د. عبد الحافظ حسن

الدال علي الخير كفاعله
Share it pls

نعتذر عند عدم التواجد بالعيادات الفترة القادمه لظروف السفر وسنعلن فور العوده للعمل باذن الله وكل عام وانتم بخير وصحه وسعاده
دمتم سالمين 😍🌿
عيادات د/عبدالحافظ حسن

Best team 😍

يرجي الحد من استخدام المضادات الحيويه عن طريق الحقن سواء عضل او وريد لتجنب الاثار الجانبيه المنتشره مع انتشار بعض المواد الفعاله المغشوشه المنتشره بالسوق... مع العلم ان العلاج عن طريق الفم له نفس تاثير الحقن العضلي او الوريدي
دمتم سالمين وبخير دائما 🌿👌
عيادات د /عبدالحافظ حسن

الرجاء العوده للالتزام بالماسك الطبي للحد من الحالات المرضيه العنيفه بين البالغين والاطفال... وربنا يعدي الكام شهر الجايين علي خير
دمتم سالمين
عيادات د/عبدالحافظ حسن 🌿😍

شركة أسترازينيكا عاملة حملة عظيمة إسمها : نسمة هواء ، لمرضى الصدر اللي محتاجين أجهزة إستنشاق الـ Nebulizer للحصول عليه بتخفيض يصل لـ ٧٥% .
يتم الإتصال بـ ١٩٧٦٦ للحصول على الجهاز مخفض.
Copied

منقول عن احد الزملاء
النهارده أول مره أشوف حالة Reye's syndrome
الولد توفي للاسف خلال 4 ساعات بعد مادخل في غيبوبه كبديه
أنا بكتب البوست ده وصوت مامته وهي بتقول أنا السبب لسه بيرن في وداني 😪
نفسي البوست ده يوصل لاكبر عدد من الناس لأني اكتشفت إن ناس كتير اوي متعرفش المعلومه دي
ممنوع منعا باتا إستخدام الأسبرين (aspirin)في الأطفال لحد سن 18 سنه لأنه لو كان الطفل عنده اي عدوى فيروسية واخد أسبرين من المحتما يحصله متلازمه تسمي Reye's syndrome وبيدخل في مشاكل كتير توصل لغيبوبه كبديه وممكن يوصل للوفاه لاقدر الله وللأسف
الأسبرين زي اللي باين في الصوره ده متوفر تقريبا في كل بيت مصري وبسبب إنه رخيص طبعا بيستخدم على الفاضي والمليان ف بجانب أضراره التانيه علي الكبار والصغار زي سيولة الدم إلا إنه بيعمل كارثه في الاطفال
ارجوكم محدش يستخدم أسبرين مع الاطفال نهائي تحت اي ظرف الا بتعليمات الطبيب في بعض الحالات النادره

Copied
دمتم سالمين
عيادات د/عبدالحافظ حسن 👌🌿

مواعيد تواجدي بمركز رويال الطبي بالهرم مع تعديل المواعيد لتصبح من ٨ ل ١٠ مساء من الاحد للخميس
دمتم سالمين
عيادات د/عبدالحافظ حسن 👌🌿

الحديد من العناصر المهمه جدا لنمو الطفل ونضج مخ الاطفال بشكل طبيعي والحفاظ علي نسب الذكاء للاطفال والصوره المرفقه توضح اهميه ذلك
١_الاطفال المبتسرين وناقصي النمو ينصح باستخدام الحديد بصوره منتظمه من سن شهرين لسن سنه
٢_الاطفال الذين يتمتعون بصحه جيده مع الرضاعه الطبيعيه ينصح باستخدام الحديد بجرعه وقائيه من سن ٦ اشهر لسنه وفي العام التاني لمده ٣ اشهر
٣_سن ما قبل دخول المدارس سن ٢ ل ٥ سنوات ينصح باستخدام الحديد بجرعه وقائيه ٣ اشهر من كل سنه للسنوات الاثلاث
٤_السن من ٦ ل ١٢ عام يستخدم الحديد لمده ٣ اشهر لمره واحده فقط
ملحوظه.(يكتمل نمو المخ للطفل بنسبه تصل ل ٨٠٪ عند سن عامين)
دمتم سالمين 👌🌿
عيادات د/عبدالحافظ حسن

6 وجبات سريعة للرضع

1. بيوريه الخضروات الطازجة

بيوريه الخضروات يتكون من (الكوسة والبطاطس والجزر) ويمكنكِ الاكتفاء بنوعين فقط، ويفضل أن تكون الكوسة مع نوع آخر باعتبارها ملينًا طبيعيًّا وواقيًا ضد الإمساك، بالإضافة إلى أن مذاقها سكري ويحبه الأطفال دائمًا.
طريقه التحضير
نظفي الخضروات جيدًا واسلقيها في قليل من الماء لمدة 5 دقائق مع رشة كمون صغيرة أو قرفة أو زعتر، ثم اهرسيها معًا في ماء السلق نفسه أو بعضه، إذ إنها تحتوي على فوائد القشور التي تم سلقها، وقدميها لطفلك وجبة مغذية مشبعة لن تستغرق سوي 10 دقائق على الأكثر.

