CPI-M Cyber Pattazhy

🌹

പ്രിയപ്പെട്ടവർ....🌹🌹❤️❤️❤️

കേന്ദ്രത്തിന്റെ 20 ലക്ഷം കോടി പാക്കേജ്‌ പഴയ പദ്ധതികൾ പുതിയ പേരിൽ അവതരിപ്പിക്കലാണ്. സർക്കാരിന്‌ അധിക ബാധ്യത രണ്ട്‌ ലക്ഷം കോടിമാത്രമാണ് വരുന്നത്, ദുരന്തം നേരിടാൻ ഇത് പര്യാപ്‌തമല്ല. മാർച്ച്‌ 24ന്‌ അടച്ചുപൂട്ടൽ പ്രഖ്യാപിച്ചപ്പോൾ 10 മരണവും 564 രോ​ഗികളുമായിരുന്നെങ്കിൽ ഇപ്പോൾ മരണം 5815 ആയിരിക്കുന്നു. രോഗികൾ രണ്ട്‌ ലക്ഷം കവിഞ്ഞു. കോവിഡിനെ മുൻനിരയിൽനിന്ന്‌ നേരിടുന്ന സംസ്ഥാനങ്ങൾക്ക്‌ അർഹമായ സഹായം കേന്ദ്രം നൽകുന്നുമില്ല. പിഎം കെയർ എന്ന സ്വകാര്യട്രസ്റ്റിലേക്ക്‌ ആയിരക്കണക്കിനു കോടികള്‍ സമ്മർദം ചെലുത്തി പിരിച്ചത് എന്തിനാണ്?

സമ്പദ്‌ഘടന കോവിഡിനുമുമ്പേ തകർച്ചയിലാണെന്ന്‌ ജിഡിപി കണക്ക്‌ തെളിയിക്കുന്നു. ഇതിലേറെ മോശമാണ്‌ സ്ഥിതിയെന്ന്‌ രാജ്യാന്തര ഏജൻസികൾ ചൂണ്ടിക്കാണിക്കുന്നു. ആരോഗ്യമേഖലയിൽ അടിസ്ഥാനസൗകര്യങ്ങൾ വർധിപ്പിക്കാൻ സർക്കാർ തയ്യാറാകുന്നില്ല. ജിഡിപിയുടെ മൂന്ന്‌ ശതമാനമെങ്കിലും സർക്കാർ ആരോഗ്യമേഖലയിൽ വിനിയോഗിക്കണം.

#പഠിക്കുക #പോരാടുക

Like and Share ✅➡️

സംസ്ഥാനത്ത് കോവിഡ്-19 വ്യാപനം നിയന്ത്രിക്കുന്നതിനും പ്രതിരോധ പ്രവർത്തനങ്ങൾ ഏകോപിപ്പിക്കാനുമായി ആരോഗ്യ വകുപ്പ് ഡയറക്ടറേറ്റിൽ ആരംഭിച്ച സംസ്ഥാന കോവിഡ് കണ്ട്രോൾ റൂം ഇന്ന് (മേയ് 2) 100 ദിവസം പൂർത്തിയാക്കിയിരിക്കുകയാണ്. ഡോക്ടർമാർ ഉൾപ്പെടെയുള്ള നൂറോളം ആരോഗ്യ വിദഗ്ധരാണ് സംസ്ഥാന കണ്ട്രോൾ റൂമിന്റെ പ്രവർത്തനങ്ങൾക്കായി വിശ്രമമില്ലാതെ 24 മണിക്കൂറും പ്രവർത്തിക്കുന്നത്. ഈ കണ്ട്രോൾ റൂമിന്റെ ജാഗ്രതയോടെയുള്ള പ്രവർത്തനം കൂടിയാണ് കോവിഡിനെ ഫലപ്രദമായി പ്രതിരോധിക്കാൻ സഹായിക്കുന്നത്. സംസ്ഥാന കോവിഡ് കൺട്രോൾ റൂം 100 ദിനങ്ങൾ പിന്നിടുന്ന ഈ സമയത്ത് കോവിഡ് പ്രതിരോധത്തിനായി വിശ്രമമില്ലാതെ ഏകോപനം നടത്തിയ സ്റ്റേറ്റ് കൺട്രോൾ റൂമിലേയും ജില്ലാ കൺട്രോൾ റൂമുകളിലേയും എല്ലാ ജീവനക്കാരേയും ആരോഗ്യ വകുപ്പ് മന്ത്രി കെ കെ ശൈലജ അഭിനന്ദിച്ചു.

