ART HUB RAY
Nearby interior services
灣仔譚臣道23號壬子商業大廈一樓全層, Hong Kong
Thomson Road, Hong Kong
Pioneer Place, Hong Kong
Pioneer Place, Hong Kong
Thomson Road
Shanghai Industrial Investment, Hong Kong
Hong Kong
Queen's Road East, Hong Kong
Honnessy Road, Hong Kong
Queen's Road East, Hong Kong
Queen's Road East, Hong Kong
Queen's Road E, Hong Kong
Swatow Street, Hong Kong
Hong Kong N/A
Queen's Road East, Hong Kong
ArtHubRay畫廊為一間多元化藝術空間,設有各種藝術工作坊,適合不同年齡程度人士參加。另有售賣藝術家作品,展覽,美術用品。
地點:灣仔譚臣道23號壬子商業大廈21樓B,工作坊報名詳情歡迎PM查詢
【小店5歲喇!🎂】首先要多謝各位家長同朋友們支持,今年暑假有好多新同學仔嚟到我地呢度上堂參加我地嘅畫班,Ray老師代表畫廊仝人向大家表示衷心感激,多謝你地對ART HUB RAY畫廊嘅信賴。🙇♂️
由於每一個查詢同預約都係我親自處理,呢段期間非常繁忙,可能回覆會有d延遲,係呢度我向大家表示抱歉,多多包涵~我會盡快為大家處理。🙏
轉眼間Ray老師係呢度已經默默經營左5年喇~時間真係過得好快。每日天光8點幾起身去開舖,凌晨收舖埋數洗筆,禮拜一就如常做各種公司日常文書事務,一星期做足7日,打風落雨公眾假期照常營業,日覆一日5年嘅時光。問心講真係攰,但係一諗到每一位同學仔帶著期待來到課堂,見度大家嘅進步,一幅比一幅更好嘅作品,得到越來越多嘅同學仔家長們嘅支持,大家越來越喜愛藝術,我呢d攰又算得d咩呢~
我好享受凌晨時分翻屋企嘅路途,好寧靜,可以比我細味一日既工作,邊d地方做得唔夠好,有咩地方可以改進,亦都比度我好多想像既空間去構想未來。呢幾年每一日都過得好踏實,實現左好多嘢,證明左好多嘢。我覺得我好幸運,因為有你地。✨️
我絕對係蠢人嚟㗎,當初嘅我除左識得畫畫之外,其實乜都唔識,開小店嘅時候我對自己有一個承諾,如果d積蓄輸曬就正正經經搵份教畫正職重頭嚟過洛。回想起來每一件事情都好似最初學畫畫咁,估下估下,撞下撞下,無答案無示範,遇到困難嘅時候,心口寫個勇字勤力搭救,堅信風雨過後必有晴天。
可能傻人有傻福啦,上天比我遇到大家,多謝你地令我可以繼續發呢個夢,唔需要再飄泊。🙏
我從來唔會忘記我呢條路係點樣走來,我嘅起點係邊度。好感謝5年嚟一路支持Ray老師嘅你,有一d係我開呢個小店之前就已經開始支持我嘅同學仔,多謝你地睇住我成長。亦都好多謝好多新嘅朋友,多謝你地一路都咁中意藝術,中意繪畫。亦都要多謝我地嘅同事,每一位係畫廊同我並肩嘅隊友,我知道我並不孤單。
