Phyo Chinese Language Center

မနေ့ ကိုယ်က "နက်ဖြန်သားတို့ သင်တန်းကိုလာရင် ဘာမှမစားခဲ့နဲ့နော်老師 မုန့်ကျွေးမယ်လို့ပဲ" မှာတာ
ဒီနေ့ကျတော့ 老師 "Happy Valentine's Day ပါ" တဲ့
သိပ်ကိုချစ်ဖို့ကောင်းတဲ့ ကလေးလေး ကျေးဇူးပါရှင့် 🥰🥰

ချစ်ဖို့ကောင်းတဲ့ကလေးငယ်လေးတွေရဲ့ CNY New year အတွက်အနုပညာလေးတွေ

在今天这个辞旧迎新的日子里我们以“辞”告别旧岁以“迎”拥抱新春

新的一年
愿你
好运连连
生活甜甜
新的一年

愿你
顺风顺水
万事不难

新的一年
愿你
斗志昂扬
奋发有为
新的一年

愿你
布履不停
共赴新程

龙行天下，威风凛凛，愿您新的一年，事事如意，好运连连！

龍年大吉 🐉🐉

🐉 CNY New Year Holiday 🐉

*သင်တန်းပိတ်ရက်အသိပေးကြေငြာခြင်း*

PHYO CHINESE LANGUAGE CENTER သင်တန်းအား တရုတ်နှစ်သစ်ကူးပိတ်ရက်အဖြစ် 08.02.2024 မှ 11.02.2024 ထိ (4) ရက်တိုင်ပိတ်သွားမှဖြစ်ပြီး
12.02.2024 တနင်္လာနေ့တွင်ပုံမှန်အချိန်များအတိုင်းပြန်လည်ဖွင့်မည်ဖြစ်ပါကြောင်းအသိပေးအကြောင်းကြားအပ်ပါသည်။

小孩們的成績

Phyo Chinese Language Center ရဲ့နှစ်ဦးအလှူလေးပါ။ ကုသိုလ်ထပ်တူရကြပါစေ။

同學們送的禮物🎁 謝謝同學們 ❣️

聖誕節快樂☃️❣️
老師送的禮物🎁

⛄祝大家聖誕節快樂☃️

ဒီနေ့တစ်ရက်သင်တန်းပိတ်ပါတယ်ရှင်။🎄🎄

တန်ဆောင်တိုင်လပြည့်နေ့ သင်တန်းတစ်ရက်ပိတ်ပါတယ်ရှင်။

သီတင်းကျွတ်အခါသမယမှာ သင်တန်းသူ/သားများ၊ သားသားမီးမီးလေးများနဲ့ မိဘများ ၊မိတ်ဆွေအပေါင်းအသင်းများအားလုံး စိတ်စေရာအောင်မြင်မှုအပေါင်းရရှိနိုင်ကြပါစေရှင်။

‼️ School has reopened ‼️

大家好！
အားလုံးပဲ‌မင်္ဂလာပါရှင်။ အားလုံးစောင့်နေတဲ့ 4skills တန်းခွဲအသစ်လေးဟာ လာမဲ့ November လထဲမှာ ပြန်လည်ဖွင့်လှစ်တော့မှာဖြစ်လို့ သင်တန်းစုံစမ်းထားသူများ ပြန်လည်အပ်နှံနိုင်ပြီဖြစ်ကြောင်းအသိပေးလိုက်ရပါတယ်ရှင်။

သင်တန်းစတင်မည့်ရက်
01.11.2023(Wednesday)
Monday to Thursday
8am to 9:30am
သင်တန်းကြေး
70000ks ( per month)

သင်တန်းကြေးတွင် Level တိုင်းအတွက်လိုအပ်သောဖတ်စာအုပ်ကြေးမျာပါဝင်ပြီးသားဖြစ်ပါတယ်ရှင်။

ဆက်သွယ်ရန်

အမှတ် 609, ပုဂံ28လမ်း၊ 5ရပ်ကွက်၊ တောင်ဥက္ကလာပမြို့နယ်၊ရန်ကုန်မြို့။
09785904464,09955923477.

