Bijte e Shqipes

Shtëpia e Re e Shqiptarit në Philadelphia JU PRET!
Të nderuar bashkatdhetarë!
E pabesueshme në fillim nisma jonë; por tashmë realitet! Përpjekje, sfida të përballuara, përkushtim, mbështetje, mundim, vullnet, dhurim, punë, guxim, dhe kontribut nga të gjithë “ Bijtë e Shqipes” dhe Shtëpia e Shqiptarit u ngrit!

Me 13 Tetor 2024, ditën e Diel, Shoqata Mbarëshqiptare Social kulturore “BIJTE E SHQIPES” do të organizojë festën më të madhe të realizuar ndonjëherë kushtuar komunitetit shqiptaro-amerikan, Përurimin e Qendrës Komunitare dhe Shkollës Shqipe “Gjuha Jonë” në Filadelfia. Të gjithë jemi krenarë për këtë sukses. Ne e ndërtuam së bashku, ne duhet të festojmë dhe të gëzojmë së bashku me aktivitete te ndryshme për të rritur, familjarë dhe fëmijë dhe me një program të vecantë dhe emocionues. Personalitete të njohura do të na bashkohen për të festuar këtë moment historik. FALENDEROJME TE GJITHE BASHKEPUNETORET E KETIJ RRUGETIMI TE GJATE DHE TE SUKSESSHEM!
Ejani të festojmë arritjen tonë të përbashkët ! Le t’i hapim dyert e shtëpisë sonë, Shtëpisë së Shqiptarisë së fëmijëve, nipërve dhe stërnipërve tanë!
Të ndezim zjarr atmosferën të gjithë bashkë! Ju mirepresim!
Ceremoni Përurimi

E Diel, 13 Tetor 11:00am-5:00pm
3322 Willits Rd
Philadelphia, PA 19136

Send a message to learn more

Vizita e zyrtarëve të pushtetit vendor dhe shtetëror tek godina e e re e shkollës Shqipe.

Me ftesë të Këshillit Drejtues të shoqatës “Bijtë e Shqipes” në bashkëpunim me zyrën e këshilltarit z. Michael Driscoll sot në mjediset e godinës së re u pritën në takim anëtari i Këshillit Bashkiak të qytetit të Filadelfias, z. Michael Driscoll, Perfaqesuesi i shtetit të Pensilvanise, z. Pat Gallagher, z. Jordan Brown asistenti special i Kongresmenit Brandon Boyle dhe z. Matt Darragh shefi i personelit të zyrës së Senatorit të Shtetit së Pensilvanise , Jimmy Dillon.
Gjatë kësaj vizite përfaqësuesit e pushtetit lokal dhe shtetëror u njohën nga afër me punën e shoqatës si përfaqësuese e komunitetit shqiptar ne Filadelfia dhe ecurinë e punimeve të godinës së re. Gjithashtu, të ftuarit u njohën me gjendjen e godinës përpara se të kryheshin punimet nëpërmjet fotove dhe panë nga afër punën e madhe që është bërë për rinovimin e saj.

Shoqata Mbarëshqiptare Social Kulturore “Bijtë e Shqipes” Philadelphia falenderon përfaqësuesit e pushtetit lokal dhe shtetëror për vizitën në ambientin e shoqatës dhe mbështetjen e tyre për të bashkëpunuar me shoqatën dhe komunitetin shqiptar në Filadelfia.

The Albanian American Association "BIJTE E SHQIPES" is grateful and would like to express our sincerest appreciation to Councilmember Mike Driscoll, State Representative Pat Gallagher, Matt Darragh Chief of Staff, office of State Senator Jimmy Dillon, and Jordan Brown Special Assistant to Congressman Brandon Boyle that made time to tour the association's building that will serve as the NEW COMMUNITY CENTER and Albanian School! Thank you for the visit we value your support!

NJOFTIM



Doli nga shtypi albumi fotografik "ABC....", me rastin e 20 vjetorit të Shkollës Shqipe “Gjuha Jonë”.