2. بيوريه الفواكه:
التفاح والبطاطا والموز، اسلقي التفاح والبطاطا من 3 لـ5 دقائق فقط بالقشر، ثم قشريهما واهرسيهما مع قطعة موز مع رشة قرفة (حسب الرغبة)، وقدميها له وجبة مغذية مشبعة جدًّا كوجبة فطار.

3. صفار البيض المسلوق بالبرتقال:
يمكنكِ تقديم هذه الوجبة لطفلك مساءً كعشاء مشبع ومغذٍّ، اسلقي بيضة جيدًا حتى تنضح واستخرجي الصفار ثم اهرسيه مع بعض قطرات من عصير البرتقال المنزلي للحصول على قوام لين، وقدمي لطفلك وجبة لذيذة مغذية مليئة بفيتاميني "د" و"ج" ولا تستغرق أكثر من 10 دقائق أيضًا.

4. سيريلاك الأرز المنزلي:
اسلقي مقدارًا من الأرز الأبيض المغسول جيدًا، وأضيفي له الزعتر والكمون واتركيه حتى يستوي ويلين تمامًا ثم اهرسيه بالشوكة، ويمكنكِ إضافة أي نوع خضروات أو فواكه إليه باعتباره سيريلاك منزليًّا لذيذًا ومشبعًا.

5. الشوفان المسلوق بالخضار أو الفواكه:
أعديه بطريقة طهي الأرز المسلوق نفسها، فقط قومي بطحن حبوب الشوفان أو شرائها مطحونة، واهرسيه ثم أضيفي له الكوسة أو التفاح أو البطاطا أو البطاطس أو الجزر أو البروكلي أو الموز أو البرتقال.

6. صدر الدجاج المسلوق والمهروس بالأرز والشوربة:
اسلقي قطعة من صدر الدجاج المخلي مع مقدار من الأرز والكوسة على سبيل المثال، ثم اضربي الخليط في الخلاط بعد تمام السلق - 10 دقائق على الأكثر - وقدميه لطفلك الأكبر من 7 أشهر كوجبة غداء أو عشاء مشبعة جدًّا، دون إضافة ملح أو توابل بخلاف الكمون أو الزعتر أو القرفة. يمكنكِ استبدال الكوسة بالبطاطس أو البطاطا أو الجزر، وإضافة الأرز (حسب الرغبة).

دمتم دائما في رعايه الله وامنه❤️❤️
عيادات د/عبدالحافظ حسن 👌🌿

العيوب الخلقية فى القدمين عند الأطفال حديثى الولادة....

دوران القدم الى الخارج (القدم العقباء)

يلاحظ الأهل منذ الولاده وجود ميلان في القدم نحو الساق للخارج و لأعلى وهو تشوه مرن تبدو القدم مسطحة مرنة .

اسباب القدم العقباء:
* أسباب داخل الرحم
- وضع خاطئ للجنين والقدمين داخل الرحم.
- زيادة وزن الجنين ، أو وجود توأم داخل الرحم
عادةً ما تختفي هذه التشوهات من تلقاء نفسها خلال الأسابيع الأولى بعد الولادة

* أسباب فى الجنين
- عدم توازن عضلي بسبب إرتخاء أو ضعف في العضلات.
- مرض في النخاع الشوكي : مما يؤثر على عضلات القدم.

طريقه معالجة القدم العقباء:
اولا : يجب فحص الطفل جيدا للتأكد من عدم وجود عيوب أخرى، وأهمها فحص مفصلى الفخذين .

ثانيا : طمأنينة الوالدين و الأسرة ، عند التأكد من عدم وجود خلل بالحبل الشوكى

ثالثا : العلاج الغير جراحي:
- تشفى معظم الحالات البسيطة عفوياً وبدون معالجة في الأشهر الأولى من العمر( بشرط وجود سلامه في جميع العضلات)
- يمكن أستعمال الجبس ،أو الجبائر الجبائر إذا لم يحدث تصحيح واضح خلال بضعة أسابيع .

ثالثا : العلاج الجراحى :
ويكون فقط فى الحالات الناتجة عن خلل بالحبل الشوكى ،
و يفضل أن يبدأ العلاج الجراحى بعد عدم جدوى العلاج الطبيعي والجبائر .
دمتم سالمين 😍👌🌿
عيادات د/عبدالحافظ حسن

نأسف لتوقف العمل بالعيادات لمده ٣ اسابيع نظرا للسفر خارج القاهرة
كل عام وانتم بخير عيد فطر سعيد
دمتم سالمين
عيادات د /عبدالحافظ حسن 🌿👌

ناخد بالنا... وفي حاله وجود اي من هذه الاعراض رجاء التوجه لاقرب مستشفي
دمتم سالمين 👌🌿
عيادات د /عبدالحافظ حسن

