Ranaviru Seva Authority
රණවිරු නාමයට ජාතියේ කෘතගුණ දැක්වීම.
03/02/2024
රණවිරු සේවා අධිකාරියේ නව සභාපති රාජකාරී අරඹයි.
රණවිරු සේවා අධිකාරියේ 10 වන සභාපති ලෙස මේජර් ජෙනරල් නිශාන්ත මානගේ (විශ්‍රාමික) මහතා පත් කර ඇත.
නව සභාපතිතුමන් රණවිරු සේවා අධිකාරියේ සභාපති ධූරයේ වැඩ ඇරඹීම 2024 පෙබරවාරි මස 2 වන සිකුරාදා දිනයේ දී සිදුකරන ලදී.
බෞද්ධ ආගමික වතාවන් වලට මුල්තැන දෙමින් රාජකාරී ඇරඹීමෙන් අනතුරුව සභාපතිතුමන් විසින් සියලු නිලධාරීන් අමතමින් විශේෂ සාකච්ඡාවක් පවත්වනු ලැබීය.
මෙම අවස්ථාව ගෞරවනීය මහා සංඝරත්නය, හිටපු සභාපති මේජර් ජෙනරල් නන්දන සේනාධීර (විශ්‍රාමික), දැනට උපසභාපතිනිය වශයෙන් මෙන්ම සෙනෙහස විශේෂ අධ්‍යාපන හා සම්පත් කේන්ද්‍රයේ ප්‍රධාන අධීක්ෂණ නිලධාරිනිය වශයෙන් කටයුතු කරන සෝනියා කෝට්ටේගොඩ මහත්මිය ඇතුළු විශේෂ ආරාධිතයන්ගේ සහභාගිත්වයෙන් සිදු විය.
03/01/2024
2024 නව වසරේ රාජකාරි කටයුතු ඇරඹෙයි.
රණවිරු සේවා අධිකාරියේ 2024 නව වසර සඳහා රාජකාරි කටයුතු ඇරැඹීම වෙනුවෙන් විශේෂ වැඩසටහනක් 2024 ජනවාරි මස 01 වන සදුදා දින රණවිරු සේවා අධිකාරියේ ප්‍රධාන කාර්යාලයේදී සංවිධානය කරන ලදී.
මෙහිදී රණවිරු සේවා අධිකාරියේ රාජකාරි කරනු ලබන ස්ථිර සහ අනුයුක්ත කාර්ය මණ්ඩලයේ සාමාජික සාමාජිකාවන් පළාත් නියෝජ්‍ය අධ්‍යක්ෂකවරුන් සහ දිස්ත්‍රික් වැඩසටහන් නිලධාරීන්ගේ සහභාගීත්වයෙන් නව වසරේ රාජකාරි කටයුතු ඇරඹීමේ විශේෂ වැඩසටහනක් එහි වැඩබලන සභාපතිනිය සෝනියා කෝට්ටේගොඩ මහත්මියගේ ප්‍රධානත්වයෙන් පවත්වන ලදී.
ජාතික ගීය ගායනා කිරීමෙන් අනතුරුව රණවිරුවන් ඇතුළු දේශයේ ස්වෛරීය භාවය සහ භෞමික අඛණ්ඩතාවය වෙනුවෙන් දිවි කැප කළ සියලු දෙනා සැමරීම සඳහා විනාඩි දෙකක නිශ්ශබ්දතාවයක් පවත්වමින් රාජ්‍ය ප්‍රතිඥාව සහ දිවුරුම් දීම සිදු කිරීම කරන ලදී.
රණවිරු සේවා අධිකාරියේ
වැඩබලන සභාපතිතුමිය විසින් 2024 නව වසර සඳහා රජය විසින් හදුන්වා දී ඇති රාජ්‍ය ප්‍රතිපත්තීන් හා වැඩපිළිවෙළ පිළිබඳ සහ එකී අරමුණු සාක්ෂාත් කර ගැනීම සඳහා රාජ්‍ය සේවකයාගේ දායකත්වය පිළිබඳව ආයතනයේ කාර්ය මණ්ඩල සේවකයන් අභිප්‍රේරණය කරමින් කෙටි දේශනයක් සිදු කරන ලදී.
මෙම අවස්ථාව සඳහා රණවිරු සේවා අධිකාරියේ අධ්‍යක්ෂ, නියෝජ්‍ය අධ්‍යක්ෂවරුන්, ත්‍රිවිධ හමුදාවේ සහ පොලිසියේ නිලධාරීන් ඇතුළු කාර්ය මණ්ඩලයේ මහත්ම මහත්මීන් සම්බන්ධ විය.
15/12/2023
2023 වර්ෂයේ දී රණවිරුවන් 255 දෙනෙකු වෙනුවෙන් ඇස් කණ්නාඩි ලබා දෙයි
රණවිරු සේවා අධිකාරියේ කොළඹ දිස්ත්‍රික්කයේ කැස්බෑව රණවිරු සංසදය නියෝජනය කරන රණවිරුවන් සිව් දෙනෙකුට ඉතා උසස් මට්ටමකින් යුතු ඇස් කණ්නාඩි ලබාදීමේ වැඩසටහනක් රණවිරු සේවා අධිකාරියේ ප්‍රධාන කාර්යාලයේදී 2023 දෙසැම්බර් මස 14 වන බ්‍රහස්පතින්දා දින පැවැත්විය.
රණවිරු සේවා අධිකාරියේ වැඩ බලන සභාපතිනී සෝනියා කෝට්ටේගොඩ මහත්මිය විසින් කැස්බෑව රණවිරු සංසදයේ රණවිරුවන් සිව්දෙනෙකු වෙත සංකේතාත්මකව මෙම උපැස් යුවල් ලබාදීම සිදු කරනු ලැබීය.
රණවිරු සේවා අධිකාරිය මගින් ක්‍රියාත්මක ආබාධිත සහායක උපකරණ ලබාදීමේ ව්‍යාපෘතිය යටතේ 2023 වර්ෂය සඳහා පමණක් දිවයින පුරා විසිරී සිටින ක්‍රියාන්විත හේතූන් මත ආබාධිත තත්ත්වයට පත් වූ රණවිරුවන් දෙසිය පනස් පස් දෙනෙකු (255) සඳහා ඉතාමත් උසස් නිමාවකින් යුතු ඇස් කණ්නාඩි ලබාදීමට රණවිරු සේවා අධිකාරියේ පුනරුත්ථාපන හා පසුඋවටැන් ව්‍යාපෘති අංශය කටයුතු කර තිබේ.
2023 වර්ෂය සඳහා රණවිරු සේවා අධිකාරියට රණවිරුවන්ගෙන් ලද ඉල්ලීම් සලකා බලා රණවිරු සේවා අධිකාරියේ දිස්ත්‍රික් නිලධාරීන් සහ පළාත් නියෝජ්‍ය අධ්‍යක්ෂවරුන්ගේ අධීක්ෂණයෙන් යුතුව මෙම ඇස් කණ්නාඩි රණවිරුවන් වෙනුවෙන් ලබා දීමට රණවිරු සේවා අධිකාරිය කටයුතු කරන ලදී.
