Rafeeq Marakar

കളമശ്ശേരി നഗസരഭ 37-ാം വാർഡിൽ നജാത്ത് നഗറിൽ പരിസ്ഥിതിദിനം അസോസിയേഷൻ്റെ നേതൃത്വത്തിൽ മുനിസിപ്പൽ മിനി പാർക്കിൽ വൃക്ഷ തൈകൾ നട്ട് ആ ആഘോഷിച്ചു. അസോസിയേഷൻ ഭാരവാഹികളും കുടുംബശ്രീ പ്രവർത്തകരും പങ്കെടുത്തു. എല്ലാവർക്കും നന്ദി

സമന്വയ വിദ്യാഭ്യാസം - ധാർമിക മൂല്യങ്ങളെ ഉയർത്തി പിടിക്കുന്നു :- പൊന്നുരുന്തി കുഞ്ഞുമുഹമ്മദ് മൗലവി.

വർത്തമാന കാലം തേടുന്ന ധാർമിക മൂല്യങ്ങളെ ഉയർത്തി പിടിക്കുന്ന സമന്വയ വിദ്യാഭ്യാസ പദ്ധതിയാണ് എസ് എൻ ഇ സി എന്ന് പ്രമുഖ പണ്ഡിതൻ ബഹു. പൊന്നുരുന്തി കെ. കുഞ്ഞുമുഹമ്മദ് മൗലവി അൽ ഖാസിമി പ്രസ്താവിച്ചു. സ്വന്തം മത വിശ്വാസത്തിനു കോട്ടം തട്ടാതെ മറ്റു മതങ്ങളും സംസ്കാരങ്ങളും മനസിലാക്കാനും എല്ലാ വിഭാഗം ജനങ്ങളുമായി സൗഹൃദവും സ്നേഹവും പങ്കുവെച്ചു സമൂഹത്തിനും സമുദായത്തിനും നന്മ പകരുന്ന തലമുറ വളർന്നു വരണമെന്നും അദ്ദേഹം പറഞ്ഞു. കളമശ്ശേരി മർകസ് ഇസ്ലാമിക്‌ ആൻഡ് ആർട്സ് കോളേജിലെ 2024-25 അധ്യയന വർഷത്തെ പ്ലസ് വൺ പഠനരാംഭം നിർവഹിച്ചു സംസാരിക്കുകയായിരുന്നു അദ്ദേഹം. കോളേജ് പ്രസിഡന്റ്‌ ഡോക്ടർ അബ്ബാസ് ഹാജി അധ്യ ക്ഷത വഹിച്ചു.

വിദ്യാഭ്യാസം കച്ചവടവത്കരിക്കപെട്ട കാലത്ത് മൂല്യച്ചുതികളികപ്പെട്ട യുവതലമുറയെ ശാന്ത സുന്ദരവും സംസ്കാര സമ്പന്നവുമായ അറിവ് നുകരാൻ വേദിയൊരിക്കിയ സമസ്ത മക്കളുടെ വിദ്യാഭ്യാസ കാര്യത്തിൽ രക്ഷിതാക്കളുടെ ആശങ്കക്ക് വലിയൊരു പരിഹാരം ആവുകയാണെന്ന് സമസ്ത കേരള ജംഇയ്യത്തുൽ മുഅല്ലിമീൻ കേന്ദ്ര സമിതി അംഗം ഇസ്മായിൽ ഫൈസി വണ്ണപ്പുറം പ്രസ്താവിച്ചു. ചടങ്ങിൽ മുഖ്യ പ്രഭാഷണം നടുത്തുകയായിരുന്നു ആദ്ദേഹം. മർകസ് കോളേജ് വൈസ് പ്രിൻസിപ്പാൽ ഉസ്താദ് അബൂബക്കർ മൗലവി പ്രാർത്ഥനക്കു നേതൃത്വം നൽകി. ജംഇയ്യത്തുൽ ഖുതുബാഅ ജില്ലാ പ്രസിഡന്റ്‌ ശംസുദ്ധീൻ ഫൈസി, കളമശേരി മുനിസിപ്പൽ കൗൺസിലർമാരായ റഫീഖ് മരക്കാർ, സലിം പതുവന, അഡ്വക്കേറ്റ് എ പി ഇബ്രാഹിം എന്നിവർ പ്രസംഗിച്ചു. എ എം പരീദ് സ്വാഗതവും എം ബി മുഹമ്മദ്‌ ഹാജി നന്ദിയും പറഞ്ഞു.

എൻ്റെ വാർഡിലെ കളിവീട് അങ്കണവാടിയിലെ പ്രവേശനോത്സവം അതി ഗമ്പീരമായി നടന്നു. പുതിയ കുട്ടികൾക്ക് സമ്മാനങ്ങൾ നൽകി സ്വീകരിച്ചു. പഠനം പൂർത്തിയാക്കിയ വിദ്യാർത്ഥികൾക്കുള്ള സർട്ടിഫിക്കറ്റ് വിതരണവും നടന്നു. നജാത്ത് നഗർ റെസിഡൻ്റ്സ് അസോസിയേഷൻ വൈസ് പ്രസിഡൻ്റും മുൻ കൗൺസിലറുമായ ശ്രീ.സി.എ.പ്രകാശൻ, മേത്തർ നഗർ റെസിഡൻ്റ്സ് അസോസിയേഷൻ പ്രസിഡൻ്റ് ശ്രീ. ജുനൈദ് നൈന, മേത്തർ നഗർ പ്രതിനിധി ശ്രീ.എ.ജി.ആർ.മേനോൻ, അങ്കണവാടി ടീച്ചർ ശ്രീമതി.ബിനു മോൾ, വർക്കർ ശ്രീമതി. മേരി എന്നിവർ സംസാരിച്ചു. പ്രവേശനോത്സവം ഭംഗിയാക്കാൻ സഹകരിച്ച എല്ലാവർക്കും നന്ദി.

ലോക പരിസ്ഥിതി ദിനത്തോടനുബന്ധിച്ച് WMF എറണാകുളം ജില്ലാ കൗൺസിൽ എറണാകുളം, മരട് ശ്രീദേവി വിലാസം ലോവർ പ്രൈമറി ആൻഡ് നഴ്സറി സ്കൂളിൽ പരിസ്ഥിതി ദിനം ആഘോഷിച്ചു.

സ്കൂളിൽ അങ്കണത്തിൽ നടന്ന WMF ''എൻ്റെ അമ്മ മരം" പദ്ധതി C B സീന (ഇന്ത്യൻ ബ്ലൈൻഡ് ഫുട്ബോൾ ടീം കോച്ച്) ഉദ്ഘാടനം ചെയ്തു. WMF സ്റ്റേറ്റ് പ്രസിഡന്റ് റഫീക്ക് മരയ്ക്കാർ, WMF ഗ്ലോബൽ ജോയിൻ ട്രഷറർ വി എം സിദ്ദിഖ്, ഏഷ്യൻ റീജണൽ ജോയിൻ സെക്രട്ടറി രജനി മദനൻ, സ്റ്റേറ്റ് അഗ്രികൾച്ചർ കോർഡിനേറ്റർ നസീമ അജ്മൽ, വുമൺസ് കോഡിനേറ്റർ നജ സഫർ, ജില്ലാ വൈസ് പ്രസിഡന്റ് സലീം കെ എ, ജില്ലാ സെക്രട്ടറി സനോജ് ലാൽ, ജില്ലാ ട്രഷറർ ടോണി തോമസ് എന്നിവർ പങ്കെടുത്തു.