ഡിസംബർ അവസാനം ചൈനയിലെ വുഹാനിൽ തുടങ്ങി ഇന്ന് ലോകമെമ്പാടുമുള്ള രാജ്യങ്ങളെ ബാധിച്ചിരിക്കുന്ന കോവിഡ് 19 കേരളത്തിൽ എത്തിയത് ജനുവരി 30നായിരുന്നെങ്കിലും അതിനും രണ്ടാഴ്ച്ച മുൻപ് തന്നെ ഇവിടെ കോവിഡിനെ നേരിടുന്നതിനുള്ള മുന്നൊരുക്കങ്ങൾ തുടങ്ങിയിരുന്നു. അതിന്റെ ഭാഗമായിട്ടാണ് ജനുവരി 24ന് സംസ്ഥാന കോവിഡ് കണ്ട്രോൾ റൂം പ്രവർത്തന സജ്ജമായത്. നിപയും പ്രളയവും നേരിട്ട അനുഭവ സമ്പത്തുമായാണ് ആരോഗ്യവകുപ്പിലെ ഉന്നത ഉദ്യോഗസ്ഥരും ഊർജ്വസ്വലരായ ഒരു പറ്റം ഡോക്ടർമാരുൾപ്പെയുള്ള ആരോഗ്യ പ്രവർത്തകർ കോവിഡിനെതിരെയുള്ള പോരാട്ടം ആരംഭിച്ചത്.

രോഗബാധിത പ്രദേശങ്ങളിൽ നിന്നും വന്നവരുടെ വിവരശേഖരണം, പോസിറ്റീവ് രോഗികളുടെ സമ്പർക്കപ്പട്ടിക തയ്യാറാക്കാൽ, വൈദ്യ സഹായം, വീടുകളിലെ നിരീക്ഷണം, മരുന്നുകളുടേയും പ്രതിരോധ ഉപകരണങ്ങളുടേയും ലഭ്യത, രോഗ നിരീക്ഷണം, ബോധവത്ക്കരണം, പരിശോധനകൾ തുടങ്ങി കോവിഡ് സംബന്ധമായ എല്ലാ കാര്യങ്ങളുടേയും ഏകോപനമാണ് സംസ്ഥാന കണ്ട്രോൾ റൂമിൽ നടക്കുന്നത്.

കോവിഡിനെ നിയന്ത്രിക്കുന്നതിനും പ്രതിരോധിക്കുന്നതിനുമായുള്ള വിവിധ പ്രവർത്തനങ്ങളെ ഫലപ്രദമായി ഏകോപിപ്പിക്കുവാൻ വേണ്ടി 18 കമ്മിറ്റികൾ രൂപീകരിച്ചു. ഇതേ മാതൃകയിൽ 14 ജില്ലകളും ടീമുകൾ രൂപീകരിക്കുകയും സംസ്ഥാന കണ്ട്രോൾ റൂമുമായി പ്രവർത്തനങ്ങൾ ഏകോപിപ്പിക്കുകയും ചെയ്തു വരുന്നു. ഓരോ വിഭാഗവും ഒരു നോഡൽ ഓഫീസറുടെയും റിപ്പോർട്ടിംഗ് ഓഫീസറുടെയും മറ്റ് സഹായികളുടേയും മേൽനോട്ടത്തിൽ ആണ് പ്രവർത്തനം നടത്തുന്നത്.

