გენდერული თანასწორობის საბჭო • თბილისის საკრებულო

გენდერული თანასწორობის დღის წესრიგი ადგილობრივ დონეზე - ძირითადი გამოწვევები და სამოქმედო ნაბიჯები



🔷ადგილობრივ თვითმმართველობათა ეროვნული ასოციაციის ვიცეპრეზიდენტმა, თბილისის საკრებულოს თავმჯდომარემ, გიორგი ტყემალაძემ, კონფერენცია „გენდერული თანასწორობის დღის წესრიგი ადგილობრივ დონეზე: ძირითადი გამოწვევები და სამოქმედო ნაბიჯები“ გახსნა. ფართომასშტაბიან ღონისძიებას, რომელიც საქართველოს ადგილობრივ თვითმმართველობათა ეროვნული ასოციაციის (NALAG) ორგანიზებით, გაეროს ქალთა ორგანიზაციისა და შვეიცარიის განვითარებისა და თანამშრომლობის სააგენტოს მხარდაჭერით გაიმართა, სასტუმრო „ბილტმორმა“ უმასპინძლა. კონფერენციაში მონაწილეობა მუნიციპალიტეტების ხელმძღვანელმა პირებმა, საკანონმდებლო და აღმასრულებელი ხელისუფლების, ასევე საერთაშორისო და ადგილობრივი სამოქალაქო საზოგადოების ორგანიზაციების წარმომადგენლებმა მიიღეს.

🔷მისასალმებელ სიტყვაში ათეას ვიცეპრეზიდენტმა და თბილისის საკრებულოს თავმჯდომარემ, გიორგი ტყემალაძემ, მუნიციპალიტეტების ხელმძღვანელ პირებს ღონისძიებაში მონაწილეობისთვის, ხოლო გაეროს ქალთა ორგანიზაციას და შვეიცარიის განვითარებისა და თანამშრომლობის სააგენტოს თანამშრომლობისთვის მადლობა გადაუხადა და გენდერული თანასწორობის ეროვნული დღის წესრიგის განხორციელებაში მუნიციპალიტეტების მნიშვნელოვან როლზე ისაუბრა. გიორგი ტყემალაძის თქმით, პროექტის მიზანია, დაეხმაროს მუნიციპალიტეტებს ინსტიტუციური მექანიზმების განვითარებაში იმისთვის, რომ ადგილზე გააუმჯობესონ გენდერული თანასწორობის გარემო და საერთაშორისო ვალდებულებებიდან გამომდინარე გენდერული თანასწორობის ეროვნული დღის წესრიგის განხორციელებაში განახლებადი საერთაშორისო სტანდარტები დანერგონ.

„აღნიშნული პროექტის შედეგად და ასოციაციის ჩართულობით დღეს 49 მუნიციპალიტეტს აქვს გენდერული თანასწორობის სამოქმედო გეგმა, რომელიც ასევე გათვალისწინებულია ადგილობრივ ცხოვრებაში ქალთა და კაცთა თანასწორობის შესახებ ევროპული ქარტიით.



აქვე უნდა ითქვას, რომ არსებული მდგომარეობით, საქართველოს 21 მუნიციპალიტეტი არის ევროპული ქარტიის ხელმომწერი და დღევანდელი ღონისძიების ფარგლებში ქარტიას კიდევ 5 - ზუგდიდის, ზესტაფონის, ჩოხატაურის, სამტრედიისა და ბაღდათის მუნიციპალიტეტი მიუერთდა. აღნიშნული პროცესი ადგილობრივი დემოკრატიისა და ადამიანის უფლებების დაცვისადმი, ასევე გენდერული თანასწორობის პრინციპების განხორციელებისა და ამ პრინციპების ყოველდღიურ ცხოვრებაში ინტეგრირებისადმი მუნიციპალიტეტების ერთგულების დეკლარირებაა“, - განაცხადა გიორგი ტყემალაძემ.