കേരള ഹോട്ടൽ & റസ്റ്റോറൻ്റ് അസോസിയേഷൻ കളമശേരിയൂണിറ്റിന്റെ ആഭിമുഖ്യത്തിൽ മുൻ സംസ്ഥാന പ്രസിഡൻ്റ് കമാണ്ടർ കെ. കുര്യാക്കോസ് അനുസ്‌മരണവും, പഠനോപകരണ വിതരണവും, വിദ്യാഭ്യാസ അവാർഡ് വിതരണവും നടത്തി. വിതരണോദ്ഘാടനം വ്യവസായ വകുപ്പ് മന്ത്രി പി. രാജീവും അനുസ്‌മരണ സമ്മേളനം സംസ്ഥാന പ്രസിഡൻ്റ് ജി. ജയപാലും നിർവ്വഹിച്ചു. യൂണിറ്റ് പ്രസിഡന്റ് അലിയാർ അദ്ധ്യക്ഷതവഹിച്ചു. കെ.എച്ച്.ആർ.എ. അംഗങ്ങൾക്കായി ആരംഭിക്കുന്ന സുരക്ഷാപദ്ധതിയുടെ യൂണിറ്റുതല ഉദ്ഘാടനം കളമശേരി മുനിസിപ്പാലിറ്റി ചെയർപേഴ്സൺ സീമ കണ്ണനും, ചാരിറ്റി വിതരണം വൈസ് ചെയർപേഴ്‌സൺ സൽമ അബുബക്കറും നിർവ്വഹിച്ചു. പ്ലസ്‌ടുവിന് ഉന്നതവിജയം നേടിയ ഹോട്ടൽ ഉടമകളുടെ മക്കൾക്കുള്ള പുരസ്ക്കാരം ഹെൽത്ത് സ്റ്റാൻ്റിംഗ് കമ്മിറ്റി ചെയർമാൻ എ. കെ. നിഷാദും, വാർഡ് കൗൺസിലർ റഫീഖ് മരക്കാര്യം വിതരണം ചെയ്തു.

സ്കൂളുകൾ തുറക്കാറായി, പുതിയ ബാഗും, കുടയും, ബുക്കുകളും, ടിഫിൻ ബോക്സും, പെൻസിലും, ഇൻസ്ട്രുമെന്റ് ബോക്സുമൊക്കെ ആഗ്രഹിക്കാത്ത കുട്ടികൾ ആരാണ്. ഉള്ളവന്റെയും ഇല്ലാത്തവന്റെയും കുട്ടികൾ ഒരുപോലെ ആഗ്രഹിക്കുന്ന ഒന്നാണിത്. എന്നാൽ സാമ്പത്തികമുള്ള കുടുംബത്തിലെ കുട്ടികൾ ഇതെല്ലാം പുതിയത് വാങ്ങുമ്പോൾ, സാമ്പത്തികമായി പിന്നോക്കം നിൽക്കുന്ന കുടുംബത്തിലെ കുട്ടികളും അവരെ പോലെ തന്നെ ഇതെല്ലാം പുതിയത് ഉപയോഗിച്ച് പഠനം നടത്തട്ടെ എന്ന ആശയത്തിലാണ് കൊച്ചി ഷെയർ ആൻഡ് കെയർ ചാരിറ്റബിൾ സൊസൈറ്റി എല്ലാ വർഷത്തെയും പോലെ ഇത്തവണയും പഠനോപകരണ വിതരണം നടത്തിയത്. ഇത് ആരുടേയും ഔദാര്യമല്ല, മറിച്ച് ഇതവരുടെ അവകാശമാണ് എന്ന് ഞങ്ങൾ വിശ്വസിക്കുന്നു.

ഏറെ സംതൃപ്തിയും അഭിമാനവും നിറഞ്ഞ നിമിഷങ്ങളായിരുന്നു 2024 മെയ് 19 വൈകീട്ട് ഇടപ്പള്ളി ഫീനിക്സ് ഹോളിഡേയ്‌സ് ഹാളിൽ നടന്നത്. ഒന്ന് മുതൽ 12-ാം ക്ലാസ് വരെയുള്ള അമ്പതോളം വിദ്യാർത്ഥികൾക്കാണ് സ്കൂൾ കിറ്റുകൾ വിതരണം ചെയ്തത്. കൊച്ചി സർവകലാശാല വൈസ് ചാൻസലർ ഡോ.പി.ജി.ശങ്കരൻ ചടങ്ങ് ഉദ്‌ഘാടനം ചെയ്തു. പ്രസിഡന്റ് സാകിർ കടവിൽ അധ്യക്ഷത വഹിച്ചു.

ചടങ്ങിൽ 10, 12 ക്ലാസ്സുകളിൽ നിന്നും ഉന്നത വിജയം നേടിയ സൊസൈറ്റി അംഗങ്ങളുടെ മക്കൾക്കുള്ള പുരസ്കാരങ്ങളും വിതരണം ചെയ്തു. മുൻ പ്രസിഡന്റും കളമശേരി നഗരസഭാ കൗൺസിലറുമായ റഫീഖ് മരക്കാർ, സെക്രട്ടറി കെ.എം.സുനിൽ, ട്രഷറർ പി.എസ്.രാജേഷ് എന്നിവർ സംസാരിച്ചു. വൈസ് പ്രസിഡൻറ് സുനിത സലാം, ജോ.സെക്രട്ടറിമാരായ നിഷാദ് പുരുഷോത്തമൻ, ജിസ്സൺ തോമസ്, എക്സിക്യൂട്ടീവ് അംഗങ്ങളായ അൻവർ അമൻ, രാജേഷ്, മിത്ര പ്രദീപ്, നഹീദ ആദം തുടങ്ങിയവർ സംബന്ധിച്ചു.

WMF ഗ്ലോബൽ പ്രവാസി വെൽഫയർ ഫോറം കേരളത്തിൽ സംഘടിപ്പിച്ച ഈസ്റ്റർ -ഈദ് - വിഷു ആഘോഷം തൃശൂർ ജില്ലയിലെ ചൊവ്വന്നൂരുള്ള മറീന ഹോമിൽ വെച്ചു നടത്തി.