တရုတ်ရိုးရာလမုန့်ပွဲတော်

中秋節 2023

ယခုနှစ် ၂၀၂၃ ခုနှစ်၊ စက်တင်ဘာလ ၂၉ ရက်နေ့သည် တရုတ်ရိုးရာလမုန့်ပွဲတော်နေ့ဖြစ်သည်။ တရုတ်ရိုးရာလမုန့်ပွဲတော်ကို ကျုံးချိုးကျယ် 中秋節 ဟု ခေါ်ဆိုကြသည်။ တရုတ်ရိုးရာလမုန့်ပွဲတော်သည် တရုတ်ရိုးရာ ပွဲတော်ကြီး ၄ ခု (နွေဦးပွဲတော် (နှစ်သစ်ကူးပွဲတော်)၊ တရုတ်ရိုးရာသင်္ချိုင်းကန်တော့ပွဲ၊ နဂါးလှေလှော်ပြိုင်ပွဲ၊ လမုန့်ပွဲတော်) ထဲတွင် တစ်ခုအပါအဝင် ဖြစ်သည်။ တရုတ်ရိုးရာ လမုန့်ပွဲတော်ကို တရုတ်လ ၈ လပိုင်း ၁၅ ရက်နေ့မှာ ပြုလုပ်လေ့ ရှိသည်။ တရုတ်ပြက္ခဒိန်အရ ၇ ၊ ၈ ၊ ၉ လ ထို ၃ လသည် ဆောင်ဦးရာသီထဲတွင် ပါဝင်သည်။ ၈ လပိုင်းသည် ဆောင်းဦးရာသီ၏ အလယ်တွင်ရှိသည့် လ တလဖြစ်ပြီး ၈ လ ပိုင်း ၁၅ ရက်နေ့သည်လည်း ၈ လပိုင်း၏ အလယ်မှာရှိသည့် နေ့တစ်နေ့ ဖြစ်လေသည်။ ထို့ကြောင့် လမုန့်ပွဲတော်ကို “ဆောင်းဦးရာသီ-လလယ်ပွဲတော်” 中秋节 ဟုလည်း ခေါ်ဆိုကြသည်။ ပွဲတော်နေ့တွင် တရုတ်လူမျိုးများသည် လကိုရှုစားပြီး လမုန့်စားလေ့ရှိသည်။ ထို့အပြင် မီးပုံပျံများ လွှတ်ခြင်း၊ မီးအိမ်လေးများကို ရေမျောခြင်းတို့ကိုလဲ ပြုလုပ်လေ့ ရှိကြသည်။ ပွဲတော်ရက်၌ လသည် ဝိုင်းစက်နေသည့်အတွက်၊ ပြည့်စုံခြင်း၊ စုံညီခြင်း နိမိတ်ကို ယူပြီး "စုံညီပွဲတော်" ဟုလည်း ခေါ်ကြသေးသည်။

“ချန်အော် လ ထံသို့ ပျံသန်းခြင်း” (嫦娥奔月)

ရှေးယခင်ထဲက လ နှင့် ပတ်သတ်၍ ဒဏ္ဍာရီပုံပြင် မြောက်မြားစွာရှိခဲ့သည်။ ထိုအထဲတွင် “ချန်အော် လ ထံသို့ ပျံသန်းခြင်း” ပုံပြင်သည် နာမည်အကျော်ကြားဆုံး ဖြစ်လေသည်။ ချန်အော်သည် တရုတ် ရှေးဟောင်းဒဏ္ဍာရီပုံပြင်ထဲမှ နေကို ခွင်းသည့် သူရဲကောင်း ဟုတ်ရီ၏ ဇနီး ဖြစ်လေသည်။ ရှေးအခါက ကောင်းကင်ပေါ်၌ နေဆယ်စင်းက တပြိုင်နက် ပေါ်ထွက်လာခဲ့သည်။ ပူပြင်းလှသောကြောင့် ကောက်ပဲသီးနှံများ ခြောက်သွေ့ပြီး သေကုန်ကြသည်။ လူသားတို့လည်း နေထိုင်ရသည်မှာ ပူပြင်းလွန်း၊ ခက်ခဲလွန်းလှလေသည်။ သူရဲကောင်း ဟုတ်ရီက အတိဒုက္ခရောက်နေသော ပြည်သူတွေများကို မကြည့်ရက်သောကြောင့် ခွန်းလွန်တောင်ပေါ်သို့ တတ်ပြီး နေတစ်စင်းကိုသာ ချန်ထား၍ ကျန် နေ ၉ စင်းကို ပြစ်ချခဲ့လေသည်။ ပြီးနောက် ကျန်သည့် နေတစင်းကိုလည်း အချိန်မှန် နေဝင်၊ နေထွက် ပြုလုပ်ရန် တာဝန်ပေးခဲ့ပါသည်။

