World Voice 13

10th National Dance Sports Championship 2023 10th National Dance Sports Championship 2023

ਸਮਾਜਿਕ ਕੁਰੀਤੀਆਂ ਤੋਂ ਬੱਚਣ ਲਈ ਸੇਧ ਦਿੰਦੇ
ਨਾਟਕ " ਰਾਮਲੀਲਾ " ਦਾ ਹੋਇਆ ਸੱਫਲ ਮੰਚਨ

ਸਾਫ ਸਮਾਜਿਕ ਹੋਂਦ ਲਈ ਪੂਰਵਜਾ ਦਰਸਾਏ ਮਾਰਗ ਤੇ ਪਹਿਰਾ ਦੇ ਚੱਲਣਾ ਹੀ ਸਮੇਂ ਦੀ ਲੋੜ - ਪ੍ਰਿੰ.ਅੱਟਵਾਲ

*** ਨਰੋਏ-ਸੁਰਖਿਅਤ ਸਮਾਜਿਕ ਹੋਂਦ ਲਈ ਨਸ਼ਾ ਮੁੱਕਤ ਸਿਰਜਣਾ ਲਈ ਸੰਹੁ ਚੁੱਕ ਸਮਾਗਮ ਅਯੋਜਿਤ

ਜਲੰਧਰ 23 ਅਕਤੂਬਰ ( ਪਰਮਜੀਤ ਸਿੱਧੂ ) ਸਥਾਨਕ ਲਾਡੋਵਾਲੀ ਰੋਡ ਉਪਰ ਸਥਿਤ ਦੋਆਬਾ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਦੇ ਵਿਹੜੇ ਅੰਦਰ ਅੱਜ ਸਮਾਜਿਕ ਕੁਰੀਤੀਆਂ ਤੋਂ ਬੱਚਣ ਲਈ ਸੇਧ ਦਿੰਦੇ ਹਰ ਦਿੱਲ੍ਹ ਨੂੰ ਟੋਹਦੇ ਨਾਨਕ " ਰਮਾਇਣ " ਦਾ ਰੂਪਾਂਤਰਿਕ ਮੰਚਨ ਕੀਤਾ ਗਿਆ।
ਸੰਸਥਾ ਦੇ ਪ੍ਰਾਇਮਰੀ ਵਿੰਗ ਵਿਦਿਆਰਥੀਆਂ ਵਲੋਂ ਮਾਸਟਰ ਬਲਬੀਰ ਸਿੰਘ ਵਲੋਂ ਲਿੱਖਤ ਨਾਟਕ "ਰਾਮ ਲੀਲਾ" ਦੇ ਰੂਪਾਂਤਰਿਕ ਮੰਚਨ ਮੋਕੇ ਅਧਿਆਪਕਾਂ ਦੀ ਅਗਵਾਈ'ਚ ਨਿਭਾਈ ਕਿਰਦਾਰੀ ਜੁਮੇਵਾਰੀ ਨੇ ਹਰ ਦੇਖਣ ਵਾਲੇ ਦਾ ਮਨ ਮੋਹ ਲਿਆ।
ਸੰਸਥਾ ਪ੍ਰਿੰਸੀਪਲ ਹਰਮਿੰਦਰ ਸਿੰਘ ਅੱਟਵਾਲ ਵਲੋਂ ਸੰਬੋਧਨ ਕਰਦਿਆਂ ਅਜਿਹੇ ਸਮਾਰੋਹ ਉਲੀਕਣ ਪਿਛਲੇ ਮਕਸਦ ਨੂੰ ਉਜਾਗਰ ਕਰਦੇ ਦਸਿਆ ਕਿ ਸਾਫ ਸਮਾਜਿਕ ਹੋਂਦ ਲਈ ਪੂਰਵਜਾ ਦਰਸਾਏ ਮਾਰਗ ਤੇ ਪਹਿਰਾ ਦੇ ਚੱਲਣਾ ਹੀ ਸਮੇਂ ਦੀ ਲੋੜ ਹੈ। ਉਨ੍ਹਾਂ ਵਲੋਂ ਨਾਟਕ ਦੇ ਸੱਫਲ ਮੰਚਨ ਲਈ ਨਾਟਕ ਨਿਰਦੇਸ਼ਕ ਬਲਬੀਰ ਸਿੰਘ ਸਮੇਤ ਸਮੂਹ ਸਹਿਯੋਗੀ ਅਧਿਆਪਕਾਂ , ਵਿਦਿਆਰਥੀਆਂ ਤੇ ਮਾਪਿਆਂ ਦੇ ਵੱਡਮੁੱਲੇ ਸਹਿਯੋਗ ਦੀ ਵੀ ਸ਼ਲਾਘਾ ਕੀਤੀ ਗਈ। ਉਨ੍ਹਾਂ ਵਲੋਂ ਰਾਮਲੀਲਾ ਨਾਟਕ ਦੁਆਰਾ ਪ੍ਰਭੂ ਸ਼੍ਰੀ ਰਾਮ , ਸੀਤਾ ਮਾਤਾ,ਲਕਛਮਣ ਭਰਾਤਾ , ਵੀਰ ਹੰਨੂਮਾਨ, ਰਾਵਣ , ਮੇਘਨਾਥ,ਸ਼ਬਰੀ , ਜਟਾਊ ਦੇ ਕਿਰਦਾਰੀ ਰੂਪਾਂਤਰਣ ਤੋ ਜੀਵਣ ਜੀਉਣ ਲਈ ਸਦਾ ਸੱਚ ਬੋਲਣ /ਚੱਲਣ, ਹੰਕਾਰ ਤੋ ਗੁਰੇਜ ਕਰਨ ਮਾਪਿਆਂ ਦੇ ਆਗਿਆਕਾਰੀ, ਜੁਮੇਵਾਰੀ ਨਿਭਾਉਣ ਆਦਿ ਅਹਿਮ ਨੁੱਕਤੇ ਅੱਜ ਵੀ ਸਮਾਜਿਕ ਸੇਧ ਲਈ ਬਹੁਤ ਅਹਿਮ ਹਨ।


ਨਰੋਏ-ਸੁਰਖਿਅਤ ਸਮਾਜਿਕ ਹੋਂਦ ਲਈ
ਨਸ਼ਾ ਮੁੱਕਤ ਸਿਰਜਣਾ ਲਈ ਸੰਹੁ ਚੁੱਕ ਸਮਾਗਮ ਅਯੋਜਿਤ

ਜਲੰਧਰ (ਸਿੱਧੂ ) ਸਮੂਹ ਪ੍ਰੋਗਰਾਮ ਨੂੰ ਲੜੀਵਾਰ ਫੁੱਲਾਂ ਦੀ ਮਾਲਾ ਵਾਂਗ ਪਰੋ ਚਲਾਉਣ ਦੀ ਅਹਿਮ ਭੂਮਿਕਾ ਨਿਭਾਉਂਦੇ ਸਟੇਜ ਸਕੱਤਰ ਕਮ ਲੀਗਲ ਸੈਲ ਇੰਚਾਰਜ ਅਮਰਿੰਦਰ ਜੀਤ ਸਿੰਘ ਸਿੱਧੂ ਵਲੋਂ ਨਰੋਏ-ਸੁਰਖਿਅਤ ਸਮਾਜਿਕ ਹੋਂਦ ਲਈ ਨਸ਼ਾ ਮੁੱਕਤ ਸਮਾਜ ਸਿਰਜਣ ਲਈ ਸੰਹੁ ਚੁੱਕਾਈ ਗਈ।
ਉਨ੍ਹਾਂ ਵਲੋਂ ਇਕ ਜੁਮੇਵਾਰ ਨਾਗਰਿਕ ਬਣ ਦਾਜ-ਦਹੇਜ , ਸਮਾਜਿਕ/ਆਰਥਿਕ/ਸ਼ਰੀਰਕ ਸ਼ੋਸ਼ਣ ਜਿਹੀਆਂ ਕੁਰੀਤੀਆਂ ਪਿਛਲੇ ਮੂਲ ਕਾਰਨਾਂ ਨੂੰ ਪਹਿਚਾਣ ਸਮਾਜ ਨੂੰ ਨਸ਼ਾ ਰੂਪੀ ਸਿਊਂਕ ਤੋਂ ਬੱਚਾਉਣ ਲਈ ਨਸ਼ਾ ਮੁੱਕਤ ਸਮਾਜ ਸਿਰਜਣਾ ਲਈ ਇਸ ਦੀ ਤੋ ਗੁਰੇਜ਼ ਕਰਨ ਦੀ ਤਾਕੀਦ ਕਰਦਿਆਂ ਹੋਰਨਾਂ ਨੂੰ ਵੀ ਇਸ ਪ੍ਰਤੀ ਜਾਗਰੂਕ ਕਝਨ ਲਈ ਸੰਹੁ ਚੁੱਕਾਈ ਗਈ ।
ਸਮਾਗਮ ਦੇ ਮਕਸਦ ਪੂਰਾ ਕਰਦਿਆਂ ਅਮਿਟ ਛਾਪ ਛੱਡਦੇ , ਸੱਫਲ ਅਯੋਜਨ ਲਈ ਸੰਸਥਾ ਪ੍ਰਿੰ ਅੱਟਵਾਲ ਵਲੋਂ ਸਮੂਹ ਅਯੋਜਕ ਟੀਮ ਨੂੰ ਵਧਾਈ ਦੇ ਪਾਤਰ ਦਸਿਆ ਜਿਸ ਨੇ ਸੱਤਯੁੱਗ ਤੇ ਕੁੱਲਯੁੱਗ ਸਮੇਂ ਦੀਆਂ ਸਮਾਜਿਕ ਕੁਰੀਤੀਆਂ ਨੂੰ ਉਭਾਰਦੇ , ਗੁਰੂਆਂ, ਪੀਰਾਂ , ਫ਼ਕੀਰਾਂ ਵਲੋਂ ਦਿਤੀਆਂ ਸੇਧਾਂ ਤੇ ਚੱਲਣ ਦਾ ਸੱਫਲ ਸਨੇਹਾ ਦਿੱਤਾ ਹੈ।
ਇਸ ਮੌਕੇ ਅਮਰਦੀਪ ਸਿੰਘ,,ਮੁਨੀਸ਼ ਅਗਰਵਾਲ , ਬਲਵੰਤ ਸਿੰਘ, ਸ਼੍ਰੀਮਤੀ ਸੁਪਿੰਦਰ ਕੌਰ ਧਾਮੀ , ਜਸਪ੍ਰੀਤ ਕੌਰ, ਅਮਨਦੀਪ ਕੌਰ, ਅੰਜਨਾ ਕੁਮਾਰੀ, ਜਸਪ੍ਰੀਤ ਕੌਰ, ਰੌਮੀ ਪਠਾਨੀਆ, ਆਰਤੀ , ਸੀਮਾ ਕੱਕੜ, ਨਵਜੀਤ ਕੌਰ, ਹਰਿੰਦਰ ਕੌਰ, ਪ੍ਰਭਜੋਤ ਕੌਰ ਤੇ ਹੋਰ ਪੱਤਵੰਤੇ ਵੀ ਹਾਜਰ ਸਨ ।

ਦੂਸਰਾ ਫਾਇਵ-ਏ-ਸਾਈਡ ਮਹਿਲਾ ਮਾਸਟਰਜ਼ ਹਾਕੀ ਟੂਰਨਾਮੈਂਟ ਯਾਦਗਾਰੀ ਬਣ ਨਿਬੜਿਆ

ਮਾਹਾਰਾਜਾ ਰਣਜੀਤ ਸਿੰਘ ਕਲੱਬ, ਸਟਾਰ ਕਲੱਬ (ਪਟਿਆਲਾ) 'ਤੇ ਸ਼ਹੀਦ ਭਗਤ ਸਿੰਘ ਕਲੱਬ ਬਣੇ ਚੈਂਪੀਅਨ

" ਪੱੜ੍ਹ-ਲਿੱਖ ਕਰ ਦੇ ਸਕੋਗੇ ਸਵਾਲੋ ਕੇ ਜਵਾਬ , ਪੜੋਗੇ - ਖੇਡੋਗੇ ਬਨੋਗੇ ਬੜ੍ਹੇ ਸਾਹਿਬ " - - ਕੁਲਵਿੰਦਰ ਰੋਜੀ