因為你地所以先會有我同呢個地方,係你地證明左藝術係可以係香港呢個地方度生存,而且我知道係可以有光芒㗎!✨️希望往後嘅年月入面每位係畫廊度學習過嘅朋友,無論你地仍然係香港定係去到世界嘅任何一方,都能夠依然繼續咁愛藝術!Ray老師同我地每一位同事隊友,會繼續努力將更好嘅繪畫課堂帶比大家。🫶💖
-----‐--------------‐--------------‐--------------‐---------
五週年特別活動:
10月11至14號將會舉辦一個韓國遊學團,詳細可向我查詢。
【打鑼打鼓🥁】熱烈祝賀小朋友同學仔獲獎🎊,希望你地將來長大左之後都能夠好似今日一樣,因為藝術而感到自豪👏👏👏
#油畫 #兒童畫班 #畫班 #暑假 #水墨畫 #寵物畫 #青少年畫班 #繪畫班 #小朋友畫班 #藝術 #繪畫 #暑期班 #粉彩 #動漫 #暑期畫班 #香港畫室 #興趣班 #食物畫 #工作坊 #畫室 #油畫班 #手工 #香港藝術家 #香港畫班 #香港畫家
【意式油畫人像寫生工作坊完成✨️】終於成功挑戰左一個禮拜教足7日班呢個成就解鎖,係翻工呢件事情上嚟到講,Ray老師絕對係癲嘅。✌️
P.S.個場set得咁辛苦,一諗到要還原翻整齊就金洛🤣🤣🤣
【期間限定–兒童暑期藝術工作坊🌞】
暑假到喇!🎊8個主題藝術畫,每周一款!得意好玩又有趣~認識八位不同背景風格的藝術大師,製作成可愛得意的作品,學習手藝同時了解藝術歷史,結合繪畫與手工元素,令小朋友對藝術有更多認識,呢個暑期班點止畫畫咁簡單!✌️
P.S.報名時請註明有興趣【期間限定兒童暑期藝術工作坊】,課堂費用時間表詳情可向我查詢。
#油畫 #兒童畫班 #畫班 #暑假 #水墨畫 #寵物畫 #青少年畫班 #繪畫班 #小朋友畫班 #藝術 #繪畫 #暑期班 #粉彩 #貓 #暑期畫班 #香港畫室 #興趣班 #食物畫 #工作坊 #畫室 #油畫班 #手工 #香港藝術家 #香港畫班 #香港畫家
【🧑🏫全員導師內部培訓】一齊畫人像!✨️
又嚟到一年一度嘅暑假喇!Ray老師同我地每一位同事都要更好地裝備好自己~以最佳嘅狀態去指導我地每一位學生!熟悉Ray老師嘅都知道,我除左畫動物之外,其實最強嘅技能屬性係畫油畫~所以今次一於就傳授畢生絕學看家本領比大家啦!
一大班人一齊畫畫嘅感覺真係好好,好似翻翻去中學時候上堂果陣時嘅感覺,有講有笑大家睇下大家d畫互相切磋共同進步,你呢忽畫得幾好~我果忽都唔曳~~一班隊友一齊畫畫,各自都有自己嘅特色,加埋一齊就係一個整體,成件事好青春!真係好正🫶
P.S.根本就係自己想畫人像畫,承機搵d借口要大家陪~🤣🤣🤣
#暑期畫班 #暑期班 #放暑假啦
【🧑🏻🎨同學仔課堂作品】你地每一個都比Ray老師叻✨️
作為一個以畫畫做職業嘅人嚟講,我一直都係咁覺得。好多同學仔都會認為Ray老師好勤力,其實比起我你地先係最勤力果個。大家來自各行各業翻工翻學,各自平日都有自己嘅事務同專業,好多時都係完成一日辛勤嘅工作後,山長水遠來到課堂,利用不多的工餘時間發展自己純粹嘅興趣。繪畫一幅作品並非一朝一夕,有好多時候亦都會遇上一d瓶頸位,能夠克服種種嘅困難完成一幅又幅嘅作品,令自己不斷變強,呢份毅力和成績真係十分令人敬佩。我要好大聲咁講,你地真係好叻架知道嘛!🫶👏👏👏👏