ထိုသို့ လူသားအကျိုးဆောင်မှုကြောင့် ရှီးဝမ်မုမယ်တော်က သူရဲကောင်း ဟုတ်ရီကို မအိုမသေဆေး ချီးမြှင့်ခဲ့လေသည်။ ဤဆေးကို သောက်လိုက်ပါက ကောင်းကင်ပေါ်သို့ ချက်ချင်း ပျံတတ်သွားပြီး နတ်ဖြစ်သွားမည်ဟု ပြောလေသည်။ သူရဲကောင်း ဟုတ်ရီသည် ဇနီးသည်ကို မချန်ထားခဲ့ရက်တာမို့ သိမ်းဆည်းထားရန် အပ်ထားခဲ့လေသည်။ ချန်အော်သည် ဗူးထဲမှာထည့်ပြီး မှန်တင်ခုံထဲမှာ သိမ်းထားလိုက်သည်။ ထိုအချင်းအရာကို ဖန်းမန်ဟုခေါ်သည့် လူက တွေ့သွားပြီး ခိုးစားရန် ချောင်းနေလေသည်။ နောက် ၃ရက်လောက်နေသောအခါ ဟုတ်ရီက အမဲလိုက်ရန် တောထဲသို့ သွားလေသည်။ အကြံသမား ဖန်းမန်ကတော့ နေမကောင်းချင်ဟန်ဆောင်ပြီး လိုက်မသွားခဲ့ပေ။ ဟုတ်ရီတို့ ထွက်သွားပြီးနောက် ဖန်းမန်က ဟုတ်ရီအိမ်ကို ဓားနဲ့ ဝင်သွားပြီး ချန်အော်ကို ဆေးထုတ်ပေးရန် တောင်းလေသည်။ ချန်အော်လည်း ဖန်းမန်ကို ဘယ်လိုမှ မယှဉ်နိုင်တဲ့အတွက် ဗူးကို ဖွင့်ပြီး တခါထည်း မြိုချလိုက်တော့သည်။ ချန်အော် ဆေးကို မြိုချလိုက်သည်နှင့် ချက်ချင်းပင် မြေပြင်မှ တဖြည်းဖြည်း ဝေးကွာပြီး ကောင်းကင်ပေါ်ကို တတ်သွားကာ လဗိမာန် 廣寒宮 ဆီသို့ ရောက်ရှိသွားတော့သည်။

ထိုအခါ တောလိုက်သွားရာမှ ပြန်လာသော ဟုတ်ရီလည်း ဇနီးသည်၏ အဖြစ်ကို ကြားပြီးနောက် ဝမ်းနည်းကြီးစွာ ငိုကြွေးလေသည်။ ဟုတ်ရီက ဇနီးသည်ကို လွမ်းဆွတ်သည့်အတွက် အိမ်နောက်ဖက်က ပန်းခြံထဲ၌ ချန်အော် ကြိုက်နှစ်သက်သည့် မှုန့်ချိုများ၊ သစ်သီးများ ခင်းကျင်းပြီး ဇနီးသည်အား သတိရအောက်မေ့ခြင်းကို ပြုလုပ်လေသည်။ ပြည်သူများကလည်း လရောင်အောက်၌ ခင်းကျင်းပြီး စိတ်ရင်းကောင်းလှသည့် ချန်အော်ကို ကျန်းမာချမ်းသာပါစေကြောင်း၊ ဆုတောင်းမေတ္တာ ပို့သကြပါသည်။ ထိုအချိန်မှစ၍ လနတ်သမီး ချန်အော် 嫦娥 ကို ကန်တော့်သည့်ဓလေ့ထုံးစံတစ်ခု ဖြစ်လာခဲ့သည်။

