Diplomatic Representations of Georgia / საქართველოს დიპლომატიური მისიები

🔹საქართველოს ელჩმა თამარ ბერუჩაშვილმა შეხვედრა გამართა რუმინეთის კვლევის, ინოვაციებისა და დიგიტალიზაციის მინისტრ ბოგდან ივანთან.

🔹შეხვედრაზე განხილულ იქნა ორმხრივი ურთიერთობების გააქტიურება შესაბამისი დარგობრივი მიმართულებებით, თანამშრომლობის გააქტიურების შესაძლებლობები ევროკავშირთან შავი ზღვის ოპტიკურ-ბოჭკოვანი კაბელის პროექტის იმპლემენტაციის ხელშესაწყობად და მინისტრის სამომავლო ვიზიტი საქართველოში, რომლის დროსაც ხელი მოეწერება უწყებებს შორის თანამშრომლობის მემორანდუმს, საქართველოსა და რუმინეთს შორის სტრატეგიული პარტნიორობის შესახებ შეთანხმების ფარგლებში.

🔹2023 წლის 10 დეკემბერს, რუმინეთში საქართველოს საელჩომ ტრადიციულად მონაწილეობა მიიღო IWA-ს (საერთაშორისო ქალთა ასოციაცია) საქველმოქმედო საშობაო ბაზრობაზე.

ღონისძიება გაიმართა რუმინეთის საგარეო საქმეთა სამინისტროს პატრონაჟის ქვეშ, რომელშიც მონაწილეობა მიიღო ბუქარესტში აკრედიტებულმა 55-ზე მეტმა საელჩომ და საერთაშორისო ორგანიზაციამ. საქართველოს საელჩოს სტენდზე წარმოდგენილი იყო ქართული ღვინო, ტრადიციული კერძები, სუვენირები და პუბლიკაციები საქართველოს პოპულარიზაციისათვის .

საშობაო ბაზრობის შედეგად მიღებული თანხა გადაეცა ღონისძიების ორგანიზატორებს, რომელიც მოხმარდება ხანდაზმულთა მხარდაჭერას.

🇬🇪🇧🇬🤝 8 დეკემბერს, ელჩმა ოთარ ბერძენიშვილმა შეხვედრა გამართა ბულგარეთის რესპუბლიკის პრემიერ-მინისტრთან ნიკოლაი დენკოვთან.

🔶 შეხვედრისას განხილულ იქნა საქართველოსა და ბულგარეთის ორმხრივი ურთიერთობების დინამიკა, სიამოვნებით აღინიშნა მიმდინარე წელს არსებული აქტიური ინტერაქცია როგორც სამთავრობო, ასევე საპარლამენტო დონეებზე. საუბარი შეეხო თანამშრომლობის გაღრმავებას ტრანსპორტის, კომუნიკაციებისა და ენერგეტიკის მიმართულებით, ორი ქვეყნის სტრატეგიული მდებარეობისა და შავი ზღვის აუთვისებელი პოტენციალიდან გამომდინარე.

📍🇪🇺 ბულგარეთის პრემიერ-მინისტრმა კიდევ ერთხელ დააფიქსირა საქართველოს სუვერენიტეტისა და ტერიტორიული მთლიანობის, ისევე როგორც საქართველოსთვის ევროკავშირის წევრობის კანდიდატის სტატუსის მინიჭების უპირობო მხარდაჭერა.

🇬🇪🇹🇷2023 წლის 11 დეკემბერს, საქართველოს ელჩმა, გიორგი ჯანჯღავამ, შეხვედრა გამართა იზმირის ქართული მეგობრობის ასოციაციის ხელმძღვანელთან, ილქერ ილდიზთან (პაპუაშვილი) და ამავე დიასპორული ორგანიზაციის მმართველთა საბჭოს წევრებთან.

🔹შეხვედრაზე, ელჩმა, ისაუბრა ორ ქვეყანას შორის არსებული სტრატეგიული პარტნიორობისა და ისტორიული კავშირების მნიშვნელობაზე. ელჩმა, აგრეთვე, ხაზი გაუსვა ქართული დიასპორისა და სახალხო დიპლომატიის როლს და დიასპორის წარმომადგენლებს მადლობა გადაუხადა, ორ ქვეყანას შორის არსებული ურთიერთობების განმტკიცებისა და საქართველოს პოზიტიური იმიჯის წარმოჩენის საქმეში შეტანილი წვლილისთვის.

🔹შეხვედრაზე, მხარეებმა, აგრეთვე, განიხილეს ურთიერთთანამშრომლობის გაღრმავებისა და ერთობლივი კულტურული პროექტების განხორციელების შესაძლებლობები და პერსპექტივები.

🔹შეხვედრის დასასრულს, ელჩმა, წარმატება უსურვა იზმირის ქართული მეგობრობის ასოციაციის მესვეურებს და აღუთქვა მხარდაჭერა, სამომავლოდ, ორი ქვეყნის საკეთილდღეოდ განხორციელებულ საქმიანობაში.

🔷5 დეკემბერს, ქ.ლონდონში ქართული ღვინის მაღაზიის „80/20“ გახსნაზე, საქართველოს ელჩმა, სოფიო ქაცარავამ დამსწრე საზოგადოებას ქართული ღვინის უძველესი ისტორია და წარმოების კულტურა გააცნო.

ღონისძიების ფარგლებში,კომპანიის დამფუძნებელმა, მაკო აბაშიძემ ქართული ღვინის მრავალფეროვნებაზე გაამახვილა ყურადღება.

ამასთან, ქართული ხორბლის მწარმოებელთა გაერთიანების დამფუძნებელმა, ლალი მესხმა ქართული ხორბლის ჯიშის მრავალფეროვნებასა და მის პოპულარიზაციაზე ისაუბრა.

ღონისძიებას ესწრებოდნენ ბრიტანეთის პარლამენტისა და მთავრობის წევრები, დიპლომატიური კორპუსის წარმომადგენლები და მოწვეული სტუმრები, რომელთაც, შესაძლებლობა ჰქონდათ დაეგემოვნებინათ სხვადასხვა სახის ღვინო და რესტორან “ქართულის“ მიერ მომზადებული კერძები.