സംസ്ഥാന കണ്ട്രോൾ റൂമിലെ ഓരോ ദിവസവും ആരംഭിക്കുന്നത് തലേ ദിവസത്തെ പ്രവർത്തനവിശകലനം നടത്തിയും അന്ന് നടപ്പിലാക്കേണ്ട കാര്യങ്ങളുടെ രൂപരേഖ തയ്യാറാക്കിയുമാണ്. ഇതിനുശേഷം ആരോഗ്യ വകുപ്പ് ഡയറക്ടറുടെ അധ്യക്ഷതയിൽ ജില്ലാ കണ്ട്രോൾ റൂമുകളുമായി വീഡിയോ കോൺഫറൻസ് വഴി ചർച്ചകൾ നടത്തുകയും സർക്കാർ തലത്തിൽ എടുക്കുന്ന തീരുമാനങ്ങളും ഉത്തരുവകുളും ജില്ലകളിൽ അറിയിക്കുകയും വേണ്ട മാർഗ നിർദേശങ്ങൾ നൽകുകയും ചെയ്യുന്നു. നിലവിൽ ചികിത്സയിൽ കഴിയുന്ന കോവിഡ് ബാധിതരുടെ ആരോഗ്യസ്ഥിതിയെക്കുറിച്ചും രോഗമുക്തിനേടുന്നവരുടെയും വീടുകളിൽ നിരീക്ഷണത്തിൽ കഴിയുന്നവരുടെ വിവരങ്ങളും ഈ യോഗത്തിൽ വിശകലനം ചെയ്യുന്നു.

സംസ്ഥാന കണ്ട്രോൾ റൂം ഡോക്യുമെന്റേഷൻ ടീം ഇത്തരത്തിൽ മറ്റു ടീമുകളിൽ നിന്നും ലഭിക്കുന്ന വിവരങ്ങൾ ക്രോഡീകരിച്ച് വിശകലനം നടത്തിയാണ് അതതു ദിവസത്തെ പ്രവർത്തന റിപ്പോർട്ടുകൾ തയ്യാറാക്കുന്നത്. ഇത് കൂടാതെ സംസ്ഥാനദുരന്ത നിവാരണ പ്രവർത്തനങ്ങൾക്കാവശ്യമുള്ളതും വിവിധ അവലോകന യോഗങ്ങൾക്ക് വേണ്ടിയും വിവരശേഖരണം നടത്തി റിപ്പോർട്ടുകൾ സമർപ്പിക്കുകയും ചെയ്യുന്നു. ഇത് കൂടാതെ നിത്യേന ആരോഗ്യവകുപ്പിൽ നിന്നും ഡെയിലി ബുള്ളറ്റിൻ തയ്യാറാക്കുകയും പ്രസിദ്ധീകരിക്കുകയും ചെയ്തു വരുന്നു.

സംസ്ഥാന കണ്ട്രോൾ റൂമിലെ എല്ലാ കമ്മിറ്റികളും അവർക്ക് ലഭ്യമായ വിവരങ്ങൾ ശാസ്ത്രീയമായ വിശകലനങ്ങൾ നടത്തി ആവശ്യമായ മാർഗരേഖകൾ തയ്യാറാക്കി നൽകി വരുന്നു. കോവിഡ് പ്രതിരോധ പ്രവർത്തനങ്ങളെക്കുറിച്ച് സാമൂഹ്യ അവബോധം സൃഷ്ടിക്കുന്നതിനായി ദൃശ്യശ്രവ്യ സാമൂഹ്യ മാധ്യമങ്ങളിലൂടെ നൽകേണ്ട സന്ദേശങ്ങൾ തയ്യാറാക്കി നൽകുന്നു.

എല്ലാ പ്രധാന ആശുപത്രികളുമായും വീഡിയോ കോൺഫറൻസ് വഴി എല്ലാ ദിവസവും വൈകുന്നേരം കോവിഡ്-19 സംബന്ധിച്ച് വിദഗ്ധർ വിഷയാവതരണം നടത്തുന്നു.

നാളിതുവരെ സംസ്ഥാനതിനകത്തും പുറത്തുനിന്നുമായി സംശയ നിവാരണത്തിനായും ജില്ലകളിൽ നിന്നുള്ള വിവരശേഖരണവുമായി ബന്ധപ്പെട്ടും പതിനാറായിരത്തോളം ഇ-മെയിലുകൾ കണ്ട്രോൾ റൂമിലെക്ക് വരികയും സമയബന്ധിതമായി ഇവയ്ക്ക് മറുപടി നൽകുകയും ചെയ്തിട്ടുണ്ട്.