ခေတ်အဆက်ဆက်ကျင်းပခဲ့သော လမုန့်ပွဲတော်

လမုန့်ပွဲတော်ကျင်းပခြင်းကို ထန်ခေတ်မှတ်တမ်း၌လည်း တွေ့ရှိခဲ့ရသည်။ ထန်မင်းဆက်၏ ဒုတိယမြောက်ဧကရာဇ် ထန်ထိုက်ကျုံး (လီရှီမင်း) လက်ထက်၌ ချုံးနု (မွန်ဂို) တွေကို အောင်မြင်ပြီး ၈ လပိုင်း ၁၅ ရက်နေ့ လပြည့်နေ့၌ အောင်ပွဲခံနေချိန် အနောက်အရပ်က ကုန်သည်တစ်ယောက်သည် ဧကရာဇ်အား လမုန့်ကို ဆက်သခဲ့လေသည်။ ဧကရာဇ်လည်း စားသုံးပြီးသည့်အခါ ကြိုက်နှစ်သက်သဖြင့် သူ့၏ ဝန်ကြီးများကို ခွဲဝေကျွေးလေသည်။ ထိုသို့ဖြင့် လပြည့်နေ့၌ လမုန့်စားခြင်း ဓလေ့သည် နိုင်ငံတဝှမ်း ပြန့်နှံ့သွားခဲ့ရာမှ လမုန့်ပွဲတော်ကို နှစ်စဉ်ကျင်းပခဲ့ကြသည်။

ဖူးစာရေးနတ်မင်းဘိုးဘိုး၏ ဒဏ္ဍာရီ

နောက်ထပ်ပုံပြင်တစ်ခုမှာ ထန်ခေတ်၌ပင် ဖြစ်ပျက်ခဲ့သည့် ဖူးစာရေးဇာတ်လမ်းလေး တစ်ခုပင်ဖြစ်လေသည်။ ထန်မင်းဆက်ခေတ်၌ ဝေကု 韋固 ဟု အမည်ရသည့် အမျိုးသားတစ်ယောက်သည် လပြည့်နေ့ည၌ ထူးဆန်းသော အဖိုးအိုတစ်ယောက်ကို တွေ့လိုက်ရသည်။ သူ့နှင့်အတူ ဘေးမှာလဲ အိတ်တစ်လုံးကို တွေ့ရသည့်အခါ ဝေကုက သိလိုစိတ်ဖြင့် အဖိုးအိုကို မေးမြန်းကြည့်လေသည်။ ထိုအခါ အဖိုးအိုက စာအုပ်ကိုကြည့်ပြီး "ကျွန်ပ်သည် လောက၌ရှိသော ချစ်သူတို့၏ ဖူးစာရေးကို တိုက်ဆိုင်ခြင်းနှင့် စစ်ဆေးခြင်းကို ပြုလုပ်နေတာပါ။ စကားပုံအရ ဖူးစာမှန်လျှင် မိုင်ပေါင်းတစ်ထောင်ဝေးသည့်တိုင် ပေါင်းဖက်ရပါလိမ့်မယ်" ဟု ဖြေကြားလေသည်။

