San Carlos College Batch ‘93: The Reunion

SCC Batch ‘93 OFFICIAL GRAND REUNION

PANAWAGAN NG PAGKAKAISA

Mga Mahal kong Kamag Aral,

• Sa ngalan ng lupon ng komite ng ating Grand Reunion; malubos naming kayong binabati ng isang maganda at mapagpalang araw. Nawa’y nasa mabuti tayong lahat na kalagayan.

• Nais ko din humingi ng paumanhin dahil ngayon lang tayo ulit nagkaroon ng mensahe mula sa akin; lubos kong hinihingi ang iyong pang unawa. Ang aking pananahimik at ng komite ay hindi dahil nakalimutan na namin ang ating malaking pagtitipon.

• Nitong nakaraang dalawang taon Lahat tayo ay dumaan at dumanas ng napakatinding pagusbok; lahat tayo ay dumaan sa suliraning pangkalusugan, pinansyal, pisikal, emosyunal at kung ano ano pa. Walang nakaligtas lahat tayo naakpektuhan kasama din ako.

• Nitong mga nakaraang buwan unti unti na nagluluwag ang pamahalaan at nakakakita na tayo ng pagkakataon para maituloy ang ating naka planong malaking pagtitipon.

• Nawa’y maging bukas ang kaisipan ng lahat sa samahan natin na sa mga pinagdaanan nating lahat nitong nakaraang dalawang taon; marami pa din ang unti unti pa lang nakakabalik sa trabaho at mga pinagkukunan ng hanap buhay kaya nais ko sanang imungkahi na ganapin ang ating pagtitipon sa susunod na taon. Enero 21 o 28, 2023; para mabigyan tayo ng mas mahabang pagkakataon para makapag plano para sa ating mga sarili at makabalik sa mas comportableng estado.

• Nais ko ding banggitin na ang pondong nalikom at ipinagkatiwala sa atin ay nasa mabuting kalagayan. May mga nagpa abot ng pagtulong na nangailangan bawiin dahil ito’y pinang tulong din nila sa iba nating mga kasamahan. Nais kong ipabatid sa lahat na kahit kailan hindi ginalaw o walang nagkainteres mula sa komite na galawin ang pondo; ito ay kasalukuyan pa din sa pag iingat ng ating nahirang na tagapag ingat yaman-(nasa bangko po ang buong halaga).

• Isang malaking paumanhin an gaming hinihingi sa mga kasamahan natin na nag nais na humiling na bawasan ang pondo; ito’y kinailangang tanggihan sa kadahilanang ang pondong nalikom natin ay nakalaan lamang para sa ating GRAND REUNION.

• May mga nagpahayag ng nais ng pagbitiw at pagtataguyod ng sarili nilang pagtitipon; ginagalang ko at ng komite ang inyong pasya subalit nais ko ring hilingin sa inyo ang pag konsidera ng isang nagkakaisang magkakamag aral. Walang puti o p**a o berde o azul; iisang taon tayo nagsipagtapos-batch ’93.

• Walang nakasaad na Batch 93 White o 93 Pink o 93 blue o iba pang kulay nung tayo’y nagtapos. Sa aking kaalaman. BATCH ’93 LANG TAYO; IISANG BATCH LANG.

• Maari po sanang ihinto na natin ang patuloy na pagwawatak ng ating samahan; kung isang samahan lang tayo mas mapapaganda natin ang selebrasyon na ating ninanais.

• Walang halong kahit ano pa man ang intensyon ng komite kundi ang maisama ang kalahatan at maituloy na ang Grand Reunion.

• Ang tinatag na komite at liderato ay hindi para maghari harian na gaya ng pinapahayag at malisyosong kinukwestyon ng ibang tao; ito ay para magkaroon ng pananagutan sa buong samahan ang mga namumuno. Mayroon tamang pagbibilang at pag endorso sa pag gamit ng pondo at walang milagrong mawawala ang pondo na walang kapali-paliwanag. Kung ano man ang nalilikom na pondo ito’y gagamitin ng wasto para sa ikabubuti ng ating pagtitipon.

• Malaki ang ating hinahandang pagtitipon at nais ko po sanang hilingin ang PAGAKAKAISA ng lahat.

• At kung sakaling meron akong nasaling sa bukas na liham kong ito o noong mga nakakaraang taon o ng mga nakalipas na taon; ako’y nagpapakumbaba sa inyong pang unawa. Hindi ko sinasadyang saktan ang inyong damdamin o ang inyong kaisipan.

• Wala na tayo sa edad ng paligsahan sa kahit ano sa buhay; ang bawat isa sa atin ay mahalaga sa ikabubuti ng ating mithiin; ating pakaisipin na iba na ang mundong ginagalawan natin. Lubhang napakaiksi ng buhay ng tao para gugulin sa patuloy na galit at p**t sa kapwa.

• Sa ngayon; napakapalad pa din natin; dahil tayo’y nandito pa at may kakayanan pang mabuhay ng mas maligaya at mas mapayapa.

• Sa halos tatlumpong taon o tatlong dekada mula nung tayo’y huling nagkasama sama; nawa’y sa pagkakataong ito na binigay sa atin ay gawin natin ang marapat at tayo’y magsama samang muli-bilang ISA.

• Magsama sama tayo sa isang araw na ito na walang paninibugho, walang pag iimbot; walang galit, walang inggit, walang malisya- kundi makiisa lamang sa pagtitipon ng kasiyahan ng mga magkakamag aral na noo’y nangarap at patuloy na lumalaban sa hapon ng pandemya at ng buhay.

• Maraming, maraming salamat sa inyong pang unawa at pag suporta. Inaasahan namin ang inyong paglahok sa gaganapin nating malaking pagtitipon.

• Mabuhay po tayong lahat.

June 8, 2019

Reunion 2014

Batch'93 get together june 8 2019...