കേരള സ്റ്റേറ്റ് കൗൺസിൽ പ്രസിഡന്റ്‌ റഫീഖ് മരക്കാർ, സ്റ്റേറ്റ് സെക്രട്ടറി സിന്ധു സജീവ്, സ്റ്റേറ്റ് ട്രഷറർ കബീർ റഹ്മാൻ, തൃശൂർ ജില്ല കൗൺസിൽ പ്രസിഡന്റ്‌ ബിനോയ്‌ വടക്കൻ, ജില്ല വൈസ് പ്രസിഡന്റ്‌ ബെന്നി, സ്റ്റേറ്റ് രക്ഷധികാരി കരീം പന്നിത്തടം, നാഷണൽ വൈസ് പ്രസിഡന്റ്‌ ബദറുദീൻ, നാഷണൽ മീഡിയ കോഡിനേറ്റർ ശ്രീകേഷ് വെള്ളാനിക്കര,, സ്റ്റേറ്റ് മെമ്പർഷിപ് കോഡിനേറ്റർ മേരി ജോസഫ്, തൃശൂർ മെമ്പർ ജോയ് എന്നിവർ മറീന ഹോമിൽ എത്തി അംഗങ്ങൾക്ക് ഭക്ഷണം നൽകിയും കൂടെ ഭക്ഷണം കഴിച്ചും അന്തേവാസികൾക്കൊപ്പം ധന്യദിവസത്തെ നിമിഷങ്ങൾ പങ്കു വച്ചു.

ഈ പരിപാടിയുടെ നടത്തിപ്പിന് വേണ്ടി പരിശ്രമിച്ച ഗ്ലോബൽ പ്രവാസി വെൽഫയർ ഫോറം കോഡിനേറ്റർ ഏലിയാസ് ഐസക്, ഗ്ലോബൽ കോഡിനേറ്റർ ആനി ലിബു എന്നിവർക്കും ഭക്ഷണം സ്പോൺസർ ചെയ്തവർക്കുമുള്ള ഹൃദയംഗമമായ നന്ദി ഈ അവസരത്തിൽ അറിയിച്ചു കൊള്ളുന്നു.

തൃശൂർ ജില്ലയിലെ കുന്നംകുളത്ത് വ്യാപാര ഭവൻ ഹാളിൽ വച്ച് വേൾഡ് മലയാളി ഫെഡറേഷൻ (WMF) കേരള സ്റ്റേറ്റ് കൗൺസിൽ മെമ്പർഷിപ് ക്യാമ്പയിൻ സംസ്ഥാന തല ഉദ്ഘാടനത്തിന് തുടക്കം കുറിക്കുമ്പോൾ WMF കേരളയുടെ ചരിത്രത്തിൽ മറ്റൊരു ഉദ്യമത്തിന്റെ ആരംഭം കൂടിയായിരുന്നു.

തൃശൂർ ഡിസ്ട്രിക്ട് കമ്മിറ്റി പ്രസിഡന്റ്‌ ബിനോയ്‌ വടക്കന്റെ അധ്യക്ഷതയിൽ ചേർന്ന യോഗത്തിൽ കേരള സ്റ്റേറ്റ് കൗൺസിൽ സെക്രട്ടറി സിന്ധു സജീവ് സ്വാഗതം പറഞ്ഞു. കേരള സ്റ്റേറ്റ് കൗൺസിൽ പ്രസിഡന്റ്‌ റഫീഖ് മരക്കാർ യോഗം ഉദ്ഘാടനം ചെയ്തു. ഗ്ലോബൽ ജോയിന്റ് ട്രഷറർ വി. എം സിദ്ധിഖ് കുന്നംകുളം ചേമ്പർ ഓഫ് കൊമ്മേഴ്‌സ് പ്രസിഡന്റ്‌ കെ.പി സാക്സന് ആദ്യ മെമ്പർഷിപ് നൽകി കൊണ്ട് വിതരണോദ്ഘാടനം നിർവഹിച്ചു. "Join with WMF feel the different World" എന്ന മെമ്പർഷിപ് ക്യാമ്പയിൻ സ്ലോഗൻ മുൻ സൗദി നാഷണൽ കൗൺസിൽ കോഡിനേറ്റർ ഡോമിനിക് സാവിയോ പ്രകാശനം ചെയ്തു. തുടർന്ന് പത്തോളം അംഗങ്ങൾ മെമ്പർഷിപ് സ്വീകരിച്ച് സംഘടനയുടെ ഭാഗമായി. ഫ്രാൻസ് മുണ്ടാടൻ (കോഡിനേറ്റർ, നാഷണൽ കൗൺസിൽ ഇന്ത്യ), ബദ്ധറുദ്ധീൻ കരിപ്പോട്ടയിൽ (നാഷണൽ കൗൺസിൽ വൈസ് പ്രസിഡന്റ്‌ ഇന്ത്യ), ഫൗസിയ ആസാദ് (പ്രവാസി വെൽഫയർ ഫോറം കോഡിനേറ്റർ നാഷണൽ കൗൺസിൽ ഇന്ത്യ), കബീർ റഹ്മാൻ (ട്രഷറർ കേരള സ്റ്റേറ്റ് കൗൺസിൽ), മേരി ജോസഫ് (മെമ്പർഷിപ് കോഡിനേറ്റർ കേരള സ്റ്റേറ്റ് കൗൺസിൽ), ഫൈസൽ ഉൽപ്പില (ജോയിന്റ് സെക്രട്ടറി, കേരള സ്റ്റേറ്റ് കൗൺസിൽ), അലി ആലുവ (റിയാദ് കൗൺസിൽ എക്സിക്യൂട്ടീവ് മെമ്പർ) എന്നിവർ പുതിയ അംഗങ്ങൾക്ക് മെമ്പർഷിപ് വിതരണം ചെയ്തു. ലീന സാജൻ (ഏഷ്യ റീജിയൻ വിമൻസ് ഫോറം കോഡിനേറ്റർ), ഷൈജു തോമസ് (സൗദി നാഷണൽ കൗൺസിൽ വൈസ് പ്രസിഡന്റ്‌), സലാം കുന്നോത്ത് (വൈസ് പ്രസിഡന്റ്‌, കേരള സ്റ്റേറ്റ് കൗൺസിൽ), കരീം പന്നിത്തടം (പാട്രൻ, കേരള സ്റ്റേറ്റ് കൗൺസിൽ) എന്നിവർ ആശംസകൾ അർപ്പിച്ച് സംസാരിച്ചു. ജാസിർ (സ്പോർട്സ് ഫോറം കോഡിനേറ്റർ കേരള), ഇക്ബാൽ (പ്രവാസി വെൽഫയർ ഫോറം കോഡിനേറ്റർ, കേരള), അനുലിബ (അഗ്രിക്കൾച്ചർ ഫോറം കോഡിനേറ്റർ, നാഷണൽ കൗൺസിൽ ഇന്ത്യ ), ശ്രീകേഷ് വെള്ളാണിക്കര (മീഡിയ ഫോറം കോഡിനേറ്റർ, നാഷണൽ കൗൺസിൽ ഇന്ത്യ), ഖാദർ (ട്രഷറർ, കോഴിക്കോട്) ശാലിനി സാബു (ട്രഷറർ, തൃശൂർ), ബെന്നി (വൈസ് പ്രസിഡന്റ്‌ തൃശൂർ) എന്നിവർ പരിപാടിയിൽ സംബന്ധിച്ചു. തൃശൂർ ജില്ല സെക്രട്ടറി ജെറി ആൽബർട്ട് നന്ദി അറിയിച്ചു.

