KanPai Japanese Language Center

🇯🇵 နည်းပညာတွေ အရမ်းဖွံ့ဖြိုးတိုးတက်နေတဲ့ ဂျပန်နိုင်ငံမှာလည်း မြန်မာနိုင်ငံနည်းတူ စိတ်ဝင်စားစရာ ရိုးရာကစားနည်းများရှိပြီးတော့ ဒီနေ့ ဂျပန်ရိုးရာကစားနည်း တချို့ကို 皆さんကိုမိတ်ဆက်ပေးပါမယ်။

1. Hanetsuki (Japanese badminton)
ဂျပန်ရိုးရာ ကြက်တောင်ရိုက် ကစားနည်းတစ်မျိုးဖြစ်ပြီး နှစ်သစ်ကူးအချိန်များတွင် ကစားလေ့ရှိသည်။ အမျိုးသမီးများကြား ရေပန်းစားပြီး ပိုက်ကွန်နဲ့ ဟိုဖက် ဒီဖက် ၂ဦးရိုက်ရတာမျိုး မဟုတ်ဘဲ တစ်ယောက်တည်းကသာ ကြက်တောင်ကို မြေကြီးပေါ် မကျအောင် သစ်သားဘတ်တံလေးနဲ့ ထိန်းရိုက်ရတာဖြစ်သည်။ အချိန်အကြာဆုံး ထိန်းထားနိုင်သူက ထိုနှစ်အတွက် ကံကောင်းတယ်ဆိုတဲ့ အယူအဆများလည်း ရှိသည်။

2. Janken (Rock, Paper, Scissor)
မြန်မာလို စုံစံစိ၊ အင်္ဂလိပ်လို Rock, Paper, Scissor ကစားရတဲ့ ကစားနည်းဖြစ်သည်။ ဂျပန်လို Janken Pon! (じゃんけんぽん!)လို့ ရွတ်ဆိုရသည်။
လက်ပုံစံတစ်ခုချင်းစီအတွက်
Rock – Guu (ぐう)
Scissor – Choki (ちょき)
Paper – Paa (ぱあ) စသည်ဖြင့် ခေါ်ဝေါ်သည်။

3. Kendama (Ball and Cup)
သစ်သားဘောလုံးနဲ့ သစ်သားလက်ကိုင်ကို ကြိုးတစ်ချောင်းနဲ့ ဆက်သွယ်ထားတဲ့ ကစားစရာတစ်ခုဖြစ်သည်။ လက်ကိုင်ရဲ့ တစ်ဖက်တစ်ချက်စီမှာ ခွက်ကလေး၂ခု ပါဝင်ပြီး လက်ကိုင်မှာလည်း တစ်ခွက်ပါဝင်ကာ ထိပ်မှာ အချွန်တစ်ခု ပါဝင်သည်။ သစ်သားဘောလုံးမှာ အပေါက်တစ်ခု ပါဝင်ပြီး ကျွမ်းကျင်ကစားသမားများက ဘောလုံးကို အချွန်ဖြင့် ဖမ်းယူကြသည်။ ဘောလုံးကို ပစ်မြှောက်ပြီး ဖမ်းယူရာတွင် ခွက် ၃ခုနှင့် အချွန် ၁ခု ပေါင်း ၄မျိုးဖြင့် အမျိုးမျိုး ဖမ်းယူကစားနိုင်သည်။

4. Daruma Otoshi (Tumbling Doll)
ဒီကစားနည်းမှာတော့ သစ်သားအပိုင်းအစများပါဝင်ပြီး ဆလင်ဒါပုံစံ Daruma ဦးခေါင်းကို ထိပ်ဆုံးမှာထားပြီး သစ်သားအပိုင်းအစ များကို စီကာ ကစားသူများက သစ်သားတူဖြင့် အောက်ပိုင်းကို အလှည့်ကျထုကာ အပေါ်က အပိုင်းအစများ မပြုတ်ကျအောင် ဆော့ကစားရတာဖြစ်သည်။ Jenga ကစားနည်းနှင့် ဆင်တူပြီး အာရုံစူးစိုက်ရတဲ့ ကစားနည်းတစ်မျိုး ဖြစ်သည်။

5. Beigoma (Spinning Top)
မြန်မာလို ဂျင်ကစားနည်းဖြင့် ဆင်တူပြီး ဂျင်က သစ်သားဖြင့် ပြုလုပ်ထားခြင်းဖြစ်ကာ Beigomaက သတ္တုဖြင့်ပြုလုပ်ထားပြီး ပိုမို သေးငယ်သည်။ ဂျင်ကစားနည်းကဲ့သို့ပင် ကြိုးဖြင့်ရစ်ပတ်ကာ ပစ်လွှတ်ရခြင်းဖြစ်သည်။

🇯🇵ဒီနေ့ဖော်ပြခဲ့တာကတော့ ဂျပန်ရိုးရာကစားနည်းများထဲက အချို့သာဖြစ်ပြီး ဒီနေ့အတွက် ဂျပန်နိုင်ငံရဲ့ ဗဟုသုတ ဝေမျှခြင်းကတော့ ဒီလောက်ပါပဲနော်။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: trip-n-travel.com
Photo: Google

ဒီကနေ့ကျရောက်တဲ့ ကဆုန်လပြည့် ဗုဒ္ဓနေ့မှာ မြန်မာပြည်သူပြည်သားများအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းများ ပြည့်စုံပြီး တရားထူးတရားမြတ်များ အားထုတ်နိုင်ကြပါစေလို့ Kanpaiမိသားစုမှ ဆုတောင်းမေတ္တာပို့သလိုက်ပါတယ်။ 🙏🙏🙏

📢📢📢 Weekend Kaiwa Class!!!
🗣 Kaiwa + Interview Training အတန်းသစ်ကိုမှ Weekend အတန်းလေး ဖွင့်ပါတော့မယ်.. အလုပ်တစ်ဖက်၊ ကျောင်းတစ်ဖက်နဲ့ ဂျပန်စာလေ့လာနေလို့ ကြားရက်တွေမှာ သင်တန်းမတက်နိုင်တဲ့သူတွေအတွက် ရည်ရွယ်ပါတယ်။ နေ့စဉ်သုံး စကားပြောအပြင် အင်တာဗျူးဝင်မည့်သူတွေအတွက်လည်း အင်တာဗျူးမှာ အမေးများတဲ့ မေးခွန်းများနဲ့ အင်တာဗျူးအလေ့အကျင့်များပါ ပြုလုပ်ပေးတဲ့အတွက် အရွေးချယ်သင့်ဆုံးအတန်းဖြစ်ပါတယ်။ ဂျပန်စာ Levelတွေ တက်လာပေမယ့် စကားပြောစွမ်းရည်လိုအပ်နေတယ်ဆိုတဲ့ ကျောင်းသား/သူတွေ အမြန်ဆုံးတက်ရောက်ဖို့ ဖိတ်ခေါ်လိုက်ရပါတယ်။

🕘 သင်တန်းအချိန် - 1pm to 3pm
📓 သင်တန်းကာလ - 3 months
🏷 သင်တန်းကြေး - 150,000Ks
❗️လူဦးရေ ကန့်သတ်ထားလို့ အမြန်ဆုံးလာရောက် အပ်နှံကြပါနော်..
📌 စုံစမ်းရန်
KanPai Japanese Language Center
🏠 အမှတ် (၅၇)၊ ဓမ္မစိန္တာလမ်း၊ ကျားကွက်သစ်ရပ်ကွက်၊ ကျောက်မြောင်း၊ တာမွေမြို့နယ်။
☎️ 09-795576126, 09-254178125

♨️ဒီတစ်ပတ်မှာတော့ ဂျပန်နိုင်ငံရဲ့ ပြယုဂ်ထဲ တစ်ခုအပါအဝင်ဖြစ်တဲ့ ရေပူစမ်း onsen (温泉)တွေ အကြောင်းတွေ ပြောပြပေးသွားမှာဖြစ်ပါတယ်။ မီးတောင်တွေရှိတဲ့ နိုင်ငံတစ်ခုဖြစ်တဲ့ ဂျပန်နိုင်ငံမှာ ရေပူစမ်း (onsen)ပေါင်း ၂၅,၀၀၀ကျော်ရှိပြီး ၎င်းတို့အထဲက ၃,၀၀၀ကျော်က သဘာဝအတိုင်း ဖြစ်ပေါ်နေတဲ့ ရေပူစမ်းတွေကို အခြေတည်ပြီး ပြုလုပ်ထားတာဖြစ်ပါတယ်။

♨️ရေပူစမ်းတွေကို အဆောက်အဦအပြင်ဖက် outdoor baths (露天風呂 or 野天風呂, roten-buro / noten-buro) နဲ့ အဆောက်အဦအတွင်းဖက် indoor baths (内湯, uchiyu)ဆိုပြီး ၂မျိုးတွေ့ရှိနိုင်ပြီး တည်းခိုခန်းအများစုမှာ indoorအနေနဲ့ ဆောက်လုပ်လာကြပြီ ဖြစ်သော်လည်း ဂျပန်ရိုးရာ ရေပူစမ်းအများစုကတော့ outdoorအနေနဲ့ တည်ဆောက်ထားလေ့ရှိပါတယ်။