قصه حقيقيه واقعيه مؤلمه 😂😂😂😂😂

١- الكحه لو متقطعه كل ٤ ساعات او اكتر وما زادتش عن ٥ ايام ما تخوّفش

٢- أشهر سبب للكحه في الاطفال هو
الرشح بسبب دور برد ودي غالبا بتقعد ٥ ايام الي اسبوع وتخف وعلاجها تنضيف الأنف بالنقط أو البخاخه أو محلول ملح واستخدام الشفاط اذا لزم الأمر

٣- الطفل ما بيتعودش علي الجلسات

٤- الكحه لو مستمره ومتكرره كل ساعه أو أقل او الطفل مش عارف ينام منها والرضاعه مش تمام أو لو عدي ٥ ايام وما خفتش كده لازم كشف وفحص فورا دي يا اما نزله شعبيه يا اما التهاب رئوي

٥ - الكلام ده عن الاطفال اكبر من ٦ شهور انما اي طفل اقل من ٦ شهور ده حماده تاني خالص لو بيكح لازم كشف فورا ما تستنيش

٦- علاج الكحه البسيطه تسليك الأنف وسوايل دافيه عليها ليمون ( ينسون _ حلبه _ كراويه _ شربه ) وادويه الكحه ذي بلسم و بروس كف وبنتامكس أو اللبوس ذي كف سيد باراستامول أو سلجون

٧ - علاج الكحه الجامده مش دواء كحه وشكرا لازم علاج اقوي ذي جلسات البخار والمضاد الحيوي وممكن حجز في المستشفي

٨- لو الكحه متكرره كل شهر أو أقل ومعاها رشح أو انسداد وشخير في الانف احتمال حساسيه انف أو لحميه علاج اللحميه عمليه بعد ٣ سنين و علاج حساسيه الأنف بخاخه فليكس أو تيكوناز

٩ - اما لو متكرره ومعاها تزييق في الصدر والطفل غالبا بيحتاج جلسات بخار عشان يرتاح كده الطفل ده عنده حساسيه صدر علاج حساسيه الصدر الوقائي اكياس سنجيولار أو ستاتيوكاست مع بخاخات فلكسوتايد أو سيروتيد عشان تمنع تكرار الكحه
والله يباركلكم بلاش موضوع الطفل هيتعود علي البخاخات

١٠- الكحه لو استمرت اكتر من اسبوعين لازم نعمل اشعه علي الصدر لان كده احتمال التهاب رئوي
او شرقه بجسم غريب ذي قشرة لب او قشرة سوداني من ضمن اسباب الكحه المستمره علي فكره

١١- الاطفال اقل من ٦ شهور هتلاقي علي طول الأنف مسدوده لازم تسليك الأنف باستمرار ذي ما قلت

١٢ - التهاب الجيوب الانفية مشهور بارتفاع شديد فى الحرارة ورشح اكتر من ١٠ ايام وكحه وصداع شديد وبنلاقى مخاط فى سقف الحلق وبيحتاج مضاد حيوى 😥

١٣- لو طفل بيكح والدكتور اداله دواء ترجيع ما تستغربيش لان من ضمن اسباب الكحه عند الاطفال ارتجاع المرئ

١٤ - ممنوع التدخين جنب الاطفال واي حد عنده برد ما يقربش جنب الاطفال خصوصا اللي اقل من ٦ شهور لان دور برد عن الكبار يقلب بالتهاب رئوي في الاطفال دي

١٥- احسن مذيب للبلغم عسل النحل مع الليمون علي كوبايه ينسون

١٦- مشهور مع دور البرد والتهاب الحلق نزلات معوية سانوية اسهال وعلاجة نعالج السبب نقفل الحنفية اللى فوق وياخد محلول جفاف🤕

١٧ - لتقوية مناعة طفلك اهم حاجه النوم كويس والرضاعه الطبيعيه والتغذيه الصحيه
ومعاكي
في دروب ٤ نقط يوميا
سي فيت ١٠ نقط يوميا
برنكوفكسيوم كيس علي ١٠ سم يوميا لمدة ١٠ ايام لمدة ٣ شهور متتاليه
ا فيتون ٤ كبسولات تفرغ علي عصير مره كل ٦ شهور

١٨- تطعيم الانفلونزا قبل كل شتا للأطفال أكبر من ٦ شهور
تطعيم المكور الرئوي عند ٢ و٤ و ٦ و ١٥ شهر من العمر

١٩- الكورونا بتيجي في الاطفال بس مش كل طفل بيكح يبقي عنده كورونا

٢٠- واخيرا خليكى عين دكتور الاطفال فى البيت تلاحظى اى تغير فى سلوك طفلك مش بيرضع كويس كحه نوعها ايه بتزيد امتى فى نهجان ولا لا فى اسهال ولا لا .. حاجة معينة لو اتعرض لها (مسبب حساسية) حصلت معاه اعراض معينة ( حساسية ) .. الام مصدر اساسى لترتيب دكتور الاطفال افكاره للتشخيص والعلاج الازم لطفلك 👍👏
Copied
دمتم سالمين 💐👌
عيادات د/عبدالحافظ حسن

