Kalanilayam Dramas

കലാനിലയത്തിന്റെ
"കായംകുളം കൊച്ചുണ്ണി "
നാടകസ്വാദകരുടെ
മനസ്സിൽ മായാതെ നിൽക്കുന്ന
കലാനിലയത്തിന്റെ ഒട്ടനവധി
കഥാപാത്രങ്ങൾക്ക് ജീവൻ നൽകിയ
മഹാ നടൻ
വി ടി അരവിന്ദാക്ഷമേനോൻ
കാലയവനികക്കുള്ളിൽ മറഞ്ഞിട്ട്
ഇന്നേക്ക് 30 വർഷം.
പ്രണാമം 🙏🌹
ടീം കലാനിലയം

കലാനിലയം സ്ഥിരം നാടകവേദിയുടെ സ്ഥാപകനും സംവിധായകനുമായ കലാനിലയം കൃഷ്ണൻ നായർ എന്ന ഐശ്വര്യ ദീപം ഞങ്ങളെ വിട്ട് പോയിട്ട് ഇന്നേയ്ക്ക് 44 വർഷം.
മാർഗ്ഗദീപമായി ഞങ്ങളെ മുന്നോട്ട് നയിക്കുന്ന ആ മഹാത്മാവിന് സ്നേഹ പ്രണാമം.

ടീം കലാനിലയം

കലാനിലയത്തിനൊപ്പം നിന്ന് മാർഗ്ഗനിർദ്ദേശങ്ങൾ നൽകിയ ജോൺ പോൾ.

ഇന്ന് ഈ മഹാന്മാവിൻ്റെ ഓർമ്മ ദിനം.

ഓർമ്മ പൂക്കൾ

ടീം കലാനിലയം

ബ്രഷും ഛായ കൂട്ടുകളും ചേരുമ്പോൾ സൃഷ്ടിക്കപ്പെടുന്നത് വർണ്ണവിസ്മയം.

സംഗീതജ്ഞൻ കെ ജി ജയൻ അന്തരിച്ചു.

കലാനിലയത്തിന്റെ നാരദൻ കേരളത്തിൽ എന്ന നാടകത്തിലെ ഗാനങ്ങൾ ചിട്ടപ്പെടുത്തിയത് ജയവിജയ സഹോദരങ്ങളായിരുന്നു.

കലാനിലയത്തിന്റെ ആദരാഞ്ജലികൾ.

ടീം കലാനിലയം

ഐശ്വര്യത്തിൻ്റെയും, ആരോഗ്യത്തിൻ്റെയും,
സമ്പദ്സമൃദ്ധിയുടെയും

വിഷു ആശംസകൾ.
ടീം കലാനിലയം

കലാനിലയത്തിൻ്റെ അഭുദയകാംഷിയും സുഹൃത്തുമായ നിർമ്മാതാവ് ഗാന്ധിമതി ബാലൻ അന്തരിച്ചു. പത്മരാജൻ, കെ.ജി ജോർജ് - ഇവരുടെ കൂടെയാണ് അദ്ദേഹം കൂടുതൽ സിനിമ ചെയ്തത്.
കലാനിലയത്തിന്റെ ആദരാഞ്ജലികൾ.🌹🙏

കളിമണ്ണ് മെനഞ്ഞെടുത്തു....
ശില്പിയുടെ കരസ്പർശമേറ്റ്
രൂപ പരിണാമത്തിനായിയുള്ള കാത്തിരിപ്പ്

Kalanilayam in the making.....

ഈസ്റ്റർ ദിനാശംസകൾ
Happy Easter

കലയുടെ നിലയം = കലാനിലയം

നാടകത്തിനും സിനിമയ്ക്കും ചിന്തയ്ക്കും ചർച്ചയ്ക്കും ഇടം. മലയാളത്തിലെ ഒട്ടുമിക്ക മഹാന്മാരുടെ കാൽപാടുകൾ പതിഞ്ഞിടം.