♨️ယနေ့ခေတ်မှာတော့ အိမ်တွင်း ရေပူစိမ်ကန်တွေကို ထည့်သွင်းဆောက်လုပ်လာကြတဲ့အတွက် အခမဲ့ ရိုးရာရေပူစမ်းတွေက တဖြေးဖြေးလျော့ကျလာခဲ့ပါပြီ။ ဒါပေမယ့်လည်း ရှုခင်းကြည့်ရင်း ရေပူစမ်းစိမ်နိုင်တဲ့ ရိုးရာတည်းခိုခန်းတွေရှိတဲ့ မြို့/နေရာတွေကတော့ လူကြိုက်များနေဆဲဖြစ်ပါတယ်။ ရေပူစမ်းစခန်းတွေကို အစိုးရကရော၊ ပုဂ္ဂလိက ကပါ ဖွင့်လှစ်နေကြတာဖြစ်ပြီး ရေပူစမ်းပါဝင်တဲ့ ဟိုတယ်၊ ဂျပန်ရိုးရာ တည်းခိုခန်းတွေက လူကြိုက်များကြတယ်။

♨️ဂျပန်ရိုးရာ ရေပူစမ်းများရဲ့ သတ်မှတ်ချက်အနေနဲ့ ရေပူစမ်းအဖြစ် အသိအမှတ်ပြုရန် သတ္တုဓါတ်တွေပါဝင်နေတဲ့ ရေပူ၊ ရေငွေ့၊ မြေအောက်ကနေ ထွက်ရှိလာတဲ့ အခြားသော ဓါတ်ငွေ့ပါဝင်မှုတွေ လိုအပ်ပါတယ်။ ဥပဒေ စည်းမျဉ်းစည်းကမ်း ဖော်ပြချက်မှာတော့ ရေရဲ့အပူချိန်က အနည်းဆုံး 24 °C (75 °F) ရှိရမယ်၊ မြေအောက် အနက် အနည်းဆုံး 1.5 kilometres အနက်ကရေ ရရှိရမှာဖြစ်ပြီး တိကျတဲ့ပမာဏတွေပါဝင်တဲ့ သတ္တုဓါတ်တွေ ပျော်ဝင်နေတဲ့ ရေဖြစ်ဖို့ လိုအပ်ပါတယ်။ ၎င်းသတ္တုဓါတ်တွေကတော့ ဆာလဖာ၊ ဆိုဒီယမ်၊ အိုင်းယွန်းနဲ့ မက်ဂနီဆီယမ်တို့ ဖြစ်ပါတယ်။ အထက်ပါ အချက်အလက်တွေ ပြည့်စုံမှသာ ရေပူစမ်းအဖြစ် အသိအမှတ်ပြု သတ်မှတ်တာဖြစ်ပါတယ်။

♨️ရေပူစမ်းအမျိုးအစားများစွာရှိပြီး ပျော်ဝင်နေတဲ့ သတ္တုဓါတ်ပေါ်မူတည်ပြီး ခွဲခြားနိုင်ပါတယ်။ မတူညီတဲ့ သတ္တုဓါတ်တွေက မတူညီတဲ့ ကျန်းမာရေးအတွက် ကောင်းကျိုးတွေကို ပေးစွမ်းနိုင်ပါတယ်။ ဒါပေမယ့် ရေပူစမ်းအမျိုးအစားအားလုံးကတော့ အခြေခံအနေနဲ့ မိမိခန္ဓာကိုယ်နဲ့ စိတ်ကို သက်သောင့်သက်သာရှိစေပြီး အပန်းပြေစေတဲ့ အကျိုးရလဒ်ကို ပေးစွမ်းနိုင်ပါတယ်။

❗️ရေပူစမ်း onsen (温泉)ကို ဝင်(စိမ်)မယ်ဆိုရင် လိုက်နာရမယ့် စည်းမျဉ်းစည်းကမ်းများကတော့

(၁) ပစ္စည်းအားလုံး lockerထဲသိမ်းဆည်းခဲ့ရမည်
ရေပူစမ်းစိမ်မယ့်နေရာသို့ မျက်နှာသုတ်ပဝါ အပိုင်းငယ်တစ်ခုသာ ယူဆောင်ခွင့်ရှိပြီး မိမိယူဆောင်လာသော ပစ္စည်းများအားလုံးကို lockerထဲသိမ်းဆည်းခဲ့ရမှာ ဖြစ်ပါတယ်။

(၂) သန့်ရှင်းရေး
ရေပူစမ်းစိမ်မယ် ဆိုရင် မိမိရဲ့ ခန္ဓာကိုယ်အနှံ့ကို ဆေးကြောသန့်စင်ပြီးမှသာ ဝင်လို့ရပါမယ်။ ရေချိုးတဲ့နေရာတွေကို ပြုလုပ်ပေးထားပြီး ထိုင်ခုံပု၊ ရေဘုံဘိုင်၊ ရေခွက်၊ ဆပ်ပြာ၊ ခေါင်းလျှော်ရည် စတာတွေကိုလည်း ထည့်သွင်းပေးထားပါတယ်။ ရေပူစမ်းထဲကို ရေမချိုးဘဲ (သို့) ဆပ်ပြာတွေ မစင်ကြယ်သေးပဲ ဝင်ရောက်ခြင်းကို တားမြစ်ထားပါတယ်။

(၃) ရေကူးဝတ်စုံ
ရေပူစမ်းအသုံးပြုသူတွေက ပုံမှန်အားဖြင့် ရေကူးဝတ်စုံဝတ်ဆင်ပြီး ရေပူစမ်းစိမ်ခြင်းကို ခွင့်မပြုပါဘူး။ ဒါပေမယ့် အမျိုးသား၊ အမျိုးသမီး အတူတူ အသုံးပြုနိုင်တဲ့ အချို့သော ခေတ်ပေါ် ရေပူစမ်းများမှာတော့ ရေကူးဝတ်စုံဝတ်ဆင်ဖို့ လိုအပ်ပါတယ်။

(၄) မျက်နှာသုတ်ပဝါ (သဘတ်စ)
အချို့သော ရေပူစမ်းများက ခန္ဓာကိုယ်မှာ မျက်နှာသုတ်ပဝါ (သဘတ်စ) ဝတ်ဆင်ပြီး ရေပူစိမ်တာကို ခွင့်ပြုပေမယ့် အများစုကတော့ အဲ့လိုဝတ်ဆင်ပြီး ရေပူစိမ်တာကို တားမြစ်ထားပါတယ်။ ရေပူကန်ကို သန့်ရှင်းရေးပြုလုပ်ရာမှာ မလွယ်ကူစေလို့လို့ ပြောပါတယ်။ သဘတ်စကို မသန့်စင်ဘူးလို့ ယူဆတဲ့အတွက် ရေပူကန်ထဲနှစ်တာကိုလည်း တားမြစ်ထားပါသေးတယ်။ ရေပူစိမ်သူအများစုကတော့ ရေပူစိမ်နေစဉ်အတွင်း သဘတ်စကို ရေပူကန်ဘောင်မှာ ထားရှိတာဖြစ်ဖြစ်၊ ခေါက်ပြီး ခေါင်းပေါ်မှာ တင်ထားတာဖြစ်ဖြစ် ပြုလုပ်လေ့ရှိကြပါတယ်။

(၅) တက်တူး
၂၀၁၅ခုနှစ်က ပြုလုပ်ခဲ့တဲ့ စစ်တမ်းအရ ရေပူစမ်းများရဲ့ ၅၆%က တက်တူး(ဆေးမင်ကြောင်)ထိုးထားတဲ့ ဧည့်သည်များကို အသုံးပြုခွင့် မပြုဘူးလို့ ဆိုပါတယ်။ ဂျပန်နိုင်ငံမှာက တက်တူးထိုးတဲ့သူအများစုက ရာကူဇာအဖွဲ့ဝင်တွေနဲ့ အခြားသော ဒုစရိုက်ဂိုဏ်းကလူတွေ ဖြစ်တဲ့အတွက် တက်တူးရှိတဲ့သူတွေကို ရေပူစမ်းတွေက ပေးမဝင်ကြတာဖြစ်ပါတယ်။ ဒါပေမယ့်လည်း အခုနောက်ပိုင်းမှာတော့ tattoo-friendly onsenတွေရှိလာပြီ ဖြစ်ပါတယ်။

🇯🇵ဒီနေ့အတွက် ဂျပန်နိုင်ငံရဲ့ ဗဟုသုတ ဝေမျှခြင်းကတော့ ဒီလောက်ပါပဲနော်။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: wikipedia, www.japan-guide.com, japanbased.com
Photo: Google

🇯🇵ဒီတစ်ပတ်မှာတော့ ဂျပန်နိုင်ငံမှာ အလုပ်သွားလုပ်တာပဲဖြစ်ဖြစ်၊ ကျောင်းသွားတက်တာပဲဖြစ်ဖြစ် ဂျပန်နိုင်ငံမှာ နေထိုင်မယ်ဆိုရင် သတိပြုရမယ့် ဆောင်ရန်၊ ရှောင်ရန်အချက်တချို့ပြောပြပေးသွားမှာ ဖြစ်ပါတယ်။

