عيادة د. أحمد ماجد موسى

وقفة إجلال وتحية امتنانٍ كثيرٍ للمعلمين في يومهم

شكراً لما بذلتموه وتبذلونه في تربية وتعليم الأجيال 🙏

مساء الخير ..

الطبقة الدهنية اللي تصير على وجه لبن الزبادي خلي الطفل ياكلها 😋

لا تشيليها ✋

✅ جداً مفيدة .. احنه أصلاً نريد الألبان تكون كاملة الدسم للطفل 💪

⭕️ الدهون جداً مهمة .. بالتحديد للجهاز العصبي وخصوصاً أول سنتين من العمر

اللي تگول دسمة وتنام على معدته اخليها تنضم للشلة ونسميها (أم الگشوة)

وقد أُعذر من أنذر 🔥

د. أحمد ماجد موسى
أخصائي (دكتوراه) بطب الاطفال

مساء الخير ❤️

#اربع اشياء .. اي وحدة منهم تضيفيها للبن الزبادي تخليه يكون أفضل مكمل غذائي طبيعي 💯

1️⃣ ملعقة صغيرة من السمسم المحمص🍚

تحمصيه شوية بالطاوة وتضيفيه للبن وتخلطيه

2️⃣ ملعقة مكسرات مطحونة 🥜 🌰

جوز أو لوز أو فستق مطحون هم تحمصيه وتضيفيه

3️⃣ قطعة فواكه 🍓🍌

مثل فراولة أو موز .. تقطعيها وتضيفيها للبن وتهرسيها

4️⃣ زيت الزيتون 🫒

ملعقة صغيرة زيت زيتون بكر تخلطيها ويه اللبن

روحي سويهن يا دوب تلحگين تخليه ينشنش 😐

د. أحمد ماجد موسى
أخصائي (دكتوراه) بطب الاطفال

⭕️ خل أگلج شغلة .. و ادري بيها شغلة مضوجتج 👇

احساس طبيعي انه تحسين بالتقصير بحق الأطفال أو البيت أو حتى بحق نفسج 🙁

كملي انتي أم رائعة ودتسوين اللي عليج

وليذهبن المسمومات اللي يسمعنج حچي الى الجحـ..ـيم ✋

مساء الخير 🌺

هوايه امهات شايفات هذا المنظر عند اطفالهم 😰

⛔️ دكتور .. ناس يگولولي بهاق ناس يگولولي فطريات .. شسوي هسه⁉️

هاي الحالة اسمها Pityriasis Alba

✅ سببها غير معروف .. علاقتها بالديدان 🪱 مجرد اسطورة 🤫

✅ يُعتقد انها تندرج تحت عائلة الاكزيما

✅ تكون بقع بيضاء فاتحة وحوافها مو واضحة .. بخلاف البهاق اللي تكون حواف البقع حادة ومميزة عن الجلد الطبيعي المجاور
واحياناً يكون فوقها قشر كلش خفيف

✅ مكانها بالوجه .. مرات بالرقبة او بالاطراف

✅ عادةً ما تسبب حكة

✅ تكون بارزة بأصحاب البشرة السمراء

⚠️ اكو شي يخوف ⁉️

لا .. اصلا اهمليها .. تاخذ وقت عدة شهور وبعدين تختفي

اكو مصادر تنصح فقط بكريمات مرطبة لان جفاف الجلد يزيدها اضافة للابتعاد عن اشعة الشمس 🌞

المنشور هو كمعلومة مفيدة فقط .. لان اكيد الطبيب هو اللي يقيم النقاط المذكورة اعلاه ويقرر نوع هاي البقع

اسمعيني زين .. ارجع اكول مالها علاقة بالديدان والله 😃

د. أحمد ماجد موسى
أخصائي (دكتوراه) بطب الاطفال

شوفن داگلچن …

⚠️ اي وحدة تجيني جايبة ابنها وتكول انطيه للطفل (بيبي كال) او (مي غريب)

اتحفظ عليها لحدما مجلس الأمن الدولي يبت بموضوعها

وقد أعذر من أنذر 🔥

د. أحمد ماجد موسى
أخصائي (دكتوراه) بطب الاطفال

مساء الخير 😃

بعض حديثي الولادة اهلهم يجيبوهم وخايفين لان يكولون شافوا بالحفاظة دم ويه الادرار !! 🩸😮

هاي الحالة عادةً تصير بأول يومين الى ثلاثة أيام بعد الولادة وهي سبب شائع لخوف الأهل على طفلهم لان المنظر اكيد مخيف بالنسبة الهم 😰

طبعا هاي المادة اللي يشوفوها هي مو دم وانما كرستالات اليوريت urate crystals
عادةً يكون لونها نوعاً ما يختلف عن الدم ، يعني مو احمر وانما يميل للبرتقالي 🟠