സ്വിം കേരളാ സ്വിം പദ്ധതിയുടെ രണ്ടാംഘട്ടം കൃഷിമന്ത്രി ഉദ്‌ഘാടനം ചെയ്തു

കേരളത്തിൽ നിത്യേന സംഭവിക്കുന്ന മുങ്ങിമരണങ്ങളെ പ്രതിരോധിക്കാൻ ലക്ഷ്യമിട്ടുള്ള സ്വിം കേരളാ സ്വിം പദ്ധതിയുടെ രണ്ടാംഘട്ട പരിശീലനത്തിൻ്റെ ഉദ്‌ഘാടനം കൃഷി വകുപ്പ് മന്ത്രി പി പ്രസാദ് നിർവ്വഹിച്ചു. മൈൽസ്റ്റോൺ സ്വിമ്മിങ്ങ് പ്രമോട്ടിങ്ങ് ചാരിറ്റബിൽ സൊസൈറ്റിയും, വേൾഡ് മലയാളി ഫെഡറേഷനും സംയുക്തമായി ചേർത്തല നഗരസഭയുടെയും ആസ്ത്രേലിയയിലെ പെർത്ത് യുണൈറ്റഡ് മലയാളി അസോസിയേഷന്റെയും സഹകരണത്തോടെ 150 കുട്ടികൾക്കായി സംഘടിപ്പിക്കുന്ന പദ്ധതിയാണ് സ്വിം കേരളാ സ്വിം.

നീന്തൽ താരവും പരിശീലകനുമായ എസ്.പി. മുരളീധരന്റെ നേതൃത്വത്തിലാണ് പരിശീലനം. നീന്തൽ സ്വയരക്ഷക്കും പരരക്ഷക്കും ഉതകുന്നതോടൊപ്പം മികച്ച വ്യായാമവും ഉല്ലാസവും നൽകുകയും അപ്രതീക്ഷിതമായി ഉണ്ടാകുന്ന വെള്ളപ്പൊക്ക ദുരന്തത്തെ സമചിത്തതയോടെ നേരിടാൻ ശാസ്ത്രീയ നീന്തൽ പഠനം സഹായകരമാകുകയും ചെയ്യുമെന്ന് ചേർത്തല പഴംകുളത്ത് വച്ചു നടന്ന ചടങ്ങിൽ മന്ത്രി പി. പ്രസാദ് പറഞ്ഞു. ഇരുപത് ദിവസം നീണ്ടു നിൽക്കുന്ന ശാസ്ത്രീയമായ നീന്തൽ പരിശീലനത്തിലൂടെ കുട്ടികൾക്ക് ജലസംബന്ധമായ അപകടങ്ങളെ തരണം ചെയ്യുവാനും, മറ്റൊരാളെ രക്ഷപെടുത്തുവാനുള്ള വൈദഗ്ധ്യം കരസ്ഥമാക്കാനും സാധിക്കുമെന്ന് എസ് പി മുരളീധരൻ വ്യക്തമാക്കി.

പരിശീലനം പൂർത്തിയാക്കുന്ന വിദ്യാർത്ഥികൾക്ക് സർട്ടിഫിക്കറ്റുകൾ നൽകും. സ്വിം കേരളാ സ്വിം പദ്ധതി പിന്നീട് മറ്റ് ജില്ലകളിലേക്കും പിന്നീട് വ്യാപിപ്പിക്കുമെന്നു സംഘാടകർ അറിയിച്ചു.

ചേർത്തല നഗരസഭാ ചെയർപേഴ്സൻ ഷേർലി ഭാർഗ്ഗവൻ നീന്തൽ പരിശീലനത്തിന്റെ ഫ്ലാഗോഫ് കർമ്മം നിർവ്വഹിച്ചു. മൈൽ സ്റ്റോൺ ചാരിറ്റബിൾ സൊസൈറ്റി വൈസ് പ്രസിഡന്റ് വി എസ് ദിലീപ്കുമാർ അധ്യക്ഷ വഹിച്ച യോഗത്തിൽ നഗരസഭാ ഒൻപതാം വാർഡ് കൗൺസിലർ പി എസ് ശ്രീകുമാർ സ്വഗതം പറഞ്ഞു. നഗരസഭാ വൈസ് ചെയർമാൻ റ്റി എസ് അജയകുമാർ, വേൾഡ് മലയാളി ഫെഡറേഷൻ നാഷണൽ വൈസ് പ്രസിഡന്റ് റിനി, ഏഷ്യാ റീജിയൻ രക്ഷാധികാരി സിറിൽ സഞ്ജു ജോർജ്ജ്, കേരളാ സ്റ്റേറ്റ് കൗൺസിൽ പ്രസിഡന്റ് റഫീഖ് മരക്കാർ, ആലപ്പുഴ ജില്ലാ പ്രസിഡന്റ് അഡ്വ. പി എസ് ഷാജി, നഗരസഭാ കൗൺസിലർ എ അജി, മൈൽസ്റ്റോൺ സൊസൈറ്റി എക്സിക്യൂട്ടിവ് മെമ്പർമാരയ കെ കെ ഗോപിക്കുട്ടൻ, ബാബു തകഴി , പി ആർ ഒ അരുൺ ഗോപിനാഥ്‌ തുടങ്ങിയവർ ആശംസകളർപ്പിച്ചു. മൈൽസ്റ്റോൺ സൊസൈറ്റി ഡോ ആർ പൊന്നപ്പൻ കൃതജ്ഞത രേഖപ്പെടുത്തി.

വേൾഡ് മലയാളീ ഫെഡറേഷൻ (WMF) ഗ്ലോബൽ വെൽഫെയർ ഫോറത്തിന്റെ നേതൃത്വത്തിൽ കേരളത്തിലെ എല്ലാ ജില്ലകളിലും വൃദ്ധസദനങ്ങളിൽ ഈദ്- ഈസ്റ്റർ - വിഷു ആഘോഷം സംഘടിപ്പിച്ചിരുന്നു. ഇതിന്റെ സമാപനം ആലപ്പുഴ ജില്ലയിൽ തണ്ണീർമുക്കം ഗ്രാമ പഞ്ചായത്ത് ലിസ്യു നഗർ പ്രേക്ഷിതാരം ഓൾഡേജ് ഹോമിൽ അവിടുത്തെ അമ്മമാരോടൊപ്പം ആഘോഷിച്ചു.