🇯🇵၁. လမ်းသွားရင်း အစားမစားပါနဲ့။
ယနေ့ခေတ်လို အချိန်နဲ့အမျှ ကြိုးစားရုန်းကန်နေရတဲ့ ခေတ်မှာ အစားအသောက်စားဖို့အတွက် အချိန်တစ်ခုပေးပြီး ထိုင်စားတာမျိုးကို လူငယ်အချို့က မလုပ်ကြတော့ပဲ သွားရင်းလာရင်း လွယ်လင့်တကူစားနိုင်တဲ့ အသင့်စားအစားအစာများကို လမ်းသွားရင်း စားသောက်ကြတာက အချိန်ကုန်သက်သာတယ်လို့ ယူဆနိုင်ကြပေမယ့် ထိုကဲ့သို့ လမ်းသွားရင်း အစားအစာ စားသောက်တာမျိုးကို ဂျပန်လူမျိုးတွေက ရိုင်းစိုင်းတဲ့အပြုအမူအဖြစ် သတ်မှတ်ပြီး မပြုလုပ်ကြပါဘူးတဲ့။ အဲဒါကြောင့် ဂျပန်နိုင်ငံမှာ နေထိုင်မယ်ဆို ဒီအပြုအမူကို မပြုလုပ်မိဖို့ အရေးကြီးပါတယ်။

🇯🇵၂. တူကို ထမင်းပန်းကန်လုံးထဲ ဒေါင်လိုက် ထိုးစိုက်ခြင်း မပြုရ။
ဒီအပြုအမူကတော့ နာရေးအခမ်းအနားတွေမှာသာ ပြုလုပ်တာဖြစ်လို့ လုံးဝမပြုလုပ်သင့်တဲ့ အပြုအမူဖြစ်ပါတယ်။ ဒီအပြုအမူက အခြားသူကို မရိုသေတဲ့ အပြုအမူအဖြစ် သတ်မှတ်ကြပြီး သေခြင်းတရားနှင့် ကံဆိုးမှုတွေနဲ့ ဆက်စပ်နေတယ်လို့လည်း ယုံကြည်ကြပါတယ်။

🇯🇵၃. မိမိစားသောက်နေသော တူဖြင့် အခြားသူအတွက် အစားအစာ ထည့်/ယူပေးခြင်း မပြုလုပ်ရ။
မိမိစားသောက်နေတဲ့ တူနဲ့ အခြားသူအတွက် အစားအစာ ထည့်ပေးခြင်း၊ ကမ်းပေးခြင်းက ကျန်းမာရေးရှုထောင့်ကနေ ကြည့်မယ်ဆိုရင်လည်း မသင့်တော်သလို ဂျပန်လူမျိုးတွေက ထိုအပြုအမူကို မပြုလုပ်ကြပါဘူးတဲ့။ ဧည့်ဝတ်ကျေချင်တဲ့ မြန်မာလူမျိုးတွေအနေနဲ့ သတိမထားမိပဲ အလွယ်တကူ ပြုလုပ်မိနိုင်တဲ့ အပြုအမူဖြစ်လို့ သတိထားဖို့ လိုအပ်ပါတယ်။

🇯🇵၄. တန်းစီပါ။
ဈေးဝယ်တာဖြစ်စေ၊ ရထားလက်မှတ်ဝယ်ယူတာဖြစ်စေ၊ ရထားစီးတာဖြစ်စေ၊ နောက်ဆုံး အများပြည်သူသုံး အိမ်သာကို အသုံးပြုတာဖြစ်စေ လူအများနဲ့ အလှည့်ကျစီ ပြုလုပ်ရမယ့် နေရာတိုင်းမှာ တန်းစီပါ။ အရမ်းကိုအခြေခံကျပြီး နေရာတိုင်း ပြုမူသင့်တဲ့အပြုအမူဖြစ်တဲ့အတွက် သတိထားဖို့ လိုအပ်ပါတယ်။

🇯🇵၅. ရထားပေါ်တွင် ဖုန်းမပြောရ၊ စကားကျယ်ကျယ် မပြောရ။
Public transportationကို အသုံးများသော ဂျပန်နိုင်ငံတွင် ရထားအသုံးပြုသူ အလွန်များပြားပြီး ရထားစီးရာတွင် အခြားသူများကို အနှောင့်အယှက် မဖြစ်စေရန် ရထားစီးနေစဉ်အတွင်း ဖုန်းခေါ်ခြင်း၊ ဖုန်းလက်ခံပြောဆိုခြင်းများကို မပြုလုပ်ကြပါဘူး။ ထို့အတူ အသံအကျယ်ကြီးဖွင့်ကာ သီချင်းနားထောင်ခြင်း၊ အသံကျယ်လောင်စွာ စကားပြောကြခြင်းများကိုလည်း ရထားစီးနေစဉ် မပြုလုပ်ကြဖို့ သတိပြုစေလိုပါတယ်။

🇯🇵၆. Tipပေးခြင်း မပြုလုပ်ရ။
ဂျပန်နိုင်ငံမှာ စားသောက်ဆိုင်၊ ဟိုတယ် အစရှိတဲ့ ဝန်ဆောင်မှု လုပ်ငန်းများမှာ လုပ်ကိုင်နေတဲ့ ဝန်ထမ်းများကို Tipပေးခြင်း (မုန့်ဖိုးပေးခြင်း) အပြုအမူကို မပြုလုပ်ကြပါဘူးတဲ့။ စားသုံးသူ (customer)ကို ဝန်ဆောင်မှုပေးတာက ယဉ်ကျေးမှုနဲ့ ပြုလုပ်သင့်တဲ့ အပြုအမူအဖြစ်သတ်မှတ်ပြီး ထိုဝန်ဆောင်မှုပေါ်မှု Tipပေးခြင်းက တစ်ဖက်လူကို စော်ကားတဲ့အပြုအမူအဖြစ် သတ်မှတ်ကြတဲ့အတွက် သတိထားစေလိုပါတယ်။

🇯🇵၇. ဖိနပ်ချွတ်ပါ။ (အိမ်အပြင်ဖက်ကို မျက်နှာမူလျှက်)
ဂျပန်လူမျိုးများကလည်း မြန်မာလူမျိုးများနည်းတူ တစ်ဦးတစ်ယောက်ရဲ့ အိမ်ကို အလည်သွားရင်ဖြစ်စေ၊ ဘုရားကျောင်း၊ နတ်ကျောင်းစသည် ဘာသာရေးအဆောက်အအုံများသို့ ဝင်လျှင်ဖြစ်စေ၊ တစ်ခါတစ်ရံ အချို့သော စားသောက်ဆိုင်များ (ဂျပန်စတိုင်စားသောက်ဆိုင်များ)သို့ သွားလျှင်လည်း ဖိနပ်ချွတ်လေ့ရှိသည်။ သို့ပေမယ့် မြန်မာလူမျိုးများနှင့် မတူတာက ဂျပန်လူမျိုးများက ဖိနပ်ချွတ်လျှင် ဖိနပ်ကို အိမ်အတွင်း(အဆောက်အဦအတွင်း)သို့ မျက်နှာမူ၍ ချွတ်တာမဟုတ်ပဲ အိမ်အပြင်ဖက်ကို ဦးတည်၍ ချွတ်လေ့ရှိသည်။ သတိထားသင့်သော အပြုအမူတစ်ခုဖြစ်ပါသည်။

🇯🇵ဂျပန်နိုင်ငံနှင့် ပတ်သတ်၍ ဆောင်ရန်၊ ရှောင်ရန် အချက်များစွာထဲက အချို့ကိုသာ ဖော်ပြပေးထားတာဖြစ်ပြီး ဒီတစ်ပတ်အတွက်တော့ ဒီလောက်နဲ့ပဲ အဆုံးသတ်ပါရစေ။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: www.theinvisibletourist.com
Photo: Google

မြန်မာနှစ်သစ်ကူး အခါသမယမှာ
စိတ်ချမ်းသာ ကိုယ်ကျန်းမာနဲ့
လိုရာဆန္ဒတွေနဲ့ပြည့်စုံကြပါစေကြောင်း
KanPai Japanese Language Center မိသားစုများမှ ဆုတောင်းမေတ္တာပို့သအပ်ပါတယ်။

🎉 Manufacturing (Listed Company) World no.1 bearing စက်ရုံအတွက် Work Visaနဲ့ interviewအောင်မြင်ခဲ့တဲ့ အင်ဂျင်နီယာ မြတ်နိုးဦး မနေ့က (၁၃.၄.၂၀၂၄)မှာ မြန်မာနိုင်ငံက ထွက်ခွါပြီး ဒီကနေ့ ဂျပန်နိုင်ငံက်ို ရောက်ရှိသွားပြီဖြစ်ပါတယ်။

🎉 မောင်လေး မြတ်နိုးဦး အစစအရာရာ အဆင်ပြေ၊ အောင်မြင်ပါစေလို့ KanPai Japanese Language Centerမိသားစုက ဆုတောင်းပေးလိုက်ပါတယ်။ 😊

