Aya Ezzat - آية عزت أخصائي نفسي أكلينكي

#أتكلم🗣

في خطأ معرفي شهير بنقع فيه أغلبنا وهو الشخصنة
تعالى أقولك الاول يعني ايه أخطاء معرفية
هي عبارة عن افكار او توجهات بتكون اراءك عن كل حاجة في حياتك وبتكون مؤمن بيها جدا ولكن بتبقى هي بداية شقائك وتعبك .

انهاردة هنتكلم عن الشخصنة :
عارفين المشهد الشهير بتاع انا ال كلت الجبنة ؟

اهو الانسان وقتها بيتعامل مع نفسه ويكأنه هو السبب الرئيسي في كل حاجة سيئة بتحصل في حياته على رغم انك في الحقيقة غير مسؤول عنها وفي ظروف تانية اكبر منك ومع ذلك بتفضل مقتنع ان انت السبب وانت الغلطان
انا دايما السبب ملازمها مشاعر بالذنب واحباط شديدة جداا ولوم مستمر للذات زي مثلا
زوجة شايفة ان من حق زوجها يضربها لأنها زوجة سيئة !
في الموقف دة مفروض تسأل نفسها اكتر من سؤال
ازاي عرفتي انك زوجة سيئة ؟
هل مفيش اي عوامل او اسباب تانية جعلته يضربك ؟
وهكذا …


#أتكلم🗣

عن "الاضطراب العاطفي الموسمي" (seasonal affective disorder)،



#أتكلم🗣

"هناك شيء ما عن ذلك الوقت من العام يُشعره بالاكتئاب الشديد. السماء الملبدة بالغيوم، والرياح القاطعة، أوراق الشجر المتساقطة، والغسق. الظلام قريب جدا، يأتي الليل قبل أن تستعد. إنه الرعب، لا بد من وجود أغنية أو قصيدة، أو سحر شعبي يمكننا استخدامه لتسكين هذا الخوف".
(دون ديليلو، رواية "الميزان")

يعرف بـ "الاضطراب العاطفي الموسمي" (seasonal affective disorder)، وهو شائع حاليا خاصة في توقيت تغيير الفصول واهم علاماته بينتاب الشخص مشاعر من الحزن اغلب الوقت او طول اليوم
، فقدان الاستمتاع بالانشطة ال كنت مهتم بيها قبل كدة ، انخفاض في الطاقة شعور بالخمول ، مشاكل في النوم نوم متقطع ، صعوبة فيالتركيز ، الرغبة في الانعزال ، الإفراط في تناول الطعام ، فقدان الشغف تجاه اي حاجة في الحياة .

طب هل معنى كدة ان لو حد شايف في نفسه بعض او كل الاعراض دي
يبقى عنده أكتئاب موسمي ، لا أكيد لان
تشخيص الإكتئاب الموسمي بياخد وقت مش اقل من سنتين متتاليتين بيحصل فيهم نفس الأعراض عند دخول فصل الشتاء بالذات
لانه متداخل مع اكتر من اضطراب .
ف لو انت ك شخص لاحظت على نفسك انه مع تغيير الفصول وبالذات في الوقت دة من السنة بتحس بتغييرات سلبية عليك وعلى حياتك متتردش في انك تطلب المساعدة
طب والعلاج
العلاج بالضوء
يجلس الشخص أمام صندوق ضوئي شديد السطوع (10000 لوكس) يوميا لمدة تتراوح من 30 إلى 45 دقيقة، في الساعة الأولى بعد الاستيقاظ من النوم، مع فتح العينين دون النظر إلى الضوء مباشرة
تُحاكي الصناديق الضوئية العلاجية أضواء النهار، ويعتقد الباحثون أن هذا النوع من الضوء يُسبِّب تغيُّرا كيميائيا في الدماغ حيث يُعزِّز المزاج ويعالج الأعراض الأخرى للاضطراب العاطفي الموسمي. من المهم التأكُّد من استخدام صندوق علاجي مُوصى به من قِبَل طبيب، كي لا يتسبَّب في الإضرار بعينيك، واطلب مشورة طبيب العيون بشأن اختيار صندوق الضوء المناسب إذا كانت لديك مشكلات في العين مثل المياه الزرقاء أو إعتام عدسة العين

وكمان العلاج النفسي مهم

بتتعلم كيفية التعلم مع التوتر والتحكم فيه ،
تعلم طرق صحية اكتر لمواجهة الاكتئاب الموسمي لا التجنب
تحسين أنماط النوم
تحديد وتغيير الافكار السلوكية السلبية التي قد تجعلك غير راض عن نفسك
وفي حالات احيانا بتحتاج أدوية .


