Jesus All Glorious God Reigns

POWER POINT PRESENTATION - PTRA NOR (DEC 10, 2023)

Sunday na naman! Happy Lord's Day! ⛅

| NILIGTAS MULA SA KAAWAY |

17 At mula sa langit akoʼy inabot nʼyo at inahon mula sa malalim na tubig

18 Iniligtas nʼyo ako sa kapangyarihan ng aking mga kalaban na hindi ko kayang labanan

19 Sinalakay nila ako sa oras ng aking kagipitan. Ngunit sinaklolohan nʼyo ako, Panginoon

20 Dinala nʼyo ako sa lugar na walang kapahamakan dahil nalulugod kayo sa akin

-2 Samuel 22:17-20 ASND

Pagkaing Espiritual | Disyembre 10, 2023

.Mapagpalang gabi, kapatid!🫶

𝘈𝘯𝘰 𝘢𝘯𝘨 𝘯𝘢𝘪𝘪𝘴𝘪𝘱 𝘮𝘰 𝘵𝘶𝘯𝘨𝘬𝘰𝘭 𝘴𝘢 𝘩𝘢𝘯𝘥𝘢𝘢𝘯 𝘴𝘢 𝘬𝘢𝘴𝘢𝘭 𝘯𝘨 𝘛𝘶𝘱𝘢? 𝘗𝘢𝘢𝘯𝘰 𝘯𝘢𝘬𝘢𝘬𝘢𝘢𝘱𝘦𝘬𝘵𝘰 𝘴𝘢 𝘢𝘳𝘢𝘸-𝘢𝘳𝘢𝘸 𝘯𝘢 𝘣𝘶𝘩𝘢𝘺 𝘢𝘯𝘨 𝘱𝘢𝘨𝘪𝘨𝘪𝘯𝘨 𝘪𝘮𝘣𝘪𝘵𝘢𝘥𝘰 𝘴𝘢 𝘬𝘢𝘴𝘢𝘭𝘢𝘯𝘨 𝘪𝘵𝘰?

Habang hinihintay natin ang masayang pagbabalik ng Panginoon, ating yakapin ang pagsasanay sa pagpipista at pagsasaya kasama ng mga anak ng Dios.⁠♡

JAGG Reigns Youth Fellowship | Surrender | November 26, 2023

Mapagpalang gabi sa inyong lahat!😁

Pagsikapan nating mapanatili ang pagkakaisa natin mula sa Banal na Espiritu sa pamamagitan ng mapayapa nating pagsasamahan. Mas mabuti nang tayo ang maagrabyado kaysa maging dahilan tayo ng paghahati ng simbahan. Ibigay na sa iba iyong hita ng manok—dagdagan mo pa ng tinapay!🤎

| MAGSAMA-SAMA |

1 Bilang isang bilanggo dahil sa paglilingkod sa Panginoon, hinihiling kong mamuhay kayo nang karapat-dapat bilang mga tinawag ng Dios

2 Maging mahinahon kayo, mapagpakumbaba, maunawain at mapagpaumanhin sa mga pagkukulang ng bawat isa bilang pagpapakita ng pag-ibig ninyo

3 Pagsikapan ninyong mapanatili ang pagkakaisa nʼyo mula sa Banal na Espiritu sa pamamagitan ng mapayapa ninyong pagsasamahan

4 Sapagkat iisang katawan lamang tayo na may iisang Banal na Espiritu, at iisa rin ang pag-asang ibinigay sa atin nang tawagin tayo ng Dios

5 Iisa ang Panginoon natin, iisang pananampalataya, at iisang bautismo

6 Iisa ang Dios natin at siya ang Ama nating lahat. Naghahari siya, kumikilos at nananahan sa ating lahat

-Efeso 4:1-6 ASND

Pagkaing Espiritual | Disyembre 8, 2023

Mapagpalang gabi sa bawat isa!🫶

𝘗𝘢𝘢𝘯𝘰 𝘮𝘰 𝘺𝘢𝘺𝘢𝘬𝘢𝘱𝘪𝘯 𝘴𝘪 𝘑𝘦𝘴𝘶𝘴 𝘣𝘪𝘭𝘢𝘯𝘨 𝘌𝘮𝘮𝘢𝘯𝘶𝘦𝘭 𝘯𝘨𝘢𝘺𝘰𝘯𝘨 𝘭𝘪𝘯𝘨𝘨𝘰?