මේ වන විට දිවයින පුරා විසිරී සිටින රණවිරුවන් හැත්ත හතර දෙනකු (74) සඳහා මෙම උපැස් යුවල් ඔවුන්ගේ නිවෙස් වෙතටම ලබා දී ඇත. එමෙන්ම ඉතිරි රණවිරුවන් සඳහා ඔවුන්ගේ දිස්ත්‍රික්කයන් වෙතටම ගොස් ඇස් පරීක්ෂා කොට නිවැරදි තාක්ෂණික ක්‍රමවේදයන් අනුගමනය කරමින් මෙම ඇස් කණ්නාඩි ඔවුන් වෙතට ලබාදීම රණවිරු සේවා අධිකාරියේ අරමුණයි.
14/12/2023
සෝනියා කෝට්ටේගොඩ මහත්මිය රණවිරු සේවා අධිකාරියේ නව වැඩ බලන සභාපතිනිය ලෙස රාජකාරී අරඹයි.
රණවිරු සේවා අධිකාරියේ නව වැඩ බලන සභාපතිනිය ලෙස දැනට උපසභාපතිනිය වශයෙන් මෙන්ම සෙනෙහස විශේෂ අධ්‍යාපන හා සම්පත් කේන්ද්‍රයේ ප්‍රධාන අධීක්ෂණ නිලධාරිනිය වශයෙන් කටයුතු කරන සෝනියා කෝට්ටේගොඩ මහත්මිය පත් කර ඇත.
නව වැඩ බලන සභාපතිනිය රණවිරු සේවා අධිකාරියේ සභාපති ධූරයේ වැඩ ඇරඹීම ඉතා චාම් අයුරින් 2023 දෙසැම්බර් මස 14 වන බ්‍රහස්පතින්දා දිනයේ දී සිදුකරන ලදී.
බෞද්ධ ආගමික වතාවන් වලට මුල්තැන දෙමින් රාජකාරී ඇරඹීමෙන් අනතුරුව සභාපතිනිය විසින් සියලු නිලධාරීන් අමතමින් විශේෂ සාකච්ඡාවක් පවත්වනු ලැබීය.
06/12/2023
බ්‍රිගේඩියර් චන්ද්‍රා අබේකෝන් අධ්‍යක්ෂ ධූරයට සමුදෙයි
රණවිරු සේවා අධිකාරියේ ප්‍රථම සක්‍රීය සේවයේ නියුතු අධ්‍යක්ෂවරයා ලෙස ඉතිහාසයට එක් වන බ්‍රිගේඩියර් චන්ද්‍රා අබේකෝන් මහතා 2023 දෙසැම්බර් මස 06 වන දින රණවිරු සේවා අධිකාරියේ අධ්‍යක්ෂ ධූරයට සමු දෙනු ලැබීය.
යුද හමුදාවේ සිංහ රෙජිමේන්තුවට අනුයුක්තව රාජකාරියේ නියුතු බ්‍රිගේඩියර් චන්ද්‍රා අබේකෝන් මහතා 2023 ජූලි මස 24 වන දින සිට මේ දක්වා අධ්‍යක්ෂ ධූරයේ රාජකාරි ආවරණය කරන ලදී.
30/11/2023
රණවිරු සේවා අධිකාරියේ සභාපතිතුමන් වසර හතරක සේවා කාලයකට සමුදෙමින් විශ්‍රාම දිවියට පිය නගයි
රණවිරු සේවා අධිකාරියේ සභාපති ධූරය හෙබවූ මේජර් ජෙනරල් නන්දන සේනාධීර (විශ්‍රාමික) ඩබ්ඩබ්වී ආර්ඩබ්පී ආර්එස්පි වීඑස්වී යුඑස්පී එන්ඩියු මහතා 2019.12.12 සිට 2023.11.26 දක්වා වසර හතරක කාලය තුල සමස්ත රණවිරු ප්‍රජාව වෙනුවෙන් විශිෂ්ට සේවයක් සිදු කරමින් පසුගිය දා විශ්‍රාම දිවියට පිවිසෙන ලදී.
එවකට සේනාධිනායක විසින් රණවිරු ප්‍රජාව වෙනුවෙන් විශිෂ්ට සේවයක් සිදු කිරීම සඳහා අවකාශ සලසමින් නිත්‍ය උප සේවයේ සිට සක්‍රීය සේවයට කැදවීමෙන් අනතුරුව වසර හතරක අති සාර්ථක සේවා කාලයක් ගෞරවනීය ලෙස නිමා කරමින් එතුමන් විසින් විශ්‍රාම දිවියට එළඹෙන ලදී.
රණවිරු සේවා අධිකාරියේ සුබසාධන ව්‍යාපෘතීන් වෙනුවෙන් තම දෙස් විදෙස් පුද්ගලික හිතමිතුරන්ගේ සහාය ලබාගනිමින් පුද්ගලික ධනය ද වැය කරමින් ව්‍යාපෘතීන් රැසකට අත හිත දුන් එතුමා විසින් රණවිරු සුබසාධනය නව මං පෙතකට යොමු කරන ලදී.
ගරු හිටපු සභාපති මේජර් ජෙනරල් නන්දන සේනාධීර (විශ්‍රාමික) මහතාණෙනි රණවිරු සේවා අධිකාරියේ උප සභාපතිනී ඇතුළු කාර්ය මණ්ඩලයේ සහ සමස්ත රණවිරු ප්‍රජාවේ උණුසුම් සුබපැතුම්.
23/11/2023
ලක්වම රිදියෙන් සැරසූ
රණවිරු බලලත් නිලධාරි 11 අනිල් ප්‍රසන්නට
රණවිරු සේවා අධිකාරියෙන්,උණුසුම් හර සර
චීනයේ හැන්සු නගරයේ 2023.10.20 වන දින සිට 2023.10.28 වන දින දක්වා පැවති 4 වන පැරා ආසියානු තරගාවලියේ ටී 63 කාණ්ඩයේ මීටර් 100 ඉසව්වේ රිදී පදක්කම දිනා මව් බිමට අභිමානයක් එක් කිරීමට රණවිරු බලලත් නිලධාරි 11 අනිල් ප්‍රසන්න ජයලත් සමත් විය.
ඔහු ලබා ගත් ජයග්‍රහනය වෙනුවෙන් රණවිරු සේවා අධිකාරියේ සභාපති මේජර් ජෙනරාල් නන්දන සේනාධීර (විශ්‍රාමික) මහතාගේ උණුසුම් ශුභාශිංසන ඔහු වෙත අද දින පුද කර සිටින ලද අතර, එම අවස්ථාව සඳහා රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන්, සභාපති ලේකම් බ්‍රිගේඩියර් නලීන් මැදිවක සහ ක්‍රිඩා භාර නිළධාරි මේජර් රනිල් බලගල්ල සහභාගී වන ලදී.