“နှစ်သစ်ကူး ကျောင်းပိတ်ရက် အသိပေးခြင်း”

မြန်မာ့ရိုးရာ အတာသင်္ကြန် နှစ်သစ်ကူး ကျောင်းပိတ်ရက်အဖြစ် (၁၂.၄.၂၀၂၄) မှ (၁၈.၄.၂၀၂၄)အထိ KanPai Japanese Language Centerရှိ သင်တန်းအားလုံး ပိတ်ထားမည်ဖြစ်ပြီး (၁၉.၄.၂၀၂၄)ရက်နေ့မှစတင်ကာ သင်တန်းများ ပုံမှန်အတိုင်း ပြန်လည်ဖွင့်လှစ်မည် ဖြစ်ကြောင်း အသိပေးအကြောင်းကြား အပ်ပါသည်။

မြန်မာ့ရိုးရာနှစ်သစ်ကူး အတာသင်္ကြန်အခါသမယမှာ ကိုယ်စိတ်နှလုံး ရွှင်လန်းချမ်းမြေ့ကြပါစေကြောင်း နှစ်သစ်ဆုမွန်ကောင်း တောင်းပေးလိုက်ပါတယ်။ 🙏🏼

🇯🇵ဂျပန်နိုင်ငံအနှံ့အပြားမှာ အများအပြားတွေ့နိုင်တဲ့ နောက်ထပ်အရာတစ်ခုကတော့ vending machineလို့ခေါ်တဲ့ ဈေးဝယ်စက်များပဲဖြစ်ပါတယ်။ မြို့ကြီးများတွင်သာမက မြို့ငယ်လေးများအထိ တစ်နိုင်ငံလုံးရဲ့ နေရာအနှံ့အပြားမှာ တွေ့ရှိ၊ အသုံးပြုနိုင်ပါတယ်။

🇯🇵ဆိုင်တစ်ခုကနေ ဝယ်ယူနိုင်တဲ့ အရာအားလုံးကို ဝယ်ယူနိုင်တာ ဂျပန်နိုင်ငံက vending machineများရဲ့ အားသာချက်တစ်ခုဖြစ်ပါတယ်။ ချက်ပြုတ်ထားတဲ့ အစားအစာ၊ ဖျော်ရည်၊ ကော်ဖီ သာမက အရုပ်များနဲ့ လျှပ်စစ်ပစ္စည်းများကိုလည်း ဝယ်ယူနိုင်ပါတယ်။

🇯🇵ဂျပန်နိုင်ငံရဲ့ ဈေးဝယ်စက်များက နည်းပညာမြင့်မားမှု၊ ဝယ်ယူရရှိနိုင်တဲ့ပစ္စည်းအမျိုးအစား စုံလင်မှု၊ သန့်ရှင်းသပ်ရပ်မှုများကြောင့် ကမ္ဘာမှာ အသိအမှတ်ပြုရလောက်တဲ့ စံနှုန်းဝင်တဲ့ စက်များဖြစ်ပါတယ်။ ၂၄နာရီ၊ ၇ရက်ပတ်လုံး သက်သောင့်သက်သာ အလွယ်တကူ ဝယ်ယူရရှိနိုင်ပြန်ပါတယ်။

🇯🇵ကော်ဖီ၊ လ္ဘက်ရည်၊ ဆိုဒါ၊ အအေး စတာတွေကို အမျိုးအစား (brand)စုံလင်စွာ ဝယ်ယူရရနိုင်တဲ့အပြင် တချို့စက်တွေမှာ မိမိလိုချင်တဲ့ အပူချိန်ကိုတောင် ရွေးချယ်ဝယ်ယူနိုင်အောင် ပြုလုပ်ထားပါတယ်။

🇯🇵sandwiches, onigiri, ramen, ထမင်းဘူး၊ ပီဇာ၊ ဆူရှီအထိပါ ဝယ်ယူနိုင်ပြီး အစားအစာများကို အအေးခန်း သိုလှောင်ခန်းအတွင်း သိမ်းဆည်းထားကာ အမြဲတမ်း လတ်ဆတ်ပြီး အရသာရှိပါတယ်။

🇯🇵ဂျပန်နိုင်ငံရဲ့ vending machine ဈေးဝယ်စက်များကို ၁၉ရာစုနှစ်က စတင်မိတ်ဆက်ခဲ့တာဖြစ်ပြီး ပထမဆုံး ဈေးဝယ်စက်ကို ၁၈၈၈ခုနှစ်၊ ရာမကူချီခရိုင်မှာTawaraya Koshichi ဆိုသူက ပြုလုပ်ခဲ့တာဖြစ်ပြီး ဆေးပြင်းလိပ်ဝယ်ယူလို့ရတဲ့ စက်အနေနှင့် စတင်ပြုလုပ်ခဲ့တာဖြစ်ပါတယ်။

🇯🇵နောက်ပိုင်းမှာတော့ ဈေးဝယ်စက်များမှာ မုန့်ပဲသရေစာ၊ အချိုရည်စသည်တို့ကို ရောင်းချလာခဲ့ပြီး နည်းပညာ မြင့်မားစွာဖြင့် ၁၉၇၀ခုနှစ်များတွင်တော့ သောက်စရာ အပူအဖြစ် လ္ဘက်ရည်၊ စွတ်ပြုတ်စသည်တို့ကိုပါ ရောင်းချလာခဲ့ကြပါတယ်။

🇯🇵ဂျပန်တစ်နိုင်ငံလုံးအတိုင်းအတာဖြင့် ဈေးဝယ်စက်ပေါင်း ၅မီလီယံကျော်ရှိပြီး ကမ္ဘာမှာ အမြင့်ဆုံး ဈေးဝယ်စက် အသုံးပြုနိုင်မှုဖြစ်ကာ ၎င်းစက်များမှ ငွေကြေးအားဖြင့်လည်း $၆၀ ဘီလီယံကျော်အထိ ရရှိနိုင်ပါတယ်။

🇯🇵ဂျပန်နိုင်ငံရဲ့ ဈေးဝယ်စက်များရဲ့ အောင်မြင်နေမှုက အောက်ပါအချက်အလက်များကြောင့် ဖြစ်ပါတယ်။
၁။ သက်သောင့်သက်သာရှိမှုနှင့် အလွယ်တကူ ဝယ်ယူနိုင်ခြင်း။
၂။ ယုံကြည်စိတ်ချရမှုနဲ့ သန့်ရှင်းမှု။
၃။ အလွယ်တကူ ငွေကြေးစီးဆင်းနိုင်မှု။
၄။ ဂျပန်နိုင်ငံရဲ့ Pop-cultureမှာ စောင်းပေးဖော်ပြမှု။ (နိုင်ငံခြားသားများရဲ့ စိတ်ဝင်စားမှုကို ရယူနိုင်)

🇯🇵ဖော်ပြခဲ့သလိုပဲ ဂျပန်နိုင်ငံရဲ့ ဈေးဝယ်စက်များက ထူးခြားပြီး စိတ်လှုပ်ရှားဖွယ် ခံစားရမှုကို ခံစားရစေပါတယ်။ ပူပူနွေးနွေး အစားအသောက်ဖြစ်စေ၊ ကျန်းမာရေးနဲ့ ညီညွတ်တဲ့ မုန့်ပဲသရေစာဖြစ်စေ၊ ထူးခြားဆန်းပြားတဲ့ အိမ်ပြန်လက်ဆောင်များဖြစ်စေ ဝယ်ယူလိုပါက ဂျပန်နိုင်ငံရဲ့ ဈေးဝယ်စက် (vending machine)တွေမှာ အလွယ်တကူ ဝယ်ယူရရှိနိုင်ကြောင်း ပြောပြရင်း ဒီတစ်ပတ်တော့ ဒီလောက်ပါပဲ။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: yougojapan.com
Photo: Google

皆さん、こんにちは！！
日本の知識のお時間です. 😊

🌎ဒီနေ့မှာတော့ အင်မတန် စိတ်ဝင်စားဖွယ်ကောင်းတဲ့ ပြတိုက်တစ်ခုကို မိတ်ဆက်ပြောပြပေးမှာ ဖြစ်ပါတယ်။ ဂျပန်နိုင်ငံရဲ့ နာမည်ကြီး မြို့များထဲက တစ်ခုဖြစ်တဲ့ ကိုဘေး (Kobe)မြို့မှာရှိတဲ့ The Great Hanshin-Awaji Earthquake Memorial Museumပဲဖြစ်ပါတယ်။

