ALLAH

*💞🔸پیسے اور خوبصورتی کو نہیں ایمان کو اہمیت دیجیے ...🔸*

*رب سے جب بھی دعاوں میں مانگیں تو عزت کرنے والا*
*اور دیندار ہمسفر ہی مانگیں*
*پیسے والا اور خوبصورت نہیں،*
*اگر اخلاق ہی اچھا نہ ہوا*
*اگر عزت ہی نہ دے سکے ،*
*اگر محافظ ہی نہ بن سکے*
*تو کیا فائدہ دولت کا*
*اس لیے ہمیشہ نیک پاک دامن ہمسفر کی ہی دعا کیا کریں*
*اگر پیسہ سکون دے سکتا تو امیر لوگ کبھی بھی نیند کی گولیاں نہ کھا کر سوتے*
*بلکہ پیسوں کا تکیہ بنا کر میٹھی اور سکون کی نیند سوتے،*
*افسوس کہ آج کل ہر لڑکے لڑکی کی یہ خواہش ہے کہ ہمارا ہمسفر امیر ہو،*
*خوبصوت ہو،*
*اچھی جاب ہو*
*اچھا گھر ہو*
*بھلے دین ہو نہ ہو عزت کرے نہ کرے*
*اخلاق اچھا ہو نہ ہو*
*بس پیسہ ہو۔۔۔۔۔!!!*
*کتنا خوبصورت ہے نا یہ احساس کہ آپ اپنے نیک پاک دامن خوش اخلاق شوہر بیوی کے ساتھ جنت کہ اندر داخل ہو*
*ان کہ ہاتھ میں ہاتھ ہو*
*اور دونوں پر اللہ کی رحمت برس رہی ہو*
*زرا سوچیے۔ پیسے اور خوبصورتی کو نہیں ایمان کو اہمیت دیجیے.* *🤲اللّٰہ تعالیٰ ہمیں خود بھی نیک بننے کی اور دین ہمسفر منتخب کرنے کی توفیق عطا فرمائے آمین یارب العالمین۔*

_*🥀مہذب الفاظ کا چناؤ کیجئیے!🥀*_

وَيَدۡعُ الۡاِنۡسَانُ بِالشَّرِّ دُعَآءَهٗ بِالۡخَيۡرِ‌ ؕ وَكَانَ الۡاِنۡسَانُ عَجُوۡلًا ○(الاسراء:11)

*"انسان شر اُس طرح مانگتا ہے جس طرح خیر مانگنی چاہیے۔ انسان بڑا ہی جلد باز واقع ہوا ہے"۔*

اس آیت میں انسان کی حالت بتائی جا رہی ہے کہ انسان اس قدر جلد باز ہے کہ وہ پریشانی اور بیزاری کی حالت میں بدعاؤں اور غیر مہذب گفتگو پر اتر آتا ہے اور اپنے آپ کو،اپنی اولاد کو اور اپنے اموال کو، کوسنا شروع کر دیتا ہے،
•۔انسان جلد بازی میں عموما اس طرح کے جملے بولتا ہے۔"اللہ کرے میں مر جاؤں۔۔۔اللہ کرے تمہارا بیڑا غرق ہو جائے۔۔۔تمہارا خانہ خراب ہو۔۔۔تمہارے ہاتھ ٹوٹ جائیں۔۔۔وغیرہ"۔
رسول اللہ صلی اللہ علیہ وسلم نے فرمایا:"اپنے آپ کو بددعا نہ دو،اپنی اولاد کو بددعا نہ دو،اپنے خادموں کو بددعا نہ دو،اور نہ ہی اپنے مالوں کو بددعا دو ،کہیں ایسا نہ ہو کہ وہ اللہ تبارك و تعالٰی کی طرف سے قبولیت کی گھڑی ہو، جس میں مانگا جائے تو وہ تمہاری دعا قبول کر لے"۔
ابن عباس کہتے ہیں:"یہ انسان کا بیزاری کی حالت میں خود کو یا اپنی اولاد کو بددعا دینا ہے،حالانکہ وہ خود اس بددعا کی قبولیت نہیں چاہتا"۔
•۔اللہ سبحانہ وتعالٰی نے ایسے لوگوں کی مذمت کی ہے جو غصے کی حالت میں سوچے بغیر بولتے ہیں،
آپ دیکھیں! جو کچھ ہم سوچتے ہیں،ہم وہی بولتے ہیں اور ہماری گفتگو ہماری شخصیت کی ترجمان ہوتی ہے،
•۔ہم ہر وقت ایک انرجی emit کر رہے ہوتے ہیں،
•۔ہمارے جسم سے rays نکلتی ہیں،
اب اگر آپ کی سوچ اچھی ہے،اللہ کے بندوں کے بارے میں آپ کا گمان اچھا ہے،آپ کے دل میں دوسروں کے لیے نفرت اور حسد نہیں تو آپ سے پازیٹو rays نکلیں گی، آپ دوسروں کے لیے ایک ہمدرد انسان کے طور پر جانے جائیں گے۔
•۔لیکن جن لوگوں کے خیالات نیگیٹو ہوتے ہیں، جو ہر وقت دوسروں کو لعن طعن کا نشانہ بناتے ہیں، دوسروں کے بارے میں بدگمان رہتے ہیں، دوسروں کو ہرٹ کرتے رہتے ہیں، تو پھر ان کے اندر سے نیگیٹو rays نکلیں گی،
لوگ ان سے دور بھاگیں گے،
کیونکہ انہیں معلوم ہے کہ یہ شخص جب ملے گا، طنز کرے گا،دل دکھائے گا،طعنہ دے گا،لہٰذا اس سے بچ کے رہو۔
یاد رکھیں! جب دوسروں کے بارے میں غلط سوچا جاتا ہے تو وہ سوچ چھپ نہیں جاتی بلکہ وہ چہرے سے ظاہر ہو جاتی ہے،ٹون میں آ جاتی ہے،رویے سے چھلکتی ہے،
پھر اسی طرح بعض مائیں اپنے بچوں کو بات بے بات "شیطان" کہہ دیتی ہیں۔جب بچہ اپنے لیے بار بار یہ ٹائیٹل سنتا ہے تو وہ بڑا ہو کے شیطان کو اپنا رول ماڈل بنا لیتا ہے۔
•۔اس لیے الفاظ کے چناؤ میں محتاط رہیں،
سوچ سمجھ کے بولیں،
اپنے یا پرائے ،ہر ایک سے عمدہ الفاظ کے ساتھ گفتگو کریں،
بددعائیں دینے سے پرہیز کریں،
اگر ہم صرف اس ایک حکم پر عمل کر لیں کہ ہم نے "سوچ سمجھ کر اچھے انداز میں گفتگو کرنی ہے" تو ہمارے بہت سے جھگڑے ختم ہو جائیں،
ہمارے دشمن ہمارے دوست بن جائیں،
ہمارا ایک مسئلہ یہ بھی ہے کہ ہم ہر وقت اکتائے ہوئے رہتے ہیں،لہذا اس وجہ سے بھی ہم بدعاؤں اور بداخلاقی پر اترے رہتے ہیں،
اپنی اس کیفیت کو بدلنے کی کوشش کریں تا کہ آپ کے تعلقات گھر میں اور گھر سے باہر بھی خوشگوار رہیں،

