I made this page for "kyay kwal luu ngl myr"

တကယ့်ဘဝမှာ ငါမျှော်လင့်ထားတဲ့
' --နှစ်ကြာသော် ' ဆိုတဲ့ စာတန်းလည်း ဖြစ်မလာပါဘူး
ငါတို့လည်း ဘယ်တော့မှ ပြန်မတွေ့ကြရတော့ဘူး။

ငါတို့နှစ်ယောက်ကြား အကွာအဝေး ယူနစ် ဟာ
တစ်ခုသော မေလ ကနေ
နောင်သံသရာထိ ဖြစ်ခဲ့ပါတယ်။

- ဆပ်ရိပ်

ငြင်းပယ်ခံခဲ့ရတဲ့ မိန်းမပါ
ရှင်ပြန်မချစ်ဘူး

ရှင်ပြန်မချစ်ဘူး ဆိုတာကို
တစ်ဘဝလုံး အရသာခံသွားမှာ

ဝမ်းသာရမှာလား
ဝမ်းနည်းရမှာလား မသိတော့ပါ
ရှင့်အသည်းကို ခွဲနိုင်တဲ့ မိန်းမ
မဖြစ်ခဲ့တာ... ။

#မြကျေး

ကျွန်မကြောင့်ဒဏ်ရာဖြစ်တယ်ဆိုလည်း
ဆေးကုလို့ရတဲ့ အနာပါဘဲ
ကျွန်မကြောင့် အိပ်ပျက်ရတယ်ဆိုလည်း
အိပ်ဆေးကူလို့ရတဲ့ မျက်လုံးတွေပါဘဲ

ရှင်ရဲ့ နိစ္စဓူဝ
ရှင့်ရဲ့ ကာလသုံးပါး
ကျွန်မက ဘယ်အင်အားနဲ့ ရွှေ့နိုင်ပါ့မလဲ

ရှင်မချစ်တော့တာကို ရှင်မမြင်ဘဲ
ကျွန်မကို တရားခံလို စွပ်စွဲနေတယ်။

~မြကျေး~

ကြည့်ရင်တော့လည်း မဝေးသလိုပါပဲ
ရှင်ကလည်း နေနိုင်တယ်
ကျွန်မကလည်း သေနိုင်တယ်

သစ်ပင် ဖြစ်ခဲ့တာ
ရှင့် ကံတရားဆိုလည်း
သစ်ရွက်လေး ကောက်မိလို့
သတ်ကွင်းထဲရောက်ခဲ့တာ ကျွန်မ ကံပဲ

မကြောက်တတ်တော့ပါ
လိုချင်ရက် ဝေးခဲ့ခြင်းများ
မလိုချင်သော်လည်း ပိုလျှံကျအောင်ရခဲ့ခြင်းများ
ရခဲ့ပြီးပြီ

ထားပါလေ
ရှင်က အမြဲကျွန်မလိုချင်နေတဲ့ သက်ရှိပဲ
အဝေးက ချစ်ပါရစေဆိုတာလည်း
ညာတာပါပဲ

တကယ်က ဒီလိုပါ
ဘယ်အရပ်လှည့်လှည့်
ကျွန်မ ရေဒီယိုလေးဟာ
ရှင့်အကြောင်းပဲ မိနေတာ

ဒီလို လာမချစ်နဲ့လို့ ပြောလည်း
ကျွန်မမှာ ထပ်ပြုတ်ကျစရာ ချောက် မရှိတော့ပြီပဲ...။ ။

#စာအိတ်အမှတ်_၁၃
#ရည်းစားစာ
#မြကျေး

တစ်ယောက်ကိုတစ်ယာက်
သတိတရရှိနေသေးတယ်ဆိုရင်
ငါတို့လမ်းခွဲခဲ့တာမဟုတ်ဘူး
လမ်းလွဲခဲ့တာ….