ഈ കൺട്രോൾ റൂമിൽ 24 മണിക്കൂറും പ്രവർത്തിക്കുന്ന കോവിഡ് കോൾ സെന്ററുമുണ്ട്. പൊതുജനങ്ങൾക്ക് കോവിഡ് 19 രോഗത്തെ സംബന്ധിച്ച സംശയങ്ങൾക്കും പ്രധാന വിവരങ്ങൾ കൈമാറുന്നതിനും 0471 2309250, 0471 2309251, 0471 2309252, 0471 2309253, 0471 2309254, 0471 2309255 എന്നീ കോൾ സെന്ററിലെ നമ്പരുകൾ സജ്ജമാക്കി. ഇതുവരെ 15,000 ത്തോളം കോളുകളാണ് കോൾ സെന്ററിൽ വന്നത്. കോൾസെന്ററിൽ വരുന്ന കോളുകൾക്ക് സംശയ ദൂരീകരണം നടത്തുകയും ലഭിക്കുന്ന പ്രധാന വിവരങ്ങൾ നടപടികൾക്കായി ജില്ലകളിലേക്കും വിവിധ വകുപ്പുകളിലേക്കും കൈമാറുകയും ചെയ്യുന്നു.

ഓരോ ദിവസവും ഈ 18 കമ്മിറ്റികളും ചെയ്ത പ്രവർത്തനങ്ങളും ലഭ്യമായ വിവരങ്ങളും അവലോകനം ചെയ്താണ് നടപടികൾ സ്വീകരിക്കുന്നത്. ആരോഗ്യ വകുപ്പ് മന്ത്രി, ആരോഗ്യ വകുപ്പ് പ്രിൻസിപ്പൽ സെക്രട്ടറി, എൻ.എച്ച്.എം. സ്റ്റേറ്റ് മിഷൻ ഡയറക്ടർ, കെ.എം.എസ്.സി.എൽ. എം.ഡി., ആരോഗ്യ വകുപ്പ് ഡയറക്ടർ, ആരോഗ്യ വിദ്യാഭ്യാസ ഡയറക്ടർ, അഡീഷണൽ ഡയറക്ടർമാർ എന്നിവരുടെ നേതൃത്വത്തിലാണ് ഈ യോഗത്തിന്റെ അവലോകനം നടത്തുന്നത്.

