魚木日台美食

下下都幾舊水一個刺身盤，不如整個$188既刺身廚餘plan俾你地自取有無得諗？

三文魚/呑拿魚/鯖魚/鯛魚/甜蝦/帶子

有興趣既就留個言，我預貨啦😂

屌呀，葉劉黎既？

咁多人like我個廚餘post，係咪又要開團購🥲

次次賣刺身盤都好多廚餘，係呀你無睇錯呢碟就係廚餘….

當年深圳改革開放，成為國際重要既金融中心，兼有亞洲巨龍既稱號，東莞更加係世上首屈一指既工業重鎮，全亞洲最大既線上賭場上線時，香港仲係個小漁村咋

有行家搞到要走佬
又有行家出黎抽水

有行家因為要靠走左佬既人而頓失依靠
又有行家因為家人而決意遠走不回來

這片土地每一天都比昨天變得陌生。幾年過去，越來越多人問到底這裏還是家嗎？

生在這，不算家
安在這，也不算家

人大了我才感受到，媽媽在哪，哪便是家。

希望大家剛剛的假期也活得快樂。

作為廚師，其實無咩讚美比得上食客一句”好好食”。

#我認我真係匱乏
#一字既之曰窮

呢兩日比較多留意既消息都係爆炸頭去台灣，跟手又爆欠薪欠債。

佢點做法，或者係咪真係走佬，真相只有當中既人先知。但作為外人，我睇法係有頭髮邊個想做辣喱？

有班咩同路人，而一邊口誅筆伐話欠薪仆街，但平日又唔見幫襯支持，得閑都係去食麥記返大陸揼骨。到有事就出黎義正辭嚴先屌為快。而家我都唔知呢班到底係同條咩路既人，啲咩”不分不割”、”好痛心好憤怒”、”又到612721永不忘記”果啲，而家睇見都想dllm。

係呀，我知我咁講會得罪人。咁點？咪得罪囉。從來錦上添花易，雪中送炭難。我只係唔想所謂香港人精神，變成落井下石，一沉百踩者。

👨🏻‍🏫: 你開魚木係唔係因為飲食業門檻低好易做？

🧟‍♂️: 我開魚木係因為 *我以為* 飲食業門檻低好易做…

雖然我地主力都係做熟食既丼飯同定食，只會間中做刺身盤，但我地用既都係飛機貨黎。

每日早上6點由日本魚市場出發上飛機，到當日下午3點清關，5點半送到鋪頭再開箱分件，去omakase食都係食呢啲架咋👻

雞扒丼好食既秘密🤫🤫🤫

改雞時會起雞皮煉油，加入蔥薑蒜同香料，然後再係整雞扒時用雞油起鑊煎蛋同雞扒。

好食就係要多幾層功夫😶‍🌫️

所有相都係人地俾我
唔澄清係你無證據證明唔係你
我地被人鬧我地先係受害者
明明我地都係為民請命抱打不平
點解你地要咁屈我
果然係蘋果出黎😂😂😂

岩岩無生意，碌朱西伯伯睇到，不如又講兩句。

鋪頭一般要用商用寬頻，同家用寬頻分別最大既係價格要貴10到20倍。100M上網要$398，200M月費就$498，當然可以簽長約平少少，但一般上網點單系統，只要100M上網就足夠維持。

不過，假如開放WiFi，100M上網最多只能支持2個客人係鋪內Netflix ，加上系統既負荷就會崩潰。所以外面店舖唔開WiFi，我地都好理解同明白既。

至於我地，牛頭角同九龍灣店為解決呢個問題，都有獨立伸請左兩條寬頻，一條100M專為系統，另一條300M專俾客人使用。所以黎我地度食野，一樣可以Netflix & Chill架🤣

生意又無咩特別，不如分享下有時做樓面有咩有趣野啦。

話說有幾個客係度吹水

👱🏼‍♂️: 馬斯克好勁呀，係拉斯維加斯開左條地底隧道，好似只係俾TSLA車行，仲車左幾百萬人次。

👨🏻: 係呀，好似話係為將來火星都用得添！

👱🏼‍♂️: 咁幾好喎，可能火星唔岩人住，之後啲人要係火星地底住，咁條隧道就有用！

🧟‍♂️: (忍唔住答嗲) cls 反正都要住地底，點解唔係地球地底住要去到火星咁L遠？

👱🏼‍♂️: ….

👨🏻: ….

係我知我好八掛又好無聊🙂‍↕️🙂‍↕️🙂‍↕️

#樓面日常

核心重點推
似乎老細好快都要去賣第二啲野幫補下🥲

落完7日雨
下星期再落7日
然後商場再壞電梯
似乎呢個月都幾嚴峻🤡

5窮月唔易捱呀

唔關事OT

近排的士佬同U爸開波，搞到一地都花生殻。本來就唔關我咩事既，但今日又見到滴滴又想黎香港插旗，咁就同我有少少少少關啦。

舊年中資美團攻港，第一步就打爆左袋鼠同熊貓玩左幾年既獨家平台政策。然後所有平台既上架費都下調左7到8%，咁對我地小生意影響都幾大，我地既利潤率係有實質改善既。然後美團俾車手既佣金又冠絕三大平台。咁車手收入高左，都替佢哋高興既。