📣 2023 წლის 8 დეკემბერს, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ევროკავშირთან საქართველოს წარმომადგენლობის ხელმძღვანელმა, ვახტანგ მახარობლიშვილმა შეხვედრა გამართა ევროკავშირის საბჭოს პოლიტიკური და უსაფრთხოების კომიტეტში (PSC) ლატვიის წარმომადგენელთან, ელჩთან, ივარს ლასისთან.

🇬🇪🇪🇺 შეხვედრაზე მხარეებმა ძირითადი ყურადღება გაამახვილეს საქართველოს ევროკავშირში გაწევრიანების პროცესთან დაკავშირებულ საკითხებზე, მიღწეულ პროგრესსა და სამომავლო გეგმებზე. ამ კონტექსტში, საქართველოს ელჩმა იმედი გამოთქვა, რომ ევროპული საბჭო საქართველოსთვის კანდიდატის სტატუსის მინიჭების გადაწყვეტილებას მიიღებს. ივარს ლასისი მიესალმა ევროკომისიის პოზიტიურ რეკომენდაციას საქართველოსთვის ევროკავშირის წევრობის კანდიდატის სტატუსის მინიჭების შესახებ და დააფიქსირა ლატვიის სრული მხარდაჭერა საქართველოს ევროკავშირში გაწევრიანების გზაზე.

📌 ელჩებმა ასევე ისაუბრეს რეგიონში არსებულ უსაფრთხოების გამოწვევებსა და რუსეთის მიერ საქართველოს ტერიტორიების მიმდინარე ოკუპაციაზე.

📣 ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ევროკავშირთან საქართველოს წარმომადგენლობის ხელმძღვანელმა, ვახტანგ მახარობლიშვილმა საქართველოს საელჩოში ევროკომისიისა და ევროპული საგარეო ქმედებათა სამსახურის (EEAS) წარმომადგენლებს უმასპინძლა. ღონისძიებას ასევე ესწრებოდა საქართველოს პარლამენტის თავმჯდომარე, შალვა პაპუაშვილი.

🇬🇪🇪🇺 დამსწრე საზოგადოებას სიტყვით მიმართეს საქართველოს ელჩმა, პარლამენტის თავმჯდომარემ და სამეზობლოსა და გაფართოების მოლაპარაკებების საკითხებში ევროკომისიის გენერალური დირექტორატის (DG NEAR) აღმოსავლეთ სამეზობლოსა და ინსტიტუციური მშენებლობის დირექტორმა, ლორენს მერედიტმა. თავის გამოსვლაში, ვახტანგ მახარობლიშვილმა ვრცლად ისაუბრა საქართველოს ევროკავშირში გაწევრიანების პროცესზე, მიღწეულ პროგრესსა და სამომავლო გეგმებზე. ელჩმა განსაკუთრებული ყურადღება გაამახვილა ევროკომისიის დადებით რეკომენდაციაზე საქართველოსთვის ევროკავშირის წევრობის კანდიდატი ქვეყნის სტატუსის მინიჭების თაობაზე და იმედი გამოთქვა, რომ ევროპული საბჭოს გადაწყვეტილებით ქვეყანას მალე კანდიდატის სტატუსი მიენიჭება. ამასთან, ვახტანგ მახარობლიშვილმა მადლობა გადაუხადა ევროკავშირის ინსტიტუტების წარმომადგენლებს საქართველოს ევროკავშირში გაწევრიანების გზაზე მტკიცე მხარდაჭერისთვის.

🎹 საღამოს ფარგლებში გაიმართა ბელგიაში მოღვაწე ქართველი პიანისტის, ნანა ქუბინიძის კონცერტი, რომელმაც შეასრულა ფრიდერიკ შოპენის, რევაზ ლაღიძისა და გია ყანჩელის ცნობილი ნაწარმოებები.

🔹ა.წ. 7 დეკემბერს ქ. სტამბოლში საქართველოს გენერალური კონსული, ალექსანდრე ჯიშკარიანი საკონსულო ოლქის ფარგლებში ეწვია ქ. საქარიას, სადაც შეხვედრები გამართა ადგილობრივი ხელისუფლების, სავაჭრო-სამრეწველო პალატისა და დიასპორის წარმომადგენლებთან;

🔹საქარიის გუბერნატორთან, იაშარ ქარადენიზთან, ქალაქ საქარიის მერთან, ექრემ იუჯესთან და საფანჯას რაიონის მერთან, ოზჯან ოზენთან შეხვედრისას, ხაზგასმით აღინიშნა საქართველოსა და თურქეთის რესპუბლიკას შორის არსებული თანამშრომლობის მნიშვნელობა, რომელიც სტრატეგიული პარტნიორობის ხასიათს ატარებს. ყურადღება გამახვილდა საქართველოს მოქალაქეების საკონსულო დაცვის ეფექტიანი განხორციელების კუთხით გენერალურ საკონსულოსა და საქარიის შესაბამის უწყებებთან თანამშრომლობის შესაძლებლობებზე. აგრეთვე, განხილულ იქნა ეკონომიკის, კულტურის, ტურიზმისა და სხვადასხვა სფეროში თანამშრომლობის პერსპექტივები;

🔹საქარიის სავაჭრო და სამრეწველო პალატის (SATSO) აღმასრულებელი საბჭოს პრეზიდენტთან, აქგიუნ ალთუღთან შეხვედრაზე, მხარეებმა ქვეყნებს შორის სავაჭრო-ეკონომიკური და ინვესტიციების კუთხით თანამშრომლობის განვითარების შესაძლებლობები განიხილეს. გენერალურმა კონსულმა, თურქულ მხარეს მიაწოდა ინფორმაცია საქართველოში მიმდინარე ეკონომიკური რეფორმებისა და მიმზიდველი საინვესტიციო გარემოს შესახებ. ორ ქვეყანას შორის სავაჭრო-ეკონომიკური კავშირების ხელშეწყობის მიზნით, აღინიშნა ბიზნეს სექტორის წარმომადგენლებს შორის საქმიანი შეხვედრების ორგანიზების მნიშვნელობა;