ਜਲੰਧਰ, 14 ਅਕਤੂਬਰ (ਪਰਮਜੀਤ ਸਿੱਧੂ ): ਅੱਜ ਦੂਸਰਾ ਫਾਇਵ-ਏ-ਸਾਈਡ ਮਹਿਲਾ ਮਾਸਟਰਜ਼ ਹਾਕੀ ਟੂਰਨਾਮੈਂਟ ਜੋ ਸਥਾਨਕ ਓਲੰਪੀਅਨ ਸੁਰਜੀਤ ਹਾਕੀ ਸਟੇਡੀਅਮ, ਬਲਟਰਨ ਪਾਰਕ ਵਿਖੇ ਖੇਡਿਆ ਗਿਆ ਓਹ ਖੇਡਾਂ ਦੇ ਨਾਲ ਸਭਿਆਚਾਰਕ ਰੰਗ ਬੰਨਦਾ , ਭੰਗੜਾ ਪਾਉਂਦੇ ਮਨਾਂ ਨੂੰ ਟੋਹਦੇ ਯਾਦਗਾਰੀ ਹੋ ਨਿੱਬੜਿਆ ।
ਉੱਕਤ ਜਾਣਕਾਰੀ ਮੁੱਖ ਅਯੋਜਕ ਸਟਾਰ ਕਲੱਬ ਦੀ ਪ੍ਰਬੰਧਕੀ ਸਕੱਤਰ ਅਰਵਿੰਦਰ ਕੌਰ ਰੋਜ਼ੀ ਨੇ ਦੱਸਿਆ ਕਿ ਖੇਡ ਮੇਲਿਆਂ ਦੇ ਸੱਫਲ ਅਯੋਜਨ ਲਈ ਲੋੜੀਂਦੇ ਰੱਖ-ਰਖਾਵ , ਸਹੁਲਤਾਂ, ਵਸਤਾਂ,ਖਾਣ -ਪੀਣ ਦੇ ਪ੍ਰਬੰਧੀ ਕੰਮਾਂ ਨੂੰ ਨੇਪਰੇ ਚਾੜ੍ਹਨ ਲਈ ਲੋੜੀਂਦੀ ਵਿਤੀ ਵਿਸਵਤਾ ਲਈ ਖੇਡ ਪ੍ਰਮੋਟਰਾਂ ਦਾ ਹੋਣਾ ਬਹੁਤ ਹੀ ਜ਼ਰੂਰੀ ਹੈ। ਉਨ੍ਹਾਂ ਵਲੋਂ ਇਸ ਖੇਡ ਮੇਲੇ ਦੇ ਮੁੱਖ ਸਪਾਂਸਰ "ਪ੍ਰੱਬਲ ਸਟੀਲਜ" ਅਮਰੀਕਾ ਤੋ ਐਨ.ਆਰ.ਆਈ. ਬਲਵਿੰਦਰ ਕੰਗ , ਕਿਰਨਦੀਪ ਕੰਗ ਤੇ ਹਰਸਿਮਰਨਜੋਤ ਕੌਰ (ਕੈਨੇਡਾ) ਦਾ ਤਹਿ ਦਿੱਲੋ ਧੰਨਵਾਦ ਕੀਤਾ ਗਿਆ ਜਿਨ੍ਹਾਂ ਦੇ ਵੱਡਮੁੱਲੇ ਸਹਿਯੋਗ ਸਦਕਾ ਇਹ ਸੱਫਲ ਅਯੋਜਨ ਮੁਨਸਰ ਹੋ ਸਕਿਆ। ਉਥੇ ਹੀ ਉਨ੍ਹਾਂ ਦੇ ਦੱਸਣ ਅਨੁਸਾਰ ਦੇਸ਼ ਦੀ ਨਾਮੀ ਸੁਰਜੀਤ ਹਾਕੀ ਸੁਸਾਇਟੀ ਜਲੰਧਰ ਦੇ ਸਹਿਯੋਗ ਨਾਲ ਕਰਵਾਏ ਟੂਰਨਾਂਮੈਂਟ 'ਚ ਸਟਾਰ ਕਲੱਬ (ਪਟਿਆਲਾ) ਸ਼ਹੀਦ ਭਗਤ ਸਿੰਘ ਕਲੱਬ (ਹੁਸ਼ਿਆਰਪੁਰ) ਅਤੇ ਮਹਾਰਾਜਾ ਰਣਜੀਤ ਸਿੰਘ ਕਲੱਬ (ਅੰਮ੍ਰਿਤਸਰ ) ਦੀਆਂ ਟੀਮਾਂ ਦੂਸਰੇ ਫਾਇਵ-ਏ-ਸਾਈਡ ਮਹਿਲਾ ਮਾਸਟਰਜ਼ ਹਾਕੀ ਟੂਰਨਾਮੈਂਟ ਦੇ ਆਪਣੇ-ਆਪਣੇ ਉਮਰ ਵਰਗ ਵਿਚ ਚੈਂਪੀਅਨ ਬਣੀਆਂ ਹਨ ।
ਟੂਰਨਾਮੈਂਟ ਦਾ ਉਦਘਾਟਨ ਉਲੰਪੀਅਨ ਰਾਜਿੰਦਰ ਸਿੰਘ (ਦਰੋਨਾਚਾਰੀਆ ਐਵਾਰਡੀ ਅਤੇ ਚੀਫ਼ ਹਾਕੀ ਕੋਚ) ਵੱਲੋਂ ਕੀਤਾ ਗਿਆ।
ਅੱਜ ਇਸ ਟੂਰਨਾਮੈਂਟ ਦੇ ਉਮਰ ਵਰਗ 35+ ਸਾਲ ਦੇ ਫਾਈਨਲ ਮੁਕਾਬਲੇ ਵਿਚ ਬਲਦੀਪ ਕੌਰ ਦੀ ਹੈਟ੍ਰਿਕ ਸਦਕਾ ਮਹਾਰਾਜਾ ਰਣਜੀਤ ਸਿੰਘ ਕਲੱਬ (ਅੰਮ੍ਰਿਤਸਰ) ਨੇ ਮਾਤਾ ਸਾਹਿਬ ਕੌਰ ਕਲੱਬ (ਲੁਧਿਆਣਾ) ਨੂੰ 8-7 ਦੇ ਫਰਕ ਨਾਲ ਨਾਲ ਹਰਾ ਚੈਂਪੀਅਨ ਬਣ ਬਣਨ ਦਾ ਮਾਣ ਹਾਸਲ ਕੀਤਾ।
ਪ੍ਰਬੰਧਕੀ ਸਕੱਤਰ ਰੋਜੀ ਵਲੋਂ ਦਸਿਆ ਗਿਆ ਕਿ ਉਮਰ ਵਰਗ 40+ ਸਾਲ ਵਿੱਚ ਸ਼ਹੀਦ ਭਗਤ ਸਿੰਘ ਕਲੱਬ (ਹੁਸ਼ਿਆਰਪੁਰ) ਨੇ ਸ਼ੇਰੇ ਪੰਜਾਬ ਕਲੱਬ (ਮੁਕਤਸਰ) ਨੂੰ 11-8 ਨਾਲ ਹਰਾ ਜੇਤੂ ਖਿਤਾਬ ਹਾਸਲ ਕਰਨ ਵਿਚ ਸੱਫਲਤਾ ਪਾਈ।
ਇਸ ਮੈਚ ਦੇ ਵਿਸ਼ੇਸ਼ ਮਹਿਮਾਨ ਅੰਤਰਰਾਸ਼ਟਰੀ ਸੁਰਜੀਤ ਕੌਰ (ਰੇਲਵੇ) ਵਲੋਂ ਭਾਗ ਲੈਣ ਵਾਲੀਆਂ ਟੀਮਾਂ ਦੀਆਂ ਨਾਮਵਰ ਅੰਤਰਰਾਸ਼ਟਰੀ ਤੇ ਰਾਸ਼ਟਰ ਪੱਧਰੀ ਖਿਡਾਰਣਾਂ ਆਪਣੇ ਖੇਡ ਜੋਹਰ ਦਾ ਪ੍ਰਦਰਸ਼ਨ ਕਰ ਆਪਦੇ ਲੰਘੇ ਜੀਵਨੀ ਦੋਰ ਨੂੰ ਯਾਦ ਕਰਨ ,ਮੁੜ ਗੱਲਵਕੜੀ ਪਾਉਣ ਦੀਆਂ ਸਾਂਝਾਂ ਕਾਇਮ ਕਰਦਿਆਂ ਨਵੀਆਂ ਖਿਡਾਰਨਾਂ ਲਈ ਵਿਚ ਸਿੱਖਣ ਵਾਸਤੇ ਆਕਰਸ਼ਣ ਦਾ ਸੱਬਬ ਬਣੇ ਇਸ ਟੂਰਨਾਮੈਂਟ ਮੋਕੇ ਸਭਿਆਚਾਰਕ ਰੰਗ ਬਣਦੀਆਂ ਬੋਲੀਆਂ ਤੇ ਪਾਏ ਧਮਾਲੀ ਭੰਗੜੇ ਨੇ ਏਸ ਟੂਰਨਾਮੈਂਟ ਨੂੰ ਮਨਾਂ ਤੇ ਅਮਿਟ ਛਾਪ ਛੱਡਦਿਆਂ ਯਾਦਗਾਰੀ ਬਣਾਇਆ ।

ਟੂਰਨਾਮੈਂਟ ਦੋਰਾਨ 45+ਸਾਲ ਉਮਰ ਵਰਗ ਵਿੱਚ ਸਟਾਰ ਕਲੱਬ (ਪਟਿਆਲਾ) ਨੇ ਐਵਰਗ੍ਰੀਨ ਕਲੱਬ (ਮੁਹਾਲੀ) ਨੂੰ 6-2 ਦੇ ਫਰਕ ਨਾਲ ਇਕਪਾਸੜ ਮੁਕਾਬਲਾ ਬਣਾ ਚੈਂਪੀਅਨ ਬਣਨ ਵਿਚ ਸੱਫਲ ਹੋਇਆ।
ਸਮੂਹ ਪ੍ਰੋਗਰਾਮ ਨੂੰ ਲੜੀਵਾਰ ਫੁੱਲਾਂ ਦਾ ਹਾਰ ਬਣਾ ਚਲਾਉਣ ਦੀ ਅਹਿਮ ਭੂਮਿਕਾ ਸਟੇਜ ਸਕੱਤਰ ਅਮਰਿੰਦਰ ਜੀਤ ਸਿੰਘ ਸਿੱਧੂ ਵਲੋਂ ਬਾਖੂਬੀ ਨਿਭਾਈ ਗਈ।ਸਟੇਜ ਸਕੱਤਰ ਸਿੱਧੂ ਵਲੋਂ "ਮਾਸਟਰਜ ਹਾਕੀ ਦੇ ਸਫਰ "ਦੀ ਪਰਵਾਜੀ ਉਡਾਣ ਭਤਨ ਵਾਲੀ ਅਯੋਜਕ ਅਰਵਿੰਦਰ ਰੋਜੀ ਦੀ ਮੰਗ ਤੇ ਲਿਖੀ ਕਵਿਤਾ " ਖੇਡਣ ਦੇ ਦਿਨ ਚਾਰ ਨੀ ਮਾਏ, ਮੈਨੂੰ ਹਾਕੀ ਖੇਡਣ ਦਾ ਚੜਿਆ ਬੁਖਾਰ ਨੀ ਮਾਏ" ਨੇ ਚਿਰਾਂ ਤੋਂ ਹਾਕੀ ਖੇਡ ਤੋਂ ਲਾਂਬੇ ਰਹੀਆਂ ਖਿਡਾਰਣਾਂ ਅੰਦਰ ਨਿਵੇਕਲਾ ਜੋਸ਼ ਭਰਿਆ ਤੇ ਉਨ੍ਹਾਂ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਿਆ।
ਫਾਈਨਲ ਮੈਚ ਦੇ ਮੁੱਖ ਮਹਿਮਾਨ ਵਜੋਂ ਅਰਜੁਨਾ ਅਵਾਰਡੀ ਉਲੰਪੀਅਨ ਸੁਰਿੰਦਰ ਸਿੰਘ ਸੋਢੀ, ਆਈ.ਪੀ.ਐਸ.(ਸੇਵਾਮੁਕਤ) ਵਲੋਂ ਸ਼ਿਰਕਤ ਕਰਦਿਆਂ ਜੇਤੂ/ਉਪ ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ ਲਈ ਅਹਿਮ ਭੂਮਿਕਾ ਨਿਭਾਈ ।
ਇਸ ਮੌਕੇਂ ਉਨ੍ਹਾਂ ਦੇ ਨਾਲ ਟੂਰਨਾਮੈਂਟ ਅਯੋਜਕਸਟਾਰ ਕਲੱਬ ਤੋਂ ਅਰਵਿੰਦਰ ਕੌਰ ਰੋਜੀ , ਕੁਲਵਿੰਦਰ ਕੌਰ ਰੋਜੀ ( ਰੋਜੀ ਸਿਸਟਰਜ) , ਸਹਿਯੋਗੀ ਸੁਰਜੀਤ ਹਾਕੀ ਸੁਸਾਇਟੀ ਤੋਂ ਇਕਬਾਲ ਸਿੰਘ ਸੰਧੂ, ਸੁਰਿੰਦਰ ਸਿੰਘ ਭਾਪਾ, ਅੰਤਰਰਾਸ਼ਟਰੀ ਕੁਲਦੀਪ ਸਿੰਘ (ਰੇਲਵੇ), ਅੰਤਰਰਾਸ਼ਟਰੀ ਸੁਰਜੀਤ ਕੌਰ, ਤਸੀਲਦਾਰ ਮਨਜੀਤ ਸਿੰਘ, ਕੋਚ ਅਮਰਿੰਦਰ ਜੀਤ ਸਿੰਘ ਸਿੱਧੂ (ਪ੍ਰਿੰਸ), ਮਾਤਾ ਦਲਵਿੰਦਰ ਕੌਰ ,ਕੋਚ ਪਰਦੀਪ ਕੌਰ, ਪ੍ਰੋਫੈਸਰ ਬਲਵਿੰਦਰ ਸਿੰਘ , ਰੇਨੂੰ ਬਾਲਾ , ਸ਼ਰਨਜੀਤ ਕੌਰ ਵੀ ਵਿਸ਼ੇਸ਼ ਤੌਰ ਤੇ ਹਾਜਿਰ ਸਨ।
ਸਮੂਹ ਜਾਣਕਾਰੀ ਸਟਾਰ ਕਲੱਬ ਦੀ ਜਨਰਲ ਸਕੱਤਰ ਕੁਲਵਿੰਦਰ ਕੌਰ ਦਿੰਦੇ ਦੱਸਿਆ ਕਿ'ਫਾਇਵ-ਏ-ਸਾਈਡ' ਹਾਕੀ ਟੂਰਨਾਮੈਂਟ "ਬੇਟੀ ਬਚਾਓ , ਬੇਟੀ ਪੜ੍ਹਾਓ, ਬੇਟੀ ਖਿਡਾਓ " ਦੇ ਮਾਟੋ ਤਹਿਤ ਹਾਕੀ ਇੰਡੀਆ ਵੱਲੋਂ ਨਿਰਧਾਰਤ ਨਿਯਮਾਂ ਅਨੁਸਾਰ ਖੇਡਿਆ ਗਿਆ ਜੋ " ਪੱੜ੍ਹ ਲਿੱਖ ਕਰ ਦੇ ਸਕੋਗੇ ਸਵਾਲੋ ਕੇ ਜਵਾਬ , ਪੜੋਗੇ - ਖੇਡੋਗੇ ਬਨੋਗੇ ਬੜ੍ਹੇ ਸਾਹਿਬ " ਦਾ ਸੰਦੇਸ਼ ਦਿੰਦਾ ਸੱਫਲ ਹੋ ਨਿੱਬੜਿਆ।

ਦੂਸਰਾ ਫਾਇਵ-ਏ-ਸਾਈਡ ਮਹਿਲਾ ਮਾਸਟਰਜ਼ ਹਾਕੀ ਟੂਰਨਾਮੈਂਟ ਅੱਜ

ਓਲੰਪੀਅਨ ਸੁਰਜੀਤ ਹਾਕੀ ਸਟੇਡੀਅਮ 'ਚ ਜਾਵੇਗਾ ਖੇਡਿਆ

" ਬੇਟੀ ਬਚਾਓ , ਬੇਟੀ ਪੜ੍ਹਾਓ, ਬੇਟੀ ਖਿਡਾਓ " ਦੇ ਮਾਟੋ ਤਹਿਤ ਹਾਕੀ ਇੰਡੀਆ ਨਿਯਮਾਂ ਅਨੁਸਾਰ ਹੋਵੇਗਾ

ਜਲੰਧਰ, 13 ਅਕਤੂਬਰ ( ਪਰਮਜੀਤ ਸਿੱਧੂ ): ਦੂਸਰਾ ਫਾਇਵ-ਏ-ਸਾਈਡ ਮਹਿਲਾ ਮਾਸਟਰਜ਼ ਹਾਕੀ ਟੂਰਨਾਮੈਂਟ ਅੱਜ (14 ਅਕਤੂਬਰ) ਨੂੰ ਸਥਾਨਕ ਓਲੰਪੀਅਨ ਸੁਰਜੀਤ ਹਾਕੀ ਸਟੇਡੀਅਮ, ਬਲਟਰਨ ਪਾਰਕ ਵਿਖੇ ਖੇਡਿਆ ਜਾਵੇਗਾ।