Ang pangalang Emmanuel ay sumasalamin sa presensya at pag-ibig ng Diyos. Ngayong gabi, inaanyayahan tayo ng Panginoon na yakapin ang Emmanuel at pakatandaan na kasama natin S'ya.🫂♥️

| ANG PERPEKTONG PANGALAN |

10 Muling nangusap ang Panginoon kay Ahaz

11 “Ako ang Panginoon na iyong Dios. Humingi ka sa akin ng palatandaan bilang patunay na gagawin ko ang aking ipinangako. Kahit magmula man ito sa ilalim, doon sa lugar ng mga patay, o sa itaas, doon sa langit"

12 Pero sumagot si Ahaz, “Hindi ako hihingi ng palatandaan. Hindi ko susubukin ang Panginoon"

13 Sinabi ni Isaias, “Makinig kayong mga angkan ni David. Hindi pa ba kayo nasisiyahan sa pang-iinis nʼyo sa mga tao? At ngayon, ang Dios ko naman ang iniinis ninyo?

14 Dahil dito, ang Panginoon na mismo ang magbibigay sa inyo ng palatandaan: Magbubuntis ang isang birhen,[a] at manganganak siya ng isang sanggol na lalaki. At tatawagin niya ang bata na Emmanuel.[b]

15-16 Bago siya magkaisip at makakain ng keso[c] at pulot, ang lupain ng dalawang hari na kinatatakutan mo, Ahaz, ay mawawasak at pababayaan na lang

17 Pero darating ang araw na ikaw at ang mga mamamayan mo, pati na ang sambahayan mo, ay ipapalusob ng Panginoon sa hari ng Asiria. At mararanasan ninyo ang hirap na hindi pa ninyo naranasan mula nang humiwalay ang Israel sa Juda"

-Isaias 7:10-17 ASND

Pagkaing Espiritual | Disyembre 7, 2023

Good day, fellow servants!🌟

𝘚𝘢𝘢𝘯 𝘬𝘢 𝘱𝘶𝘸𝘦𝘥𝘦𝘯𝘨 𝘵𝘶𝘮𝘶𝘭𝘰𝘯𝘨 𝘯𝘨𝘢𝘺𝘰𝘯𝘨 𝘭𝘪𝘯𝘨𝘨𝘰𝘯𝘨 𝘪𝘵𝘰?

Ama, tulungan Nyo nga po kami na magbigay nang may galak, hindi lang tuwing Pasko, kundi buong taon. Salamat sa pagiging mapagbigay Mo, binigay Mo sa amin ang regalo Mo na “hindi kayang ipaliwanag,” ang Iyong Anak na si Jesus (Tal. 15).

| MAGBIGAY NANG MAY GALAK |

6 Tandaan ninyo ito: Ang naghahasik ng kaunti ay umaani ng kaunti, at ang naghahasik ng marami ay umaani ng marami

7 Ang bawat isa sa inyo ay magbigay nang ayon sa sariling kapasyahan, nang walang pag-aatubili, at hindi sapilitan, dahil mahal ng Dios ang mga nagbibigay nang may kagalakan

8 At magagawa ng Dios na ibigay sa inyo ang higit pa sa inyong mga pangangailangan, para sa lahat ng panahon ay maging sapat kayo sa lahat ng bagay, at lagi ninyong matutulungan ang iba

9 Gaya ng sinasabi sa Kasulatan,

“Namigay siya sa mga dukha;
kailanman ay hindi makakalimutan ang kanyang mabubuting gawa"

10 Ang Dios na nagbibigay ng binhi sa magsasaka at tinapay na makakain, ang siya ring magbibigay ng inyong mga pangangailangan para lalo pa kayong makatulong sa iba

11 Pasasaganain kayo ng Dios sa lahat ng bagay para lagi kayong makatulong sa iba. At marami ang magpapasalamat sa Dios dahil sa tulong na ipinapadala ninyo sa kanila sa pamamagitan namin

12 Dahil sa inyong pagbibigay, hindi lamang ninyo tinutugunan ang pangangailangan ng mga mananampalataya[a] na nasa Judea, kundi magiging dahilan din ito para marami ang magpasalamat sa Dios