🔹გენერალურმა კონსულმა ასევე გაცნობითი ხასიათის შეხვედრა გამართა საქარიის ქართველთა (გურჯთა და ლაზთა) კულტურის ასოციაციის ხელმძღვანელთან, მუსტაფა კოლატთან და სამეთვალყურეო საბჭოს წევრებთან. შეხვედრაზე გენერალურმა კონსულმა ხაზი გაუსვა ქართული დიასპორული ორგანიზაციების საქმიანობის მნიშვნელობას ხალხთა შორის კონტაქტებისა და ორ ქვეყანას შორის ურთიერთობების განვითარების საქმეში;

🔹საქარიაში გენერალური კონსულის შეხვედრები ფართოდ იქნა გაშუქებული ადგილობრივი მედია საშუალებების მიერ.

🇬🇪🇲🇪 საქართველოს ელჩი თამარ ლილუაშვილი, ასევე აკრედიტებული მონტენეგროში, მონტენეგროს პრეზიდენტის იაკოვ მილატოვიჩის სპეციალური მიწვევით მონტენეგროს მთავრობის სახლში გამართულ გალა საღამოს დაესწრო.

📍პრეზიდენტმა მილატოვიჩმა დიპლომატიური კორპუსის წარმომადგენლებს ცეტინიეში უმასპინძლა. აღნიშნული ადგილი მონტენეგროსთვის ისტორიული მნიშვნელობის მატარებელია.

🇬🇪🇲🇩

🔷 მიმდინარე წლის 7 დეკემბერს მოლდოვაში საქართველოს საელჩომ კიშინეუს ნომერ V სკოლა-ინტერნატს, წინა საშობაოდ, აღსაზრდელ ბავშვებს საჩუქრები გადასცა და ჰუმანიტარული დახმარება გაუწია.
ამჟამად სკოლა-ინტერნატს ჰყავს 78 შეზღუდული შესაძლებლობების აღსაზრდელი ბავშვი.

🔷 „სკოლა-ინტერნატის ბავშვებს სჭირდებათ მუდმივი მხარდაჭერა, სიკეთის კეთება ჩვენი ვალია. რთულია დაეხმარო ბევრს, მაგრამ სიცოცხლე შევუმსუბუქოთ ადამიანებს , ვაგრძნობინოთ მათ თანადგომა ადამიანური ვალდებულებაა“ - განაცხადა ელჩმა ლევან დიასამიძემ.

🔷 სკოლა-ინტერნატის დირექტორმა, იულიანა მანიკმა გულითადი მადლობა გადაუხადა მოლდოვაში საქართველოს საელჩოს, მხარდაჭერისა და ყურადღებისთვის.

🔹6 დეკემბერს, საქართველოს ელჩმა, თეა მაისურაძემ შეხვედრა გამართა ჩეხეთის საგარეო საქმეთა სამინისტროს აღმოსავლეთ ევროპის დეპარტამენტის დირექტორთან, იანა ჰინკოვასთან. შეხვედრის ფარგლებში საუბარი შეეხო საქართველოსა და ჩეხეთს შორის ორმხრივი თანამშრომლობის საკითხებს და საქართველოს ევროინტეგრაციის პროცესს. ჩეხეთის მხარის წარმომადგენლის მიერ, შეხვედრის ფარგლებში კიდევ ერთხელ დაფიქსირდა ევროკავშირის გაფართოების და საქართველოსთვის კანდიდატის სტატუსის მინიჭების საკითხზე მხარდაჭერა.

📣2023 წლის 4 დეკემბერს, ბელგიის სამეფოსა და ლუქსემბურგის დიდ საჰერცოგოში საქართველოს ელჩი, ევროკავშირთან საქართველოს მისიის ხელმძღვანელი, ვახტანგ მახარობლიშვილი სამუშაო ვიზიტით იმყოფებოდა ლუქსემბურგის დიდ საჰერცოგოში. ვიზიტის ფარგლებში, ელჩმა შეხვედრები გამართა ლუქსემბურგის პრემიერ-მინისტრის დიპლომატიურ მრჩეველთან, იასუკო მიულერთან და ლუქსემბურგის საგარეო და ევროპულ საქმეთა სამინისტროს პოლიტიკური დეპარტამენტის დირექტორთან, ვერონიკ დოკენდორფთან.

🇬🇪🇪🇺 ვიზიტის ფარგლებში გამართული შეხვედრების მთავარ თემას წარმოადგენდა ლუქსემბურგის მხარის ინფორმირება საქართველოს ევროკავშირში გაწევრიანების გზაზე გადადგმული ნაბიჯებისა და განხორციელებული რეფორმების შესახებ. ამასთან, შეხვედრების ფარგლებში, ელჩმა დეტალური ინფორმაცია მიაწოდა კოლეგებს ქართული მხარის მიერ ევროკომისიის 12 პრიორიტეტის შესრულების მიმდინარეობასა და მიღწეულ პროგრესზე. ვახტანგ მახარობლიშვილმა ხაზი გაუსვა ქართული მხარის მზაობას გადადგას შესაბამისი ნაბიჯები, რათა ევროკომისიის პოზიტიური რეკომენდაციის შესაბამისად, წლის ბოლოს, ევროპულმა საბჭომ მიიღოს გადაწყვეტილება საქართველოსთვის ევროკავშირის წევრობის კანდიდატის სტატუსის მინიჭების შესახებ.

🇬🇪🇱🇺 შეხვედრებზე, ასევე, განხილულ იქნა საქართველო-ლუქსემბურგის ორმხრივი თანამშრომლობის კიდევ უფრო გაღრმავების შესაძლებლობები, მათ შორის, მომავალ წელს, ორ ქვეყანას შორის დიპლომატიური ურთიერთობების დამყარების 30 წლისთავის ჭრილში და რეგიონულ უსაფრთხოებასთან დაკავშირებული თემები. ელჩმა მადლობა გადაუხადა ლუქსემბურგის მხარეს ევროკავშირში გაწევრიანების გზაზე საქართველოს მკაფიო მხარდაჭერისთვის.