【小朋友課堂作品👶🏻】就嚟開始考試喇窩😲
呢排家長同小朋友都應該開始好忙,捱埋佢考完試就可以放假去玩喇!加油加油~大家準備好食玩訓旅行喇喂!🎉
【畫廊team building】🙋🙅♂️🧏♂️🙋♂️🧏♀️🙅♀️🤦♀️🧏
前排Ray老師去左外遊,翻黎令我意想不到嘅係我覺得畫廊成長左好多。原來有時真係放下手,成效可能重好d。一於就搞翻個一系列既內部藝術活動,等大家默契變得更強勁先得!(又借d兒搵d理由叫大家陪自己玩🫢)
係呢度工作嘅每一位成員,佢地或多或少都有一d自己既縮影,各自懷著藝術夢有志向。係我眼中佢地唔係同事,係隊友係夥伴。同大家一齊工作總能令我回想起中學時代,一班同學仔一齊畫畫,講下將來夢想,想像下forever嘅友誼,失意時互相勉勵,大家唔洗講野都知對方想要d咩,即使偶爾感到迷茫仍然會鼓起勇氣一齊奮力前進嘅日子,真係好令人懷念嘅歲月啊~(點解咁快就大個架😢)
成長路上能夠有一班志同道合嘅人一齊結伴同行真係一件好幸運嘅事。緣分令大家聚集埋一齊向住同一個目標努力,一齊成長!一齊進步!ya✌️
【同學仔課堂作品🎨】能夠畫好一幅作品嘅人,都具備呢三個心:❤️🔥信心,💖耐心,❤️虛心
“信心”
當我地去畫一幅作品嘅時候,最常會出現嘅情況係自我懷疑,驚犯錯唔敢落筆,從而導致落筆次數不足而大大降低左練習時對於筆法力度控制,同顏料色感嘅熟悉熟練度。所以我地成日都講唔好驚畫錯,大膽d落筆,大膽d估個顏色配方,過程中你確實係會有估得唔啱嘅情況出現,但都必需要摸住石頭過河繼續嘗試估落去。要有相信自己做得度呢個信念,就算你真係畫彎左,有Ray老師係度丫嘛。😆
“耐心”
一件好嘅作品係需要經過千錘百鍊⚒️,好多時候我地一筆落去嘅顏色,都需要透過反覆數次既調整修正先至會達致該有嘅色彩效果,呢個係一個成規操作正常程序,而唔係犯錯。所以更多情況大家并唔係畫錯左,而係未畫完。
之但係新手由於經驗較少信心亦未建立好,所以好容易畫左兩筆調一兩次之後,覺得未到位就會氣餒。一定要記住好事多磨,好嘅嘢都係需要時間慢慢堆砌出嚟嘅。繪畫唔係計時比賽唔需要鬥快畫啱,欣賞作品嘅人亦唔會在意作者花左幾短時間完成,反而如果用更多時間去創造出精煉嘅作品會更讓人感到敬佩。
“虛心”
呢度講既唔係自大,係講唔好對自己太苛刻(標題黨)。好多新手都會將自己個標準定得好高,稍為隻色溝得爭少少就已經覺得自己好失敗😵,呢個觀念真係要改架。❌️
我明白打籃球就應該要以高比拜仁作為學習目標~但係高比拜仁打左咁多年波都未必百發百中,你啱啱開始學拍波射十球入度四球都算叻豬喇。唔應該為自己射失6球而感到失落,應該要為自己射入果4球覺得鼓舞至啱✨️!唔好下下都同人比,真係要比就同昨日嘅自己比。
恭喜曬~我地同學仔個個都有左呢幾個心💖好嘢👏👏👏
【老師聯盟全員集結!📣】一齊同jacky開歡送會!
