Hoërskool Labori

Agt van ons landloopatlete het Woensdag 24 Julie by die Arboretum deelgeneem aan ň wedloop wat deur Hoërskool Gimnasium gereël was. In die Senior seunswedloop het 40 atlete gehardloop en twee van ons atlete was onder die top 10. Wayden Willams het ň 5de plek behaal en Xavier Bothma ň 9de plek. In die Junior wedloop was daar 51 atlete en ons beste atleet was Achim Ehrenreich met ň 19de plek. Welgedaan julle!

Hopefield Sportdag, 27 Julie 2024 - Neem asb. kennis dat Hoërskool Hopefield veranderinge aangebring het op die program. Hiermee die nuwe program.
Neem asb. kennis dat die busse om 05:30 vertrek vanaf Labori.

Lede van Die Voortrekkers in Graad 12 verwerf die Nasionale Presidentsverkennertoekenning nadat hulle aan die vereistes van die Presidentsverkennerproses voldoen het. Die proses sluit in die bywoning van ‘n sekere aantal Gebiedskampe, die suksesvolle voltooiing van ‘n sekere aantal spesialisasies en take, goeie getuigskrifte van die skool, kerk en Voortrekkerkommando en ‘n vereiste aantal jare diens in Die Voortrekkers.

Tweedens, die slaag van die Nasionale Presidentsverkenner teoretiese eksamen wat in Aprilmaand geskryf is.

Derdens is dit ‘n vereiste dat die lede die Nasionale Presidentverkenner Afrondingskamp vanaf 3 – 7 Julie 2024 te Hartbeesfontein Voortrekkerplaas bygewoon het. Tydens hierdie kamp word daar gefokus op die verskillende vaardighede wat deel van die Voortrekkerloopbaanplan is. Die kampprogram het bestaan uit verskillende aktiwiteite, lesings en uitstappies waaraan lede aktief moes deelneem.

Die Presidentsverkennertoekenning is ‘n nasionale toekenning vir kulturele leierskap en ons is baie trots op Kayla Coetzee, Jaiden Steyn en Sharik Steyn wat hulle Presidentsverkennertoekenning ontvang het. Baie geluk julle!

Baie geluk aan Lee Burger wat gedurende die vakansie aan die SA Nasionale Judo Kampioenskappe deelgeneem het en haar Kaapse Wynland Kleure verwerf het.

Hiermee die Program vir Saterdag, 27 Julie 2024 se Sportdag teen Hoërskool Hopefield.

Baie geluk aan Giselle van Wyk wat Saterdag 20 Julie aan die jaarlikse AGA Provinsiale Kampioenskappe deelgeneem het, waarna sy gekies is vir die Provinsiale Hoërskool-span.

Sy sal die Wes-Kaap verteenwoordig tydens die Nasionale Kampioenskappe in Kimberley van 24 tot 27 September 2024. Ons is baie trots op jou!

Ons program vir hierdie week!

Saterdag het ons spelers die koue aangedurf op ons tuisveld teen Curro Langebaan. Welgedaan aan al die spelers wat hulle tyd opoffer om die Vikings op die sportveld te verteenwoordig en baie dankie aan die OOV wat altyd sekermaak dat daar genoeg eet- en drinkgoed vir almal is.

As jy vandag moeg voel van sukkel, en daai gedagtes kruip in jou kop in dat jy eintlik maar net nie goed genoeg is nie...stop! Suksesvolle mense laat dit miskien maklik lyk, maar hulle het al nes jy gevoel. Hulle het net lank genoeg aangehou vir ander om die resultate te sien. Wanneer jy vandag hard werk, struikelblokke ervaar en lus is vir opgee, is jy alreeds besig met die proses van suksesvol wees. Al wat jy moet doen, is aanhou. Miskien 'n ander tegniek gebruik, of hulp vra. Maar jy kan daar uitkom!

Baie dankie aan die ouers van ons OOV vir hul harde werk tydens die afgelope skoolvakansie. Ons seuns- en dogtersbadkamers by Bethel, kan spog met 'n splinternuwe baadjie! Baie dankie vir die opgradering van ons fasiliteite, ons waardeer jul harde werk!!

Ondersteun hierdie projek van ons Interact-klub en maak 'n verskil in 'n meisie se lewe.

Interskole is om die draai, so wees deel van die Viking-gees en dra jou Labori-kleure met trots! Bestellings kan by die finansiële kantoor geplaas word.

Hiermee die program vir Saterdag, 20 Julie 2024 se Sportdag teen Curro Langebaan.

Alle old-boys en old-girls word uitgenooi om deel te wees van Interskole 2024. Kontak die sportkantoor vir meer inligting.

Hier is ons program vir die week!

Onthou moreaand se oueraand vir Graad 8 - 12 is slegs per afspraak. Volg die skakel om 'n afspraak te maak: www.picktime.com/hslabori

Hoe pak 'n Viking die lekker besige 3de kwartaal aan? Stukkie vir stukkie! Een dag en een ding op 'n slag.

Oefen rooster vir Kwartaal 3

Vanaf 15 Julie sal die onderstaande weeklikse rooster gevolg word vir alle buitemuurse aktiwiteite.

Indien swaar reënval veroorsaak dat oefeninge gekanselleer word, sal dit voor 12h00 op die betrokke dag gekommunikeer word.

“I can accept failure, everyone fails at something. But I can’t accept not trying again.”
Dit is juis hierdie woorde van Michael Jordan wat Giselle van Wyk aanhou motiveer om weer en weer te probeer. Nou wys sy ons presies wat gebeur wanneer jy aanhou: jy wen.

Ons is baie trots op Giselle se uitslae tydens die SANIAC kampioenskappe (South African National Indoor Archery Competition), waar tydens sy die Wes-Kaap verteenwoordig het in haar kategorie.

Hiermee bevestiging dat die skool vir Vrydag, 12 Julie, ook gesluit sal wees.
Ons hoop dat almal veilig en warm bly in hierdie ekstreme weerstoestande.

Hiermee 'n bevestiging dat skole in Kaapse Wynland distrik môre, 11 Julie 2024, gesluit sal wees a.g.v. die weerstoestande. Die WKOD sal skoolhoofde op hoogte hou van verwikkelinge, wat dan aan ouers gekommunikeer sal word. Wees asb. veilig!

Feel Good Fridays begin weer volgende Vrydag en ons gaan sommer lekker kreatief en morsig raak!

Baie geluk aan Lee Burger wat 2 silwer medaljes verower het by die SA Judo Kampioenskappe in Bloemfontein. Ons as skool is baie trots op jou!

Baie geluk aan Tannie Sanet van die Finansiële Kantoor wat vandag verjaar. Dankie vir alles wat Tannie vir die skool doen, ons waardeer dit opreg. Ons wens vir Tannie net goeie gesondheid en mooi dinge toe vir die nuwe lewensjaar.

Baie geluk aan die Sanlam Boland o.18 Cravenweek span met hul oorwinning van 35-27 oor die Oostelike Provinsie. Ons is baie trots op julle!!

Almal het ‘n vrou wat die steunpilaar in hulle lewe is. ‘n Vrou wat luister na jou drama, wat jou voer, wat jou leer hoé om ‘n vrou te wees.
Nooi jou ma, ouma, tannie, buurvrou of wieookal om die 16de Julie ‘n bietjie bederf te word by die kultuurkomitee se Damestee.

Tyd raak min om julle kaartjies te kry!!