ਉੱਕਤ ਜਾਣਕਾਰੀ ਮੁੱਖ ਅਯੋਜਕ ਸਟਾਰ ਕਲੱਬ ਦੀ ਪ੍ਰਬੰਧਕੀ ਸਕੱਤਰ ਅਰਵਿੰਦਰ ਕੌਰ ਰੋਜ਼ੀ ਨੇ ਦੱਸਿਆ ਕਿ ਖੇਡਾਂ ਦੀ ਪ੍ਰਫੁੱਲਤਾ ਲਈ ਅਜਿਹੇ ਖੇਡ ਮੇਲਿਆਂ ਦੇ ਸੱਫਲ ਅਯੋਜਨ ਲਈ ਖੇਡ ਪ੍ਰਮੋਟਰਾਂ ਦਾ ਹੋਣਾ ਬਹੁਤ ਜ਼ਰੂਰੀ ਹੈ । ਮੈਨੂੰ ਇਹ ਦਸਦੇ ਮਾਣ ਮਹਿਸੂਸ ਹੁੰਦਾ ਹੈ ਕਿ ਮੇਰੀ ਸਾਥੀ ਖਿਡਾਰਣ ਤੇ ਉਘੀ ਉਦਯੋਗਿਕ ਇਕਾਈ ਦੀ ਡਾਇਰੈਕਟਰ ਅਮਰੀਕਾ ਤੋਂ ਐਨ.ਆਰ. ਆਈ . ਬਲਵਿੰਦਰ ਕੰਗ, ਕਿਰਨਦੀਪ ਕੰਗ ਤੇ ਕੈਨੇਡਾ ਤੋਂ ਬੇਟੀ ਹਰਸਿਮਰਨ ਜੋਤ ਕੌਰ ਇਸ ਖੇਡ ਮੇਲੇ ਦੇ ਮੁੱਖ ਸਪਾਂਸਰ ਹਨ ਤੇ ਦੇਸ਼ ਦੀ ਨਾਮੀ ਸੁਰਜੀਤ ਹਾਕੀ ਸੁਸਾਇਟੀ ਜਲੰਧਰ ਦੇ ਸਹਿਯੋਗ ਨਾਲ ਕਰਵਾਏ ਜਾਣ ਵਾਲੇ ਇਸ ਇਕ ਰੋਜ਼ਾ ਦੂਸਰਾ ਫਾਇਵ-ਏ-ਸਾਈਡ ਮਹਿਲਾ ਮਾਸਟਰਜ਼ ਹਾਕੀ ਟੂਰਨਾਮੈਂਟ ਵਿਚ ਕੁੱਲ 7 ਟੀਮਾਂ ਭਾਗ ਲੈਣਗੀਆਂ।
ਸੂਬੇ ਦੀਆਂ ਅਹਿਮ ਟੀਮਾਂ ਭਾਗ ਲੈਣਗੀਆਂ, ਜਿਨ੍ਹਾਂ ਵਿਚ ਸਟਾਰ ਕਲੱਬ (ਪਟਿਆਲਾ), ਐਵਰ ਗ੍ਰੀਨ ਕਲੱਬ (ਮੁਹਾਲੀ), ਜੋਤੀ ਕਲੱਬ (ਜਲੰਧਰ), ਸ਼ਹੀਦ ਭਗਤ ਸਿੰਘ ਕਲੱਬ (ਹੁਸ਼ਿਆਰਪੁਰ), ਸ਼ੇਰੇ ਪੰਜਾਬ ਕਲੱਬ (ਮੁਕਤਸਰ), ਮਾਤਾ ਸਾਹਿਬ ਕੌਰ ਕਲੱਬ (ਲੁਧਿਆਣਾ) ਅਤੇ ਮਹਾਰਾਜਾ ਰਣਜੀਤ ਸਿੰਘ ਕਲੱਬ (ਅੰਮ੍ਰਿਤਸਰ ) ਸ਼ਾਮਿਲ ਹਨ ।
ਉਨ੍ਹਾਂ ਦਸਿਆ ਕਿ ਇਨ੍ਹਾਂ ਭਾਗ ਲੈਣ ਵਾਲੀਆਂ ਟੀਮਾਂ ਵਿਚ ਦੇਸ਼ ਦੀਆਂ ਨਾਮਵਰ ਅੰਤਰਰਾਸ਼ਟਰੀ ਤੇ ਰਾਸ਼ਟਰ ਪੱਧਰੀ ਖਿਡਾਰਣਾਂ ਆਪਣੇ ਖੇਡ ਜੋਹਰ ਦਾ ਪ੍ਰਦਰਸ਼ਨ ਕਰ ਆਪਦੇ ਲੰਘੇ ਜੀਵਨੀ ਦੋਰ ਨੂੰ ਯਾਦ ਕਰਨ ,ਮੁੜ ਗੱਲਵਕੜੀ ਪਾਉਣ ਦੀਆਂ ਸਾਂਝਾਂ ਕਾਇਮ ਕਰਦਿਆਂ ਨਵੀਆਂ ਖਿਡਾਰਨਾਂ ਲਈ ਵਿਚ ਸਿੱਖਣ ਵਾਸਤੇ ਆਕਰਸ਼ਣ ਦਾ ਸੱਬਬ ਹੋਣਗੀਆਂ ।
ਪ੍ਰਬੰਧਕੀ ਸਕੱਤਰ ਰੋਜੀ ਵਲੋਂ ਦਸਿਆ ਗਿਆ ਕਿ ਇਸ ਫਾਇਵ-ਏ-ਸਾਈਡ ਮਾਸਟਰਜ਼ ਮਹਿਲਾ ਹਾਕੀ ਟੂਰਨਾਮੈਂਟ ਵਿਚ ਕ੍ਰਮਵਾਰ 35 ਸਾਲ +, 40ਸਾਲ+ ਅਤੇ 45 ਸਾਲ+ ਉਮਰ ਵਰਗੀ ਖੇਡ ਮੁਕਾਬਲੇ ਕਰਵਾਏ ਜਾਣਗੇ ।
ਇਸ ਮੌਕੇ ਸਟਾਰ ਕਲੱਬ ਦੀ ਜਨਰਲ ਸਕੱਤਰ ਕੁਲਵਿੰਦਰ ਕੌਰ ਅਨੁਸਾਰ ਇਹ 'ਫਾਇਵ-ਏ-ਸਾਈਡ' ਹਾਕੀ ਟੂਰਨਾਮੈਂਟ "ਬੇਟੀ ਬਚਾਓ , ਬੇਟੀ ਪੜ੍ਹਾਓ, ਬੇਟੀ ਖਿਡਾਓ " ਦੇ ਮਾਟੋ ਤਹਿਤ ਹਾਕੀ ਇੰਡੀਆ ਵੱਲੋਂ ਨਿਰਧਾਰਤ ਨਿਯਮਾਂ ਅਨੁਸਾਰ ਜਾਰੀ ਗਾਈਡ ਲਾਇਨ ਅਧਾਰ ਉਪਰ ਖੇਡਿਆ ਜਾਵੇਗਾ ।
ਉਹਨਾਂ ਅੱਗੇ ਕਿਹਾ ਕਿ ਟੂਰਨਾਮੈਂਟ ਦਾ ਉਦਘਾਟਨ ਦਰੋਨਾਚਾਰੀਆ ਐਵਾਰਡੀ ਉਲੰਪੀਅਨ ਰਾਜਿੰਦਰ ਸਿੰਘ (ਚੀਫ਼ ਹਾਕੀ ਕੋਚ, ਪੰਜਾਬ) ਸਵੇਰੇ 9.00 ਵਜ਼ੇ ਕਰਨਗੇ ।
ਏਸ਼ੀਅਨ ਸਟਾਰ "ਗੋਲਡਨ ਗਰਲ" ਅੰਤਰਰਾਸ਼ਟਰੀ ਰਾਜਬੀਰ ਕੌਰ ਟੂਰਨਾਮੈਂਟ ਦੋਰਾਨ ਵਿਸ਼ੇਸ਼ ਮਹਿਮਾਨ ਵਜੋਂ ਆਕਰਸ਼ਣ ਦੇ ਕੇਂਦਰ ਬਿੰਦੂ ਬਣ ਸ਼ਾਮਲ ਹੋਣਗੇ।
ਜਦ ਕਿ ਟੂਰਨਾਮੈਂਟ ਦੇ ਫਾਈਨਲ ਮੁਕਾਬਲੇ ਵਿਚ ਮੁੱਖ ਮਹਿਮਾਨ ਵਜੋਂ ਹਾਕੀ ਖੇਡ ਦੇ " ਸਿਰਮੌਰ ਸਰਦਾਰ "ਅਰਜੁਨਾ ਅਵਾਰਡੀ ਓਲੰਪੀਅਨ ਸੁਰਿੰਦਰ ਸਿੰਘ ਸੋਢੀ (ਸਾਬਕਾ ਆਈ. ਜੀ.) ਸ਼ਿਰਕਤ ਕਰਨਗੇ ਤੇ ਜੇਤੂਆਂ ਨੂੰ ਇਨਾਮਾਂ ਦੀ ਵੰਡ ਕਰਨਗੇ।

67ਵੀਆਂ ਪੰਜਾਬ ਰਾਜ ਅੰਤਰ -ਜਿੱਲ੍ਹਾ ਹਾਕੀ ਟੂਰਨਾਮੈਂਟ 'ਚ

ਪੀਆਈਐਸ- ਜਲੰਧਰ ਤੇ ਮੋਹਾਲੀ ਵਿਚਾਲੇ ਹੋਵੇਗੀ ਖਿਤਾਬੀ ਟੱਕਰ

ਜਲੰਧਰ 28 ਸਤੰਬਰ (ਪਰਮਜੀਤ ਸਿੱਧੂ ) ਸਥਾਨਕ ਓਲੰਪੀਅਨ ਸੁਰਜੀਤ ਸਿੰਘ ਹਾਕੀ ਸਟੇਡੀਅਮ ਵਿਖੇ ਚੱਲ ਰਹੇ 67ਵੀਆਂ ਪੰਜਾਬ ਰਾਜ ਅੰਤਰ - ਜਿੱਲ੍ਹਾ ਹਾਕੀ ਟੂਰਨਾਮੈਂਟ ਦੇ ਤੀਸਰੇ ਦਿਨ ਖੇਡੇ ਗਏ ਸੈਮੀਫਾਈਨਲ ਮੁਕਾਬਲਿਆਂ ਵਿਚ ਮੁੱਖ ਮਹਿਮਾਨ ਵਜੋਂ ਪ੍ਰਿੰਸੀਪਲ ਨਵਤੇਜ ਸਿੰਘ ਬੱਲ ਤੇ ਦਰੋਣਾਚਾਰੀਆ ਅਵਾਰਡੀ ਓਲੰਪੀਅਨ ਰਜਿੰਦਰ ਸਿੰਘ ਵਲੋਂ ਖਿਡਾਰੀਆਂ ਨੂੰ ਅਸ਼ੀਰਵਾਦ ਦਿੰਦੇ ਵਧੀਆ ਖੇਡ ਲਈ ਪ੍ਰਦਰਸ਼ਨ ਵਾਸਤੇ ਪ੍ਰੇਰਿਤ ਕੀਤਾ ਗਿਆ।
ਟੂਰਨਾਮੈਂਟ ਦੇ ਰੂਹੇ ਰਵਾਂ ਇਕਬਾਲ ਸਿੰਘ ਰੰਧਾਵਾ ਡੀ.ਐਮ ਸਪੋਰਟਸ ਜਲੰਧਰ , ਮੁੱਖ ਅਧਿਆਪਕ ਰਕੇਸ਼ ਭੱਟੀ , ਹਰਜਿੰਦਰ ਸਿੰਘ ਖੇਡ ਪ੍ਰਮੋਟਰ, ਅਮਰਜੀਤ ਸਿੰਘ ਪਿੰਕਾ , ਕੁਲਜਿੰਦਰ ਪਾਲ ਸਿੰਘ ਮੱਲ੍ਹੀ ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਖਿਡਾਰੀਆ ਦੀ ਹੋਂਸਲਾ ਅਫ਼ਜ਼ਾਈ ਕੀਤੀ ਗਈ।
ਉੱਕਤ ਜਾਣਕਾਰੀ ਟੂਰਨਾਮੈਂਟ ਮੀਡੀਆ ਕੌਆਰਡੀਨੇਟਰ ਅਮਰਿੰਦਰ ਜੀਤ ਸਿੰਘ ਸਿੱਧੂ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਦੱਸਿਆ ਕਿ ਅੱਜ ਪਹਿਲਾ ਸੈਮੀਫਾਈਨਲ ਪੀਸੀਐਸ, ਮੋਹਾਲੀ ਤੇ ਪੀਆਈਐਸ ਪਟਿਆਲਾ ਵਿਚਾਲੇ ਖੇਡਿਆ ਗਿਆ। ਜਿਸ ਵਿਚ ਮੋਹਾਲੀ ਟੀਮ 3-0 ਦੇ ਫਰਕ ਨਾਲ ਜੇਤੂ ਬਣ ਫਾਈਨਲ ਮੁਕਾਬਲੇ ਵਿਚ ਪ੍ਰਵੇਸ਼ ਕਰਨ ਵਿਚ ਸੱਫਲ ਹੋਈ।
ਦੁਸਰਾ ਸੈਮੀਫਾਈਨਲ ਮੁਕਾਬਲਾ ਸੁਰਜੀਤ ਅਕੈਡਮੀ ਪੀਸੀਐਸ ਜਲੰਧਰ ਤੇ ਮਾਲਵਾ ਅਕੈਡਮੀ ਪੀਆਈਐਸ ਲੁਧਿਆਣਾ ਵਿਚਾਲੇ ਖੇਡਿਆ ਗਿਆ। ਜਿਸ ਨੂੰ ਇਕ ਪਾਸੜ ਮੁਕਾਬਲਾ ਬਣਾ ਸੁਰਜੀਤ ਅਕੈਡਮੀ ਪੀਆਈਐਸ ਜਲੰਧਰ ਟੀਮ 5-0 ਨਾਲ ਜੇਤੂ ਬਣ 67ਵੀਆਂ ਪੰਜਾਬ ਰਾਜ ਅੰਤਰ-ਜਿੱਲ੍ਹਾ ਸਕੂਲ ਖੇਡਾਂ ਦੇ ਹਾਕੀ ਖੇਡ ਖਿਤਾਬ ਲਈ ਪੀਆਈਐਸ ਮੋਹਾਲੀ ਨਾਲ ਫਾਈਨਲ ਮੈਚ ਵਿਚ ਟੱਕਰ ਲੈਣ ਵਿਚ ਸੱਫਲ ਹੋਈ।
ਉਨ੍ਹਾਂ ਦਸਿਆ ਕਿ ਸਿਖਿਆ ਵਿਭਾਗ ਵਲੋਂ ਨਿਰਧਾਰਤ ਮਾਪਦੰਡਾਂ ਅਨੁਸਾਰ ਸਮੂਹ ਟੂਰਨਾਮੈਂਟ ਨੂੰ ਸੱਫਲਤਾ ਪੂਰਵਕ ਨੇਪਰੇ ਚਾੜ੍ਹਨ ਦੀ ਅਹਿਮ ਜੂਮੇਵਾਰੀ ਖੇਡ ਕਨਵੀਨਰ ਪ੍ਰਿੰਸੀਪਲ ਨਵਤੇਜ ਸਿੰਘ ਬੱਲ , ਰਜਿਸਟ੍ਰੇਸ਼ਨ ਕਮੇਟੀ ਚੇਅਰਮੈਨ ਮੁੱਖ ਅਧਿਆਪਕ ਰਕੇਸ਼ ਭੱਟੀ, ਲੈਕਚਰਾਰ ਹਰਿੰਦਰ ਸਿੰਘ ਸੰਘਾ, ਮਨਪ੍ਰੀਤ ਸਿੰਘ ਚੋਹਕਾ, ਲੈਕਚਰਾਰ ਬਲਵਿੰਦਰ ਕੁਮਾਰ,ਜਤਿੰਦਰ ਪਾਲ ਸਿੰਘ, ਹੀਰਾ ਲਾਲ ,ਰਾਜਵਿੰਦਰ ਕੌਰ, ਹਰਪ੍ਰੀਤ ਕੌਰ ਬਾਜਵਾ, ਸਵਰਨਜੀਤ ਕੌਰ , ਪਰਮਜੀਤ ਕੌਰ ਬਾਜਵਾ, ਰਾਜਵਿੰਦਰ ਕੌਰ, ਲਸ਼ਕਰੀ ਰਾਮ , ਬਲਜੋਤ ਸਿੰਘ ਸੰਘਾ ਤੇ ਹੋਰ ਖੇਡ ਮਾਹਿਰਾਂ ਵਜੋਂ ਜੁਮੇਵਾਰੀ ਨਿਭਾਉਂਦੇ ਸਫਲਤਾ ਪੂਰਵਕ ਅੱਜ ਦੇ ਨਿਰਧਾਰਿਤ ਮੈਚ ਕਰਵਾਏ ਗਏ।
ਪ੍ਰੈਸ ਜਾਣਕਾਰੀ ਦਿੰਦੇ ਟੂਰਨਾਮੈਂਟ ਮੁੱਖ ਪ੍ਰਬੰਧਕ ਡੀ.ਐਮ.ਸਪੋਰਟਸ ਇਕਬਾਲ ਸਿੰਘ ਰੰਧਾਵਾ ਨੇ ਦਸਿਆ ਕਿ ਪੀਸੀਐਸ ਲੁਧਿਆਣਾ ਤੇ ਪਟਿਆਲਾ ਦੀਆਂ ਟੀਮਾਂ ਵਿਚਾਲੇ ਤੀਸਰੇ -ਚੌਥੇ ਸਥਾਨ ਲਈ ਪਹਿਲਾ ਮੈਚ ਸਵੇਰੇ ਜਦ ਕਿ ਫਾਈਨਲ ਖਿਤਾਬੀ ਮੁਕਾਬਲਾ ਸੁਰਜੀਤ ਅਕੈਡਮੀ ਪੀਸੀਐਸ ਜਲੰਧਰ ਤੇ ਪੀਆਈਐਸ ਮੋਹਾਲੀ ਵਿਚਾਲੇ ਖੇਡਿਆ ਜਾਵੇਗਾ।

*40ਵਾਂ ਸੁਰਜੀਤ ਹਾਕੀ ਟੂਰਨਾਮੈਂਟ :
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕੀਤਾ ਪੋਸਟਰ ਰਲੀਜ਼।*