WMF ഗ്ലോബൽ പ്രവാസി വെൽഫെയർ ഫോറം, കേരള സ്റ്റേറ്റ് കൗൺസിൽ, ആലപ്പുഴ ജില്ല കൗൺസിൽ എന്നിവർ സംയുക്തമായി നടത്തിയ ഈദ്- ഈസ്റ്റർ - വിഷു ആഘോഷ സമാപനം ആരാധ്യനായ ബഹു. സംസ്ഥാന കൃഷി വകുപ്പ് മന്ത്രി ശ്രീ. പി.പ്രസാദിൻ്റെ മഹനീയ സാന്നിധ്യം അമ്മമാർക്ക് ഏറെ സന്തോഷം പകർന്നു. അമ്മമാർക്ക് ഉച്ചഭക്ഷണം വിളമ്പിയപ്പോൾ അദ്ദേഹത്തിൻ്റെ മുഖത്ത് പുത്ര വാത്സല്യം തുളുമ്പി നിന്നിരുന്നു.

ഗ്ലോബൽ വെൽഫെയർ ഫോറം കോർഡിനേറ്റർ ശ്രീ. ഏലിയാസ് ഇസഹാഖ്, ഗ്ലോബൽ ജോ.ട്രഷറർ ശ്രീ. V.M സിദ്ധിഖ്, സ്റ്റേറ്റ് പ്രസിഡൻ്റ് ശ്രീ. റഫീഖ് മരക്കാർ, സ്റ്റേറ്റ് വൈസ് പ്രസിഡൻ്റ്, ശ്രീമതി. മിനിരാജേന്ദ്രൻ, ആലപ്പുഴ ജില്ലാ പ്രസിഡൻ്റ് Adv. P.S ഷാജി, സെക്രട്ടറി K.B. ബിമൽ റോയി, ആലപ്പുഴജില്ല വൈസ് പ്രസിഡൻ്റ് ശ്രീ. Dr. ബിജു സ്കറിയാ, ജോ.സെകട്ടറി ശ്രീ. രാധാകൃഷ്ണൻ, യൂത്ത് ഫോറം കൺവീനർ ശ്രീ. സുധീഷ് മംഗലശേരി, ബ്ലോക്ക് പഞ്ചാത്ത് മെമ്പർ ശ്രീമതി. മിനി ബിജു, തണ്ണീർമുക്കം ഗ്രാമ പഞ്ചായത്ത് പ്രസിഡൻ്റ് ശ്രീമതി. ശശികല, വൈസ് പ്രസിഡൻ്റ് ഷൈമോൾ കലേഷ്, വാർഡ് മെമ്പർ മിനി ലെനിൻ എന്നിവർ പങ്കെടുത്തു.

ഓൾഡേജ് ഹോമിൻ്റെ സാരഥി സിസ്റ്റർ കീർത്തനയും മറ്റ് നാലു സിസ്റ്റർ മാരും തങ്ങളുടെ അമ്മമാരെ കാണാൻ എത്തിയവരെ ഹാർദ്ദവമായി തന്നെ സ്വീകരിച്ചു. എല്ലാവരും ചേർന്ന് ഏറെ സമയം ഓൾഡേജ് ഹോമിൽ ചെലവഴിച്ചപ്പോൾ അവിടുത്തെ അമ്മമാരുടെ സന്തോഷം പറഞ്ഞറിയിക്കാൻ സാധ്യമല്ലായിരുന്നു. ഒരിക്കൽ എല്ലാവർക്കും പ്രിയപ്പെട്ടവരായിരുന്ന ഇവർ ഇന്ന് കഴിഞ്ഞ കാലത്തിൻ്റെ നല്ല ഓർമകൾ മനസിൽ പേറി കഴിയുമ്പോൾ നമ്മളെ പോലുള്ളവർക്ക് അവർക്കായി ചെയ്യാൻ കഴിയുന്ന ഒരു ചെറിയ കാര്യമാണ് ഇതു പോലുള്ള ഒത്തുചേരലുകൾ. അമ്മമാർക്കുള്ള സമ്മാനങ്ങളും നൽകി തിരികെ പോരുമ്പോൾ നമ്മുടെയൊക്കെ വീട് സന്ദർശിച്ച സംതൃപ്തിയായിരുന്നു മനസ്സിൽ.

എൻ്റെ വാർഡിലെ നജാത്ത് പബ്ലിക്ക് സ്കൂളിൽ പുതുതായി നിർമ്മിച്ച ബാസ്ക്കറ്റ് ബോൾ കോർട്ടിന്റെയും സമ്മർ ക്യാമ്പിൻ്റെയും ഉദ്ഘാടനം മുൻ DGP ഉം കൊച്ചി മെട്രോ MD യുമായ ശ്രീ.ലോക്നാഥ് ബഹ്റ IPS നിർവ്വഹിച്ചു.

എല്ലാ പ്രിയപ്പെട്ടവർക്കും സ്നേഹത്തിന്റെയും സമ്പൽസമൃദ്ധിയുടെയും വിഷു ആശംസകൾ...

എല്ലാ പ്രിയപ്പെട്ടവർക്കും എൻ്റെ ചെറിയ പെരുന്നാൾ ആശംസകൾ

Thank you all

World Malayalee Federation-WMFᴿ നേതാക്കൾക്കൊപ്പം കൊച്ചിയിൽ നടന്ന പത്ര സമ്മേളനത്തിൽ

എല്ലാ പ്രിയപ്പെട്ടവർക്കും എൻ്റെ ഹൃദയം നിറഞ്ഞ പുതുവത്സരാശംസകൾ.
2013 ൽ നടക്കാതെ പോയ എല്ലാ നല്ല ഉദ്ദേശങ്ങളും സ്വപ്നങ്ങളും 2024 ൽ നടക്കട്ടെയെന്ന് ആശംസിക്കുന്നു

ഇന്നത്തെ യുവതലമുറയെ കാർന്ന് തിന്നുന്ന ഏറ്റവും വലിയ വിപത്തായ ലഹരിമരുന്നിൽ നിന്നും നമ്മുടെ കുട്ടികളെ രക്ഷിക്കുക എന്ന ലക്ഷ്യത്തോടെ പ്രശസ്ഥ മെന്റലിസ്റ്റ് ഫാസിൽ ബഷീർ കേരളത്തിലെ സ്കൂളുകളിൽ അവതരിപ്പിച്ചുവരുന്ന ലഹരി വിരുദ്ധ മെന്റലിസം ഷോയാണ് "വാണിംഗ് ബെൽ". വേൾഡ് മലയാളി ഫെഡറേഷൻ (WMF) കേരള സ്റ്റേറ്റ് കൗൺസിലിന്റെ നേതൃത്വത്തിൽ കടയിരിപ്പ് ഗവൺമെന്റ് സ്കൂളിൽ സംഘടിപ്പിച്ച ലഹരിക്കെതിരെയുള്ള വാണിംഗ് ബെൽ പ്രോഗ്രാമിൽ WMF ഗ്ലോബൽ പബ്ലിക് റിലേഷൻസ് ഫോറം കോർഡിനേറ്റർ എന്ന നിലയിൽ ഞാനും പങ്കെടുത്തു.