(محترمہ استاذہ ڈاکٹر فرحت ہاشمی صاحبہ کے دورہ قرآن پارہ 15 سے ماخوذ)

دعا کرو کہ ادھورے معاملات مکمل ہو جائیں۔۔۔
دعا کرو کہ جو کسی کے خواب بنے تھے وہ تکمیل تک پہنچ جائیں۔۔۔
دعا کرو کہ جنہوں نے سفر شروع کیا تھا وہ منزل تک پہنچ جائیں۔۔۔
دعا کرو کہ جنہیں ٹھوکر لگ گئی ہے وہ دوبارہ سنبھل جائیں۔۔۔
دعا کرو کہ جنہوں نے گناہ کر لئے ہیں وہ توبہ کر لیں۔۔۔
دعا کرو کہ پتھر دل بھی نرم ہو جائیں۔۔۔
دعا کرو کہ عزتیں محفوظ ہو جائیں۔۔۔
دعا کرو کہ آسانیاں پیدا ہو جائیں۔۔۔
دعا کرو کہ مخلص محبتیں عام ہو جائیں۔۔۔
دعا کرو کہ لکھے گئے صفحات امر 🥀ہو جائیں اور ہاں آخر پر دعا کرو کہ دعائیں قبول ہو جائیں
آمین ثم آمین یا رب العالمین ۔۔۔🥀

ان طاق راتوں میں اپنی ساری فضولیات چھوڑ کر اللہ کے لیے وقف کر دیں آج طاق رات ہے کیا پتہ آج ہی لیلہ القدر بن جائے بہت ہی عظیم رات ہے اس کو ضائع نہیں کریں اللہ تعالیٰ ہماری عبادات کو قبول فرمائے آمین 🌸

*🌌 - لیــلة القدر اور سلف صالحــین کا اہتمام!*

سلف صالحین رمضان کے آخری عشرے کی راتوں میں رسول الله صلی الله علیه وسلم کی اقتداء میں خصوصی عبادت کا اہتمام فرماتے، بطورِ خاص پاکیزگی و طہارت اختیار کرتے اور عمدہ لباس زیب تن کرتے تاکہ عبادت و ریاضت میں و چستی و نشاط حاصل ہو سکے۔

⇚ امام ابن جریر الطبری رحمہ اللہ (م: 310ھ) فرماتے ہیں :
كَانُوْا يَسْتَحِبُّونَ أَنْ يَغْتَسِلُوْا كُلَ لَيْلَةٍ مِنْ لَيَالِي الْعَشْرِ الْأَوَاخِرِ.
"سلف صالحین، آخری عشرے کی ہر رات کو غسل کرنا پسند کرتے تھے."

