都可以引起撞車封路。 （情志影響、壓力影響）

仲有咩原因可以導致塞車呢？ 無啦啦係路面出現既車呔、發泡膠箱、木板咁，逼住啲車改路，結果又一齊塞車。 點先可以為身體加入障礙物呢？ 亂食野就做到，原因係，假如一條公路成日塞車，會吸引左一個正常路政處既目光，去幫助疏導個條路，當另一條路都出問題時，就會因為人手不足，反應唔過黎，結果都係一個字--塞！

如果唔想身體成日塞車可以點算好呢？

平時飲下花茶，例如菊花、玫瑰，都有助疏肝解鬱，就好似交通警咁疏導番啲塞車位。 又可以比太陽曬下背脊或者做下運動，都有助疏肝--動形達鬱。

希望依個屯門公路理論可以幫你理解到咩係肝鬱氣滯啦！ 中醫理論其實都係源自古人對生活既觀察，其實都可以應用番係現實生活，如果你比較中意忠醫用依種方式分享中醫知識，不妨用Like投票。

有任何問題都可以留言話我地知，我地再一齊討論下。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #中醫 #肝鬱氣結 #中醫字典 #屯門公路 #塞車 #壓力

【酷熱天氣出沒，請注意！】

落雨落不停既日子已經過去，黎緊一週既主旋律係熱、好熱、好__熱！

黎緊一星期間唔中有少少雨，相信會少過上星期，但氣溫就進一步上升。 好消息係溫差唔算太大，依點都還好既。

好，中醫角度又點睇呢？ 黎緊每日中午氣溫都有機會去到32度以上，如果中午行出去食個飯，都有少少中暑感覺：即係無咩胃口、個人變呆、暈暈地，其實都好正常。 如果露天工作，依個情況就可能更明顯，咁要點做呢？

1. 中午揀湯飯或者粥，會較容易消化同補充水份，會幫到少少改善胃口欠佳情況，重點係佢地都比較容易消化，對腸胃負擔會較輕。

2. 多休息，依句就離地廢話黎。 番緊工邊個比你休息，準備定枝大枝少少既水，出完一輪汗補充下水份啦，水同茶都會好過有氣飲品，我明白有氣飲品灌落去個下好爽，但啲糖份只會係爽後令你更呆，更無活力。 而且留意，室溫飲品會比凍飲，更快幫你擺脫口渴、頭暈情況。 （過來人經驗現身說法）

如果翻工大部份時間都要晒，到去番陰涼地方，都發覺皮膚滾滾地，有層熱氣困左係入面咁，有兩個方法可以試下：

1. 沖凍水涼，會凍開頭個一兩秒，之後你會感覺到皮膚啲熱散緊出黎咁，沖到重新感受番凍，就轉番正常沖涼

2. 食個西瓜，留番塊皮塗抹一次皮膚覺得熱既位置，你會知道幾時先要停手，然後正常咁沖個涼。

咁你可能問，我都出左成日汗，咁攰，做咩唔求其沖個涼，開冷氣訓覺算，攪咁多野為咩？

原因係，你之所以去番陰涼地方都仲覺得皮膚熱熱地，係因為你皮膚已經吸收左過多熱量，皮膚仲有種熱氣散緊出黎時，即係佢仲未降完溫，直接訓有機會出現以下情況：

1. 影響睡眠：畢竟你有半個人同床墊接觸，依啲位置會散熱比較慢，會阻礙散熱。 自然調節下，你可能會碌黎碌去，影響睡眠質量

2. 出現夜汗：因為真係無辦法散熱，身體就會自然出汗。 係身體應該散熱既時間，你都仍然出汗，令津液無辦法係休息時補充，會令第二日情況更難捱，咁樣利疊利，真係好易變真中暑

今次講住咁多先，下星期都係咁熱，就應該會分享下食療。 你Send住依篇文比要室外工作既親人或朋友先。

唔知你又有咩消暑必殺技可以同大家分享呢？ 不妨分享下，大家一齊消暑。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #天氣預報 #中醫建議 #酷熱天氣 #皮膚發熱 #職安真漢子

【銀屑病搵忠醫】

患者患上左銀屑病三年左右，一直尋求中西醫治療，都未見有太大幫助，平均每次發作到完全康復都需要半年左右。 今次，黎左媽媽推薦既忠醫診所，食完兩星期藥，已經停止再出現皮疹、皮損，顏色轉淡，而且開始消失，後續會嘗試幫佢阻止復發。

咁佢係咩事呢？
血虛血熱型銀屑病：疹色鮮紅、銀屑較少、痕癢、皮疹呈點滴狀，混合左兩種常見銀屑病既成因。

忠醫點幫到佢？
既然明白成因，就要對症下藥。 所以忠醫選擇用四物湯加減達到涼血、補血既目的。

四物湯，有中醫認為只要通過合適配搭，佢可以處理一切同血有關既問題。 當中，熟地黃有助滋陰補血、白芍則有助柔肝養血。

如果大家身邊有朋友，有各種皮膚問題，不妨試下叫佢地搵搵忠醫，睇下忠醫幫唔幫到佢？

📞 預約電話：2110 9337
📱 WhatsApp：9315 3921
📩 Telegram：
希望更快捷了解各項忠醫診所資訊，亦可到Profile Bio，㩒一下依條Link：https://mtr.bio/thecmp