*ਮੁੱਖ ਮੰਤਰੀ ਹੋਣਗੇ 40ਵੇਂ ਇੰਡੀਅਨ ਆਇਲ ਸੁਰਜੀਤ ਹਾਕੀ ਟੂਰਨਾਂਮੈਂਟ ਦੇ ਫਾਈਨਲ ਵਿੱਚ ਮੁੱਖ ਮਹਿਮਾਨ।*

ਜਲੰਧਰ 10 ਸਤੰਬਰ ( ਪਰਮਜੀਤ ਸਿੱਧੂ ) : ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅੱਜ ਜਲੰਧਰ ਵਿਖੇ ਦੇਸ਼ ਦੇ ਵੱਕਾਰੀ 40ਵੇਂ ਇੰਡੀਅਨ ਆਇਲ ਸੁਰਜੀਤ ਹਾਕੀ ਟੂਰਨਾਂਮੈਂਟ ਦਾ ਪੋਸਟਰ ਜਾਰੀ ਕੀਤਾ ਹੈ ।

ਡਿਪਟੀ ਕਮਿਸ਼ਨਰ, ਜਲੰਧਰ ਵਿਸ਼ੇਸ ਸਾਰੰਗਲ, ਆਈ.ਏ.ਐੱਸ., ਜੋ ਕਿ ਸੁਰਜੀਤ ਹਾਕੀ ਸੁਸਾਇਟੀ ਦੇ ਪ੍ਰਧਾਨ ਵੀ ਹਨ, ਦੇ ਅਨੁਸਾਰ ਸਥਾਨਕ ਸੁਰਜੀਤ ਹਾਕੀ ਸਟੇਡੀਅਮ, ਬਲਟਰਨ ਪਾਰਕ ਵਿਖੇ 25 ਅਕਤੂਬਰ ਤੋਂ ਸੁਰੂ ਹੋਣ ਵਾਲੇ 40ਵੇਂ ਇੰਡੀਅਨ ਆਇਲ ਸੁਰਜੀਤ ਹਾਕੀ ਟੂਰਨਾਂਮੈਂਟ ਦਾ ਤਿਆਰੀਆਂ ਦੇ ਸਬੰਧ ਵਿੱਚ ਅੱਜ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਪੋਸਟਰ ਜਾਰੀ ਕੀਤਾ।
ਇਸ ਮੌਕੇ ਉਪਰ ਸੁਸਾਇਟੀ ਦੇ ਪ੍ਰਧਾਨ ਵਿਸ਼ੇਸ ਸਾਰੰਗਲ, (ਡਿਪਟੀ ਕਮਿਸ਼ਨਰ, ਜਲੰਧਰ), ਇਕਬਾਲ ਸਿੰਘ ਸੰਧੂ, (ਸੀ.ਈ.ਓ.), ਰਣਬੀਰ ਸਿੰਘ ਟੁੱਟ (ਆਨਰੇਰੀ ਸਕੱਤਰ), ਸੁਰਿੰਦਰ ਸਿੰਘ ਭਾਪਾ (ਸਕੱਤਰ ਜਨਰਲ) ਨੇ ਸਾਂਝੇ ਤੋਰ 'ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਮਿਤੀ 3 ਨਵੰਬਰ ਨੂੰ ਟੂਰਨਾਂਮੈਂਟ ਦੇ ਫਾਈਨਲ ਮੌਕੇ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਣ ਦਾ ਸੱਦਾ ਵੀ ਦਿੱਤਾ ਅਤੇ ਹਨ ਤਕ ਸੁਸਾਇਟੀ ਦੀਆਂ ਪ੍ਰਾਪਤੀਆ ਤੋਂ ਜਾਣੂ ਕਰਵਾਇਆ। ਇਸ ਮੌਕੇ ਉਪਰ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੁਸਾਇਟੀ ਦਾ ਸੱਦਾ ਪ੍ਰਵਾਨ ਕਰਦੇ ਹੋਏ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਵਿਚ ਹਾਕੀ ਦੀ ਖੇਡ ਦੀ ਤਰੱਕੀ ਲਈ ਦੇਸ਼ ਦੇ ਇਸ ਨਾਮੀ ਸੁਰਜੀਤ ਹਾਕੀ ਟੂਰਨਾਮੈਂਟ ਲਈ ਹਰ ਸੰਭਵ ਸਹਾਇਤਾ ਦੇਵੇਗੀ । ਇਸ ਮੌਕੇ ਉਪਰ ਬਲਕਾਰ ਸਿੰਘ, ਲੋਕਲ ਬਾਡੀ ਮੰਤਰੀ, ਸੁਸ਼ੀਲ ਕੁਮਾਰ ਰਿੰਕੂ, ਮੈਂਬਰ ਪਾਰਲੀਮੈਂਟ, ਜਲੰਧਰ, ਕੁਲਦੀਪ ਚਾਹਲ, ਕਮਿਸ਼ਨਰ ਪੁਲਿਸ, ਜਲੰਧਰ ਲਖਵਿੰਦਰ ਪਾਲ ਸਿੰਘ ਖਹਿਰਾ ਅਤੇ ਅਮਿਤ ਬਜਾਜ ਵੀ ਹਾਜਿਰ ਸਨ ।

ਫੋਟੋ ਕੈਪਸਨ : ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਟੂਰਨਾਮੈਂਟ ਦਾ ਪੋਸਟਰ ਜਾਰੀ ਕਰਦੇ ਹੋਏ, ਨਾਲ ਸੁਰਜੀਤ ਹਾਕੀ ਸੁਸਾਇਟੀ ਦੇ ਪ੍ਰਧਾਨ ਵਿਸ਼ੇਸ਼ ਸਾਰੰਗਲ, ਦੀ.ਸੀ.ਜਲੰਧਰ ਤੇ ਅਹੁਦੇਦਾਰ ਅਤੇ ਬਲਕਾਰ ਸਿੰਘ, ਲੋਕਲ ਬਾਡੀ ਮੰਤਰੀ, ਸੁਸ਼ੀਲ ਕੁਮਾਰ ਰਿੰਕੂ, ਮੈਂਬਰ ਪਾਰਲੀਮੈਂਟ, ਜਲੰਧਰ, ਕੁਲਦੀਪ ਚਾਹਲ, ਕਮਿਸ਼ਨਰ ਪੁਲਿਸ, ਜਲੰਧਰ ਅਤੇ ਅਮਿਤ ਬਜਾਜ ਵੀ ਦਿਖਾਈ ਦੇ ਰਹੇ ਹਨ ।

40वां सुरजीत हॉकी टूर्नामेंट:
मुख्यमंत्री भगवंत मान ने जारी किया पोस्टर ।*

*40वें इंडियन ऑयल सुरजीत हॉकी टूर्नामेंट के फाइनल में मुख्यमंत्री होंगे मुख्य अतिथि।*

जालंधर 10 सितंबर ( परमजीत) : पंजाब के मुख्यमंत्री भगवंत मान ने आज जालंधर में देश के प्रतिष्ठित 40वें इंडियन ऑयल सुरजीत हॉकी टूर्नामेंट का पोस्टर जारी किया।

डिप्टी कमिश्नर, जालंधर विशेष सारंगल, आई.एए.एस; जो सुरजीत हॉकी सोसाइटी के अध्यक्ष भी हैं, के अनुसार 25 अक्टूबर से स्थानीय सुरजीत हॉकी स्टेडियम, बल्टर्न पार्क में आयोजित होने वाले 40वें इंडियन ऑयल सुरजीत हॉकी टूर्नामेंट की तैयारियों के संबंध में आज पंजाब मुख्यमंत्री भगवंत मान ने पोस्टर जारी किया है ।

इस अवसर पर सोसायटी के अध्यक्ष विशेष सारंगल (डिप्टी कमिश्नर जालंधर), इकबाल सिंह संधू (सी.ई.ओ.), रणबीर सिंह टुट (आनरेरी सचिव), सुरिंदर सिंह भापा (महासचिव) ने संयुक्त रूप में मुख्यमंत्री भगवंत मान को 3 नवंबर को टूर्नामेंट के फाइनल में मुख्य अतिथि के रूप में शामिल होने के लिए आमंत्रित किया गया और सोसायटी की अब अब तक की उपलब्धियों से अवगत करवाया। इस अवसर पर मुख्यमंत्री भगवंत मान ने सोसायटी के निमंत्रण को स्वीकार करते हुए कहा कि पंजाब सरकार पंजाब में हॉकी को बढ़ावा देने के लिए देश के इस प्रतिष्ठित सुरजीत हॉकी टूर्नामेंट के लिए हर संभव सहायता प्रदान करेगी। इस अवसर पर बलकार सिंह, स्थानीय निकाय मंत्री, सुशील कुमार रिंकू, सांसद, जालंधर, कुलदीप चहल, पुलिस आयुक्त, जालंधर और अमित बजाज भी उपस्थित थे।

फोटो कैप्शन: पंजाब के मुख्यमंत्री भगवंत मान टूर्नामेंट का पोस्टर जारी करते हुए, साथ में सुरजीत हॉकी सोसाइटी के अध्यक्ष विशेष सारंगल, डीसी जालंधर और पदाधिकारी और बलकार सिंह, स्थानीय निकाय मंत्री, सुशील कुमार रिंकू, सांसद, जालंधर, कुलदीप चहल, पुलिस आयुक्त, जालंधर, लखविंदर पाल सिंह खैरा और अमित बजाज भी नजर आ रहे हैं।

40th Surjit Hockey Tournament:
Chief Minister Bhagwant Mann released the poster.*

*Chief Minister will be the chief guest on the final of the 40th Indian Oil Surjit Hockey Tournament. On Nov 3.*

Jalandhar September 10 (Parmjit Sidhu ) : Punjab Chief Minister Bhagwant Mann released the poster of the country's prestigious 40th Indian Oil Surjit Hockey Tournament here today.

According to the Deputy Commissioner, Jalandhar Vishesh Sarangal, IAS who is also the President of Surjit Hockey Society that Punjab Chief Minister Bhagwant Mann has released the poster today in a small function in view of the preparations for the 40th Indian Oil Surjit Hockey Tournament, scheduled to started from Oct. 25, here at the local Surjit Hockey Stadium, Bultren Park.

In the meantime, Vishesh Sarangal (President and DC, Jalandhar), Iqbal Singh Sandhu, (CEO), Ranbir Singh Tut (Honorary Secretary) and Surinder Singh Bhapa (Secretary General) jointly invited the Chief Minister Bhagwant Mann to be the Chief guest on the finals of the tournament on Nov.3. On this occasion, Chief Minister Bhagwant Mann while accepting the society's invitation and said that the Punjab government will provide all possible support for this prestigious indianOil Surjit Hockey Tournament for the promotion of hockey in Punjab. Balkar Singh, Local Body Minister, Sushil Kumar Rinku, Member of Parliament, Jalandhar, Kuldeep Chahal, Commissioner of Police, Jalandhar and Amit Bajaj were also present on this occasion.

Photo Caption: Chief Minister Punjab Bhagwant Mann releasing the poster of the tournament, along with Surjit Hockey Society President Vishesh Sarangal, DC Jalandhar and office-bearers and Balkar Singh, Local Body Minister, Sushil Kumar Rinku, Member of Parliament, Jalandhar, Kuldeep Chahal. , Commissioner of Police, Jalandhar and Amit Bajaj are also seen.

ਚੰਡੀਗੜ੍ਹ 'ਚ 22ਦੇ ਕਿਸਾਨ ਮਜ਼ਦੂਰ ਸੰਘਰਸ਼ ਧਰਨੇ ਦੀ ਤਿਆਰੀ ਮੁਕੰਮਲ - - ਸੂਬਾ ਪ੍ਰਧਾਨ ਸਭਰਾ

ਜਲੰਧਰ (ਸਿੱਧੂ ) ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਜਿਲਾ ਜਲੰਧਰ ਵੱਲੋ 22 ਅਗਸਤ ਦੇ ਚੰਡੀਗੜ੍ਹ ਧਰਨੇ ਸਬੰਧੀ ਜਲੰਧਰ ਜਿਲੇ ਵਿੱਚ ਤਿਆਰੀਆਂ ਮੁਕੰਮਲ।
ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਸੁਖਵਿੰਦਰ ਸਿੰਘ ਸਭਰਾ,ਸੂਬਾ ਆਗੂ ਸਲਵਿੰਦਰ ਸਿੰਘ ਜਾਣੀਆਂ ,ਜਿਲਾ ਪ੍ਰਧਾਨ ਗੁਰਮੇਲ ਸਿੰਘ ਰੇੜਵਾਂ ਅਤੇ ਜਰਨੇਲ ਸਿੰਘ ਰਾਮੇ ਦੀ ਅਗਵਾਈ ਵਿੱਚ 22 ਅਗਸਤ ਦੇ ਚੰਡੀਗੜ੍ਹ ਧਰਨੇ ਸਬੰਧੀ ਜਲੰਧਰ ਜਿਲੇ ਵਿੱਚ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ।ਇਸ ਸਬੰਧੀ ਜੌਨ ਲੋਹੀਆਂ ਦੇ ਪਿੰਡਾਂ ਪਿਪਲੀ ਮਿਆਣੀ,ਗੱਟੀ ਪੀਰ ਬਖਸ਼,ਜਲਾਲਪੁਰ ਖ਼ੁਰਦ,ਕੰਗ ਖ਼ੁਰਦ ,ਕੋਠਾ, ਦੀਆਂ ਮੀਟਿੰਗਾਂ ਕੀਤੀਆਂ ਗਈਆਂ ।ਇਸ ਮੋਕੇ ਤੇ ਗੱਲ-ਬਾਤ ਕਰਦੇ ਹੋਏ ਸੂਬਾ ਪ੍ਰਧਾਨ ਸੁਖਵਿੰਦਰ ਸਿੰਘ ਸਭਰਾ ਅਤੇ ਸੂਬਾ ਆਗੂ ਸਲਵਿੰਦਰ ਸਿੰਘ ਜਾਣੀਆਂ ,ਜਿਲਾ ਪ੍ਰਧਾਨ ਗੁਰਮੇਲ ਸਿੰਘ ਰੇੜਵਾਂ ਅਤੇ ਜਰਨੇਲ ਸਿੰਘ ਰਾਮੇ ਅਤੇ ਹੋਰ ਆਗੂਆਂ ਨੇ ਕਿਹਾ ਕਿ ਪੂਰੇ ਉੱਤਰੀ ਭਾਰਤ ਵਿੱਚ ਮੀਂਹ ਅਤੇ ਹੜਾਂ ਦੇ ਕਾਰਨ ਭਾਰੀ ਤਬਾਹੀ ਹੋਈ ਹੈ ਜਿਸ ਵਿੱਚ ਫਸਲਾ ਦਾ ਅਤੇ ਕਿਸਾਨਾਂ ਮਜ਼ਦੂਰਾਂ ਦਾ ਬਹੁਤ ਨੁਕਸਾਨ ਹੋਇਆ ਹੈ ।ਇਸ ਵਿੱਚ ਮੂਲ ਰੂਪ ਵਿੱਚ ਸਰਕਾਰਾਂ ਹੀ ਜ਼ਿੰਮੇਵਾਰ ਹਨ ਕਿਉਂ ਕਿ ਹਰ ਸਾਲ ਪੰਜਾਬ ਦੇ ਵਧੇਰੇ ਪਿੰਡਾਂ ਨੂੰ ਹੜਾਂ ਦੀ ਮਾਰ ਝੱਲਣੀ ਪੇਂਦੀ ਹੈ ਪਰ ਸਰਕਾਰ ਵੱਲੋ ਦਰਿਆਵਾਂ ਦੇ ਬੰਨਾਂ ਨੂੰ ਮਜ਼ਬੂਤ ਕਰਨ ਲਈ ਕੋਈ ਉਪਰਾਲਾ ਨਹੀਂ ਕੀਤਾ ਗਿਆ ਅਤੇ ਹੁਣ ਸਿਤਮ ਗਰਦੀ ਇਹ ਹੈ ਕਿ ਸਰਕਾਰ ਨੇ ਹੜ ਪੀੜਤਾਂ ਵੱਲ ਪਿੱਠ ਕੀਤੀ ਹੋਈ ਹੈ ।ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਫਸਲਾਂ ਦੇ ਖ਼ਰਾਬੇ ਦਾ 50 ਹਜ਼ਾਰ ਪ੍ਰਤੀ ਏਕੜ ਦੇ ਹਿਸਾਬ ਨਾਲ,ਜਿਸ ਕਿਸਾਨ ਦੇ ਪਸ਼ੂ ਧੰਨ ਦੀ ਹਾਨੀ ਹੋਈ ਹੈ ਉਸ ਨੂੰ ਇਕ ਲੱਖ ,ਜਿਸਦਾ ਘਰ ਢੇਰੀ ਹੋਇਆ ਉਸ ਨੂੰ 5 ਲੱਖ ,ਜੀਅ ਦੀ ਮੋਤ ਤੇ ਦੱਸ ਲੱਖ ,ਅਤੇ ਜਿਹੜੇ ਖੇਤਾਂ ਵਿੱਚ ਮਿੱਟੀ ਪੈ ਗਈ ਹੈ ਉੱਥੇ ਮਾਇਨਿੰਗ ਦਾ ਹੱਕ ਕਿਸਾਨ ਨੂੰ ਦਿੱਤਾ ਜਾਵੇ ,ਚਿਪ ਵਾਲੇ ਮੀਟਰ ਲਗਾਉਣੇ ਬੰਦ ਕੀਤੇ ਜਾਣ ,ਅਬਾਦਕਾਰਾਂ ਨੂੰ ਪੱਕੇ ਮਾਲਕੀ ਹੱਕ ਦਿੱਤੇ ਜਾਣ ।ਇਹਨਾਂ ਮੰਗਾਂ ਨੂੰ ਲੇ ਕੇ 22 ਅਗਸਤ ਨੂੰ ਚੰਡੀਗੜ੍ਹ ਵਿਖੇ 16 ਜਥੇਬੰਦੀਆਂ ਵੱਲੋ ਸਾਂਝੇ ਤੋਰ ਤੇ ਧਰਨਾਂ ਲਗਾਇਆ ਜਾ ਰਿਹਾ ਹੈ ਜਿਸ ਵਿੱਚ ਪੰਜਾਬ ਭਰ ਤੋਂ ਵੱਡੀ ਗਿਣਤੀ ਵਿੱਚ ਕਿਸਾਨ ਮਜ਼ਦੂਰ ਆਪਣੇ ਟਰੇਕਟਰ ਟ੍ਰਾਲੀਆਂ ਸਮੇਤ ਹਿੱਸਾ ਲੇਣਗੇ।ਇਸ ਮੋਕੇ ਤੇ ਹੋਰਨਾਂ ਤੋਂ ਇਲਾਵਾ ਸਤਨਾਮ ਸਿੰਘ ,ਦਿਲਬਾਗ ਸਿੰਘ ਰਾਈਵਾਲ ਕਿਸ਼ਨਦੇਵ ,ਪ੍ਰੇਮ ਸਿੰਘ ਮਿਆਣੀ,ਤਰਲੋਕ ਸਿੰਘ ਗੱਟੀ ਪੀਰ ਬਖ਼ਸ਼ ,ਭਿੰਦਾ,ਸੋਡੀ ਜਲਾਲਪੁਰ ,ਜਗਤਾਰ ਸਿੰਘ ਕੰਗ ਖ਼ੁਰਦ ,ਵੱਸਣ ਸਿੰਘ ਕੋਠਾ ਅਤੇ ਇਹਨਾਂ ਪਿੰਡਾਂ ਦੇ ਅਣਗਿਣਤ ਕਿਸਾਨ ਮਜ਼ਦੂਰ ਅਤੇ ਬੀਬੀਆਂ ਹਾਜ਼ਰ ਸਨ।

