Alternativa - Nendega Karposh

Sonte kombëtarja shqiptare e vulosi kualifikimin për kampionatin europian 2024.

Prej sonte fillon festa.
Të hënën do të kremtojmë në Tiranë.
Urime 🇦🇱

AlternAtivA: E mbështesim protestën e nesërme para Gjykatës së Tetovës

Duke ndjekur me shqetësim informacionet e fundit për procesin gjyqësor të zhvilluar për djegien e spitalit modular më 8 shtator 2021, AlternAtivA është e tmerruar nga abuzimet që janë bërë me këtë rast.
Nisur nga kjo, AlternAtivA e mbështet protestën e ftuar për nesër para Gjykatës së Tetovës përkitazi me këtë rast dhe bën thirrje për pjesëmarrje sa më masovike në të.
Askush nuk ka të drejtë të abuzojë me drejtësinë, ndërsa secili që merr guxim të shkelë mbi viktimat, patjetër duhet ta marrë vendimin e merituar.

AlternAtivA - Shkup

15.08.2023

Me kryetarët e degëve të Alternativës.

AlternAtivA: Krenaria jonë është familja jonë tradicionale

Sot, kur edhe në Shkup po mbahet e a.q. Paradë e Krenarisë, konform përcaktimeve tona programore dhe bindjeve tona politike, natyrisht edhe duke e respektuar të drejtën e mendimit ndryshe, deklarojmë se për neve kjo le që nuk është kurrfarë krenarie, por është një përpjekje ndryshe për ta goditur familjen tonë tradicionale.
Duke besuar se familje është vetëm bashkësia heteroseksuale, e ndërtuar mbi dashurinë e ndërsjellë mes bashkëshortëve, e realizuar publikisht në një ceremoni dhe e bekuar përmes një riti, AlternAtivA e gjykon këtë paradë si ngarendje shoqërore për t’i relativizuar kufijtë e familjes sonë tradicionale, kjo në favor të trajtave të ndryshme të përçudnimit të qenies njerëzore, gjithsesi në dëm të misionit tonë human në tokë.
Po ashtu, duke besuar se njeriu nuk është një qenie e hedhur në gjithësi pa ndonjë arsye, si dhe duke besuar se trupat tanë nuk janë prona jonë, porse janë dhuratë e Zotit, ne mendojmë se vetëm duke e afirmuar, kultivuar dhe mbështetur familjen tradicionale ne e përmbushim detyrimin që e kemi ndaj Zotit – që stafetën e ekzistencës, të vlerave, virtyteve dhe trashëgimisë ta bartim te brezi pasardhës.
Prandaj, për ne kjo që ndodhë në Shkup nuk ka të bëjë fare me krenarinë, sepse krenari është familja jonë, në të cilën janë mbrujtur dhe mëkuar ndër shekuj legjendat, kujtimet, ëndrrat dhe dashuria për Zotin, për njeriun, për atdheun, për kombin dhe për natyrën.
Në frymë të kësaj, AlternAtivA deklaron se do të jetë KUNDËR edhe propozim-ligjit të ri për evidencën amë, përmes të cilit synohet të relativizohet familja tradicionale duke e shpikur të a.q. “identitet gjinor”, dhe për këtë do i përdorim të gjithë mekanizmat demokratikë dhe të gjitha argumentet politike, shkencore dhe etike që ky propozim-ligj të mos kalojë.

AlternAtivA – Shkup

Shkup, 24.06.2023

Sot, në 15-vjetorin e pavarësisë së Republikës së Kosovës, gjej rastin që Presidentes Vjosa Osmani, Kryeministrit Albin Kurti dhe Kryetarit të Kuvendit Glauk Konjufca, por edhe gjithë popullit të Kosovës, si edhe të gjithë shqiptarëve kudo që janë, t’ua uroj këtë përvjetor jubilar dhe Kosovës t’i dëshiroj suksese në shtetndërtimin e saj dhe në rrugën euroatlantike.
Kosova, e ndërtuar nëpër sfida që shpesh e kanë vendosur në teh ekzistencën e saj, sot është një storje e suksesit, me te cilën mund të mburremi të gjithë ne që e dimë jo vetëm historinë më të re të saj.
Në këtë ditë i ndërmendim edhe të gjithë heronjtë dhe ata që me gjakun, djersën dhe punën e tyre kanë kontribuar në suksesin e këtij rrëfimi! Qoftë i përjetshëm kujtimi për ta!
Urime Kosovë!