Albumi është një punë voluminoze e autorëve Vlashi Fili dhe Llazar Vero, të cilët grumbulluan fillimisht mbi 1300 foto nga jeta 20 vjeçare e Shkollës Shqipe “Gjuha Jonë”. Mbas rishikimit të të gjitha fotove, u përzgjodhën 600 të tilla dhe prej tyre, 271 u vendosën në album. Të gjitha fotot janë të shoqëruara me diçiturat përkatëse.

Përveç sa më sipër, në album janë vendosur edhe fotot e disa ish nxënësve që kanë përfunduar shkollës shqipe me diçiturat përkatëse ku tregohet se ku janë tani, fotot e mësueseve të para që punuan falas për disa vjet, si dhe lista e të gjithë mësuesëve me vitet përkatës të mësimdhënies në shkollën shqipe.

Albumi është botim cilësor i shtëpisë botuese “Adriatic Press” në Nju York dhe kushton $20. Ai është i gatshëm për sh*tje dhe kushdo mund ta gjejë atë, hë për hë, duke kontaktuar kryesinë e Shoqatës “Bijtë e Shqipes” me mesazhe (messenger), me email, bijteeshqipes@2002@gmail.com. Themi hë për hë mbasi ka filluar shpërngulja e shoqatës nga ndërtesa e tanishme tek ajo e reja.

Këshilli Drejtues i Shoqatës
Mbarëshqiptare Social Kulturore “Bijtë e Shqipes” Philadelphia

Ju Mirëpresim per Piknikun Veror

Neshaminy State Park.
3401 State Rd,
Bensalem, PA 19020.

Zoti Ismet dhe Fitim Ajvazi jane jo vetem dy biznesmene te suksesshem por jane dhe dy patriot me zemer te madhe dhe bujare.

Ismeti dhe Fitimi jane pronare te kompanise City Suburban Home Builders qe merret me ndertimin e shtepive te reja.
Qe ne fillim kur fola me Fitimin tregoi gadishmerine per te kontribuar ne rinovimin e godines se shkolles Shqipe. “Kur te vij momenti i duhur me lajmero Dritan se une do te marr nje proces pune nga fillimi ne mbarim”. Keshtu u shpreh Fitimi, dhe kur erdhi koha per te veshur muret me kartoxhes (sheetrocks) kompania e tij ishte gati dhe filloi nga puna. Vet Fitimi me merrte ne telefon dhe i ndiqte punimet hap pas hapi qe nga blerja, transporti dhe veshje e mureve me kartoxhes. Une do t’ja u bej gati godinen per te lyer me boje me tha Fitimi, dhe çdo gje eshte falas per shoqaten.
I drejte per drejte ne bisede dhe pa kerkuar asgje si shperblim por i vendosur per te ndihmuar komunitetin me përkushtimin e tij të pamposhtur. Edhe pse shume i zene me biznesin e tij e gjeti kohen per te bere me te miren per komunitetin tone. Me punen e tyre njerezit si Fitimi na bejne te ndjehemi krenare. Ata jane model i atdhedashurise, humanizmit dhe shpirtit filantropik.
I nderuar z. Ismet dhe z. Fitim, Shoqata Mbarëshqiptare Social Kulturore “Bijtë e Shqipes” Philadelphia ju falenderon dhe eshte mirenjohese per ndihmen dhe kontributin tuaj shume te çmuar! Mbështetja juaj në rinovimin e godines çdo dite e me shume po e shkurton kohen qe duhet per te mbaruar kete projekt me rendesi per komunitetin tone.
Ju urojme suksese ne biznesin tuaj dhe mbaresi ne familje!

Shoqata "Bijtë e Shqipes" falenderon te gjithe individet dhe bizneset shqiptare qe kane ndihmuar dhe vazhdojne te ndihmojnë.

Ftojme te gjithe bashkatdhetaret tane qe duan te behen pjese e ketij projekti te perbashket te ndihmojne sipas mundesive qe kane.

Të bashkuar mund të bëjmë më shumë!