ਐਚ.ਐਮ.ਵੀ 'ਚ "ਜਸ਼ਨ -ਏ-ਦੇਸ਼ ਭਗਤੀ ਰੈਲੀ" ਆਯੋਜਿਤ

ਜਲੰਧਰ ( ਪਰਮਜੀਤ ਸਿੱਧੂ ) ਦੇਸ਼ ਦੇ ਸੁਤੰਤਰਤਾ ਸੰਗਰਾਮ ਲਈ ਦੇਸ਼ ਭਗਤੀ ਅਤੇ ਸ਼ਰਧਾ ਦੇ ਇੱਕ ਜੋਸ਼ੀਲੇ ਪ੍ਰਦਰਸ਼ਨ ਵਿੱਚ, ਹੰਸ ਰਾਜ ਮਹਿਲਾ ਮਹਾਂ ਵਿਦਿਆਲਿਆ ਦੀਆਂ ਵਿਦਿਆਰਥਣਾਂ ਵਲੋਂ ਭਾਰਤ ਦੇ ਸੁਤੰਤਰਤਾ ਦਿਵਸ ਦੇ ਸੰਦਰਭ 'ਚ "ਜਸ਼ਨ -ਏ- ਦੇਸ਼ ਭਗਤੀ " ਜੌਸੀਲੀ ਰੈਲੀ ਦਾ ਆਯੋਜਨ ਕੀਤਾ ਗਿਆ ।
ਸੰਸਥਾ ਦੇ ਰਾਜਨੀਤੀ ਸ਼ਾਸਤਰ ਦੇ ਪੀ.ਜੀ.ਵਿਭਾਗ ਅਤੇ ਵਿਦਿਆਰਥੀ ਪ੍ਰੀਸ਼ਦ ਵੱਲੋਂ ਪ੍ਰਿੰਸੀਪਲ ਪ੍ਰੋ.ਡਾ. (ਸ਼੍ਰੀਮਤੀ) ਅਜੈ ਸਰੀਨ, ਅਜ਼ਾਦੀ ਅਤੇ ਏਕਤਾ ਦੀ ਸਥਾਈ ਭਾਵਨਾ ਦਾ ਇੱਕ ਸ਼ਕਤੀਸ਼ਾਲੀ ਪ੍ਰਮਾਣ ਸੀ ਜੋ ਰਾਸ਼ਟਰ ਨੂੰ ਪਰਿਭਾਸ਼ਤ ਕਰਦਾ ਹੈ।
ਇਸ ਪਵਿੱਤਰ ਮੌਕੇ ਦੀ ਨਿਸ਼ਾਨਦੇਹੀ ਨੂੰ ਸਮਰਪਿਤ ਹੈ ਵਿਦਿਆਰਥੀਆਂ ਨੇ ਭਾਰਤ ਦੀ ਆਜ਼ਾਦੀ ਲਈ ਬਹਾਦਰੀ ਨਾਲ ਲੜਨ ਵਾਲੇ ਅਣਗਿਣਤ ਆਜ਼ਾਦੀ ਘੁਲਾਟੀਆਂ ਦੀਆਂ ਕੁਰਬਾਨੀਆਂ ਨੂੰ ਯਾਦ ਕਰਦਿਆਂ ਸੱਚੀਂ ਸ਼ਰਧਾਂਜਲੀ ਦਿੰਦਿਆਂ ਬੁਲੰਦ ਅਵਾਜ਼ ਵਿਚ ਲਗਾਏ ਦੇਸ਼ ਭਗਤੀ ਦੇ ਨਾਅਰਿਆਂ ਨੇ ਕਾਲਜ ਅੰਦਰ ਦੇਸ਼ ਭਗਤੀ ਦਾ ਅਦੁੱਤੀ ਰੰਗ ਬੰਨ੍ਹ ਖੂਬ ਸੰਗਰਾਮੀ ਜੋਸ਼ ਭਰਿਆ ।
ਇਕਜੁੱਟ ਹੋ ਕੇ ਬੁਲੰਦ ਆਵਾਜ਼ਾਂ ਦੇ ਭਾਗੀਦਾਰਾਂ ਨੇ ਉਨ੍ਹਾਂ ਬਹਾਦਰ ਪੁਰਸ਼ਾਂ ਅਤੇ ਔਰਤਾਂ ਨੂੰ ਦਿਲੋਂ ਸ਼ਰਧਾਂਜਲੀ ਭੇਟ ਕੀਤੀ ਜਿਨ੍ਹਾਂ ਨੇ ਦੇਸ਼ ਦੀ ਆਜ਼ਾਦੀ ਦੀ ਰਾਖੀ ਲਈ ਨਿਰਸਵਾਰਥ ਤੌਰ 'ਤੇ ਆਪਣੀਆਂ ਜਾਨਾਂ ਸਮਰਪਿਤ ਕੀਤੀਆਂ।
ਇਸ ਸਮਾਗਮ ਵਿੱਚ ਦੇਸ਼ ਭਗਤੀ ਦੇ ਜਜ਼ਬੇ ਦੀ ਲਹਿਰ ਦੇਖਣ ਨੂੰ ਮਿਲੀ, ਕਿਉਂਕਿ ਫੈਕਲਟੀ ਅਤੇ ਵਿਦਿਆਰਥੀਆਂ ਨੇ ਮਾਣ ਨਾਲ ਤਿਰੰਗੇ ਨਾਲ ਸੁਸ਼ੋਭਿਤ ਹੱਥਾਂ ਨਾਲ ਬਣੇ ਬੈਜ ਪਹਿਨੇ ਅਤੇ ਤਿਰੰਗੇ ਦੇ ਪਹਿਰਾਵੇ ਪਹਿਨੇ, ਜੋ ਰਾਸ਼ਟਰ ਦੀ ਏਕਤਾ ਅਤੇ ਇਸਦੇ ਲੋਕਾਂ ਦੀਆਂ ਸਮੂਹਿਕ ਇੱਛਾਵਾਂ ਦਾ ਪ੍ਰਤੀਕ ਹੈ।
ਸਟੂਡੈਂਟ ਕੌਂਸਲ ਦੇ ਬੈਨਰ ਹੇਠ ਇੱਕ ਵਿਦਿਆਰਥੀ ਇੱਕ ਕੇਕ ਲੈ ਕੇ ਆਇਆ ਜਿਸ ਵਿੱਚ ਉਸ ਦੇ ਸਟਾਰਟਅੱਪ ਦੀ ਸ਼ੁਰੂਆਤ ਕਰਨ ਵਾਲਾ ਉਸ ਦਾ ਪਹਿਲਾ ਉਤਪਾਦ ਸੀ। ਸ੍ਰੀਮਤੀ ਨਵਰੂਪ, ਮੁਖੀ ਪੰਜਾਬੀ ਵਿਭਾਗ ਅਤੇ ਡਾ: ਸੀਮਾ ਮਰਵਾਹਾ ਡੀਨ ਅਕਾਦਮਿਕ ਨੇ ਕੇਕ ਕੱਟਿਆ ਅਤੇ ਉਨ੍ਹਾਂ ਦੀ ਸਫਲਤਾ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ।
ਇਸ ਸਮਾਗਮ ਦੇ ਮੰਤਵ ਬਾਰੇ ਬੋਲਦਿਆਂ, ਡਾ. ਅਜੇ ਸਰੀਨ ਨੇ ਕਿਹਾ, "ਐਚ.ਐਮ.ਵੀ. ਵਿਖੇ ਸੁਤੰਤਰਤਾ ਦਿਵਸ ਦੀ ਰੈਲੀ ਸਿਰਫ਼ ਇੱਕ ਜਸ਼ਨ ਹੀ ਨਹੀਂ ਹੈ, ਸਗੋਂ ਸਾਡੇ ਪੂਰਵਜਾਂ ਦੀਆਂ ਕੁਰਬਾਨੀਆਂ ਨੂੰ ਦਿਲੋਂ ਸ਼ਰਧਾਂਜਲੀ ਹੈ, ਜਿਨ੍ਹਾਂ ਨੇ ਸਾਨੂੰ ਆਜ਼ਾਦੀ ਦਾ ਤੋਹਫ਼ਾ ਦਿੱਤਾ ਹੈ। ਇਹ ਸਾਡੇ ਵਿਦਿਆਰਥੀਆਂ ਨੂੰ ਦੇਖਣਾ ਬਹੁਤ ਖੁਸ਼ੀ ਵਾਲੀ ਗੱਲ ਹੈ। ਉਨ੍ਹਾਂ ਕਦਰਾਂ- ਕੀਮਤਾਂ ਦਾ ਸਨਮਾਨ ਕਰਨ ਲਈ ਏਨੇ ਉਤਸ਼ਾਹ ਅਤੇ ਏਕਤਾ ਨਾਲ ਇਕੱਠੇ ਹੋਣਾ ਜਿਨ੍ਹਾਂ ਲਈ ਸਾਡਾ ਰਾਸ਼ਟਰ ਖੜ੍ਹਾ ਹੈ।'' ਸ਼੍ਰੀਮਤੀ ਅਲਕਾ ਸ਼ਰਮਾ ਮੁਖੀ ਰਾਜਨੀਤੀ ਸ਼ਾਸਤਰ ਵਿਭਾਗ ਅਤੇ ਸ੍ਰੀਮਤੀ ਉਰਵਸ਼ੀ ਮਿਸ਼ਰਾ, ਡੀਨ ਸਟੂਡੈਂਟ ਕੌਂਸਲ ਨੇ ਵੀ ਇਸ ਮੌਕੇ ਸਾਰਿਆਂ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਹ ਸਮਾਗਮ ਦੇਸ਼ ਦੀ ਤਰੱਕੀ ਪ੍ਰਤੀ ਵਚਨਬੱਧਤਾ ਦੀ ਇੱਕ ਨਵੀਂ ਭਾਵਨਾ ਨਾਲ ਸਮਾਪਤ ਹੋਇਆ, ਕਿਉਂਕਿ ਵਿਦਿਆਰਥੀ ਭਾਰਤ ਦੇ ਵਿਕਾਸ ਅਤੇ ਵਿਕਾਸ ਵਿੱਚ ਸਕਾਰਾਤਮਕ ਯੋਗਦਾਨ ਪਾਉਣ ਦੇ ਸਾਂਝੇ ਸੰਕਲਪ ਨਾਲ ਰਵਾਨਾ ਹੋਏ ਐਚਐਮਵੀ ਨਾ ਸਿਰਫ਼ ਅਕਾਦਮਿਕ ਉੱਤਮਤਾ ਨੂੰ ਪਾਲਣ ਲਈ ਸਮਰਪਿਤ ਹੈ, ਸਗੋਂ ਇਸਦੇ ਵਿੱਚ ਰਾਸ਼ਟਰੀ ਮਾਣ ਦੀ ਭਾਵਨਾ ਨੂੰ ਵੀ ਸਮਰਪਿਤ ਹੈ। ਵਿਦਿਆਰਥੀ। ਸੁਤੰਤਰਤਾ ਦਿਵਸ ਰੈਲੀ ਨੇ ਇਹ ਯਾਦ ਦਿਵਾਇਆ ਕਿ ਅੱਜ ਦੇ ਨੌਜਵਾਨ ਕੱਲ ਦੇ ਭਾਰਤ ਦੇ ਮਸ਼ਾਲ ਹਨ ਅਤੇ ਉਨ੍ਹਾਂ ਦੀ ਏਕਤਾ ਅਤੇ ਸਮਰਪਣ ਦੇਸ਼ ਦੀ ਕਿਸਮਤ ਨੂੰ ਆਕਾਰ ਦੇਵੇਗਾ।