تصير هاي الحالة لمن يكون الادرار مركّز بالاطفال اللي همه على رضاعة طبيعية

شنو الربط ⁉️

انتبهيلي 🧐

أول أيام يتكون الـ(اللبأ) اللي هو أول حليب ينزل من ث*ي الأم ويكون أشبه بالصمغ .. معناه شنو ؟؟ معناه يكون كلش ثخين ومركّز
وبعدين بمرور الوقت راح يبدي يزيد انتاج الحليب اللي هو يكون قوامه أخف وبي نسبة من الماء💧
فبالتالي يزيد الادرار عند الطفل ويبدي يتخفف ويختفي هذا اللون تقريباً باليوم الثالث او الرابع من العمر ويتحول للونه الطبيعي والمتعارف

⭕️ الحالة ما تخوف ولازم يتطمنون الاهل انه هذا مو دم وماكو شي مؤذي لصحة الطفل 🥳

د. أحمد ماجد موسى
أخصائي (دكتوراه) بطب الأطفال

#مدارس
لمن صارلج ساعة تدرّسين بي

وبعدين يگلج شنو احط فوق الحرف ⁉️

انتي :

المكسرات الصحاح 🥜 ممنووووعة قبل عمر #اربع سنوات ❌

عاجبج تنطيه .. اطحنيها زين 👍

شگد ما تتصورين الطفل مسيطر ومتعود ويعرف ياكلها فهو ممكن بأي لحظة يغص ويختنق بيها 😨

دخيلكم انتبهوا مو مال كـ..ـوارث 😥

د. أحمد ماجد موسى
أخصائي (دكتوراه) بطب الاطفال

باچر يرجع دوام المدارس .. شلونها معنوياتج⁉️

مرحبا …

✅ عادةً بقايا الحبل السري تجف وتسقط خلال أول #اسبوعين من عمر الطفل

⚠️ اذا تأخر هذا الشي وعبر #الشهر وما وگعت سرة الطفل فـ #ضروري مراجعة الطبيب ✋

بالمناسبة وين شمرتي سرة جهالج 😁

د. أحمد ماجد موسى
أخصائي (دكتوراه) بطب الاطفال

البارحة اجتني مراجعة .. وفاجأتني حقيقةً بسؤال .. بالأحرى فرحت بسؤالها ..
ابنها عمره ٩ أشهر ..

سؤالها كان :

دكتور بهذا العمر شنو المهارات اللي المفروض يسويها⁉️

لأن بصراحة قليل يسألون هيج سؤال من يراجعون للعيادة ..

بالهن بس يم النشنشة 😑

شكلي من سمعت سؤالها 👇👇

صباح الخير ☀️❤️

احب اشكر الخمس ست أمهات الفرفوشات اللي يتابعن الصفحة ويتفاعلن ويه المنشورات ❤️

أما الباقيات .. مغص و لجة وتسنين ونحوسية طول الليل 😐

كل شگد تبدلين الممة مال الطفل 🍼⁉️

المفروض الممة البلاستك تتبدل تقريباً كل

الممة الزجاجية تتحمل شوية فترة أطول 👍

يعني الله عليكم شسوي لوحدة ممة بنتها من گدما قديمة بعدلها شوية ويطلع منها نمل فارسي 🐜 😐

د. أحمد ماجد موسى
أخصائي (دكتوراه) بطب الاطفال

مساء الخير ❤️
لمن تشوفين البيبي يحط أصابعه بفمه .. اكيد راح تنطيه رضاعة مو ‼️

خل اگلج شي .. مو دائما هاي الحركة معناها البيبي جوعان 😋

بعد عمر .. البيبي يتعلم يخلي ايده بحلگه لفترة طويلة .. بينما اول اشهر يحطها بحلگه لحظات فقط ويوخرها لان ماعنده القوة يستمر

✅ فمثل ما گتلج بهذا العمر ابتدأ يتعلم يخليها بالفم لأن اكتشف عنده ايد واصابع 😧‼️

✅ فهاي تعتبر حالة استكشاف بالنسبة اله .. وبالمناسبة هاي واحدة من علامات التطور الذهني والحركي 📉

✅ وايضاً يسوي هاي الحركة لان يعتبرها وسيلة للعب ويلهي نفسه بيها 😃

فرباط السالفة .. كافي تزقين بي بسبب وبدون سبب 🚫

اويلي عالنشنشة 😩

د. أحمد ماجد موسى
أخصائي (دكتوراه) بطب الاطفال

حلم كل أم عراقية 💭😍

نشنشة ‼️

الطفل صارله هوايه يگح .. وبالگوه راحت الگحة ..

وره كم يوم هم رجعت الگحة 😫

مو معناها تشبعيه مضادات حيوية .. سفكس وازثرو ‼️

هاي معناها الطفل عنده 😷

بالتالي خل يفحصه الطبيب لان يحتاج علاج بجهاز البخاخ 💨

⚠️ وماكو شي اسمه البخاخ مو زين ويتعود عليه .. انسوا هالمفهوم رجاءً 😤

ولمن الرشح ما يتوقف .. ودائما خشمه يجري ويطول اكثر من اسبوعين 😪

هاي معناها الطفل عنده

وايضاً يحتاج علاج خاص وادوية وقائية ✋

⭕️ اتركوا الاجتهادات وخلوا الطبيب يشوف شغله ويساعدكم ويوجهكم حول الأسباب وكل الاحتمالات وكل طرق الوقاية 👍

