Matuod Ug Kasaligan

ANG BABOY, DILI KALAN-ON @ PAGBOGTAW SA KAMATUORAN ni Yaheric YOM SHABBATH ! SHALOM ! HALLELUYAH !(Adlawng Igpapahulay! Kalinaw! Dalaygon Si YaHWeH!)27 Cheshvan 5784(10-11 November 2023)(From Sunset of Friday to Sunset ...

TANAKH (DaangTugon), B'RITH CHADASHA (Bag-ong Tugon), ANGAY BANG SALIGAN ? PAGBOGTAW SA KAMATUORAN YOM SHABBATH ! SHALOM ! HALLELUYAH !(Adlawng Igpapahulay! Kalinaw! Dalaygon Si YaHWeH!)10 Shevat 5784(19-20 January 2024)(From Sunset...

666; KINSA KINI ? UNSA KINI ? @ PAGBOGTAW SA KAMATUORAN (Part2)

YOM SHABBATH ! SHALOM ! HALLELUYAH !
(Adlawng Igpapahulay! Kalinaw! Dalaygon Si YaHWeH!)

7 ADAR I 5784
(16-17 February 2024)

(From Sunset of Friday to Sunset of Saturday)

FEDERATION OF EARTH: One World Relegion and One World Government @ PAGBOGTAW SA KAMATUORAN

SALA NGADTO SA BALAANG ESPIRITU, DILI MAPASAYLO @ PAGBOGTAW SA KAMATUORAN ni Yaheric SALA NGADTO SA BALAANG ESPIRITU ; DILI MAPASAYLO !YOM SHABBATH ! SHALOM ! HALLELUYAH !(Adlawng Igpapahulay! Kalinaw! Dalaygon Si YaHWeH!)19 Kislev 5784(17-18...

(More videos, just search YAHERIC YouTube channel)

ISAH, JESUS, JOSHUA, JESHUA, YESHUA, YAHSHUA! HAIN MAN NILA ANG NGALAN NGA MATUOD SA MANLULUWAS ? PAGBOGTAW SA KAMATUORAN SHALOM ! HALLELUYAH !(Kalinaw! Dalaygon Si YaHWeH!)25 Tevet 5784(06-07 January 2024)(From Sunset of Friday to Sunset of Saturday) ...

PULONG DIOS !

Tinuod ba kini?

Angay ba gamiton sa paghimaya sa LABAWNG MAGBUBUHAT?

Unsa ba ang pulong DIOS ?

Kinsa ba ang gisampit kun mulitok ang tawo sa pulong DIOS?

Kadaghanan sa mga tawo, nagsunod-sunod ra paglitok ning pulong DIOS nga walay pagsusi kun kinsa ug diin kini gikan.

Asa nagsugod ug diin gikan kining pulong DIOS?

Pinulungan ba kini sa mga Bisaya, Tagalog, o unsamang mga pulunga?

Kung mulitok og pulong "DIOS", kinsa ug unsa ang matuod nga ipasabot niini?

Daghang mga nasud sa kalibotan nagalitok niining maong pulong DIOS, usa na ang Pilipinas.

Gisampit ug ginalitok kini sama ining mga musunod nga nasud;

Espanya - "DIOS"
Pilipinas - "DIOS"
Portugal - "DEUS"
Italy (Latin) - "DEUS" (Latina Vulgata Bible, 404 A.D. by Jerome)
India - "DYAUS" (Encyclopedia Americana, Volume 29, page 771)

Maklaro nga ang maong pulong dili pinulungan nga Pilipinhon.

Unsa ang ipasabot sa pulong DIOS?

Diin kini nagagikan?

Sakto ba kining litokon?

Angay ba kining simbahon?

Sa unsang paagi naabot kini sa Pilipinas?

Gikan sa mga Kastila ang pulong DIOS!

Sa kasaysayan, ang Pilipinas nasakop sa mga Kastila sulod sa kapin tulo ka gatos ka mga tuig.

Anang mga panahona maoy paghiabot sa pulong "DIOS" dinhi sa nasud.

Paghatag og proyba diha sa Bibliya sa mga Gideons ania gisulat sa Kinatsila ang Juan 3:16 - ;

"Porque de tal manera amo DIOS al mundo, que ha dado a su Hijo unigenito, para aquel que en 'el cree, no si pierda, mas tenga vida eterna."

Imong mabasa nga ang DIOS ginalitok usab sa mga Kastila.