#أتكلم🗣

ارون بيك كان عنده وجهة نظربشوفها من أكتر المراجع المنطقية عن الحقيقة 🤍
"التفسير هو ما يؤلم ، وليس الحقيقة نفسها"

بيعتمد رأية على ان الناس بتعاني في تقبل الحقيقة بسبب تفسيرمن حيث اختلاف مرجعية وخبرة كل أنسان الشخصية ،
ان معظم معاناة الناس تنتج من الاهمية والمعنى ال بنفسر بيه الحقيقة .😊
زي الطالب ال هيتوصم بالفشل وهيقول على نفسه فاشل علشان ملحقش الكلية ال كان عايزها في تنسيق الثانوية العامة .

الحقيقة انه بس مجبش درجة الكلية ال كان عايزها
التفسير انه وصم نفسه بالفاشل وهو ليس بفاشل ✌
هو مجرد موصلش للنتيجة المرغوبة للكلية
لكن ممكن جدا بمجموعه يدخل كلية تانية وينجح فيها 🥰

فتفسيرنا للحقايق هو ال بيحدد اختيارتنا أو معاناتنا

أقرأها تاني


#أتكلم🗣

-الإستقالة من وظيفة بتستنزف كل طاقتك
-عدم الرد على مكالمة هاتفية ، وانت مش قادر
-وضع حدود في علاقاتك للحفاظ على مساحتك الشخصية
-إخراج شخص مؤذي من حياتك
-التعبير عن إحتياجاتك
-أختيار ماهو مناسب لك بغض النظر عن راي الاخرين
-تقول (لا)



#أتكلم🗣

هو في حاجة اسمها إكتئاب الأعياد فعلا ؟؟

في الحقيقة ناس كتير بتصاب ب بعض من الاعراض
( قلق - حزن - تغيرات مزاجية للأسوء )
ولكن مش هترتقي للأكتئاب تقدر
تقول حالة من الحزن والقلق
مصاحبة طوال ايام الاجازات الطويلة او الاعياد

في ناس مبتعرفش تقعد فاضية ، ف الأعياد بتكشف وحدتك ومدى بعدك عن نفسك
وخلينا متفقين ان تاني عدو للأنسان بعد نفسه
هو الفراااغ .😁
طب ازاي اتخطى المشاعر السلبية في الايام دي ؟🥰

بمنتهى البساطة متستسلمش للمشاعر دي
متقعدش لوحدك أطلع اقعد مع اهلك دوشة العيلة
ارحم من دوشة دماغك وأفكارك !
سيب الفون شوية
أطلب أكلة بتحبها
كلم صحابك عيد عليهم ، وظبط خروجة حتى لو انت من جواك مش عايز بس متستسلمش لأفكارك
نام براحتك انبسط بالنوم من غير منبه
اتفرج على مسلسل كنت مأجله من فترة
أو أنزل روح سينما حتى لو لوحدك
المهم متسيبش نفسك لأفكارك وحاول تفرح ب أقل المتاح



#أتكلم🗣

عيد أضحى سعيد
كل سنة وانتو طيبين وبخير دايما 💙💙💙



#أتكلم🗣

انت غبي ، شوف عملت ايه ؟
-عملت خطأ بس يمكنني التحسن وأكون أفضل

انا سيء في موضوع دة
-انا بحاول .. وهفضل أحاول علشان أقدم أحسن ما عندي



#أتكلم🗣

today's reminder🤍



#أتكلم🗣

البارانويا أو جنون الأرتياب
هو أضطراب نفسي عصبي بيشعر المريض انه دايما معرض للأضطهاد والتهديد والشعور بالخطر والملاحقة من الأخرين ، وبيكون عنده شكوك غير عقلانية ، عدم ثقة في الأخرين

اسبابها غير معروفة ولكن في عوامل ممكن تساعد على حدوث المرض زي
عوامل جينية ووراثية
الضغط العصبي
الخرف
شرب المخدرات
التعرض لصدمات قوية .