ਅਣਸੁਖਾਵੀਂ ਸਥਿਤੀ ਨਜਿੱਠਣ ਲਈ ਪ੍ਰਸਾਸ਼ਨ ਮੁਸਤੈਦੀ ਕੰਮਾਂ ਨੂੰ ਹੋਇਆ ਪੱਬਾਂ ਭਾਰ

ਡਰੇਨਜ ਵਿਭਾਗ ਨੂੰ ਬੰਨ੍ਹ ਤੇ 24ਘੰਟੇ ਗਸ਼ਤ ਦੀ ਹਿਦਾਇਤ ਜਾਰੀ

ਦਰਿਆ ਕੰਢੇ ਵਸੇ ਲੋਕਾਂ ਨੂੰ ਸੁਚੇਤ ਰਹਿਣ ਲਈ ਕੀਤਾ ਅਗਾਂਹ

ਜਲੰਧਰ (ਪਰਮਜੀਤ ਸਿੱਧੂ )
ਹਿਮਾਚਲ ਸੂਬੇ ਦੇ ਵੱਖ -ਵੱਖ ਖੇਤਰਾਂ 'ਚ ਬੀਤੇ ਦਿਨਾਂ ਤੋਂ ਹੋ ਰਹੀ ਭਾਰੀ ਬਰਸਾਤ ਕਾਰਨ ਪੰਜਾਬ ਦੇ ਮੈਦਾਨੀ ਇਲਾਕਿਆਂ ਵਿਚ ਸਤਲੁਜ ਦਰਿਆ ਵਿਚ ਪਾਣੀ ਦਾ ਪੱਧਰ ਵਧਣ ਦੇ ਖਦਸ਼ੇ ਦੇ ਮੱਦੇਨਜਰ ਕਿਸੇ ਪ੍ਰਕਾਰ ਦੀ ਅਣਸੁਖਾਵੀਂ ਸਥਿਤੀ ਨੂੰ ਨਜਿੱਠਣ ਲਈ ਡਿਪਟੀ ਕਮਿਸ਼ਨਰ ਵਿਸ਼ੇਸ਼ ਸਾਰੰਗਲ ਵੱਲੋਂ ਜ਼ਿਲ੍ਹਾ ਪ੍ਰ਼ਸ਼ਾਸ਼ਨ ਅਧਿਕਾਰੀਆਂ ਪੂਰੀ ਤਰ੍ਹਾਂ ਮੁਸਤੈਦ ਕਰ ਵਾਜਿਬ ਬਣਦੀਆਂ ਹਿਦਾਇਤਾਂ ਮਗਰੋਂ ਲੋੜੀਂਦੇ ਕੰਮਾਂ ਨੂੰ ਨੇਪਰੇ ਚਾੜ੍ਹਨ ਲਈ ਪੱਬਾਂ ਭਾਰ ਹੋਇਆ।
ਜ਼ਿਕਰਯੋਗ ‌‌ ਹੈ਼ ਕਿ ਫਿਲੌਰ ਤੋਂ ਲੋਹੀਆਂ ਤੱਕ ਸਤਲੁਜ ਦਰਿਆ 90 ਕਿਲੋਮੀਟਰ ਲੰਬੇ ਵਹਾਵੀ ਖੇਤਰ ਦੇ ਕੰਢੇ ਧੁੱਸੀ ਬੰਨ੍ਹ ਉੱਪਰ ਐਸ ਡੀ ਐਮਜ / ਤਹਿਸੀਲਦਾਰਾਂ ਤੇ ਡਰੇਨਜ ਵਿਭਾਗ ਦੇ ਅਧਿਕਾਰੀਆਂ ਵੱਲੋਂ ਹਿਦਾਇਤਾਂ ਅਨੁਸਾਰ ਦੌਰਾ ਕਰਕੇ ਬੰਨ੍ਹ ਨੂੰ ਹੋਰ ਮਜ਼ਬੂਤ ਕਰਨ ਦੇ ਉਪਰਾਲੇ ਸ਼ੁਰੂ ਕੀਤੇ ਗਏ ਹਨ ।
ਦਸਣਯੋਗ ਹੈ ਕਿ ਉਨ੍ਹਾਂ ਵਲੋਂ ਜਾਰੀ ਹੁਕਮਾਂ ਵਿੱਚ ਸਤਲੁਜ ਦਰਿਆ ਕੰਢੇ ਵਸਦੇ ਲੋਕਾਂ ਨੂੰ ਭਾਖੜਾ ਡੈਮ ਤੋਂ ਸੀਮਤ ਮਾਤਰਾ ਵਿੱਚ ਪਾਣੀ ਛੱਡੇ ਜਾਣ ਬਾਰੇ ਦਸਦਿਆਂ ਦਰਿਆ ਵਿਚ ਪਾਣੀ ਦਾ ਪੱਧਰ ਵਧਣ ਦਾ ਖ਼ਦਸ਼ਾ ਕਾਰਨ ਇਹਤਿਆਤੀ ਤੌਰ ਤੇ ਦਰਿਆ ਵੱਲ ਜਾਣ ਤੋਂ ਗੁਰੇਜ਼ ਕਰਨ ਲਈ ਵੀ ਜਾਗਰੂਕ ਕੀਤਾ।
ਉਨਾਂ ਕਿਹਾ ਕਿ ਦਰਿਆ ਨੇੜਲੇ ਖੇਤਰਾਂ ਅੰਦਰ ਪੰਚਾਇਤਾਂ ਨੂੰ ਲੋਕਾਂ ਨੂੰ ਸੁਚੇਤ ਰਹਿਣ ਬਾਰੇ ਜਾਗਰੂਕ ਕਰਨ ਤੇ ਕਿਸੇ ਵੀ ਅਣਸੁਖਾਵੀਂ ਸਥਿਤੀ ਦੇ ਟਾਕਰੇ ਲਈ ਤਿਆਰ ਰਹਿਣ ਵਾਸਤੇ ਕਹਿਣ ।
ਉਨਾਂ ਵਲੋਂ ਡਰੇਨਜ ਵਿਭਾਗ 24 ਘੰਟੇ ਬੰਨ੍ਹ ਉੱਪਰ ਗਸ਼ਤ ਯਕੀਨੀ ਬਣਾਉਣ ਲਈ ਵੀ ਹਿਦਾਇਤਾਂ ਤਾਂ ਜੋ ਲੋੜ ਅਨੁਸਾਰ ਤੁਰੰਤ ਕਾਰਵਾਈ ਕੀਤੀ ਜਾ ਸਕੇ ।
ਅੱਜ ਫਿਲੌਰ ਵਿਖੇ ਐਸ ਡੀ ਐਮ ਅਮਨਪਾਲ ਸਿੰਘ ਤੇ ਸ਼ਾਹਕੋਟ ਦੇ ਐਸ ਡੀ ਐਮ ਰਿਸ਼ਭ ਬਾਂਸਲ ਵੱਲੋਂ ਡੀ.ਸੀ.ਸਾਹਿਬ ਦੀਆਂ ਹਿਦਾਇਤਾਂ ਨੂੰ ਅਮਲੀ ਜਾਮਾ ਪਹਿਨਾਉਦਿਆਂ , ਧੁੱਸੀ ਬੰਨ੍ਹ ਦਾ ਦੌਰਾ ਕਰਕੇ ਤੁਰੰਤ ਚੁੱਕੇ ਜਾਣ ਵਾਲੇ ਕਦਮਾਂ ਨੂੰ ਸ਼ੁਰੂ ਕਰਵਾਇਆ ਗਿਆ ।
ਡਿਪਟੀ ਕਮਿਸ਼ਨਰ ਵਲੋਂ ਇਹਤਿਆਤ ਵਜੋਂ ਪਹਿਲਾਂ ਹੀ ਮਿੱਟੀ ਦੇ ਬੋਰਿਆਂ ਦੇ ਪ੍ਰਬੰਧ ਕੀਤੇ ਜਾਣ ਤੇ ਲੋਕਾਂ ਨਾਲ ਲਗਾਤਾਰ ਰਾਬਤਾ ਰੱਖਣ ਬਾਰੇ ਵੀ ਕਿਹਾ ਗਿਆ ।

ਗੱਦਰੀ ਬਾਬਿਆਂ ਦਾ ਮੇਲਾ -23 ਤਿਆਰੀ ਲਈ ਮੀਟਿੰਗ 19 ਨੂੰ

ਜਲੰਧਰ,16 ਅਗਸਤ ( ਸਿੱਧੂ ) ਗ਼ਦਰੀ ਬਾਬਿਆਂ ਦਾ ਮੇਲਾ - 2023 ਬਾਰੇ ਜਾਣਕਾਰੀ ਦਿੰਦਿਆਂ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਅਜਮੇਰ ਸਿੰਘ, ਜਨਰਲ ਸਕੱਤਰ ਪ੍ਰਿਥੀਪਾਲ ਸਿੰਘ ਮਾੜੀਮੇਘਾ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਸਾਂਝੇ ਤੌਰ ਤੇ ਦੱਸਿਆ ਕਿ ਤਿਆਰੀ ਸਬੰਧੀ ਮੀਟਿੰਗ 19 ਅਗਸਤ ਸਵੇਰੇ 10 ਵਜੇ ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ ਜਲੰਧਰ ਵਿਖੇ ਹੀ ਕੀਤੀ ਜਾਏਗੀ।

ਜ਼ਿਕਰਯੋਗ ਹੈ ਕਿ ਇਹ ਮੀਟਿੰਗ 19 ਅਗਸਤ 1942 ਨੂੰ ਪਿੰਡ ਫਰਵਾਹੀ ( ਮਾਨਸਾ ) ਵਿਖੇ ਜਨਮੇ ਨਾਮਵਰ ਨਾਟਕਕਾਰ ਪੋ. ਅਜਮੇਰ ਸਿੰਘ ਔਲਖ ਦੇ ਜਨਮ ਦਿਹਾੜੇ ਅਤੇ 10 ਅਗਸਤ 2023 ਨੂੰ ਸਾਡੇ ਕਾਫ਼ਲੇ ਨੂੰ ਸਦੀਵੀ ਵਿਛੋੜਾ ਦੇ ਗਏ ਜਾਣੇ- ਪਹਿਚਾਣੇ ਰੰਗ ਕਰਮੀ ਮਾਸਟਰ ਤਰਲੋਚਨ ਸਮਰਾਲਾ ਨੂੰ ਸਮਰਪਿਤ ਹੋਏਗੀ।

ਇਸ ਰੋਜ਼ ਇਹਨਾਂ ਸ਼ਖ਼ਸੀਅਤਾਂ ਵੱਲੋਂ ਪੰਜਾਬੀ ਰੰਗ ਮੰਚ ਵਿਸ਼ੇਸ਼ ਕਰਕੇ ਮੇਲਾ ਗ਼ਦਰੀ ਬਾਬਿਆਂ ਦਾ ‘ਚ ਦੇਣ ਨੂੰ ਸਲਾਮ ਕੀਤਾ ਜਾਏਗਾ।
ਦੱਸਣਯੋਗ ਹੈ ਕਿ ਪ੍ਰੋ. ਅਜਮੇਰ ਸਿੰਘ ਔਲਖ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਮਾਣਯੋਗ ਮੈਂਬਰ ਵੀ ਰਹੇ ਹਨ। ਪ੍ਰੋ.ਔਲਖ ਅਤੇ ਮਾਸਟਰ ਤਰਲੋਚਨ ਸਮਰਾਲਾ ਨੇ ਗ਼ਦਰੀ ਬਾਬਿਆਂ ਦੇ ਮੇਲਿਆਂ ਮੌਕੇ ਆਪਣੀਆਂ ਪੇਸ਼ਕਾਰੀਆਂ ਨਾਲ਼ ਜਿੱਥੇ ਗ਼ਦਰੀ ਬਾਬਿਆਂ ਦੀ ਇਤਿਹਾਸਕ ਸਭਿਆਚਾਰਕ ਵਿਰਾਸਤ ਨੂੰ ਬੁਲੰਦ ਕੀਤਾ ਓਥੇ ਮੇਲੇ ਨੂੰ ਲੋਕਾਂ ਵਿੱਚ ਮਕਬੂਲ ਕਰਨ ਵਿੱਚ ਯਾਦ ਰੱਖਣਯੋਗ ਯੋਗਦਾਨ ਪਾਇਆ।

ਉਨ੍ਹਾਂ ਦਸਿਆ ਕਿ ਉਸ ਰੋਜ ਪ੍ਰਬੰਧਕੀ ਜ਼ਿੰਮੇਵਾਰੀਆਂ ਓਟਣ ਵਾਲੇ ਕਾਮੇ 19 ਅਗਸਤ 2023 ਨੂੰ ਸਿਰ ਜੋੜਕੇ ਮੇਲੇ ਦੀ ਰੂਪ ਰੇਖਾ ਦਾ ਤਜਵੀਜ਼ਤ ਖ਼ਾਕਾ ਤਿਆਰ ਕਰਨਗੇ। ਜਿਸ ਉਪਰੰਤ ਦੇਸ਼ ਭਗਤ ਯਾਦਗਾਰ ਕਮੇਟੀ ਦਾ ਸਭਿਆਚਾਰਕ ਵਿੰਗ ਇਹਨਾਂ ਤਜਵੀਜ਼ਤ ਸੁਝਾਵਾਂ ਉਪਰ ਵਿਚਾਰ ਚਰਚਾ ਕਰੇਗਾ।
ਜਿਨ੍ਹਾਂ ਤਜਵੀਜਾਂ ਨੂੰ 26 ਅਗਸਤ ਦੀ ਹੋਣ ਵਾਲੀਆਂ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਬੋਰਡ ਆਫ਼ ਟ੍ਰਸਟ ਅਤੇ ਉਪਰੰਤ ਜਨਰਲ ਬਾਡੀ ਦੀਆਂ ਮੀਟਿੰਗਾਂ ‘ਚ ਗੰਭੀਰ ਵਿਚਾਰ ਚਰਚਾ ਕਰਨ ਉਪਰੰਤ ਮੇਲੇ ਦੀ ਰੂਪ ਰੇਖਾ ਦੀ ਵਿਉਂਤਬੰਦੀ ਕਰ ਜਨਤਕ ਕਰ ਦਿੱਤਾ ਜਾਵੈਗਾ।

ਆਪ ਸਰਕਾਰ ਪੰਜਾਬ ‘ਚੋਂ ਨਸ਼ੇ ਮੁੱਕਤੀ ਲਈ ਚੁੱਕੇ ਕਦਮਾਂ ਬਾਰੇ ‘ਵਾਈਟ ਪੇਪਰ’ ਜਾਰੀ ਕਰੇ: ਜੈਵੀਰ ਸ਼ੇਰਗਿੱਲ

ਜਲੰਧਰ (ਅਮਰਿੰਦਰ ਸਿੱਧੂ) ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਬੁਲਾਰੇ ਜੈਵੀਰ ਸ਼ੇਰਗਿੱਲ ਵਲੋਂ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਝੂਠੇ ਲਾਰਿਆਂ /ਵਾਅਦਿਆਂ ਦੇ ਮਾਹਿਰ ਦੱਸਦਿਆਂ, ਬੀਤੇ ਕੱਲ੍ਹ ਪਟਿਆਲਾ 'ਚ ਆਜ਼ਾਦੀ ਦਿਹਾੜਾ ਮਨਾਉਂਦਿਆਂ ਆਪਣੇ ਭਾਸ਼ਣ ਦੌਰਾਨ ਪੰਜਾਬ ਨੂੰ ਅਗਲੇ ਆਜ਼ਾਦੀ ਦਿਹਾੜੇ ਤੱਕ "ਨਸ਼ਾ ਮੁਕਤ ਸੂਬਾ" ਬਣਾਉਣ ਸਬੰਧੀ ਕੀਤਾ ਦਾਅਵੀ ਵਾਅਦਾ ਉਨ੍ਹਾਂ ਦੀ ਲਾਰਿਆਂ ਦੇ ਮਾਹਿਰ ਹੋਣ ਦੀ ਅਸਲੀਅਤ ਨੂੰ ਦਰਸਾਉਂਦਾ ਹੈ।

ਜਦ ਕਿ ਉਨ੍ਹਾਂ ਵਲੋਂ ਸੱਤਾ ‘ਚ ਆਉਣ ਤੋਂ ਪਹਿਲਾਂ ਵਾਅਦਾ ਕੀਤਾ ਸੀ ਕਿ ਜੇਕਰ ਉਨ੍ਹਾਂ ਦੀ ਸਰਕਾਰ ਆਉਂਦੀ ਹੈ ਤਾਂ ਉਹ 3 ਮਹੀਨਿਆਂ ਦੇ ਅੰਦਰ ਨਸ਼ੇ ਨੂੰ ਖਤਮ ਕਰਨ ਦੇ ਖੋਖਲੇ ਵਾਅਦਿਆਂ ਦੀ ਪੋਲ ਖੋਲ੍ਹ ਤੱਥੀ ਸੱਚ ਨੂੰ ਵੀ ਉਜਾਗਰ ਕਰਦਾ ਹੈ।
ਗੱਲਬਾਤ ਦੌਰਾਨ ਸ਼ੇਰਗਿੱਲ ਨੇ ਕਿਹਾ ਕਿ ਪੰਜਾਬ ਵਿੱਚ ਨਸ਼ਿਆਂ ਦੀ ਅਲਾਮਤ ਨੇ ਖਤਰਨਾਕ ਰੂਪ ਧਾਰਨ ਕਰ ਲਿਆ ਹੈ। ਉਨ੍ਹਾਂ ਦਸਿਆ ਕਿ ਅਗਲੇ ਮਹੀਨੇ ਤਕ ਮਾਨ ਸਰਕਾਰ ਨੇ ਡੇਢ ਸਾਲ ਦਾ ਕਾਰਜਕਾਲ ਦਾ ਪੂਰਾ ਕਰ ਲਵੇਗੀ ਅਤੇ ਕਿਨ੍ਹੀ ਸ਼ਰਮਨਾਕ ਗੱਲ ਹੈ ਕਿ ਸੂਬਾ ਮੁੱਖ ਮੰਤਰੀ ਹੀ ਨਸ਼ਿਆਂ ਦੇ ਖਾਤਮੇ ਲਈ ਅਜੇ ਹੋਰ ਸਾਲ ਦੀ ਲੋੜ ਦਸ ਰਹੇ ਹਨ।