Dritan Matraku
Kryetari i shoqates “Bijtë e Shqipes” Filadelfia

Dear Albanian community,

A Kosovar Albanian completing her Doctorate Degree, Doruntina Ukella-Rukiqi, is conducting a qualitative study for which she needs to interview Kosovar refugee students. The participants should be former Kosovar refugees (both men and women) who attended college in the Northeast region of the United States. The participants should be Kosovo refugees who proceeded to attend high school and then college, as well as those who enrolled in college immediately. Participation in this study is voluntary and anonymous.
Interested participants should email Doruntina Ukella-Rukiqi at [email protected]

PAS Mentorship Program Form Fill out this form to be matched with a current Penn student with similar interests

Festa e Abetares,

Ishte nje dite e bukur dhe e veçante ne mjediset e jashtme te shkolles shqipe “Gjuha Jonë”. Ambienti gumezhinte nga muzika popullore shqiptare dhe zerat e embel te nxenesve te shkolles shqipe. Viti shkollor 2023-2024 qe sapo mbaroi përkon me 20 vjetorin e shkolles shqipe “GJuha Jonë”. Veprimtaria per mbylljen e vitit shkollor u zhvillua sot me nje pjesemarrje te gjere me familjaret dhe te afermit e nxenesve, anetare te shoqates dhe komunitetit tone.
Shoqata Mbarëshqiptare Social Kulturore “Bijtë e Shqipes” Filadelfia falenderon te gjithe pjesemarresit ne kete aktivitet, prinderit, femijet dhe mesueset e shkolles shqipe.
Nje shkrim me detaje per kete veprimtari do te postohet ne ditet ne vazhdim.

Urime dhe suksese! Ju urojme pushime te kendshme verore, dhe ju mirepresim serisht ne Shtator!

Mbyllja e vitit shkollor 2023-2024.

Sot ne oren 11:00am-12:30am

Adresa:
Bijte e Shqipes
3322 Willits Rd
Philadelphia, PA 19136

Elizabeth, nxenesja e klases se pare ne shkollen shqipe "Gjuha Jone" fitoi vendin e tretë në konkursin e artit për Revistën Financiare për Distriktin Shkollor të Filadelfias. Ajo përfaqësoi 3 kulturat e prejardhjes se saj në vizatim dhe veshje. Per perfaqesim te kultures shqiptare Elizabeth zgjodhi te veshi kustomin tradicional qe u mundesua nga shoqata "Bijte e Shqipes". Urime dhe suksese Elizabeth!

Elizabeth won 3rd place in the art contest for the Financial Magazine for the School District of Philadelphia. She represented her 3 cultures in the drawing and her outfit. The traditional Albanian outfit was provided by the Albanian-American Association Bijte E Shqipes.

Me rastin e mbylljes se vitit shkollor 2023-2024 nxenesit e klases se 5te me mesuese Raimonda Bardhi pergatiten disa projekte per vendlindjen e tyre. Fotot e meposhtme e tregojne me mire punen e tyre me perkushtim dhe dashuri per vendlindjen e tyre. Ky eshte viti i fundit per nxenesit e klases se peste tek shkolla shqipe "Gjuha Jone". Pasi mbaruan programin mesimor per 5 vjet tek shkolla shqipe keta femije dine te shkruajne dhe te flasin shqip me prinderit, gjyshen/gjyshin dhe te afermit e tyre. Dine me shume per historine dhe traditen e vendit tone.
Shoqata "Bijte e Shqipes" ju uron suksese ne shkolle, jete e kudo!!

Faleminderit mesuese Monda per punen tuaj me perkushtim dhe profesionalizem.

June 1st is International Children's Day
1 Qershori eshte Dita Nderkombetare e Femijeve

1 Qershori eshte festa e femijeve dhe kjo dite e madhe i dedikohet teresisht buzeqeshjes dhe lumturise se vogelushve kudo ne bote.
Sot dhe çdo dite, le te sigurojme qe femijet tane te kene dashurine, mbeshtetjen dhe mundesite per te shkelqyer dhe realizuar enderrat e tyre.
Shoqata Mbareshqiptare Social Kulturore "Bijtë e Shqipes" ne Filadelfia i uron femijet e shkolles shqipe "Gjuha Jone", femijet e komunitetit shqiptar dhe te gjithe femijet kudo ne bote gezuar Festen e Femijeve.