ဝေကုလဲ အဖိုးအို၏ စကားကို နားထောင်ပြီးနောက် အဖိုးအိုအား သူ၏ ဖူးစာရှင်ဇနီးဟာ ဘယ်အရပ်မှာ ရှိနေပါသလဲဟု မေးလေသည်။ ထိုအခါ အဖိုးအိုက "သင့်ရဲ့ ဇနီးသည်ဟာ မြောက်ဘက်အရပ်တွင် နေထိုင်သော ချန်အမျိုးနွယ်ဝင် မိန်းမပျိုလေးတစ်ယောက် ဖြစ်ပါတယ်။ သူမ၏ မျက်နှာလေး၌ အမာရွတ်လေးတစ်ခု ပါလိမ့်မယ်" ဟု ဖြေကြားလိုက်လေသည်။ ထိုအခါ ဝေကုက မြောက်အရပ်သို့ သွားရောက်ရှာဖွေရာ ဇနီးလောင်းဆိုသူမှာ ယခုအချိန်တွင် ၃ နှစ်သာ ရှိသေးကြောင်း သိရလေသည်။ ဝေကုလည်း ဖူးစာရေးဘိုးဘိုး၏ စကားနှင့် ဖူးစာကံကို မယုံကြည်သောကြောင့် ကလေးငယ်ထံ လူသတ်သမားကို သတ်ရန် စေလွှတ်လိုက်သည်။ ကံတရားဆိုသည်ကား လူတို့ ဖန်တီးနိုင်သည့်အရာမဟုတ်၊ လူသတ်သမားသည်လည်း မိန်းကလေးငယ်အား မြင်သည်နှင့် သနားစိတ်ဝင်လာသဖြင့် မသတ်ပဲ မျက်ခုံးအလယ်တွင် ဒဏ်ရာအနည်းငယ် ဖြစ်စေပြီး ပြန်သွားခဲ့လေသည်။ ၁၄ နှစ်ခန့် ကြာသောအခါ ဝေကုလည်း စစ်သူကြီးတစ်ဦး ဖြစ်လာခဲ့သည်။ သူ၏ အထက်အရာရှိ ဝမ်ထိုက်က ဝေကုအား သဘောကျသဖြင့် သူ့သမီးနှင့် လွန်စွာသဘောတူလေသည်။ ဝမ်ထိုက်၏ သမီးသည် အလွန်ချောမောလှပသော်လည်း မျက်ခုံးအလယ်တွင် ဒဏ်ရာအသေးလေးတစ်ခုရှိလေသည်။ ထိုဒဏ်ရာကို ပန်းပွင့်ဖြင့် ကပ်ပြီး ဖုံးကွယ်ထားရသည်။ ဝေကုက ဒဏ်ရာအကြောင်းကို စုံစမ်းမေးမြန်းရာမှ လွန်ခဲ့သော ၁၄ နှစ်ခန့်က သူကိုယ်တိုင် သတ်ခိုင်းခဲ့သော မိန်းကလေးငယ်ဖြစ်ကြောင်းကို သိလိုက်ရတော့သည်။ သူမကို ဝမ်ထိုက်က မွေးစားလိုက်သဖြင့် ယခုအခါ ဝမ်ထိုက်၏ သမီးဖြစ်လာခဲ့လေသည်။ ထိုအခါမှ ဝေကုလည်း အံ့သြသွားပြီး ဖူးစာမှန်သဖြင့် ဝေးကွာနေသည့်တိုင် ထိုမိန်းကလေးဖြင့် ပြန်လည်ပေါင်းဖက်ရလေသည်။ လူအများကလည်း ၎င်းသတင်းကြောင့် ဖူးစာရေးနတ်ကို ယုံကြည်ကြပြီး လရိပ်အောက်က ဖူးစာရေးနတ်အဖိုးအိုဟု ခေါ်ဆိုကြလေသည်။

ဖူးစာရေးနတ်မင်း 月下老人 ၏ မွေးနေ့ပူဇော်ခြင်းကို ဝေကုနှင့် တွေ့ဆုံသော တရုတ်ပြက္ခဒိန် ၈ လပိုင်း ၁၅ ရက်နေ့ လပြည့်နေ့ဟု သတ်မှတ်ကာ ကိုးကွယ်ကြသည်။ ထိုနေ့ရောက်တိုင်း ဖူးစာရှင်/အိမ်ထောင်ဖက် မတွေ့သေးကြသော လူပျို/အပျိုများသည် အဖိုးအိုအား အိမ်ထောင်ဘက်ရရှိရန် သွားရောက်ဆုတောင်းလေ့ရှိကြသည်။