2023 წლის 3 დეკემბერს, საქართველოს საგანგებო და სრულუფლებიანმა ელჩმა, ნიკოლოზ რევაზიშვილმა რწმუნებათა სიგელების ასლები გადასცა საუდის არაბეთის სამეფოს საგარეო საქმეთა სამინისტროს პროტოკოლის დეპარტამენტის ხელმძღვანელს აბდულმაჯიდ ალსამარის.

შეხვედრისას მხარეებმა მიმოიხილეს ორ ქვეყანას შორის არსებული ორმხრივი ურთიერთობები და სამომავლო გეგმები.

აბდულმაჯიდ ალსამარიმ საქართველოს საგანგებო და სრულუფლებიან ელჩს წარმატებები უსურვა მომავალ საქმიანობაში

🔹2023 წლის 6 დეკემბერს, გაიმართა საქართველოს ელჩის ნატა მენაბდის შეხვედრა დანიის პრემიერ-მინისტრის ადმინისტრაციის ევროკავშირის დეპარტამენტის დირექტორთან ანეტ მელგორდ სკოვთან.

➡️მხარეები მიესალმნენ საქართველოსა და დანიას შორის ურთიერთობების აქტიურ დინამიკას როგორც ორმხრივ, ისე მრავალმხრივ ფორმატებში. განსაკუთრებული ყურადღება დაეთმო ევროპული ინტეგრაციის საკითხს და ელჩმა ვრცლად ისაუბრა საქართველოს მიერ ევროკომისიის პრიორიტეტების შესრულების პროგრესსა და მიმდინარე აქტივობებზე. დადებითად შეფასდა ევროკომისიის 8 ნოემბერს გამოქვეყნებული ანგარიში გაფართოების შესახებ და გამოითქვა პოზიტიური მოლოდინი საქართველოსთვის კანდიდატის სტატუსის მინიჭების გადაწყვეტილებასთან დაკავშირებით.

🔹ანეტ მელგორდ სკოვმა კიდევ ერთხელ დაადასტურა საქართველოს ევროპული ინტეგრაციის მიმართ დანიის ურყევი მხარდაჭერა და აღნიშნა, რომ დანია მომავალშიც თანმიმდევრულად გააგრძელებს საქართველოს მხარდაჭერას ევროპული დღის წესრიგისა და რეფორმების განხორციელების საქმეში.

🔹საქართველოს ელჩმა თამარ ბერუჩაშვილმა შეხვედრა გამართა რუმინეთის კვლევის, ინოვაციებისა და დიგიტალიზაციის მინისტრ ბოგდან ივანთან.

🔹შეხვედრაზე განხილულ იქნა ორმხრივი ურთიერთობების გააქტიურება შესაბამისი დარგობრივი მიმართულებებით, თანამშრომლობის გააქტიურების შესაძლებლობები ევროკავშირთან შავი ზღვის ოპტიკურ-ბოჭკოვანი კაბელის პროექტის იმპლემენტაციის ხელშესაწყობად და მინისტრის სამომავლო ვიზიტი საქართველოში, რომლის დროსაც ხელი მოეწერება უწყებებს შორის თანამშრომლობის მემორანდუმს, საქართველოსა და რუმინეთს შორის სტრატეგიული პარტნიორობის შესახებ შეთანხმების ფარგლებში.

🔹2023 წლის 6 დეკემბერს, ლატვიის რესპუბლიკაში საქართველოს საგანგებო და სრულუფლებიანმა ელჩმა, ირაკლი ყურაშვილმა გაცნობითი შეხვედრა გამართა ლატვიის კლიმატისა და ენერგეტიკის მინისტრთან, კასპარს მელნისთან (Kaspars Melnis).

🔹 მხარეებმა განიხილეს შესაბამის სფეროებში ორმხრივი თანამშრომლობის გაძლიერების შესაძლებლობები. საქართველოს ელჩმა მადლობა გადაუხადა ლატვიურ მხარეს საქართველოს ევროკავშირში ინტეგრაციის პროცესის მხარდაჭერისთვის.

🔹საქართველოს ელჩმა მინისტრს გააცნო საქართველოში განხორციელებული და მიმდინარე რეფორმები ენერგეტიკისა და გარემოს დაცვის მიმართულებით. განსაკუთრებული ყურადღება გამახვილდა საქართველოს ენერგეტიკული ბაზრის რეფორმირებასა და ევროკავშირთან ინტეგრაციის ფონზე ახალი სტანდარტების დამკვიდრებაზე.

🔹 ელჩმა მინისტრს მიაწოდა ინფორმაცია საქართველოში არსებული განახლებადი ენერგიის რესურსების დიდი პოტენციალისა და სექტორში მკვეთრად გაუმჯობესებული საინვესტიციო გარემოს შესახებ.

🔹 ლატვიის კლიმატისა და ენერგეტიკის მინისტრმა განაცხადა, რომ ლატვია მიესალმება საქართველოს ევროკავშირში ინტეგრაციის პროცესს და 2023 წლის 8 ნოემბერს, ევროკომისიის მიერ გაცემულ დადებით რეკომენდაციას.

2023 წლის 2 და 3 დეკემბერს, ათენში აკრედიტებული დიპლომატიური მისიების ჩართულობით, ყოველწლიური საქველმოქმედო საშობაო გამოფენა-გაყიდვა გაიმართა.

🇬🇪 საელჩომ, ტრადიციულად, წელსაც მიიღო მონაწილეობა ამ ღონისძიებაში და ქართულ სტენდზე წარმოდგენილი იყო საბერძნეთში მცხოვრები ქართველების მიერ შექმნილი ხელნაკეთი ნივთები, აქსესუარები, ასევე ქართული სამზარეულო და ღვინო.