රණවිරු සේවා අධිකාරියේ ක්‍රීඩා සංචිතය නියෝජනය කරන රණවිරු බලලත් නිලධාරි 11 අනිල් ප්‍රසන්න තම ඉදිරි සැළසුම් හා පුහුණුවීම් කටයුතු පිළිබඳ වැඩි දුර සාකච්ඡාවක රණවිරු සේවා අධිකාරියේ සභාපති සහ අධ්‍යක්ෂ තුමන් සමග නිරත වන ලදී.
17/11/2023
රණවිරු සේවා කාර්ය මණ්ඩලය වෙත පෞරුෂ සංවර්ධන පුහුණුවක් ලබා දෙයි
රණවිරු සේවා අධිකාරියේ කාර්යය මණ්ඩලය සඳහා පැවැති වර්ෂ අවසාන පෞර්ෂත්ව සංවර්ධන පුහුණු වැඩසටහන 2023 නොවැම්බර් මස 17 වන බ්‍රහස්පතින්දා දින කුකුලේග‍ඟ ලයා ලෙෂර් හෝටල් පරිශ්‍රයේදී පවත්වන ලදී.
රණවිරු සේවා අධිකාරියේ සේවයේ නියුතු ස්ථිර සහ අනුයුක්ත කාර්ය මණ්ඩලයේ සියලු සාමාජිකයන් සඳහා පැවති මෙම පෞර්ෂත්ව සංවර්ධන සහ නායකත්ව ගුණාංග දියුණු කිරීමේ වැඩමුළුවේ දී විශේෂ ආරාධිත දේශකයන් විසින් පෞරුෂ සංවර්ධනය, නායකත්වය, මානසික සංවර්ධනය සහ වඩා යහපත් රාජකාරි පරිසරයක් නිර්මාණය කර ගැනීම ආදී කරුණු පිළිබඳ උපදේශනය සිදු කරන ලදී.
රණවිරු සේවා අධිකාරියේ සභාපති, මේජර් ජෙනරල් නන්දන සේනාධීර (විශ්‍රාමික) මහතාගේ සංකල්පයක් මත සංවිධානය කරනු ලැබූ මෙම පුහුණු වැඩසටහන තුළදී රණවිරු සේවා අධිකාරියේ සේවයේ නියුතු කාර්ය මණ්ඩලයේ කණ්ඩායම් හැගීම වර්ධනය කිරීම සහ නායකත්ව ගුණාංග සංවර්ධන කිරීමේ පුහුණු වැඩසටහන් වලින් සමන්විත වන ලදී.
රණවිරු සේවා අධිකාරියේ උප සභාපතිනි, සෝනියා කෝට්ටේගොඩ මහත්මිය, රණවිරු සේවා අධිකාරියේ අධ්‍යක්ෂක බ්‍රිගේඩියර් චන්ද්‍රා අබේකෝන්, සභාපති ලේකම් බ්‍රිගේඩියර් නලීන් මැදිවක ඇතුළු ත්‍රිවිධ හමුදා නිලධාරීන් නියෝජ්‍ය අධ්‍යක්ෂවරුන් සහ කාර්ය මණ්ඩලයේ සාමාජිකයින් සහභාගි වන ලදී.
17/11/2023
රණවිරු දත්ත පද්ධතිය විධිමත් කිරීමට කටයුතු කෙරේ
රණවිරු සේවා අධිකාරියේ ආරම්භයේ සිට මේ දක්වා සිදුකරන ලද විවිධ ව්‍යාපෘතීන් වලට අදාල දත්ත එකම අවකාශයක මධ්‍යම දත්ත ගොනුවක් ලෙස නිර්මාණය කිරීමේ වැඩසටහනේ ප්‍රගතිය පිළිබඳ සමාලෝචනය කිරීමේ සාකච්ඡාවක් රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ ප්‍රධානත්වයෙන් 2023 නොවැම්බර් මස 15 වන බදාදා දින රණවිරු සේවා අධිකාරියේ ප්‍රධාන කාර්යාලයේ දී පැවැත්විය.
රණවිරු සේවා අධිකාරියේ සහ සෙනෙහස අධ්‍යන කොන්ද්‍රයේ තොරතුරු තාක්ෂණ අංශ ප්‍රධානී මේජර් අනෝජ් ද සිල්වා විසින් මධ්‍යම දත්ත පද්ධතියක් නිර්මාණය කිරිම සදහා තව දුරටත් සිදු කල යුතු ක්‍රියාකාරකම් ඇතුලත් සැලැස්මක් සභාපති තුමන් ප්‍රමුඛ යුද සහ ගුවන් හමුදා තොරතුරු තාක්ෂන අංශ ප්‍රධානීන් හමුවේ ඉදිරිපත් කරන ලදි.
යුද සහ ගුවන් හමුදා තොරතුරු තාක්ෂණ අංශයන්හි නියෝජිතයන්ගේ සහභාගීත්වයෙන් පැවති මෙම විශේෂ සාකච්ඡාවේදී මධ්‍යම තොරතුරු පද්ධතිය කඩිනමින් අවසන් කිරීම සඳහා අවශ්‍ය කරුණු සමාලෝචනය කරන ලදී.
රණවිරු සේවා අධිකාරියේ අධ්‍යක්ෂක බ්‍රිගේඩියර් චන්ද්‍රා අබේකෝන්, සභාපති ලේකම් බ්‍රිගේඩියර් නලීන් මැදිවක, යුද හමුදා තොරතුරු තාක්ෂණ අධ්‍යක්ෂ බ්‍රිගේඩියර් නන්දන වීරතුංග, ගුවන් හමුදා තොරතුරු තාක්ෂණ අධ්‍යක්ෂ ගෘප් කැප්ටන් අසිත හෙට්ටිආරච්චි සහ රණවිරු සේවා අධිකාරියේ නියෝජ්‍ය අධ්‍යක්ෂ ගුණදාස හේමචන්ද්‍ර මහතා ඇතුළු නිළධාරීන් මෙම අවස්ථාව සදහා සහභාගී වන ලදී.
03/11/2023
රණවිරු ණය ප්‍රතිව්‍යුහගත කිරීම සදහා සභාපති තුමන් මුලිකත්වය ගනී
රණවිරු සේවා අධිකාරිය හා සම්බන්ධ දිවයින පුරා විසිරී සිටින රණවිරු සංසද සාමාජිකයන් බැංකු හා මුල්‍ය ආයතන වෙතින් ලබාගෙන තිබෙන ණය වාරික මුදල් ගෙවා ගැනීමට ඇති අපහසුතාවය පිළිබදව සිදු කරන ලද ඉල්ලීම් සදහා ප්‍රතිචාර දැක්වීමක් වශයෙන් බැංකු සහ මුල්‍ය ආයතන නියෝජිතයින් රණවිරු සේවා අධිකාරියේ ප්‍රධාන කාර්යාලය වෙත කැඳවා රණවිරු ණය ප්‍රතිව්‍යුහගත කිරිමේ හැකියාවෆෆෆෆෆ පිලිබද සොයාබැලීමේ විශේෂ සාකච්ඡාවක් 2023 නොවැම්බර් මස 03 වන සිකුරාදා පැවැත්වීය.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතා විසින් එම මුල්‍ය ආයතන නියෝජිතයින් හමුවේ මෙසේ අගතියට පත්වී තිබෙන රණවිරුවන් සහ එම පවුල්වල සාමාජිකයින් විසින් සභාපති තුමන් වෙතින් ඉදිරිපත් කරන ලද ලිපිවල අඩංගු කරුනු සාරාංශයක් බැංකු නිළධාරින් හමුවේ ප්‍රකාශ කරන ලදි.