#忠醫診所 #中醫治療 #皮膚病 #銀癬病 #白疕 #四物湯 #血虛

【天灸係咩黎？】

天氣開始熱，意味住又就快到三伏天，又可以做三伏天灸。

忠醫診所 將於 2024年7月15日、7月25日 及 8月15日 為大家提供天灸治療，三次費用合共港幣450元。

天灸治療主要針對各種陽虛、實寒症，具體表現，可能包括：長期腹瀉、手足冰冷、鼻敏感、哮喘等等。 如果唔係好肯定自己岩唔岩做天灸，唔緊要！

報名問卷入面已經有埋「我適合天灸嗎？」問卷，簡單兩三分鐘問卷，就會知初步結果，知道自己啱做再報名就放心得多了。

報名Link：https://forms.gle/gtMF6okwn2UVceJP8

如果Instagram朋友㩒唔到Link，可以留言：立即報名 ，我地會Inbox Send番條Link比你

（吸取過往經驗，依份Form應該係歷屆最簡單易用🙈 🙊 ）

#忠醫診所 #天灸 #三伏天灸 #三伏天 #鼻敏感 #哮喘 #久咳

【一年一度既三伏天灸又黎啦！】

天氣開始熱，意味住又就快到三伏天，又可以做三伏天灸。

忠醫診所 將於 2024年7月15日、7月25日 及 8月15日 為大家提供天灸治療，三次費用合共港幣450元。

天灸治療主要針對各種陽虛、實寒症，具體表現，可能包括：長期腹瀉、手足冰冷、鼻敏感、哮喘等等。 如果唔係好肯定自己岩唔岩做天灸，唔緊要！

報名問卷入面已經有埋「我適合天灸嗎？」問卷，簡單兩三分鐘問卷，就會知初步結果，知道自己啱做再報名就放心得多了。

報名Link：https://forms.gle/gtMF6okwn2UVceJP8

如果Instagram朋友㩒唔到Link，可以留言：立即報名 ，我地會Inbox Send番條Link比你

（吸取過往經驗，依份Form應該係歷屆最簡單易用🙈 🙊 ）

#忠醫診所 #天灸 #三伏天灸 #三伏天 #鼻敏感 #哮喘 #久咳

【有主人抱的狗多幸福】

事源，患者忽然出現腕部疼痛😭 ，無論係屈曲手腕，還是伸展手腕，只要有一定負重就會痛，攪到連抱起自己愛犬🐶 都做唔到，所以就黎忠醫搵幫手。

經過檢查後，發現原來只係尺側屈腕肌拉傷，仲記唔記得肌肉拉傷要用咩穴位呢？ 針完陽陵泉後，發覺已經無咁痛，但仍然有一半疼痛未消失，於是就再加埋手三里穴。

針完，疼痛就消失晒，又可以重拾單手抱起愛犬的快樂。 睇下隻狗個樣幾招積🐶

如果您或您的親友都有手腕疼痛既困擾，歡迎黎忠醫診所研究一下。我地既專業中醫團隊將為您提供全面既中醫檢查及治療方案，幫助您重獲健康。💚

📞 預約電話：2110 9337
📱 WhatsApp：9315 3921
📩 Telegram：

希望更快捷了解各項忠醫診所資訊，亦可到Profile Bio，㩒一下依條Link：https://mtr.bio/thecmp

#忠醫診所 #針灸 #腕部疼痛 #手腕痛

【其實依個Post 並唔係講荔枝】

最近有位朋友分享，圖文不符先可以更多人認真睇正文。 其實今次係想講粒荔枝核。

六月荔枝當造，荔枝Fans就不斷出動狂食荔枝，但佢地竟然無留起啲荔枝核呀！！！ 荔枝核可謂香港人既恩物。 點解呢？

因為荔枝核，有疏肝解鬱既作用，仲有散寒止痛既功效。 即係點呢？ 即係如果你平時成日唉聲嘆氣，左右腋下㩒落去會痛痛地，或者自覺壓力頗大，都可以啪番兩粒試試。

直接啪！當然就係講下笑，作為一個文明人，可以先用水洗一洗走啲果肉、果汁，然後拎去曬乾佢，曬乾後，你可以選擇舂碎佢變荔枝核粉，用水送服。 亦可以選擇唔舂，直接拎飲開既中國白酒或黃酒浸佢幾日，變做荔枝核酒，得閒飲番杯。

真係唔好睇少荔枝核消腫散結既作用呀，有時身體上一啲忽然出現既腫塊、硬塊，分分鐘靠佢攪掂。 當然，如果你唔太肯定自己岩唔岩食，都可以問聲醫師，依件寶物岩唔岩你。

即刻將依個Post Share比人中意食荔枝既朋友啦！ 以免佢地繼續浪費依件寶物了！

如果唔小心食荔枝食到好熱氣，都歡迎黎忠醫診所尋求中醫意見。
📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #中醫 #中藥 #荔枝 #荔枝核 #疏肝解鬱 #肝氣鬱結

忠醫天氣快訊 （6月18日 - 6月24日）

自個系列好可怕，出左之後就無試過停雨，上個星期仲要落到紅雨都出埋黎，如果再落得咁勁，下星期依個系列會休息下，睇下會唔會一停就有番陽光。

今個星期同上個星期天氣，仍然係無太大分別。 如無意外都係持續落雨，但氣溫升高至28°C至33°C之間，好熱好熱，濕度持續高企，小心地面牆身出水，提防意外。 跟住我地一齊黎睇睇忠醫有咩建議比大家度過依個星期：