(تفسير طبري كما نقله ابن رجب في لطائف المعارف، ص : 189)

⇚حماد بن سلمہ رحمہ اللہ بیان کرتے ہیں :
كَانَ ثَابِتٌ وَحُمَيْدٌ يَغْتَسِلانِ تِلْكَ اللَّيْلَةَ وَيَتَطَيَّبَانِ وَيُحِبَّانِ أَنْ يُطَيِّبَا الْمَسْجِدَ بِالنُّضُوحِ اللَّيْلَةَ الَّتِي يُرْجَى فِيهَا لَيْلَةُ الْقَدْرِ.
"ثابت البنانی التابعی اور حمید الطویل التابعی رحمہا اللہ ، لیلۃ القدر کی متوقع رات میں غسل کرتے، خوشبو لگاتے اور اس رات مسجد کو بھی خوشبو سے معطر کرنا پسند کرتے تھے."

(الطبقات الكبرى لابن سعد ط العلمية : 174/7، وسنده صحيح)

⇚حماد بن زید رحمہ اللہ فرماتے ہیں :
كَانَ لأَيُّوبَ بُرْدٌ أَحْمَرُ فَكَانَ يَلْبَسُهُ إِذَا أَحْرَمَ .........وَكَانَ إِذَا كَانَ لَيْلَةَ ثَلاثٍ وَعِشْرِينَ وَأَرْبَعٍ وَعِشْرِينَ مِنْ رَمَضَانَ لَبِسَهُ.
"امام ایوب سختیانی رحمہ اللہ کے پاس سرخ چادر تھی جسے احرام وغیرہ میں اوڑھتے اور جب رمضان کی تئیسویں اور چوبیسویں رات ہوتی تو اسے پہنتے۔"

(الطبقات الكبرى لابن سعد ط العلمية : 186/7، وسنده صحيح)

⇚عوام بن حوشب، امام ابراهيم النخعی التابعی رحمہ اللہ کے متعلق بیان کرتے ہیں :
كَانَ يَخْتِمُ الْقُرْآنَ فِي شَهْرِ رَمَضَانَ فِي كُلِّ ثَلَاثٍ، فَإِذَا دَخَلَتِ الْعَشْرُ خَتَمَ فِي لَيْلَتَيْنِ، وَاغْتَسَلَ كُلَّ لَيْلَةٍ.

"(ابراهيم النخعي رحمہ اللہ) رمضان کے ہر تین دن میں قرآن ختم کرتے اور جب آخری عشرہ آتا تو ہر دو دن میں ختم کرتے اور ہر رات غسل کرتے."

(مصنف عبد الرزاق الصنعاني : 254/4 ورجاله ثقات)

⇚ عبدالله بن شریک العامری کہتے ہیں کہ میں نے زر بن حبیش رحمہ اللہ سے سنا کہ :
إِذَا كَانَتْ لَيْلَةَ سَبْعٍ وَعِشْرِينَ، فَاغْسِلُوا .
"جب رمضان کی ستائیسویں رات ہو تو غسل کریں."
(مصنف ابن أبي شيبة : 252/2، مصنف عبد الرزاق الصنعاني : 253/4، ورجاله ثقات)

⇚ ثابت البنانی تابعی رحمه الله بیان کرتے ہیں :
أَنَّ تَمِيمًا الدَّارِيَّ كَانَتْ لَهُ حُلَّةٌ قَدِ ابْتَاعَهَا بِأَلْفِ دِرْهَمٍ، كَانَ يَلْبِسُهَا فِي اللَّيْلَةِ الَّتِي يُرْجَى فِيهَا لَيْلَةُ الْقَدْرِ.
"سیدنا تمیم الداری رضی الله عنه کا ایک خاص لباس تھا جسے انہوں نے ہزار درہم میں خریدا تھا، وہ اسے صرف اس رات پہنتے جس میں لیلۃ القدر کی امید ہوتی."
(الجزء المتمم للطبقات الكبرى لابن سعد - متمم الصحابة : ص 723، سنده صحيح إلي ثابت البناني)

⇚ حافظ ابن رجب رحمہ اللہ (م : 795ھ) فرماتے ہیں :
يُسْتَحَبُّ فِي الَّليَالِي الَّتِي تُرْجٰى فِيْهَا لَيْلَةُ الْقَدْرِ التَّنَظُّفُ وَالتَّزَيُّنُ وَالتَّطَيُّبُ بِالْغُسْلِ وَالطِّيْبِ وَالِّلبَاسُ الْحَسَنُ.
"جن راتوں میں لیلۃ القدر کی امید ہوتی ہے ان میں پاکیزگی و زینت اختیار کرنا، غسل کرنا و خوشبو سے معطر ہونا اور اچھا لباس پہننا مستحب ہے."
(لطائف المعارف لابن رجب، ص : 189)

نسأل الله سبحانه وتعالى أن يبلغنا هذه الليلة المباركة، وتقبلها منا.