එමෙන්ම විවිධ කායික හා මානසික ආබාධයන්ගෙන් පෙලෙන මෙම රණවිරු ප්‍රජාව කෙරෙහි සානුකම්පිතව බලා ඔවුනට ජීවත්වීමට හැකි පරිදි රටේ පවතින උද්ධමනය, ජීවන වියදම සහ ඔවුන්ගේ මාසික වැටුප පිලිබද නැවත සලකා බලා යම් සහනදායි ක්‍රමවේදයක් මත මාසික පොලී අය කිරීම සහ ණය ප්‍රතිව්‍යුහගත කිරිම කෙරෙහි අවධානය යොමු කරන මෙන් බැංකු නියෝජිතයන්ගෙන් ඉල්ලා සිටින ලදි.
මෙම අවස්ථාව සදහා ලංකා බැංකුව, ජාතික ඉතිරිකිරිමේ බැංකුව, මහජන බැංකුව, පෑන් ඒෂීයා බැංකුව, සණස සංවර්ධන බැංකුව, සම්පත් බැංකුව, ප්‍රාදේශීය සංවර්ධන බැංකුව සහ හැටන් නැෂනල් බැංකුව නියෝජනය කරමින් නියෝජිතයන් සහභාගී විය.ෆ
28/10/2023
රණවිරු සේවා අධිකාරියේ අනිල් ප්‍රසන්න පැරා ඔලිම්පික් රිදී පදක්කමකින් මව් බිම සරසයි
චීනයේ දී පැවැත්වූ 2023 ආසියාතික පැරා ඔලිම්පික් ක්‍රීඩා උළෙල නියෝජනය කරමින් රණවිරු සේවා අධිකාරියේ ක්‍රීඩා සංචිතය නියෝජනය කරන බළලත් නිලධාරී 11 අනිල් ප්‍රසන්න ජයලත් රණවිරුවා මීටර් 100 ඉසව්වේ T 42 කාණ්ඩය ඉසව්වෙන් දෙවන ස්ථානය දිනා ගනිමින් මව්බිමට රිදී පදක්කමක් දිනාගැනීමට සමත්ව සිටි.
ආසියාතික පැරා ක්‍රීඩා තරගාවලියට සහභාගි වෙමින් මව්බිම රිදියෙන් සැරසූ බළලත් නිලධාරී 11 අනිල් ප්‍රසන්න ජයලත් ඇතුළු රණවිරු සේවා අධිකාරියේ කණ්ඩායමට සභාපතිතුමන් ඇතුළු කාර්ය මණ්ඩලයේ උණුසුම් සුබපැතුම්.
19/10/2023
ඉපලෝගමට වෛද්‍ය සායනයක්
ඉපලෝගම රණවිරු සංසදයේ සාමාජික සාමාජිකාවන් සඳහා හෙළවිරු සුව ධරණි ආයුර්වේද වෛද්‍ය සායනය 2023/10/18 දින ඉපලෝගම ප්‍රාදේශීය ලේකම් කාර්යාලයේදී පවත්වන ලදී.
මෙහිදී සෞඛ්‍ය සහ යහපැවැත්ම මැයෙන් වටිනා දේශනයක් ප්‍රජා සෞඛ්‍ය වෛද්‍ය නිලධාරී අමාලි ගීතාංජලී මහත්මිය විසින් සිදුකරන ලදී.
රණවිරු සේවා අධිකාරියේ අනුරාධපුර දිස්ත්‍රික්කයේ වැඩසටහන් නිළධාරිනී නෙලුම් කුමාරි මහත්මියගේ සංවිධානයෙන් පැවැත්වූ මෙම වෛද්‍ය සායනය සදහා අනුරාධපුර දිස්ත්‍රික් ප්‍රජා සෞඛ්‍ය වෛද්‍ය නිලධාරී අධ්‍යක්ෂ ආනන්ද සමරනායක මහතා ඇතුළු කාර්ය මණ්ඩලයේ සාමාජිකයන් පිරිසක් සහභාගී වූහ.
19/10/2023
අම්පාර රණවිරුවන්ගේ ගැටලු විසඳීමට ක්ෂේත්‍ර පරීක්ෂාවක්
අම්පාර දිස්ත්‍රික්කයේ රණවිරුවන්ගේ ගැටලු පිළිබඳ සොයා බැලීමේ විශේෂ සාකච්ඡාවක් සංසද සභාපතිවරුන්/කාර්ය මණ්ඩල නියෝජිතයන් සමඟ 2023.10.12 දින අම්පාර නවගම්පුර රණවිරු ගම්මාන ප්‍රජා ශාලාවේ දී පැවැත්වීය.
රණවිරු සේවා අධිකාරියේ නැගෙනහිර පළාත් නියෝජ්‍ය අධ්‍යක්ෂක හා දිස්ත්‍රික් නිලධාරීන්ගේ ප්‍රධානත්වයෙන් සිදු කරන ලද මෙම විශේෂ සාකච්ඡාවට සමගාවීම නිවෙස් ගත රණවිරුවන් ගේ සුව දුක් සොයා බැලීම ,නිවාස ණය ,දිරිය ණය ,සනීපාරක්ෂක ආධාර ලබාදීම පිළිබඳ ක්ෂේත්‍ර පරීක්ෂාවක් ද සිදු කළේය.
මෙහිදී අම්පාර දිස්ත්‍රික්කයේ රණවිරුවන් හට වෛද්‍ය උපකරණ ලබා දීම ,ඉඩම් ගැටලු පිළිබඳව ප්‍රාදේශීය ලේඛම් සමග සාකච්ඡා කිරීම ද සිදු කරන ලදී.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ විශේෂ උපදෙස් මත රණවිරු සුබසාධනය රණවිරුවන්ගේ නිවෙස් වෙතටම ගොස් සොයා බලා ඉටුකර දීමේ ක්‍රමවේදයේ තවත් පියවරක් ඉදිරියට තබමින් මෙම ව්‍යාපෘතීන් ක්‍රියාවට නංවයි.
16/10/2023
කඹුරුපිටිය සංසදයේ BWKS විතාරණ රණවිරුවා වෙත සහ මාතර සංසදයේ K ජීවකරත්න රණවිරුවා වෙත අත්වාරු යුගල් ප්‍රදානය කිරීම.