【重點】
出門記得一定要帶遮，就算出門時無雨落，都會容易有一兩陣驟雨。 由於氣溫升高，記得穿著透氣的衣物。 天氣咁熱，飲凍野就在所難免，但記得唔好過量，一杯起兩杯止好啦，同埋盡量、盡量，凍野唔好跟餐，又熱又濕本身會令人無咩胃口同難消化，一食完野一杯凍飲落去，其實會影響胃既工作，自己小心。

【宜】
祛濕、帶傘、穿透氣衣物、保持心情愉快、適量運動、室外泊車人士記得加番遮陽遮或者反光車罩，以免每日體驗一次車內桑拿

【忌】
心情鬱悶、跟餐叫凍飲、濕身後馬上吹冷氣

【中醫小貼士】

祛濕食療：白扁豆、薏米等祛濕食品，有助於減少體內的濕氣。
祛暑食療：涼瓜、冬瓜、綠豆，有助祛暑，減少煩悶心情
保持心情愉快：連續的陰雨天氣可能會影響心情，建議大家適當做些室內運動，如瑜伽、HIIT，有助於舒緩情緒。
適當補水：雖然濕度高，但身體仍需要適當補充水分，建議飲用室溫水，以促進新陳代謝。

記得繼續帶遮！保持身體健康，遇到任何問題歡迎來忠醫診所尋求中醫支持。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #天氣預報 #中醫建議 #健康生活 #香港天氣 #中醫養生

【食食下海鮮好痕，夜媽媽點算好？】

最近有位朋友，海鮮過敏但無遺意，係餐廳食食下飯，忽然就出疹，但夜媽媽忠醫都休左診，又無藥係手，可以點自救呢？

原來係屋企都一樣有啲食材幫到手，相信大部份人屋企都會有生薑同一兩棵未用完既蔥，只要將棵蔥白色部份切出黎，咁佢就變左中藥蔥白，然後加幾片生薑，加水煲一煲佢，襯佢暖暖地時，用黎沖個涼，咁都一樣可以做到疏風散寒效果，都算係一個幾好用既急救辦法。

大家Save低佢，有需要時都可以幫到自己或朋友手！ 如果有需要記得仲可以搵忠醫幫下手！

📞 預約電話：2110 9337
📱 WhatsApp：9315 3921
📩 Telegram：
希望更快捷了解各項忠醫診所資訊，亦可到Profile Bio，㩒一下依條Link：https://mtr.bio/thecmp

#忠醫診所 #中醫治療 #過敏 #蕁麻疹 #風癩 #家中急救 #健康生活

【你真係需要護膚嗎？ 分清中醫所講既皮膚】

🌿 係日常生活中，「皮膚」兩個字經常一齊出現，我地會將佢簡單地翻譯成「Skin」，但在中醫理論入面，皮、膚其實有明顯區別。你知道嗎？

🌱 皮：是我們身體的最外層，與外界直接接觸。佢不單止保護我地身體免受外邪入侵，同時係毛髮生長既地方。皮既主要功能是抵禦外來的風寒濕邪。當寒氣侵入皮表時，我們會有怕凍、怕風感覺，特別敏感，需要著多件衫或者閂窗保暖。

🌱 膚：係指皮下的組織，包括皮下脂肪、汗腺同埋毛囊等等。當寒氣進一步深入皮膚之間，侵入膚層時，就會引起打冷震、個人縮下縮下等症狀。依個時候就需要中醫通過補氣黎治療。

📖 在《靈樞》中提到：「寒氣客於皮膚之間」，依句正正說明左，「皮」「膚」「之間」， 即係係中醫角度佢地係兩回事。

簡單黎講，如果你有怕風、怕凍、皮膚乾旱依類情況，咁係同「皮」有關，成日都聽「肺主皮毛」，依種情況我地多數會由「肺」既情況去思考，處理。

而如果係脂溢性脫髮、脂肪瘤、暗瘡、皺紋依類，主要係「膚」即係皮下組織既問題，同「肺」關係不大，反而同中醫既三焦關係比較密切。 關注重點錯左既話，點補肺問題都唔會根本改善。

✨ 現代社會中，我地經常聽到護膚、嫩膚、換膚等詞彙，但這些大多數指的是對皮的護理，而膚的問題往往需要從內部調理解決。比如，皺紋、暗瘡等等，其實做護膚的幫助並不大。 因為涉及到皮下脂肪和津液的狀況，同我地三焦功能同體液運行關係比較密切。 敷Mask補水，又係唔係可以令皮下脂肪增多，減少皺紋呢？ 咁就值得思考了。

🌸 女性美容：對於女性黎講，理解皮與膚的差別相當重要。好似圖中例子咁，好多人可能會發現，皮黎膚睇上去質地都差唔多，但實際上膚質充盈後，就會令皺紋變淡，睇落去亦更有彈性、充盈感覺。 中醫認為，膚的健康係會直接影響到我地整體美麗同健康。 少女的皮膚之所以細膩光滑，是因為她們的膚層充盈，而中年女性常見的皮膚問題，如皺紋和鬆弛，大多與膚層健康有關。