ကျူးယွင်ကျန်းက မွန်ဂိုတို့ကို တော်လှန်ခြင်း

လမုန့်ပွဲတော်ကို ပွဲတော်အဖြစ် ကျင်းပခြင်းကို တစုန့်ခေတ်၌ စတင်တွေ့ရှိခဲ့ရသည်။ လမုန့်ပွဲတော်၌ ထင်ရှားသည့် သမိုင်းဖြစ်ရပ်တစ်ခု ရှိပါသေးသည်။ ထိုအဖြစ်အပျက်မှာ မွန်ဂိုမင်းဆက်အုပ်စိုးချိန် ယွမ်ခေတ်၌ ဖြစ်ပျက်ခဲ့ခြင်း ဖြစ်လေသည်။

ယွမ်ခေတ်နှောင်းပိုင်းလောက်တွင် တရုတ်ပြည်မ၌ မွန်ဂိုမင်းဆက်ကို ပုန်ကန်သည့်တိုက်ပွဲများ ပြင်းထန်လာခဲ့သည်။ ထို့ကြောင့် ယွမ်မင်းဆက်က ပုန်ကန်မှာ စိုးရိမ်သည့်အတွက် လူစုလူဝေးပြုလုပ်ခြင်းကို တာမြစ်ထားသောကြောင့် တရုတ် ဟန့်လူမျိုးများသည် ယွမ်မင်းဆက်ကို ပုန်ကန်ရန် အခွင့်မသာခဲ့ပေ။ ထို့အပြင် ပုန်ကန်မည့်သူများမှာလည်း အနယ်အရပ်ရပ်၌ တကွဲတပြားစီ ဖြစ်နေသည့်အတွက် ထိုသူတို့ကို အချိန်မှီစုစည်းနိုင်ရေးဆိုသည့် ကိစ္စမှာ မလွယ်ကူချေ။ ထိုသို့ဖြင့် ကျုးယွင်ကျန်းတို့၏ ကြာပန်းဖြူဂိုဏ်းက ပုန်ကန်ရမယ့်အချိန်ကို စဉ်းစားကြရင်း မွန်ဂိုတွေ လမုန့်မစားဖူးတာကို သတိသွားရမိကြတော့သည်။ ဒီအကြံကို ကျူယွင်ကျန်းနှင့် သူ၏ အတိုင်ပင်ခံ လျှိုပေါဝမ်တို့က ကြံစည်မိကြသည်။

ထိုလမုန့်ပွဲတော်ကို အကြောင်းပြုပြီး Zhu Yuan Zhang 朱元璋 ကျူးယွင်ကျန်း (မင်မင်းဆက်ကို တည်ထောင်သူ) (ဘုရင်အမည်- 洪武帝 ဟုန်ဝူသိ Hong Wu Di) သည် ယွမ်ဧကရာဇ်အား ဆုတောင်းပေးရန်အတွက် လပြည့်နေ့၌ တရုတ် ဟန့်လူမျိုးများမှ လမုန့်များ ဝေပါရစေဟု မွန်ဂိုအရာရှိများထံ ခွင့်တောင်းပြီး လမုန့်များကို တရုတ် ဟန်လူမျိုးများ၏ အိမ်တိုင်းစေ့ ဝေမျှပေးခဲ့ကြသည်။ အမှန်စင်စစ် ထိုလမုန့်ထဲ၌ မွန်ဂိုများကို ၈ လပိုင်း ၁၅ ရက်နေ့၌ ပုန်ကန်ကြမည်ဟု (八月十五杀鞑子) ရေးထားသည့် စာတိုလေးများကို ထည့်သွင်းထားကြသည်။ ထို ၈ လပိုင်း ၁၅ ရက် လပြည့်ည၌ တရုတ်ပြည် နေရပ်အသီးသီးရှိ မြို့များတွင် တော်လှန်ရေးသမားများက မြို့တွင်းရှိ မွန်ဂိုအစောင့်များကို တိတ်တဆိတ် လုပ်ကြံကာ မွန်ဂိုတပ်များကို အောင်မြင်စွာ တော်လှန်တိုက်ထုတ်နိုင်ခဲ့လေသည်။ ထိုပွဲတော်တွင် စတင်ခဲ့သည့် တော်လှန်ရေးသည် ယွမ်ခေတ်ကို ကုန်ဆုံးစေခဲ့ပြီး မွန်ဂိုများ ပြည်မမှ ထွက်ခွာခဲ့ရကာ ဟန်လူမျိုးများ အုပ်စိုးသော မင်ခေတ်ကို စတင်နိုင်ခဲ့လေသည်။ ထိုအကြောင်းကို အစွဲပြုပြီး တရုတ်လူမျိုးများသည် တရုတ်ပြက္ခဒိန် ၈ လပိုင်း ၁၅ ရက်နေ့၌ လမုန့်ပွဲတော်ကို ကျင်းပပြီး လမုန့်ကို အမှတ်တရအနေနဲ့ စားသုံးကြလေသည်။