രക്തരക്ഷസ്സും, കടമറ്റത്ത് കത്തനാരും, കായംകുളം കൊച്ചുണ്ണിയും, ഗുരുവായൂരപ്പനും തുടങ്ങി മലയാളിയെ ഭ്രമിപ്പിച്ച സൃഷ്ടികൾ ജനിച്ചയിടം.

നാടകവേദിയിലെ ഷോമാനും കലാനിലയം സ്ഥാപകനുമായ കലാനിലയം കൃഷ്ണൻ നായരും പത്നി കൊടുങ്ങല്ലൂർ അമ്മിണിയമ്മയും ഇവിടെ ജീവിച്ചിരുന്നു. അവരുടെ കലാത്മാവ് ഇന്നും നിറഞ്ഞ് നിൽക്കുന്നു.

കല്പാന്ത കാലത്തോളം
ആയുരാരോഗ്യത്തോടെ
കാലം കാക്കട്ടെ

പ്രിയ വിദ്യാധരൻ മാസ്റ്റർക്ക് ജന്മദിനാശംസകൾ നേരുന്നു

വിസ്മയ കാഴ്ചകൾ ഒരുങ്ങുമിടം

ഈ അടഞ്ഞ വാതിലിന് അപ്പുറം വിസ്മയങ്ങളും അദ്ഭുതങ്ങളും പിറവി എടുക്കുന്നു..... കലാനിലയം നിങ്ങളെ അമ്പരപ്പിക്കും.

ഏവർക്കും ലോക നാടക ദിനാശംസകൾ.

കലാനിലയവും, കലാനിലയത്തിൻ്റെ നാടകങ്ങൾ എന്നും എപ്പോഴും മാന്ത്രികമായ കാന്തശക്തിയുള്ളവ ആകുന്നു. ഓരോ മനുഷ്യ മനസ്സിനേയും ഓരോ രീതിയിലാണ് ആകർഷിക്കുന്നത്. ഒരു പ്രാവശ്യം കണ്ടാൽ കലാനിലയം നാടകം കണ്ടാൽ ജീവിതത്തിൻ്റെ ഓർമ്മയിൽ നിന്ന് ഒരു അടർത്തിമാറ്റൽ അസാധ്യം. സിനിമകൾ എത്രയോ കണ്ടു പക്ഷേ മറന്ന് പോയേക്കാം, പക്ഷേ കലാനിലയം നാടകം അത് ചിരഞ്ചീവിപോൽ യുഗങ്ങൾ താണ്ടി ജ്വലിക്കും.

പ്രശസ്ത കവിയും ഗാനരചയിതാവുമായ ശ്രീ റഫീക്ക് അഹമ്മദ് - ഭാഷാപോഷിണിയിൽ എഴുതിയ കവിത. ഒരു നാടകപ്രസ്താനത്തിൻ്റെ പേരിൽ ഒരു കവിത ഒരു പക്ഷേ നടാടെയായിരിക്കും "കലാനിലയം" .

കലാനിലത്തിൻ്റെ കുറിച്ച് കവിത എഴുതി പ്രസിദ്ധീകരിച്ച മഹാകവിക്ക് കലാനിലയത്തിൻ്റെ നന്ദി... സ്നേഹം.

കലാനിലയം സ്ഥിരം നാടകവേദി അവതരിപ്പിച്ചു പ്രേക്ഷകരുടെ പ്രശംസ നേടിയ
" ""താജ്മഹൽ "
നാടകത്തിലെ ഒരു രംഗം( 1964)

ഒന്നാം ചരമവാർഷികം
ഞങ്ങളുടെ രാജു
( സെറ്റ് സൂപ്പർവൈസർ )
ഓർമ്മയായിട്ട് ഇന്നേക്ക് (14 /1/2023)
ഒരാണ്ട്...!
ആത്മാവിന് നിത്യശാന്തി നേരുന്നു
🌹🙏
ടീം കലാനിലയം

കൊടുങ്ങല്ലൂർ അമ്മിണി അമ്മ - അരങ്ങിന്റെ അണയാവിളക്ക് ....