10/10/2023
රණවිරු සේවා අධිකාරියේ ක්‍රීඩකයින් තිදෙනෙකු ආසියානු පැරා වරම් ලබයි
ආසියාතික පැරා ඔලිම්පික් ක්‍රීඩා උළෙල 2023.10.22 සිට 2023.10.28 දින දක්වා චීනයේ දී පැවැත්වීමට නියමිත අතර ඒ සඳහා මෙවර රණවිරු සේවා අධිකාරියේ ක්‍රීඩා සංචිතය නියෝජනය කරන ක්‍රීඩකයින් තිදෙනෙකු සුදුසුකම් ලබා ඇත.
එම රණවිරුවන් අද දින රණවිරු සේවා අධිකාරියේ සභාපති මේජර් ජෙනරාල් නන්දන සේනාධීර (විශ්‍රාමික) මහතා හමු වී ඔවුන්ගේ පුහුණු කටයුතුවල ප්‍රගතිය, තරඟ සූදානම පිලිබඳ දැනුවත් කරමින් සුහද කතාබහක නිරත විය.
පහත නම් සඳහන් ආසියාතික පැරා ක්‍රීඩා තරගාවලියට සහභාගි වන රණවිරු සේවා අධිකාරියේ කණ්ඩායමට සභාපතිතුමන් ඇතුළු කාර්ය මණ්ඩලයේ උණුසුම් සුබපැතුම්.
බළලත් නිලධාරී 11 අනිල් ප්‍රසන්න ජයලත් (T42 කාණ්ඩයේ මීටර 100)
සැරයන් ජයසිංහ රත්නායක (T4 කාණ්ඩයේ බර එසවීම)
කෝප්‍රල් සංජීව පෙරේරා (SL 4 කාණ්ඩයේ බැට්මින්ටන්)
05/10/2023
රණවිරු දරුවන් සදහා වෘත්තීය මාර්ගෝපදේශනයක්
රණවිරු සේවා අධිකාරියේ ශිෂ්‍යත්ව අංශය ඔස්සේ ක්‍රියාත්මක වන රණවිරු දූ දරු අධ්‍යාපන ශිෂ්‍යත්ව වැඩසටහනට සම්බන්ධව සිටින දරුවන්ගේ අ.පො.ස උසස් පෙළ හදාරන දරුවන් මූලික කරගත් අධ්‍යාපන සහ වෘත්තීය උපදේශනයන් ලබා දීමේ විශේෂ ව්‍යාපෘතියක සමාරම්භක වැඩසටහන 2023 ඔක්තෝම්බර් මස 04 දින ප.ව.3.00 ට zoom තාක්ෂණය ඔස්සේ පැවැත්වීය.
රණවිරු සේවා අධිකාරියේ සභාපතිතුමන්ගේ ආරාධනයෙන් මෙම විශේෂ වැඩසටහන මෙහෙයවනු ලැබුවේ ජනාධිපති නීතිඥ ප්‍රසන්ත ලාල් ද අල්විස් මහතා විසිනි.
රණවිරු සේවා අධිකාරියේ ශිෂ්‍යත්ව අංශ ප්‍රධානී සුරේඛා ප්‍රනාන්දු මෙනවිය ගේ මෙහෙයවීමෙන් ක්‍රියාත්මක මෙම ශිෂ්‍යත්ව වැඩසටහනට සම්බන්ධව සිටින දිවයින පුරා විසිරී සිටින රණවිරු දරුවන් 65 දෙනෙකුට ආසන්න ප්‍රමාණයක් මෙම සමාරම්භක අවස්ථාවට සහභාගි විය.
රණවිරු සේවා අධිකාරියේ සභාපතිතුමන්ගේ සංකල්පයක් මත ක්‍රියාත්මක අපොස සාමාන්‍ය පෙළ විභාගයෙන් විශිෂ්ට ප්‍රතිඵල ලබාගත් රණවිරු දූ දරුවන් වෙනුවෙන් ක්‍රියාත්මක විශේෂ ශිෂ්‍යත්ව වැඩසටහන යටතේ ප්‍රතිලාභ ලබන රණවිරු දරුවන් සදහා සංවිධානය කරන ලද මෙම විශේෂ වෘත්තීය මාර්ගෝපදේශන වැඩසටහන සඳහා අනෙකුත් රණවිරු දරුවන් සදහා ද අවස්ථාව සලසා දෙන ලදී.
ජනාධිපති නීතිඥ ප්‍රසන්ත ලාල් ද අල්විස් මහතා දැනට නීති පීඨය කොළඹ විශ්ව විද්‍යාලය, විවෘත විශ්ව විද්‍යාලය කොළඹ, ශ්‍රී ලංකා නීති විද්‍යාලය සහ APIIT නීති පාසලේ බාහිර කථිකාචාර්යවරයෙකු වශයෙන් කටයුතු කරයි.
එමෙන්ම බෞද්ධ හා පාලි විශ්ව විද්‍යාලය,සෞන්දර්ය විශ්ව විද්‍යාලය සහ ගම්පහ දේශීය වෛද්‍ය විශ්ව විද්‍යාලයේ පාලක සභිකයකු වශයෙන් ද කටයුතු කරනු ලබන ප්‍රවීණ වෘත්තිය වේදියකු වේ.
එමෙන්ම ශාන්ත ජෝන් ගිලන් රථ හමුදාවේ අණදෙන නිලධාරි වරයෙකු වශයෙන් සහ සමාගම් උපදේශක සහ නායකත්ව පුහුණු උපදේශකයකු ලෙසින් කටයුතු කරන ඒ මහතා ප්‍රවීණ දේශකයෙකි.
රණවිරු සේවා අධිකාරියේ සුභසාධක ව්‍යාපෘතීන් සඳහා නිරන්තරයෙන් දායකත්වය සපයන පරිත්‍යාගශීලී සරෝජිනී මුණසිංහ මහත්මිය සහ හේමාල් මුණසිංහ මහතාගේ සම්බන්ධීකරණයෙන් පැවැති මෙම වැඩසටහන සඳහා රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන්, සභාපතිතුමන්ගේ ලේකම් බ්‍රිගේඩියර් නලින් මැදිවක, හමුදා සම්බන්ධිකරණ නිළධාරි ලුතිතන් කර්නල් රක්ශික ලියනගේ, නියෝජ්‍ය අධ්‍යක්ෂ වරුන් සහ අංශ ප්‍රධානීන් කිහිප දෙනෙක් ඇතුළු වැඩසටහන් නිලධාරීන් සහභාගි විය.
04/10/2023
ආරක්ෂක ලේකම්ගේ ජන්ම දිනය නිමිතිකොට රණවිරුවෙකුට කෘතීම පාදයක් ලබා දෙයි
වැලිඹය ප්‍රදේශයේ අකුණු පහර ක්‍රියාන්විතයට අනුයුක්තව රාජකාරියේ නිරතව සිටියදී ත්‍රස්තවාදී බිම් බෝම්බ ප්‍රහාරයක් හේතුවෙන් තම දකුණු පාදය අහිමි වූ රණක්ෂිතයට පත් බියගම රණවිරු සංසදය නියෝජනය කරන රණවිරුවෙකු වන සැරයන් මේජර් R.P.C ධර්මප්‍රිය මහතා වෙත කෘතීම පාදයක් ලබාදීමේ වැඩසටහනක් ආරක්ෂක ලේකම් ජෙනරල් කමල් ගුණරත්න (විශ්‍රාමික) මහතාගේ ප්‍රධානත්වයෙන් රණවිරු සේවා අධිකාරියේ ප්‍රධාන කාර්යාලයේදී අද දින (2023.10.04) පැවැත්විය.