jacky老師係我地畫廊畢業喇👋成班人一齊去party room,切蛋糕,唱k,打機,玩board game。🎉🎊
可能有好多新同學仔唔認識jacky老師。jacky係我地小朋友班未成立嘅時候就已經係畫廊嘅助教,係畫廊渡過左幾個年頭,當畫廊面對最大嘅一波疫情衝擊時亦並無離隊,同Ray老師一齊撐過風雨,與畫廊一齊成長。後來開拓小朋友班,成為初代基礎班骨幹導師時至今天。天下無不散之宴席,相信好多舊同學仔都會同Ray老師一樣都會感到不捨,但知道jacky老師有更遠大嘅人生目標我地都為佢感到高興~Ray老師代表畫廊全體仝人,祝jacky老師前程似錦奔向更高嘅成就!✨️
#第一次玩狼人殺乜又係我做狼人
【小朋友課堂作品👶🏻】我地班小畫家又大個d喇~
佢地d繪畫技術都增長不少呢!畫班都即將迎來又一個暑假喇,多謝各位家長對我地長期嘅信賴同支持,令小朋友對畫畫充滿自信,係我地最大嘅任務!💪我地每一日都盡最大嘅努力,希望能夠令每位學生都更快速更有效地理解繪畫技巧,但係學習始終都係要靠學生自己本身,做度好嘅成績全賴小朋友自己嘅努力成果。🎊
小朋友成功進步除左係佢地自己叻之外,更重要係有背後默默247奉獻出所有時間心機,風雨不改接送栽培嘅爸爸媽媽,因為你地所以佢地先會係成長嘅路上變得更強,你地先係最叻👍👏👏👏
【同學仔課堂作品🎨】因為嘗試所以做到🏋
我地成日都會有一d疑問,究竟自己得唔得㗎?會唔會好醜怪㗎?邊有時間啫?係咪要好多錢㗎?宜家先做會唔會太遲呢?
人嘅一生入面會有好多類似呢d咁嘅問題,而呢d問題大多數都會隨住時間嘅流逝可能變成遺憾。人越大錯過嘅事情就越多,重記得小時候嘅我的志願嘛?如果夢想已經在時間和現實世界中淹沒了,咁小小嘅心願假若都失去埋,咁唔係好可惜咩?
成就自己唔一定要有好偉大嘅願景,可能只係一個人去流浪,約好耐無見嘅朋友食飯,同屋企人一齊旅遊,做一件細個好想做嘅事情。
生命好短暫,好多嘢唔好等到真係過去左先嚟後悔,唔試過你又點知自己做唔度呢?follow your heart至少你嘗試過吖嘛,機會一直都係你嘅手上,視乎你願意捉緊佢嘛,勇敢地出發吧!
咁多位同學仔你地做度喇!Ray老師都為你地感到開心。👏👏👏
【旅程的意義🏖】Ray老師總結🥸
今次嘅旅途開闊左一d自己嘅視野,英文唔好,錢同無時間都唔係阻礙實現夢想嘅理由。
以前成日諗要追翻d失去左嘅時間,Ray老師同大部分人一樣想不停地搵錢,希望快d買樓可以早d退休,比自己一個保障,有咩想做遲d先~退休之後再開始享受翻個人生。
但係疫情呢幾年我嘅想法改變左,見度身邊熟悉嘅人分別離開左個世界,令我有好大嘅反思。
我開始思考到左六七十歲,我嘅身體機能同體力重係咪能夠支持度我今天想做嘅事?唔係每一樣野都可以等,好多野過左就係過左。
我明白有心唔怕遲,只要有毅力晚年完成人生目標嘅故事比比皆是。但係萬一大吉利事有d咩意外呢?
人生匆匆走馬燈,無人知道自己嘅生命幾時完結。如果係生命結束前回望自己嘅一生,只係為賺錢而奔波,我好肯定會感到遺憾。生命長短唔係重點,活得精彩先係重要。❤️
如其賭自己晚年長命百歲仍然有一個少年時嘅體魄,咁不如我係生命中嘅呢一刻當下最好嘅狀態,重有能力可以賺得翻為夢想所付出嘅金錢的時候,就開始實行人生嘅目標!