🌎၁၉၉၅ခုနှစ် ဇန်နဝါရီလ ၁၇ရက်နေ့ မနက် 5:46မိနစ် အချိန်တွင် အာဝါဂျီကျွန်းဆွယ်ရဲ့ မြောက်ဘက်စွန်းမှာ အင်အား ရစ်ချတာစကေး ၇.၃ အဆင့်ရှိ ငလျင်ဖြစ်ပေါ်ခဲ့ပြီး ထိုငလျင်ဗဟိုချက်နဲ့ ၂၀ကီလိုမီတာသာ ကွာဝေးတဲ့ ကိုဘေးမြို့မှာလည်း ထိခိုက်ပျက်စီးမှုများစွာ ကြုံတွေ့ခံစားခဲ့ရပါတယ်။ စက္ကန့် ၂၀မျှသာ ကြာမြင့်ခဲ့တဲ့ အဲဒီ့ငလျင်မှာ လူပေါင်း ၆၄၀၀ကျော် သေဆုံးပျက်စီးခဲ့ပြီး ထိုသေဆုံးသူဦးရေထဲကမှ ၄၆၀၀ကျော်က ကိုဘေးမြို့မှ ဖြစ်ပါတယ်။

🌎လူဦးရေများစွာ သေဆုံးခဲ့ပြီး အ‌ဆောက်အအုံပေါင်း ၄သိန်းကျော် ပျက်စီးခဲ့ကာ ကြီးမားတဲ့ပျက်စီးဆုံးရှုံးမှုများဖြစ်ပေါ်စေခဲ့တဲ့ ထိုငလျင်နှင့် သေဆုံးသွားသူတွေကို အမှတ်ရစေဖို့ The Great Hanshin-Awaji Earthquake Memorial Museumကို ကိုဘေးမြို့မှာ တည်ဆောက်ခဲ့တာဖြစ်ပြီး 2002ခုနှစ်မှာ စတင်ဖွင့်လှစ်ခဲ့ပါတယ်။

🌎ပြတိုက်အတွင်း လာရောက်လည်ပတ်သူများကို ပထမဦးစွာ အဆောက်အဦရဲ့ ၄လွှာမှာ ရှိတဲ့ Theaterထဲမှာ ၇မိနစ်ကြာ ငလျင်ကြောင့် ပျက်စီးဆုံးရှုံးခဲ့မှုများကို ဗီဒီယိုတစ်ခုပြသပြီး ကြည့်ရှုသူများရဲ့ ပြတိုက်အတွင်းလှည့်လည်ကြည့်ရှုမှုကို စတင်စေပါတယ်။

🌎၎င်းဗီဒီယိုကို ကြည့်ရှုပြီးတဲ့ နောက်မှာတော့ ငလျင်ကြောင့်ပျက်စီးဆုံးရှုံးမှုများကို ပြန်လည်တည်ဆောက်ခဲ့ပုံ သရုပ်ပြသထားမှုများကို လှည့်ပတ်ကြည့်ရှုစေပါတယ်။ "Living With This City" ဆိုတဲ့ နောက်ထပ် ၁၅မိနစ်ကြာ ဗီဒီယိုမှာတော့ ငလျင်လှုပ်ခတ်ပြီးနောက် ခိုလှုံရာနေရာထိုင်ခင်း၊ လျှပ်စစ်မီး၊ ရေ၊ အစားအစာ စသည်တို့ ရရှိနိုင်ဖို့ ကြိုးပမ်းကြပုံများကိုလည်း ပြသထားပါတယ်။

🌎တတိယထပ်မှာတော့ ဒီဖြစ်ရပ်အတွင်း အသက်ရှင်ကျန်ရစ်ခဲ့သူ ကလေးသူငယ်များကို သက်သေခံချက်များနှင့်အတူ နံရံကပ်ပြကွက်များဖြင့် ပြသထားပြီး လာရောက်ကြည့်ရှုသူများအတွက် ထိုကဲ့သို့သော သဘာဝဘေးအန္တရာယ်များကြုံတွေ့လာပါက အသက်ရှင်ကျန်ရစ်အောင်၊ ဘေးအန္တရာယ်မကျရောက်အောင် မည်ကဲ့သို့ လုပ်ဆောင်ရမည်ကို ကိုယ်တွေ့ခံစားသိရှိနိုင်အောင် ပြုလုပ် ပညာပေးထားသော ပြခန်းများလည်း ရှိပါတယ်။

🌎ဒုတိယထပ်ကတော့ ကျောင်းလေ့လာရေးအဖွဲ့များအတွက် ရည်စူးထားတဲ့ ပြခန်းများပါရှိပြီး တစ်ဦးချင်းလာရောက်သူများကလည်း စိတ်ဝင်တစား လေ့လာတတ်ကြပါတယ်။ သဘာဝဘေးအန္တရာယ်နှင့်ပတ်သတ်ပြီး စီမံခန့်ခွဲမှုများနှင့် ပတ်သတ်သည့် workshopများ၊ ပြခန်းများကို ခင်းကျင်းပြသထားပါတယ်။

🌎အရှေ့ဘက်အဆောက်အဦအတွင်းမှာလည်း တစ်နာရီကို နှစ်ကြိမ် ကိုဘေးငလျင်နဲ့ ပတ်သတ်တဲ့ မှတ်တမ်းတင်ရုပ်ရှင် (documentary)ကို ပြသပြီး ပြခန်းနှင့်စပ်ဆက်သော အရောင်းဆိုင်များ၊ စားသောက်ဆိုင်များလည်း ရှိပါတယ်။

🌎သဘာဝဘေးအန္တရာယ်များ မကြာခဏ ကြုံတွေ့ရလေ့ရှိတဲ့ ဂျပန်နိုင်ငံမှာ သဘာဝဘေးအန္တရာယ်နှင့်ပတ်သတ်ပြီး ထိခိုက်ဆုံးရှုံးမှုများ နည်းသထက်နည်းအောင် တီထွင်ကြံဆဖန်တီးနေကြတဲ့ ဂျပန်လူမျိုးများ၏ ဉာဏ်ရည်ထက်မြက်မှုများအပြင် မည်သို့သော အခြေအနေများ ကြုံတွေ့ရပါစေ အရှုံးမပေးဘဲ ကြိုးစားတတ်တဲ့ ဂျပန်လူမျိုးများ၏ ခိုင်မာတဲ့ စိတ်ဓါတ်များကို အတုယူနိုင်သော ထို The Great Hanshin-Awaji Earthquake Memorial Museumကို အခါအခွင့်သင့်ခဲ့ရင် သွားရောက် လည်ပတ်ကြဖို့ အကြံပြုရင်း ဒီတစ်ပတ်အတွက်ကတော့ ဒီလောက်ပါပဲ။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: Wikipedia, www.japan-experience.com, livejapan.com

စားသောက်ဆိုင် အင်တာဗျူးဝင်ဖြေခဲ့ကြတဲ့ ကျောင်းသား၊သူများကို ကျေးဇူးတင်ပါတယ်။ အားလုံးပဲ ကံကောင်းကြပါစေ။ 😊🍀

📢📢📢 Weekend New Class Opening!!!
🗣 Kaiwa + Interview Training အတန်းသစ်ကိုမှ Weekend အတန်းလေး ဖွင့်ပါတော့မယ်.. အလုပ်တစ်ဖက်၊ ကျောင်းတစ်ဖက်နဲ့ ဂျပန်စာလေ့လာနေလို့ ကြားရက်တွေမှာ သင်တန်းမတက်နိုင်တဲ့သူတွေအတွက် ရည်ရွယ်ပါတယ်.. ဂျပန်စာ Levelတွေ တက်လာပေမယ့် စကားပြောစွမ်းရည်လိုအပ်နေတယ်ဆိုတဲ့ ကျောင်းသား/သူတွေအတွက် တက်ရောက်ဖို့ အသင့်တော်ဆုံးပါပဲ။

🗓 သင်တန်းစတင်မည့်ရက် - 6th April 2024 (Sat,Sun)
🕘 သင်တန်းအချိန် - 1pm to 3pm
📓 သင်တန်းကာလ - 3 months
🏷 သင်တန်းကြေး - 150,000Ks
❗️လူဦးရေ ကန့်သတ်ထားလို့ အမြန်ဆုံးလာရောက် အပ်နှံကြပါနော်..
📌 စုံစမ်းရန်
KanPai Japanese Language Center
🏠 အမှတ် (၅၇)၊ ဓမ္မစိန္တာလမ်း၊ ကျားကွက်သစ်ရပ်ကွက်၊ ကျောက်မြောင်း၊ တာမွေမြို့နယ်။
☎️ 09-795576126, 09-254178125

N5 အတန်း ဖွင့်မယ့် ရက်နဲ့ အချိန် အတိအကျ ထွက်လာပါပြီ 📣

🗓 နေ့ရက် - 4th April 2024 (Thu, Fri, Sat)

⏰ အချိန် - 1:00pm ~ 3:00pm

📌 သင်တန်းကြေး - 180,000

📈 ကြာချိန် - 3လ

အမြန်ဆုံးလာရောက် အပ်နှံနိုင်ပါပြီ။

📢 ဧပြီလထဲမှာ N5အတန်းသစ်လေး ဖွင့်ဖို့ရှိပါမယ်။ ဂျပန်စာကို အခုမှစပြီး အခြေခံကနေ စလေ့လာချင်သူတွေအတွက် တက်ရောက်သင့်တဲ့အပြင် ဂျပန်စာသင်ဖူးပေမယ့် အခြေခံမပိုင်နိုင်လို့ အစကနေ ပြန်လည် သင်ယူချင်ပါတယ်ဆိုတဲ့ သူများလည်း အမြန်ဆုံးလာရောက် အပ်နှံနိုင်ပါပြီ။

