ពុទ្ធិកអនុវិទ្យាល័យពួក

ថ្ងៃព្រហស្បតិ៍ ១៥ កើត ខែពិសាខ ឆ្នាំថោះ
បញ្ចស័ក ពុទ្ធសករាជ ២៥៦៦​ ត្រូវនឹងថ្ងៃទី៤ ខែឧសភា ឆ្នាំ២០២៣
💠ថ្ងៃ​នេះ ជាថ្ងៃសីល និងពេញបូណ៌មី🙏🙏🙏
💠សូម​អនុមោទនា​បុណ្យ​វិសាខ​បូជា 🙏🙏🙏
ពិធីបុណ្យពិសាខបូជា គឺជាពិធីបុណ្យដ៏ធំមួយ ក្នុងចំណោមពិធីបុណ្យ ព្រះពុទ្ធសាសនាដទៃទៀត ដូចជាបុណ្យមាឃបូជា ជាដើម។ បុណ្យនេះ ត្រូវប្រារព្ធឡើងចំថ្ងៃ១៥ កើត ខែពិសាខជារៀងរាល់ឆ្នាំ ហើយសម្រាប់នៅឆ្នាំនេះ បុណ្យពិសាខបូជា ត្រូវប្រារព្ធឡើងចំថ្ងៃព្រហស្បតិ៍ ទី០៤ ខែឧសភា ឆ្នាំ២០២៣ ។
ការប្រារព្ធពិធីបុណ្យពិសាខបូជាត្រូវបានពុទ្ធសាសនិក ទាំងគ្រហស្ថ ទាំងបព្វជិត ប្រារព្ធធ្វើនៅថ្ងៃ១៥ កើត ខែពិសាខ ជារៀងរាល់ឆ្នាំ ព្រោះជាថ្ងៃខែមហាមង្គល ដែលមានប្រវត្តិទាក់ទងនឹងរឿងខាងក្រោម៖
១.កាលដែលព្រះពុទ្ធទ្រង់ប្រសូត នៅក្នុងសួនឧទ្យានលុម្ពិនីក្រោមដើម សាលព្រឹក្ស នៅថ្ងៃសុក្រ ១៥កើត ពេញបូរមីខែពិសាខ ក្នុងឆ្នាំច មុនពុទ្ធសករាជ៨០ ឆ្នាំ ។
២.ក្រោយពីព្រះពុទ្ធជាម្ចាស់ ទ្រង់សាងព្រះផ្នួស ហើយធ្វើទុក្ករកិរិយាអស់ ៦ ឆ្នាំ ទ្រង់បានត្រាស់ដឹង នូវសម្មាសម្ពោធិញ្ញាណ ក្រោមដើមពោធិព្រឹក្ស ក្បែរស្ទឹងនេរញ្ជរា នៅថ្ងៃពុធ ១៥ កើត ខែពិសាខ ក្នុងឆ្នាំរកា មុនពុទ្ធសករាជ ៤៥ ឆ្នាំ ។
៣. ព្រះពុទ្ធទ្រង់ចូលបរិព្វាន ក្រោមសាលព្រឹក្សទាំងគូ ដោយ អនុបាទិសេសនិព្វានក្នុងនគរកុសិនារា ។
ដោយហេតុដ៏អស្ចារ្យទាំង៣ខាងលើនេះ សុទ្ធតែចំថ្ងៃ១៥ កើត ពេញបូរមី ខែពិសាខ នេះហើយ (ថ្ងៃប្រសូត ថ្ងៃត្រាស់ដឹង និងថ្ងៃចូលបរិនិព្វាន) ទើបពុទ្ធបរិស័ទនាំគ្នាប្រារព្ធ ពិធីបុណ្យពិសាខបូជានេះឡើង។ តាមទំនៀមទម្លាប់ ពិធីបុណ្យពិសាខបូជា ប្រព្រឹត្តិទៅនៅវេលាយប់ក្នុងវត្ត។ ដូចនេះហើយបាន ជាគេឃើញនៅគ្រប់វត្តអារាម មានអុចគ្រឿង ប្រទីបជ្វាលាបូជា ភ្លឺព្រោងព្រាត ហើយមហាជនប្រុសស្រី ក្មេងចាស់ ប្រកបដោយគ្រឿងសក្ការៈ បូជាមាន ផ្កាភ្ញី ទៀន ធូបជាដើម ទៅប្រជុំ គ្នាយ៉ាងអធឹកអធម្ម។ នៅយប់នោះរហូតដល់ភ្លឺ គេនាំគ្នាស្តាប់ទេសនា ឬសូត្រធម៌បទ អំពីពុទ្