📅 每天的護膚護理應該包括表皮和膚層兩方面。保持健康的生活習慣，適當運動，平衡飲食，並且在必要時進行中醫調理，這樣才能真正擁有健康美麗的皮膚。

✨ 更多中醫健康知識，敬請關注忠醫！

📞 預約電話：2110 9337
📱 WhatsApp：9315 3921
📩 Telegram：
想更方便地了解忠醫各項資訊，可以去Profile Bio㩒一下依條Link：https://mtr.bio/thecmp

#忠醫診所 #中醫 #健康 #皮膚護理 #傳統醫學 #女性健康 #中醫美容

【女子睇中醫助孕，竟被指有陰道滴蟲，並購買近十萬套票】

哎呀，攪邊科呀？🤯 今個星期香港發生左一單同中醫有關既新聞，又攪到上晒東張西望，朋友都即刻WhatsApp叫我望望，到底發生咩事呢？🧐

先講講事發經過：原來，有一名女子，因為想搵中醫調理下身體。 結果，經中醫檢查後，話見到佢子宮入面見到有滴蟲🤢 ，所以佢有性病--陰道毛滴蟲病，即係陰道入面多左隻一堆有害寄生蟲，而個位中醫就話：「你依個病西醫無得醫架啦，啲滴蟲會食晒啲精子，所以你咪不孕囉。」

「信中醫，買Set套票，我幫你攪掂！」（依句我幻想出黎既）

事主一聽到自己有性病，就好驚好驚😨 ，於是就買左港幣105,400元既套票💸 。 但出左診所後，細心諗，自己好注重衛生，亦只有單一性伴侶，點解會有性病呢？🤔 於是想Double Check一下自己係唔係真係有性病，點知，西醫話事主根本就無滴蟲。 事主發現受騙，當然好嬲😠 ，於是番上中醫診所理論，結果，店長同佢講「你當然無性病啦，傻豬黎既」🤗 ，對於退錢，店長就表示，最多退番 1/3 比事主。 最後事主有無接受，就不得而知了。

件事就係咁，故事就有兩個教訓：
1. 睇中醫，搵忠醫
2. 買套票前要三思

好啦，講番相關知識先。

滴蟲係咩黎呢？ 滴蟲，全名：陰道毛滴蟲。 係一種寄生於人體既寄生蟲，男女都有機會成為宿主☝️ 。 但女性機會較大。 而且亦相當細小，單憑肉眼係無辦法睇到既。 而傳播途徑，絕大多數為性行為感染，所以屬於性病一種。

而受滴蟲感染的話，會有咩症狀呢？
1. 下陰痕癢
2. 有機會出現陰道炎、宮頸炎
3. 白帶變多，顏色偏綠或偏黃，並伴有腐爛臭味

但只有20-30%既宿主會出現症狀，好多人就算係宿主都係會完全無症狀。

💊 西醫治療的話，用普通抗生素治療兩周便可以，治癒率相當高。
🌿 中醫的話，就會睇埋患者體質，處方合適中藥，治療速度亦相當快。

可能你會有疑問，中醫點醫寄生蟲呀？ 原來，好多中藥已經被證明，藥物本身就具有抗炎、抗菌、抗病原微生物既有效成份，將中藥配搭成藥方，除左可以增強療效，亦可以同時處理身體體質問題，一舉兩得。

壞消息係⋯一般有以上作用既中藥，都⋯幾苦下😵 ⋯But Any Ways，良藥苦口嘛。

事件，亦帶出左少少反思。 我地都明白，睇醫生當然要比錢，而價格往往係各種成本加上醫生/醫師既時間、經驗、知識，當然依啲野，係好難用價值去衡量，但相信大家心中或社會共識都會有一個合理範圍，超出得太多，就要諗真了。

另外，套票依樣野，有好有壞，好處當然係，買套票會減低每次治療費用，亦有醫師表示，患者買左套票，先會綁住係診所，乖乖番黎覆診，唔會睇兩睇走左去。 亦有助提高醫從性（即係有幾聽醫師講既野去做）。

壞處就自然係，坊間大部份套票都係有過期日期，以及不設退款。 發覺同醫師唔夾，想全身而退都好難。

所以，買之前要諗真，以事件為例，套票包左成54次各種治療，而有效期係一年📅 。 而一年⋯都只係得52個星期，係唔係真係嚴重到要每星期一次，睇足一年醫生呢？ 而睇唔足，每次就開始更加唔抵。 到底買定唔買，都係留番比大家思考🧐 ，只能提大家三思。

（順帶一提，忠醫診所係無套票，你想買都唔比你買🤣 ）

睇完新聞同分享，如果你有任何疑問或想法都可以留言分享，我地都會一一回覆。 如果真係睇到依個位，不妨比個Like 或者 Share 比朋友，知識係要袋定傍身既。

如果你身邊有朋友有各種健康問題，想尋求中醫幫助，記得向佢推薦忠醫診所啦！

忠醫診所提供全面的中醫治療服務，讓您重拾健康。立即預約了解更多：
📞 電話：2110 9337
📱WhatsApp：9315 3921
📱 Telegram：

想更方便地了解忠醫各項資訊，可以去Profile Bio㩒一下依條Link：https://mtr.bio/thecmp

#忠醫診所 #性病 #滴蟲 #婦科 #助孕 #中醫治療 #健康人生

【馬拉色菌毛囊炎，中醫又有得醫？】

經過上次，吸取左教訓，已經將治療前圖片放係第二頁，希望唔好再嚇親大家

今次鄭醫師希望分享既案例係馬色拉菌毛囊炎，又稱之為皮脂腺毛囊炎，香港平均每20個人，就有一個試過出現依個問題，認真常見。 係時候學定少少，咁身邊朋友出現問題，都識叫佢地去搵忠醫嘛。