കണ്ട്രോൾ റൂമിലെ വിവിധ ടീമുകൾ

1. കോവിഡ്19 നിരീക്ഷണത്തിനായുള്ള സർവയലൻസ് ടീം
2. കോൾ സെന്ററിന്റെ പ്രവർത്തനങ്ങൾ ഏകോപിപ്പിക്കാനും ജനങ്ങളുടെ സംശയങ്ങൾ ദൂരീകരിക്കാനുമുള്ള കോൾ സെന്റർ മാനേജ്മെന്റ് ടീം
3. മതിയായ ജീവനക്കാരെ ഉറപ്പ് വരുത്തുന്നതിനുള്ള എച്ച്.ആർ. മാനേജ്മെന്റ്
4. പരിശീലനങ്ങൾ സുഗമമാക്കാനായി ട്രെയിനിംഗ് ആന്റ് അവയർനസ് ജെനറേഷൻ
5. മതിയായ സുരക്ഷ ഉപകരണങ്ങളും മരുന്നുകളും ഉറപ്പാക്കാനായി മെറ്റീരിയൽ മാനേജ്മെന്റ് ടീം
6. എല്ലായിടത്തും ആവശ്യത്തിന് ഐസൊലേഷൻ സൗകര്യങ്ങൾ ഉൾപ്പെടെയുള്ളവ സജ്ജമാക്കാൻ ഇൻഫ്രാസ്ട്രക്ച്ചർ
7. സാമ്പിളുകൾ എടുക്കുന്നത് മുതൽ ഫലം വരുന്നതുവരെയുള്ള കാര്യങ്ങൾക്കായി സാമ്പിൾ ട്രാക്കിംഗ് ടീം
8. വാർത്തകൾ നിരീക്ഷിച്ച് നടപടിയെടുക്കാനും വ്യാജവാർത്തകൾ റിപ്പോർട്ട് ചെയ്യുന്നതിനുമായുള്ള മീഡിയ സർവയലൻസ് ടീം
9. കോവിഡ് അവബോധത്തിനുള്ള കാര്യങ്ങൾ തയ്യാറാക്കുന്നതിനുള്ള ഐ.ഇ.സി., ബി.സി.സി. മീഡിയ മാനേജ്മെന്റ് ടീം
10. രേഖകൾ ശേഖരിക്കുന്നതിനും വിവരങ്ങൾ യഥാസമയം കൈമാറുന്നതിനുമുള്ള ഡോക്യുമെന്റേഷൻ ടീം
11. സ്വകാര്യ ആശുപത്രികളുടെ ഏകോപനത്തിന് പ്രൈവറ്റ് ഹോസ്പിറ്റൽ സർവയലൻസ് ടീം
12. രോഗികളെ രോഗവ്യാപനമില്ലാതെ ആശുപത്രികളിലും വീടുകളിലുമെത്തിക്കാനുമായി ട്രാൻസ്പോട്ടേഷൻ ആന്റ് ആംബുലൻസ് മാനേജ്മെന്റ് ടീം
13. മറ്റ് ഡിപ്പാർട്ടുമെന്റുകളുമായുള്ള ഏകോപനത്തിന് ഇന്റർ ഡിപ്പാർട്ട്മെന്റൽ ആന്റ് കോ-ഓർഡിനേഷൻ ടീം
14. ഐസൊലേഷനിൽ കഴിയുന്നവർക്ക് പ്രത്യേകിച്ചും പ്രായമായവർ, കിടപ്പ് രോഗികൾ, ജീവിതശൈലീ രോഗബാധിതർ, മറ്റ് പ്രത്യേക ശ്രദ്ധ ആവശ്യമുള്ളവർ എന്നിവർക്ക് എന്തെങ്കിലും ആവശ്യങ്ങളുണ്ടെങ്കിൽ അത് നിറവേറ്റാനായി കമ്മ്യൂണിറ്റി ലെവൽ വോളന്റിയർ കോഓർഡിനേഷൻ ടീം
15. നിരീക്ഷണത്തിലുള്ളവരുടെ മാനസികാരോഗ്യം ഉറപ്പ് വരുത്താനുള്ള സൈക്കോളജിക്കൽ സപ്പോർട്ട് ടീം
16. പല സ്ഥലങ്ങളിൽ നിന്നുള്ള ഡേറ്റകൾ സ്വരൂപിക്കാനായുള്ള ഡേറ്റ കമ്പലേഷൻ ടീം
17. സാമ്പത്തിക കാര്യങ്ങൾക്കായുള്ള ബജറ്റ് ആന്റ് ഫിനാൻസിംഗ് ടീം
18. പഠനത്തിനായും മറ്റും സംസ്ഥാനത്തിന് പുറത്തും വിദേശത്തു നിന്നും എത്തുന്നവരെ ഏകോപിപ്പിക്കാൻ എക്സ്പേർട്ട് സ്റ്റഡി കോഓർഡിനേഷൻ ടീം.

🔸പുനലൂർ ആർ പി എല്ലിന്
അഞ്ച്കോടി...

പുനലൂര്‍ റീഹാബിലിറ്റേഷന്‍ പ്ലാന്റേഷന്‍സ് ലിമിറ്റഡിന് കോവിഡ് കാലത്ത് സര്‍ക്കാരിന്റെ കൈത്താങ്ങ്. ആര്‍പിഎല്ലിന് അടിയന്തരധനസഹായമായി സര്‍ക്കാര്‍ അഞ്ചുകോടി രൂപ അനുവദിച്ചു. ശമ്പള വിതരണം തടസ്സപ്പെട്ടതിനെതുടര്‍ന്ന് പ്രതിസന്ധിയിലകപ്പെടുമായിരുന്ന 1300ഓളം ജീവനക്കാര്‍ക്കും അവരുടെ കുടുംബാംഗങ്ങള്‍ക്കും സര്‍ക്കാര്‍ നടപടി തുണയായി. നേരത്തെ തോട്ടം തൊഴിലാളികള്‍ക്ക് സര്‍ക്കാര്‍ പ്രഖ്യാപിച്ച ആയിരം രൂപ വീതം ധനസഹായവും ആര്‍പിഎല്ലിലെ എല്ലാ തൊഴിലാളികള്‍ക്കും നല്‍കിയിരുന്നു.