വേൾഡ് മലയാളീ ഫെഡറേഷൻ സ്റ്റേറ്റ് പ്രസിഡന്റ് ശ്രീ.ടി.ബി.നാസർ അധ്യക്ഷത വഹിച്ച ചടങ്ങ് WMF ഗ്ലോബൽ ചാരിറ്റി കോർഡിനേറ്റർ ശ്രീ.വി.എം.സിദ്ദീഖ് ഉദ്‌ഘാടനം ചെയ്തു. കടയിരിപ്പ് ഗവൺമെന്റ് സ്കൂൾ പ്രിൻസിപ്പാൾ ശ്രീമതി.മായ, ഹെഡ് മിസ്ട്രസ് ശ്രീമതി.റംല, അധ്യാപകൻ ശ്രീ.കമാൽ എന്നിവർ സംസാരിച്ചു. WMF സ്റ്റേറ്റ് വിമൻസ് ഫോറം കോർഡിനേറ്റർ ശ്രീമതി. ലീന സാജൻ, എറണാകുളം ജില്ലാ പ്രസിഡന്റ് ശ്രീ. രാജേഷ്, സെക്രട്ടറി റോയ് വർഗീസ്, ട്രഷറർ മേരി ജോസഫ്, എറണാകുളം ജില്ലാ വൈസ് പ്രസിഡൻറ് കെ.എ.സലീം, പ്രോഗ്രാം കോഡിനേറ്റർ ഇബ്രാഹിം അധ്യാപകർ തുടങ്ങിയവർ സന്നിഹിതരായി.

തുടർന്ന് പ്രശസ്ത മെന്റലിസ്റ്റ്‌ ശ്രീ.ഫാസിൽ ബഷീറിന്റെ ലഹരി വിരുദ്ധ മെന്റലിസം ഷോ "വാണിംഗ് ബെൽ" ആരംഭിച്ചു. മെന്റലിസം ഷോ നേരിൽ ആദ്യമായി കാണുന്നതിന്റെ സന്തോഷത്തിലായിരുന്നു കുട്ടികളും അധ്യാപകരും.

ലഹരി ഉപയോഗിക്കുന്നത് കൊണ്ടുള്ള ദോഷവശങ്ങളെ പറ്റിയുള്ള ഒരുപാട് അറിവുകളും കുട്ടികൾക്കും മുതിർന്നവർക്കും ഒരുപോലെ മനസ്സിലാക്കി കൊടുക്കുന്ന രീതിയിലുള്ള അദ്ദേഹത്തിന്റെ ക്ലാസും ഏറെ പ്രയോജനപ്രദമായി എന്ന് അധ്യാപകർ അഭിപ്രായപ്പെട്ടു.

നമ്മുടെ കുട്ടികളെ ലഹരിക്കടിമപ്പെടാതിരിക്കാനും അവരുടെ ഭാവി ശോഭനമാക്കാൻ നമുക്ക് കൈ കോർക്കാം ....

ഏറെ അഭിമാനം നിറഞ്ഞ നിമിഷം....

വേൾഡ് മലയാളി ഫെഡറേഷൻ്റെ സജീവ പ്രവർത്തകയും സംസ്ഥാന കമ്മറ്റി മെമ്പറുമായ ശ്രീമതി. മിനി രാജേന്ദ്രൻ്റെ കുടുംബത്തിനായി ആലപ്പുഴ ജില്ലയിലെ തണ്ണീർമുക്കത്ത്, WMF നാലാമത് ഗ്ലോബൽ കൺവെൻഷന്റെ ഭാഗമായി ഗ്ലോബൽ ചാരിറ്റി ഫോറത്തിന്റെ നേതൃത്വത്തിൽ നിർമിച്ചു നൽകുന്ന വീടിന്റെ കല്ലിടൽ കർമ്മം 22-10-23 ഞായറാഴ്ച കാലത്ത് 8 മണിക്ക് ബഹു. സംസ്ഥാനകൃഷി വകുപ്പ് മന്ത്രി ശ്രീ.പി. പ്രസാദ് നിർവഹിച്ചു. ഗ്ലോബൽ ചാരിറ്റി ഫോറം കോഡിനേറ്റർ വി. എം സിദ്ധിക്ക്, ഗ്ലോബൽ പി ആർ ഒ റഫീഖ് മരക്കാർ, കേരള സ്റ്റേറ്റ് കൗൺസിൽ പ്രസിഡന്റ്‌ ടി. ബി. നാസർ, കേരള സ്റ്റേറ്റ് കൗൺസിൽ ചരിറ്റി ഫോറം കോഡിനേറ്റർ നോബി കെ. പി, കേരള സ്റ്റേറ്റ് കൗൺസിൽ വൈസ് പ്രസിഡന്റ്‌ റിനി സുരാജ്, കേരള സ്റ്റേറ്റ് കൗൺസിൽ ബിസിനെസ്സ് ഫോറം കോഡിനേറ്റർ PVN മേനോൻ, കേരള സ്റ്റേറ്റ് കൗൺസിൽ സ്പോർട്സ് കോഡിനേറ്റർ കെ.എം. സുനീർ, കോട്ടയം ഡിസ്ട്രിക്ട് പ്രസിഡന്റ്‌ കബീർ റഹ്മാൻ, ആലപ്പുഴ ഡിസ്ട്രിക്ട് പ്രസിഡന്റ്‌ Adv.പി.എ. ഷാജി, ആലപ്പുഴ ഡിസ്ട്രിക്ട് സെക്രട്ടറി ബിമൽ റോയ്, വൈസ് പ്രസിഡന്റ്‌ Dr.ബിജു സ്കറിയ, എറണാംകുളം ഡിസ്ട്രിക്ട് ട്രഷറർ മേരി ജോസഫ്, കോട്ടയം ജില്ലാ അംഗം രാജു, എറണാംകുളം ജില്ല അംഗങ്ങളായ ഇസ്മായിൽ പടിഞ്ഞാക്കര, ജീന ജെയിംസ്, ആലപ്പുഴ ജില്ലാ അംഗം സുധീഷ് മംഗലശ്ശേരി, സിനിമ സീരിയൽ താരം ആർ. ജയൻ, സിപിഐ നേതാവായ എസ്. പ്രകാശൻ, സമുദായ അംഗങ്ങൾ, മിനിയുടെ കുടുംബം എന്നിവർ ചടങ്ങിൽ സന്നിഹിതരായിരുന്നു.

കേരളോത്സവവുമായി ബന്ധപ്പെട്ട് നഗരസഭാ പ്രദേശങ്ങളിൽ അറിയിപ്പ് നൽകുന്നതിനായി വിളംബര ജാഥ വാഹനത്തിൻ്റെ ഫ്ലാഗ് ഓഫ് കർമ്മം നഗരസഭ ചെയർപേഴ്സൺ ശ്രീമതി. സീമ കണ്ണൻ നിർവ്വഹിച്ചു. വിദ്യഭ്യാസ കലാകായിക സ്റ്റാൻ്റിംഗ് കമ്മിറ്റി ചെയർമാൻ കെ.എച്ച് സുബൈർ അദ്ധ്യക്ഷത വഹിച്ചു. ഹെൽത്ത് സ്റ്റാൻ്റിംഗ് കമ്മിറ്റി ചെയർമാൻ
എ.കെ നിഷാദ്, കൗൺസിലർമാരായ റഫീക്ക് മരക്കാർ, സലീം പതുവന എന്നിവർ സംസാരിച്ചു.

