Millennial RND

Madalas kapag gusto magbawas ng timbang ng isang tao ,carbs ang unang iiwasan pero babawi naman sa ulam 😅 o kaya laging may "cheat day"🤐

Bakit? Masama ba ang carbs?

Bago natin sagutin yan. Ano nga ba ang carbs?
Ang carbs or carbohydrates ay pangunahing pinagkukunan ng enerhiya ng katawan. Ito ang pangunahing nagbibigay ng glucose na syang ginagamit nating enerhiya. Alam mo ba na ang Central Nervous System ay nangangailangan ng mahigit 140 g ng glucose kada araw at mahigit 40 g ng glucose naman ang red blood cells. Dahil din sa mga nakaimbak na glucose saating katawan ay nakakayanan natin na buhatin, hilahin o itulak ang isang bagay. Kung kaya't mahalaga na may sapat na carbs sa ating kinakain.

So, masama ba ang carbs?

Hindi po. Kailangan po ng ating katawan ng sapat at tamang dami nito base saating pangangailangan ☺️

Paano naman magsisimula magdiet at ano ang mainam kainin na carbs?

Mahalaga po na balanse, masustansya, at iba-iba ang ating kinakain. Maari po kayong lumapit at magpakunsulta sa isang Registered Nutritionist-Dietitian upang mabigyan po kayo ng sapat na impormasyon at tamang diet para sainyo 😊

Sa isang normal o walang sakit na individual, ayos lang po ang white rice na madalas kainin.
Kung may binabantayang diet, nais pababain ang blood glucose, cholesterol at ang timbang, mainam na kainin ang red or brown rice, quinoa, at barley oats.

Tandaan, hindi konti o sobra ang kailangan kundi sapat lang. Sapat na base sa iyong individual na kailangan. ☺️😊

Maraming Salamat! ☺️

Source:
Nutritional Biochemistry by Dellova,C (2010)
Picture credits to Canva

It's now easier to send Millennial RND a message.

It will all start with you 🥂