خاص وهام لمرضي phenylketonuria
نتمني الشفاء للجميع
دمتم سالمين 👌💐
عيادات د/عبدالحافظ حسن

لمرضي ضمور العضلات.... نتمني الشفاء للجميع
دمتم بعون الله سالمين
عيادات د/عبدالحافظ حسن

تطعيمات شلل الاطفال القديمه والمستحدثه
دمتم سالمين
عيادات د/عبدالحافظ حسن 💐👌

بوست للتذكير مره اخري
القواعد الاساسيه والاهم للتطعيمات ضد فيروس كورونا (كوفيد١٩) :"......
١.الاساس هو حصول الجميع على اللقاح ايا كان نوعه.
٢.موانع التطعيم الاساسيه ٥ موانعالاصابه الحاليه بالكوروناالحمل الحالي او التخطيط للحمل خلال سنه من التطعيم.ان يكون السن اقل من ١٨ سنهالحصول على اي تطعيم اخر خلال ال١٤ يوم الاخيره.المرضعات لطفل اقل من ٦ شهور
بالنسبه للحمل والرضاعه يتم تقييم الوضع بناءا على الrisk benefit ratio
بمعنى لو حامل تعمل في الفريق الطبي ومعرضه للاصابه يفضل تطعم.
٣.جميع الامراض والحالات الاخرى لاتمنع التطعيم والحالات المرضيه المذكوره في الموافقة المستنيره ماهو الا تقييم للوضع الصحي ولاتمنع التطعيم .
٤. لايوجد سن معين يخصص له نوع طعم معين.
٥. عدم تطعيم الاطفال تحت سن ١٨ نظرا لانهم عند الاصابه تكون فرصة حدوث مضاعفات ضعيفه جدا.
٦. الفتره المقبوله لتطعيم من أصيب بالكورونا هو ٣ اشهر تقريبا
٧. من تلقى الجرعه الاولى وتلاها مصادفة اصابته بالكورونا قبل الجرعه الثانيه يتم الانتظار حتى يتعافى (يمر عليه بعد استكمال العلاج ٣ أيام بدون أعراض) ثم يتلقى الجرعه التانيه وان كان قد سقط معاد التطعيم يتم اعادة تفعيله عن طريق link التسجيل او الاتصال بالخط الساخن15335
٨. لايوجد اي اساس علمي للتوصيه بأخذ اسبرين او ادوية سيولة مع تطعيم الاسترازينكا
٩.يتم التعامل مع الاثار الجانبيه ان وجدت في عيادة مابعد التطعيم بناءا على الاعراض
واستخدام مضادات الحساسيه او الكورتيزون لو حدثت اي اعراض حساسيه خلال اول ١٥ دقيقه من التطعيم
١٠ .لابد من تسجيل الاثار الجانبيه للتطعيم حتى يسهل ترصدها ودارستها.
١١. مفعول التطعيم يبدأ بعد اسبوعين من تلقى الجرعه التانيه ومدة الفاعليه لايزال تحت الدراسه
الامر الذي سيترتب عليه معرفة ان كان هذا التطعيم سيصبح موسمي بعد ذلك او مرة واحدة فقط او جرعات منشطه على فترات محددة.
دمتم سالمين
عياده د/عبدالحافظ حسن 👌🌹

بعض التعليمات الهامه عن الرضاعه الطبيعيه وتغذيه الاطفال لاول سنه من العمر
دمتم سالمين
عياده د/عبدالحافظ حسن 👌💐

تعليمات مهمه يجب اتباعها مع حالات الامساك الوظيفي
دمتم سالمين
عيادات د/عبدالحافظ حسن 💐👌

الموجه الرابعه... كله ياخد باله من الاطفال!!!!!

ضعف السمع عند الأطفال من الأمور الخطيرة و الهامة اللي لازم نتعامل معاها بدري و بشكل سليم
علشان كده مهم اوي نعمل اختبار السمع اللي بقى إجباري في مصر و دول كتير (Otoacoustic emission) لكل المواليد علشان نطمن على سمع أولادنا و لو في مشكلة ضعف سمع او الام او الاب لاحظوا عدم استجابة الطفل الأصوات و تأخر الكلام لازم نستشير طبيب الأذن و الأنف و الحنجرة و نعمل رسم السمع بالكمبيوتر (ABR) علشان لو في ضعف سمع سواء في اذن واحدة او الاثنين الطفل ده هيحتاج يستعمل سماعة أو يعمل عملية زراعة القوقعة اللي بقت بتتعمل بشكل آمن و بمعدل نتائج مرتفع. علاج ضعف السمع في الأطفال اقل من سن السنتين (prelingual) مهم جدا تفاديا ان الطفل يفقد حاسة السمع و بالتالي النطق و الكلام
Copied

علاج أنيميا نقص الحديد
لازم نتاكد من نتيجه تحليل وتشخيص نوع الانيميا و نعرف هل المشكله في مخزون الحديد فى الجسم ولا المشكله في عناصر تانيه ولا في نوع الانيميا نفسها
علشان نقدر نعالج الموضوع صح ..
مصادر الحديد فى الاكل :

عندنا نوعين:
1_ Heme iron و ده الجسم بيحبه و بيعرف يمتصه و يستفاد بيه بسرعة جدا ,
و ده بيجى من مصادر حيوانيه مثل .