13 Sapagkat pinatutunayan ninyo sa inyong pagtulong na sinusunod ninyo ang Magandang Balita tungkol kay Cristo na inyong pinaniniwalaan. At dahil sa pagtulong ninyo sa kanila at sa iba pa, papupurihan nila ang Dios

14 Buong puso silang mananalangin para sa inyo dahil sa dakilang biyaya ng Dios na ipinamalas niya sa inyo

15 Pasalamatan natin ang Dios sa kanyang kaloob na hindi natin kayang ipaliwanag

-2 Corinto 9:6-15 ASND

Pagkaing Espiritual | Disyembre 6, 2023

Mapagpalang Araw sa inyo ! 🤎

Idalangin natin sa Panginoon na tayo ay biyayaan ng lakas at karunungan upang maibahagi natin ito sa iba at mabigyan ng kapurihan ang ngalan N'ya!☝️

| PAGSASALARAWAN SA KASULATAN |

1 Mga kababayan,[a] ang mga turo koʼy inyong pakinggan

2 Tuturuan ko kayo sa pamamagitan ng kasaysayan. Sasabihin ko sa inyo ang mga lihim na katotohanan ng nakaraan

3 Napakinggan na natin ito at nalaman. Sinabi ito sa atin ng ating mga ninuno

4 Huwag natin itong ilihim sa ating mga anak; sabihin din natin ito sa mga susunod na salinlahi. Sabihin natin sa kanila ang kapangyarihan ng Panginoon at ang mga kahanga-hanga niyang gawa

5 Ibinigay niya ang kanyang mga kautusan sa mga mamamayan ng Israel na mula sa lahi ni Jacob. Iniutos niya sa ating mga ninuno na ituro ito sa kanilang mga anak

6 upang malaman din ito ng mga susunod na lahi at nang ituro rin nila ito sa kanilang mga anak

7 Sa ganitong paraan, magtitiwala sila sa Dios at hindi nila makakalimutan ang kanyang ginawa, at susundin nila ang kanyang mga utos

8 upang hindi sila maging katulad ng kanilang mga ninuno na matitigas ang ulo, suwail, hindi lubos ang pagtitiwala sa Dios, at hindi tapat sa kanya

-Salmo 78:1-8 ASND

Pagkaing Espiritual | Disyembre 5, 2023

| HENERASYON NGAYON |

1 Nang panahong iyon, nagkasakit si Hezekia na halos ikamatay niya. Pumunta sa kanya si Propeta Isaias na anak ni Amoz at sinabi, “Sinabi ng Panginoon na magbilin ka na sa sambahayan mo dahil hindi ka na gagaling; mamamatay ka na"

2 Nang marinig ito ni Hezekia, humarap siya sa dingding at nanalangin sa Panginoon

3 Sinabi niya, “Panginoon, alalahanin po ninyo kung papaano ako namuhay nang tapat at buong pusong naglingkod sa inyo at kung papaano ako gumawa ng mabuti sa paningin ninyo.” At umiyak siya nang husto

4 Nang hindi pa nakakaalis si Isaias sa gitna ng bulwagan ng palasyo, sinabi sa kanya ng Panginoon

5 “Bumalik ka kay Hezekia, na pinuno ng mga mamamayan ko at sabihin mo ito: ‘Ito ang sinasabi ng Panginoon, ang Dios ng ninuno mong si David: Narinig ko ang panalangin mo at nakita ko ang mga luha mo kaya pagagalingin kita. Sa ikatlong araw mula ngayon, makakabangon ka na at makakapunta ka sa templo ng Panginoon

6 Dadagdagan ko pa ng 15 taon ang buhay mo. Ililigtas kita at ang lungsod na ito sa kamay ng hari ng Asiria. Iingatan ko ang lungsod na ito para sa karangalan ko at dahil kay David na aking lingkod"

7 Sinabi ni Isaias sa mga utusan ni Haring Hezekia na tapalan nila ang namamagang bukol nito ng dinurog na igos. Ginawa nga nila ito at gumaling siya

8 Noong hindi pa gumagaling si Hezekia, nagtanong siya kay Isaias, “Ano ba ang magpapatunay na gagaling ako at makakapunta sa templo ng Panginoon sa ikatlong araw mula ngayon?”

