Association For The Deaf

🌼💦ສະບາຍດີປີໃຫມ່ລາວ ພສ 2567💦🌼
ໃນວາລະດີ ທີ່ຂື້ນປີໃຫມ່ ພສ 2567 ສະມາຄົມຄົນຫູໜວກ ຂໍອວຍພອນໄຊອັນປະເສີດແດ່ຜູ້ນຳພັກ-ລັດ ປະຊາຊົນລາວບັນດາເຜົ່າ ຈົ່ງມີແຕ່ຄວາມສຸກ ມີພາລະນາໄມທີ່ແຂງແຮງສົມບູນ,ປະສົບຜົນສຳເລັດໃນທຸກໆດ້ານ.

ກອງປະຊຸມສະຫຼຸບລາຍງານການຈັດຕັ້ງປະຕິບັດ ກ່ຽວກັບ ໂຄງການ ສ້າງຄວາມເຂັ້ມແຂງການສື່ສານພາສາມືຂັ້ນຊຸມຊົນ ແຂວງ ຫຼວງພະບາງ ແລະ ແຂວງຫົວພັນ
ພິທີດັ່ງກ່າວໄດ້ຈັດຂື້ນໃນວັນທີ 27 ມີນາ 2024 ຢູ່ທີ່ເຮືອນພັກ ເກດນະພາ ເມືອງວຽງໄຊ ແຂວງ ຫົວພັນ

ລະຫວ່າງ, ກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ ແລະ ສະມາຄົມຄົນຫູຫນວກ. ເຊິ່ງເປັນປະທານໂດຍ ທ່ານ ສຸລິວົງ ຫຼ້າໜໍ່ສະຫວັນ, ຮອງຫົວໜ້າກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ, ທ່ານ ແປ້ນ ໄຊຍະທຳ ຮອງຫົວໜ້າພະແນກ ຮສສ ແຂວງ ຫົວພັນ, ທ່ານ ສົມບູມ ພົມມະປັນຍາ ຮອງຫົວໜ້າພະແນກ ຮສສ ແຂວງຫລວງພະບາງ ແລະ ທ່ານ ໄພວັນ ວົງນາລາດ ຮອງປະທານສະມາຄົມຄົນຫູໜວກ. ນອກຈາກນັ້ນ ຍັງມີຕາງຫນ້າຈາກ ພະແນກພາຍໃນ, ຫ້ອງການນະຄອນຫຼວງ, ພະແນກການຕ່າງປະເທດ ຈາກນະຄອນຫຼວງວຽງຈັນ, ຫລວງພະບາງ ແລະ ແຂວງຫົວພັນ ເຂົ້າຮ່ວມເປັນສັກຂີພະຍານ. ວາລະ ສຳຄັນຫລັກ ຂອງກອງປະຊຸມຄື:

1.ອ່ານຂໍ້ຕົກລົງຮັບເອົາໂຄງການ ຈາກກະຊວງການຕ່າງປະເທດ
2. ປະທານມີຄຳເຫັນ
3.ນຳສະເຫນີເນື້ອໃນ ແລະ ແຜນຈັດຕັ້ງປະຕິບັດໂຄງການ ພ້ອມດ້ວຍ ການລົງນາມເຊັນບົດບັນທຶກ MOU

ສະໜັບສະໜູນໂດຍ: ອົງການ Voice

ຍີນດີກັນຄົນພິກການທີ່ສາມາດເສັງໃບຂັບຂີ່ໄດ້ແລ້ວ!

ກອງປະຊຸມກ່ຽວກັບ ການສົ່ງເສີມສິດທິພາສາມື ການ​ສ້າງ​ຄວາມ​ເຂັ້ມ​ແຂງ​ ແລະ ​ຜົນ​ກະ​ທົບ​ການ​ປະ​ເມີນ​ຜົນ​ “ການພັດທະນາ​ສິດ​ທິ​ພາ​ສາ​ມື” ​ໄດ້​ຈັດ​ຂຶ້ນ​​ໃນ​ວັນ​ທີ 27 ກຸມພາ​ ຫາ​ ວັນທີ 1 ມີນາ 2024 ຢູ່​ບາງກອກ, ປະ​ເທດ​ໄທ.