*الكبده و الطحال و الكلاوى و القلب
*اللحوم الحمراء
*الواجن
*و الاسمالك
2_ Non Heme iron ده بيتاخر شويه فى امتصاصه و الجسم مش بيعرف يمتصه كله .
و ده بيجى من مصادر نباتيه مثل:
*البقوليات.
*الباذنجان.
?العسل الاسود .
الفواكه المجففة *قراصيا /تمر /مشمشيه / زبيب /تين/توت *
الخضروات الورقيه : سبانخ ، ورق العنب ، جرجير .
الباذنجان.
المكسرات .
طيب علشان اقدر استفاد من الاكل ده كله اعمل ايه ؟!

● لازم تعرف ان اى حد عنده انميا نقص حديد جسمه بيكون عنده القدره انه يستفاد من الحديد فى الاكل اكتر من اى حد تانى جسمه سليم .

المشكله فى العادات السيئة فى الاكل و اننا نعرف ندعم الاكل بتاعنا بطريقه تخلى الجسم يستفاد اكتر من الحديد فى الاكل ..
****** عن طريق :

1. إضافة ليمون على الخضروات و اللحوم حيث ان فيتامين سي يساعد على امتصاص الحديد.
2. نحاول نخلط مصدر الحديد النباتى مع الحيوانى، ده هيخلى الجسم يستفاد اسرع و اسهل بالحديد .
3. الشاى و القهوة و النسكافيه و الشاى الاخضر و الشوكولاته بياخروا امتصاص الحديد ، ف نخليهم بعد الاكل بساعة او اتنين .
4. كثرة مضادات الحموضه بتقلل حمض المعدة ، و بياثر على امتصاص الحديد و فيتامين B12 اللى بيدخل فى تخليق كرات الدم الحمراء.
5. فى الحالات الشديدة بنلجأ لتدخل دوائى و بيسبب الامساك ، و علشان كده لازم نزود الحركه و الألياف فى نظام الغذائي.
6. الالياف عادة بتقلل من امتصاص الحديد ، و علشان كده هنضيف الليمون على السلطة.
7. فى حالات انك بتاخد مكمل غذائي كالسيوم او زنك لازم تبعدهم عن وجبات الغنية بالحديد و أدوية الحديد لانها بتعيق امتصاصه
8. فيتامين A بيزود امتصاص الحديد ( اللحوم و الكبدة ، المانجو، الخضروات الصفراء و الخضروات الورقية داكنة اللون )

9. بعض ادوية علاج الانميا تسبب الامساك ، مهم نشرب مياه كويس و نمضغ الاكل كويس علشان نقلل من الامساك ..
و يجب اعادة التحليل بعد من شهرين ل ٣ اشهر للتأكد من تحسن الحالة
دمتم سالمين 👌💐
د/عبدالحافظ حسن

بالنسبة للناس اللي سالتني خاص عن مرض الهربس للاطفال

ابنك سخن جدا والحرارة مش راضية تنزل ؟ 🥵

عمال يعيط ومش راضي ياكل ولا يشرب؟😥😥

وفيه قرح في بقه ولسانه بقى ابيض ؟😢

والمضاد الحيوي مش جايب اى نتيجة 🥺

ده الهربس ابو دم تقيل

💥الهربس ده فيروس وافهموا ان طالما هو فيروس يبقي المضاد الحيوي مش الاساس في خطه علاجنا

بيجي للطفل بسبب العدوي من شخص اخر عن طريق الادوات الشخصيه والمشاركه في استخدامها واشياء اخري كالتقبيل

، اعراضه سخيفة وكتير وتشخيصه صعب ومثير بس منقلقش

💥القصة بتبدا بسخونية ومعاها فقدان للشهية والقرح في الفم وعلى اللوز مستخبية

والطفل بيبقى همدان رافض الاكل والشرب كمان

💥روشتة العلاج التمام 🖋️
١/خافض الحرارة ومسكن للآلام عشان الطفل يهدى وينام
٢/مضاد الفيروسات بالتاكيد هو سلاحنا
٣/دهان ملطف ومخدر للثة وممكن ندي مضاد حيوي خوفا من العدوي البكتيريه الثانويه
٤/نحاول نشربه سوايل كتير عشان ميدخلش في جفاف وناكله اكل سهل وطري جدا 🍹زي مهلبية چيلي ...الخ
٥/ طبعا نقلل البوس والاختلاط لحد مايتم الشفا لانه طبعا سهل يتنقل ولو في حضانه ميروحش.. ويتعمله ادوات خاصه بيه..........
دمتم سالمين 👌💐
عيادات د/عبدالحافظ حسن

‎د. عبد الحافظ حسن‎ updated their phone number.

الرضاعه الطبيعيه....