Drama
KADAMATTATH KATHANAAR

മഹാമാന്ത്രികനായ സൂര്യകാലടി ഭട്ടതിരിപ്പാടും രക്തരക്ഷസ്സും.

കലാനിലയത്തിന്റെ ഭീകര നാടകം "രക്തരക്ഷസ്സ്".

2008 ൽ കലാനിലയം രക്തരക്ഷസ്സ് തമിഴ് നാട്ടിൽ അവതരിപ്പിച്ചപ്പോൾ ഉള്ള കവാടം.

കലാനിലയത്തിന്റെ രക്തരക്ഷസ്സ് നാടകത്തിലെ നാടകം കണ്ടിട്ടുള്ള പ്രേക്ഷകരുടെ മനസ്സിൽ ഇന്നും മായാതെ നിൽക്കുന്ന "ശശികലേ ശ്രീകലേ" എന്ന ഗാനരംഗം. നിമിഷ നേരം കൊണ്ട് മാറുന്ന 4 വിവിധ രീതിയിലുള്ള സെറ്റിംഗ്സ് ഉള്ള രംഗങ്ങളിലൂടെ ആണ് ആ ഗാനം വേദിയിൽ അവതരിപ്പിച്ചത്.
(ചിത്രങ്ങൾ 2008 ൽ ചെന്നൈയിൽ തമിഴിൽ അവതരിപ്പിച്ചപ്പോൾ )

ഇന്നലെ സൂര്യ ഫെസ്റ്റിവെല്ലിന്റെ ഭാഗമായി കലാനിലയം കൃഷ്ണൻ നായർ ഫൗണ്ടേഷൻ ഗണേശത്തിൽ അവതരിപ്പിച്ച ഏക പാത്ര നാടകം
ഞാൻ... ഉടൽ.. മനസ്സ്..
വേദിയിൽ കലാനിലയം ഗായത്രി
നാടക രചന : സുരേഷ് ശ്രീസ്ഥ
സംവിധാനം : മനോജ്‌ നാരായണൻ
അവതരണം : കലാനിലയം കൃഷ്ണൻ നായർ ഫൌണ്ടേഷൻ

പ്രേക്ഷക മനസ്സിനെ ആവാഹിക്കാൻ അരങ്ങ് തയ്യാർ.

സൂര്യ ഫെസ്റ്റിവെല്ലിന്റെ ഭാഗമായി ഇന്ന് കലാനിലയം കൃഷ്ണൻ നായർ ഫൗണ്ടേഷൻ ഗണേശത്തിൽ അവതരിപ്പിക്കുന്ന ഏക പാത്ര നാടകം " ഞാൻ - ഉടൽ മനസ്സ് " ( രംഗത്ത്: കലാനിലയം ഗായത്രി പന്മനാഭൻ).

സമയം: വൈകിട്ട് 6:45

കലാനിലയത്തിന്റെ മാസ്റ്റർപീസ്നാടകം
"കടമറ്റത്ത് കത്തനാർ "
58 വർഷമായി അവതരിപ്പിച്ചു വരുന്നു.....