🌏ໂດຍ​ເປັນປະທານກອງປະຊຸມ ທ່ານ Dr. Joseph J.Murray ປະທານ ສະຫະພັນຄົນຫູໜວກໂລກ (WFD), ທ່ານນາງ Susana Stiglich ໜ້າທີ່ສິດທິພາສາມື ເປຣູ ສະຫະພັນຄົນຫູໜວກໂລກ (WFD) ແລະ ທ່ານນາງ Ikumi Kawamata ພະແນກບັນຫາລະດັບທົ່ວໂລກ ມູນນິທິ The Nippon Foundation ພ້ອມນັ້ນຍັງມີ ສະມາຄົມຄົນຫູໜວກ ຈາກປະເທດຕ່າງໆ 6 ປະເທດເຊັ່ນ:
🇸🇬 ສະມາຄົມຄົນຫູໜວກ ປະເທດສິງກະໂປ (SADEAF)
🇹🇭 ສະມາຄົມຄົນຫູໜວກ ແຫ່ງຊາດປະເທດໄທ (NADT)
🇲🇨 ສະມາຄົມສະ​ຫວັດ​ດີ​ການ​ຄົນ​ຫູ​ຫນວກ​ ປະເທດອິນ​ໂດ​ເນ​ເຊຍ (IAWD)
🇲🇾 ສະຫະພັນຄົນຫູໜວກ ປະເທດມາເລເຊຍ (MFD)
🇻🇳 ສູນ​ການ​ສຶກ​ສາ​ຈິດ​ໃຈ ແລະ​ ການ​ປະ​ຍຸກ​ສໍາ​ລັບ ​ຄົນ​ຫູ​ຫນວກ ປະເທດຫວຽດນາມ (PARD)

🎯ຈຸດປະສົງໃນກອງປະຊຸມ ແລະ ​​ງານດັ່ງກ່າວໄດ້ສຸມໃສ່ແບ່ງປັນສິ່ງທ້າທາຍ, ຄວາມຄືບໜ້າ, ການປະຕິບັດທີ່ດີທີ່ສຸດ, ແລະ ສົ່ງເສີມການຮ່ວມມື ລະຫວ່າງ ສະມາຄົມຄົນຫູໜວກ ແຫ່ງຊາດ ໃນພາກພື້ນອາຊີຕາເວັນອອກສຽງໃຕ້ ໄປສູ່ການຮັບຮູ້ທາງດ້ານກົດໝາຍຂອງ ພາສາມື ເພຶ່ອຮັບປະກັນສິດທິພາສາມື ເພື່ອສະໜັບສະໜູນ ແລະ ບັນລຸ​ໄດ້​ການ​ຮັບ​ຮູ້​ທາງ ​ກົດໝາຍ​ຂອງ​ພາສາ​ມືຊາດ​ຂອງ​ ລັດຖະບານ​ໃນ​ພາກ​ພື້ນ​ອາຊີ ດັ່ງ​ນັ້ນເພື່ອ​ໃຫ້​ພວກ​ເຮົາ​ສາມາດ​ຮັບປະກັນ​ໂອກາດ​ເທົ່າ​ທຽມ​ກັນ ​ສຳລັບ​ຄົນ​ຫູ​ໜວກ​ທຸກ​ຄົນ​ໃນ​ສັງຄົມ ດັ່ງ​ທີ່​ໄດ້​ລະບຸ​ໄວ້​ໃນ​ມາດຕາ
21(e) ຂອງ UN ສົນທິສັນຍາສາກົນວ່າດ້ວຍສິດທິຂອງຄົນພິການ.

🤝ພາຍຫຼັງໄດ້ເຂົ້າຮ່ວມປະຊຸມແລ້ວທາງ ສະມາຄົມຄົນຫູໜວກ ກໍ່ຈະໄດ້ນຳເອົາຄວາມຮູ້ໄປໃຊ້ ແລະ ພັດທະນາກັບປະເທດຕົນເອງ ເພື່ອຈັດຕັ້ງປະຕິບັດການດຳເດີນການຮັບຮອງພາສາມືລາວຕາມເປົ້າໝາຍ CRPD ຂອງປະເທດລາວ ໃນປີນີ້ຈົນຮອດປີ 2027ຕາມແຜນງານໂຄງການຂອງພວກເຮົາ ແລະ ປະຕິບັດໜ້າທີ່ໃນການເປັນຄູ່ຮ່ວມງານ ແລະ ສະໜັບສະໜູນຢູ່ຄຽງຄູ່ ກັບ ສະຫະພັນຄົນຫູໜວກໂລກ (WFD), ສະຫະພັນຄົນຫູໜວກໂລກ ກອງເລຂາທິການພາກພື້ນອາຊີ (WFDRSA) ແລະ ສະມາຄົມຄົນຫູໜວກປະເທດຕ່າງໆ 6 ປະເທດ.