呢次義大利旅程唔係終點,只係進修之旅嘅第一站!畫畫學習對Ray老師嚟講係一生嘅修鍊,唔期盼會成為偉大嘅藝術家只想成為更強嘅自己,直到畫唔郁。錢係要賺,但係人生都係得一次。✨️(完)
【最後1 Day】咁多位我翻香港喇✈️
終於都嚟到旅程既尾聲喇,係時候要同義大利講bye bye
今次進修之旅收穫滿滿,對於油畫又有新嘅體會。學度d新技術,了解歐洲嘅傳統寫實美學係點,教學係點,亦肯定左一d以前對繪畫嘅睇法。10日課堂完結喇,總共畫左兩幅畫,每日上午9點上堂下午4點放學。上午畫人體下午畫肖像,睇老師示範好緊要,就算完全唔識英文都可以清楚理解度意思。(繪畫語言係世界通行)開頭覺得時間會唔會太多,原來真係要咁耐嘅,老師話佢地正常上堂一般畫4個禮拜,兩個禮拜太短喇🤭。Ray老師就同d美劇入面既毒毒亞洲人一樣學習好認真,總算都無丟香港人假。✌️
日日翻學畫畫真係好爽,一到小息老師學生就會一齊食煙飲咖啡曬太陽好chill,唔知點解有種青春嘅感覺🤣。學校幾精緻,地方唔大但係好有藝術氣息,d學生作品好靚,校長係學校整左個展覽館放自己作品。(羨慕🤭)
有兩日假期去睇左幾個展覽,好多好多世界經典作品。逛左美術用品店買左d野,西餐食到唔想再食,於是日日食中餐🤣🤭,今次無睇到大衛像不過下次會再嚟。
唔記得左帶眼鏡係義大利洗左兩舊水歐羅配眼鏡。🤓
買左好多義大利手信,今次專攻野食(義粉都有問你死未),比同學仔同事一人一件唔洗抽,大人細路嚟到上堂自己揀,早嚟早享受數量有限送完即止,我地禮拜二見喇~👋
P.S. Ray老師課堂4月9號正式復課。
【小朋友課堂作品👶🏻】又到貼堂時候喇🖼
繪畫種類有多樣性,水墨畫,素描,粉彩,油畫,塑膠彩,比賽創作。對於小朋友學習階段Ray老師都會主張多元化地接觸,每樣物料親身體會接觸過先至能夠真正地了解各自的不同和特性,藝術成長才能獲得全面和多元的發展。💪
家長為小朋友參加繪畫比賽,小朋友能夠獲得獎項當然是一件很開心的事情,但最重要的是參加比賽的經歷可以讓小朋友了解到自己的水準和獲得一份鼓勵。Ray老師時至今天仍然記得小時候曾參加過的繪畫比賽,即使將來小朋友不一定走上藝術的職業發展,但成長路上的獲獎經歷也必定會成為一生津津樂道的美好記憶。💖
【畫廊國際高瘋會議📡】司令,居然在茅廁中見度你……
雖然Ray老師人在義大利,之不過依然心繫畫廊,適逢我地cec老師都放緊大假係加拿大,一於搞翻個香港,義大利,加拿大三地連線國際會議先得。今次嘅議題都係圍繞翻慰問下各位老師們大家最近點啦,真係無見一排好似如隔三秋咁啊~再過多個禮拜就翻嚟喇~好掛住大家同各位同學仔啊💖
即將就可以畫廊全員合體喇!🙆🙆🏻♂️💁♂️💁♀️🙅🙅♂️🙋♂️🧏♀️
P.S.等我研究下翻黎之後整翻個“意式藝術工作坊”唔知有無市場🤔🤣🤣
【Day1👨🏻🎨】Ray老師翻學記🎒
好莊嚴好古典嘅上堂氛圍,每日上午畫人體,下午畫肖像,成個課程唔講究進度,而係要求係慢活充足嘅時間入面將每一個繪畫步驟做到最好最標準。💪
第一日嘅課堂內容就係學起稿畫框架,對於Ray老師嚟講溫故知新之餘亦都學度d新招式新技術。我真係要刻意地放慢翻香港急速嘅節奏,係唔可以超前課堂進度嘅情況下,要將個大框架做到最準確,都領悟左一個新嘅體會。🧘
P.S.爭取做全班第一,唔可以掉香港人架😆✌️
【冲出亞洲✈️】登登登鄧~義大利進修之旅出發!