Festa e Abetares,

Shoqata " Bijte e Shqipes " në Philadelphia ju fton të merrni pjesë në aktivitetin e mbylljes së vitit shkollor 2023-2024 në shkollën shqipe " Gjuha Jonë".

Ky aktivitet do të zhvillohet Ditën e Diel, 9 Qershor, 2024
Orari 11:00am-12:30pm

Adresa:
Bijte e Shqipes
3322 Willits Rd
Philadelphia, PA 19136

Ftojmë prinderit, gjyshërit, miq, nxënës dhe ish-nxënës , mësuesë, ish-mësuesë dhe antarët e komunitetit të jenë të pranishëm në këtë aktivitet kaq të vecantë!
Ejani të ndiqni nga afër se sa bukur recitojnë në gjuhën amë nxënësit e kësaj shkolle!

Kryesia e Shoqatës

Festa e Abetares,

Shoqata " Bijte e Shqipes " në Philadelphia ju fton të merrni pjesë në aktivitetin e mbylljes së vitit shkollor 2023-2024 në shkollën shqipe " Gjuha Jonë".
Ky aktivitet do të zhvillohet Ditën e Diel, 9 Qershor, 2024
Orari 11:00am-12:30pm

Adresa:
Bijte e Shqipes
3322 Willits Rd
Philadelphia, PA 19136

Ftojmë prinderit, gjyshërit, miq, nxënës dhe ish-nxënës , mësuesë, ish-mësuesë dhe antarët e komunitetit të jenë të pranishëm në këtë aktivitet kaq të vecantë!
Ejani të ndiqni nga afër se sa bukur recitojnë në gjuhën amë nxënësit e kësaj shkolle!

Dita Botërore e Librit

Ideja e përkujtimit të Ditës Botërore të librit e ka origjinën e vet në Spanjë, në zonën e Katalonjës, ku atij që blinte një libër i dhurohej edhe një trëndafil. 23 prilli është shpallur si Dita Botërore e Librit më 15 nëntor të 1995, me një rezolutë të UNESCO-s, pasi u morën në konsideratë faktet se libri ka qenë, historikisht, instrumenti më i fuqishëm i shpërndarjes së njohurive dhe mjeti më efikas për të siguruar ruajtjen e këtyre njohurive, se çdo nismë për promovimin e librave të rinj është një faktor i pasurimit kulturor etj.

Më 23 prill të vitit 1616 u nda nga kjo botë Servantesi, Shekspiri dhe Garcilaso de la Vega, i mbiquajtur Inca. 23 prilli shënon edhe lindjen ose vdekjen e shkrimtarëve të tjerë, si Maurice Druon, K.Laxness, Vladimir Nabokov, Joseph Pla dhe Manuel Mejia Vallejo. Kjo është arsyeja, për të cilën kjo datë domethënëse për letërsinë universale është caktuar nga Konferenca e Përgjithshme e UNESCO-s për t’i bërë homazh botëror librit dhe autorëve të tij dhe për të inkurajuar të rinjtë, që të zbulojnë kënaqësinë e të lexuarit, si edhe për të respektuar kontributin e pazëvendësueshëm, që kanë dhënë krijuesit për progresin social dhe atë kulturor.

VLASHI FILI, SHKRIMTARI QË PAK E NJOHIN....

Revista prestigjioze për Letërsinë Ndërkombëtare, “Mundus Artium”, i jep zotit
VLASHI FILI çmimin: “2024 MUNDUS ARTIUM PRIZE FOR LITERATURE".
Duket paksa absurde, e kotë një thënie, si në titullin e shkrimit tillë. Shumë