🙏🏼ຂໍສະແດງຄວາມຂອບໃຈມາຍັງ ມູນນິທິ The Nippon Foundation (日本財団) ແລະ World Federation of the Deaf Ry (WFD) ທີ່ໄດ້ໃຫ້ໂອກາດໃນການຂະຫຍາຍສຽງຂອງ ຊຸມຊົນຄົນຫູໜວກ ປະເທດລາວ ແລະ ໃນພາກພື້ນ.

ງານເປິດຕົວວິດີໂອຮູບເງົາ ເຂົ້າສູ່ການເດີນທາງການເບິ່ງເຫັນໃນມູມມອງຂອງໂລກຄົນຫູໜວກ ແລະ ການສົນທະນາກ່ຽວກັບຄົນຫູໜວກທີ່ມີປະສົບການລົ້ມເຫຼວໃນຊິວິດ
ພິທີດັ່ງກ່າວໄດ້ຈັດຂຶ້ນໃນວັນທີ 14 ທັນວາ 2023 ທີ່ ສະຖາບັນຝຣັ່ງ

ໂດຍ​ເປັນປະທານ ທ່ານ Voice Global, ອົງການThe Constellation, ອົງການVisual, ຜູ້ທີ່ໄດ້ເຂົ້າຮ່ວມມື, ສະມາຊິກຄົນຫູໜວກສະມາຄົມຄົນຫູໜວກ ເຂົ້າຮ່ວມງານເປິດຕົວວິດີໂອຮູບເງົາ ເຂົ້າສູ່ການເດີນທາງການເບິ່ງເຫັນໃນມູມມອງຂອງໂລກຄົນຫູໜວກ ແລະ ການສົນທະນາກ່ຽວກັບຄົນຫູໜວກທີ່ມີປະສົບການລົ້ມເຫຼວໃນຊິວິດ ເພື່ອໃຫ້ສັງຄົມຮັບຮູ້ທົ່ວໄປໃນປະເທດລາວ.

ຂໍຂອບໃຈ ອົງການ Voice Global ປະເທດ ເນເທີແລນ ທີ່ໃຫ້ການສະໜັບສະໝູນສະມາຄົມຄົນຫູໜວກມາໂດຍຕະຫຼອດໆ.

Voice ແລະ Oxfam in Laos ຢາກຂໍເຊີນຊວນ ທຸກທ່ານເຂົ້າຮ່ວມກິດຈະກຳອອນໄລນ໌ ເພື່ອເປັນການສະເຫຼີມສະຫຼອງ ເດືອນແຫ່ງວັນຄົນພິການສາກົນ ດ້ວຍການໂພສວິດີໂອ ສັ້ນ ທີ່ມີເນື້ອຫາກ່ຽວກັບ "ການມີສ່ວນຮ່ວມຂອງຄົນພິການໃນສັງຄົມ" ເພື່ອຮ່ວມຊິງລາງວັນ
ລາງວັນທີ 1 ໄດ້ຮັບເງິນ ຈຳນວນ 1.000.000 LAK
ລາງວັນທີ 2 ໄດ້ຮັບເງິນ ຈຳນວນ 800.000 LAK
ລາງວັນທີ 3 ໄດ້ຮັບເງິນ ຈຳນວນ 600.000 LAK
ໂດຍມີເງື່ອນໄຂດັ່ງນີ້:
- ທຸກຄົນ ທີ່ມີອາຍຸ 15 ປີຂຶ້ນໄປ
- ໂພສ ວິດີໂອຂອງທ່ານທີ່ມີແນວຄວາມຄິດສ້າງສັນ ລົງ Facebook ຄວາມຍາວບໍ່ເກີນ 1.30 ນາທີ
- ມີເນື້ອຫາກ່ຽວກັບ: "ເຈົ້າຈະເຮັດແນວໃດເພື່ອສົ່ງເສີມການມີສ່ວນຮ່ວມຂອງຄົນພິການໃນສັງຄົມໃຫ້ຫຼາຍຂື້ນ?"
- ພ້ອມແທັກຈ໌ Facebook ເພຈຂອງ Voice ແລະ Oxfam in Laos
- ຕາມດ້ວຍ hashtag
• ເລີ່ມ ຕັ້ງແຕ່ວັນທີ 19 ຈົນເຖິງ 25 ທັນວາ 2023
• ປະກາດຜົນຜູ່ໄດ້ຮັບລາງວັນ ໃນວັນທີ 27 ທັນວາ 2023
ມາຮ່ວມກັນເຂົ້າຮ່ວມກິດຈະກຳເພື່ອສ້າງການມີສ່ວນຮ່ວມໃຫ້ກັບທຸກຄົນໃນສັງຄົມນຳກັນເດີ້!
Voice and Oxfam in Laos would like to invite you to join the online campaign in order to celebrate the International Day of People with Disabilities by posting a short video with a content about "The inclusiveness for people with disabilities " to win the prize
1st Prize: 1.000.000 LAK
2nd Prize: 800.000 LAK
3rd Prize: 600.000 LAK
Criteria:
- Age: 15 - Up
- Post your video with creative ideas on Facebook, no longer than 1.30 minutes
- Content on: "How will you do to promote the inclusiveness for people with disabilities in society?"
- Then tag the page of Voice and Oxfam in Laos
- Write the hashtag
• Start from 19-25 December 2023
• The winners announcement will be on 27 December 2023
Let's come together to participate in activities to raise the inclusiveness for everyone in society!

