Child Health Education Corner

سوال ۔ کیا میں اپنے بچے کو فلو ویکسیں دلوا دوں اس سے کوئ نقصان تو نہیں ہوگا ۔
جواب - ڈاکٹر اور ماہرین چھ مہنے سےبڑے بچوں کو فلو یا موسمی زکام کا ویکسن لگانے کی ہدایت کرتے ہیں, خاص طور پر وہ بچے جو پہلے سے ہی کسی پیدائشی طو ر پر مرض قلب یا پھےپھڑے کے امراض میں مبتلا ہو ۔ سی ڈی سی یا Centers for Disease Control and Prevention (CDC ہر سال اکتوبر کے مہنے میں بچو ں او بڑوں کو انفو نزا ویکسین لگانے کی ہدایت کرتا ہے ۔اس سے بچہ مو سمی زکام سے بچ جاتا ہے ۔ اس کے کوئی مضر اثرات یا نقصانت نہیں دیکھے گئے ہیں ۔

سوال ۔ میرا بچہ نو مہینے کا ہے ۔ اس کا گلہ بار بار خراب ہوتا ہے ۔بخارہو جاتا ہے ۔ ڈاکٹر کے پاس جا ئیں تو اینٹی یبائوٹک دیتا ہے جس سے کچھ دن ٹھیک ہو جاتا ہے اور دو تین ہفتے بعد پھر یہی مسئلہ ہوتا ہے ۔میں کیا کروں آپ کی رہنمائی چا ہئے ۔
جواب ۔ا س سلسلے میں تین چیزوں کو ذہین میں رکھنا ضروری ہے ۔ پہلا یہ کہ اپنے ڈاکٹر سے ایک دفعہ مکمل چیک اپ کرواکے اس با ت کو یقینی بنا ئیں کہ بچے کے قوت مدا فعت کا مسئلہ تو نہیں ۔اگر بچہ جسمانی طور پر تندرست ہے تو پھر کوئی گھبرانے کی بات نیہں ۔اس عمر میں وائرس کے انفکیشن عام ہوتے ہیں ۔ اور بچہ جلدی سے انفیکشن پکڑسکتا ہے ۔یہ انفکشن گھر میں سکول جا نے والے بچوں سے یا ایسے بڑوں سے جو زیادہ ہجوم والی جگھوں میں کام کرتے ہیں سے آتا ہے مثلا اگر ماں ایک ٹیچر ہے ۔یا گھر کا ایک اور بچہ کسی نرسری میں ہے تو انفکشن گھرلا کرچھو ٹے بچے کو لگانے کا چانس زیادہ ہوتا ہے ۔اس کو احتیاطی تدا بیر سے ہی روکا جا سکتا ہے ۔ مثلا کام سے ائے تو بچے کو ہاتھ لگانے سے پہلے ہا تھ دھو لیں۔ ہو سکے تو کپڑے بدل لیں یا شاور لیں ۔ اگرگھر کے کسی فرد کو نز لہ زکام ہو تو بچے سے دور رہیں غیر ضروری پیار اور بوسہ دینے سے گریز کریں ۔ہاتھ دھونے اور ماسک کا استعمال کر یں
۔ دوسری بات یہ کہ ہر رزکام یا گلا خراب ہونا بیکٹریا کا
انفیکشن نیہیں ہوتا اس لیے ہردفعہ زکام بخار اور گلا خراب ہو تو اینٹی بائیوٹک دینے کی ضرور ت نہیں ۔ بچے کو بخار کنٹرول کر نے کے لئے پینا ڈول دیے سکتے ہیں۔اینٹی بائیوٹک دیں یا نہ دیں تقریبا تینمیں بچہ بہتر ہوجائے گا اور بخار اتر جا ئے گا ۔اور اگر بچہ سست نہیں ہے ۔ بخا ر اتر جا ئے تو کھیل رہا ہے ۔ سانس تیز نہیں چل رہی ۔پسلیاں نہیں چل اور بیماری کے دوسرے علامات نہں ہیں تو صرف پینا ڈول دے کر اڑتا لیس گھنٹے تک انتظارکیا جا سکتا ہ ۔اگر بخار کم نہ ہو ڈاکٹر سے مشورہ کر کے گلا چیک اکر ائیں اور ضرورت پڑے تو ڈاکٹر اینٹی بائوٹک دے گا۔ غیر ضروری اینٹی بائیوٹک نقصان دہ ہیں ۔اور قوت مدا فعت کو کم کرتے ہیں ۔اور جراثیم کو طاقتور بناتے ہیں ۔
تیسری بات یہ کہ جوں جوں بچہ بڑا ہو جاتا ہے انفیکشن کم ہوجاتا ہے ۔پہلے سال میں زیادہ دوسرے سال میں کم اور تیسرے ساال میں مزیید بہتر ہوتا ہے ۔

سوال : کیا نو مو لود بچے کو اپنی ماں کا دودھ نہ ہونے کی صورت میں ڈبے کا دودھ دے سکتے ہیں ؟
جواب :نو مو لود بچے کے لئے بہترین غذا اپنی ماں کا دودھ ہے ،اور سب سے پہلا دودھ جسے colustrum کہا جاتا ہے بہت ہی مفید اور نہایت ہی ضروری ہے ،جس کے کیئ ایک فوائد سائنس کے تحقیق سے ثابت ہیں ، اور بچے کی پیدائش کے بعد ایک گھنٹہ کے اندر اندر اپنی ماں کا دودھ پلانے کا آغاز کرنا چاہۓ، پہلے چھے ماہ تک کلی طور پر ماں کا دودھ پلا نا لازمی بنتا ہے ،چھے ماہ کے بعد ٹھوس غذا نرم ٹھوس غذا دینے کا آغاز کرنا چا ہۓ، اور اگر میسر هو تو دودھ 2 سال تک جاری رکھنا چاہیے ، یاد رکھیں ماں کے دودھ کا کوئی متبادل نہیں تا ہم اگر کسی وجہہ سے جز وی یا کلی طور پر ماں کا دودھ میسر نہیں تو اگلا مناسب اور مو زو ں غذا ڈبے یا فارمولا دودھ ہے جس میں بھرپور کوشش کی گی ہوتی ہے کے دودھ کے اجزا ماں کے دودھ کے قریب تر بنے ۔

السلام عليكم ۔میرا نا م ڈاکٹر ظہیر ہے ،میں ماہر امراض اطفال ہوں اور ایوب تدریسی ہسپتال کے شعبہ اطفال سے وابستہ ہوں۔وقتاً فوقتاً بچوں کے صحت کے حوالہ سے اپنے ناقص علم اور تجربہ کے مطابق رہنمائ کرں گا ۔
اگر بچوں کے صحت یا کسی بھی بیماری کے مطلق کوئی سوال هو تو اپنے کمینٹ میں پوچھیں اور جوا ب کا انتظار کریں ۔