ආරක්ෂක ලේකම් තුමන්ගේ බිරිඳ වන චිත්‍රානී ගුණරත්න මහත්මිය සහ එතුමන්ගේ දියණිය වන කාංචනා ගුණරත්න මෙනවිය විසින් ආරක්ෂක ලේකම් තුමාගේ ජන්ම දිනය නිමිත්තෙන් සිදුකරන ලද පුණ්‍ය කටයුත්තටකට සමගාමීව පවුලේ සියලුම දෙනාගේ ධන පරිත්‍යාගයෙන් රුපියල් එක්ලක්ෂ හැට දෙදහස් එකසිය පනස් හතරයි ශත අනූ අටක (රු. 162,154.98/=) මූල්‍ය අනුග්‍රාහකත්වය මත රණවිරු සේවා අධිකාරිය හා සම්බන්ධව මෙම කෘතීම පාදය සකසා දීමට කටයුතු කරනු ලැබීය.
වර්ෂ 1991 සැප්තැම්බර් මස 02 වන දින LTTE ත්‍රස්තවාදීන් සමග වැලිඹය ප්‍රදේශයේ සටනට සහභාගී වෙමින් සිටියදී LTTE පීඩන බෝම්බයකට අසු වීමෙන් එම රණවිරුවාගේ දකුණු පාදය අහිමි වී ඇත. දියණියන් දෙදෙනෙකුගේ සහ පුතනුවන් දෙදෙනෙකුගේ පියකු වන මෙම රණක්ෂිතයට පත් රණවිරුවා දැනට ගම්පහ දිස්ත්‍රික්කයේ කඩවත ප්‍රදේශයේ ජීවත්ව සිටී.
වර්ෂ 1991 දී තම පාදය අහිමි වීමෙන් අනතුරුව 1993 වසරේ විවාහ දිවියට පිවිසෙන මෙම රණවිරුවා වසර 2005 වෙන තෙක් පාදයක් අහිමිව තිබියදී පවා කමාන්ඩෝ රෙජිමේන්තුවට අනුයුක්තව රාජකාරි සිදු කළ ශ්‍රේෂ්ඨ නිර්භීත රණවිරුවෙකි.
දේශයේ භෞමික අඛණ්ඩතාවය, ඒකීය භාවයත්, නිදහසත් වෙනුවෙන් තම තරුණ දිවිය, ඇස්, ඉස්, මස්, ලේ කැප කළ ආඩම්බරකාර රටට ණය නැති රටම ණයගැති දේශයේ විරුවකු වෙනුවෙන් මෙවැනි උදාරතර පුණ්‍යකර්මයට දායකවීමට ලැබීම මහඟු අවස්ථාවක් බව චිත්‍රානී ගුණරත්න මහත්මිය විසින් සභාපති තුමන් හමුවේ ප්‍රකාශ කළේය.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික), අධ්‍යක්ෂ බ්‍රිගේඩියර් චන්ද්‍රා අබේකෝන්, සභාපතිතුමන්ගේ ලේකම් බ්‍රිගේඩියර් නලින් මැදිවක, වැඩසටහන් නිලධාරීනී නෙත්මි ගයශ්‍රී මහත්මිය ඇතුළු කාර්ය මණ්ඩලයේ සාමාජිකයන් පිරිසක් මෙම අවස්ථාවට සහභාගි විය.
රණවිරු අභිමන් ක්‍රිකට් ක්‍රීඩා තරගාවලිය පිළිබඳ අනුරාධපුර රණවිරුවෙකුගේ අදහස් දැක්වීමක්...
03/10/2023
රණවිරු අභිමන් ක්‍රිකට් තරගාවලියක් අනුරාධපුරයේ දී
"රණ විරු අභිමන්" සුහද ක්‍රිකට් තරගාවලිය හා ගීත, නර්තන රසවින්දන වැඩසටහන ගල්නෑව මහවැලි ක්‍රීඩාන්ගනයේදී 2023 ඹක්තෝබර් මස 01 වන දින දවස පුරා සාර්ථකව පැවැත්වීය.
ලෝක ළමා සහ වැඩිහිටි දිනය අරමුණු කර ගනිමින් රණවිරු සේවා අධිකාරියේ උතුරු මැද පළාත් කාර්යාලයේ සංවිධානයෙන් පැවති මෙම අවස්ථාවට නියෝජ්‍ය අධ්‍යක්ෂක භාග්‍ය ගමගේ මහතා සහ දිස්ත්‍රික් වැඩසටහන් නිලධාරීනී නෙලුම් කුමාරි මහත්මිය අනුරාධපුර දිස්ත්‍රික්කයේ රණවිරුවන් සහ ඔවුන්ගේ පවුල්වල සාමාජිකයන් සමගින් සම්බන්ධ වන ලදී.
02/10/2023
පුත්තලම දිස්ත්‍රික්කයේ නාත්තන්ඩිය රණවිරු සංසදය විසින් වාර්ෂිකව පවත්වන දානමය පිංකම 2023.09.23 දින මොහොට්ටිමුල්ල "සහන පියස" ලමා නිවාසයට ලබා දීමට කටයුතු සිදු කරන ලදී.
ගැහැණු දරුවන් පමණක් එම නිවාසයේ සිටින අතර ඔවුන් සදහා ඇදුමක් මසා දීමට හා අවශ්‍ය සනීපාරක්ෂක ද්‍රව්‍ය ලබා දීමට සංසද සාමාජික මහත්ම මහත්මීන් කටයුතු කරනු ලැබීය.
02/10/2023
ගම්පහ දිස්ත්‍රික්කයේ මිනුවන්ගොඩ සංසදයේ නිලදාරි මණ්ඩලය හා සාමාජික සාමාජිකාවන් විසින් රට වෙනුවෙන් දිව් පිදූ රණවිරුවන්ට පිං පැමිනිවීම හා ආබාදිත රනවිරුවන්ට සෙත් පැතීම අරමුණු කොට නයිවල ධම්මරතන විහාරස්ථානයේදී සංඝයා වහන්සේලාට දහවල් දානමය පිංකමක් 2023.09.30 දින සාර්ථකව පවත්වන ලදී.
02/10/2023
මාතර රණවිරු සවිය...