🔷ჰიბრიდულ რეჟიმში მიმდინარე ღონისძიებაზე დამსწრე საზოგადოებას სიტყვით ასევე მიმართეს საქართველოს რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა, საქართველოს პარლამენტის გენდერული თანასწორობის საბჭოს წევრმა ბაია კვიციანმა, პრემიერმინისტრის მრჩეველმა ადამიანის უფლებების დაცვის საკითხებში ნიკო თათულაშვილმა და საქართველოში გაეროს ქალთა ორგანიზაციის წარმომადგენელმა კაორი იშიკავამ.

🔷კონფერენციის მეორე ნაწილი პრეზენტაციებისა და დისკუსიების ფონზე წარიმართა. მონაწილეები ათეას 2023 – 2025 წლების პრიორიტეტებს გაეცნენ და ადგილობრივ დონეზე გენდერული თანასწორობისა და ქალთა გაძლიერების პოლიტიკის გამოწვევებსა და პრინციპებზე იმსჯელეს. კონფერენციის მონაწილეები ასევე დეტალურად გაეცნენ დროის გამოყენების კვლევას საქართველოში და მის მნიშვნელობას ადგილობრივ დონეზე გენდერული პოლიტიკის განხორციელებაში.

🔷დღესვე კონფერენციის ფარგლებში საქართველოს თვითმმართველ ერთეულებთან თანამშრომლობის გაღრმავებისა და ადგილობრივი დემოკრატიის განვითარების ხელშეწყობის მიზნით ასევე ადგილობრივ დონეზე გენდერული თანასწორობის საკითხებზე მონაცემების შეგროვების პარტნიორობის გასაძლიერებლად საქართველოს ადგილობრივ თვითმმართველობათა ეროვნულ ასოციაციასა და საქართველოს სტატისტიკის ეროვნულ სამსახურს შორის ურთიერთთანამშრომლობის მემორანდუმი გაფორმდა. დოკუმენტს ხელი ათეას ვიცეპრეზიდენტმა, თბილისის საკრებულოს თავმჯდომარემ, გიორგი ტყემალაძემ და სსიპ „საქართველოს სტატისტიკის ეროვნული სამსახურის“ აღმასრულებელმა დირექტორმა გოგიტა თოდრაძემ მოაწერეს.

#გენდერულითანასწორობისსაბჭო
#თბილისისსაკრებულო
#ადგილობრივთვითმმართველობათაასოციაცია

🎀 #ვარდისფერიოქტომბერი

კამპანიის ,,ვარდისფერი ოქტომბერი’’ ფარგლებში ლისზე გარბენი გაიმართა

🌸თბილისის საკრებულოს გენდერული თანასწორობის საბჭოს ინიციატივით, ქალთა ონკოლოგიური დაავადებების პრევენციის მიზნით საერთაშორისო კამპანიის „ვარდისფერი ოქტომბერი“ ფარგელებში, ლისის ტბის ტერიტორიაზე გარბენი მოეწყო, რომელიც „ევროპა დონა საქართველოს“ და ეროვნული სკრინინგ ცენტრის ჩართულობით განხორცილდა.

გენდერული თანასწორობის საბჭოს თავმჯდომარის თინათინ ნიბლოშვილის განცხადებით, სხვადასხვა სახის აქტიობებით, ცდილობენ ხელი შეუწყონ მოქალაქეების ინფორმირებას კიბოს დროული დიაგნოსტიკისა და სკრინინგის მნიშვნელობის შესახებ.

,,დღეს ლისის ტბის ტერიტორიაზე „ვარდისფერი მარათონი’’ მოეწყო. ჩვენს გარშემო ბევრი ადამიანია ვინც ეს დაავადება დაამარცხა და ახლა სრულად არიან ჩართულები საზოგადოებრივ ცხოვრებაში. დღევანდელი დღეც არის გზავნილი, რომ დროულად ჩაიტარონ სკრინინგი, რომელსაც სახელმწიფო სრულად აფინანსებს. მჯერა, ჩვენ ერთობლივი ძალისხმევით ძალიან ბევრი ადამიანის სიცოცხლის გადარჩენას შევუწყობთ ხელს.“ -განაცხადა თინათინ ნიბლოშვილმა

„ვარდისფერ მარათონში’’ გენდერული თანასწორობის საბჭოს წევრები, „ევროპა დონა საქართველოს“, ეროვნული სკრინინგ ცენტრის, საჯარო და კერძო უწყების წარმომადგენლები მონაწილეობდნენ.