Sa Portugal, ang pulong DIOS gisulat sa "DEUS" apan susama ra ang paglitok.

Nia ang pagkasulat sa Juan 3:16 sa Portuguese nga pinulungan didto sa Portugal;

"Porque DEUS amou a mundo de tal maniera, que deu o seu Filho unigenito, para que todo aquele que nele cre nao pereca, mas tenha a vida eterna."

Ang pulong DIOS gilitok sa mga nasud sa Central America ug South America nga kanhi sama sa Pilipinas nasakop sa Espanya.

Kining DEUS didto sa nasud sa Brazil ginalitok usab diin ang Brazil naulipon kaniadto sa Portugal.

Ang "DIOS" gikuha sa mga Kastila gikan sa Latin nga "DEUS".

Sa pahayag sa Encyclopedia International, Volume 10, pahina 374;

"Latin developed into entirely new languages, the Roman languages: Italian, Sardinian, Provencal, French, Catalan, SPANISH, PORTUGUESE, Rhaeto-Romanic and Romanian."

Sa Binisaya pa: "Latin mitubo ngadto sa mga bag-o nga pinulungan: Italian, Sardinian, Provencal, French, Catalan, SPANISH (Kinatsila), PORTUGUESE, Rhaeto-Romanic ug Rumanian."

Makita nimu dinhi ang pinulungang Kinatsila gikan sa Latin mao nga dili ikatingala, ang Kinatsila nga DIOS nagagikan sa Latin nga DEUS.

Ang pinulungan sa mga Romano mao ang Latin.

Mapamatud-an kini sa World History nga sinulat ni Professor Gregorio F. Zaide diha sa palid 73;

"The relegion of the Romans was very practical and mixed. They adopted Greek paganism, blending it with their ancestral religion. They borrowed the Greek god of war became Mars."

Binisaya: "Sa mga Romano nga relihiyon, praktikal ug sagol. Gidawat ang Grego nga paganismo, sinambogan sa relihiyon sa ilang mga katiguwangan. Ilang gihulaman ang Grego nga mga dios ug ilang gihatagan sa Romanhon nga mga ngalan. Sama sa Ares, ang Grego nga dios sa gubat nga nahimong Mars sa mga Romanhon."

Makita nga ang RELIHIYON SA MGA ROMANO NAGAGIKAN SA PAGANISMO NGA GREGO.

Ang Ares sa Grego nahimong Mars sa Latin o Roma diin sama usab sa Iesous nga Grego nahimong Iesus sa Latin nga nahimo Jesus sa English.

Sa Encyclopedia International, Volume 10, palid 374 sa artikulo nga Latin nag-ingon:

"From the beginning, the system of writing was alphabetic, derived from the Greek..."

Sa Bisaya: "Gikan sa sinugdan ang sistema sa pagsulat naggamit sa alpabeto, gikuha gikan sa Grego..."

Nahibaw-an nga ang sinulatan usab sa Latin nagagikan usab sa mga Grego.

Sa laktod ang RELIHIYON ug SINULATAN sa mga Romano o Latin GIKAN sa mga Grego.

Dili mabangi nga ang Latin DEUS nagagikan sa Grego.

Gipamatud-an sa Collier's Encyclopedia nga KUN ANG Z LITOKON NGA D, MOGULA NGA ANG ZEUS LITOKON USAB NGA DEUS.

Kun mao ang DEUS o DIOS mao diay si ZEUS.

Ang katawhan karon nagasampit sa DIOS o DEUS nga mao diay si ZEUS.

Sa yanong pagsabot ang nagsimba sa Dios nagsimba ni Zeus ug sila wala masayud niini apan kana ang matuod.

Unsa ug kinsa man si Zeus ?

Ang mga ngalan nga wala magagikan sa Yahrusalem (Jerusalem) o mga Judeo maoy mga takuban ni Satanas nga gisimba sa kadaghanan.

Nia ang mga kutlo ug basaha kini diha sa inyong mga bibliya nga gikuptan;

Salmo 96:5
Lukas 24:47
Juan 4:22 ug
Roma 3:1-2

Ang ZEUS, usa sa mga alyas nga ngalan ni Satanas nga gigamit sa mga pagano nga Grego.

Hinungdan nga kun ikaw maglitok sa pulong DIOS, imong ginatawag si Zeus nga mao ang amahan sa dautan ingon nga sama ra imong gisimba si Satanas.