言歸正傳，馬色拉菌毛囊炎，中醫稱之為癤病，相當形象化。 主要表現包括：

1. 皮膚搔癢：患者會感到患處強烈的瘙癢，尤其係夜間更為明顯。

2. 紅色丘疹：患處會出現紅色的小丘疹，通常你成群分布的，並且周圍皮膚會出現紅腫現象。

常見部位：馬色拉菌毛囊炎常見於面部、胸部、背部和上臂等皮脂腺分布較多的部位。

慢性發作：發作過程比較緩慢，但容易反復發作，係炎熱潮濕的環境中更易加重。

鄭醫師點處理依個問題呢？

首先，佢幫患者搵番問題根本原因出黎，以下係醫師原句：「患者首診時由於症狀上偏於表裏寒熱錯雜，里位津血虛少，又帶有陽明實火實熱，故診斷為厥陰病以火證為主。」

（嗯⋯ 一句講晒，好複雜，簡單黎講，身體入面津液不足，有血虛，虛得黎又係熱邪係體內，又虛又實咁⋯）

然後，佢開左第一條處方，以下又係醫師原句：「而然患者所急所苦為表之火熱痈癤，但裡位津血又被陽明實火實熱灼傷，因此不能使用麻桂劑攻表。同時在裡又需要顧養津血又兼清實熱。故首方使用前胡升麻地黃湯，補虛清熱兼透表。」

（翻譯：津液少同血虛係因為體內不斷有熱邪消耗緊佢地，就好似用水煲煲水咁，會隨時間將水慢慢煲乾，咁依個時候，我地可以選擇加水，同時要熄火，如果唔係加完水都只係會再乾過，而且你亦唔可以係水滾時立即開蓋（攻表），因為啲咁熱既水會滾到周圍都係，仲多手尾。）

接下來，覆診時，鄭醫師就表示：「二診時裡熱症狀明顯減輕，以陽明水熱互結以及津血不足為主要矛盾。故選用外台麻黃泄黃湯，清泄陽明病水熱在表之病。」

（翻譯：較細左個火，同補左少少水之後，壺水無咁滾了，可以倒緊走啲熱水，咁個水壺就會慢慢涼番落黎 -- 皮膚涼番落黎，皮疹就會消退了。）

希望個比喻會幫助到大家了解醫師做緊咩，但重點係，佢分析得夠細緻，搵得出問題成因。 處理皮膚問題其實要好小心，畢竟稍有差池問題就會嚴重左，而且係皮膚到嚴重左，就會好影響心情。 所以一個知道自己做緊咩既醫師，係相當重要。

好，分享完畢，希望大家睇完幫手比個Like 同 Share 比有需要既朋友！

忠醫診所提供全面的中醫治療服務，讓您重拾健康。立即預約了解更多：
📱 電話：2110 9337
📱 WhatsApp：9315 3921
📱 Telegram：

想更方便地了解忠醫各項資訊，可以去Profile Bio㩒一下依條Link：https://mtr.bio/thecmp

#忠醫診所 #皮脂腺毛囊炎 #馬拉色菌毛囊炎 #中醫治療 #皮膚治療 #鄭醫師

【內燥外濕--真係比較複雜，盡力同大家講清楚】

學習中醫時，經常都會聽到中醫強調「人與自然係一個整體」等等既講法，簡單黎講，周圍濕氣重，你都會比較攰。 太陽出黎陽氣足，你會精神。 月亮出黎就到陰氣重，你就會想休息等等。 但細心諗一諗，好似係現代社會，好多事都比科技導致不同結果出現。

以前夏天，天時暑熱，但為左生活，大家都要耕田，烈日當空真係好易中暑。 但依家，出面天氣熱，行入商場就有冷氣，番到公司又有冷氣。 咁職安真漢子又點計呀？ 便攜風扇、甚至國產冷氣頭盔，一種又一種產品，好似令夏天都變得無咁辛苦（中校早會企操場另計）。

又例如，古人消暑係用涼瓜黃豆湯，用涼瓜既寒涼去清走身體既積熱，但依家，如果覺熱，凍飲加兩蚊或者食個雪糕就得啦。

講咁多，其實想帶出一樣野，現代中醫面對既症狀其實比以前更複雜，亦更無定向，因為都好受每個人既生活習慣影響。

外燥內濕，又係咩一回事呢？ 大家有無留意到，依排成日話天氣好潮濕，但身邊朋友可能陸陸續續出現喉嚨痛、流鼻血等等「燥」既表現？ 明明係「濕」既天氣，點解會有「燥」既表現呢？ 正如上文所講，有機會係科技既錯。