bashkatdhetarë e kanë dëgjuar si emër, një pjesë e mirë e tyre e njohin dhe e dinë se ka qënë për
20 vite sekretar i Shoqatës Mbarëshqiptare Patriotike e Social -Kulturore "Bijtë e Shqipes", pra që
nga dita e parë e jetës së saj, pasi ai është edhe një nga themeluesit e kësaj shoqate. Punoi ashtu
heshturazi, por me këmbëngulje dhe seriozitet, thuajse për çdo ditë të javës të këtyre 20 viteve
duke lënë trashëgim një pasuri atdhedashurie, serioziteti, duke dokumentuar çdo hap të jetës së
shoqatës. Sado mik ta kishe, ai nuk të falte për detyrat që merrje përsipër, për shoqatën. Këtë më
mirë se të gjithë e di unë që kam qenë dhe jam afër tij edhe pas 20 viteve të shërbimit të tij si
sekretar. Nuk ka hequr dorë edhe pasi e dorëzoi detyrën e sekretarit të shoqatës, nga angazhimi i
përditshëm në jetën e "Bijëve të Shqipes". Ja, po u përmend, një shëmbull: Shkolla Shqipe "Gjuha
Jonë" e kësaj shoqate, këtë vit feston 20 vjetorin e jetës së saj. Janë botuar tre libra deri tani për
10, 15 dhe 20 vjetorin e Shoqatës. Në dy të parët ai është bashkautor, kurse librin e tretë për 20
vjetorin e përgatiti vet. Si mund të rrinte indiferent për 20 vjetorin e shkollës, që përbën një nga
krenaritë më të mëdha të shoqatës dhe të gjithë komunitetit shqiptar në Filadelfia dhe më gjerë?!
Kështu që një mëngjes u ngrit me dëshirën dhe pyetjen: "Po sikur të përgatisim një album
fotografik për këtë jubile? Dhe nisëm nga puna, që nuk ishte as e vogël dhe as e lehtë. Unë, për
veten time, do të zgjidhja përsëri përgatitjen e një libri, me kujtime dhe mbresa, jo të pakta nga
jeta e kësaj shkolle. Shkurt u vendos përgatitja e albumit fotografik, për të cilin ai mbajti përsëri
peshën kryesore. Dhe e kryem edhe këtë punë. Tani albumi është gati për botim.
Ja pra kush është Vlashi Fili. Por e gjithë kjo është vetëm një pjesë e veprimtarisë së tij, e jetës
së tij, bile do të thosha, pa mëdyshje, se është një pjesë e vogël e jetës dhe veprimtarisë së tij si
atdhetar i devotshëm, si veprimtar shoqëror, si intelktual klasi, si shkencëtar dhe si krijues, si
shkrimtar.
Për të gjitha këto, gjithë jetën e tij ka qenë i nderuar dhe i respektuar. Këtë nderim dhe
respekt brigadat e shpimit e tregonin duke e thirrur atë sa herë kishin nevojë në përballimin e
veshtirësive gjatë shpimit të puseve, e tregon edhe propozimi që iu bë në Qershor të 1980, nga
kolektivi dhe drejtuesit e Sektorit Shkencor të Shpimit, ku ai jepte kontributin e tij, për t’u
vlerësuar nga Presidiumi i Kuvendit Popullor.
U munduan ta thyenin atë duke e detyruar të merrte pjesë në një “Kurs Pasuniversitar” për
disa vjet, si e quan ai periudhën që u detyrua të vuaj në disa burgje të kohës. E quan drejt atë
periudhë ashtu, sepse mësoi shumë në atë kohë, aq shumë sa nuk mund të mësonte në një kurs të
vërtetë pasuniveritar. Por edhe në ato vite megjithëse drejtuesit i thërrisnin “i dënuar” apo “i
burgosur”, bashkëvuatësit e tij i thërrisnin “Inxhinier”. Asnjë nuk i thërriste me emër. Ndoshta
mund të ketë patur shumë nga vashkëvuajtësit e tij që me të vërtetë nuk ia dinin emrin e saktë dhe
vazhdonin ta thërrisnin “Inxhinier”. Rrallë tregon ai për këtë periudhë por më e rëndësishmja
është se fjala e tij, toni me të cilin flet, asnjë herë nuk ka nota hakmarëse dhe kjo është virtyt i
njeriut tolerant, të zgjuar dhe me mend. Edhe në emigracion për të gjitha vitet që ka kaluar apo
edhe për librat që ka botuar të gjithë e respektojnë për vërtetësinë dhe saktësinë e ngjarjeve që ai
trajton
Jam i sigurtë se edhe ata që janë shok të afërt të tij, nuk i dinë të gjitha. Nuk e dinë se deri më
sot ai ka botuar 26 libra, si autor. Janë të fushave të ndryshme, histori, publicistikë, prozë e
shkurtër, roman, poezi... Pra, më shumë se një botim në vit, për të gjithë periudhën kohore që
jeton në Amerikë. Ka në përfundim apo ka përfunduar edhe nje vëllim poetik, një roman,.....
Pasi i hodha në letër keto fakte, më shkrepi një pyetje e çuditshme në kokë: Sa orë ka dita për
Vlashi Filin? Po java, muaji dhe viti nga sa ditë kanë? Është sekreti i tij: dita ka aq orë dhe java,