去食pizza喇喂🍕~對於Ray老師嚟講今次嘅旅程都算係人生入面好多嘅第一次。
頭一次出咁遠門,大鄉里出城咁大個仔第一次搭商務。第一次離開畫廊咁長時間(前兩年雖然係有試過停課1個月畫畫,不過其實都係日日翻舖畫。。。),有d忐忑,不過我對大家有信心!你地搞得掂嘅!💪
大家都知我d英文幾垃圾架喇,第一次去一個全英語世界上堂,對我嚟講都係一個幾大嘅挑戰。
坐左十幾個鐘機真係唔講得笑~個頭又油周身唔聚財,重落雨添,香港早上時間係我呢邊就夜晚,早上起身就要開始翻學喇~唔講咁多養足精神先喇。😴
【小朋友課堂作品👶🏻】好靚啊🌟
見度你地充滿自信同喜歡畫畫嘅笑容,我地作為導師就最開心。👏👏👏
有咁多種繪畫風格同種類,應該點樣選擇好呢?唔試過又點知自己真正中意d咩。認識不同的繪畫媒介,可以了解唔同物料繪畫出不同效果同特點。為創作自己作品揀選最適合嘅媒介做準備,嘗試駕馭各種材料和繪畫方法,提升全面的繪畫技巧。💪
【Ray老師畫班暫停兩週通知📣】
大人畫班暫停兩個禮拜咁大件事,Ray老師作為翻工狂魔,今次究竟搞邊科🫣。賣個關子密切留意畫廊fb/ig最新消息。
⚠️3月23號至4月7號,Ray老師畫班將會暫停兩星期,不便之處敬請原諒🙇♂️
小朋友基礎繪畫班,兒童班不受影響,照常營業。
重要事情講多幾次:
小朋友班不受影響,照常營業!
小朋友班不受影響,照常營業!
小朋友班不受影響,照常營業!
公眾假期,照常營業!!
【Ray老師粉彩示範👨🏻🎨】好味嘅炸雞髀啊!🍗
唔洗多講~呢個絕對係Ray老師美食排行榜入面top3🏆。配埋個薯條下午茶一流👍,可惜最近係度控制緊飲食,所以呢排都無得食住。事不宜遲,馬上講解下點畫先。
描繪呢d炸物嚟講呢,其實就同上次畫菠蘿包好類似。要表現度金黃香脆嘅重點就在於不斷地重覆去“點”d紋路出嚟,而油光嘅白色就係炸雞髀嘅精髓所在!真係少d耐性都唔得㗎~😅
P.S.幾忙都keep住畫,唔畫會生梳💪
-------------------------------------------------------------------
📊難度:🌟🌟🌟🌟🌟
🖌媒介:粉彩筆
⏰️繪畫時數:約13小時
📜步驟:
1.乾粉彩直接起稿加快起稿速度,并用最短時間舖大色塊(當鋪底色)。
2.用手指融合粉彩顏色,令畫面柔和。
3.用粉彩筆和炭筆歸納型態刻劃細節和陰影部分。
4.重點塑造炸雞髀亮部和點出高光,突顯油光質感。
5.對畫面背景中的薯條茄汁等配角稍微細緻,記得處理埋碟嘅投影部分加強重量感,完成。
【同學仔課堂作品🌟】如何提升繪畫能力?🤔
前排睇左細細粒嘅減肥心得,其中提到佢能夠成功減磅其中一樣好重要嘅嘢就係‘’有左興趣‘’,Ray老師絕對認同。
好老實講無論係鍛鍊身體定學習一樣技能,要達到某個目標,當中必然會有d環節係需要自我克服。
世界上邊有一帆風順嘅事情呢~身體是很誠實的,當你對果樣野唔夠興趣,再簡單再速成嘅方法都係唔會有動力做得度,但當你有足夠興趣,你就會不斷鑽研不斷練習,想盡辦法抽時間同自我克服,基本上呢個世界上係無咩嘢阻止度有興趣嘅你不斷進步。
P.S. 話時話Ray老師最近都開始對減肥產生興趣,食健康d啦睇卡路里啦~戒口啦肚仔餓啦一d難道都無😆相信目標達成指日可待!💪