من أعراض البارنويا
هو اقتناعهم التام ب افكارهم وانهم فعلا مضطهدين وبيتعرضو للتهديد
انعدام الثقة في الاخرين
العزلة والبعد عن الأخرين
الشعور ان محدش فاهمه وغير مؤمنين بيه
الشعور بالاضطهاد والتهديد على رغم من عدم وجود خطر حقيقي
الشعور ان الأخرين يتأمرون ضده
الخوف المبالغ ان في حاجة سيئة دايما هتحصل .

العلاج
- علاج نفسي ومعرفي سلوكي
ادوية مضادة للقلق
تعلم مهارات التكيف مثل العلاج بالاسترخاء
لوحالة شديدة جدا ممكن تدخل مستشفى



#أتكلم🗣

متسمحش لحد يستغلك .. 👌
مفيش تشخيص من بوست ❌
مفيش تشخيص من رسالة في شات ❌
مفيش تشخيص بمكالمة تليفون ❌

لازم دراسة للحالة .. ال بتم عن طريق جلسات علاجية
و أختبارات نفسية ،
أو عن طريق جلسات الاون لاين بصوت وصورة .
لازم يكون فيه تواصل بصري
انت ليك كل الحق انك تسأل الأخصائي/ة النفسي أو المعالج/ة
عن شهاداته !
متخصص فعلا ولا مجرد حد بيستغل المهنة ودة موجود كتير جدا حوالينا ،
خليك عندك وعي اعرف حقوقك وأسأل .



#أتكلم🗣

today's reminder 🤍🙏

مهمة اوي تفهم مشاعرك كل ما زاد وعيك بمشاعر بهنا ودلوقت انا حاسس ب ايه ،
زي انا حاسس اني حزين دلوقت .. انهاردة .. الاسبوع دة بس مش انت الشخص الحزين
المشاعر حالة بتتكون مش مفروض تكون انت كشخصية ليها جوانب مختلفة تكون عبارة عن مشاعرك بس .
انا حاسس بوحدة بس انت مش وحيد انت مشاعر الوحدة تملكت وسيطرت عليك ف اثرت على سلوكياتك فبقيت وحيد .
اياك تسيب نفسك لمشاعرك تتحكم فيك 👌

لما بنسيب مشاعرنا تمتلكنا ومنقدرش نتعامل معاها بشكل صح بتمتلكنا وبتسيطر على حياتنا
وممكن توقفها لانك معرفتش تتعامل معاها صح في الوقت الصح بالتالي بقيت
انت عبارة عن كتلة مشاعر ماشية على الارض مش نفسك الحقيقية 🥰



#أتكلم🗣

يعني ايه أحب نفسي ؟ 🤍🤍🤍



#أتكلم🗣

كنا اتكلمنا قبل كدة عن لغات الحب الخمسة .. تعرف ان في لغات الأعتذار الخمسة .
فا انك تفهم لغة الاعتذار بتاعتك ولغة اعتذار الأخرين دة بيقوي ويعزز من علاقاتك الاجتماعية ايا كان نوعها

1- التعبير عن الأسف بشكل صريح وواضح
( أنا أسف اني عملت كذا …
2- تحمل المسؤولية
ودة شيء ناس كتير بتقدره انك شخص واعي وناضج كفاية انك تتحمل المسؤولية طبيعة النوع دة من الأعتذار انك بتعتذر تتحدث بالتفصيل عن ال غطلت فيه
( انا أسف جدا ، وبتحمل مسؤولية ال حصل كذااا ..
3- الندم الصادق
( انا اسف جدا ، وعارف ان مفيش حاجة ممكن تصحح ال عملته ، بس هخلي بالي ان مكررش دة تاني ابدا ..
4- التعويض عما حدث
هيبقى لطيف اوي مع الاشخاص ال بيحبو الأفعال أكتر من كلام .
( انا أسف جدا ، جبتلك سلسلة هدية ..
( لو تقبل أخدك على العشاء تعويضا عن ال عملته ..
5- طلب المسامحة
بالنسبة للناس ال قيمة التسامح عندهم عالية وبيقدروها
( ارجوك سامحنى على ال عملته ..
( انا عارف ان ال عملته غلط بس ممكن تسامحني ..