66 വർഷങ്ങൾക്ക് മുമ്പുള്ള കലാനിലയത്തിന്റെ നാടകത്തിന്റെ പത്രപരസ്യം. അന്ന്
"കലാനിലയം നടനസഭ" എന്നായിരുന്നു പ്രസ്ഥാനത്തിന്റെ പേര്. കലാനിലയം സ്ഥിരംനാടകവേദി തുടങ്ങുന്നതിനു മുമ്പുള്ള കാലഘട്ടം. അന്ന് അധികവും ചരിത്രനാടകങ്ങൾ ആണ് കലാനിലയം. അവതരിപ്പിച്ചിരുന്നത്. ആക്കാലത്തും വളരെ അധികം പണം ചിലവാക്കി വേദിയിൽ "വിസ്മയങ്ങൾ സൃഷ്ടിച്ചു.
വൻ ജനക്കൂട്ടത്തിനെ നാടകം എന്ന മാധ്യമത്തിലേക്ക് ആകർഷിക്കുന്ന തരത്തിലുള്ള നാടകങ്ങൾ ഒരുക്കുക" "എന്നാലേ ആ മേഖല വളരു എന്നതായിരുന്നു നാടകാചാര്യനായ കലാനിലയം കൃഷ്ണൻ നായരുടെ കാഴ്ചപ്പാട്
പുത്തൻ വിസ്മയങ്ങൾ വേദിയിൽ സൃഷ്ടിക്കാൻ കലാനിലയം ഒരുങ്ങുന്നു.
ടീം കലാനിലയം

വിസ്മയത്തിന് 60 വർഷം !!!
അരങ്ങത്ഭുതത്തിന് 50 വർഷം !!!

കലാനിലയത്തിന്റെ നാടക ചരിത്രത്തിലെ ഏറ്റവും വലിയ നാഴികകല്ലാണ് 50 വർഷങ്ങൾക്കു മുൻപ് രംഗത്തെത്തിയ "രക്തരക്ഷസ്"

കാണികളെ പിടിച്ചിരുത്തുന്ന കണ്ണീരും പൊട്ടിച്ചിരിയും ആകാംഷയും ഉൾപ്പെടെയുള്ള വൈവിധ്യമാർന്ന വൈകാരിക അനുഭവങ്ങൾ ഉൾക്കൊള്ളിച്ചുള്ള അതുല്യ പ്രതിഭയായ ജഗതി എൻ. കെ ആചാരിയുടെ രചന. നാടകീയ മുഹൂർത്തങ്ങളും ശക്തരായ കഥാപാത്രങ്ങളും അത് പകർന്നാടിയ അഭിനേതാക്കളും ഈ നാടകത്തെ ജനപ്രീതിയുടെ ഉയരങ്ങളിൽ എത്തിച്ചു. പാപ്പനംകോട് ലക്ഷ്മണന്റെ വരികൾക്ക് ദക്ഷിണാമൂർത്തിയുടെ ശ്രുതിമധുരമായ ഗാനങ്ങളും, രംഗത്തിനനുസരിച്ച് പശ്ചാത്തല സംഗീതം ഒരുക്കിയ എം ജി രാധാകൃഷ്ണന്റെ പ്രതിഭയും
ഈ നാടകത്തെ മനുഷ്യന്റെ മനസ്സിൽ സ്ഥിരപ്രതിഷ്ഠ നേടാൻ കാരണമായി.
തൃപ്പൂണിത്തുറ കുമാരൻ നായരുടെ സ്റ്റേജ് ടെക്നിക്സ്, ആർട്ടിസ്റ്റ് ജഗന്നാഥൻ ഒരുക്കിയ വിസ്മയകരമായ സെറ്റിങ്സുകൾ
മുതലായവ നാടകത്തെ അവിസ്മരണീയമാക്കി.