🌷صلی اللہ علیہ وسلم🌷

🍂 *ہدایت کی دعا!*
🔹 *اے ہمارے رب ! آپ ہمارے دلوں کو ٹیڑھا نہ کر دینا ، اس کے بعد کہ جب آپ نے ہمیں ہدایت دی اور ہمیں اپنے پاس سے رحمت عطا فرمانا ، بے شک آپ ہی بے حد عطا کرنے والے ہیں۔*🔹
📗«سورۃ آل عمران-8»

⛔ - *"نصف (Half) رمضان گزر چکا ہے!"*

🎙 *امام ابن الجوزي رحمه الله فرماتے ہیں* :

" اے لوگو! تمہارا مہینہ آدھا گزر گیا ... تو کیا تم میں سے کسی نے اپنے نفس کو کچل کر تابع فرمان بنایا؟

کیا تم نے ان باتوں پر عمل کیا ہے جو تمہیں پہنچی؟ کیا تمہیں اعلی منازل کو پانے کا کوئی شوق پیدا ہوا؟

ان ایام میں نیکیاں کرنے والے اپنا کام جاری رکھو! اور ان ایام میں برائیاں کرنے والے اپنے آپ کو ڈانٹ ڈپٹ اور ملامت کرو!

اگر اس مہینے میں بھی خسارہ ہی اٹھانا ہے تو نفع کب کماؤ گے؟ اگر اب بھی نقصانات کو خیر آباد کہ کر فوائد کی طرف رختِ سفر نہیں باندھو گے تو کب باندھو گے ؟! "

📚 - *|[ التبصرة في الوعظ : ٨٨/٢ ]|*

برصغیر میں یہ عقیدہ نہایت ہی جاہلانہ طور پر پھیلایا گیا ہے کہ نیک لوگ قبر میں جاکر بھی زندہ رہتے ہیں اور لوگوں کی مشکلات حل کرتے ہیں یہ عقیدہ قرآن سنت کے خلاف ہے

🌹 رمضان کے آخری عشرے کی بہت فضیلت ہے اس میں عبادت کا خاص اہتمام کریں یہ بہت بڑی غنیمت ہے، اس عشرے کی خیر و برکات سے فائدہ اٹھانے والا مبارکباد کا مستحق ہے۔!!

⁦❤️⁩ *سورہ القدر* میں مالک کائنات نے ارشاد فرمایا ہے کہ کہ اس آخری عشرے میں ایک رات ہے جو *ہزار مہینوں سے بھی افضل* ہے، اس رات میں رحمتیں نازل ہوتی ہیں____

🌳 رسول اللّٰه صلی اللّٰه علیہ وسلم نے فرمایا کہ جو کوئی لیلتہ القدر میں ایمان اور احتساب کے ساتھ ( حصول ثواب کی نیت سے) عبادت میں کھڑا ہو اس کے تمام پچھلے گناہ بخش دیئے جائیں گے-
(صحیح بخاری 1901)

📌آخری عشرے کی طاق راتوں(21،23، 25، 27 اور 29 ) میں سے ایک رات کی بے پناہ فضیلت ہے
🌹 اس رات کو *لیلۃ القدر* کہتے ہیں، یہ مومنین کی مطلوبہ رات ہے، اس رات میں قیام کریں، اس رات کی جستجو میں لگے رہیں، اس کی تلاش میں مکمل کوشش کریں-

🌈 اللّٰه تعالی کے سامنے خوب گڑگڑائیں!!*
🌈 توبہ، استغفار کریں!!
🌈 رحمت و مغفرت طلب کریں!!
🌈 ان راتوں میں نیکیوں کے لئے آگے بڑھ کر کوشش کریں!!
🌈 کیونکہ یہ رات انتہائی آسانی سے حاصل ہونے والا مال غنیمت ہے کہ:
👈🏻 صرف ایک رات کی عبادت ہزا ماہ کی عبادت سے بہتر ہے، بہت امید ہے کہ اس رات کا متلاشی نامراد نہیں ہو گا ان شاء اللّٰه کیونکہ اللّٰه کا فضل بہت وسیع اور عظیم ہے!!

🌹پیارے رسول ﷺ کی حیاۃ مبارکہ میں ان دس دنوں کا بڑا مقام تھا اسی لیے نبی ﷺ باقی دنوں کے مقابلے میں ان دس دنوں میں عبادت کے لئے زیادہ محنت کرتے۔
📚 جیسے کہ صحیح مسلم اور جامع ترمذی میں عائشہ (رضی اللہ عنہا ) سے روایت ہے فرمایا:
🌳 *رسول اللّٰه صلی اللّٰه علیہ وسلم ( رمضان کے ) آخری دس دن ( عبادت ) میں اس قدر محنت کرتے جتنی عام دنوں میں نہیں کرتے تھے۔( اور عام دنوں میں بھی آپ صلی اللّٰه علیہ وسلم بہت زیادہ محنت کرتے تھے ۔ )*
(صحیح مسلم:2788)