ງານສະເຫຼີມສະຫຼອງວັນຄົນພິການ 2023 Celebrating the International Day of Persons with Disabilities 2023
ໃນວັນທີ16 ທັນວາ 2023

ທິມອົງການHI ກັບ ທິມສະມາຄົມຄົນຫູໜວກ(AFD) ເດີ່ນເຕະບານສະມັກຄີ🤝

ພວກເຮົາເປັນສະມາຊິກ (AFD) ຂໍຂອບໃຈ ອົງການHI ສົ່ງເສີມເສື້ອກິລາ20ຜືນໃຫ້ແກ່ສະມາຊິກຈາກສະມາຄົມຄົນຫູໜວກ.
ສະຖານທີ່ ພາກຊັນ

ຂ່າວດີບອກຕໍ່📌
👉ຄົນທີ່ມີຄວາມພິການ ມີສິດເຂົ້າຮຽນຂັບລົດ ແລະ ສອບເສັງເອົາໃບຂັບຂີ່ ຕາມສະພາບຕົວຈິງຂອງແຕ່ລະຄົນ
ມາຮ່ວມຍິນດີນຳກັນຫຼາຍໆເດີ!😊

👉 ຂໍຮຽນເຊີນຊວນທຸກທ່ານມາຮ່ວມເບິ່ງງານການເປິດຕົວວີດີໂອຂອງຄົນຫູໜວກ.
ຮັບຮອງວ່າຖ້າທຸກທ່ານໄດ້ມາແລ້ວຈະໄດ້ທ່ອງທ່ຽວໂລກກວ້າງກັບການເບິ່ງ ແລະ ຮັບຟັງນຳພວກເຮົາແນ່ນອນ.

👉 ເວທີສຳຫຼັບຄົນຫູໜວກທີ່ມີປະສົບການລົ້ມເຫຼວໃນຊີວິດ

👉 ພ້ອມການຮຽນຮູ້ພາສາມືຂັ້ນພື້ນຖານ
👉 ແຈກຢາຍກາເຟ ຊາ ເຂົ້າໜົມ (ເຮັດດ້ວຍຄົນຫູໜວກຈາກ ຮ້ານກາເຟ ມິນນະໂນະ ຫຼັກ5)

📍ທີ່ສະຖາບັນຝຣັ່ງ
https://maps.app.goo.gl/3VxC8h8m7tVqa3EK8

🗓️ງານເລີ່ມວັນທີ 14/12/2023
🕰️ເວລາ 17:30 -19:30 ໂມງ
👌🏼ຂໍຮຽນເຊີນທຸກທ່ານ ເຂົ້າຮ່ວມຟຣີ!
💻ເຂົ້າຮ່ວມທາງອອນລາຍໄດ້ທີ່zoom

ຢ່າລືມມາພົບກັນເດີທຸກຄົນ ຂໍຂອບໃຈ🙏

🙏ຂໍຂອບໃຈ ບໍລິສັດຮຸ່ງອາລຸນເທັກໂນໂລຢີ ທີ່ໄດ້ສ້າງເວັບໄຊໃນການເຂົ້າເຖິງຂໍ້ມູນຂ່າວສານໃຫ້ແກ່ສະມາຄົມຄົນຫູໜວກ ພາຍໃນໄລຍະ3ເດືອນ ຈົນຮອດປະຈຸບັນໄດ້ສຳເລັດແລ້ວ 👏
ທາງສະມາຄົມຄົນຫູໜວກຂອງພວກເຮົາຂໍຂອບໃຈ ແລະ ຊາບຊຶ້ງເປັນຢ່າງຫຍິ່ງ