എന്തുകൊണ്ടാണ് അൻപതു വർഷങ്ങൾ കഴിഞ്ഞിട്ടും തലമുറകൾ പലതും കടന്നുപോയിട്ടും രക്തരക്ഷസ് എന്ന നാടകം പ്രേക്ഷകരെ കാന്തശക്തിയോടെ കലാനിലയം നാടക വേദിയിലേക്ക് ആകർഷിക്കുന്നത്?
ഏറ്റവും പുതിയ സാങ്കേതിക വിദ്യയുടെ സഹായത്തോടെ അരങ്ങത്ത് വിരിയിക്കുന്ന വിസ്മയങ്ങൾ -- ഞൊടിയിടയിൽ മാറി മറയുന്ന സെറ്റിങ്ങുകൾ, വിമാനവും കാറും കൊമ്പനാനയും കൊടുങ്കാടും വെള്ളച്ചാട്ടവും ബഹുനില മന്ദിരവും മനോഹരമായ ഉദ്യാനവും , പിന്നെ കാണികളുടെ ചോര തണുത്തുറഞ്ഞു പോകുന്ന വിധത്തിൽ നിമിഷനേരം കൊണ്ട് പ്രത്യക്ഷപ്പെടുന്ന അതി ഭീകരരൂപിണിയായ രക്ഷസിന്റെ രംഗപ്രവേശവും -- പ്രേക്ഷകരെ കോരിത്തരിപ്പിക്കുന്ന പുതിയ ദൃശ്യാനുഭവങ്ങളും
നാടകവേദിയിലെ ഏറ്റവും വലിയ ഷോ മാനായ കലാനിലയം കൃഷ്ണനായർ എന്ന സംവിധായകൻ പ്രേക്ഷകർക്ക് നാടകം കാണുന്നതിനുപരിയായി അത് അനുഭവമാക്കി മാറ്റി .അതാണ്‌ കലാനിലയത്തിന്റെ വിജയവും. സിനിമയിൽ സിനിമസ്കോപ്പ് വരുന്നതിനുമുമ്പ് നാടകവേദിയിൽ ഡ്രാമസ്കോപ് കൊണ്ടുവന്ന്‌ വിസ്മയങ്ങളുടെ കെട്ട് തുറന്ന് വിട്ട മഹാപ്രതിഭയാണ് കൃഷ്ണൻ നായർ.

കലാനിലയം കൃഷ്ണൻ നായരുടെ നാടക പ്രവർത്തനങ്ങൾക്ക് 90 വയസ്സ് പൂർത്തിയാകുന്ന, കലാനിലയം സ്ഥിരം നാടകവേദി ഷഷ്ഠിപൂർത്തി ആഘോഷിക്കുന്ന രക്തരക്ഷസ്, സുവർണജൂബിലി കൊണ്ടാടുന്ന 2023 ൽ ഉള്ളടക്കത്തിലും അവതരണത്തിലും ഒട്ടേറെ പുതുമകളുമായി രക്തരക്ഷസ് അണിയറയിലൊരുങ്ങുന്നു.
ദൃശ്യ വിസ്മയങ്ങളുമായി
2024 ൽ കലാനിലയത്തിന്റെ
അതിവിശാലമായ ഓഡിറ്റോറിയത്തിൽ മനുഷ്യമനസ്സുകളിൽ മായാതെ നിൽക്കുന്ന "സൽകലാ ദേവിതൻ ചിത്രഗോപുരങ്ങളെ "
എന്ന അവതരണ ഗാനത്തോടെ മാന്ത്രിക തൂണുകൾ ഇരുവശത്തേക്കും മാറി വേദിയിലെ അത്ഭുതങ്ങളുടെ മായക്കാ ഴ്ചകളിലേക്ക് പ്രേക്ഷകരെ
കൊണ്ടുപോകും
ടീം കലാനിലയം

ജോർജ് സാറിന്
ആദരവോടെ വിട 🙏🌹
(കലാനിലയം കൃഷ്ണൻ നായർ ഫൌണ്ടേഷൻ സംഘടിപ്പിച്ച
Script writing workshop വേളയിലെ ചിത്രങ്ങൾ )

എല്ലാ കേരളീയർക്കും
കലാനിലയത്തിന്റെ
ഓണാശംസകൾ

നാടകം : രക്തരക്ഷസ്സ്
ശശികലേ ശ്രീകലേ... ശിശിര സന്ധ്യതൻ വനികയിലാരേ.....
ഗാനരംഗം

അന്നും
ഇന്നും
എന്നും
വിസ്മയം
കലാനിലയത്തിന്റെ
" രക്തരക്ഷസ്സ് "