👈🏻 یعنی رمضان کے باقی دنوں کے مقابلے میں ان دنوں کو اللّٰه کے قریب کرنے والی مختلف نیکیوں اور اطاعت کے کاموں میں زیادہ گزارتے تھے۔

🌳جب ( رمضان کا )آخری عشرہ آتا تو نبی کریم صلی اللّٰه علیہ وسلم اپنا تہبند مضبوط باندھ لیتے(یعنی اپنی کمر پوری طرح کس لیتے ) اور ان راتوں میں آپ خود بھی جاگتے اور اپنے گھر والوں کو بھی جگایا کرتے تھے۔*
(صحیح بخاری 2024)

📌 اگرچہ قیام الیل ان دس دنوں کے علاوہ سال کے باقی دنوں میں بھی ثابت ہے۔ جیسے کہ صحیح مسلم میں ام سلمہ (رضی اللہ عنہا) کہ حدیث میں آیا ہے۔
🌳 مگر اس عشرے میں آپ ﷺ قیام الیل کا خصوصی اہتمام کرتے اور کبھی بھی ناغہ نہ کرتے ،جبکہ اس عشرے کے علاوہ گھر والوں کو کبھی تو جگاتے اور کبھی نہ جگاتے تھے۔

🌹💫 اس رات میں سستی دکھانے والا، اور اس کی برکتوں سے محروم ہونے والا حقیقی محروم اور دھتکارا ہوا ہے!!*

🌹 اس لئے قرب الہی کے لئے قیام الیل کریں __نوافل پڑھیں، تلاوتِ قرآن، ایک ایک آیت پہ خوب غوروفکر کریں، ذکر، خوب دعائیں، گڑگڑانا، اور دیگر عبادات کے ذریعے شب بیداری کریں۔ ان عبادات کے ذریعے اپنے رب کا قرب حاصل کرنے کی کوشش کریں!!

👈🏻 یہ بات یاد رکھیں کہ سب سے زیادہ ہدایت یافتہ عقل والے وہ ہیں جو اپنے صیام و قیام، اعتکاف اور زندگی کے تمام گوشوں میں صحیح ثابت شدہ نبوی طریقے کو لازم پکڑتے ہیں!!!*

📗اللہ تعالی نے بندوں کو اسی پر عمل کا حکم دیا ہے ۔
اللہ تعالی کا فرمان ہے!!
*اور تمہیں جو کچھ رسول دے لے لو، اور جس سے روکیں، رک جاؤ۔
[الحشر: 7]

اللہ تعالیٰ ہمیں قرآن و صحیح احادیث پر عمل کرنے کی توفیق عطا فرمائے!!

🌹 یا اللّٰه! بے شک تو معاف کرنے والا ہے، تو معاف کرنے کو پسند بھی کرتا ہے، اس لیے ہمیں معاف فرما دے۔!!🌹

*رسول الله ﷺ کے قیام اللیل کی خوبصورتی اور تعداد*

ابو سلمہ بن عبد الرحمن سے مروی ہے کہ انہوں نے سیدہ عائشہ رضی اللہ عنہا سے پوچھا:
رسول اللہ صلی اللہ علیہ وسلم کی رمضان میں نماز کیسی ہوتی تھی؟
سیدہ عائشہ کہتی ہیں:

"آپ رمضان اور غیر رمضان میں گیارہ رکعات سے زیادہ نماز ادا نہیں کرتے تھے، آپ پہلے چار رکعات (دو، دو کر کے) ادا کرتے ، ان رکعات کی لمبائی اور خوبصورتی کے بارے میں مت پوچھو! پھر چار رکعت (دو، دو کر کے) ادا کرتے ان کی بھی لمبائی اور خوبصورتی کے بارے میں مت پوچھو! پھر اس کے بعد تین رکعت ادا کرتے ، تو میں نے آپ صلی اللہ علیہ وسلم سے پوچھا: "اللہ کے رسول! آپ تو وتر پڑھنے سے پہلے سوتے ہیں؟" تو آپ صلی اللہ علیہ وسلم نے فرمایا: (میری آنکھیں تو سو جاتی ہیں لیکن دل جاگتا رہتا ہے)"۔

*صحیح بخاری: (3569)*

اللھم یسرلی جلیسا صالحا 🤲🏻🤍🤍

عن ابي هريرة رضي الله عنه، قال: قال النبي صلى الله عليه وسلم: " من اكل ناسيا وهو صائم، فليتم صومه، فإنما اطعمه الله وسقاه".