【ART HUB RAY TIME】我地翻香港喇👋
三日兩夜台灣遊圓滿結束!呢次台灣之行好似翻到自己學生時代,成班同學一齊畫畫嘅感覺。
畫左幅水彩練左個素描,睇左場台北雙年展,落左堂自由時間就行下街逛下市集食下夜市,雖然睇落好似唔多活動,但係其實成個行程都幾緊湊嘅。🏃
對於Ray老師嚟講,跟團就試得多喇,帶團做領隊都算係頭一次,都係一個新體驗嚟嘅~辛苦三位堅守大本營嘅同事,好充實嘅旅程,相信大家都有所收穫。
(韓國團搞唔搞得成就睇大家做化喇下🤭)
【畫廊大召集📣】台北快閃遊學之旅開始!✈️
幾時都要保持住學習精神自我增值,Ray老師今次就率領畫廊一行人一齊漂洋過海,跟台灣嘅畫畫老師學下嘢,交流交流!
為左增進我地團隊默契,今次呢個活動我地將會分成紅白兩隊!由台灣老師進行比分,輸左果隊要大懲罰!呢個根本唔係一般嘅上堂進修,而係一場同事之間嘅生死搏鬥!殘酷嘅互相廝殺!(頭先又話增進感情嘅🤔😅)
香港呢邊就交比我地jacky老師代班一日店長同兩位同事留守大本營!辛苦曬喇,我地會帶手信翻嚟架。
P.S.難得出黎旅行吃吃喝喝當然都係唔少得嘅~
【小朋友課堂作品🌟】各位開始翻翻學喇窩🎒
各位家長們你地又自由喇😆!小朋友又可以翻學見下d朋友仔~Ray老師記憶中好似每逢d長假前後翻學一般都比較輕鬆d嘅,唔記得有無得早放學呢🤔,丫重有好似每次放完長假一翻學,硬係會有同學仔唔守規矩染左髮定點啊咁架窩💁♀️,不過如果遇著放假後考試就大獲喇🤣咁多位要加油啊!💪
【同學仔課堂作品🌟】新年假期咁就完左喇👋
又要翻工翻學喇😭!呢個新年相信大家都同Ray老師一樣~食完訓訓完食,大魚大肉又年糕又蘿蔔糕,瘋狂煲劇睇戲咁啦~雖然多多少少點都肥翻小小架喇🤰,不過都係會唔捨得呢個假期嘅~唔緊要啦復活節馬上到喇😂祝各位大朋友新嘅一年事事順利,心想事成,小朋友就學業進步,大家都身體健康畫多d畫!👏👏👏
【Ray老師粉彩示範👨🏻🎨】包都有好多種嘅……
除左腸仔包之外,上海生煎包Ray老師都好中意!(此包不同彼包窩……唉是但啦🤣)食生煎包一定要皮薄,底要夠脆,最緊要夠熱,點小小醋,咬落去d湯汁滾到辣嘴就最好味喇~👅
入翻正題先,呢嚿包Ray老師竟然都需要畫好多個鐘啊~唔講得笑!事關生煎包本身其實就唔難畫,之不過食得上海生煎包嘅人都知,無人會靜係食一粒架。為左符合翻傳統食法,所以今次我就畫夠5隻咁多,睇見都滿足到漏~
畫畫除左鍛鍊技巧之外,最重要係克服耐性。耐性并唔咪指可以坐係度幾耐,而係唔怕「煩」嘅耐性。就好似細個比老師罰抄「我以後不欠交功課」,呢幾隻字明明非常簡單,但係要抄一百次就會變得相當吃力。
所以新手係選擇繪畫題目嘅時候一定要量力而為,盡量選擇具體同單件嘅野去畫,避開一d太過熱鬧華麗嘅畫面。因為就算再簡單嘅嘢,數量一多都係會畫到好金架。😅
-----------------------------------------------------
媒介:乾粉彩,粉彩筆,炭筆
難易度:🌟🌟🌟🌟
繪畫時數:7小時
步驟:起稿直接使用乾粉彩快速填滿明暗以及大範圍色彩,并用手指柔和均勻色彩。使用粉彩筆重新歸納畫面,刻劃細緻部分,并使用乾粉彩白色點出高光位置。