عاد كون تگعد وتسكت اللي ببالي 😑

د. أحمد ماجد موسى
أخصائي (دكتوراه) بطب الاطفال

لبس الجواريب اثناء النوم مفيد جداً بهذا الجو ويدفي الطفل 🧦

الجواريب ما تسبب ضرر للعين ولا للنظر 👀

مدري منين يجيبن هالسوالف 😒

المتزوجة لمن تروح يم بيت أهلها يومين 🫤

حبابات 🙏

عوفن الچاي ☕️

والچاي حليب🧋

والببسي 🥤

همه ناقصين فقر دم وعظام مسكربة 😐

يعني خلص الغذاء وبقن بس ذني تقدميهن للطفل ⁉️

ادري فاتحة گهوة انتي ‼️

مساء الخير …

جداً افرح من اشوف اكو أمهات رغم بساطتهن ويمكن اكو بيهن ما مكملات تعليم واكو حتى اعمارهن صغيرة وماعندهن تجربة الأمومة .. ومع هذا جداً مرتبات وحريصات وما مقصرات بقدر ذرة بحق اطفالهن وبيوتهن ❤️

حتى من تسألها اي سؤال تجاوبك بطريقة وافية وكلشي محضرته وعندها معلومة عنه .. بحيث جداً تساعدك وتسهل عليك تقييم حالة الطفل ✅

هاي النوعية من الأمهات اتمنى لو بيدي اعوف كلشي وابقى ويه طفلها واساعدها لحظة بلحظة لحدما يصير زين 🙏

الله يعينهن ويقويهن هن وكل الأمهات .. أجركن عظيم 💕

على صعيد متصل .. اخويه قلل چاياتك تره اللي بيها مكفيها 😃

د. أحمد ماجد موسى
أخصائي (دكتوراه) بطب الاطفال

لمن ابو الجهال يكلج راح اطلع و آخذ الجهال ويايه ويمكن نتأخر شوية .. محتاجة شي ؟

لا سلامتكم .. 😃

مساء الخير 😃

شوفي عيني ..

لمن يكون ابنج مرتاح على نوعية معينة من الحليب ..

مو معناها تنصحين بنفس الحليب اي وحدة تشوفيها ابنها عنده مشاكل بالامعاء‼️

وهاي سالفة (عن تجربة) عوفنها 😐

✅ كل طفل جسمه يتقبل نوع معين من الحليب .. وكل حالة اضطراب بالأمعاء الها نوع خاص

لو بيدي ما أخلي النسوان يجتمعن ويسولفن 🤦🏻

اول متبدين تعلمين الطفل على الاكل 🍽

شي طبيعي جداً يدفع الاكل بلسانه خارج الفم 😛

هاي الحركة مو معناها ميريد ياكل .. وانما ميعرف يتعامل ويه الاكل داخل الفم لان شغلة جديدة عليه 🤔

بس شوية اصبريله وراح يتعود 👍

⭕️ رأي الحجية : لا يمه هاي لو عرامة لو بخت مايل ‼️

د. أحمد ماجد موسى
أخصائي (دكتوراه) بطب الاطفال

اكو كم شغلة تكدرين تستعمليها ممكن تزيد وزن الطفل وتخليه شوية ينشنش 😃

✅ السمسم والمكسرات 🥜

تحمصيهم بالطاوة على النار وتطحنيهم وينحفظون بشيشة وتضاف ملعقة صغيرة على وجبات الطفل

✅ الزبيب والتمر 🍇

يقطع ويهرس ويضاف حسب الرغبة على أطعمة الطفل خصوصاً صباحاً

✅ زيت الزيتون وزيت جوز الهند 🫒🥥

يضاف ملعقة صغيرة على اكل الطفل

طبعاً كل ذني مسموحات اول ما يكمل الطفل عمر 👌

⭕️ حجية دخيلج يعني مو دبس وتشريب كسور وباچة ‼️

خوش حجية ⁉️ عفية بالحجية 🙂

د. أحمد ماجد موسى
أخصائي (دكتوراه) بطب الاطفال

تفكير الأمهات :

اني اذا عندي طلعة .. ما ارتاح اذا ما انظف المطبخ قبل ما اطلع من البيت

فرضاً متـ.ـت بره .. حتى يگولون الله يرحمها جانت نظيفة ‼️😐

أفضل وقت لثقب اذن الطفلة يكون عالاقل عالاقل عمرها #شهرين

بمعنى ماخذة جرعة من لقاح الكزاز 👍

✅ والافضل تثقبوها بعدما تاخذ الجرعة الثانية .. يعني 🤚

🚫 ممنووووع قبل هذا .. لان اكو خطورة ⚠️

قبل يومين مراجعة بنتها كلش صغيرة اسألها شوكت ثقبتي اذن بنتج ⁉️

كالت اول ما انولدت علمود اقهر عيالي‼️

تفضل .. ديله بالله …

يعني اشكال اكو قطرات مفيدة وآمنة للغازات والمغص

تنطيه سباستال لييييش ⁉️⁉️

عاجبج دماغه يصير بي شي 😵‍💫

لو اهم شي عندج ينام وخلص 😡