Laerskool Mooirivier

Skakel na Kaartjieverkope vir Tokkie Fees!

https://bit.ly/3MPM0GR

Tokkies wys wie is baas by Super 12 Dogterskrieket | Potchefstroom Herald Die meeste lopies wat in die Super 12 dogterskrieket kompetisie aangeteken is, is 90 lopies.

SUPER 12 ATLETIEK: HUISSPORT 2024

Ons Tokkies maak reg vir die atletiekseisoen en voorbereiding vir die Super 12 Laerskole / Primary Schools atletiek-kompetisie wat op 19 Oktober 2024 plaasvind.

Massadeelname is ‘n groot prioriteit by Mooirivier sodat elke Tokkies ‘n geleentheid kry om deel te neem. Dankie aan elke personeellid wat hierdie geleenthede moontlik maak vir ons Tokkies.

SUPER 12 DOGTERSKRIEKET

Ons Tokkie-dogters het Saterdagoggend hul tweede wedstryd teen Laerskool Kenmare se tweede span gespeel en gewen met 10 paaltjies. Daarna het ons in die finaal teen Kenmare se eerstespan gespeel en ongelukkig met 41 lopies verloor het. Laerskool Mooirivier se eerste dogterskrieketspan eindig dus 2de in die Super 12 Laerskole / Primary Schools kompetisie. Tokkies is baie trots op hierdie puik prestasie.

'n Paar hoogtepunte van die naweek:
- Emilie Burger teken 90 lopies aan, die meeste in die toernooi.
- Sanmari de Jager is kort agter haar met 77 lopies.
- Abigail Fourie vat 6 paaltjies, sy het die tweede meeste paaltjies in die toernooi gevat.
- Elnette Burgers het 3 vangskote gehad, ook die meeste in die toernooi.
- Sanmarie de Jager is aangewys as die tweede beste paaltjiewagter.

Welgedaan dogters!

Tema vir die week!!

SUPER 12 DOGTERSKRIEKET

Ons Tokkie-dogters begin die Super 12 Laerskole / Primary Schools kompetisie op ‘n hoë noot met ‘n goeie wen oor Laerskool Randhart.

Ons dogters wen met 5 lopies. Hoogtepunte van die wedstryd was Emilie Burger met 45 lopies van 34 b***e en nie uit nie. Paaltjies is geneem deur Abigail Fourie(1), Emilie Burger(1), Nina Burger(2) en Jesse Eybers(1).

Welgedaan met ‘n puik eerste wedstryd. Sterkte met die 2 wat voorlê.

SUPER 12 DOGTERSKRIEKET

Baie sterkte aan ons Tokkies wat hierdie naweek aan die Super 12 Laerskole / Primary Schools dogterskrieket-kompetisie deelneem.

HOOFLEIER UITREIK NA SECOND LIFE STORE

Dit was 'n groot voorreg vir die hoofleiers van die derde kwartaal om namens die Tokkies, goedere wat ingesamel is, te kon gaan aflewer. Hierdie is 'n wonderlike gemeenskapsprojek in ons dorp waarby duisende mense baat. Dankie aan al die Tokkie-huisgesinne wat geskenk het, sodat tweedehandse goedere nuwe lewe in ander huise kan kry! Dankie ook aan ons hoofleiers wat hierdie projek so mooi gedryf het.

Tokkies hokkie is ligawenners | Potchefstroom Herald Beide Laerskool Mooirivier se o/13 hokkieseuns en -dogters is as die Noordwes laerskool ligawenners aangewys.

TOKKIE LANDLOOP

Baie geluk aan hierdie Tokkies wat die Noordwesspan vir landloop behaal het. Hulle het op Saterdag, 7 September aan die SA's in Vanderbijlpark deelgeneem. Ons is trots op hierdie langasem Tokkies wat so hard gewerk het hierdie seisoen.

SUPER 12 ALGEMENE KENNIS

Ons is SUPER trots op ons vier gr. 7's wat by die Super 12 Laerskole / Primary Schools Algemene Kennis was.

Ariëlle van Deventer en Lize Du Plessis, het vir Handré Kemp en Dieterich Schreck só mooi ondersteun en ons het weereens gewys TOKKIES KAN!

Rondte 1 help ons om onder die Top 10 te land. Ons behou ons posisie onder die Top 10 vanaf rondte 2 tot by rondte 10.

Ons eindig algeheel 9de van 19 skole en is dankbaar vir hierdie vier flinkdinkers wat as 'n span hierdie geleentheid met oorgawe aangepak het!

TOKKIE HOKKIE

NOORDWES LAERSKOLE LIGA WENNERS
Beide ons o/13A hokkieseuns en -dogters het hul staal gewys op die baan die laaste twee dae en het geseëvier met puik resultate.

Semi-finale:
Dogters wen 1-0 teen Schweizer
Seuns wen 1-0 teen Curro

Finale:
Dogters wen 4-0 teen Brits
Seuns wen Potch Primary in “Shootout” 2-1

Albei spanne kwalifiseer vir Champ of Champs vir 2024 op 20-21 September in Potchefstroom.

GRAAD 1 INLIGTINGSDAG 2024

Op Donderdag, 5 September het Tokkies alle toekomstige graad 1 leerders 'n voorsmakie gegee van wat vir hulle wag in Tokkieland. Van akademie tot sport tot kultuur, die hele prentjie is ingekleur vir die nuwe leerders. Ons kan nie wag om te sien wat hulle gaan bereik hier in ons Wonderland nie.

TOKKIE HOKKIE

Baie sterkte aan ons o/13A-hokkieseuns en -dogters wat hierdie naweek in die Noordweshokkie finale speel op die NWU astrobane.

Vrydag, 6 September
Seuns 15:30
Dogters 16:30

Saterdag, 7 September
Dogters 10:30
Seuns 11:30

SUPER 12 ALGEMENE KENNIS

Baie sterkte aan ons Tokkies wat hierdie naweek aan die Super 12 Laerskole / Primary Schools algemene kennis-kompetisie deelneem in Rustenburg.

Dankie aan AfriForum vir die ondersteuning en inloer om ons Tokkies aan te moedig vir die naweek.

Aan die dames wat die kantoor met onderskeid bestuur, elke ouer en besoeker met 'n glimlag ontvang en elke liewe Tokkie se hart troos. Gelukkige Sekretaressedag!!

LENTEDAG IN TOKKIELAND

GRAAD 7 TOER

Dag 4:

Die Gr. 7's besoek die Sudwala-grotte en dit was verseker 'n hoogtepunt. Hulle het die ongelooflike rotsformasies en interessante geskiedenis van die grot beleef. Daarna het hulle die aand in Sabie deurgebring, waar die kinders lekker speletjies gespeel het. Dit was 'n onvergeetlike ervaring!

BRAAF DIE BOERBOEL

Solidariteit Helpende Hand Noordwes-Streek het met ons Tokkies kom gesels oor boeliegedrag en hoe om op te tree. Braaf het ‘n mooi boodskap oorgedra aan ons leerders. Ons waardeer julle inloer.