「燥」係一種天氣，過量就會變邪氣。 燥邪性質乾澀，容易損傷人體津液。一般外燥病邪侵襲人體必先侵犯肺臟，所以燥邪外感容易傷肺，損傷肺部津液，多見肺燥的症狀，最常見的症狀就是口乾，甚至咽乾鼻燥，流鼻血的機會亦較大。 點解會係近期出現呢？ 正係因為近排濕氣太重啦，大家冷氣、抽濕都開個不停，所以就反而變左燥，就好似日本咁⋯

外燥，好容易理解。 咁內濕又點黎呢？ 原來係因為天氣既潮濕加上飲食習慣導致。 內濕形成，多數因為患者平時飲食無節制，食太多生冷或肥膩、辛辣食物，例如凍飲、刺身、雪糕等食物。 依類情況大量地做，其實會損傷脾胃，導致功能減弱，脾係五臟中主管運化身體內的水濕，若然脾臟受損，就不能順利運化傳輸津液和水液，於是濕停滯在內部。

明白之後，就知道我地依排應該做咩。 祛濕、同埋開冷氣都好，整個加濕機係隔離附近，就可以減輕喉嚨痛或者其他「燥」既表現。

注意：基於上述原因，依排糯米、糉、榴槤都要避一避，食兩個雪梨都係一個唔錯既選擇。

如果你都有外燥內濕情況，等忠醫診所專業中醫團隊幫下你啦！立即預約，令自己輕鬆少少，無咁煩！🌿

📞 預約電話：2110 9337
📱 WhatsApp：9315 3921
📩 Telegram：
想更方便地了解忠醫各項資訊，可以去Profile Bio㩒一下依條Link：https://mtr.bio/thecmp

#濕 #燥 #忠醫診所 #健康生活 #科技的錯 #榴槤

【又一星期啦，但唔講天氣，講食糉既壞處】

首先補祝一句端午節快樂先，祝各位夏天健健康康，但要維持健康都唔易，所以我地講講食糉既壞處，方便大家Share比媽媽，然後將啲糉送比人，唔洗端午過後日日食糉。

天氣方面，無野好講，繼續落雨🌧️ ，氣溫升高🔥 ，記得帶遮☂️ 。

好，翻正題。 端午節食糉就係基本動作，但係食一兩隻應下節無咩所謂，但真係唔好多食啦，點解呢？

糉，大部份係糯米🍚，然後肥豬肉🍖、咸蛋黃🥚，依兩樣野高脂高膽固醇，亦係老生常談，所以都唔講。 最重要既係！ 依種天氣下，食大量糯米🍚，等同自己搵黎病🤧 。

一、糯米質地黏滯，相當不利於消化，所以食一隻糉，你會發現相當頂肚，可能中午食完，去到平時晚餐時間都仲有少少覺得飽😞 ，食唔食下一餐都得，依個本身就係有少少消化不良既警號，唔食還好，再補多一餐，就會容易消化唔切有食積出現，咁就會有少少噯氣，然後出黎既氣，有少少酸酸臭臭咁🤢 ，唔想搵忠醫，就係時候食少少保濟丸，希望頂得住啦⋯

二、除左黏滯外，結合依排天氣 -- 潮濕💧 ！ 糯米容易製造另一個問題出黎 -- 引發痛症😣 ！ 本身都還好，但自從依個天氣系列出左，已經斷斷續續落左一個月雨啦！仲要日日落，環境中所謂濕氣，其實已經相當相當重，而糯米容易助濕生痰，阻滯氣機，經絡不暢就會痛，所以有時都會聽到老人家講，食完糉唔太舒服😷 ，原因就係到。

所以：
如果你本身脾胃差，難消化就唔好食咁多糉；
如果你本身有痛症，怕變差就唔好食咁多糉；
如果你本身氣虛，怕出事都唔好食咁多糉。
如果你本身好正常，都唔好咁開心，因為你正常，但個天氣唔正常，所以都唔好食咁多糉。

當然啦，忠醫並唔係針對糉，係糯米，所以什麼芒果糯米飯之類，近期都避避佢啦，都係個句，個天氣唔正常。

但！如果你好不幸地，已經中左招，食完糉有唔舒服⋯咁⋯搵忠醫啦！忠醫幫到你！

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #天氣預報 #中醫建議 #健康生活 #端午節 #糉 #傻

【一針解決肩部拉傷】

近日有一位朋友，係足球比賽後同對手發生碰撞，結果贏左場波，輸左膊頭。 比賽後，朋友發現自己抬手再放低時，左肩前方便會出現疼痛，仲要痛到叫出聲個隻。 所以即刻黎忠醫求助。

📆 治療前：左肩抬起再放下到90度左右便會出現疼痛
📆 治療後：輕鬆完成動作，扮下雀仔飛都無問題

📌 治療重點：
一、患者主動進行動作時會出現疼痛，但由旁人協助則疼痛消失
二、確認只係肌肉拉傷，當然要用陽陵泉

只要確認問題原因，一次針灸，一個穴位，已足夠大大改善情況

如果你身邊家人或朋友都受肩部疼痛困擾，不妨試下介紹佢地搵忠醫幫幫手。

📞 預約電話：2110 9337
📱 WhatsApp：9315 3921
📩 Telegram：
希望更快捷了解各項忠醫診所資訊，亦可到Profile Bio，㩒一下依條Link：https://mtr.bio/thecmp

