Zeya Urdu Classes

اردو زبان کی اہمیت اور ہمارا قومی فریضہ

اردو ہے جس کا نام ہمیں جانتے ہیں داغؔ
ہندوستاں میں دھوم ہماری زباں کی ہے
اردو زبان ہماری قومی شناخت کا اہم ستون ہے۔ یہ وہ زبان ہے جو ہماری تاریخ، ثقافت، اور روایات کو نسل در نسل منتقل کرتی ہے۔ اردو زبان کو ترجیح دینے کا مطلب یہ ہے کہ ہم اپنی جڑوں سے جڑے رہتے ہیں اور اپنے ورثے کو زندہ رکھتے ہیں۔

نہیں کھیل اے داغؔ یاروں سے کہہ دو
کہ آتی ہے اردو زباں آتے آتے

تاریخی تناظر میں زبان کی اہمیت
کیا کبھی آپ نے سوچا ہے کہ وہ قومیں جنہوں نے اپنی زبان کو چھوڑ دیا، ان کا کیا انجام ہوا؟ تاریخ گواہ ہے کہ جب کوئی قوم اپنی زبان سے منہ موڑ لیتی ہے، تو وہ اپنی شناخت کھو بیٹھتی ہے۔ ایک مثال کے طور پر، مصری تہذیب کا ذکر کیا جا سکتا ہے، جو دنیا کی قدیم ترین تہذیبوں میں سے ایک تھی۔ جب مصریوں نے اپنی زبان کو ترک کر کے یونانی اور رومی زبانوں کو اپنا لیا، تو ان کی تہذیب کا زوال شروع ہوا اور وہ اپنی اصل پہچان کھو بیٹھے۔

سلیقے سے ہواؤں میں جو خوشبو گھول سکتے ہیں
ابھی کچھ لوگ باقی ہیں جو اردو بول سکتے ہیں

اسی طرح، ایران کی مثال لیجیے۔ جب ایران میں عربی زبان نے فارسی زبان پر غلبہ پایا، تو ایرانی قوم کو اپنی ثقافت اور تاریخ کی بہت سی قیمتی چیزوں سے محروم ہونا پڑا۔ لیکن جیسے ہی فارسی زبان کو دوبارہ زندہ کیا گیا، ایرانی قوم نے اپنی کھوئی ہوئی شناخت کو دوبارہ حاصل کیا اور آج فارسی زبان دنیا کی معروف زبانوں میں شمار ہوتی ہے۔

اردو کی علمی اور ادبی حیثیت
اردو کا مطالعہ ہمیں صرف زبان سکھانے کا نہیں، بلکہ ہمیں اپنے ادبی ورثے سے بھی روشناس کراتا ہے۔ اردو میں علامہ اقبال کی شاعری، غالب کا کلام، اور فیض احمد فیض کی نظمیں ہیں، جو ہمیں زندگی کے حقیقی معنی سکھاتی ہیں۔ اس کے علاوہ اردو زبان نے دینی علوم کے فروغ میں بھی اہم کردار ادا کیا ہے۔ مدارس اور مساجد میں اردو کا استعمال ہمیں دین کی تعلیمات تک رسائی فراہم کرتا ہے۔ کیا ہم واقعی ان قیمتی خزائن سے خود کو محروم رکھنا چاہتے ہیں؟ اردو سیکھ کر ہم نہ صرف اپنی زبان کی خوبصورتی کو سمجھ سکتے ہیں بلکہ اپنی سوچ کو بھی وسعت دے سکتے ہیں۔

چاند چہرے مجھے اچھے تو بہت لگتے ہیں
عشق میں اس سے کروں گا جسے اردو آئے

قومی یکجہتی میں اردو کا کردار
اردو زبان پاکستان کے مختلف لسانی اور ثقافتی گروہوں کو ایک ساتھ جوڑتی ہے۔ یہ وہ زبان ہے جو مختلف صوبوں اور علاقوں کے لوگوں کو ایک قوم کے طور پر متحد کرتی ہے۔ اگر ہم اردو کو ترجیح دیں گے تو ہم اپنی قوم کو مضبوط کریں گے اور قومی یکجہتی کو فروغ دیں گے۔