🔹 ღონისძიებაში მონაწილეობა მიიღეს ათენის ქართულმა ქორეოგრაფიულმა ანსამბლებმა - "კავკასიამ“ და „ივერიელებმა.“

🔹აზერბაიჯანის რესპუბლიკის ხელისუფლების გადაწყვეტილებით, ქალაქ განჯაში ქართული პოეზიის კლასიკოსის, ნიკოლოზ ბარათაშვილის მემორიალური დაფა გაიხსნა.

🔹4 დეკემბერს, პოეტის დაბადებიდან 206-ე წლისთავთან დაკავშირებით მემორიალური დაფის გახსნის ცერემონია გაიმართა.

🔹ღონისძიებას ესწრებოდნენ საქართველოს საგანგებო და სრულუფლებიანი ელჩი, ზურაბ პატარაძე, ქალაქ განჯის აღმასრულებელი ხელისუფლების მეთაური, ნიაზი ბაირამოვი, აზერბაიჯანის რესპუბლიკის კულტურის მინისტრის მოადგილე, მურად ჰუსეინოვი, აზერბაიჯანის რესპუბლიკის მილი მეჯლისის ქალაქ განჯის მაჟორიტარი დეპუტატები, მუშფიქ ჯაფაროვი და ფერვინ ქერიმზადე, საქართველო-აზერბაიჯანის საპარლამენტთაშორისო მეგობრობის ჯგუფის ხელმძღვანელი, არზუ ნაგიევი, საქართველოს მწერალთა სახლის დირექტორი, ქეთევან დუმბაძე, აგრეთვე ქ. განჯაში საქართველოს ვიცე-კონსული, შოთა დოლიძე, ქ. განჯაში თურქეთის რესპუბლიკის გენერალური კონსული, რეჯეფ ოზთოფი და ქალაქ განჯის საზოგადოების წარმომადგენლები.

🔹გამომსვლელებმა ისაუბრეს ორ ქვეყანას შორის არსებული მჭიდრო, მეგობრული და პარტნიორული ურთიერთობების შესახებ; ხაზი გაუსვეს იმ გარემოებას, რომ საქართველოსა და აზერბაიჯანის თანამშრომლობა ნაყოფიერად ვითარდება ყველა მიმართულებით, მათ შორის, კულტურულ-ჰუმანიტარულ სფეროში, რისი დასტურიც ეს ისტორიული მოვლენა იყო.

🔹„ნიკოლოზ ბარათაშვილის მემორიალური დაფის გახსნა კიდევ ერთხელ მეტყველებს განსაკუთრებულ ურთიერთობებზე ჩვენს ქვეყნებსა და ჩვენს ხალხებს შორის. ეს ფაქტი კიდევ ერთი წინგადადგმული ნაბიჯია საქართველო-აზერბაიჯანის ორმხრივ ურთიერთობაში,“- აღნიშნა ზურაბ პატარაძემ. ელჩმა, მადლობა გადაუხადა აზერბაიჯანისა და საქართველოს მთავრობებს, ასევე ყველა იმ ადამიანს, ვინც მონაწილეობა მიიღო აღნიშნული პროექტის განხორციელებაში.

🔹ღონისძიებაზე გაიმართა ქართული და აზერბაიჯანული სიმღერებისა და ცეკვების კონცერტი, რომელშიც მონაწილეობა მიიღეს ქ. განჯის და ქ. კახის შემსრულებლებმა.

🔹დასასრულს მონაწილე პირებს გადაეცათ მადლობის სიგელები და ნიკოლოზ ბარათაშვილის ლექსების აზერბაიჯანულენოვანი თარგმანი.

🔹საფრანგეთის სენატის ევროპულ საქმეთა კომიტეტში ევროკავშირის გაფართოებასთან დაკავშირებით საფრანგეთში საქართველოს ელჩის, გოჩა ჯავახიშვილის მოსმენა გაიმართა

🔹30 ნოემბერს, საფრანგეთის სენატში ევროპულ საქმეთა კომიტეტის თავმჯდომარის, ჟან-ფრანსუა რაპენის სპეციალური მოწვევით ევროკავშირის გაფართოებასთან დაკავშირებით საფრანგეთში საქართველოს ელჩის, გოჩა ჯავახიშვილის მოსმენა გაიმართა.

🔹სიტყვით გამოსვლისას საქართველოს ელჩმა ქვეყნის საგარეო პოლიტიკურ პრიორიტეტებზე, ევროკავშირში გაწევრიანების პროცესზე, განხორციელებულ და მიმდინარე რეფორმების დღის წესრიგზე, მათ შორის ევროკომისიის 12 რეკომენდაციების შესრულების პროგრესზე და საქართველოს, როგორც ევროპისთვის გეოსტრატეგიული მდებარეობის მქონე ქვეყნის, როლზე ისაუბრა.

🔹მოსმენას ესწრებოდნენ ევროპულ საქმეთა კომიტეტის წევრები, საფრანგეთში წამყვანი სამეცნიერო-კვლევითი ინსტიტუტების ექსპერტები და მკვლევრები. შეხვედრა კითხვა-პასუხის რეჟიმში წარიმართა.

1 დეკემბერს, საქართველოს ელჩმა თამარ ლილუაშვილმა მონაწილეობა მიიღო ღონისძიებაში "ქალები დიპლომატიაში".

ღონისძიება უნგრელი ქალების გაერთიანებისა და უნგრეთში გაეროს ასოციაციის ორგანიზებით ჩატარდა.

დისკუსიის დროს, საქართველოს, თურქეთის, მოროკოსა და ნორვეგიის ელჩებმა აუდიტორიას საკუთარი ისტორია გაუზიარეს - როგორ გახდნენ დიპლომატები, ისაუბრეს ამ გზაზე არსებულ სირთულეებსა და მიღწევებზე.

საქართველოს ელჩმა ყურადღება გაამახვილა ქალების როლზე დიპლომატიურ სამსახურში და ამ მიმართულებით საქართველოს მაგალითზე ისაუბრა.