#忠醫診所 #中醫治療 #肩痹 #肩痛 #肩周炎 #針灸 #健康生活

📚 #中醫字典 ：怨恨📚

最近察覺到身邊朋友「怨恨」情緒漸漸增加，咁到底「怨」、「恨」係中醫眼中係咩一回事，而你自己心入面既，又到底係「怨」還是「恨」呢？

「怨恨」係兩種相反既情緒：
怨：意思係當所願不得、所欲不遂之後出現既失望、不滿情緒。將依種不滿情緒表達出黎就係責怪、譴責、抱怨、埋怨。

恨：是遭受別人侵犯、傷害以後出現的想報復、反擊的心理情緒。

怨係不滿，而恨係反彈。一虛一實，兩者截然不同。 恨係一把雙刃劍，不發出去傷敵，就會留住傷害自己。化解恨的方法只能用泄法，亦即係將恨釋放出來，這樣因懷
恨在心而產生的惡毒心境先會改善。最好的方法就係去反擊、報復傷害侵犯自己既人。

唔信？撫心自問，隔左咁多年，咩情緒消失左，咩情緒仍然留係腦海？

當然，好多情況都唔容許大家激烈報復。 如果環境條件唔允許的話，中醫通過調理氣血亦能達到解恨的效果，比如中藥「合歡皮」就有記載。 《本經》：「主安五臟，和心志，令人歡樂無憂。」，可以化解仇恨心態。

但隨時代發展，係心理學中，怨恨兩個字被放埋一齊，被定義為一種情緒低落的狀態，感到沮喪，無能為力，或者更通俗地說，總是感覺到自己是一個「失敗者」。 唔知你對依個講法又同唔同意？

如果你依排都察覺到自己有怨恨情緒，不妨忠醫診所專業中醫團隊幫下你！立即預約，用中藥處理心中怨、恨！🌿

📞 預約電話：2110 9337
📱 WhatsApp：9315 3921
📩 Telegram：
想更方便地了解忠醫各項資訊，可以去Profile Bio㩒一下依條Link：https://mtr.bio/thecmp

#中醫 #怨恨 #心理 #忠醫診所 #健康生活 #怨 #恨

【禮貌的士運動 -- 來龍去脈 及 看法】

6月6日，的士業界竟開展左一場禮貌的士運動，實在令人意思不到，當然亦即時有例牌會出問題既司機出黎講左句：「客人無禮貌，我地又點會有禮貌。」成為焦點。

依件事既來龍去脈，已經係上圖交代，當然當中亦抽走左的士持牌人、警方對事件影響部份，因為真係唔夠位放圖。 但依件事其實帶出左兩個有趣既反思：

一、只要有替代方案，或者情緒出口，憤怒情緒其實相當容易消失，但只係暫時消失而並非解決。 好似事件咁，市民對的士既怨氣又何止十年，但有Uber出現，心中覺得有得揀，就會覺得多一事不如少一事，我揀另一個方案，由你自己慢慢玩。 如果唔係放蛇事件，大家又幾可聽到司機大哥出黎呻比人抄牌抄到驚？ 而放蛇事件正正係，部份的士大哥嘗試堵塞唔比大家揀Uber既行動。 結果當然就係爆發，畢竟憤怒都無解決過。

二、爆發，又係唔係一定係壞事呢？ 最少就暫時結果而言，的士業界推行禮貌的士活動，市民受訪者都係表示樂意見到。 而參與舉報既市民亦覺得，獲得一個小勝利，心情舒暢唔少。 聽上去，都係好多於壞。 咁點解唔早啲爆發而要選擇忍、忍、忍，又係一件值得諗諗既事。

以上睇法都只係拋磚引玉，希望引起大家對情緒變化及處理既反思。 唔知你對依件事又點睇呢？ 歡迎留言討論。

（以上內容只係小編既個人睇法，同忠醫診所立場無關，戴個頭盔先，唔好意思🙈 ）

想了解更多忠醫診所資訊，可以㩒入依條Link：https://mtr.bio/thecmp

#忠醫診所 #情緒 #禮貌的士運動 #的士 #放蛇

【訪間傳聞，食生薑、花椒會令濕疹爆發，到底真唔真？】

🌿 忠醫診所 - 神經性皮炎的中醫治療案例分享 🌿

🔬 治療前後對比：
圖中可見患者在接受三星期治療前後的效果對比。 忠醫診所，專注於通過中醫方法治療各種疾病。

點解咁有效呢？ 我地一齊睇睇發生咩事啦！

🔍 個案分析：
患者症型：厥陰中風

患者表現：胃口差、手腳冰冷、冒虛汗等中風症狀，亦有眼瞼半白半鮮紅及皮膚青絡等表現

判斷：患者胃氣虛弱及津液不足

排除：「白朮、茯苓」等利水滲濕藥、「黃連、白鮮皮、地膚子」等苦寒燥濕藥，以免津液及胃氣進一步耗損，不利患者康復和濕毒邪氣的消退

決定處方：前胡梔豉椒梅湯

部份藥材作用：
前胡 : 溫表固表，利邪氣外岀
梔子、豆豉 : 除煩宣熱透表
烏梅、花椒、生薑 : 溫中袪寒濕、逐死肌。
天花粉: 清熱解毒生津補虛
白芍、甘草、沙參：補充胃氣津液