#أتكلم🗣

تفتكرو العياط ليه فوايد ؟ 💚

طب انت عارف ان الدراسات اثبتت ان العياط ليه علاقة بالذكاء العاطفي
يعني على غير المتعارف عليه ان تعبيرك عن مشاعرك بالعياط ف كدة الشخص غير متحكم في نفسه او غير ناضج بما فيه الكفاية ،
ولكن فالبكاء في الحقيقة دليل على ذكاء العاطفي لأن الشخص قادر يدرك مشاعره والتعبير عنها بشكل عفوي تلقائي .

من فوايد العياط أيضا
يخفف الألم بتحس انك في حالة مرتاح شوية عن قبل العياط
يحسن المزاج
يساعد على تهدئة نفسك
يساعد على التعافي من الحزن
بيعمل على استعادة التوازن العاطفي



#أتكلم🗣

تسمع عن الأيجابية السامة ؟ 🙄
الإيجابية السامة دي عبارة تفاؤول ودنيا جميلة ووردي وكل حاجة حلوة حالة الانسان بيغصب نفسه يعيشها علشان ميحسش ب اي مشاعر سلبية تضايقه ،

مش من الطبيعي انك متمرش احيانا ب اوقات ضيق او قلق او حزن ،

الطبيعي علشان نكون أقرب للسواء انك تسمح لنفسك تعيش الموقف زي ماهو
تكون واقعي لما تواجه موقف صعب الطبيعي تحس بالقلق او توتر او ضيق
ومش مشكلة انك تمر بمشاعر حزن المهم تنفس عن مشاعرك بطريقة صحيحة وتتعلم منه
ولو حد بيتكلم معاك أسمع بتعاطف وأظهرله دعم ومتحاوش انه يسكت ولا تزيين مأساته بكلام مبهج من وجهة نظرك انك كدة بتخفف عنه .. فخلي بالك 💚🙏



#أتكلم🗣

حاجات أنت مش مسؤول عنها 🤍🙏



#أتكلم🗣

التلاعب النفسي
-Psychological manipulation

هو حيلة ذكية بيقدر يستخدمها اشخاص غيرأسويا احيانا بشكل مقصود واحيانا لا
للسيطرة عليك ولتحميلك الذنب وانك الغلطان دايما .

في علامات تدل على انك بتتعرض للتلاعب النفسي ودة من الجنسين سواء راجل أو ست
- تمثيل دور الضحية لجذب تعاطفك دايما
-الانسحاب التجنب والمعاملة الصامتة
- وعود كتيير لا يفي بها
-بيعرف ازاي يزيف الحقايق والأحداث عليك
- دايم بتقدم الأعذار والتبريرات له /ها للأصدقاء وللأهل
- له الاولوية التامة ومش مهم أنت
- بتسأل نفسك دايما هو انا بقيت حساس جدا ولا ايه ؟
-مشاعر من القلق والضيق المستمر
- بتعتذر بسبب ومن غير سبب !!
- الأختفاء المفاجيء
- الأبتزاز العاطفي ( بتكون تحت تأثير تهديد مستمر لازم تعمل ال هو او هي عايزه )

أزاي اتعامل مع الحيل النفسية واتخطاها ؟
- لازم تحط حدود شخصية تحميك وترفض وتقول لا
-تعرف الشخص ال بيمارس عليك الاساليب دي انه مش هتجيب نتيجة معايا وثق في نفسك انك هتقدر تتخطى اذاه
- زود علاقاتك الاجتماعية وقرب من اصدقائك واهلك وحاوط نفسك بدواير أمنة عل ما تقدر علشان تعرف تصد قدام الحيل دي
-نفسك أولا تحاول تقدرها وتتقبلها وتكون هين مع نفسك

-لو مقدرتش تقاوم لوحدك ممكن تلجأ لمعالج مختص يقدر يساعدك ازاي تتخطى المشكلة .