🔹3 დეკემბერს სერბეთის რესპუბლიკაში საქართველოს საელჩოს ოფისი ბელგრადის ტრადიციულ საშობაო საქველმოქმედო გამოფენა-გაყიდვაზე საქართველოს სახელით წარდგა.

🔹საელჩოს ოფისის ორგანიზებითა და ქართული კომპანიების მხარდაჭერით, საქართველოს კუთხე უმაღლესი დონის, მრავალფეროვანი ქართული პროდუქტითა და აქსესუარებით იყო წარმოდგენილი.

🔹გასული წლების მსგავსად, საქართველო საშობაო ბაზრობის საქველმოქმედო ფონდის ერთ-ერთი მსხვილი კონტრიბუტორი ქვეყანა გახდა.

🔹წლევანდელი საქველმოქმედო გამოფენა-გაყიდვის დროს შეგროვილი თანხა ქალთა გაძლიერების მხარდამჭერი პროექტების დაფინანსებას, და ასევე სხვა მოწყვლადი ჯგუფების დახმარებას მოხმარდება.

🔹საშობაო გამოფენა-გაყიდვა ყოველ წელს ბელგრადის ქალთა საერთაშორისო კლუბის ინიციატივითა და ორგანიზებით იმართება. წელს ღონისძიებაზე დამთვალიერებელთა რეკორდული რიცხვი - 50 000 დაფიქსირდა.

🔹24 ნოემბერს, საქართველოს საელჩოში გაიმართა შეხვედრა კორეის რესპუბლიკაში მცხოვრებ საქართველოს მოქალაქეებთან, რითაც საფუძველი ჩაეყარა დიასპორის წარმომადგენლებთან ყოველწლიური შეხვედრის ტრადიციას. კოვიდ-პანდემიასთან დაკავშირებული შეზღუდვების გაუქმების შემდეგ, ეს იყო პირველი ფიზიკური შეხვედრა დიასპორასთან, რომელსაც კორეის სხვადასხვა ქალაქში მცხოვრები ორმოცზე მეტი ქართველი ესწრებოდა.

🔹შეხვედრაზე მოსულ სტუმრებს ელჩმა თარაშ პაპასქუამ, საელჩოს თანამშრომლებთან ერთად, მიაწოდა ინფორმაცია საქართველო-კორეის ორმხრივი ურთიერთობების დღის წესრიგის აქტუალური საკითხების, სამომავლო გეგმებისა და საელჩოს საქმიანობის ძირითადი მიმართულებების შესახებ. ხაზი გაესვა საელჩოს მიერ ორგანიზებულ ღონისძიებებში დიასპორის ჩართულობის, ისევე როგორც დიასპორის ინიციატივით სხვადასხვა კულტურული და საგანმანათლებლო ღონისძიებების გამართვის მნიშვნელობას, რაზეც მათ სრული მზაობა გამოთქვეს.

🔹დიასპორის წარმომადგენლებს ასევე მიეწოდათ ინფორმაცია მათთვის მოქმედი საგრანტო პროგრამებისა და ინიციატივების შესახებ, რომელიც საქართველოს საგარეო საქმეთა სამინისტროს მხარდაჭერით ხორციელდება.

🔹2023 წლის 21 ნოემბერს, საქართველოს გენერალური კონსული ალექსანდრე ჭკუასელი შეხვდა ქ. ლა ნუციას მერს ბატონ ბერნაბე კანოს. შეხვედრაზე ხაზი გაესვა მომავალი თანამშრომლობის შესაძლებლობებს კერძოდ: თვითმმართველობების დონეზე მომავალი თანამშრომლობის მხარდაჭერას. მხარეებმა განიხილეს, ერთობლივი პროექტებისა და ღონისძიებების შემუშავებასა და განხორციელებასთან დაკავშირებული საკითხები.

2023 წლის 28 ნოემბერს, შვეიცარიაში საქართველოს საელჩოს ორგანიზებით, გაიმართა ქართული დიასპორისა და ბაზელში არსებული ქართული საკვირაო სკოლის მოსწავლეების ბეილერის ფონდის მუზეუმში სტუმრობა.

ქართული დიასპორის წარმომადგენლებს და საკვირაო სკოლის მოსწავლეებს შესაძლებლობა მიეცათ დაეთვალიერებინათ ნიკო ფიროსმანის ნამუშევრების გამოფენა. ამასთან, ბეილერის ფონდის ხელშეწყობით, მოსწავლეებისათვის ორგანიზებულ იქნა გასართობ-შემეცნებითი Workshop-ები.

შვეიცარიის კონფედერაციაში საქართველოს ელჩმა რევაზ ლომინაძემ ქართული დიასპორის წარმომადგენლებს მიულოცა გამოჩენილი ქართველი მხატვრის ნიკო ფიროსმანის ნამუშევრების მსოფლიოს ერთ-ერთ პრესტიჟულ მუზეუმში გამოფენის ფაქტი და ქართული ხელოვნების, კულტურისა და იდენტობის კიდევ მეტი მასშტაბით ღირსეულად წარმოჩენა.

🇬🇪 🇵🇱 ქალაქ ვარშავაში, 16-ე საერთაშორისო საქველმოქმედო ბაზრობა გაიმართა. ღონისძიება ყოველწლიურად პოლონეთის რესპუბლიკის პირველი ლედის პატრონაჟით ტარდება. წელს საქართველოს საელჩო პოლონეთის რესპუბლიკაში, ტრადიციული სტენდით იყო წარმოდგენილი, სადაც დამთვალიერებელს ხელნაკეთი ნივთები და ეროვნული პროდუქცია შესთავაზეს.

საქველმოქმედო ბაზრობაზე წარმოდგენილ ქართული სტენდი დიპლომატიური კორპუსის წარმომადგენლებმაც დაათვალიერეს. შემოსული თანხა ქველმოქმედებას მოხმარდება.