📌 စုံစမ်းရန်
KanPai Japanese Language Center
🏠 အမှတ် (၅၇)၊ ဓမ္မစိန္တာလမ်း၊ ကျားကွက်သစ်ရပ်ကွက်၊ ကျောက်မြောင်း၊ တာမွေမြို့နယ်။
☎️ 09-795576126, 09-254178125

🌻ဒီနေ့တော့ ဂျပန်နိုင်ငံရဲ့ ယဉ်ကျေးမှုတစ်ခုဖြစ်တဲ့ ikebana (生花) အကြောင်းကို ပြောပြပေးသွားမှာဖြစ်ပါတယ်။ ikebanaဆိုတာ ဂျပန်ရိုးရာ ပန်းအလှဆင်ခြင်းဖြစ်ပြီး ဂျပန်နိုင်ငံတွင်းသာမက ကမ္ဘာကပါ အသိအမှတ်ပြုရတဲ့ စံထားလောက်စရာ ဂျပန်ရိုးရာ အနုပညာဖန်တီးမှု ဖြစ်ပါတယ်။

🪷၇ရာစုအစောပိုင်း ဂျပန်နိုင်ငံကို တရုတ်နိုင်ငံမှ ဗုဒ္ဓဘာသာစတင်ဝင်ရောက်လာချိန်မှစပြီး ဗုဒ္ဓဆင်းတုတော်ရဲ့အရှေ့မှာ ပန်းများထားရှိရာကနေ နှစ်ပေါင်းရာစုနှစ်တွေ ပြောင်းလဲလာပြီးနောက်မှာ အသေးစိတ် ဂရုတစိုက်နဲ့ အလှဆင်နည်းတွေကို ပြောင်းလဲ ဆည်းပူးအသုံးပြုခဲ့ကြပါတယ်။

🌺Rikka, Heika/Nageire, Seika/Shoka, Moribana, Bunjinbana, Jiyūka စသည်ဖြင့် ပန်းအလှဆင်နည်းများကလည်း ကွဲပြားစွာတည်ရှိပါတယ်။ Rikka (立花)အမျိုးအစား ပန်းအလှဆင်နည်းကတော့ ပန်းအိုးအတွင်း ပန်းကို တည့်မတ်စွာထိုးစိုက်ပြီး အလှဆင်သည့် ပုံစံဖြစ်ကာ ၁၅ရာစုနောက်ပိုင်းတွင် နိုင်ငံခေါင်းဆောင်များ၊ ဘုန်းတော်ကြီးများ၊ အထက်တန်းလွှာများ၏ နေအိမ် ဧည့်ခန်းမများတွင် ထိုပန်းအလှဆင်နည်းဖြင့် အလှဆင်ခဲ့ကြပြီး ၁၇ရာစု နောက်ပိုင်းတွင်တော့ ပွဲအခမ်းအနားများ၊ ပွဲတော်များတွင်ပါ အလှဆင်လာခဲ့ကြသည်။

🌼Nageirebana (抛入花) တစ်နည်းဖြင့် Heika (瓶花)ကတော့ ပေါ့ပေါ့ပါးပါးပုံစံဖြင့် ပန်းအလှဆင်ခြင်းဖြစ်ပြီး ဆာမူရိုင်းခေတ်ကာလက စတင်ခဲ့တယ်လို့ အဆိုရှိခဲ့ကြပါတယ်။ သာမန် နွေရာသီနေ့ရက်တွေမှာ လွယ်လင့်တကူရရှိနိုင်တဲ့ ပန်းတွေကို ပန်းအိုးရှည်ထဲ (ပစ်)ထည့်ပြီး ပေါ့ပေါ့ပါးပါး ပြုလုပ်အလှဆင်ခဲ့ကြတယ်လို့လည်း ဆိုပါတယ်။

🌿Seika (生花)ပန်းအလှဆင်နည်းကတော့ စည်းမျဉ်းစည်းကမ်းများစွာပါဝင်နေပြီး Rikkaအလှဆင်နည်းကိုမှ Classical ဂန္တဝင်ဆန်တဲ့ခံစားမှုကို ခံစားရစေသည်။ သက်ရှိအရာတွေကို ရည်ညွှန်းတဲ့ ဒီပန်းအလှဆင်နည်းမှာ ကောင်းကင်ကို ကိုယ်စားပြုတဲ့ မိုးပေါ်ကို တည့်မတ်စွာထိုးထွက်နေသော ပန်းတစ်မျိုး၊ လူသားကို ကိုယ်စားပြုတဲ့ အနေတော်အရွယ်အစား ပန်းတစ်မျိုးနဲ့ မြေကြီးကို ကိုယ်စားပြုတဲ့ အောက်ကိုအနည်းငယ်စိုက်ကျနေသော ပန်းတစ်မျိုး စသည်ဖြင့် မတူညီသော ပန်း၃မျိုးကို ပန်းအိုးတစ်လုံးထဲမှာ ထိုးစိုက်ပြီး အလှဆင်ရတဲ့ အလှဆင်နည်းဖြစ်သည်။ ပန်းအိုးထဲ ထိုးစိုက်ရသည့် အပင်အရေအတွက်မှာ စုံဂဏန်းမဖြစ်ရပဲ ပန်းပင်များ၏ အရှည်အရွယ်အစားမှာလည်း သတ်မှတ်ချက်အတိုင်း ဖြတ်၊ညှပ်ရခြင်းစတဲ့ စည်းမျဉ်းစည်းကမ်းများလည်းရှိသေးသည်။

🪴Moribana (盛り花, 盛花) ကတော့ ပန်းအိုးအရှည်ကနေ အပေါ်ကို တည့်မတ်စွာထိုးထွက်တဲ့ ပုံစံမဟုတ်ပဲ ကျယ်ပြန့်တဲ့ ပန်းအိုးကို အသုံးပြုကာ ဘေးဖက်ကို ကျယ်ပြန့်သွားတဲ့ သဘာဝပုံစံဖြင့် ပန်းအလှဆင်နည်းဖြစ်ပါတယ်။

🌹Bunjinbana (文人花)က Nageireပန်းအလှဆင်နည်းဖြင့် ဆင်တူကာ တရုတ်ရိုးရာ ရှုခင်းများကို စံနမူနာယူပြီး ဖန်တီးထားတဲ့ အလှဆင်နည်းဖြစ်သည်။

🌸နောက်ဆုံးတစ်ခုဖြစ်တဲ့ Jiyūka (自由花)ကတော့ နာမည်အတိုင်း လွတ်လွတ်လပ်လပ် စိတ်ကြိုက်အလှဆင်နိုင်တဲ့ ပန်းအလှဆင်နည်းဖြစ်ပါတယ်။ ပါဝင်အသုံးပြုမည့်ပန်းရော ပန်းအိုးများပါ စိတ်ကြိုက်လွတ်လပ်စွာ အသုံးပြုနိုင်ပေမယ့် အာရုံခံစားမှုကို ဟန်ချက်ညီစေဖို့ တိကျတဲ့ လမ်းညွှန်မှုများကို လိုက်နာဖို့တော့ လိုအပ်ပါသေးတယ်။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: Wikipedia, www.nihonikebana.or.jp, japanobjects.com
Photo: www.nihonikebana.or.jp, japanobjects.com, Google

Tokutei Ginou စာမေးပွဲတွေမြန်မာပြည်မှာဖြေလို့ရပါပြီ
👇👇👇
https://www.prometric-jp.com/ssw/news/archives/50?fbclid=IwAR1zlR-Od2yivHOspVGkXFO_xrKFCigqwOq-sTd2ziPKZX8x2KOFHhKL9XM

【技能試験】ミャンマーでの予約開始のお知らせ｜ミャンマー｜各国のお知らせ｜お知らせ｜特定技能試験｜プロメトリック お知らせ TOP お知らせ 各国のお知らせ ミャンマー 【技能試験】ミャンマーでの予約開始のお知らせ 【技能試験】ミャンマーでの予約開始のお知らせ 2024年03月21日 ミャンマー 【対象試験】 介護技能評価試験、介護日本語評...