بات کرنے کا حسیں طور طریقہ سیکھا
ہم نے اردو کے بہانے سے سلیقہ سیکھا

مذہبی نقطہ نظر
اسلامی تعلیمات میں زبان کا ایک اہم مقام ہے۔ نبی کریم ﷺ کی تعلیمات کو سمجھنے کے لیے عربی زبان کی اہمیت مسلم ہے، لیکن ہمارے ملک میں دینی علوم کی تعلیم اردو زبان میں بھی دی جاتی ہے، جو عام لوگوں کے لیے دین کو سمجھنے میں مددگار ہے۔ علماء کرام نے بھی ہمیشہ اس بات پر زور دیا ہے کہ مادری زبان میں تعلیم دینا اور دین کی باتیں سمجھانا زیادہ مؤثر ہے۔

عملی تجاویز
اردو زبان کے فروغ کے لیے ضروری ہے کہ ہم اسکولوں، کالجوں، اور یونیورسٹیوں میں اردو کو بطور لازمی مضمون پڑھایا جائے۔ اس کے علاوہ، اردو زبان میں لکھنے اور بولنے کی حوصلہ افزائی کی جانی چاہیے۔ سرکاری سطح پر بھی اردو کے فروغ کے لیے اقدامات اٹھائے جائیں تاکہ یہ زبان ہماری روزمرہ زندگی کا حصہ بن جائے۔

آخر میں، ہمیں یاد رکھنا چاہیے کہ اردو زبان کا تحفظ اور فروغ ہماری ذمہ داری ہے۔ اگر ہم اپنی زبان کی قدر نہیں کریں گے، تو کون کرے گا؟ اردو سیکھنا اور اسے ترجیح دینا ہماری قومی فریضہ ہے۔ ہمیں فخر ہونا چاہیے کہ ہم ایک ایسی زبان کے وارث ہیں جس میں محبت، ادب، اور ثقافت کی خوشبو بستی ہے۔

وہ اردو کا مسافر ہے یہی پہچان ہے اس کی
جدھر سے بھی گزرتا ہے سلیقہ چھوڑ جاتا ہے

از محمد احسن رضا

*12th Or 10th का नया बैच 25 April से शुरू होने जा रहा है!*

*خدا کا شکر ہماری زبان ہے اردو*
*اردو سے محبت کریں*❣️

ہر قوم کی اپنی زبان ہے۔اور یہی زبان اس کی پہچان بھی ہے۔زبان سے محبت نے قوم کو آسمان کی سیر بھی کرائ ہے۔اور جس قوم نے اپنے زبان کی قدر نہیں کی تو اسے زمین پر بھی گرایا ہے۔اگر کسی بھی قوم کو جانچنا پڑے کہ وہ کس منزل کی جانب رواں ہے۔عروج کی جانب ہے یا زوال کی جانب,تو اس کے کئ طریقے ہیں۔جن میں سے بنادی طریقہ یہ ہے کہ اس قوم کے افراد کو دیکھ لیں کے وہ اپنی زبان کو کتنی اہمیت دیتا ہے۔
ہم نے بڑے بڑے ملکوں جیسے چین جاپان مصر و عرب امریکہ و افریقہ جیسے ممالک کا مشاہدہ کیا تو ہمیں معلوم ہوا کہ یی سارے ممالک اور یہاں کی بس نے والی قوم نے اپنی زبان کو اہمیت دی اور آج یہ قومیں آسمان کی بلندیوں پر پرواز کر رہی ہے لیکن جب ہم نے ہندی مسلمانوں کے جانب رخ کیا تو ہمیں معلوم ہوا کے یہ تو اپنی زبان سے نا واقفیت رکھنے والی قوم ہے جس کی وجہ سے آج اس قوم کو زوال کا سامنا کرنا پڑرہا ہے

افسوس ہم نے اپنی زبان کے اپنے پشت پیچھے کردیا ہم نے اپنی زبان کو اہمیت نہیں دی جس کا بدلہ ہمیں دیا جارہا ہے کے آج ہندوستان کے کئ صوبوں سے اردو کو ختم کیا جارہا ہے

لہٰذا آپ حضرات سے اپیل ہے کے اپنے بچوں کو اور خود بھی اردو پر زور دیں تاکے اردو کو فروغ دیا جاسکے.....................