රණක්ෂිතයට පත් රණවිරුවන් සහ රණවිරු පවුල්වල ළඟම ඥාතීන්ගේ සහභාගීත්වයෙන් පැවති ජංගම වැඩසටහනේ අවස්ථාවන්
01/10/2023
මාතර දිස්ත්‍රික්කයේ රණවිරු සංසද හමුවක්
මාතර දිස්ත්‍රික්කයේ රණවිරුවන් සහ ඔවුන්ගේ පවුල්වල සාමාජිකයන් මුහුණ පා සිටින පොදු ගැටලු සාකච්ඡා කරමින් ඔවුන්ගේ ගැටලු සඳහා විසඳුම් ලබාදීමට රණවිරු සේවා අධිකාරියේ කාර්ය මණ්ඩලය විසින් 2023 සැප්තැම්බර් මස 26 වන දින මාතර දී සංවිධානය කරන ලද රණවිරු දිස්ත්‍රික් ජංගම වැඩසටහනේදී කටයුතු කරන ලදී.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ සහභාගීත්වයෙන් පැවති මෙම විශේෂ ජංගම වැඩසටහනේදී රණවිරු පවුල් 200ට ආසන්න පිරිසකගේ ගැටලු සඳහා විසඳුම් ලබාදීමට සභාපතිතුමන් ඇතුළු කාර්ය මණ්ඩලයේ සාමාජිකයන් කටයුතු කරන ලදී.
රණවිරු සේවා අධිකාරියේ ඉල්ලීමකට ප්‍රතිචාර වශයෙන් නිවාස සංවර්ධන අධිකාරියේ නියෝජිතයන් සහ ප්‍රදේශීය රාජ්‍ය යාන්ත්‍රණය නියෝජනය කරන නිලධාරීන් කිහිපදෙනෙකු මෙම අවස්ථාවට සම්බන්ධ විය.
රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන්, සභාපතිතුමන්ගේ ලේකම් බ්‍රිගේඩියර් නලින් මැදිවක, හමුදා සම්බන්ධිකරණ නිළධාරි ලුතිතන් කර්නල් රක්ශික ලියනගේ, දකුණු පළාත් නියෝජ්‍ය අධ්‍යක්ෂ චන්දන අබේවර්ධන, මාතර දිස්ත්‍රික්කයේ වැඩසටහන් නිළධාරිනී නියෝජ්‍ය අධ්‍යක්ෂිකා ලහිරු රාජනායක ඇතුළු ත්‍රිවිධ හමුදා නිලධාරීන් සහ කාර්ය මණ්ඩලයේ සාමාජිකයන් පිරිසක් මෙම අවස්ථාවට සහභාගි විය.
27/09/2023
පුත්තලම් දිස්ත්‍රික්කයේ රණවිරුවන්ගේ ඉඩම් ගැටලු විසඳීමට පියවර
පුත්තලම් දිස්ත්‍රික්කයේ රණවිරුවන්ගේ ඉඩම් ගැටලු විසඳීම සඳහා මුන්දලම ප්‍රාදේශීය ලේකම් කාර්යාලය විසින් සංවිධානය කරන ලද ඉඩම් කච්චේරිය වැඩ සටහන තුළින් කටයුතු කරන ලදී.
පුත්තලම් දිස්ත්‍රික් වැඩසටහන් නිලධාරිනී මනෝරි කුමාරී මහත්මියගේ සංවිධානයෙන් පැවැත්වූ මෙම ඉඩම් ගැටලු නිරාකරණය කිරීමේ වැඩසටහන සඳහා රණක්ෂිතයට පත් රණවිරුවන් සහ ඔවුන්ගේ පවුල් වල ළඟම ඥාතීන් කීප දෙනෙකුද සහභාගී විය.
27/09/2023
මාතර රණවිරුවකුගේ නිවාස ගැටලුව සඳහා කඩිනමින් විසදුම් ලබා දෙයි
මාතර නිල්වලා ගං ඉවුරේ අනාරක්ෂිත නිවසක වසර ගණනාවක් තිස්සේ තම ජීවිකාව ගෙන යන මෙම රණක්ෂිතයට පත් රණවිරුවාගේ නිවාස ගැටලුව සඳහා අවශ්‍ය විසඳුම් ලබාදීමට රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතා විසින් කඩිනමින් කටයුතු සිදු කරන ලදී.
එම උත්සාහයේ ප්‍රතිඵල මල්ඵල ගැන්වීමක් වශයෙන් මාතර ජංගම වැඩසටහන අවසන් වන්නට මත්තෙන් මෙම රණවිරුවා සභාපතිතුමන් වෙත ඉදිරිපත් කළ දුක්ගැනවිල්ල සලකා බලා ආරක්ෂිත නව නිවසක බලාපොරොත්තු දල්වන්නට සභාපති තුමන්ට හැකි විය.
මාතර දිස්ත්‍රික්කයේ අතුරලිය රණවිරු සංසදයේ සභාපති වශයෙන් කටයුතු කරනු ලබන රණවිරු ප්‍රදීප් කුමාර හේවගේ මහතා වෙත ඉතා කෙටි කාලසීමාවක් තුලදී රාජ්‍ය වියදමින් නව නිවසක් ඉදිකර දීම සඳහා ආපදා කළමනාකරණ මධ්‍යස්ථානයේ අධ්‍යක්ෂ ජනරාල් මේජර් ජෙනරල් සුදන්ත රණසිංහ (විශ්‍රාමික) මහතා එකඟතාවය පළ කරන ලදී.
රණවිරු හේවගේ මහතා නැගෙනහිර මානුෂීය මෙහෙයුමේ දී මාවිල්ආරු මුදා ගැනීමේ ක්‍රියාන්විතයට සම්බන්ධව 8 වන ගැමුණු හේවා රෙජිමේන්තුවට අනුයුක්තව ක්‍රියාන්විත රාජකාරියේ නිරතව සිටියදී වසර 2006 අගෝස්තු මස 10 වන දින සතුරු මෝටාර් ප්‍රහාරයකට ගොදුරු වී තුවාල ලබා රණක්ෂිතයට පත් රණවිරුවෙකි.
රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන් මහතා, සභාපති තුමන්ගේ ලේඛම් බ්‍රිගේඩියර් නලින් මැදිවක, දකුණු පළාත භාර නියෝජ්‍ය අධ්‍යක්ෂ චන්දන අබේවර්ධන සහ මාතර දිස්ත්‍රික් වැඩසටහන් නිලධාරීනී, නියෝජ්‍ය අධ්‍යක්ෂිකා ලහිරු රාජනායක යන මහත්ම මහත්මීන් මෙම අවස්ථාවට සම්බන්ධ විය.
27/09/2023
නිවෙස් ගත මොණරාගල රණවිරුවකුගේ සුවදුක් සොයා බලයි
4 වන ගජබා රෙජිමේන්තුවට අනුයුක්තව රාජකාරි සිදු කරන අතරතුර 1998 සැප්තැම්බර් මස 09 වන දින මාන්කුලම් ප්‍රදේශයේ දී ත්‍රස්තවාදීන්ගේ මෝටාර් ප්‍රහාරයකට ලක්ව රණක්ෂිතයට පත් වී දැනට නිවෙස් ගතව ප්‍රතිකාර ලබන රණවිරු S.M.N ගුණසිංහ මහතාගේ නිවස වෙත ගොස් සුවදුක් සොයා බැලීම මොණරාගල, මඩුගල්ලේ පිහිටි ඹහුගේ නිවසේදී 2023.09 .06 දින සිදු කරන ලදී.