*ابوہریرہ رضی اللہ عنہ نے بیان کیا کہ نبی کریم صلی اللہ علیہ وسلم نے فرمایا: ”جس نے روزہ رکھا ہو اور بھول کر کھا لیا ہو تو اسے اپنا روزہ پورا کر لینا چاہئے کیونکہ اسے اللہ نے کھلایا پلایا ہے۔“*

(صحیح بخاری : 6669)

🌺 *عمرہ کا ثواب حج کے برابر!*
سیدنا عبداللّٰہ بن عباسؓ سے روایت ہے نبی کریمﷺ نے فرمایا ماہِ رمضان میں عمرہ کرنا حج کے برابر ہے
📗 *مسند احمد:4095*

🤲🤲🤲

🌸 رونگھٹے کھڑے کر دینے والی حدیث*🔹✨

*حضرت ثوبان رضی اللہ عنہ سے روایت ہے*

💕نبی ﷺ نے فرمایا :’’ میں اپنی امت کے ان افراد کو ضرور پہچان لوں گا جو قیامت کے دن تہامہ کے پہاڑوں جیسی سفید ( روشن ) نیکیاں لے کر حاضر ہوں گے تو اللہ عزوجل ان ( نیکیوں کو ) بکھرے ہوئے غبار میں تبدیل کر دے گا ۔‘‘ حضرت ثوبان رضی اللہ عنہ نے عرض کیا : اللہ کے رسول ! ان کی صفات بیان فرما دیجیے ۔ ان ( کی خرابیوں ) کو ہمارے لیے واضح کر دیجیے ۔ ایسا نہ ہو کہ ہم ان میں شامل ہو جائیں اور ہمیں پتہ بھی نہ چلے - آپ نے فرمایا :’’ وہ تمھارے بھائی ہیں اور تمھاری جنس سے ہیں ، اور رات کی عبادت کا حصہ حاصل کرتے ہیں جس طرح تم کرتے ہو ۔ لیکن وہ ایسے لوگ ہیں کہ انھیں جب تنہائی میں اللہ کے حرام کردہ گناہوں کا موقع ملتا ہے تو ان کا ارتکاب کر لیتے ہیں ۔‘‘

🕌🕌 *سنن ابن ماجہ4245*

✍ *•• روزے کا حقیقی مفہوم ••*

🖊 امام ﺍﺑﻦ قیم ﺭحمه ﺍﻟﻠﻪ فرماتے ہیں:

⬅️ " *اصل روزے دار وہ ہے:*
- جس کے اعضاء کا گناہوں سے روزہ ہو،
- جس کی زبان کا جھوٹ اور بے حیائی کی باتوں سے روزہ ہو،
- جس کے پیٹ کا کھانے اور پینے سے روزہ ہو،
- جس کی شرمگاہ کا ازدواجی تعلق سے روزہ ہو،

⬅️ پس اگر وہ کوئی بات کرے تو ایسی بات نہیں کرتا جو روزے کو نقصان پہنچائے،
اور اگر وہ کوئی کام کرے تو ایسا کام نہیں کرتا جو روزے کو خراب کر دے،

⬅ *سو اس کی ہر بات فائدہ مند اور نیکی پر مبنی ہوتی ہے، اور اسی طرح اسکے اعمال بھی ؛ گویا روزے دار کستوری کی خوشبو کی مانند ہوتا ہے جسے ہر پاس بیٹھنے والا سونگھتا ہے (یعنی مستفید ہوتا ہے)،*

⬅ اسی طرح روزے دار کے ساتھ بیٹھنے والا بھی اس کی مجلس سے فائدہ اٹھاتا ہے اور جھوٹ، ظلم اور فجور سے بچا رہتا ہے،

👈 *یہ ہے وہ روزہ جو مشروع ہے؛ صرف کھانے پینے سے رک جانا کافی نہیں !!*

⬅️ سو اصل روزہ وہ ہے جس میں اعضاء کا گناہوں اور پیٹ کا کھانے پینے سے. اور جیسے کهانا پینا روزے کو توڑ دیتا ہے؛ اسی طرح گناہ بھی روزے کے ثواب کو ختم کر دیتے ہیں، اس کا اجر ضائع کر دیتے ہیں، اور روزے دار (گناہوں کی بدولت) ایسے ہو جاتا ہے گویا اس نے روزہ رکھا ہی نہیں!"

📒 - *|[ ﺍﻟﻮﺍﺑﻞ ﺍﻟﺼﻴِّﺐ : (٣١/٣٢) ]|*

*بہت سے لوگ ایسے ہیں جن سے دین کی باتیں کی جائیں تو ان کے دل تنگ پڑنے لگتے ہیں، انہیں گھٹن ہونے لگتی ہے، انہیں یہ لگتا ہے کہ ہم پھنس گئے ہیں۔*
*لیکن یاد رکھئے ! یہ دین لا وارث نہیں ہے، آپ دین نہیں سیکھیں گے تو اپنی ہی عاقبت خراب کریں گے، اللہ کو کوئی پرواہ نہیں ہو گی۔ اللہ نے دو راستے دکھا دیئے ہیں اچھا اور برا، جس پر چاہے چلیں۔ اللہ کی بادشاہت میں ذرہ برابر بھی فرق نہیں پڑے گا۔*

سُبْحَانَ اللّٰهِ وَالْحَمْدُلِلّٰهِ وَلَا اِلٰهَ اِلَّا اللّٰهُ وَاللّٰهُ اَکْبَرُ .