#أتكلم🗣

تنظيم المشاعر عملية دينامية مش أي شخص ممكن يقوم بها
بس في الاول يعني ايه تنظيم مشاعر ؟ هل معناها تحكم كلي ؟
الأجابة لاء لان لو دة حصل هيكون في اضطراب
لكن تنظيم المشاعر هو انك بتقدر تتخلص من المشاعر السلبية ال بتمر بيها في حياتك بسهولة مبتكونش عائق وتوقف يومك وحياتك
الفكرة الاساسية
مش مجرد حد بيسمعك ويهز راسه وبس
عملية تنظيم المشاعر بتم تحت أشراف متخصصين علشان توصل لمرحلة الفهم والادراك وتحكم في مشاعرك معظم الوقت 🤍



#أتكلم🗣

ا

كيف بدأت التروما ؟
- من المشاعر المكتومة .



#أتكلم🗣

الرهاب الأجتماعي اضطراب منتشر حوالينا كتير
هو ايه بالظبط وليه علاج ؟

هو خوف وتوتر شديد ويتمركز حول الخوف من نظرة الآخرين ويؤدي إلـى تجنب المواقف الاجتماعية، حالة من الإصرار العنيف، والسلوك من مخاوف الغير المعقولة ، مع تجنـب المواقف التي يتعرض فيها للنقد من الآخرين وبسبب هذا يتعرض الفـرد للإحراج.
ويزيد من تجنب المناسبات الاجتماعية من قبل تناول الطعام أو الشراب أو الكتابة بين الناس، حيث يكون تحت الملاحظةأو مركـز الاهتمام، وقد يفضل الوحدة بد لا من خروجـه إلـى الأمـاكن بـصحبة الآخرين .

الشخص ال عنده رهاب أجتماعي مبيبقاش مدرك حجم مشكلته لانه بيسلك السلوك التجنبي
في تجمع عائلي أومع زملاء أو في بيئة العمل ..يتحجج ميروحش لاي سبب خوفا من مواجهة نقد
نقدر نقول ان الملمح الأساسي للأضطراب هو تجنب المواقف الأجتماعية .

طب لو الشخص اتوضع في موقف بالفعل بيحس ب ايه ؟
ممكن يحس بعرض فسيولوجي أو أكتر زي
احمرار الوجه ،ر الوجه ، رعشة في اليدين ، الغثيـان ، التعـرق الشديد، تلعثم الكلام، وجفاف الريق، مغص البطن، تسارع نبضات القلـب واضطراب التنفس ، ارتجاف الأطراف وشد العضلات ، الحاجة المفاجـأة للنهاية للحمام.

والأكيد ان في علاج بس المهم انك تاخد الخطوة ومتستسلمش لمخاوفك .🤍🤍



#أتكلم🗣

" يرتدي الناس الأقنعة ليخفو ورائها ذاتا لا قيمة لها .. هم يوارون ضعف تقديرهم لأنفسهم "
دي.سي.بريجرز

كل ما قل تقدير البني أدم لذاته كل ما كترت أقنعتة ( ماسكات) بيلبسها علشان يظهر انه أكثر لطف او تعاطف او ثقة في نفس وهو على النقيض تماما .

وفي أكتر من نوع زي
قناع الشخص اللطيف (رجل - ست ) :
يبالغ في لطف علشان ينال حب وإعجاب الأخرين
ودود ومتعاون

قناع الشخص المسكين : ( الصعبنيات )
بيتكلم كتير جدا عن أحداث صعبة حصلت له /ها علشان يجذب أكبر قد من أهتمام الناس بيه

قناع العنيف :
يتصرف بعنف شديد وقسوة علشان يخفي مشاعر الجُبن الوهمية
تباهي تام ازاي كسب في الخناقة او الطريقة ال أهان بيها شخص تاني
كثير الشتيمة والسباب

قناع الشخص العظيم :
-بيخف شعوره دايم بالدونية
-يمط ويطول ف يالحقيقة علشان يأثر في الأخرين
-يتباها بمدى جودة أدائه والشخصيات المهمة ال يعرفها

إذا كنت انت الشخص ال مستمر في لبس قناع للناس صدقني مهما طال الوقت بتنكشف وبيكون شكلك مش لطيف واجه نفسك بحقيقتك 🤍 وافهمها



#أتكلم🗣

🥰

يسعدنا انضمام "أ.اية عزت" لفريق عيادة توازن للصحة النفسية.