9 Sumagot si Isaias, “Ito ang tanda na ibibigay ng Panginoon na magpapatunay na tutuparin niya ang pangako niya. Pumili ka sa dalawang ito: Aatras ng sampung hakbang ang anino ng araw sa orasan[a] o aabante ng sampung hakbang?”

10 Sumagot si Hezekia, “Mas madaling umabante ng sampung hakbang ang anino, kaya paatrasin mo na lang ito ng sampung hakbang!”

-2 Hari 20:1-10 ASND

Pagkaing Espiritual | Disyembre 4, 2023

Blessed sunday, kapatid!🌤️

Nais kong i-paalala na sa kabila ng ating mga pag-dududa sa sarili, kawalan ng kumpiyansa, mananatiling buo at malinaw ang kahalagahan natin sa pananaw ng Panginoon, kaya naman starting this sunday always put into your mind that you are precious in our God's perspective.🌷

Sunday service powerpoint presentation (Dec 3, 2023) - Ptra. Imelda Cortez

Before this day ends, here's our ODB take away for today!😁

Manatili tayong nagpapalakasan at nagtutulungan na mag-improve.Sa kabila ng ating mga pagkukulang at madalas na pag una sa sarili, hayaan natin na tulungan tayo ng ating Diyos upang mapanatili ang ating init sa pagsamba pati na rin ang pagtulong sa iba.🤍

| KAILANGAN NATIN ANG SIMBAHAN |

19 Kaya mga kapatid, malaya na tayong makakapasok sa Pinakabanal na Lugar dahil sa dugo ni Jesus

20 Sa pamamagitan ng paghahandog ng kanyang katawan, binuksan niya para sa atin ang bagong daan patungo sa Pinakabanal na Lugar na nasa kabila ng tabing. At ang daang ito ang nagdadala sa atin sa buhay na walang hanggan

21 At dahil mayroon tayong dakilang punong pari na namamahala sa pamilya ng Dios

22 lumapit tayo sa kanya nang may tapat na puso at matatag na pananampalataya, dahil nilinis[a] na ng dugo ni Jesus ang mga puso natin mula sa maruming pag-iisip, at nahugasan na ang mga katawan natin ng malinis na tubig

23 Magpakatatag tayo sa pag-asa natin at huwag tayong mag-alinlangan, dahil tapat ang Dios na nangako sa atin

24 At sikapin nating mahikayat ang isaʼt isa sa pagmamahalan at sa paggawa ng kabutihan

25 Huwag nating pababayaan ang mga pagtitipon natin gaya ng nakaugalian na ng ilan. Sa halip, palakasin natin ang loob ng bawat isa, lalo na ngayong nalalapit na ang huling araw

-Hebreo 10:19-25 ASND

Pagkaing Espiritual | Disyembre 2, 2023

Good evening, kapatid!🫶

Sa kabila ng ating pagkakaiba-iba, panatilihin natin ang pagkakaisa sa ating pagsamba.🤍

Buwan Ng Disyembre | Iba't Ibang Kultura

| IPAGDIWANG ANG PAGKAKAIBA |

1 Napakagandang tingnan ang mga mamamayan ng Dios na namumuhay nang may pagkakaisa

2 Itoʼy parang mamahaling langis na ibinuhos sa ulo ni Aaron na dumaloy sa kanyang balbas at kwelyo ng damit

3 Katulad din ito ng hamog sa Bundok ng Hermon na umaabot sa Bundok ng Zion. At dito sa Zion ay nangako ang Panginoon na magbibigay nang pagpapala, at itoʼy ang buhay na walang hanggan

-Salmo 133 ASND

Pagkaing Espiritual | Disyembre 1, 2023

Mapagpalang gabi, kapatid!