" اللہ پاک ہے، تمام تعریف اللہ ہی کے لیے ہے، اللہ کے سوا کوئی معبود برحق نہیں ہے اور اللہ سب سے بڑا ہے." 🕋✨♥️

💌 *رمضان میں دعا کی قبولیت*

ابو سعید خدری (رضي الله عنه) سے روایت ہے کہ نبی کریم (ﷺ) نے فرمایا:

*”بے شک الله تبارک و تعالیٰ کی طرف سے ماہ رمضان کے ہر دن اور ہر رات میں (لوگوں کو جہنم سے) آزادی نصیب ہوتی ہے۔ اور (ماہ رمضان کے) ہر دن و رات میں ہر مسلمان کے لیے ایک ایسی دعا ہے جسے قبولیت سے نوازا جاتا ہے۔“*

📚 [صحیح الترغیب و الترھیب 1002]

اہل فلسطین کا رمضان المبارک کیسے گزرے گا 🇯🇴
یاﷲ انکی غیبی مدد فرما😭😭
🤲🤲

اہلِ غزہ کو اپنی دعاؤں میں یاد رکھیں
اللھم انصر المسلمین فی غزہ آمین 🤲

صحیح حدیث کو یاد کریں
ضعیف حدیث کو چھوڑ دیں
اللہ تعالیٰ سب کو قرآن و حدیث کے سہی منہج پر چلنے کی توفیق عطا فرمائے آمین 🤲

اپنا تعلق اس رمضان اللہ سے مضبوط کریں اللہ کی خاطر نیکی کے کاموں میں بڑھ کر حصہ لیں اس رمضان خود کو مکمل طور پر اللہ کے لیے وقف کر دیں❤️
بھول جائیں کہ آپ کی زندگی میں کیا مسائل ہیں انہیں حل کرنے والا اللہ ہے وہ کر دے گا حل آپ بس اللہ کے ہو جائیں اللہ آپ کے لیے کافی ہو جائے گا !

🌷رمضان کی سب سے بڑی تیاری دلوں کو صاف ♥️ کرنا ہے ۔ کسی کے بارے میں بھی غصہ، بغض، کینہ یا حسد ہو تو نکال دیجیۓ ۔
معاف کیجیے اور معافی مانگ لیجیے ۔۔۔🖤
خوش رہیں اور خوشیاں بانٹیں
جزاک اللہ و خیرا 🌸

بیشک 🌸

❤️"اے میرے رب ! (میرے معاملات کو ) آسان فرما، انہیں مشکل نہ بنانا، میرا خاتمہ خیر پر کرنا
اور میں تجھ ہی سے مددمانگتا ہوں " ❤️

*🎋 سفر میں روزے کی رخصت*

*🔹 سیدنا عبداللّٰه بن عباس ؓ بیان کرتے ہیں*
*رسول کریمﷺ نے (غزوہ فتح میں)*
*مدینہ سے مکہ کے لیئے سفر شروع کیا*
*تو آپﷺ روزے سے تھے*
*جب آپ عسفان پہنچے تو پانی منگوایا*
*اور اسے اپنے ہاتھ سے (منہ تک) اٹھایا*
*تا کہ لوگ دیکھ لیں*
*پھر آپﷺ نے روزہ چھوڑ دیا*
*یہاں تک کہ مکہ پہنچے*
*ابن عباس ؓ کہا کرتے تھے*
*کہ رسول کریمﷺ نے (سفر میں)*
*روزہ رکھا بھی اور نہیں بھی رکھا*
*اس لیئے جس کا جی چاہے روزہ رکھے*
*اور جس کا جی چاہے نہ رکھے ۔*🔹

*📗 صحیح بخاری حدیث نمبر1948*

*صیام (روزے) کی تعریف*

لغوی اعتبار سے ” الصیام “ کا معنی ہے کسی چیز سے رک جانا۔

جبکہ شرعی اعتبار الصیام“ سے مراد ہے کھانے پینے اور تمام مفطرات ( جن چیزوں سے روزہ ٹوٹتا ہے ) سے عبادت کی نیت کے ساتھ طلوع فجر سے لے کر غروب آفتاب تک رکے رہنا۔
---------------------------✦

*روزے کی فضیلت*

✦ نبی کریم صَلَّى اللهُ عَلَيْهِ وَسَلَّم نے فرمایا:

مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ۔
*جس نے رمضان میں ایمان اور ثواب کی امید کے ساتھ روزے رکھے تو اس کے پچھلے گناہ معاف کر دیے جاتے ہیں۔*

📓(صحیح بخاری 1901 ، صحیح مسلم 761)