🔹2 დეკემბერს, საქართველოს საელჩომ მონაწილეობა მიიღო ქ. ვილნიუსში გამართულ საერთაშორისო საქველმოქმედო საშობაო ბაზრობაზე.

🔹ქართულ კუთხეს ეწვია ღონისძიების მთავარი მხარდამჭერი, ლიეტუვის პირველი ლედი დიანა ნაუსედიენე, ასევე სხვა მრავალი ვილნიუსელი და ქალაქის სტუმარი.

🔹საქართველოს ელჩმა და ლიეტუვაში აკრედიტირებული დიპლომატიური მისიების ხელმძღვანელებმა ღონისძიების სტუმრებს დამდეგი შობა-ახალი წელი მშობლიურ ენებზე მიულოცეს.

🔹საშობაო ბაზრობის შედეგად შემოსული თანხა სრულად გადაირიცხა ვილნიუსის ქალთა საერთაშორისო ასოციაციის საქველმოქმედო ფონდში.

ბერნის რეგიონალურ ბიბლიოთეკათა ქსელის მთავარ ფილიალში ინტერკულტურული ბიბლიოთეკის ქართული კუთხე გაიხსნა.

ქართული კუთხე გახსნეს საქართველოს საგანგებო და სრულუფლებიანმა ელჩმა, რევაზ ლომინაძემ და ბიბლიოთეკის ვიცე ხელმძღვანელმა, დანიელ ქამმახერმა.

გახსნაზე, ბიბლიოთეკის ქართულ კუთხეს საქართველოს ეროვნული ბიბლიოთეკის მიერ გადმოცემული წიგნების გარდა, ახალი წიგნებიც დაემატა, რომლებიც ბიბლიოთეკას საქართველოს ეროვნული მუზეუმისგან და შვეიცარიის კონფედერაციაში საქართველოს საელჩოსგან საჩუქრად გადაეცა. ბიბლიოთეკის ქართული კუთხის გახსნის ცერემონიის შემდეგ ღონისძიების პატარა სტუმრებისთვის მოეწყო საბავშვო ლიტერატურის კითხვის საათი. 📚

2023 წლის 30 ნოემბერს, საქართველოს ელჩმა ურუგვაის აღმოსავლურ რესპუბლიკაში (რეზიდენციით ქ. ბუენოს-აირესი), გვარამ ხანდამიშვილმა რწმუნებათა სიგელები გადასცა ურუგვაის პრეზიდენტს, მის აღმატებულება ლუის ლაკალე პოუს. ურუგვაის პრეზიდენტმა საქართველოს ელჩს წარმატება უსურვა მანდატის განხორციელებაში, საქართველოს ელჩმა კი თავის მხრივ, დაადასტურა მზაობა ორ ქვეყნას შორის თანამშრომლობის გაღრმავებისა.

ამავე დღეს გამართული მიღების ფარგლებში, ურუგვაის ახლადდანიშნულმა საგარეო საქმეთა მინისტრმა, ომარ პაგანინიმ და ელჩმა გვარამ ხანდამიშვილმა მიმოიხილეს თანამშრომლობის უმთავრესი ასპექტები და მზადყოფნა გამოხატეს ორმხრივი კავშირების გაღრმავების მხრივ.

🔹30 ნოემბერს, საქართველოს საზღვაო ტრანსპორტის სააგენტოს დირექტორმა, ალექსი ახვლედიანმა და საერთაშორისო საზღვაო ორგანიზაციაში საქართველოს მუდმივმა წარმომადგენელმა, ელჩმა სოფიო ქაცარავამ შეხვედრები გამართეს საერთაშორისო საზღვაო ორგანიზაციის გენერალურ მდივანთან, კიტაკ ლიმთან და მომავალ გენერალურ მდივანთან არსენიო დომინგესთან, რომელიც 2024 წლის 1 იანვრიდან დაიკავებს აღნიშნულ თანამდებობას.

შეხვედრებზე მხარეებმა განიხილეს საქართველოს აქტიური ჩართულობა ორგანიზაციის საქმიანობაში. ხაზი გაესვა საზღვაო ტრანსპორტის სექტორში მიმდინარე რეფორმებსა და პროექტებს, რომლებიც მიზნად ისახავენ საქართველოს სატრანზიტო პოტენციალის გაძლიერებას.

🇬🇪🇭🇺 საქართველოს ელჩის თამარ ლილუაშვილის ინტერვიუ ჟურნალ "ევრაზიას" უახლეს გამოშვებაში, საქართველოსა და უნგრეთს შორის არსებული განსაკუთრებული მეგობრობის შესახებ
🗞 სტატიის სრული ვერსია იხილეთ ბმულზე👇🏻
https://eurazsiamagazin.hu/stabil-szovetsegesek

Stabil szövetségesek - Eurázsia Az Európa és Ázsia kereszteződésében fekvő Georgia ortodox keresztény ország, amely az egyediség és a sokszínűség kombinációjával rendelkezik. Az ország 1991-ben nyerte vissza függetlenségét a Szovjetuniótól, és kinyilvánította, hogy fejlődő demokráciaként az európai ....

საგარეო საქმეთა სამინისტროს ევროინტეგრაციის გენერალური დირექტორატის გენერალურმა დირექტორმა არჩილ ყარაულაშვილმა ბუდაპეშტში მოქმედ საგანმანათლებლო ინსტიტუტ/ კვლევით ცენტრ "Mathias Corvinus Collegium“- ში შეკრებილი საზოგადოების წინაშე ისაუბრა თემაზე "საქართველოს ევროპული გზა, რა არის შემდეგი".

მან დეტალურად მიმოიხილა საქართველოს ევროკავშირში გაწევრიანების აქტუალური საკითხები, ინტეგრაციის პროცესი და თანამშრომლობის პერსპექტივები. დისკუსიას მოდერაცია გაუწია ცენტრის ევროპული სწავლებების პროგრამის ხელმძღვანელმა, დიეგო ბალესტერმა. შეხვედრას ესწრებოდნენ ბუდაპეშტში აკრედიტებული დიპლომატები, აკადემიური და საექსპორტო წრის წარმომადგენლები. საქართველო მადლობელია ევროინტეგრაციის გზაზე უნგრეთის გამორჩეული მხარდაჭერისათვის.