Bago matapos ang araw na ito, nais kong ipaalala na kahit gaano kadilim ang gabi, kahit gaano kahirap ang ating pinagdaraanan, kailanma'y hindi N'ya tayo pababayaan sa dilim.
Kasama natin si Jesus, Siya ang ating Liwanag na nagniningning.♥️✨

| NAKAMAMANGHANG LIWANAG |

1 Pero darating ang araw na mawawala rin ang kadiliman sa lupaing nasa kahirapan. Noong una, inilagay ng Panginoon sa kahihiyan ang lupain ng Zebulun at Naftali. Pero darating ang araw na pararangalan niya ang mga lugar na ito na daanan patungo sa lawa[a] at nasa kabila ng Ilog ng Jordan. Ang mga lugar na itoʼy sakop ng Galilea at tinitirhan ng mga hindi Judio

2 Nabubuhay sa kadiliman ang mga tao roon, ngunit makakakita sila ng matinding liwanag. Kahit nasa kadiliman sila at natatakot mamatay, maliliwanagan sila

3 Panginoon, bigyan nʼyo po sila ng malaking kagalakan, at matutuwa sila sa presensya nʼyo katulad ng mga taong natutuwa kapag panahon na ng anihan, o katulad din ng mga taong nagdiriwang sa paghahati-hati nila ng mga nasamsam sa digmaan

-Isaias 9:1-3 ASND

Pagkaing Espiritual | Nobyembre 30, 2023

Good morning, kapatid!🫶

Sa tuwing pinagmamalupitan tayo dahil sa ating pananampalataya kay Jesus, ang karanasan noon ng mga mananampalataya ang magpapaalala sa atin na kasama natin ang Espiritu ng Dios. Palalakasin Niya tayo at alalayan kapag pinili nating sundin ang kalooban Niya.

| KAHIT NA |

13 Nang marinig iyon ng hari, nagalit siya nang husto. Kaya ipinatawag niya sina Shadrac, Meshac, at Abednego

14 Nang dumating sila, tinanong sila ng hari, “Totoo bang hindi ninyo iginagalang ang aking mga dios at hindi kayo sumasamba sa rebultong ginto na ipinatayo ko?

15 Ngayon, inuutusan ko kayong sumamba sa rebulto kapag narinig ninyo ang tunog ng mga instrumento. Dahil kung hindi, ipapatapon ko kayo sa naglalagablab na hurno. Tingnan natin kung may dios na makakapagligtas sa inyo"

16 Sumagot silang tatlo, “Mahal na Hari, wala po kaming masasabi tungkol diyan

17 Kung talaga pong ganyan ang mangyayari, ililigtas kami ng Dios na aming pinaglilingkuran mula sa naglalagablab na hurno. Ililigtas niya kami mula sa inyong mga kamay

18 Pero kung hindi man niya kami iligtas, gusto naming malaman mo na hindi pa rin kami maglilingkod sa iyong mga dios o sasamba sa rebultong ginto na ipinatayo ninyo"

25 Sinabi ng hari, “Tingnan ninyo! Apat na ang nakikita kong palakad-lakad sa gitna ng apoy. Hindi na sila nakagapos at hindi sila nasusunog. At ang isa sa kanila ay parang dios"

26 Kaya lumapit si Nebucadnezar sa pintuan ng naglalagablab na hurno at tinawag sila, “Shadrac, Meshac, at Abednego, mga lingkod ng Kataas-taasang Dios, lumabas kayo riyan. Halikayo rito.” At lumabas silang tatlo mula sa hurno

27 Pagkatapos, nagtipon sa kanila ang mga gobernador, mayor, komisyoner, at ang iba pang mga opisyal ng hari. At nakita nilang hindi man lang sila napinsala ng apoy, ni hindi nag-amoy usok ang kanilang buhok o damit

-Daniel 3:13-18, 25-27 ASND

Pagkaing Espiritual | Nobyembre 29, 2023




-Daniel 3:13-18, 25-27 ASND

Pagkaing Espiritual | Nobyembre 29, 2023

Panginoon, salamat po sa pag-gamot, pag-pa-pagaling, at sa patuloy na pag- tutuwid saamin. 💚

| PINALALANG KALAGAYAN |

17 “Mapalad ang taong itinutuwid ng Dios ang pag-uugali. Kaya huwag mong mamasamain ang pagtutuwid ng Makapangyarihang Dios sa iyo

18 Sapagkat ang kanyang mga sinusugatan ay kanya ring ginagamot, at ang kanyang sinasaktan ay kanya ring pinagagaling

19 Palagi ka niyang ililigtas sa mga salot at panganib

20 Ililigtas ka niya sa kamatayan sa panahon ng taggutom at digmaan

21 Iingatan ka niya kung sisiraan ka ng iba, at wala kang katatakutan kung dumating man ang kapahamakan

22 Ang taggutom at kapahamakan ay iyong tatawanan at hindi ka matatakot sa mababangis na hayop

23 sapagkat hindi ka gagalawin ng mga ito. At hindi ka na mahihirapang magtanim sa bukid mong mabato