而家網約車市場基本上就係85的、Uber兩個玩晒，假如滴滴又可以合法插旗，都幾可以肯定既係司機同乘客都會有短時間得益。

咁之後呢？美團做一哥之後開始逐步減車手收入，平台優惠亦少左，最終始終都會回歸平衡。

既然最後都係一鳩樣，不如大家考慮下搭程車黎魚木買個滑蛋雞扒飯食？🙂‍↕️

話說我地三間店都係歡迎客人外帶飲品既
食物方面如果我地餐點岩食既就歡迎點選。如果諗唔到食乜可以問下我地既是日精選架~~😂

另外我地一直全線免收加一，保證明碼實價😂

#唔係下下都咁老土話咩唔收乜乜費既
#唔通冷氣免費都要特登寫埋咩

咁多人講個天水圍教師係武漢嫖妓，我就好簡單既，中國女人咁優秀點會有人做妓女。

當年民主黨員上大陸嫖妓既事我都仲好記得，事實係點大家心中有數啦。

鋪天蓋地既執笠關注組熱議之後，有位專做鋪市既kol 分析過，其實飲食業既餅係大左既，只係生意會集中係大型連鎖店。

坦白講，香港既租金真係高，只係經過強力既疫情同移民潮影響之後，真正最大問題既其實係winner takes all既問題。

岩岩係airside行過，一間名不見經傳既cake shop, 一件cake售價係69蚊，但佢三步之遙外既美Xcake shop，同樣質素等級既cake只需要$34，一半價錢都唔洗，我見間鋪個sales走出黎又試食又好招呼咁，都仲係眼白白睇住隔離排長龍…

近日中環熱爆既燒漢堡店，$138蚊個餐食到飽。老闆娘問我其實咁點賺？我只需要同佢講，人地一隻和牛拎返香港既成本，平過你買最唔值錢既巴西牛，咁點會無得賺？最好既例子莫過於我地一片呑拿魚成本要近15蚊，壽司佬可以9蚊一片賣出街都唔洗輸。

香港係個高度特化既城市，所有既成本都可以透過極限資本操作控制，佔據市場同時趕絕所有新加入市場既人。係客人面前既，係超大型資本建構出黎既企業，專業設計、時尚新穎既裝修，研發團隊依照大型市場調查而調節既爆款既産品，連清潔衞生設備都有專職既工程部處理，一間小店黎黎去去幾丁友開收檔做，係競爭力不足下執笠係必然。

要挑戰巨人，就要起碼拎得到足夠放上台面既籌碼，抱住必須要死掂佢既決心，確保所有産品必須要係誤差值範圍以內，用最樂觀既態度盡心招待每一位客人，就可以安心輸身家破產走佬😎

魚木特選刺身盤

呑拿魚赤身3片
藍鰭呑拿魚中拖羅3片
挪威三文魚6片
挪威三文魚腩3片
北海道特級帶子3隻
甜蝦4隻
特選鯛魚3片
油甘魚3片

每盤$400，訂購客户可以$100加購6隻日本特級生蠔。黎緊母親節，限量20盤，有買襯手喇~~

淨4盤咋🫣~~~有買襯手~~~

反應一流
今個星期四/五再推限量10盤，每盤$400
隨單可換購$100/6隻日本優質生蠔

照舊今次會有神秘禮物，pm我地或者WhatsApp 98008766 落單啦~~

先學好做人

自從老闆娘切親手指公之後，佢份人就正面左好多，正能量滿滿之餘，同事氣氛都和諧左好多。

例子1.
🙋🏻‍♂️: 刺身仲有無
👸🏻: 咪話左仲有4份囉👍🏼

例子2
🌚: 一陣要叫貨，但而家個list未夠錢
👸🏻: 都未搞掂，等佢地報埋今日數先啦👍🏼

例子3
🧟‍♂️: 一陣有無咩想食？自己煮定叫外賣
👸🏻: 諗唔到，是但啦👍🏼

無論講乜，用咩語氣，都總會俾滿滿既like🥰

話説今日有客話我地啲角切魚生飯好唔新鮮睇見都唔想食，又話係昨日先係日本返黎根本唔會係咁既樣….
我想講我地啲魚可能係同你同一班機到香港…分別就係我地昨晚要漏夜用特制醬油醃左今日先賣俾你…🥸
容許我重申一次：魚木賣既肉絕對都係隔夜，要食新鮮既請特別訂購特製刺身盤🥲

有得叫雞喇😆

經過一年時間，我哋脆意雞重新營業，我哋會由「筲箕灣脆意雞」改名做「脆意雞 Minus one 」或者可以叫「脆意雞-1.0」，新既脆意雞暫停pizza供應，原因遲吓再講比大家聽。
我哋會響柴灣作為基地，各位請於各大外賣平台落單，新店不設自取。之後我哋會準備一啲新既菜式做團購，例如原隻烤雞或者窯雞之類，就由會不定時舉行，詳情請留意Facebook 通知！
我哋明白，新店新模式會另大家失望，但係鑒於現時市場情況作出既決定，或許一兩年後我哋會再次開業於地舖，不過到時候再決定。

#感謝大家一直以來關注
#出咗醫院就要工作
#仲低過從零開始
#照打脆意雞就就搵到
#各平台送貨範圍不同

最後2盤喇😝有買快手~~~

話說有位同事話我出post好隨心，叫我出多啲post🫣

工商時間: 刺身盤淨4盤咋~~~有買襯手喇~~
(有日本中拖羅，蜜柑鯛，油甘魚，挪威三文魚腩，同日本帶子加埋廿幾片都只係400蚊咋，加$100仲有6隻生蠔~~~)