🔹2023 წლის 19 ნოემბერს, ვალენსიის ავტონომიური რეგიონის ქ. ალიკანტეში, დიასპორული ორგანიზაცია „საქართველოს რესპუბლიკა და ემიგრანტები“-ს ორგანიზებით გაიმართა ღონისძიება „ქართული კულტურის დღე ალიკანტეში“. ღონისძიების ფარგლებში დამსწრე საზოგადოებას შესაძლებლობა მიეცათ გაცნობოდნენ ქართულ კულტურასა და ტრადიციებს. სადაც წარმოდგენილ იქნა ქართული ფოლკლორი, სამზარეულო და ღვინო.

🔹ღონისძიება გახსნა „საქართველოს რესპუბლიკა და ემიგრანტები“-ს ასოციაციის ხელმძღვანელმა მანანა გოგოლაძემ. ხოლო დამსწრე საზოგადოებას სიტყვით მიმართა გენერალურმა კონსულმა ალექსანდრე ჭკუასელმა, მან ხაზი გაუსვა აღნიშნული ღონისძიების როლსა და მნიშვნელობას, რასაც მნიშვნელოვანი წვლილი შეაქვს ქვეყნის პოპულარიზაციის საქმეში.

🔹ღონისძიებას ესწრებოდა ვალენსიის ავტონომიური რეგიონში, მათ შორის ქ. ალიკანტეში მცხოვრები დიასპორების წარმომადგენლები, ადგილობრივები და სხვა ოფიციალური პირები ჯამში 200-მდე სტუმარი.

📣 2023 წლის 29 ნოემბერს, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა, ევროკავშირთან საქართველოს მისიის ხელმძღვანელმა, ვახტანგ მახარობლიშვილმა შეხვედრა გამართა ბელგიის სამეფოს საგარეო საქმეთა, საგარეო ვაჭრობისა და განვითარების თანამშრომლობის სამინისტროს ევროკავშირთან საგარეო ურთიერთობების დეპარტამენტის დირექტორთან, კრისტოფერ დე ბასომპიერთან.

🇬🇪🇪🇺 შეხვედრაზე, ბელგიურ მხარეს დეტალური ინფორმაცია მიეწოდა საქართველოს ევროკავშირში გაწევრიანების დღის წესრიგზე და ქართული მხარის მიერ გადადგმულ ნაბიჯებზე, მათ შორის, ევროკომისიის 12 პრიორიტეტის შესრულებასთან დაკავშირებით. ელჩის მხრიდან ხაზი გაესვა საქართველოსთვის კანდიდატი ქვეყნის სტატუსის მინიჭებაზე ევროკომისიის დადებითი რეკომენდაციის მნიშვნელობას და დაფიქსირდა მზაობა ევროკომისიის მიერ განსაზღვრული მომდევნო ნაბიჯების შესრულებაზე. იმედი გამოითქვა, რომ წლის ბოლოს, ევროპელი ლიდერები მიიღებენ კიდევ ერთ ისტორიულ გადაწყვეტილებას და მხარს დაუჭერენ საქართველოსთვის კანდიდატის სტატუსის მინიჭებაზე ევროკომისიის რეკომენდაციას.

📌 შეხვედრაზე, ასევე, განხილულ იქნა რეგიონალური უსაფრთხოების საკითხები, საქართველო ოკუპირებულ რეგიონებში არსებულ გამოწვევებზე აქცენტებით; ისევე როგორც საქართველოს კონტრიბუცია ევროკავშირის ერთიანი უსაფრთხოებისა და თავდაცვის პოლიტიკის (CSDP) მისიებში.

🤝 დასასრულს, მხარეები შეთანხმდნენ აქტიური თანამშრომლობის გაგრძელებაზე.

🇬🇪🤝🇸🇮 საქართველოს ელჩმა, ირაკლი კოპლატაძემ გამოსამშვიდობებელი შეხვედრა გამართა სლოვენიის რესპუბლიკის პრეზიდენტთან, ნატაშა პირც მუსართან.

შეხვედრაზე ისაუბრეს ორ ქვეყანას შორის არსებულ მჭიდრო ურთიერთობებზე. სლოვენიის პრეზიდენტმა კიდევ ერთხელ დაადასტურა მტკიცე მხარდაჭერა საქართველოს ევროკავშირში 🇪🇺 გაწევრიანების გზაზე.

📢 2023 წლის 28 ნოემბერს, ბელგიის სამეფოსა და ლუქსემბურგის დიდ საჰერცოგოში საქართველოს ელჩი, ევროკავშირთან საქართველოს მისიის ხელმძღვანელი, ვახტანგ მახარობლიშვილი შეხვდა ევროკავშირში სლოვენიის მუდმივ წარმომადგენელს, ელჩ იზტოკ იარკს.

🇬🇪🇪🇺 შეხვედრაზე განსაკუთრებული ყურადღება დაეთმო საქართველოს მიერ ევროკავშირში გაწევრიანების პროცესში მიღწეულ პროგრესს და სამომავლო ნაბიჯებს. ვახტანგ მახარობლიშვილმა სლოვენიელ კოლეგას მიაწოდა ინფორმაცია საქართველოს მიერ გაწეული ძალისხმევის შესახებ და გამოთქვა იმედი, რომ მიმდინარე წლის დეკემბერში, ევროპული საბჭო საქართველოსთვის კანდიდატის სტატუსის მინიჭების გადაწყვეტილებას მიიღებს. ამ კონტექსტში, მან ხაზი გაუსვა სლოვენიის მხარდაჭერის მნიშვნელობას.

📌 საუბარი შეეხო, ასევე, რუსეთის მიერ საქართველოს ტერიტორიების მიმდინარე ოკუპაციას და რეგიონში უსაფრთხოების კუთხით არსებულ გამოწვევებს.