心得:呢個畫面主要難度在於多,畫面上有多件物件需分主次描繪。筷子夾住的生煎包作為主角需刻劃精緻,其他背景陪襯物件則模糊簡化,突出景深空間效果。每件東西皆容易處理,但由於數量多,繪畫時需要耗費較多時間完成。
【畫廊新年休息🧧】咁多位我地初四見喇~👋
【新年畫廊休息公告🧧🧨】
2月9號(年三十)至11號休息。
2月13號(年初四)啟市,所有課堂恢復。
預祝各位,龍年大吉,心想事成。
【畫廊大掃除🧹】終極大翻新🔥
辛苦曬喇咁多位同事,好在有你地咋!真係乾淨啊~😲牆壁油油地板家私清潔翻新,然後再運送物資入倉!真係團結同力的表現啊!💪
Ray老師認為畫廊可以做埋清潔服務,專門幫畫室同行翻新工程可能有得諗(講笑咋🤣)
P.S.都話左平時要多鍛鍊做大隻仔啦~拿!Ray老師今舖扭親喇自食其果…不過無乜大礙,日後真係要做多d運動先得喇😅
Click here to claim your Sponsored Listing.
Videos (show all)
Category
Contact the business
Telephone
Website
Address
灣仔譚臣道23號壬子商業大廈21B
Wan Chai
Opening Hours
Tuesday | 10:30 - 22:30 |
Wednesday | 10:30 - 22:30 |
Thursday | 10:30 - 22:30 |
Friday | 10:30 - 22:30 |
Saturday | 10:00 - 22:30 |
Sunday | 10:30 - 19:30 |
Wan Chai
2011 - 以父之名(漢勵)創立漢礼 @the.hanli 以禮義觸動生活原有禪悅 2021 - 以母之名(秀麗)擴充,以媽媽的慷慨布施精神,提供共用空間<麗舍Dana house>希望和志同道合的朋友共建樂土
2/F 6A O'brien Road Wan CHai
Wan Chai
『來親手製作屬於自己的守護神吧!』 📣灣仔【柯布連道】本店現正試業中❗️ 🛍️銅鑼灣【東角laforet▶️273 】分店使用中 🙏🏻預約制開放🙏🏻逢星期一、四休假‼️
Bonfire World Charitable Fund Limited12/F SPA53-55 Lockhart RoadWan Chai
Wan Chai
學習寫聖像畫、探索其深層意義及體驗聖像畫的靈修,並在香港推廣聖像畫的欣賞、寫作及其靈修。 通過不斷學習、研究及培育,會員掌握更深度聖像畫的寫作技巧及其靈修體驗。
Wan Chai, 852
“ BAU ” hints at Bauhaus, literally "house of construction", which is an architectural style that emphasize simplicity and modernity.
Wan Chai
------- CAT CERAMiC STORE ------ MAKE A WONDERFUL LIFE 【 sell ○ make ○ share 】 - # 陶 瓷 控