ഇന്നത്തെ പ്രാതൽ ബഹു. കൃഷി വകുപ്പ് മന്ത്രി ശ്രീ.പി.പ്രസാദ്, സിനിമാ-സീരിയൽ താരം ശ്രീ.ജയൻ ചേർത്തല തുടങ്ങിയവർക്കൊപ്പം. വേൾഡ് മലയാളി ഫെഡറേഷൻ (WMF) ചേർത്തലയിൽ നിർമ്മിച്ചു നൽകുന്ന വീടിൻ്റെ കല്ലിടൽ ചടങ്ങിൽ പങ്കെടുത്തപ്പാേൾ..

ഏറെ സന്തോഷം നൽകുന്ന ഒരു ദിനമായിരുന്നു ഇന്ന്. സ്നേഹത്തിൻ്റെയും സാഹോദര്യത്തിൻ്റെയും ഒത്തൊരുമയുടെയും നന്മയുള്ള പ്രവർത്തനങ്ങൾ എന്നും കണ്ണിനും മനസ്സിനും ഏറെ കുളിർമയേകും.

നബിദിനാഘോഷത്തോടനുബന്ധിച്ച് നടന്ന ഘോഷയാത്രയിൽ പങ്കെടുത്ത ഞാലകം ജുമാ മസ്ജിദിന് കീഴിൽ പ്രവർത്തിക്കുന്ന മനാറുൽ ഉലും മദ്രസയിലെയും അൽ ഹിദായ ഇസ്ലാമിക് അക്കാഡമിയിലെയും വിദ്യാർത്ഥികൾക്ക് പതിവ് പോലെ നജാത്ത് നഗറിലെ സൗഹൃദ കൂട്ടായ്മ മധുര പലഹാരങ്ങൾ നൽകി സ്വീകരിച്ചു.

ഏതാനും വർഷങ്ങളായി ജാതി-മത-രാഷ്ട്രീയ ഭേദമെന്യേ എല്ലാ നബിദിനത്തിലും ഒത്തൊരുമയോടെ, സാഹോദര്യത്തോടെ ഇവിടത്തെ യുവാക്കളുടെ നേതൃത്വത്തിൽ നാട്ടുകാരു സഹകരണത്തോടെ ഈ പ്രവർത്തി തുടർന്നു പോരുന്നു. ഇതിനായി സഹകരിക്കുന്ന മുഴുവനാളുകളെയും അഭിനന്ദിക്കുന്നു. കൂടെ എല്ലാവർക്കും എല്ലാ നന്മകളും നേരുന്നു.

കളമശ്ശേരി പോലീസ് ക്വാർട്ടേഴ്സിലെ ഓണാഘോഷ പരിപാടിയിൽ പങ്കെടുത്തു. ഒരുപാട് മാനസികപിരിമുറുക്കം അനുഭവിക്കുന്ന ഒരു വിഭാഗമാണ് നമ്മുടെ പോലീസ് ഉദ്യോഗസ്ഥർ. പലപ്പോഴും കുടുംബത്തോടൊപ്പം സന്തോഷങ്ങൾ പങ്കിടുവാനും ആഘോഷങ്ങളിൽ പങ്കെടുക്കാനും ഇവർക്ക് സാധിക്കാറില്ല. എങ്കിലും സങ്കടമെല്ലാം ഉള്ളിലൊതുക്കി പൊതുജനത്തിൻ്റെ സ്വത്തിനും ജീവനും സംരക്ഷണമൊരുക്കുന്ന ഇവർ ഇത്തവണത്തെ ഓണത്തിന് എല്ലാവരും ഒത്തുകൂടി. പരസ്പരം സൗഹൃദം പങ്കിടുവാനും, ബന്ധങ്ങൾ ഊട്ടി ഉറപ്പിക്കാനും ഇതുപോലുള്ള ആഘോഷങ്ങൾക്ക് സാധിക്കും.

കുട്ടികളും മുതിർന്നവരും അവതരിപ്പിച്ച കലാപരിപാടികളും, ഓണസദ്യയുമായി സന്തോഷം പങ്കിട്ട ഓരോ പോലീസ് ഉദ്യോഗസ്ഥർക്കും കുടുംബത്തിനും എല്ലാ വിധ നന്മകളും നേരുന്നു.

കളമശേരി നഗരസഭ പരിധിയിലെ വഴിയോര കച്ചവടക്കാർക്കുള്ള പ്രധാനമന്ത്രി സ്വനിധി യോജന പദ്ധതി പ്രകാരം താൽക്കാലിക വെൻഡിംങ്ങ് സർട്ടിഫിക്കറ്റുകൾ വിതരണം ചെയ്തു. നഗരസഭ വൈസ് ചെയർപേഴ്സൺ സൽമ അബൂബക്കർ ഉദ്ഘാടനം ചെയ്തു. വാർഡ് കൗൺസിലർ റഫീഖ് മരക്കാർ അധ്യക്ഷത വഹിച്ചു. 48 പേർക്കുള്ള സർട്ടിഫിക്കറ്റുകളാണ് വിതരണം ചെയ്തത്. എൻ യു എൽഎം സിറ്റി മിഷൻ മാനേജർ പദ്ധതി വിവരണം നടത്തി. കൗൺസിലർമാരായ കെ.യു.സിയാദ്, ദിലീപ് കുമാർ, പ്രമോദ് കുമാർ, ഹെൽത്ത് സൂപ്പർവൈസർ കെ.വി.വിൻസൻ്റ്, മൾട്ടി ടാസ്ക് പേഴ്സൺ ജിംഷി, കമ്മ്യൂണിറ്റി ഓർഗനൈസർമാരായ സെമീന, അസൂറ എന്നിവർ സംസാരിച്ചു.

ഇന്ത്യ സ്വച്ഛത ലീഗ്

സ്വച്ഛ് ഭാരത് മിഷന്റെ ആഭിമുഖ്യത്തിൽ ശുചിത്വമിഷന്റെ സഹകരണത്തോടെ കളമശ്ശേരി നഗരസഭയിൽ നടത്തുന്ന ISL 2.0 ന്റെ ഭാഗമായി സൗത്ത് കളമശ്ശേരിയിലും എച്ച്.എം.ടി. ജംക്ഷനിലും സൈക്കിൾ റാലി, ഫ്ലാഷ് മോബ്, മറ്റ് പരിപാടികളും സംഘടിപ്പിച്ചു.