上方成份當中亦包含生薑、花椒，但唔單止無惡化，仲處理好左，原因正正在於患者發病既根本原因係因為虛寒、寒濕、血虛，而生薑、花椒，正正擔當左溫中祛寒濕既作用，而且更可以令皮膚更快推陳出新。 所以到底食唔食得？ 都係要了解左濕疹根本原因先啦。

📞如果你朋友都因為濕疹而煩惱緊，而你又想佢有一位邏輯清晰又細心既醫師，Tag下佢，叫佢搵忠醫幫手啦！

忠醫診所提供全面的中醫治療服務，讓您重拾健康。立即預約了解更多：
📱 電話：2110 9337
📱 WhatsApp：9315 3921
📱 Telegram：

想更方便地了解忠醫各項資訊，可以㩒一下依條Link：https://mtr.bio/thecmp

#中醫 #神經性皮炎 #中醫治療 #忠醫診所 #香港中醫 #皮膚治療 #濕疹

🌿 忠醫診所 - 疾病字典：敏感 🌿

📖 敏感 [man5] [gam2]

最近成個香港既狀態都相當敏感，同疾病中既敏感頗有如出一轍感覺。 中醫角度黎講，敏感多數係需要有齊外因、內因先可以出現。 簡單黎講，需要身體差，並且有致敏源出現，兩者齊備先會出現敏感。 同今日香港又有咩分別呢？ 相當有趣的一點係，敏感係可以因為幻想而出現，例如，你明確知道自己對蝦肉敏感，如果你食左其他野食，但朋友信誓旦旦咁話岩先食物入面有蝦，而你真誠地相信的話，都一樣有機會出現紅腫、痕癢等等表現。

呵呵，何其相似。

好啦，重回正題，到底中醫點睇敏感依件事呢？

🧠 中醫理論
中醫認為各種敏感表現都係內外失調的表現。 所以會將問題拆分做兩部份：

內在：與自身健康有關，往往會先思考同肺、脾、腎三個臟腑既關係，而較多情況都係同以上三個臟腑偏虛有關
外在：依部份同現代理解有少少唔同，傳統中醫較少觸及致敏源依個概念，可能會話某啲食物係發物或者偏性較強（有毒），但根本原因都係外邪引起，然後思考到底由風、濕、寒三種邪氣（較常見），邊種有關有關

🌟 治療方法
以上理論關治療咩事呢？ 原來中醫可以做到同時處理內外問題。 當大家理解左，原來敏感係需要內因、外因同時出現，換而言之，即係只需解決其中一個原因，已經可以令敏感表現消失。 大家可能會諗：「咁我補補就得啦，唔好咁麻煩。」，但其實補既過程往往係相對較慢。 畢竟日積月累既虧虛，都需要時間慢慢重新積累。 而外邪往往可以短時間內解決，例如：出汗、催吐、催瀉都可以快速地處理風邪、寒邪、濕邪等等邪氣。 然而可惜既係，現代人往往係敏感消失後，就會掉以輕心，無進一步處理虛既問題。 所以過一排，又會再過敏。

結語
都係個句，呵呵，何其相似。

如果你都有過敏情況，等忠醫診所專業中醫團隊幫下你啦！立即預約，令自己無咁痕，無咁煩！🌿
📞 預約電話：2110 9337
📱 WhatsApp：9315 3921
📩 Telegram：
想更方便地了解忠醫各項資訊，可以㩒一下依條Link：https://mtr.bio/thecmp

#中醫 #敏感 #健康 #花粉過敏 #食物過敏 #中醫理論 #忠醫診所 #健康生活 #過敏治療 #中醫保健

忠醫天氣快訊 （6月4日 - 6月9日）
今日有啲野唔講得，所以我地繼續講一成不變既天氣。

今個星期同上個星期天氣，基本上無分別，係下星期先開始有番少少陽光。 近排都係持續落雨，氣溫在24°C至31°C之間，熱番少少，濕度持續高企，小心地面牆身出水，提防意外。 跟住我們一齊來看看中醫是如何建議大家度過這一週的：

【重點】
連續咁多日落雨，可能令大家覺得有點煩悶，落雨無得出街會容易胡思亂想。 但唔好亂想當年，容易出事。 記得出門一定要帶遮，穿著透氣的衣物。避免在濕透的情況下立即吹冷氣，這樣容易引發感冒。保持身體乾爽。 另外，今日不宜外出活動，容易整濕自己，跟住Bad Trip。

【宜】
祛濕、帶傘、穿透氣衣物、保持心情愉快、適量運動

【忌】
心情鬱悶、唔好想當年、唔好點蠟燭、濕身後馬上吹冷氣

【中醫小貼士】

祛濕食療：多吃薏仁、紅豆等祛濕食品，有助於減少體內的濕氣。
保持心情愉快：連續的陰雨天氣可能會影響心情，建議大家適當做些室內運動，如瑜伽、HIIT，有助於舒緩情緒。
適當補水：雖然濕度高，但身體仍需要適當補充水分，建議飲用溫水，以促進新陳代謝。

記得繼續帶遮！保持身體健康，遇到任何問題歡迎來忠醫診所尋求中醫支持。

📞 預約電話：2110 9337
📱 WhatsApp：9315 3921
📩 Telegram：

想更方便地了解忠醫各項資訊，可以係Profile 㩒一下依條Link：https://mtr.bio/thecmp

#忠醫診所 #天氣預報 #中醫建議 #健康生活 #香港天氣 #中醫養生