لبن الأم معجزه من معجزات الله في الكون..ولكن للاسف بعض الأمهات بتستسهل وتحاول تقلل من الرضاعه الطبيعيه وتتجه للألبان الصناعيه..

لبن الأم يحتوي على كل العناصر الغذائيه اللازمه لنمو الطفل.. اليكم بعض منها:

يحتوي على 87% ماء ، 7% سكر اللاكتوز ، 4% دهون ، 1%بروتين
✓سكر اللاكتوز يمد الطفل بالطاقه ويساعد في تطور خلايا المخ ويساعد في امتصاص المعادن أهمها الكالسيوم
✓يحتوي على 200 نوع من الاحماض الدهنيه اللازمه للطاقه والجهاز العصبي للطفل
✓يحتوي على 200نوع من ال oligosaccharide التي تعتبر مهمه لزياده المناعه للطفل لأنها تعمل ك probiotic وتكون طبقه البكتيريا النافعة في أمعاء الطفل التي لها دور مهم في المناعه
✓يحتوي على 400 نوع من البروتينات اللازمه لنمو الطفل
✓يحتوي على العديد من الاحماض الامنيه
✓كما أنه يعتبر مضاد للبكتيريا
✓يزيد من التواصل النفسي بين الأم والطفل
✓يحتوي على العديد من الفيتامينات والمعادن والهرمونات والانزيمات الضروريه للطفل

✓✓ومن المدهش أنه عندما يمرض الطفل فإن لعاب الطفل يرسل إشارات عن طريق حلمه ث*ي الأم عند الرضاعه فيتم افراز اجسام مضاده للطفل وتنزل له في لبن أمه (baby spit back washes)...سبحان الله

لذا🧐 هناك بعض التوصيات:
✓ لابد من رضاعه الطفل من امه فقط اول 6شهور من عمره
✓ من اللازم رضاعه الطفل خلال أول ساعه من الولاده لزياده افراز هرمونات اللبن(oxytocin, prolactin) التى لا يزيد إفرازها الا عن طريق الرضاعه من الأم ولحصول الطفل على اللبن الاصفر (السرسوب) المليئ بالاجسام المضاده والبروتينات الضروريه لنمو الطفل في أول ٣ ايام من عمره
✓ كلما زادت الرضاعه زاد إفراز اللبن
✓ يتم رضاعه الطفل ٨ - ١٢ مره في اليوم أي بمعدل كل ساعتين ل ٣ ساعات حسب احتياج الطفل..
✓ وضع الطفل على ث*ي واحد لمده ٢٠ دقيقه كامله ثم نقله على الث*ي الآخر ليحصل على كل العناصر الغذائيه وعدم الانتقاص منها
✓ في الأيام الأولى من الولاده لابد على الأم من زياده معدل الرضاعه حتى يتمكن الطفل من الرضاعه الصحيحه
✓الاهتمام بنفسيه الأم وتشجيعها على الرضاعه الطبيعيه لان صحتها النفسيه تؤثر بالسلب والايجاب على هرمونات إفراز اللبن
✓ لا اعطي الطفل اي مكملات غذائيه ك ( الماء ، جلوكوز ، بيبي درينك أو غيره من الاعشاب للاطفال) لأنها هتشبع الطفل وبالتالي لن يرغب في الرضاعه... لابد أن يعتمد على لبن الأم فقط..
✓ على الأم أن تقلل من استعمال اللهايه أو السكيته الا إذا إضطرت لذلك
✓ ممنوووووع اعطاء اللبن الجاموسي أو البقري قبل عمر سنه وفي توصيات قبل عمر السنتين حتى لو تم تخفيفه..لان الطفل لا يمتلك الانزيمات اللازمه لهضم البروتينات الموجوده في تلك الألبان ومن الممكن أن يصاب الطفل بحساسيه البان أو أن تسبب له مشاكل معويه إذا تناولها..

✓ وفي النهايه..على الأم أن تهتم بغذائها لزياده افراز اللبن لطفلها وللحفاظ على صحتها أيضا لأن الرضاعه الطبيعيه تستهلك سعرات زياده من جسم الأم ليتم افراز اللبن..💐💐

