Baulab Studio

Нашиот последен проект се однесува на еден стан во Козле, Општина Карпош во кој се обидовме да дизајнираме во современ дух. Идејата беше да создадеме еден современ ентериер со хроматски баланс во кој дневниот простор ќе биде третиран со модерни елементи на мебел а ѕидните површини ќе бидат комбинација на модерни апликации и топли пастелни бои. Трпезаријата е третирана како централно катче кое ќе доминира во просторот а кујната е третирана како нејзино дополнување со чисти геометриски линии и светли тонови во материјалите. Спалните соби нудат едноставен, минималистички третман во геометријата и амбиентална атмосфера во ноќните часови на што е положено дополнителен акцент во целиот стан. Дизајн Marta Mladenovska + Ana Toni Jovanovska + Igor Vasilevski

Викенд станче во Охрид од 45 метри квадратни кое ќе се користи во летните периоди и за време на викендите. Сакавме да создадеме пријатна атмосфера со светли површини и нежни пастелни нијанси во ентериерот. Мебелот е изработен со реномираниот австриски производител Egger, партерот е изработен со подно греење и поплочен со италијански плочки од производителот Florim, осветлување е на италијанската фирма од Милано Stilnovo, а ѕидните површини се латексни и третирани со финскиот производител Tikkurila.

Стан на Рузвелтова во Скопје, со површина од 120 м² во новата зграда на Капитол непосредно до Млечен ресторан. Нашата замисла беше ѕидните површини да ги зачуваме во основни светли тонови употребувајќи штукатура како акцент на одредени позиции во просторот. За таа цел со мебелот сакавме да постигнеме контраст кој доби боја согласно потребите и желбите на клиентите во комбинација на натур дрво со кремасти, сивкасти и антрацитни тонови. Прикажани се повеќе визуелизации со цел да се долови амбиентот а и да се направи компарација за време на дневните и ноќните часови во просторот. Повеќе на: www.baulab.mk

Стан во Општина Ѓорче Петров со површина од 90 квадратни метри. Во него комбиниравме разни ѕидни техники и облоги од природен материјал со цел да постигнеме пријатна атмосфера во просторот. Дизајн: Igor Vasilevski Ana Ivanovska Ana Toni Jovanovska