ਸ਼ੇਰਗਿੱਲ ਵਲੋਂ ਆਪਦੀ ਪੁਰ ਜ਼ੋਰ ਅਵਾਜ ਬੁਲੰਦ ਕਰਦਿਆਂ ਕਿਹਾ ਕਿ ਨਸ਼ਿਆਂ ਦੇ ਖ਼ਾਤਮੇ ਲਈ ਸਰਕਾਰ ਦਾ ਗੈਰ-ਸੰਜੀਦਗੀ ਵਾਲੇ ਰਵਈਏ ਦਾ ਅੰਦਾਜਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਸੱਤਾ ਵਿਚ ਆਉਣ ਤੋਂ ਬਾਅਦ ਵੀ ਹੱਲ੍ਹੇ ਕਾਰਵਾਈ ਕਰਨ ਲਈ ਮੁੱਖ ਮੰਤਰੀ ਅਜੇ ਨਸ਼ੇ ਖਿਲਾਫ ਖਾਕਾ ਤਿਆਰ ਕੀਤੇ ਦਾ ਜ਼ਿਕਰ ਹੀ ਕਰਦੇ ਹਨ।
ਸ਼ੇਰਗਿੱਲ ਨੇ ਮੁੱਖ ਮੰਤਰੀ ‘ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ‘ਆਪ’ ਸਰਕਾਰ ਦੀ ਦੋਸ਼-ਖੇਡ ਦੀ ਸਿਆਸਤ ਅਤੇ ਪੰਜਾਬ ਪ੍ਰਤੀ ਉਦਾਸੀਨ ਰਵੱਈਆ ਸੂਬੇ ‘ਚ ਨਸ਼ਾਖੋਰੀ ਅਤੇ ਤਸਕਰੀ ਦੀ ਅੱਗ ਨੂੰ ਭੜਕਾ ਰਿਹਾ ਹੈ। ਪੰਜਾਬ ਭਾਜਪਾ ਦੇ ਪਰਮਾਨੇਂਟ ਇਨਵਾਇਟੀ ਮੈਂਬਰ ਸ਼ੇਰਗਿੱਲ ਨੇ ਦੁੱਖ ਪ੍ਰਗਟ ਕੀਤਾ ਕਿ ਮੀਡੀਆ ਰਿਪੋਰਟਾਂ ਅਨੁਸਾਰ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਸਰਕਾਰ ਦੇ ਭਿਆਨਕ ਕਾਰਜਕਾਲ ਦੌਰਾਨ ਨਸ਼ਿਆਂ ਦੇ ਓਵਰਡੋਜ਼ ਨਾਲ 200 ਤੋਂ ਵੱਧ ਮੌਤਾਂ ਹੋਈਆਂ ਹਨ। ਸਮੱਸਿਆ ਦੀ ਗੰਭੀਰਤਾ ਇਸ ਗੱਲ ਤੋਂ ਜ਼ਾਹਰ ਹੁੰਦੀ ਹੈ ਕਿ ਲਗਭਗ ਹਰ ਦੂਜੇ ਦਿਨ ਸੂਬੇ ਦੇ ਕਿਸੇ ਨਾ ਕਿਸੇ ਜ਼ਿਲੇ ‘ਚੋਂ ਨਸ਼ੇ ਦੀ ਓਵਰਡੋਜ਼ ਨਾਲ ਮੌਤਾਂ ਹੋ ਰਹੀਆਂ ਹਨ। ਜਿਸ ‘ਤੇ ਉਨ੍ਹਾਂ ਸਵਾਲ ਕੀਤਾ ਕਿ ‘ਆਪ’ ਸਰਕਾਰ ਵੱਲੋਂ ਕੀਤੇ ਬਦਲਾਅ ਦਾ ਵਾਅਦਾ ਕਿੱਥੇ ਹੈ।

ਸ਼ੇਰਗਿੱਲ ਨੇ ਅੱਗੇ ਕਿਹਾ ਕਿ ‘ਆਪ’ ਸਰਕਾਰ ਨਸ਼ਿਆਂ ਅਤੇ ਖਾਸ ਕਰਕੇ ਚਿੱਟੇ ਵਿਰੁੱਧ ਕੋਈ ਠੋਸ ਕਾਰਵਾਈ ਕਰਨ ‘ਚ ਨਾਕਾਮ ਰਹੀ ਹੈ, ਜੋ ਸੂਬੇ ਲਈ ਘਾਤਕ ਸਿੱਧ ਹੋ ਰਿਹਾ ਹੈ। ਨਸ਼ਿਆਂ ਦੇ ਖਾਤਮੇ ਲਈ ਪੂਰੀ ਤਰ੍ਹਾਂ ਨਾਲ ‘ਆਪ’ ਸਰਕਾਰ ਨੂੰ ਜ਼ਿੰਮੇਵਾਰ ਠਹਿਰਾਉਂਦਿਆਂ ਉਨ੍ਹਾਂ ਮੁੱਖ ਮੰਤਰੀ ਨੂੰ ਠੋਸ ਅੰਕੜੇ ਪੇਸ਼ ਕਰਨ ਲਈ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੇ ਹੁਣ ਤੱਕ ਨਸ਼ਿਆਂ ਦੇ ਕਾਰੋਬਾਰ ‘ਚ ਕਿੰਨੀਆਂ ਵੱਡੀਆਂ ਮੱਛੀਆਂ ਫੜੀਆਂ ਹਨ।

ਜ਼ਿਕਰਯੋਗ ਹੈ ਕਿ 6 ਦਸੰਬਰ, 2022 ਨੂੰ ਸੁਪਰੀਮ ਕੋਰਟ ਨੇ ਵੀ ਪੰਜਾਬ ਸਰਕਾਰ ਦੀ ਡਰੱਗ ਤਸਕਰੀ ਨਾਲ ਨਜਿੱਠਣ ‘ਚ ਨਾਕਾਮੀ ਲਈ ਖਿਚਾਈ ਕੀਤੀ ਸੀ। ਇਸ ਤੋਂ ਇਲਾਵਾ 11 ਅਗਸਤ,2023 ਨੂੰ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਵੀ ਪੰਜਾਬ ਵਿੱਚ ਨਸ਼ਿਆਂ ਦੀ ਤਸਕਰੀ ਅਤੇ ਸੇਵਨ ਵਿੱਚ ਹੋ ਰਹੇ ਵਾਧੇ ‘ਤੇ ਚਿੰਤਾ ਪ੍ਰਗਟਾਈ ਸੀ। ਸ਼ੇਰਗਿੱਲ ਨੇ ਕਿਹਾ ਕਿ ਨਸ਼ਿਆਂ ਦੇ ਪ੍ਰਸਾਰ ਨੂੰ ਰੋਕਣ ਲਈ ਸਖ਼ਤ ਕਾਰਵਾਈ ਕਰਨ ਦੀ ਬਜਾਏ ‘ਆਪ’ ਸਰਕਾਰ ਦੀ ਮਾੜੀ ਕਾਰਗੁਜ਼ਾਰੀ ਨਸ਼ਿਆਂ ਅਤੇ ਇਸ ਦੀ ਤਸਕਰੀ ਨੂੰ ਵਧਾ ਰਹੀ ਹੈ।

ਸ਼ੇਰਗਿੱਲ ਨੇ ਨਸ਼ਿਆਂ ਦਾ ਸ਼ਿਕਾਰ ਹੋ ਰਹੇ ਬੱਚਿਆਂ ‘ਤੇ ਵੀ ਗੰਭੀਰ ਚਿੰਤਾ ਪ੍ਰਗਟਾਈ। ਉਨ੍ਹਾਂ ਕਿਹਾ ਕਿ 1 ਫਰਵਰੀ 2023 ਨੂੰ ਪੰਜਾਬ ਦੇ ਰਾਜਪਾਲ ਨੇ ਵੀ ਕਿਹਾ ਸੀ ਕਿ ਪੰਜਾਬ ਦੇ ਸਕੂਲਾਂ ਵਿੱਚ ਨਸ਼ਾ ਦਾਖਲ ਹੋ ਗਿਆ ਹੈ। ਰਾਜਪਾਲ ਨੇ ਤਾਂ ਇੱਥੋਂ ਤੱਕ ਕਿਹਾ ਸੀ ਕਿ ਜਦੋਂ ਵੀ ਉਹ ਪਿੰਡਾਂ ਦਾ ਦੌਰਾ ਕਰਦੇ ਹਨ ਤਾਂ ਲੋਕ ਉਨ੍ਹਾਂ ਨੂੰ ਦੱਸਦੇ ਹਨ ਕਿ ਕਰਿਆਨੇ ਵਾਂਗ ਜਨਰਲ ਸਟੋਰਾਂ ‘ਤੇ ਨਸ਼ੇ ਉਪਲਬਧ ਹਨ ਭਾਜਪਾ ਦੇ ਬੁਲਾਰੇ ਨੇ ਖੁਲਾਸਾ ਕੀਤਾ ਕਿ ਇਹ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ ਅਤੇ ਸਰਕਾਰ ਤੋਂ ਇਸ ਵਾਰ ਪਹਿਲ ਦੇ ਆਧਾਰ ‘ਤੇ ਹੱਲ ਕਰਨ ਦੀ ਮੰਗ ਕੀਤੀ ਹੈ।

ਸ਼ੇਰਗਿੱਲ ਨੇ ਆਪਣੀ ਮੰਗ ਨੂੰ ਦੁਹਰਾਉਂਦੇ ‘ਆਪ’ ਸਰਕਾਰ ਨੂੰ ਪੰਜਾਬ ‘ਚੋਂ ਨਸ਼ਿਆਂ ਦੇ ਖਾਤਮੇ ਲਈ ਚੁੱਕੇ ਕਦਮਾਂ ਬਾਰੇ ਲੋਕਾਂ ਨੂੰ ਸੱਚ ਉਜਾਗਰ ਕਰਨ ਲਈ ‘ਵਾਈਟ ਪੇਪਰ’ ਜਾਰੀ ਕਰਨ ਦੀ ਅਪੀਲ ਕੀਤੀ ਗਈ।।

ਜਲੰਧਰ ਪ੍ਰੋਫੈਸ਼ਨਲ ਫੋਟੋਗ੍ਰਾਫਰਜ਼ ਐਸੋਸੀਏਸ਼ਨ ਨੇ ਮਨਾਇਆ 77ਵਾਂ ਸੁਤੰਤਰਤਾ ਦਿਵਸ

ਜਲੰਧਰ ( ਸਿੱਧੂ )ਸਥਾਨਕ ਗੁਰੂ ਨਾਨਕ ਮਿਸ਼ਨ ਚੋਂਕ ਨਜ਼ਦੀਕ ਸਥਿਤ ਦਿ ਜਲੰਧਰ ਪ੍ਰੋਫੈਸ਼ਨਲ ਫੋਟੋਗ੍ਰਾਫਰਜ਼ ਐਸੋਸੀਏਸ਼ਨ ਵਲੋਂ 77ਵਾਂ ਆਜ਼ਾਦੀ ਦਿਹਾੜਾ ਮਨਾਉਂਦਿਆਂ ਸਮੂਹ ਮੈਂਬਰਾਂ ਤੇ ਅਹੁਦੇਦਾਰਾਂ ਮਿਲ ਆਪਣੇ ਦਫ਼ਤਰ ਵਿਚ ਰਾਸ਼ਟਰੀ ਝੰਡਾ ਲਹਿਰਾਇਆ ਗਿਆ ।
ਇਸ ਮੌਕੇ ਪ੍ਰਿੰਟ ਐਂਡ ਇਲੈਕਟ੍ਰਾਨਿਕ ਮੀਡੀਆ ਐਸੋਸੀਏਸ਼ਨ ਦੇ ਪ੍ਰਧਾਨ ਸੁਰਿੰਦਰ ਪਾਲ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ।
ਪ੍ਰੋਗਰਾਮ ਦੌਰਾਨ ਰਾਸ਼ਟਰੀ ਗੀਤ ਗਾਇਆ ਗਿਆ ਅਤੇ ਲੱਡੂ ਵੰਡੇ ਗਏ।
ਇਸ ਮੌਕੇ ਫੋਟੋਗ੍ਰਾਫਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਰਮੇਸ਼ ਗਾਬਾ ਨੇ ਸਮੂਹ ਫੋਟੋਗ੍ਰਾਫਰ ਭਰਾਵਾਂ ਨੂੰ ਆਜ਼ਾਦੀ ਦੇ 77 ਸਾਲ ਪੂਰੇ ਹੋਣ ‘ਤੇ ਵਧਾਈ ਦਿੰਦਿਆਂ ਕਿਹਾ ਕਿ ਸਾਡਾ ਦੇਸ਼ ਭਾਰਤ 15 ਅਗਸਤ 1947 ਨੂੰ ਬ੍ਰਿਟਿਸ਼ ਰਾਜ ਤੋਂ ਆਜ਼ਾਦ ਹੋਇਆ ਸੀ। ਆਜ਼ਾਦੀ ਦੇ 77 ਸਾਲ ਪੂਰੇ ਹੋ ਗਏ ਹਨ। ਆਜ਼ਾਦੀ ਦਾ ਅੰਮ੍ਰਿਤ ਮਹੋਤਸਵ ਮਨਾਇਆ ਜਾ ਰਿਹਾ ਹੈ। ਭਾਰਤ ਨੂੰ ਆਜ਼ਾਦ ਕਰਵਾਉਣ ਲਈ ਮਹਾਤਮਾ ਗਾਂਧੀ, ਭਗਤ ਸਿੰਘ, ਮੰਗਲ ਪਾਂਡੇ, ਲਾਲਾ ਲਾਜਪਤ ਰਾਏ, ਚੰਦਰਸ਼ੇਖਰ ਆਜ਼ਾਦ, , ਸੁਭਾਸ਼ ਚੰਦਰ ਬੋਸ ਸਮੇਤ ਸੈਂਕੜੇ ਆਜ਼ਾਦੀ ਦੀ
ਲੜਾਈ ਲੜੀ। ਆਜ਼ਾਦੀ ਦੀ ਵਰ੍ਹੇਗੰਢ ਇਨ੍ਹਾਂ ਮਹਾਪੁਰਖਾਂ ਨੂੰ ਪ੍ਰਣਾਮ ਕਰਨ ਦਾ ਦਿਨ ਹੈ। ਇਸ ਮੌਕੇ ਫੋਟੋਗ੍ਰਾਫਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਰਮੇਸ਼ ਗਾਬਾ, ਸੈਕਟਰ ਰਮੇਸ਼ ਹੈਪੀ, ਸਾਬਕਾ ਪ੍ਰਧਾਨ ਸੁਰਿੰਦਰ ਬੇਰੀ, ਸਾਬਕਾ ਪ੍ਰਧਾਨ ਰਾਜੇਸ਼ ਥਾਪਾ, ਕੈਸ਼ੀਅਰ ਸੰਦੀਪ ਕੁਮਾਰ, ਰਿਸ਼ੀ ਸ਼ਰਮਾ, ਡਾ. ਸੁਰਿੰਦਰ ਵਰਮਾ, ਟਿੰਕੂ ਪੰਡਿਤ, ਕਮਲ ਗੰਭੀਰ, , ਉਦੈ ਕੁਮਾਰ, ਮਨੀਸ਼ ਕੁਮਾਰ, ਸੁਨੀਲ ਢੀਂਗਰਾ, ਹਰੀਸ਼, ਤਰਲੋਕ ਚੁੱਘ, ਅਸ਼ੋਕ ਕੁਮਾਰ, ਕਰਨ ਨਾਰੰਗ, ਬਲਰਾਜ ਸਿੰਘ, ਅਨੂਪ ਸਿੰਘ, ਰਾਜ ਕੁਮਾਰ, ਸੰਨੀ, ਸੁਖਜਿੰਦਰ, ਪ੍ਰਿੰਸ, ਸੋਹਣ ਸਿੰਘ, ਅਮਿਤ ਕੁਮਾਰ ਆਦਿ ਹਾਜ਼ਰ ਸਨ।