လမုန့်စားသုံးနည်း

လမုန့်ပွဲတော်တွင် စားသုံးသည့် မုန့်ကို 月餅 ယွဲ့ပင် (လမုန့်) ဟု ခေါ်သည်။ တရုတ်လမုန့်သည် မြန်မာက လမုန့်တွေထက် ပိုအီသည်။ တစ်ခုတည်းလဲ မစားနိုင်ကြပေ။ အရင်ဆုံး ရေနွေးကြမ်းလေးကို အနေတော် သောက်သုံးရန် ပြင်ဆင်ထားပါ။ ပြီးနောက် ဒီသမိုင်းလေးကို ထပ်ဖတ်ကြည့်ပါ။ လမုန့်ပေါ်တွင် တရုတ်စာလုံးလေးများ ရေးသားထားသည်ကို မြင်တွေ့ဖူးကြလိမ့်မည်။ သမိုင်းတွင် လမုန့်ပေါ် စာလုံးလေးများကို ရေးထွင်းထားပြီး လမုန့်ကို လေးခြမ်း ခြမ်း၊ ၈ ခြမ်း ခြမ်း စသည်ဖြင့် ခြမ်းပြီးမှ နေရာတကျ ပြန်ဆက်လိုက်သည့်အခါ စာတလုံးချင်းစီ ရရှိလာလေသည်။ ထိုစာများ ဆက်လိုက်မှ တော်လှန်ရေးလုပ်ကြမည် ဟူသည့် စာသားတစ်ကြောင်း ဖြစ်ပေါ်လာသည်ဟု ဆိုကြသည်။ ဒါ့ကြောင့် စားသုံးမည်ဆိုပါက အရင်ဆုံး အလယ်ကနေ ၂ ခြမ်း ခြမ်းပါ။ ပြီးမှ တခြမ်းစီကို အလယ်ကနေ ထပ်ပိုင်းလိုက်ပါ။ မကုန်လောက်ဖူးထင်ရင် နောက်ထပ် အစိပ်အသေးလေး ထပ်ခြမ်းလိုက်ပါ။ ကုန်နိုင်သလောက်ပဲ စားသုံးပါ။ အရမ်းစားရင် အီလည်လည်ဖြစ်ပြီး နေထိုင်မရ ဖြစ်တတ်ပါသည်။

လပြည့်နေ့မှာ လမုန့်စားရင်း ရေနွေးကြမ်းသောက်ကာ တိန့်လိကျွင်းရဲ့ 月亮代表我的心 သီချင်းကို ခံစားနားဆင်ရင်းနဲ့ ဘဝအမောတွေကို ဖြေဖျောက်နိုင်ကြပါစေ။

祝你們中秋節日快樂！！！！！！

祝福大家，福壽雙全！！！！！！

#林圛朙「天下第一」