ღონისძიებას სპონსორობა გაუწია კომპანიამ ,,სნო’’ Water Sno • წყალი სნო.

#გენდერულითანასწორობისსაბჭო
#ეროვნულისკრინინგცენტრი
#ევროპადონასაქართველო

🎀 #ვარდისფერიოქტომბერი

როგორ დავძლიოთ დიაგნოზის შიში - შეხვედრა ზურა მხეიძესთან

🌸ძუძუს კიბოს ცნობადობის ამაღლების საერთაშორისო კამპანიის ,,ვარდისფერი ოქტომბერი'' ფარგლებში, ფსიქოლოგ ზურა მხეიძესთან შეხვედრა გაიმართა. შეხვედრის თემას წარმოადგენდა, ის თუ როგორ დავძლიოთ დიაგნოზის შიში და რა მნიშვნელობა აქვს ადრეულ სკრინინგს ადამიანთა ჯანმრთელობისთვის, როგორ უნდა მივმართოთ გონება პოზიტიური აზროვნებისკენ.

შეხვედრაში მონაწილეობას იღებდა ასევე პროფესორი, მორფოლოგი ნინო მუსერიძე.

შეხვედრა ნაძალადევის მედიათეკაში თბილისის მუნიციპალიტეტის გენდერული თანასწორობის საბჭოს წევრის, მერის მრჩეველის გენდერის საკითხებზე ნინო ბურძენიძის ინიციატივით მოეწყო.

შეხვედრას ონკოლოგიურ პაციენტებთან ერთად ესწრებოდნენ, გენდერული თანასწორობის საბჭოს თავმჯდომარე თინათინ ნიბლოშვილი და საბჭოს წევრები, ,,ევროპა დონა საქართველოს’’ პრეზიდენტი ანა მაზანიშვილი, ეროვნული სკრინინგ ცენტრის წარმომადგენლები, მერიის გენდერული საკოორდინაციო სამსახურის წარმომადგენლები.

შეხვედრა კითხვა-პასუხის რეჟიმში გაგრძელდა. ფსიქოლოგმა ზურა მხეიძემ აუდიტორიის შეკითხვებს უპასუხა.

#გენდერულითანასწორობისსაბჭო
#ევროპადონასაქართველო
#ეროვნულისკრინინგცენტრი

ეროვნული სკრინინგ ცენტრი
თბილისის მერია / Tbilisi City Hall

#ვარდისფერიმარათონი 🎀

#შენისიცოცხლეშენსხელშია

ეროვნული სკრინინგ ცენტრი
EUROPA DONNA GEORGIA

🎀კამპანიის ,,ვარდისფერი ოქტომბერი"' ფარგლებში თბილისის სატელევიზიო ანძა ვარდისფერ ფერში განათდა

#ვარდისფერიოქტომბერი
#გენდერულითანასწორობისსაბჭო
#სკრინინგცენტრი
#ევროპადონასაქართველო

🎀 „ვარდისფერი ოქტომბრის“ ფარგლებში თავისუფლების მოედანზე „ცოცხალი ჯაჭვი“ შეიკრა

თბილისის საკრებულო კამპანიის „შენი სიცოცხლე შენს ხელშია“ ფარგლებში ძუძუს კიბოს ცნობიერების ამაღლების საერთაშორისო თვეს ტრადიციულად უერთდება. მსოფლიოში ოქტომბერი ძუძუს კიბოს შესახებ ცნობიერების ამაღლების საერთაშორისო თვედ მიიჩნევა. ამ თვეს 50-მდე ქვეყანა აღნიშნავს და სიმბოლურად მას „ვარდისფერ ოქტომბერს“ უწოდებენ.

