Auro Heights-2 Cultural Events

યા દેવી સર્વભૂતેષુ બ્રહ્મચારિણી રૂપેણ સંસ્થિતા |
નમસ્તસ્યૈ નમસ્તસ્યૈ નમસ્તસ્યૈ નમો નમઃ ||

વન્દે વાગ્છિતલાભાય ચન્દ્રાર્ધ કૃત શેખરામ્ |
વૃષારૂઢાં શૂલધરાં બ્રહ્મચારિણી રૂપેણ યશસ્વિનીમ્ ||

નવરાત્રિનાં બીજા દિવસે નવદુર્ગાનું ‘‘બ્રહ્મચારિણી’’ રૂપની પૂજા-આરાધના ઔરોં હાઈટ્સ-૨ ના તમામ રહેવાસી ભક્તો દ્વારા ભક્તિભાવ તેમજ હર્ષોઉલ્લાસ થી કરવા માં આવી. બ્રહ્મનો અર્થ થાય છે તપસ્યા અને ચારિણીનો અર્થ છે આચરણ કરનારી. આમ બ્રહ્મચારિણી અર્થાત તપનું આચરણ કરનારી માતા. જેના જમણા હાથમાં જપ કરવાની માળા તેમ જ ડાબા હાથમાં કમંડળ રહેલું હોય છે.

શાસ્ત્રોના જણાંવ્યા મુજબ મા દુર્ગાનું આ બીજું સ્વરૂપ ભક્તો અને સાધકોને અનંત ફળ આપનારું છે. તેમની ઉપાસનાથી સાધકમાં તપ ત્યાગ વૈરાગ્ય સદાચાર અને સંયમની વૃદ્ધિ થાય છે અને જીવનનાં કપરા સંઘર્ષકાળ દરમ્યાન પણ તેમનું મન કર્ત્યવ્ય પથ પરથી વિચલિત થતું નથી. માતાજીની કૃપાથી તેને સર્વ સિદ્ધિ અને વિજય પ્રાપ્ત થાય છે.
આ દિવસે સાધકનું મન ‘સ્વાધિષ્ઠાન’ ચક્રમાં સ્થિત હોય છે. આ ચક્રમાં રહેલા મનવાળો યોગી મા બ્રહ્મચારિણીની કૃપા અને ભક્તિ પ્રાપ્ત કરે છે.આ દિવસે એવી કન્યાઓનું પૂજન કરવામાં આવે છે કે જેમનો વિવાહ થઈ ગયો હોય પરંતુ લગ્ન થયાં ના હોય. તેમને પોતાના ઘરે આમંત્રિત તેમનું પૂજન કરી તેમને ભોજન જમાડવામાં આવે છે અને ભોજનને અંતે વસ્ત્ર વાસણ વગેરેનું દાન અને દક્ષિણા આપી તેમને વિદાય કરવામાં આવે છે. જગદંબાની ઉપાસના કરનાર સાધકનું મનવાંચ્છુક ફળની પ્રાપ્તિ થાય છે અને માતાજીની કૃપા સાધક અને તેના પરીવાર પર અવિરત બની રહે છે.

યા દેવી સર્વભૂતેષુ શૈલપુત્રીરૃપેણ સંસ્થિતા |
નમસ્તસ્યૈ નમસ્તસ્યૈ નમસ્તસ્યૈ નમો નમઃ ||

વન્દે વાગ્છિતલાભાય ચન્દ્રાર્ધ કૃત શેખરામ્ |
વૃષારૂઢાં શૂલધરાં શૈલપુત્રી યશસ્વિનીમ્ ||

નવરાત્રિનાં પ્રથમ દિવસે નવદુર્ગાનું ‘‘શૈલ પુત્રી’’ રૂપની પૂજા-આરાધના ઔરોં હાઈટ્સ-૨ ના તમામ રહેવાસી ભક્તો દ્વારા ભક્તિભાવ તેમજ હર્ષોઉલ્લાસ થી કરવા માં આવી. શૈલ એટલે પર્વત. અને આ પર્વત પુત્રી એટલેમા દુર્ગાનું પ્રથમ રૂપ‘‘શૈલપુત્રી’’જે પાર્વતી તેમજ હેમવતી રૂપે પણ પ્રસિદ્ધ છે.

માર્કંડેયપુરાણમાં આ હિમાલય પુત્રી શૈલપુત્રીને પ્રથમ સ્થાન આપ્યું છે. હિમાલયની જેમ સૌથી ઊંચાઈએ આપણા શરીરમાં આવેલા મનની જ્યોતિ ચંદ્રમાની શીતળતા છે. તેવા આપણા મનમાં સાત્વિક વિચાર આવે અને તે પ્રાપ્ત કરાવી દે તેવી શૈલપુત્રી છે.પર્વતરાજ હિમાલયને ત્યાં પુત્રી રૂપે અવતરીત મા શૈલપુત્રી, વૃષભ પર બિરાજીત છે જેના જમણાં હાથમાં ત્રિશૂળ અને ડાબા હાથમાં કમળનું પુષ્પ શોભાયમાન છે. આ નવદુર્ગાઓની પ્રથમ નવદુર્ગા છે

Get ready to dance to the beats and sway to the rhythm! Join us for a spectacular Garba Night filled with music, laughter, and joy. Save the date and be part of an unforgettable celebration!