muaji dhe viti aq ditë sa u japim ne me punën tonë, me jetën tonë.
Por të gjitha këto janë thuajse fakte "të thata". Vlera, e fshehta është në faqet e librave që ka
botuar deri më tani. Në prozën e tij ka jetë, ka dashuri për njëriun e thjeshte të punës, në poezi ka
ndjenjë të pastër për nënën, motrën, atin, shokët... dashuri për jetën, ka art, letërsi. Proza e Vlash*t
është e mbushur me njërëz të punës, të cilët sakrificën, bile edhe heroizmin e veshin me rrobat e
punës së përditshme dhe shkojnë më tej. Gjuha që përdor Vlashi, nuk ështe e nxjerrë nga librat,
por nga jeta, ndaj ajo ka aromën e bukës se thekur, të djersës së derdhur, të naftës dhe zjarrit
përvëlues, të dashurisë dhe sakrificës për njëri-tjetrin. Kur lexon prozën e tij e merr me mend se
çfarë do të gjesh në të, fjalën e bukur edhe ndjenjën e bukur për jetën, punën, për prindërit e
sakrificave të mëdha dhe të dashurive pa fund. As proza, as poezia e Vlash*t nuk bërtasin, por
kanë kaq shumë jetë sa ti harron që je në faqet e librit. Edhe dashuria edhe dhimbja nuk bërtasin,
ato vijnë thjesht si copza të jetës dhe ne na pëlqejnë që i takuam.
Ҫfarë të të them o Vlashi Fili, veçse të të përqafoj edhe një herë si atë ditë të 13 prillit, ku
morrëm lajmit e mirë nga revista emërmadhe për letërsinë ndërkombëtare “Artium Mundus”, për
dhënien e atij çmimi. Ti e meriton plotësisht! Sukseset të ndjekshin!

LLAZAR VERO
Filadelfia, më 16 Prill 2024

Te dashur bashkatdhetarë/re ju kujtojme se afati i fundit per te derguar fotot dhe informacionin e meposhtem per femijet qe kane mbaruar shkollen Shqipe "Gjuha Jone" eshte data 25 Prill, 2024.
Faleminderit per mirekuptimin!

M2o Burgers & Salads feston gjashtë vjetorin e aktivitet në biznes me një ofertë bamirësie e fisnike në përkrahje të SHOQATES "BIJTE E SHQIPES"! Më 10 prill, klientët mund të shijojnë hamburgër të shijshëm për vetëm $6.00, të gjitha të ardhurat e mbledhura do të shkojnë për një kauzë fisnike: restaurimin e SHTEPISE SE SHQIPTARIT!

SHOQATA "BIJTE E SHQIPES" ftonë gjithë komunitetin shqiptar në Filadelfia dhe rrethinat të bëhet pjesë e kësaj nisme bujare dhe fisnike për mbledhjen e fondeve e organizuar nga vëllezërit Osmanollaj. Në 10 Prill nga ora 10:30am deri në orën 9:00pm.

Restorantet ku mund te shkoni per te blere hamburger/cheeseburger te shijshem dhe te vecante!

Wynnewood Road), and Philadelphia (701 S. 5th Street). The New Jersey location is at the Cherry Hill Mall (2000 NJ-38) and the Delaware location is in Newark (42 E. Main Street) për të mësuar më shumë, vizitoni https://m2oburgers.com.