දිස්ත්‍රික් වැඩසටහන් නිලධාරීන්ගේ හිඟතාවය මත මොණරාගල සහ අම්පාර දිස්ත්‍රික්කයන්හි වැඩසටහන් නිලධාරී වශයෙන් රාජකාරි ආවරණය කරනු ලබන මේජර් රනිල් බලගල්ල මහතා විසින් රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ උපදෙස් මත නිවෙස් වෙතටම ගොස් රණවිරුවන් ගේ සුව දුක් සොයා බැලීමේ කටයුතු සිදුකරනු ලබයි.
27/09/2023
රණවිරු දරුවෙකුට සනීපාරක්ෂක උපකරණ පරිත්‍යාග කෙරේ
ගුවන් හමුදා සේවයේ නියුතුව සිටියදී රිය අනතුරකට භාජනය වීමෙන් මිය ගිය රණවිරුවකුගේ උසස් අධ්‍යාපනය හදාරන රෝගාතුරව පසුවන දරුවෙකුට මසකට අවශ්‍ය සනිපාරක්ෂක උපකරණ කට්ටලයක් එම දරුවාගේ මව වෙත පරිත්‍යාග කිරීම රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ ප්‍රධානත්වයෙන් මාතරදී සිදු කරන ලදී.
රණවිරු සේවා අධිකාරියේ සභාපති තුමන්ගේ බිරිඳ වන රේඛා සේනාධීර මහත්මියගේ සම්බන්ධීකරණයෙන් ඉතාලියේ වෙසෙන නිලන්ති රේනුකා ගමගේ මහත්මියගේ මූල්‍ය අනුග්‍රාහකත්වය මත මෙම සනීපාරක්ෂක උපකරණ රණවිරු දරුවාගේ මව වෙත ප්‍රදානය කරන ලදී.
රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන් සභාපතිතුමන්ගේ ලේකම් බ්‍රිගේඩියර් නලින් මැදිවක යන මහත්වරුන් මෙම අවස්ථාවට සහභාගි විය.
27/09/2023
මාතර දිස්ත්‍රික්කයේ රණවිරු ගැටළු විසඳීමට සභාපතිතුමන් කටයුතු කරයි
මාතර දිස්ත්‍රික්කයේ රණවිරුවන් සහ ඔවුන්ගේ පවුල්වල සාමාජිකයන් මුහුණ පා සිටින පොදු ගැටලු සාකච්ඡා කරමින් ඔවුන්ගේ ගැටලු සඳහා විසඳුම් ලබාදීමට රණවිරු සේවා අධිකාරියේ කාර්ය මණ්ඩලය විසින් 2023 සැප්තැම්බර් මස 26 වන දින මාතර ප්‍රදේශයේ සංවිධානය කරන ලද රණවිරු දිස්ත්‍රික් ජංගම වැඩසටහනේදී කටයුතු කරන ලදී.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතාගේ සහභාගීත්වයෙන් පැවති මෙම විශේෂ ජංගම වැඩසටහනේදී රණවිරු පවුල් 200 ට ආසන්න පිරිසකගේ ගැටලු සඳහා විසඳුම් ලබාදීමට සභාපතිතුමන් ඇතුළු කාර්ය මණ්ඩලයේ සාමාජිකයන් කටයුතු කරන ලදී.
රණවිරු සේවා අධිකාරියේ සභාපති මේජර් ජෙනරල් නන්දන සේනාධීර (විශ්‍රාමික) මහතා සහ රණවිරු සේවා අධිකාරියේ අධ්‍යක්ෂ බ්‍රිගේඩියර් චන්ද්‍රා අබේකෝන් මහතා විසින් රණවිරු ගැටලු සඳහා එම මොහොතේම විසඳුම් ලබාදීමට කටයුතු කරනු ලැබීය.
26/09/2023
කහටගස්දිගිලිය රණවිරු ප්‍රජාව වෙනුවෙන් වෛද්‍ය සායනයක්
අනුරාධපුර දිස්ත්‍රික්කයෙහි කහටගස්දිගිලිය රණවිරු සංසදයෙහි සාමාජිකයන් සදහා හෙලවිරු සුව සායනයෙහි දෙවන අදියර 2023.09.22 දින කහටගස්දිගිලිය ප්‍රාදේශීය ලේකම් කාර්යාලයේ දී ප්‍රාදේශීය ප්‍රජා සෞඛ්‍ය වෛද්‍ය නිලධාරීතුමිය සහ කාර්ය මණ්ඩලයෙහි සාමාජිකයන් සහ සංසද සාමාජිකයන්ගේ සහභාගිත්වයෙන් සිදු කෙරිනි.
Click here to claim your Sponsored Listing.
Videos (show all)
Category
Contact the organization
Telephone
Website
Address
449, Galle Road, Colombo 03
Colombo
00300
HealthEducation Bureau - Sri Lanka
No. 2, Kynsey Road, Colombo 08
Colombo, 00800
HEB is the premier Govt Public Health institution dedicated for H Edu, Promotion,Capacity Building in Behaviour Change Com through health communication
Tharunyata Hetak - Aspiring Youth
Colombo
Tharunyata Hetak (Aspiring Youth) is a youth movement across Asia to empower and uplift the youth in the region.
------SAMA-G------ (SG)2
Colombo
evry1 in RI havelock will definitely know abt SAMA-G, specially in the year 2008, coz we rockd to the maxa. We built RI with fun,joy n happenin.
National Research Council of Sri Lanka
120/07, Vidya Mawatha
Colombo, 00700
NRC is a state funding agency in Sri Lanka established by an act of parliament in 2016.
Sri Lanka Air Force
Sri Lanka Air Force Headquarters, P. O BOX 594, Colombo 2
Colombo, 0094
The official FB page of the Sri Lanka Air Force. Page is managed by the Directorate of Media at AFHQ. Visit www.airforce.lk for more news, images and videos on the Sri Lanka Air Fo...
Sri Lanka Export Development Board
42 Nawam Mawatha
Colombo, 00200
Sri Lanka Export Development Board (EDB Sri Lanka) is the Government Body for Export Promotion
Information and Communication Technology Agency of Sri Lanka (ICTA)
490, R A De Mel Mawatha
Colombo, 00300
Facebook Official Page for Information and Communication Technology Agency of Sri Lanka
Lion R.Rajasegaran J.P (Registrar of Marriages)
E1 1/3 N. H. S Maligawatta Flats. Colombo/10
Colombo
Sinhala,Tamil and Christian weddings. We can give advice how to go abroad after marriages.
Municipal Council Colombo
Town Hall, Colombo 7
Colombo, 00700
The Town Hall of Colombo is the headquarters of the Colombo Municipal Council and the office of the Mayor of Colombo. Built-in front of the Viharamahadevi Park, Colombo, Sri Lanka,...