Nirvikar Wellness & Lifestyle Center

आज जुन २१ अर्थात् अन्तराष्ट्रिय योग दिवस। संयुक्त राष्ट्र संघले सन् २०१५ देखि जुन २१ लाई अन्तराष्ट्रिय योग दिवसका रूपमा मनाउन सुरु गरेको हो। योगको भाषामा सबैभन्दा बैज्ञानिक परिभाषा महर्षि पतन्जलीले दिनुभएको छ, उहाका अनुसार – योगश्चित्त वृत्ति निरोधः भन्नुको तात्पर्य योग भनेको चित्त वृत्तिको निरोध हो। चित्त वृत्तिको निरोध भन्नुको अर्थ हो चित्त आफ्नो अस्थिरताबाट, बाह्यमुखीबाट स्थिरतातिर या अन्तरमुखी हुनु हो, मौन हुनु हो, शान्त हुनु हो। एकाग्र दृष्टिले आफ्नो पेशामा तल्लिन हुनु हो। योग जीवात्मा र परमात्माको संयोग हुनु हो। ईच्छा तथा अनिच्छाको एकता हो, धन-ऋणको योग हो। आजको समयमा मानिस भौतिक सुविधाको चरम सिमामा पुगेर पनि तनावग्रस्त भएको छ, समाजमा वैमनष्यस्ता, त्रासदि, हिंसा, लुटले ब्याप्त भैसकेको अवस्थामा योगको महत्व उत्तिकै बढ्दो छ। योगकै माध्यम बाट अवश्यपनि तनावरहित समाजको परिकल्पना गर्न सकिन्छ। यसै अवसरमा सम्पूर्ण जगतको सुस्वास्थ्य तथा शान्तिको कामना गर्दै आठौ अन्तराष्ट्रिय योग दिवसको हार्दिक शुभकामना व्यक्त गर्दछौ।

- निर्विकार वेलनेस एण्ड लाईफस्टाइल सेन्टर परिवार, कलंकी, काठमाडौँ