സൗത്ത് കളമശ്ശേരിയിൽ മാലിന്യം വലിച്ചെറിയുന്നതിനെതിരെ ബോധവത്ക്കരണത്തിൻ്റെ ഭാഗമായി മോക്ഡ്രിൽ നടത്തി. കുസാറ്റ് വിദ്യാർത്ഥികളുടെ നേതൃത്വത്തിൽ സൗത്ത് കളമശേരി ബസ് സ്റ്റോപ്പിന് സമീപം മാലിന്യം വലിച്ചെറിഞ്ഞവരെ സമീപത്തെ കടയിലെ ജീവനക്കാരൻ തടഞ്ഞ് പ്രതിഷേധിച്ചത് ഏറെ ശ്രദ്ധേയമായി. തടയുകയും പ്രതികരിക്കുകയും ചെയ്ത രംഗം വഷളാകുമെന്നറിഞ്ഞതോടെ വാർഡ് കൗൺസിലറുടെ നേതൃത്വത്തിൽ നഗരസഭ ആരോഗ്യ വിഭാഗം ഉദ്യോഗസ്ഥർ ഇടപ്പെട്ടതോടെയാണ് ക്ലീൻ സിറ്റി ക്യാമ്പയിൻ്റെ ഭാഗമായി സംഘടിപ്പിച്ച പരിപാടിയായിരുന്നു ഇതെന്ന് പൊതുജനത്തിന് മനസ്സിലായത്. തുടർന്ന് പ്ലാസ്റ്റിക് കിറ്റുകൾക്ക് പകരം പേപ്പർ കവറുകൾ പ്രോത്സാഹിപ്പിക്കുന്നതിൻ്റെ ഭാഗമായി കുസാറ്റ് വിദ്യാർത്ഥികൾ നിർമ്മിച്ച പേപ്പർ കവറുകളും പേപ്പർ പേനകളും വിതരണം ചെയ്തു.

ഹെൽത്ത്‌ സൂപ്പർവൈസർ/ ക്ലീൻ സിറ്റി മാനേജർ വിൻസെന്റ് കെ.വി, സീനിയർ ഹെൽത്ത് ഇൻസ്പെക്ടർ സുനിൽ താഹ, പബ്ലിക് ഹെൽത്ത് ഇൻസ്പെക്ടർമാരായ ധൻരാജ് എം.എൻ, ആര്യാദേവി. പി.എ, ആഞ്ജലീന കെ. കുര്യൻ, ഷൈമോൾ റ്റി.എ, സന്തോഷ് ഫിലിപ്പ് തുടങ്ങിയവർ പങ്കെടുത്തു.

ഇതിനായി സഹകരിച്ച കുസാറ്റ് വിദ്യാർത്ഥികൾക്കും നഗരസഭ ആരോഗ്യ വിഭാഗം ഉദ്യോഗസ്ഥർക്കും നന്ദി. അതിലുപരി പ്രതികരിച്ച സഹോദരന് അഭിനന്ദനങ്ങളും നന്ദിയും അറിയിക്കുന്നു.

സ്വച്ഛ് ഭാരത് മിഷന്റെ ഇന്ത്യൻ സ്വച്ഛതാ ലീഗ് സീസൺ - 2 മായി ബന്ധപ്പെട്ട് ശുചിത്വമിഷനുമായി സഹകരിച്ച് കളമശേരി നഗരസഭാ പ്രദേശത്ത് വിവിധ പരിപാടികൾ സംഘടിപ്പിച്ചു. നഗരസഭാ തല ഉദ്ഘാടനം ബഹു.നഗരസഭാ ചെയർപേഴ്സൺ കുമാരി.സീമാ കണ്ണൻ ഫ്ലാഗ് ഹോസ്റ്റ് ചെയ്ത് നിർവ്വഹിച്ചു. നജാത്ത് പബ്ലിക് സ്കൂളിന്റെ സ്വച്ഛതാ റാലി കൗൺസിലർ റഫീഖ് മരക്കാർ ഉദ്‌ഘാടനം ചെയ്തു.

സൗത്ത് കളമശ്ശേരി ടിവിഎസിന് സമീപം കാനയുടെ ശുചീകരണ പ്രർത്തനങ്ങൾ ആരംഭിച്ചു. സ്ലാബിളക്കി കാനയിലെ മണ്ണും ചെളിയും JCB യുടെ സഹായത്തോടെ നീക്കം ചെയ്തു. കൊച്ചി മെട്രോ റെയിലിൻ്റ സൗത്ത് കളമശ്ശേരി സൗന്ദര്യവത്ക്കരിക്കുന്നതിൻ്റെ ഭാഗമായാണീ പ്രവർത്തി.

സൗത്ത് കളമശ്ശേരി ടിവിഎസ് കവലക്ക് സമീപം (TVS കമ്പനിക്ക് മുന്നിൽ) പഴയ ദേശീയ പാതയോരത്ത് വർഷങ്ങളായി മാലിന്യവും ചെളിയും വെള്ളക്കെട്ടുമായി കിടന്ന ഭാഗം വൃത്തിയാക്കി. കൊച്ചി മെട്രോയുടെ സൗന്ദര്യവത്ക്കരണത്തിൻ്റെ ഭാഗമായി ഇവിടം വൃത്തിയാക്കി ഫുട്പാത്തും സൈക്കിൾ ട്രക്കും നിർമ്മിച്ച് ചെടികൾ നട്ട് പൂന്തോട്ടം കൂടി ഉൾപ്പെടുന്ന ഒരു പ്രാെജക്ടാണിത്. ഈ പ്രദേശം അനധികൃത ലോറി പാർക്കിംഗ് മൂലമാണ് ചെളിയും മാലിന്യവും കൂടിയത്. സൗന്ദര്യവത്ക്കരണത്തിൻ്റെ ഭാഗമായുള്ള പ്രവർത്തനം ആരംഭിച്ചിട്ടുണ്ട്. മൂന്ന് മാസം കൊണ്ട് പൂർത്തിയാക്കുമെന്നാണ് KMRL ഉദ്യോഗസ്ഥർ അറിയിച്ചിരിക്കുന്നത്. ക്ലീൻ കളമശ്ശേരിയുടെ ഭാഗമാവാൻ എല്ലാവരുടെയും സഹകരണം അഭ്യർത്ഥിക്കുന്നു.

കേന്ദ്ര സാംസ്‌കാരിക വകുപ്പിന്റെ നാടക വിഭാഗത്തിനുള്ള സീനിയർ ഫെല്ലോഷിപ്പ് ലഭിച്ച ശ്രീ.സഹീർ അലിയെ പുരോഗമന കലാസാഹിത്യ സംഘം സൗത്ത് കളമശ്ശേരി യൂണിറ്റിന്റെ ആദരം ഏലൂർ മുനിസിപ്പൽ ചെയർമാൻ എ.ഡി സുജിൽ നിർവ്വഹിച്ചു. വിശിഷ്ട വ്യക്തിത്വങ്ങൾക്കൊപ്പം എന്നിക്കും പങ്കെടുക്കാൻ സാധിച്ചു.

എല്ലാ പ്രിയപ്പെട്ടവർക്കും വലിയപെരുന്നാൾ ആശംസകൾ