24 Mamumuhay ng payapa ang sambahayan mo at walang mawawala sa iyong mga hayop

25 Dadami ang iyong angkan na parang kasindami ng mga damo sa lupa

26 Hahaba ang buhay mo at hindi ka mamamatay nang hindi sa tamang panahon

27 Ayon sa aming nalaman at naranasan, napatunayan namin na talagang totoo ang lahat ng ito. Kaya dinggin mo ito at isabuhay para sa ikabubuti mo"

-Job 5:17-27 ASND

Pagkaing Espiritual | Nobyembre 28, 2023

| MATAPANG NA SAKSI |

8 Si Pedro na puspos ng Banal na Espiritu ay sumagot, “Kayong mga namamahalang pari at mga pinuno ng mga Judio

9 kung ang itinatanong ninyo sa amin ay tungkol sa paggaling ng taong lumpo

10 dapat malaman ninyong lahat at ng lahat ng taga-Israel, na ang taong ito na nakatayo rito ngayon ay pinagaling ng kapangyarihan[a] ni Jesu-Cristo na taga-Nazaret. Siya ang inyong ipinako sa krus at pinatay, ngunit binuhay siyang muli ng Dios

11 Si Jesus ang tinutukoy na bato sa talatang ito ng Kasulatan: ‘Ang bato na itinakwil ninyong mga tagapagtayo ng bahay ang siyang naging batong pundasyon'

12 Walang sinuman sa mundong ito ang makapagliligtas sa atin kundi si Jesus lang"

13 Namangha sila kina Pedro at Juan dahil sa lakas ng loob nilang magsalita, lalo na nang malaman nilang mga karaniwang tao lang sila at walang mataas na pinag-aralan. Namukhaan din nilang silaʼy mga kasama ni Jesus noon

-Gawa 4:8-13 ASND

Pagkaing Espiritual | Nobyembre 27, 2023

Sunday PowerPoint Presentation - (Nov. 26, 2023) Ptra. Nor Magalang

Walang ibang nagmahal sa'kin ng tulad Mo!🤍☝️

Talikuran ka man ng mundo, iwanan ka man ng taong mahalaga sa'yo, kahit kailan hindi tayo nagawang iwanan ng Panginoon sa anumang pagsubok na ating dinadaanan, hindi N'ya tayo pinapabayaan, kaya naman ngayong linggo at sa mga araw pang darating, LUWALHATIIN S'YA! 🙌

Sunday na naman! Happy Lord's Day! ⛅

| ISANG SUNDALO |

11 Pagkatapos, dumating ang anghel ng Panginoon sa Ofra. Naupo siya sa ilalim ng puno ng terebinto na pag-aari ni Joash na mula sa angkan ni Abiezer. Si Gideon na anak ni Joash ay naggigiik noon ng trigo sa ilalim ng pisaan ng ubas para hindi makita ng mga Midianita ang trigo

12 Nagpakita sa kanya ang anghel ng Panginoon at sinabi, “Ikaw, magiting na sundalo, ang Panginoon ay sumasaiyo"

13 Sumagot si Gideon, “Kung[a] sumasaamin nga ang Panginoon, bakit ganito ang kalagayan namin? Bakit hindi na siya gumagawa ng mga himala gaya ng ginawa niya noon nang inilabas niya sa Egipto ang aming mga ninuno, ayon na rin sa mga kwento nila sa amin? At ngayon, pinabayaan na kami ng Panginoon at ipinaubaya sa mga Midianita"

14 Sinabi ng Panginoon kay Gideon, “Humayo ka at gamitin ang buong lakas mo sa pagliligtas sa Israel mula sa mga Midianita. Ako ang nagsusugo sa iyo"

15 Sumagot si Gideon, “Pero paano ko po maililigtas ang Israel? Ang pamilya po namin ang pinakamahina sa lahi ni Manase at ako naman po ang pinakaaba sa pamilya namin"

16 Sumagot ang Panginoon, “Tutulungan kita at lilipulin mo ang mga Midianita na parang nakikipaglaban ka lang sa isang tao"

-Mga Hukom 6:11-16 ASND

Pagkaing Espiritual | Nobyembre 6, 2023

Happy Sunday, Everyone! 🫶

Na-miss n'yo ba? Na-miss ka ba?
Of course, na-miss namin kayo makasama mag-puri sa Panginoon, kapatid! 💜

Come and join us at 6:00 pm in the afternoon for our Youth Service!