Sa Webster's Encyclopedia Unabridged Dictionary, New Revised Edition, pahina 1661 nakasulat;

ZEUS - the supreme deity of the ancient Greeks, a son of Crunos and Rhea, brother of Demeter, Hades, Hera, Hestia and Poseidon, and father of a number of gods, demigods and mortals; the god of the heavens, identified by the Romans with Jupiter. FROM GREEK. GENITIVE OF DIOS."

Binisay-on alang ngadto sa nitibong Bisaya nga nahigugma sa Kamatuoran ug buot manginabuhi niini;

ZEUS - ang labing taas nga makagagahum sa mga Grego sa kanhing mga panahon; anak nga lalaki ni Crunos ug Rhea; igsuon nga lalaki ni Demeter, Hades, Hera, Hestia ug Poseidon; ug amahan sa mga makagagahum, sa mga minos nga mga makagagahum ug mga tawo; ang makagagahum sa kalangitan; giila sa mga Romano nga si Jupiter. GIKAN SA GREGO. NAKAPAHIMUGSO SA PULONG DIOS."

Kon sabton gayud sa minaayo ang maong saysay, tino nga si Zeus mao si Satanas.

Si Zeus giila sa mga Grego nga hari sa kalangitan ug amahan sa mga makagagahum.

Si Satanas nga kanhi gitawag nga Lucifer, dili ba mao man kini ang tinguha ug buot nga iyang maangkon? Ilhon nga labing hataas?

Kutlua ang pahayag sa Isais 14:12-14 ginaingon ngadto;

(12) Naunsa ang pagkahulog mo gikan sa langit, Oh kabugason (Lucifer), anak sa kabuntagon! Naunsa ang pagkalumpag mo gikan sa yuta, nga ikaw man unta ang nagalumpag sa mga nasud!

(13) Ug ikaw miingon diha sa imong kasingkasing: Ako mokayab ngadto sa langit, ITUBOY KO ANG AKONG TRONO SA IBABAW SA MGA BITOON sa Elohim; ug ako magalingkod sa BUKID NGA TIGUMANAN, sa kinatumyang mga dapit sa amihanan;

(14) Mokayab ako sa ibabaw sa mga kahitas-an sa mga panganod; HIMOON KO NGA ANG AKONG KAUGALINGON MAHASAMA SA HATAAS UYAMOT.

Pangandoy ni Satanas nga siya mahisama sa Labing Hataas nga ilhon siyang hari sa kalangitan ug amahan sa tanang makagagahum.

Og mao kini ang pag-ila sa mga Grego ngadto ni Zeus, tataw kun tino ug dayag kaayo nga si Zeus mao si Satanas.

Hinumdumi, ang kaluwasan nagagikan sa mga Hudyo (Juan 4:22) ug wala sa mga Grego.

Labihan kadaghan sa mga tawo karon wala masayud nga sa ilang gilitok ang pulong "Dios" nagasampit diay sila ni Zeus o Satanas.

Kini gumikan kay gibutaan sila sa ilang mga pangulo, kaparian, mga pastor, elders, mga ministro ug uban pa.

Sila man unta ang unang nasayud kabahin niini apan wala nila kini ibutyag sa katawhan.

Kawang lamang ang ilang gitun-an sa hataas nga panahon diha sa pagsulod sa mga semenaryo gumikan kay ilang gitago ang Kamatuoran og kini wala ikahimuot ni YaHWeH.

Sila maoy giingon diha sa Balaang Kasulatan nga mga Bulaang Propeta o Magsasangyaw.

Mga nagaagak paingon sa kalaglagan sa espirito sa tawo nga maoy nagpalihok sa atong mga lawas ngadto sa emp'yerno nga giharian ni Satanas.

Bisan sila nasayud sa Kamatuoran sa mga espirituhanong butang apan ila kini gisalikway gumikan sa tawhanon nga katuyuan.

Ayaw itugot nga mahisama ka sa mga wala masayud nga ang ila diay ginasimba sa paglitok sa maong pulong nagasimba ni Satanas.

Sa imung hisayran karon niining topiko, anaa kanimo ang disisyon kun padayunon mo ba ang paggamit o paglitok sa pulong DIOS.

Padayunon mo ba ang pagsimba o pag-abiba sa hari sa dautan pinaagi sa mga takuban niini nga ngalan?

Imu ang pagpili!