✦ اور فرمایا:
كُلُّ عَمَلِ ابْنِ آدَمَ لَهُ إِلَّا الصِّيَامَ فَإِنَّهُ لِي وَأَنَا أَجْزِي بِهِ ، وَلَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ الْمِسْكِ۔
*اللہ تعالی فرماتا ہے : بنی آدم کے تمام اعمال اس کے لیے ہیں سوائے روزے کے ، کیونکہ یہ میرے لیے ہے اور میں ہی اس کا اجر دوں گا۔*
*اور روزے دار کے منہ کی بو اللہ تعالی کے نزدیک مشک کی خوشبو سے بھی بڑھ کر پاکیزہ ہے۔*
📓(صحیح البخاری 1904، صحیح مسلم 1152)

✦ ابو سعيد الخدرى رضى اللهُ عَنْهُ سے روایت ہے کہ رسول الله صَلَّى اللهُ عَلَيْهِ وَسَلَّمَ نے فرمایا:

مَا مِنْ عَبْدٍ يَصُومُ يَوْمًا فِي سَبِيلِ اللَّهِ، إِلَّا بَاعَدَ اللَّهُ بِذَلِكَ الْيَوْمِ وَجْهَهُ عَنِ النَّارِ سَبْعِينَ خَرِيفًا۔
*کوئی بھی بندہ ایک روز فی سبیل اللہ روزہ رکھتا ہے تو اللہ تعالی اس ایک دن کے بدلے اس کے چہرے اور جہنم کے مابین ستر خندقوں جتنی دوری فرما دیتا ہے۔*
📓(صحیح البخاری 2840، صحیح مسلم 1154)

🥀 _*بیوہ اور طلاق یافتہ عورتیں کہاں جاٸیں؟*_ 🥀

ہمارے معاشرے میں اکثر خواتین جن کو طلاق ہو جاے یا ان کے خاوند فوت ہو جائیں اب لوگ ان کو ایک عیب والی عورت سمجھتے ہیں طلاق یافتہ اور بیوہ ہونا کوئ عیب نہیں یہ قسمت کے فیصلے ہوتے ہیں
اب اکثر دیکھا یہ جاتا ہے کہ ان خواتین سے کوئی شادی کرنا پسند نہیں کرتا حالانکہ اکثر ایسی خواتین کی عمر 28 سے 40سال تک ہوتی ہے
اب ان سے شادی نہ کرنا ناانصافی ہے کیا ہوا جو خاوند نے طلاق دے دی کیا اب اس عورت کو دوسری شادی کرنے کا حق حاصل نہیں
ایسی بیچاری خواتین بقیہ ساری زندگی گھر میں بیٹھے گزار دیتی ہیں
ہر آدمی چاہتا ہے میں کنواری لڑکی سے شادی کروں خوبصورت بھی ہو مالدار بھی ہو پڑھی لکھی بھی ہو اور غریب کی بیٹیاں گھر بیٹھے بوڑھیاں ہو جاتی ہیں کوئ نہیں سوچتا سب قارون بنے بیٹھے ہیں اپنی دولت پے
کیا ہوتا جو کچھ پیسے غریب باپ کو دے دیتے جو قرضوں کے بوجھ تلے دبا ہوا ہے جو جوانی میں اپنی بیٹی کا نکاح کر سکتا؟
میری گزارش اور دردمندانہ اپیل سب مسلمان مردوں سے ہے خدارہ کنواری سے بھی شادی کرو مگر ساتھ ساتھ بیوہ اور طلاق یافتہ خواتین سے بھی نکاح کیا کرو تاکہ تم سب ان کی بقیہ زندگی کا سہارا بن سکو
میں نے خود دیکھا کئی خواتین جن کو 27 سے 30 سال تک طلاق ہو جاتی ہے اب ان کی کافی زندگی باقی ہے خدارہ ان کو اپنے نکاح میں لاو
ہمارے پیارے نبیﷺ کی صرف ایک بیوی حضرت عائشہؓ کنواری تھی اور بقیہ ساری ازواج مطہرات بیوہ اور طلاق یافتہ تھیں
یہ امت کو درس دینا بھی مقصود تھا میرے اس درد کو سب سمجھیں اپنے دل میں اتاریں
اگر آپ پہلے سے شادی شدہ ہیں اور حقوق پورے کر رہے ہیں اور آپ کو دوسری شادی کی تمنا ہے تو خدارہ بیوہ اور طلاق یافتہ کا انتخاب کریں
بنیادی چیز اگر آپ دو شادیوں کے بعد اپنی بیویوں میں محبت مساوات قائم رکھ سکتے ہیں اور ظلم سے بچ سکتے ہیں تو ضرور کریں معاشرے میں پریشان بے سہارا خواتین کا سہارا بنیں
اس پوسٹ سے شادی شدہ خواتین جو اپنے شوہر کو دوسری شادی کی اجازت نہیں دے سکتیں تو وہ میری پوسٹ سے اختلاف کریں گی
ان سے کہنا چاہو گا اگر شوہر برابری اور مساوات قائم رکھ سکتا ہے تو فساد نہ مچاٸیں آپ جس طرح کسی کی بیٹی ہیں اس طرح ایک باپ کی وہ بیٹیاں جو بیوہ اور طلاق یافتہ ہے وہ بھی بیٹیاں ہیں