#မယ်ညို

နောက်ဆုံးတော့လဲ
ကျိုးသွားတဲ့ လက်သည်းရှည်လေးကို
ဖြတ်ချလိုက်သလိုမျိုး
မင်းဘဝထဲက ငါ့ကိုအလွယ်တကူ
ဖယ်ချနိုင်လိုက်တာပဲမဟုတ်လား
ငါကသတိရပါတယ်

-သျှားညို

မောင်ကလိုက်ခဲ့ဟု ခေါ်တုန်းကလည်း
မောင့်ဘေးမှာ ကျွန်မပါသည်။

မောင်ကနေရစ်ခဲ့ဟု ဆိုပြန်တော့လည်း
မောင်စိတ်အနှောင့်အယှက်ဖြစ်မည့်
စာတစ်စောင် စကားတစ်ခွန်းမျှ
မောင်မကြားရစေဘဲ
ကျွန်မငြိမ်သက်စွာ နေရစ်ခဲ့တာအမှန်ပါဘဲ။

အဲ့သည်အထိ
ကျွန်မမောင့်ကိုချစ်မြတ်နိုးခဲ့ပါသည် မောင်။

#အမှတ်တရ
#ဂျူး

ဘယ်သူ့ကို စောင့်နေတာလဲ မေးရင် ကျွန်တော့်မှာ
အဖြေ မရှိ။
တစ်ခုတော့ ပြောလို့ရတာပေါ့
ကျွန်တော် ဆေးလိပ်သောက်ရင်း ရပ်နေမိတာမျိုးပါပဲ။
ဘယ်သူ့ ကိုမှလည်း မစောင့်ပါဘူး
ဘယ်သူမှလည်း လာတော့မယ် မထင်ပါဘူး ။ ။

မောင်ဆောင်းခ

ကိုယ့်ကို ဘာနဲ့မှ ဆွဲမထားတဲ့
လူတစ်ယောက်ကို ချစ်ဖို့ဆိုတာ
အရမ်း အန္တရာယ်ကြီးပါတယ်
အချိန်မရွေး ပြတ်တောက်သွားနိုင်တယ်။
အချိန်မရွေး ဘာမဆိုဖြစ်သွားနိုင်တယ်။

- မြကျေး

ကျွန်တော်တို့ ဆုံရန်မရှိတော့ပါဘူး
နောက်နောင်နွေမှာလည်း
ကျွန်တော်တို့ ဆုံရန်မရှိတော့ပါဘူး။

#အောင်ချိမ့်

ကျွန်တော်တို့လမ်းချင်းတူရင်
လူချငိးတွေ့ကြမှာပါ

မောင်ချောနွယ်

မင်းက ဆယ့်ငါးမိနစ် တစ်ခါတကယ်ချစ်ရဲ့လား မေးပြီး
ငါးမိနစ် တစ်ခါ‘ ပြန်မယ် ၊ ပြန်မယ် ’ ပြောလို့
ပျံသန်းခြင်း အတတ်ပညာကို မင်းဆီက သင်ယူနေရတာ
ငါက မစဉ်းစားဘဲ အော်ဟစ်နေသူလား
မင်း ဘယ်တော့မှ မမှားဘူး ။

ငါ့ရဲ့ အမှားက တအားထက်လို့
ဘာမဆို ငါ့ကိုထိရင် ပြတ်လို့
စိတ်ရူးပေါက်ခဲ့စဉ် အခါက
ငါ့ဘက်က ဖြတ်စာလည်း ပေးခဲ့ဖူးတယ် ။

ငါ့အနားမှာ မင်း ရှိရုံနဲ့
မလုံလောက်သေးဘူး
ငါက လောဘအရမ်းကြီးတာပဲ
မင်းကို မရရင် ဘာမှမယူဘူး။

-စိုင်းဝင်းမြင့်

ရှင် အလိုရှိဦးမယ်ဆိုရင်
ရှင် သဘောကျတဲ့မိန်းကလေးအတွက် ဒေလီယာတစ်စည်းလည်း ဖြစ်နိုင်သေးတယ်
သိပ်မခက်ပါဘူး။

ရှင် ကျွန်မဆီမရောက်တော့မှာ
ကျွန်မ ရှင့်ဆီ မလာဖြစ်တော့တာ ဘာအရေးလဲ
ကျွန်မအသည်းတွေ ဖြန်ကြဲ
ရှင့် ဘေးနားထားပေးခဲ့ပြီပဲ။

မြကျေး

ချစ်နေရခြင်းကို ဖယ်ကြည့်လိုက်ရင်
အရာအားလုံးဟာ ဒဏ်ရာတွေချည်းပဲ

ဘာကြောင့် မငိုသလဲ မေးရင်
သိပ်နာလွန်းလို့ လို့ဖြေရပါလိမ့်မယ် ။

အောင်ချိမ့်

ကိုယ်တို့နှစ်ယောက်ကြားမှာ
ထောက်ထားစရာဆိုလို့ ဓားပဲရှိတော့တယ်
မင်းလည်း ပြန်မလာနဲ့
ငါလည်း မငိုနိုင်တော့ဘူး

#ဘုန်းပြည့်စုံမင်း