Hinumdumi nga ang kaluwasan sa lawas ug kalag individual, wala sa mga magwawali!

Sa wala ka pa masayud, ikaw dili mapaninglan.

Apan karon miabot kanimo ang Kahayag ug Kamatuoran, ikaw may daku na nga tulubagon ngadto sa Amahang Langitnon nga si YaHWeH Elohim ug ni Yahshua Messiah.

Ikaw nga gipadayagan karon ni YaHWeH Elohim ug Yahshua Messiah, imu ang pagpili !

Si YaHWeH hinaot nga maglamdag ngadto sa mga tawo nga buot manginabuhi sa matood nga presensiya Niya ug paghatag ngadto sa masayon nga pagsabot sa mga nahigugma sa Kamatuoran.

HalleluYah (Dalaygon si YaHWeH) !

✍️ Eric F. Justiniane

ANG NGALAN NI AMAHAN YAHWEH ANAA SA ANAK !

"Ug walay kaluwasan pinaagi kang bisan kinsa pa nga lain; KAY WALAY BISAN UNSA PANG LAIN NGA NGALAN sa silong sa langit, nga gikahatag ngadto sa mga tawo, NGA PINAAGI NIINI MALUWAS KITA". - Buhat 4:12

Ang ngalan sa Anak mao lamang ang BUGTONG NGALAN sa kaluwasan.

Ang ngalan sa atong Manluluwas nga anak ni Langitnong Amahang YaHWeH mao lamang ang bugtong ngalan sa kaluwasan.

Kon gusto ka makaangkon sa kaluwasan, pangitaa gayud ug sigurua nga ikaw nasayud sa Matuod nga ngalan sa Anak sa Amahang Langitnon.

Nahimugso ang iyang anak didto sa Bethlehem, namatay didto sa Kalbaryo, gilubong, nabanhaw, mikayab ngadto sa langit ug hapit nang mubalik karon aron paghukom sa mga wala magpatalinghud kaniya.

Unsa ba ang ngalan sa anak ni YaHWeH ?

Ang mga Kristianos nagtawag kaniya og Jesus. Ang mga Muslim nagtawag kaniya og Isa

Ug ang mga Messianic nga Israelitas ug Messianic nga mga Hudyo nagtawag kaniya og Yahshua.

Tulo ka mga pangalan; Jesus, Isa ug Yahshua ! Hain man niini ang tinuod niyang ngalan ? Hain man niining mga ngalan, Jesus, Isa ug Yahshua ang nagdala sa kaluwasan ? Hain man niining tulo ang bugtong ngalan sa kaluwasan ?

Ang Buhat 4:12 , naghisgot lamang sa usa ra ka ngalan: "WALAY LAING NGALAN NGA PINAAGI NIINI MALUWAS KITA."

May usa lamang ka ngalan ang nagdala sa kaluwasan !

Si Amahang YaHWeH nagpamatuod diha sa katapusang bahin sa Exodus 23:21, "ANG AKONG NGALAN ANAA KANIYA."

Masabot gayud nga ANG NGALAN SA AMAHAN ANAA SA ANAK, dili kini malalis sa gipahayag sa Exodus 23:21 ug ang mismong nagpahayag niini mao gayud si Amahang YaHWeH nga Langitnon. Busa ato kini tuohan kay Siya man ang nagpadayag.

Si Yahshua Messiah usab nagmatuod nga ang Iyang ngalan mao ANG NGALAN SA AMAHAN NGA GIHATAG NGADTO KANIYA.

Ang maong pamatuod, mabasa sa Juan 17:11-12 nga nag-ingon, "Ug karon dili na ako dinhi sa kalibutan, apan kini sila ania sa kalibutan, ug ako moanha na kanimo. Amahan nga balaan, bantayi sila pinaagi sa IMONG NGALAN NGA GIHATAG MO KANAKO, aron sila mausa maingon nga kita usa. (12) Samtang uban pa ako kanila, gibantayan ko sila pinaagi sa IMONG NGALAN NGA GIHATAG MO KANAKO; ug gibantayan ko sila ug wala kanilay nalaglag gawas sa tawo nga pagalaglagon, aron matuman ang kasulatan."

Kana maoy pamatuod sa Anak ug dili mahimong tuison.

Hinumdumi nga ang mga pulong sa Anak nga atong Manluluwas, matuod ug kasaligan!

✍️ Eric F. Justiniane