⭕️ မနေ့က ကျင်းပပြုလုပ်ခဲ့တဲ့ Free Seminar For Engineersကို တက်ရောက်ပေးခဲ့ကြတဲ့ ကျောင်းသား၊ ကျောင်းသူများကို Kanpai Japanese Language Centerမှ အထူး ကျေးဇူးတင်ရှိပါတယ်။ ဂျပန်လူမျိုး 社長နဲ့ 先生မှ မျှဝေပေးသွားတဲ့ အင်ဂျင်နီယာဆိုင်ရာ အသုံးအနှုန်းများ၊ interview manner၊ ဂျပန်လူမျိုးများ၏ ယဉ်ကျေးမှု စတာတွေက အင်တာဗျုးဖြေဆိုကြမယ့်၊ ဂျပန်မှာ သွားရောက်အလုပ်လုပ်ကိုင်ကြမယ့် ကျောင်းသား၊သူများအတွက် အထောက်အကူပြုနိုင်မယ်လို့ မျှော်လင့်ရင်း နောက်ထပ်လည်း အခါအခွင့်သင့်တိုင်း အခုလို Free Seminarများ ကျင်းပပြုလုပ်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰

🗾 နိုင်ငံတကာမှာ သူ့နိုင်ငံအလိုက် လူကြိုက်များပြီး ထင်ရှားကျော်ကြားတဲ့ အထင်ကရ street foodတွေ ရှိကြသလိုပဲ ဂျပန်နိုင်ငံမှာလည်း လူကြိုက်များတဲ့ street foodများစွာရှိပါတယ်။ အဲဒီ့အထဲကမှ ဂျပန်နိုင်ငံရောက်ရင် မဖြစ်မနေ မြည်းစမ်းကြည့်သင့်တဲ့ အစားအစာတစ်ချို့ကို 皆さんတို့အတွက် ဖော်ပြပေးလိုက်ပါတယ်။

1️⃣ Takoyaki （たこ焼き）
အိုဆာကာမြို့ရဲ့ အမှတ်အသားတစ်ခုအဖြစ် တင်စားခေါ်ဝေါ်ကြတဲ့ Takoyakiက ဆိုလို့ရှိရင် အလယ်မှာ ရေဘဝဲအသားကို ထည့်ပြီး ဂျုံမုန့်နှစ်နဲ့ အလုံးပုံသဏ္ဍာန်ပြုလုပ်ထားတဲ့ မုန့်တစ်မျိုးဖြစ်ပါတယ်။ Takoyakiဆော့စ်၊ မရောနစ့်အနှစ်တို့ကို အပေါ်ကဆမ်းပြီး ရေညှိခြောက်မှုန့်၊ ငါးခြောက်အမှုန့်တို့ဖြူးကာ စားသောက်ရတဲ့ အပြင်ကကြွတ်ရွပြီး အတွင်းက ပြစ်ပြစ်နှစ်နှစ်လေးနဲ့ အရသာရှိတဲ့ မုန့်တစ်မျိုးဖြစ်ပါတယ်။

2️⃣ Okonomiyaki (お好み焼き）
Okonomiyakiက ဂျပန်စတိုင် ပန်ကိတ်အမျိုးအစားတစ်ခုဖြစ်ပြီး ဂေါ်ဖီ၊ မုန်လာဥနီ၊ ကြက်ဥ၊ ဝက်ပေါင်ခြောက်စတဲ့ အစာပလာတွေထည့်ကာ Okonomiyakiဆော့စ်ကို အပေါ်ကနေ သုတ်ပေးပြီး ငါးခြောက်မှုန့်ဖြူးကာ စားရတဲ့ အစားအစာတစ်မျိုးဖြစ်သည်။

3️⃣ Yakitori (焼き鳥）
Yakitoriကတော့ ဂျပန်စတိုင် ကြက်ကင်ဖြစ်ပြီး ပဲငံပြာရည် အခြေခံထားတဲ့ ဆော့စ်ကို သုတ်လိမ်းပြီးအငံအရသာအနည်းငယ်ကဲကာ ကင်ထားတာဖြစ်ပါတယ်။ ကြက်ရဲ့ အသားသာမက အသည်း၊ အရေပြား စတဲ့ အခြားအစိတ်အပိုင်းများကိုပါ ကင်ပြီး ရောင်းချလေ့ရှိကြပါတယ်။

4️⃣ Taiyaki (鯛焼き）
Taiyakiကတော့ ငါးပုံသဏ္ဍာန် ပန်ကိတ်ဖြစ်ပြီး အတွင်းမှာ ပဲအနှစ်၊ ချောကလက်၊ ချိစ်(စ်) စသည်တို့ကို ထည့်သွင်းပြီး ပြုလုပ်ထားတာဖြစ်ပါတယ်။

5️⃣ Dango (団子)
ပွဲတော်တွေတိုင်းရဲ့ street foodဆိုင်ခန်းတွေမှာ မပါမဖြစ် နောက်ထပ် ရောင်းချတဲ့ အစားအစာတစ်မျိုးကတော့ Dangoဖြစ်ပါတယ်။ ဆန်နဲ့ပြုလုပ်ထားတဲ့ မုန့်အလုံးငယ်လေးတွေကို တုတ်နဲ့ထိုးပြီး မီးကင်၍လည်းကောင်း၊ ပြုတ်၍လည်းကောင်း ပြုလုပ် ရောင်းချတာဖြစ်ပါတယ်။ အရသာနဲ့ အရောင်ကို အမျိုးမျိုး ပြုလုပ်ကြပြီး အရောင်မပါပဲ သဘာဝအဖြူရောင်အနေနဲ့လည်း စားသုံးကြပါတယ်။

6️⃣ Imagawayaki (今川焼）
Imagawayakiကလည်း ပန်ကိတ်အမျိုးအစားတစ်ခုဖြစ်ပြီး သူ့ကိုတော့ ပန်ကိတ်အထူဆိုပြီး လူသိများပါတယ်။ အတွင်းမှာ ပဲနီအနှစ် အပြင် ဗနီလာကဲ့သို့သော အမျိုးမျိုးသော အရသာအချိုတွေကို ထည့်သွင်းပြုလုပ်လာကြပြီး ဂျပန်နိုင်ငံရဲ့ street foodတွေထဲမှာ လူကြိုက်များ ရေပန်းစားတဲ့ မုန့်တစ်မျိုးဖြစ်ပါတယ်။

🥢ဂျပန်နိုင်ငံရဲ့ street foodအနေနဲ့ အခြားစားစရာတွေလည်း အများအပြားရှိသေးပေမယ့် ဒီနေ့အတွက်ကတော့ ဒီလောက်ပါပဲ။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: www.japan-talk.com, livejapan.com, yougojapan.com
Photo: Google

📢📢📢 FREE SEMINAR!!!

⚙️ လာမယ့် ၁၉ရက် (အင်္ဂါနေ့) နေ့လည် ၂နာရီတွင် KanPai Japanese Language Center မှာ ဂျပန်နိုင်ငံသို့ work visaဖြင့် သွားရောက်လုပ်ကိုင်လိုကြတဲ့ Engineerများအတွက် free seminarကျင်းပပေးသွားမှာ ဖြစ်ပါတယ်။

⚙️ လာရောက် ပြောကြားပေးမယ့် key speakerကတော့ ဂျပန်နိုင်ငံ manufacturing industryတွင် လက်ရှိအလုပ်လုပ်ကိုင်နေသော ဂျပန်လူမျိုးဖြစ်ပြီး အခွင့်အခါသင့်ပါက အလုပ်အကိုင်အခွင့်အလမ်းပါ ရရှိနိုင်မည့် အခွင့်အရေးဖြစ်လို့ စိတ်ပါဝင်စားသူ မည်သူမဆို အခမဲ့ တက်ရောက်နိုင်ပါသည်။

⚙️ တက်ရောက်လိုသူများအနေဖြင့် KanPai Japanese Language Centerသို့ ဖုန်းဖြင့်ဖြစ်စေ၊ emailဖြင့်ဖြစ်စေ၊ page messenger မှာဖြစ်စေ အမည်, ဆက်သွယ်ရမည့်ဖုန်းနံပတ်တို့ဖြင့် ကြိုတင်စာရင်းပေးသွင်းနိုင်ပါသည်။

🏠 သင်တန်းတည်နေရာ - အမှတ် ၅၇၊ ဓမ္မစိန္တာလမ်:၊ ကျားကွက်သစ်၊ ကျောက်မြောင်း၊ ရန်ကုန်။
📞 ဖုန်း - 09 795576126 (9am to 5pm)

皆さん、こんにちは！🥰

🏙ဒီနေ့မှာတော့ အိုဆာကာမြို့မှာရှိတဲ့ သွားရောက်လည်ပတ်စရာ မိုးမျှော်အဆောက်အဦတစ်ခုနဲ့ မိတ်ဆက်ပေးပါ့မယ်။ အိုဆာကာမြို့၊ ခိတခရိုင် (Kita district)၊ အိုဆာကာဘူတာနဲ့ အူမယ်ဒါဘူတာအနီးမှာ တည်ရှိတဲ့ အထပ် (၄၀)မြင့် အမြွှာအဆောက်အဦတစ်ခုဖြစ်တဲ့ အူမယ်ဒါမိုးမျှော်အဆောက်အဦ Umeda Sky building (梅田スカイビル)ဖြစ်ပါတယ်။

🌆၁၇၃မီတာမြင့်မားပြီး အဆောက်အဦနှစ်ခုရဲ့ အပေါ်ဆုံး နှစ်ထပ်ကို မှန်အပြည့်ကာရံထားတဲ့ စက်လှေကားများဖြင့် ဆက်သွယ်ထားပြီး အပေါ်ဆုံးအထပ်မှာတော့ "Floating Garden Observatory"တည်ရှိကာ ၎င်း နက္ခတ်တာရာကြည့် ရင်ပြင်ကနေ မြို့တစ်ခုလုံးရဲ့ မြင်ကွင်းကို ရှုမြင်ခံစားနိုင်မှာပဲ ဖြစ်ပါတယ်။