آية عزت
"أخصائي نفسي إكلينكي"
-معالج معرفي سلوكي
-معالج جدلي سلوكي

-ليسانس آداب علم نفس
-دبلومة علم نفس إكلينكي
-دورة علاج متكامل علاج نفسي

--عمل كأخصائية نفسي إكلينكي بمركز فرصة تانية
-عمل كاخصائية نفسي إكلينكي بمركز العربي للإستشارات النفسية

-حاصلة على دورة في علاج الإدمان من مستشفى الدمرداش
-حضور العديد من المؤتمرات والندوات الخاصة بعلم التفس والطب النفسي
تدريب بعدد من مستشفيات الصحة النفسية مستشفى الحسين الجامعي والدمرداش

يسعدنا تواصلكم معنا ونرحب باتصالك للحجز المسبق
🕒من ١٠ صباحا ل ١٠ مساء يوميا ماعدا الجمعة

01050888774
http://wa.me/201050888774
01050888776
http://wa.me/201050888776

العنوان:
القاهرة، مصر الجديدة
عمارة ٦ شارع عبد الله نور المتفرع من الميرغني (أمام كوستا كافيه)،بجوار نادي هليوبوليس،(ناصية بنك QNB)، الدور الارضي المدخل الخاص شقة رقم ١ مكرر.

أ/ آية عزت
"أخصائي نفسي إكلينكي"
-معالج معرفي سلوكي
-معالج جدلي سلوكي
-ليسانس آداب علم نفس
-دبلومة علم نفس إكلينكي
-دورة علاج متكامل علاج نفسي
--عمل كأخصائية نفسي إكلينكي بمركز فرصة تانية
-عمل كاخصائية نفسي إكلينكي بمركز العربي للإستشارات النفسية
-حاصلة على دورة في علاج الإدمان من مستشفى الدمرداش
-تدريب بعدد من مستشفيات الصحة النفسية مستشفى الحسين الجامعي والدمرداش
-حضور العديد من المؤتمرات والندوات الخاصة بعلم التفس والطب النفسي

تفتكرو ايه أهم ركن في نجاح عملية العلاج النفسي ؟
في الواقع انه اهم ركن هو دافعية ورغبة الشخص في العلاج ال من غيرها
.. مش هيبقى ليه لازمة تدخل طبي أو تشخيصي
خليك فاكر دايما ان محدش هيقدر يساعدك قدك 💙💙



#أتكلم🗣

العطاء المتبادل حتما سيؤدي الى الأستمرارية 🥰



#أتكلم🗣

Worrying does not take away tomorrow's
Trouble. It takes away today's peace .

القلق لايسلب مشاكل الغد انه يسلب سلام اليوم .
- Randy Armstrong


#أتكلم🗣

تفتكرو الأهتمام مبيطلبش فعلا ؟
-في الحقيقة الأهتمام بيطلب ولكن مش بيتشحت في فرق كبير ازاي تتعلم تعبر عن احتياجاتك لشريكك من غير ما يفهمك غلط !

أحنا عندنا 5 لغات للحب 🥰
1- الكلام الحلو
2- يفضي من وقته /ها ليا
3- الهدايا
4- يشاركني في البيت / مساعدة
5- تواصل جسدي (اللمس - الحضن )

طب أزاي افهم احتياجاتي ..
دة اختبار بسيط عن طريقه هتبتدي تفهم احتياجاتك أكتر
https://www.arealme.com/love-language-test/ar/

اما لو احتاجت مساعدة ف ازاي تعبر عن دة بطريقة صحيحة ف ممكن تطلب المساعدة مننا 🤍



#أتكلم🗣

Men Need To Know it's Okay 🤍🤍🤍🤍


#أتكلم🗣

مهم 💚💚💚


#أتكلم🗣