👉 ຂໍຮຽນເຊີນຊວນທຸກທ່ານມາຮ່ວມເບິ່ງງານການເປິດຕົວວີດີໂອຂອງຄົນຫູໜວກ.
ຮັບຮອງວ່າຖ້າທຸກທ່ານໄດ້ມາແລ້ວຈະໄດ້ທ່ອງທ່ຽວໂລກກວ້າງກັບການເບິ່ງ ແລະ ຮັບຟັງນຳພວກເຮົາແນ່ນອນ.

👉 ເວທີສຳຫຼັບຄົນຫູໜວກທີ່ມີປະສົບການລົ້ມເຫຼວ
👉 ພ້ອມການຮຽນຮູ້ພາສາມືຂັ້ນພື້ນຖານ
👉 ແຈກຢາຍກາເຟ ຊາ ເຂົ້າໜົມ (ເຮັດດ້ວຍຄົນຫູໜວກຈາກ ຮ້ານກາເຟ ມິນນະໂນະ ຫຼັກ5)

📍ທີ່ສະຖາບັນຝຣັ່ງ
https://maps.app.goo.gl/3VxC8h8m7tVqa3EK8
🗓️ງານເລີ່ມວັນທີ 14/12/2023
🕰️ເວລາ 17:30 -19:30 ໂມງ
👌🏼ຂໍຮຽນເຊີນທຸກທ່ານ ເຂົ້າຮ່ວມຟຣີ!
💻ເຂົ້າຮ່ວມທາງອອນລາຍໄດ້ທີ່zoom

ຢ່າລືມມາພົບກັນເດີທຸກຄົນ ຂໍຂອບໃຈ🙏

ກອງປະຊຸມພິທີເຊັນ ບົດບັນທຶກຄວາມເຂົ້າໃຈ ກ່ຽວກັບໂຄງການສ້າງຄວາມເຂັ້ມແຂງການສື່ສານພາສາມືຂັ້ນຊຸມຊົນ

ພິທີດັ່ງກ່າວໄດ້ຈັດຂື້ນໃນວັນທີ 6 ພະຈິກ 2023 ຢູ່ທີ່ພະແນກແຮງງານ ແລະ ສະຫວັດດີການສັງຄົມ ແຂວງ ຫຼວງພະບາງ

ລະຫວ່າງ, ກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ ແລະ ສະມາຄົມຄົນຫູຫນວກ. ເຊິ່ງເປັນປະທານໂດຍ ທ່ານ ບຸນເຫລື່ອມ ມະນີວົງ, ຄະນະປະຈຳພັກແຂວງ, ຮອງເຈົ້າແຂວງ ແຂວງຫຼວງພະບາງ, ທ່ານ ແສງອາລຸນ ຫລວງລາດ ຮອງຫົວໜ້າກົມນະໂຍບາຍຕໍ່ຜູ້ມີຜົນງານ, ພິການ ແລະ ຜູ້ອາຍຸສູງ ແລະ ທ່ານ ໄພວັນ ວົງນາລາດ ຮອງປະທານສະມາຄົມຄົນຫູໜວກ. ນອກຈາກນັ້ນ ຍັງມີຕາມຫນ້າຈາກ ພະແນກພາຍໃນ, ແຮງການນະຄອນຫຼວງ, ພະແນກການຕ່າງປະເທດ ຈາກນະຄອນຫຼວງ ວຽງຈັນ, ຫລວງພະບາງ ແລະ ແຂວງຫົວພັນ ເຂົ້າຮ່ວມເປັນສັກຂີພີຍານ. ວາລະ ສຳຄັນຫລັກ ຂອງກອງປະຊຸມຄື: 1)
ອ່ານຂໍ້ຕົກລົງຮັບເອົາໂຄງການ ຈາກກະຊວງການຕ່າງປະເທດ, 2) ປະທານມີຄຳເຫັນ ແລະ 3)ນຳສະເຫນີເນື້ອໃນ ແລະ ແຜນຈັດຕັ້ງປະຕິບັດໂຄງການ ພ້ອມດ້ວຍ ການລົງນາມເຊັນບົດບັນທຶກ MOU

ສະໜັບສະໜູນໂດຍ: ອົງການ ວອຍ&Voice