🌃၎င်းအဆောက်အဦကို Hiroshi Hara ဆိုသူက ဒီဇိုင်းရေးဆွဲခဲ့တာဖြစ်ပြီး Takenaka Corporationမှ တာဝန်ယူဆောက်လုပ်ခဲ့ကာ ၁၉၉၃ခုနှစ်မှာ ဆောက်လုပ်ပြီးစီးခဲ့ပါတယ်။ ဒီမိုးမျှော်အဆောက်အဦရဲ့ အဓိကထူးခြားချက်ကတော့ အဆောက်အဦနှစ်ခုကို ဆက်သွယ်ထားတဲ့ စက်လှေကားနှစ်စင်းနဲ့ နက္ခတ်တာရာကြည့်ရင်ပြင်ဖြစ်ကာ အခါအခွင့်သင့်ရင် သွားရောက်လည်ပတ် ခံစားကြည့်ဖို့ ဝေမျှပေးရင်း ဒီတစ်ပတ်ကတော့ ဒီလောက်ပါပဲ။ အခုရက်ပိုင်းအတွင်း levelအလိုက် JLPTဖောင်တင်ရမယ့် ရက်လေးတွေကိုလည်း သတိထားပြီး ဖောင်လေးတွေ တင်လိုက်ကြဦးနော် 皆さんတို့..။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: www.japan-guide.com, Wikipedia
Photo: Google

📢 ဧပြီလထဲမှာ N5အတန်းသစ်လေး ဖွင့်ဖို့ရှိပါမယ်။ ဂျပန်စာကို အခုမှစပြီး အခြေခံကနေ စလေ့လာချင်သူတွေအတွက် တက်ရောက်သင့်တဲ့အပြင် ဂျပန်စာသင်ဖူးပေမယ့် အခြေခံမပိုင်နိုင်လို့ အစကနေ ပြန်လည် သင်ယူချင်ပါတယ်ဆိုတဲ့ သူများလည်း အမြန်ဆုံးလာရောက် အပ်နှံနိုင်ပါပြီ။

📌 စုံစမ်းရန်
KanPai Japanese Language Center
🏠 အမှတ် (၅၇)၊ ဓမ္မစိန္တာလမ်း၊ ကျားကွက်သစ်ရပ်ကွက်၊ ကျောက်မြောင်း၊ တာမွေမြို့နယ်။
☎️ 09-795576126, 09-254178125

🌸 အခုလို နွေဦးရာသီကို ရောက်ရှိလာပြီဆိုရင် ဂျပန်နိုင်ငံအနှံ့အပြားမှာ Sakuraလို့ လူသိများတဲ့ ချယ်ရီပန်းတွေ ပွင့်လန်းတဲ့ အချိန်အခါဖြစ်ပြီး "Hanami - 花見" လို့ခေါ်တဲ့ ပန်းကြည့်ပွဲတော်တွေ ဆင်နွှဲလေ့ရှိကြပါတယ်။

🌸ဂျပန်လူမျိုးတွေအတွက်ကတော့ ဒီအချိန်အခါကို အရမ်းတန်ဖိုးထားကြပြီး မိသားစု၊ သူငယ်ချင်း၊ မိတ်ဆွေအပေါင်းအသင်းများနဲ့ တန်ဖိုးရှိတဲ့အချိန်တွေကို ဆာကူရာအပင်များအောက်မှာ ပျော်ပွဲစားထွက်ကြရင်း ဆာကူရာပန်းများရဲ့ အလှအပကို ခံစားရင်း ကုန်ဆုံးကြပါတယ်။ နေ့ဖက်တွင်သာမက ညဖက်မှာလည်း မီးအလင်းရောင်များနဲ့အတူ ဆာကူရာပန်းများရဲ့ အလှအပကို ခံစားကြလေ့ရှိပါတယ်။ ယခုနောက်ပိုင်းတွင်တော့ ဆာကူရာပန်းပွဲတော်ကို ဂျပန်လူမျိုးများသာမက နိုင်ငံခြားသားများကပါ လာရောက် ခံစား၊ ဆင်နွှဲကြပါတယ်။

📌ဒီနေ့အတွက် ဂျပန်နိုင်ငံနဲ့ ပတ်သတ်တဲ့ ဗဟုသုတမျှဝေခြင်းကတော့ ဒီလောက်ပါပဲ။ ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: www.japan-experience.com, livejapan.com
Photo: www.japan-experience.com, wiki

✅ FYI

🇯🇵 အမြဲတစေ ထူးခြားဆန်းပြားတဲ့ တီထွင်ဖန်တီးမှုတွေကို ဖန်တီးနေတဲ့ ဂျပန်နိုင်ငံရဲ့ နောက်ထပ် ထူးခြားပြီး စိတ်ဝင်စားစရာကောင်းတဲ့ ဖန်တီးမှုတစ်ခုအနေနဲ့ ဒီနေ့တော့ "Food Sample" "အစားအသောက်နမူနာပုံစံတူ"တွေရဲ့ အကြောင်းကို ပြောပြပေးမှာဖြစ်ပါတယ်။

🍜 ဂျပန်နိုင်ငံရဲ့ စားသောက်ဆိုင်အများစုအရှေ့မှာ မှန်ဘောင်တွေထဲ ခင်းကျင်းပြသထားတဲ့ ဟင်းလျာတွေကို မြင်တွေ့နိုင်မှာဖြစ်ပြီး အမှန်တကယ်တော့ အဲဒီ့ဟင်းလျာတွေက ပလပ်စတစ်နဲ့ ပြုလုပ်ထားတဲ့ နမူနာပုံစံတွေပဲ ဖြစ်ပါတယ်။ ကိုယ်တစ်ခါမှ မစားဖူးတဲ့ ဟင်းလျာကို မီနူးပေါ်မှာရေးထားတာ ဖတ်ရုံနဲ့တင် ဘယ်လိုဟင်းပွဲမျိုးလည်းဆိုတာ သိနိုင်ဖို့ ခက်ခဲတာမို့ ကိုယ်မှာယူမယ့်ဟင်းလျာကို သိရှိရွေးချယ်နိုင်အောင် ဖန်တီးပြုလုပ်ထားတဲ့ အမြင်နဲ့ ခံစားသိရှိနိုင်တဲ့ မီနူးပဲဖြစ်ပါတယ်။

🍛 ဒီအစားအသောက် နမူနာပုံစံလေးတွေကို လွန်ခဲ့တဲ့ နှစ်ပေါင်းတစ်ရာခန့်က စတင်အသုံးပြုခဲ့ကြတာဖြစ်ပြီးတော့ အဲဒီ့အချိန်ကတော့ အနောက်နိုင်ငံတွေရဲ့ အစားအစာပုံစံတွေကို ပြုလုပ်ခဲ့ကြတာ ဖြစ်ပါတယ်။ ဂျပန်လူမျိုးတွေအတွက် ရင်းနှီးကျွမ်းဝင်မှု မရှိတဲ့ အနောက်တိုင်းအစားအစာများကို လွယ်ကူစွာ ရွေးချယ်စားသုံးနိုင်ဖို့အတွက် အသုံးပြုခဲ့ကြတာဖြစ်ပါတယ်။

🍣 Takizo Iwasakiဆိုသူက ဂျပန်အစားအစာများအတွက် စတင်တီထွင် ပြုလုပ်ခဲ့တာဖြစ်ပြီး ဂျပန်နိုင်ငံတစ်ဝန်းရှိ စားသောက်ဆိုင်များအတွက် display menu sample များကို ပြုလုပ်ပေးကာ သူ့ရဲ့ ကုမ္ပဏီဟာလည်း အချိန်တိုအတွင်းမှာပဲ အောင်မြင်လာခဲ့ပါတယ်။

🍙 အမှန်တကယ် စားသုံးလို့မရပေမယ့် တကယ့်ဟင်းပွဲနဲ့ တစ်ထပ်ထဲ တူညီနေတဲ့ ထိုနမူနာပုံစံတွေကို မိမိလက်နဲ့ ကိုယ်တိုင်ပြုလုပ်နိုင်တဲ့ workshopတွေလည်း ရှိတဲ့အတွက်ကြောင့် အခါအခွင့်သင့်ရင် အဲဒီ့အတွေ့အကြုံကို အရယူခဲ့ဖို့ အကြံပြုလိုက်ရပါတယ်။

📌ဂျပန်နိုင်ငံနဲ့ ပတ်သတ်တဲ့ ဗဟုသုတများအပြင် ဂျပန်စာ ဘာသာစကားသင်တန်းများ၊ တိုခုတေးအိ သင်တန်းများ၊ အလုပ်အကိုင် ကြေငြာစာများနဲ့ ပတ်သတ်တဲ့ updateများကို အမြဲတင်ပေးသွားမှာဖြစ်လို့ pageလေးကို like, share နဲ့ see firstလုပ်ထားကြဖို့ မမေ့ပါနဲ့နော်🥰
Ref: livejapan.com, www.groovyjapan.com
Photo: Google