القواعد الاساسيه والاهم للتطعيمات ضد فيروس كورونا (كوفيد١٩) :"......
١.الاساس هو حصول الجميع على اللقاح ايا كان نوعه.
٢.موانع التطعيم الاساسيه ٥ موانعالاصابه الحاليه بالكوروناالحمل الحالي او التخطيط للحمل خلال سنه من التطعيم.ان يكون السن اقل من ١٨ سنهالحصول على اي تطعيم اخر خلال ال١٤ يوم الاخيره.المرضعات لطفل اقل من ٦ شهور
بالنسبه للحمل والرضاعه يتم تقييم الوضع بناءا على الrisk benefit ratio
بمعنى لو حامل تعمل في الفريق الطبي ومعرضه للاصابه يفضل تطعم.
٣.جميع الامراض والحالات الاخرى لاتمنع التطعيم والحالات المرضيه المذكوره في الموافقة المستنيره ماهو الا تقييم للوضع الصحي ولاتمنع التطعيم .
٤. لايوجد سن معين يخصص له نوع طعم معين.
٥. عدم تطعيم الاطفال تحت سن ١٨ نظرا لانهم عند الاصابه تكون فرصة حدوث مضاعفات ضعيفه جدا.
٦. الفتره المقبوله لتطعيم من أصيب بالكورونا هو ٣ اشهر تقريبا
٧. من تلقى الجرعه الاولى وتلاها مصادفة اصابته بالكورونا قبل الجرعه الثانيه يتم الانتظار حتى يتعافى (يمر عليه بعد استكمال العلاج ٣ أيام بدون أعراض) ثم يتلقى الجرعه التانيه وان كان قد سقط معاد التطعيم يتم اعادة تفعيله عن طريق link التسجيل او الاتصال بالخط الساخن15335
٨. لايوجد اي اساس علمي للتوصيه بأخذ اسبرين او ادوية سيولة مع تطعيم الاسترازينكا
٩.يتم التعامل مع الاثار الجانبيه ان وجدت في عيادة مابعد التطعيم بناءا على الاعراض
واستخدام مضادات الحساسيه او الكورتيزون لو حدثت اي اعراض حساسيه خلال اول ١٥ دقيقه من التطعيم
١٠ .لابد من تسجيل الاثار الجانبيه للتطعيم حتى يسهل ترصدها ودارستها.
١١. مفعول التطعيم يبدأ بعد اسبوعين من تلقى الجرعه التانيه ومدة الفاعليه لايزال تحت الدراسه
الامر الذي سيترتب عليه معرفة ان كان هذا التطعيم سيصبح موسمي بعد ذلك او مرة واحدة فقط او جرعات منشطه على فترات محددة.
دمتم سالمين
عياده د/عبدالحافظ حسن 👌🌹

كل عام وانتم بخير بمناسبه شهر رمضان المبارك اعاده الله عليكم بالخير واليمن والبركات
لوجود اي استشاره طبيه وللرد علي اي استفسار الرجاء ترك رساله بالصفحه او التواصل عن طريق رقم الواتس اب ٠١٠٠٨٥٠٨٤٠٥
وكل عام وانتم بخير
دمتم سالمين👌🌿
عيادات د/عبدالحافظ حسن

بعص الاكلات اللي ممكن تزود مناعه ولادنا انهارده ضد فيروس كورونا.....

١_الزبادي لاحتوائه على البروبيوتيك

٢_البيض لاحتوائه على فيتامين د

٣_القرع العسلي: غني بالفيتامينات A و C و E بالإضافة إلى الكالسيوم والبوتاسيوم وحمض الفوليك

٤_السمك: لاحتوائه علي اوميجا 3
عياده د /عبدالحافظ حسن
دمتم سالمين 👌🌿

مسا الفل 😄
اعتبارا من يوم ٢٨ من شهر فبراير وحتي 3 من شهر مارس القادم..⛔️
في حملة تطعيمات ضد شلل الأطفال في مصر كلها لجميع الأطفال من سن يوم وحتي ٥ سنوات 👌
شويه ملاحظات 🗒
-أي طفل بياخد كورتيزون ( بريديسول زيلون فينادون وغيرهم ) لاكتر من أسبوعين بلاش يتطعم.
-أي طفل حرارته عاليه يوم التطعيم بلاش تطعيم .
-أطفال نقص المناعه أو بياخدوا كيماوي بلاش تطعيم.
-بلاش رضاعه قبل وبعد التطعيم بنص ساعه.
-الطفل اللي واخد تطعيم الروتا (روتاركس او روتاتك) ومعداش ١٥ يوم بلاش ياخد التطعيم.
-لو خد تطعيم شلل الأطفال بلاش تطعيم الروتا الا بعد ١٥ يوم أو شهر أفضل .

⛔️ مفيش مشكله من التطعيم مع 👇👇
_بخاخات الصدر والانف
_حراره بسيطه
_دور برد بسيط
_طفل بياخد مضاد حيوي
_واخد اي تطعيم غير الروتا

ربنا يطمنكم علي أطفالكم
دمتم سالمين 👌🌿

صوره لتوضيح مراحل تطور الرؤيه (النظر) عند الاطفال حديثي الولاده ولحين اكتمالها
دمتم سالمين 🌿👌
عياده د/عبدالحافظ حسن

حساسيه الانف من الاشياء التي تزعج الاباء والامهات خصوصا مع بدايات فصل الشتاء لما تسببه من ضيق للاطفال وعدم القدره علي التنفس بشكل منظم ومريح وخلل بالنوم.... وذلك نتيجه لتورم جدار الانف والاوعيه الدمويه بداخله وتراكم المخاط ممايؤدي احيانا الي سيلان بالانف او خلف الانف ويصاحبه كحه نظرا لتراكم المخاط...
وللتقليل من اعراض حساسيه الانف ينصح بالبعد عن المسببات كالاتربه والدخان والروائح النفاذه وبعض الاكلات المسببه لذلك وتختلف من كل مريض للاخر...
ويتم علاج حساسيه الانف عن طريق تنظيف الانف دائما بشكل جيد عن طريق محلول الملح او ماشابه من قطرات مع استخدام مضادات الهستامين وبعض القطرات المضاده للالتهاب واحيانا نلجا الي البخاخات المحتويه علي الكورتيزون ك حل لتقليل الالتهاب ..
دمتم سالمين 🌿👌
عياده د/عبدالحافظ حسن