Embracing the serenity of surrender, where vulnerability becomes strength, and acceptance paves the way to inner peace.

It's Saturday, It's Children's Day💫

Come and join us kids! Every Saturday at exactly 2:00 pm

It is a chance for us to learn the word of God and have fun with other kids.🧡💛

Have a blessed and grateful morning kapatid!🌞

Maraming pagkakataon nang pinatunayan ng Lord kung ga'no S'ya kabuti sa'tin, kaya naman ipakita at ipadama rin natin ito sa iba upang magsilbing pasasalamat na rin sa lahat ng ginawa N'ya para sa bawat isa.🩶

| MAGPASALAMAT |

2 Magpakasigasig kayo sa pananalangin nang may pasasalamat, at habang nananalangin kayo ingatan ninyo ang pag-iisip ninyo

3 Ipanalangin nʼyo rin na bigyan kami ng Dios ng pagkakataon na maihayag ang mensahe tungkol kay Cristo na inilihim noon. Ang pangangaral ko tungkol dito ang dahilan ng pagkabilanggo ko

4 Ipanalangin nʼyo na maipangaral ko ito nang mabuti, gaya nang nararapat

5 Maging matalino kayo sa pakikitungo sa mga hindi mananampalataya, at samantalahin nʼyo ang lahat ng pagkakataon na maibahagi ang pananampalataya nʼyo

6 Kung nakikipag-usap kayo sa kanila, gumamit kayo ng mga kawili-wiling salita para makinig sila sa inyo, at dapat alam nʼyo kung paano sumagot sa tanong ng bawat isa

-Colosas 4:2-6 ASND

Pagkaing Espiritual | Nobyembre 25, 2023

Hello, Kapatid!

Mahirap sundin ang taliwas sa ating kagustuhan, ipanalangin natin ito sa Panginoon upang tayo'y matulungan na masunod ang kanyang kalooban lalo pa't para rin ito sa'ting kabutihan.🤍

| KALOOBAN NG DIYOS |

1 Sa Dios lang ako may kapahingahan;
ang kaligtasan koʼy nagmumula sa kanya

2 Siya lang ang aking batong kanlungan at kaligtasan. Siya ang aking tanggulan, kaya ligtas ako sa kapahamakan

3 Kayong mga kaaway ko, hanggang kailan kayo sasalakay upang akoʼy patayin? Tulad koʼy pader na malapit nang magiba at bakod na malapit nang matumba

4 Gusto lamang ninyong maalis ako sa aking mataas na katungkulan. Tuwang-tuwa kayo sa pagsisinungaling. Kunwariʼy pinupuri ninyo ako ngunit sa puso ninyoʼy isinusumpa ako

5 Sa Dios ko lang matatamo ang kapahingahan dahil binibigyan niya ako ng pag-asa

6 Siya lang ang aking batong kanlungan at kaligtasan. Siya ang aking tanggulan kaya ligtas ako sa kapahamakan

7 Nasa Dios ang aking kaligtasan at karangalan. Siya ang matibay kong batong kanlungan. Siya ang nag-iingat sa akin

8 Kayong mga mamamayan ng Dios, magtiwala kayo sa kanya sa lahat ng oras! Sabihin sa kanya ang lahat ng inyong suliranin, dahil siya ang nag-iingat sa atin

9 Ang tao, dakila man o mangmang, ay hindi mapagkakatiwalaan. Pareho lang silang walang kabuluhan. Magaan pa sila kaysa sa hangin kapag tinimbang

10 Huwag kayong umasa sa perang nakuha sa pangingikil at pagnanakaw. Dumami man ang inyong kayamanan, huwag ninyo itong mahalin

11 Hindi lang isang beses kong narinig na sinabi ng Dios na nasa kanya ang kapangyarihan

12 at tapat ang kanyang pag-ibig. Tiyak na gagantimpalaan ng Panginoon ang tao ayon sa kanyang mga ginawa

-Salmo 62 ASND

Pagkaing Espiritual | Nobyembre 24, 2023