Saral Nepali Language & Culture Center, Inc.

हजुरहरू सम्पूर्णमा बडा दशैं २०८१ को पावन अवसरमा हार्दिक मंगलमय शुभकामना ! ! !

सरल नेपाली भाषा तथा संस्कृति केन्द्र परिवार, न्यूयोर्क

Thank you all for your love & Support!🙏🙏

NOTICE FOR NEW ADMISSION 2024/25!

सम्पूर्ण अभिभावक दाजुभाइ दिदी बहिनीहरूमा नमस्कार !
हजुरहरूको निरन्तर साथ सहयोग र विश्वासले गर्दा आज सरल नेपाली भाषा तथा संस्कृति केन्द्र आठौँ वर्षमा यात्रा गरिरहेको छ भने यही सेप्टेम्बरबाट पूरा गरी नवौं वर्षमा प्रवेश गर्दैछ | उक्त आठ वर्षको दौरानमा आजसम्म करिब ४०० विद्यार्थीहरू जोडिए भने अहिले पनि १८० जना हामीसँगै छन् | जसमा व्यस्त दैनिकीका कारण थपघट भने भइरहने हुन्छ | केही विद्यार्थीहरू कोर्स पूरा गरेर अहिले स्वयंसेवकको रुपमा यही संस्थामा सहायक शिक्षकको रुपमा पढाइरहेका छन् | हाम्रो यस प्रयासमा मिहिनेतकासाथ अध्ययन गरेर साथ दिने हाम्रा विद्यार्थी नानीबाबुहरू, हामीलाई विश्वास गर्दै यएस प्रयासमा साथ दिनुहुने अभिभावक दाजुभाइ दिदी बहिनीहरू लगायत हाम्रो संस्थामा क्रमशः अभिभावक, स्वयंसेवक हुँदै बोर्डसम्म आएर संचालनमा सहयोग गर्नु हुने सम्पूर्ण सहयोगी मनहरूमा हामी संस्थापकको तर्फबाट हार्दिक नमन गर्दछौं |

नयाँ भर्ना को लागि पनि धेरै जिज्ञासाहरू आइरहेका छन् | आजबाट हामीले नयाँ शैक्षिक सत्र (२०२४ - २५) का लागि नयाँ विद्यार्थी भर्ना लिंदैछौँ | नयाँ कक्षाको लागि आगामी अगष्ट अन्तिम आइतबार Orientation class र सेप्टेम्बरको दोस्रो हप्ताबाट लगातार कक्षा संचालन हुने यहाँहरू सबैमा जानकारी गराउन चाहन्छौं | कक्षा शनिबार/आइतबार विहान (९:०० - १०:००) १ घण्टाको रहनेछ भने पूरा कोर्स अवधि ५ वर्षको हुनेछ |

फर्म अनलाइन (Recommended) अथवा डाउनलोड गरेर पनि भर्न सक्नु हुनेछ | फर्म भर्ने अन्तिम मिति विद्यार्थी भर्ना संख्याको आधारमा रहनेछ | सीमित स्वयंसेवक शिक्षकहरूको कारण २ वटा कक्षाको लागि यसपटक जम्मा ४० जना विद्यार्थीहरू मात्र लिइनेछ | इच्छुक अभिभावकज्य हरूले ६ वर्ष पूरा भइसकेका आफ्नो नानीबाबुहरूको स्थान समयमा नै सुरक्षित राख्न अनुरोध गर्दछौं |

अहिलेसम्म धेरैजसो विद्यार्थी/ अभिभावकहरूको जानकारीको आधारमा भर्ना लिने गरिएको भएपनि धेरै अभिभावकहरूले शैक्षिक सत्रको वीचमा हामीले त कक्षा भर्ना बारे थाहा नै पाएनौं भन्ने जिज्ञासा राख्नु भएकोले जानकारीको लागि यसपटकको सूचना संजालमा नै राखिएको छ |

नोट:
कक्षा समय: शनिबार या आइतार ९:०० बजे (न्यूयोर्क समय) अनलाइनबाट हुनेछ | नेपालभन्दा वाहिर कुनै पनि देशमा रहेका इच्छुक ६ वर्ष माथिका नानीबाबुहरू र नेपाली सिक्न आवश्यक भएका वयस्कहरूले पनि क्लास लिन सक्नुहुनेछ | सम्पूर्ण सूचना भाइबरमा आउने हुनाले अनिबार्य भाइवर एप डाउनलोड गरिदिनु होला |

Admission application form link:
https://sites.google.com/snlcc.org/home/application?authuser=0

फर्मको लागि कुनै सुझाव/ जिज्ञासा भएमा म्यासेज गर्न सक्नुहुनेछ |

धन्यवाद !🙏🙏

सरल नेपाली भाषा तथा संस्कृति केन्द्र परिवार, न्यूयोर्क
जुलाई १, २०२४

Happy Mother’s Day to all respected Moms!