തൊഴിലും നൈപുണ്യവും വകുപ്പിനു കീഴിലുള്ള ആര്‍പിഎല്ലില്‍ 1200 ഓളം തൊഴിലാളികളും 175 ഓളം ഇതര വിഭാഗം ജീവനക്കാരുമുണ്ട്. കൊല്ലം ജില്ലയിലെ കൂളത്തൂപ്പുഴ, ആയിരനെല്ലൂര്‍ എന്നിവിടങ്ങളില്‍ റബ്ബര്‍ പ്ലാന്റേഷനുകളും, കുളത്തൂപ്പുഴ എസ്റ്റേറ്റില്‍ ഫാക്ടറി കോംപ്ലക്‌സും പ്രവര്‍ത്തിക്കുന്നു. റബ്ബര്‍ ഉല്‍പാദനത്തില്‍ ഇന്ത്യയിലെ വന്‍കിട റബ്ബര്‍ പ്ലാന്റേഷനുകളില്‍ മുന്‍പന്തിയിലാണെങ്കിലും റബ്ബറിനുണ്ടായ വന്‍ വിലയിടിവും റീപ്ലാന്റിംഗ് നടത്തിയതിനെ തുടര്‍ന്നുള്ള ഉല്‍പാദന കുറവും മൂലം നിലവില്‍ കടുത്ത സാമ്പത്തിക പ്രതിസന്ധിയിലാണ്.
ലോക്ഡൗണ്‍ പ്രഖ്യാപിച്ചതിനെ തുടര്‍ന്ന് പ്ലാന്റേഷനുകളുടേയും, ഫാക്ടറികളുടേയും പ്രവര്‍ത്തനം നിര്‍ത്തി വെച്ചിരുന്നു. സര്‍ക്കാര്‍ അനുവദിച്ച ഇളവുകളോടെ ഏപ്രില്‍ 10 മുതല്‍ 25 ശതമാനം ജീവനക്കാരെ മാത്രം ഉപപയോഗിച്ച് പ്രവര്‍ത്തനങ്ങള്‍ പുനരാരംഭിച്ചെങ്കിലും കുളത്തൂപ്പുഴ പഞ്ചായത്തും പുനലൂര്‍ മുന്‍സിപ്പാലിറ്റിയും ഹോട്ട്‌സ്‌പോട്ടുകളായി പ്രഖ്യാപിച്ചതിന്റെ അടിസ്ഥാനത്തില്‍ ഏപ്രില്‍ 21 മുതല്‍ പ്രവര്‍ത്തനം പൂര്‍ണ്ണമായി നിര്‍ത്തിവെച്ചിരിക്കുകയാണ്.

ലോക്ഡൗണ്‍ മൂലം ഉല്‍പാദനവും വിപണനവും മുടങ്ങിയതിനാല്‍ തൊഴിലാളികള്‍ക്കും മറ്റ് ജീവനക്കാര്‍ക്കും മാര്‍ച്ചിലെ വേതനം പൂര്‍ണ്ണമായും നല്‍കാന്‍ കഴിഞ്ഞില്ല. സാമ്പത്തിക പ്രതിസന്ധി മൂലം അടിയന്തിര സ്വഭാവമുളള പ്രവര്‍ത്തനങ്ങള്‍പോലും തടസ്സപ്പെടുമെന്ന അവസ്ഥയിലാണ് കമ്പനി ധനസഹായത്തിനായി സംസ്ഥാന സര്‍ക്കാരിനെ സമീപിച്ചത്.

-19