🌹ਮਾਂ-ਬਾਪ🌹
🌹ਮੋਹ🌹
🌹ਮਾਪੇ - - ਜ਼ਿੰਦਗੀ 🌹
ਜਿਵੇਂ ਖੰਡ ਬਿਨਾ ਨਾ ਕਦੇ ਹੁੰਦੀ ਖੀਰ ਮਿੱਠੀ ,

ਉਵੇਂ ਘਿਓ ਬਿਨਾ ਨਾ ਕਦੇ ਕੂੱਟੀ ਦੀਆਂ ਚੂਰੀਆਂ।

ਜਿਵੇਂ ਮਾਂ ਬਿਨਾ ਨਾ ਕਦੇ ਹੁੰਦੇ ਲਾਡ ਪੂਰੇ,

ਉਵੇਂ ਪਿਓ ਬਿਨਾ ਨਾ ਕਦੇ ਹੁੰਦੀਆ ਰੀਝਾਂ ਪੂਰੀਆਂ।

ਚਾਹੇ ਹੋਵਣ ਚਾਚੇ-ਤਾਏ-ਮਾਮੇ-ਫੁੱਫੜ ਬਾਲ੍ਹੇ

ਮਾਂ-ਬਾਪ ਬਿਨਾਂ ਨਾਂ ਹੁੰਦੀਆਂ ਕਦੇ ਸੱਧਰਾਂ ਪੂਰੀਆਂ।

ਜੀਵਨ 'ਚ ਮਿੱਲਣ ਚਾਹੇ ਲੱਖਾਂ ਕਰੋੜਾਂ ਦੇ ਤੋਹਫੇ

ਮਾਪਿਆਂ ਬਾਝੋਂ ਜਿਉਣ ਦੀ ਖੁਸ਼ੀਆਂ ਰਹਿਣ ਅਧੂਰੀਆਂ।

ਸਿੱਧੂ ਸੱਚ ਸੁਣਾਵੇ ਬੱਚੇ ਹੁੰਦੇ ਅੱਖਾਂ ਦੇ ਤਾਰੇ

ਨੂਰੀ ਚਮਕ "ਮਾਪਿਆਂ" ਅੰਬਰੀ ਬੁੱਕਲ ਬਿਨ ਨਾ ਪਸਾਰੇ।

✍️ ਰਹਿਨੂਰ ਸਿੱਧੂ ( ਕੈਨੇਡਾ)

ਨਰੋਏ,ਸਿਖਿਅਤ ਸਮਾਜ ਸਿਰਜਕ ਤੇ ਖੇਡ ਪ੍ਰਮੋਟਰ - ਇਕਬਾਲ ਸਿੰਘ ਰੰਧਾਵਾ ਡੀ.ਐਮ ਸਪੋਰਟਸ ਹੋਣਗੇ ਸਨਮਾਨਿਤ

ਜਲੰਧਰ ( ਪਰਮਜੀਤ ਸਿੱਧੂ/ਬਲਵਿੰਦਰ ਸਿੰਘ ) ਅਜਾਦੀ ਦਿਹਾੜੇ ਮੌਕੇ ਜਿੱਲ੍ਹਾ ਪੱਧਰੀ ਪ੍ਰੋਗਰਾਮ ਸਮੇਂ ਸਿਖਿਆ ਵਿਭਾਗ ਦੇ ਇਕਬਾਲ ਸਿੰਘ ਰੰਧਾਵਾ ਡੀ.ਐਮ ਸਪੋਰਟਸ ਨੂੰ ਨਰੋਏ ਤੇ ਸਿਖਿਅਤ ਸਮਾਜ ਦੀ ਸਿਰਜਣਾ ਲਈ ਖੇਡਾਂ ਪ੍ਰਤੀ ਪਾਏ ਵੱਡਮੁੱਲੇ ਯੋਗਦਾਨ ਵਾਸਤੇ ਜਿਲ੍ਹਾ ਪ੍ਰਸ਼ਾਸਨ ਵੱਲੋਂ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ 66 ਵੀਆਂ ਪੰਜਾਬ ਰਾਜ ਅੰਤਰ ਜਿਲ੍ਹਾ ਸਕੂਲ ਖੇਡਾਂ (20 22- 23) ਵਿੱਚ ਜ਼ਿੱਲ੍ਹਾ ਜਲੰਧਰ ਦੇ ਖਿਡਾਰੀਆਂ ਵਲੋਂ ਵਧੀਆ ਪ੍ਰਦਰਸ਼ਨ ਕਰਦਿਆਂ ਨਿੱਜੀ ਤੇ ਟੀਮ ਖੇਡਾਂ ਵਿਚ ਖ਼ਾਸੀਆਂ ਮੱਲ੍ਹਾਂ ਮਾਰ ਜਿੱਲ੍ਹੇ ਦਾ ਨਾਮ ਰੌਸ਼ਨ ਕੀਤਾ।

ਦੱਸਣਯੋਗ ਹੈ ਕਿ ਜਿਲ੍ਹਾ ਜਲੰਧਰ ਵਲੋਂ ਵਧੀਆ ਖੇਡ ਪ੍ਰਦਰਸ਼ਨ ਕਰਦੇ 14/17/19ਸਾਲ ਵਰਗ ( ਲੜਕੇ/ਲੜਕੀਆਂ) ਦੀਆਂ ਹੈਂਡਬਾਲ ,ਬੈਡਮਿੰਟਨ, ਕਬੱਡੀ(ਸਰਕਲ ਸਟਾਈਲ),ਲਾਅਨ ਟੈਨਿਸ ,ਚੈਸ , ਕੁਸ਼ਤੀਆ,ਫੁੱਟਬਾਲ , ਚੈਸ ਖੇਡਾਂ ਵਿਚ ਪਹਿਲਾ ਸਥਾਨ ਹਾਸਲ ਕਰਨ 'ਚ ਕਾਮਯਾਬੀ ਪਾਈ।
ਜਦ ਕਿ ਹੈਂਡਬਾਲ ,ਹਾਕੀ ਜੂਡੋ ,ਚੈਸ ,ਕੁਸ਼ਤੀਆ ,ਹਾਕੀ( ਸੁਰਜੀਤ ਐਕਡੈਮੀ) ਬੈਡਮਿੰਟਨ, ਸਾਫਟਬਾਲ ,ਯੋਗਾ , ਖੇਡਾਂ ਵਿਚ ਦੁਸਰਾ ਸਥਾਨ ਹਾਸਿਲ ਕਰਨ ਵਿਚ ਸੱਫਲ ਹੋਇਆ।
ਲਾਅਨ ਟੈਨਿਸ ,ਫੁੱਟਬਾਲ, ਚੈਸ ,ਕ੍ਰਿਕੇਟ ,ਕੁਸ਼ਤੀਆ, ਟੇਬਲ ਟੈਨਿਸ, ਵੇਟ ਲਿਫਟਿੰਗ, ਯੋਗਾ ਖੇਡਾਂ ਵਿਚ ਤੀਸਰੇ ਸਥਾਨ ਉਪਰ ਰਿਹਾ।

ਉਪਰੋਕਤ ਖੇਡਾਂ ਦੇ ਵੱਖ-ਵੱਖ ਉਮਰ ਵਰਗਾ ਦੀਆਂ ਟੀਮ ਖੇਡਾਂ ਵਿੱਚ 13 ਗੋਲਡ, 11 ਸਿਲਵਰ ਤੇ 9 ਕਾਂਸੇ ਦੇ ਤਗਮੇ ਜਦ ਕਿ ਵਿਅਕਤੀਗਤ ਖੇਡਾਂ ਵਿੱਚ 8 ਗੋਲਡ, 18 ਸਿਲਵਰ ਤੇ 15 ਕਾਂਸੇ ਦੇ ਤਗ਼ਮੇ ਹਾਸਲ ਕਰ ਖਿਡਾਰੀਆਂ ਵੱਲੋਂ ਜ਼ਿਲ੍ਹਾ ਜਲੰਧਰ ਦਾ 66 ਵੀਆਂ ਪੰਜਾਬ ਰਾਜ ਅੰਤਰ ਜ਼ਿੱਲ੍ਹਾ ਖੇਡਾਂ ਵਿੱਚ ਮੱਲ੍ਹਾਂ ਮਾਰ ਸੂਬੇ ਭਰ 'ਚ ਨਾਂ ਚਮਕਾਇਆ ਹੈ।

ਸੂਬੇ ਭਰ ਵਿਚ ਜਲੰਧਰ ਜ਼ਿਲ੍ਹੇ ਦੀ ਵਧੀਆ ਕਾਰਗੁਜ਼ਾਰੀ ਲਈ ਤਜਰਬੇਕਾਰ ਕੋਚ ਸਾਹਿਬਾਨਾਂ ਦੀ ਰਹਿਨੁਮਾਈ ਵਿਚ ਚੰਗੇ ਖਿਡਾਰੀਆਂ ਦੀ ਚੋਣ ਕਰ ਜਮਾਈ ਧਾਕ ਲਈ ਕੀਤੀ ਯੋਗ ਅਗਵਾਈ ਵਾਸਤੇ ਇਕਬਾਲ ਸਿੰਘ ਰੰਧਾਵਾ ਡੀ.ਐਮ ਸਪੋਰਟਸ ਵਲੋਂ ਹਾਸਿਲ ਕੀਤੇ ਚੰਗੇ ਨਤੀਜਿਆਂ ਦੀ ਪ੍ਰਾਪਤੀ 'ਚ ਪਾਏ ਵੱਡਮੁੱਲੇ ਯੋਗਦਾਨ ਨੂੰ ਦੇਖਦਿਆਂ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ "ਪ੍ਰਸ਼ੰਸਾ ਪੱਤਰ" ਨਾਲ ਨਿਵਾਜਦਿਆ ਵਿਸ਼ੇਸ਼ ਸਨਮਾਨ ਦਿੱਤਾ ਜਾ ਰਿਹਾ ਹੈ।
ਜਦ ਕਿ ਡੀ.ਐਮ. ਸਪੋਰਟਸ ਇਕਬਾਲ ਸਿੰਘ ਰੰਧਾਵਾ ਨੂੰ ਵਿਸ਼ੇਸ਼ ਸਨਮਾਨ ਮਿਲਣ ਉਪਰ ਹਰੀਵੱਲਭ ਸੰਗੀਤ ਸੰਮੇਲਨ ਮੀਡੀਆ ਇੰਚਾਰਜ - ਕਮ- ਵਿਰਸਾ ਵਿਹਾਰ ਦੇ ਸਕੱਤਰ ਗੂਰਮੀਤ ਸਿੰਘ ਵਾਰਿਸ , ਜਿੱਲ੍ਹਾ ਸਾਹਿਤ ਤੇ ਸੱਭਿਆਚਾਰ ਮੰਚ ਸਕੱਤਰ , ਵਿਰਸਾ ਵਿਹਾਰ ਐਗਜ਼ੀਕਿਊਟਿਵ ਮੈਂਬਰ ਅਮਰਿੰਦਰ ਜੀਤ ਸਿੰਘ ਸਿੱਧੂ, ਯਸ਼ ਮੋਹਮੀ(ਸਟੇਟ ਅਵਾਰਡੀ) , ਸੁੱਖਵਿੰਦਰ ਮੱਕੜ, ਸੁਮਨ ਸਾ਼ਮਪੁਰੀ ਵਲੋਂ ਸਾਂਝੇ ਤੌਰ ਤੇ ਵਧਾਈ ਦਿੰਦਿਆਂ ਬਤੋਰ ਮੰਚ ਪ੍ਰਧਾਨ ਰੰਧਾਵਾ ਜੀ ਵਲੋਂ ਸਿਖਿਅਤ ਸਮਾਜ ਦੀ ਹੋਂਦ ਲਈ ਕੀਤੇ ਜਾਂਦੇ ਉਪਰਾਲਿਆਂ ਦੇ ਮੱਦੇਨਜ਼ਰ ਵੀ ਨਰੋਏ ਸਮਾਜ ਦੀ ਸਿਰਜਣਾ ਲਈ ਜਿੱਲ੍ਹਾ ਪ੍ਰਸ਼ਾਸਨ ਵਲੋਂ ਸਨਮਾਨਿਤ ਕਰਨਾ ਸ਼ਲਾਘਾਯੋਗ ਪਹਿਲ ਕਦਮੀ ਹੈ।
ਇਸ ਪੱਲ੍ਹ ਨੂੰ ਯਾਦਗਾਰੀ ਬਨਾਉਣ ਮੌਕੇ ਜ਼ਿਲਾ ਸਿੱਖਿਆ ਅਫਸਰ ਸੈਕੰਡਰੀ ਸਰਦਾਰ ਗੁਰਸ਼ਰਨ ਸਿੰਘ ਉਪ ਜਿਲ੍ਹਾ ਸਿੱਖਿਆ ਅਫਸਰ ਸ੍ਰੀ ਰਾਜੀਵ ਜੋਸ਼ੀ ਸੁਪਰਡੈਂਟ ਸੁਰਿੰਦਰ ਕੁਮਾਰ ਅੰਤਰਰਾਸ਼ਟਰੀ ਜੂਡੋ ਰੈਫਰੀ ਸੁਰਿੰਦਰ ਕੁਮਾਰ ਅੰਤਰ ਰਾਸ਼ਟਰੀ ਹਾਕੀ ਅੰਪਾਇਰ ਗੁਰਿੰਦਰ ਸਿੰਘ ਸੰਘਾ ਏਸ਼ਿਅਨ ਗੋਲਡ ਮੈਡਲਿਸਟ( ਅਥਲੈਟਿਕਸ) ਸਰਦਾਰ ਸੁੱਚਾ ਸਿੰਘ ,ਐਥਲੈਟਿਕਸ ਕੋਚ ਭਗਵੰਤ ਸਿੰਘ ਜੈਤੇਵਾਲੀ ,ਪ੍ਰਿੰਸੀਪਲ ਸੁਨੀਤਾ ਸਹੋਤਾ ਰੰਧਾਵਾ, ਪ੍ਰਿੰਸੀਪਲ ਮਨਿੰਦਰ ਕੌਰ (ਸਟੇਟ ਅਵਾਰਡੀ), ਹਰਮੇਸ਼ ਲਾਲ ਘੇੜਾ (ਸਟੇਟ ਐਵਾਰਡੀ)ਹਰਮੇਸ਼ ਲਾਲ ਡੀਪੀਈ (ਸਟੇਟ ਅਵਾਰਡੀ ) ਨੈਸ਼ਨਲ ਪੱਧਰੀ ਅਥਲੀਟ ਹੀਰਾ ਲਾਲ, ਨੈਸ਼ਨਲ ਹਾਕੀ ਖਿਡਾਰੀ/ਕੌਚ /ਅੰਪਾਇਰ ਹਰਿੰਦਰ ਸਿੰਘ ਸੰਘਾ,ਮਨਪ੍ਰੀਤ ਸਿੰਘ ਚੌਹਕਾਂ ਅਤੇ ਜਿਲ੍ਹਾ ਜਲੰਧਰ ਦੇ ਸਮੂਹ ਸਰੀਰਕ ਸਿੱਖਿਆ ਅਧਿਆਪਕ ਸਹਿਬਾਨ ਵੱਲੋਂ ਵਧਾਈ ਦਿੱਤੀ ਗਈ।