ينصح بعدم الافراط في استخدام المضادات الحيويه خصوصا مع اقتراب فصل الشتاء وظهور نزلات البرد والانفلونزا واعراضها مثل ارتفاع درجات الحراره حيث اغلب هذه الاعراض يكون سببها التهابات فيروسيه وليست بكتيريه والمضادات الحيويه بمختلف انواعها مضاده لعمل البكتيريا وليس الفيروسات ولكن يمكن التعامل مع الاصابه بالفيروسات مثل الانفلونزا بتقويه الجهاز المناعي عن طريق الاغذيه الصحيه الطازجه المحتويه علي الفيتامينات كالخضروات والفاكهه والاكثار من شرب السوائل وخاصه الماء وممارسه الرياضه لنتشيط الدوره الدمويه ورفع معدل اداء الجهاز المناعي... ومن الضروره معرفه الاخطار من كثره الافراط في استخدام المضادات الحيويه وسوء استخدامها وهي زياده مقاومه البكتيريا للانواع المختلفه من المضادات الحيويه وهذا مايساعد علي ظهور انواع جديده من الامراض وصعوبه مقاومتها
دمتم سالمين وبصحه جيده👌🌿
عياده د/عبدالحافظ حسن

بوست النهارده هنتكلم فيه عن حاجه مهمه جدا ومرتبطه بتقلب الجو ودخول فصلي الخريف والشتاء وهي حساسيه الصدر (الربو الشعبي)
يرتبط حدوث حساسيه الصدر بعوامل جينيه وبيئيه وهي عباره ان التهاب(انتفاخ) في القنوات الهوائيه والشعب الهوائيه بالرئه مايسبب ظهور الاعراض المرتبطه بالحساسيه منها
١-صعوبه التنفس
٢-السعال المستمر
٣_تراكم المخاط(البلغم)
٤-سماع صوت صفير عند التنفس
ومن العوامل المرتبطه بتحفيز اجهزة الجسم لافراز المواد المسببه للحساسيه الادخنه والاتربه وحبوب اللقاح والروائح النفاذه وبعض الماكولات والعقاقير (الادويه) اللتي تختلف من شخص للاخر
وتعتمد الخطه للعلاجيه لمريض الحساسيه علي حده وشده المرض من طفيف لمتوسط لحاد وعلي عدد نوبات التعرض للمرض
دمتم سالمين 👌🌿
عياده د/عبدالحافظ حسن

التبول اللاإرادي من المشكلات التي تصيب الكثير من الأطفال سواء أثناء الاستيقاظ أو خلال النوم، ويكون أمرا مزعجا نفسيا للطفل والأسرة ومصدرا للإحراج.
يتخلص معظم الأطفال من التبول في الفراش بدون علاج وبالتمارين فقط .ولكن من المهم التأكد من خلو الطفل من اي أمراض قد تؤدي إلى التبول اللا ارادي .مثل السكري ؛التهابات مجرى البول ؛العيوب الخلقيه ؛الضغط النفسي ؛الأمراض النفسيةو العصبية وغيرها.....
دمتم سالمين 🌿👌
عياده د/عبدالحافظ حسن

مراحل النمو للاطفال من عمر يوم لسن سنه
الصوره علي اليمين للاطفال الاناث
واليسار للاطفال الذكور
دمتم سالمين🌿👌
عياده د/عبدالحافظ حسن

(حساسيه الالبان)
من الامراض الشائعه بين الاطفال وتصيب من ٣-٨٪ من الاطفال حديثي الولاده نتيجه التحسس لمنتجات الالبان خاصه (اللبن البقري) واقل مع منتجات اللبن الجاموسي والماعز والاغنام وتختلف حساسيه اللبن عن عدم تحمل اللاكتوز في ان تاثيرها قد يكون علي عده اجهزة من اجهزة الجسم كالجهاز الهضمي والتنفسي والجلد.....
وتختلف الاعراض منها الطفيف ومنها الحاد ولكن الاعراض الاكثر شيوعا (البكاء المستمر، القئ والارتجاع، طفح جلدي، اعراض الجهاز التنفسي)

وتحدث حساسيه اللبن بالطبع مع الرضاعه الطبيعيه ولكن الشئ الجيد ان نسبه الشفاء قد تصل لنسبه ٦٠٪بعد عمر سنه واذا لم يحدث فيتم الشفاء بعد عمر ٥ سنوات...

ومن الممنوعات مع حساسيه الالبان
١-منتجات الالبان بمختلف انواعها
٢_الزبادي
٣_اللحوم الحمراء
٤_البيض
دمتم سالمين 🌿👌
عياده د/عبدالحافظ حسن