🔸 კამპანიის ფარგლებში თბილისის საკრებულოს წევრებმა, ორგანიზაცია „ევროპა დონა საქართველოს“, ეროვნული სკრინინგ ცენტრის, საჯარო და კერძო სექტორის წარმომადგენლებმა თავისუფლების მოედანზე „ცოცხალი ჯაჭვი“ შეკრეს, რომელიც სიმბოლურად ძუძუს კიბოს შესახებ ცნობიერების ამაღლებას და პაციენტთა მიმართ სოლიდარობის გამოხატვას ესმახურება.

🎤 „ოქტომბერი ძუძუს კიბოს და, ზოგადად, ქალთა ონკოლოგიური დაავადებების შესახებ ცნობიერების ამაღლების თვეა. ამ თვეს მთელ მსოფლიოში აღნიშნავენ და რამდენიმე წელია ჩვენც აღნიშნულ კამპანიას თბილისის საკრებულოს ფორმატში ვუერთდებით. დღეს გახსნითი ღონისძიება გვაქვს, რომელშიც მონაწილეობას მიიღებენ პაციენტები, რომლებმაც უკვე დაამარცხეს ეს დაავადება ან მკურნალობის პროცესში არიან. თავისუფლების მოედანზე ყველამ ერთად „ცოცხალ ჯაჭვი“ შევკარით. მიმდინარე თვეს არაერთ ღონისძიებას ვგეგმავთ, რომელთა საშუალებითაც გავამხნევებთ ჩვენს ონკოპაციენტებს. ჩვენი ქვეყანა ქალებს აძლევს შესაძლებლობას, რომ ჩავიტაროთ უფასო სკრინინგი“, - განაცხადა თინათინ ნიბლოშვილმა.

🔸თბილისის მუნიციპალიტეტის გენდერული თანასწორობის საბჭოს ინიციატივით, „ევროპა დონა საქართველოს“ და ეროვნული სკრინინგ ცენტრის ჩართულობით ქალთა ონკოლოგიური დაავადებების პრევენციისთვის საინფორმაციო კამპანია „შენი სიცოცხლე შენს ხელშია“ უკვე მეორე წელია მთელი წლის განმავლობაში უწყვეტი და სხვადასხვაგვარი აქტივობებით მიმდინარეობს. ოქტომბრის თვეში სხვადასხვა კერძო თუ საჯარო უწყებებთან ჩართულობით კიდევ რამდენიმე ღონისძიებაა დაგეგმილი.

„ვარდისფერი ოქტომბერი“ მსოფლიო მასშტაბით 1997 წლიდან აღინიშნება.

ეროვნული სკრინინგ ცენტრი
EUROPA DONNA GEORGIA
#შენისიცოცხლეშენსხელშია

ვარდისფერი ოქტომბერი 🎀

#შენისიცოცხლეშენსხელშია

ეროვნული სკრინინგ ცენტრი
EUROPA DONNA GEORGIA

🟦 თბილისის საკრებულოს თავმჯდომარის მოადგილე, გენდერული თანასწორობის საბჭოს თავმჯდომარე თინათინ ნიბლოშვილი საქართველოში USAID-ის ადგილობრივი თვითმმართველობის პროგრამის გენდერული თანასწორობის და სოციალური ინკლუზიის საკითხების კოორდინატორს შორენა კობაიძეს შეხვდა და მასთან USAID-ის ადგილობრივი თვითმმართველობის პროგრამის ძირითადი მიმართულებები განიხილა.

🔵 თინათინ ნიბლოშვილმა USAID-ის ადგილობრივი თვითმმართველობის პროგრამის წარმომადგენელს თბილისის საკრებულოს მუშაობის პრინციპი და მაჟორიტარების არჩევის სისტემა გააცნო.

🔵 როგორც გენდერული თანასწორობის საბჭოს თავმჯდომარემ განაცხადა, გენდერული თანასწორობის საბჭოს თავისი ბიუჯეტი აქვს, რომლის ფარგლებში სხვადასხვა მიმართულებით მუშაობენ.

🔵USAID-ის ადგილობრივი თვითმმართველობის პროგრამა 2022 წლიდან მოქმედებს და საქართველოს 11 მუნიციპალიტეტთან აქტიურად თანამშრომლობს. შორენა კობაიძემ პროგრამის ძირითად მიმართულებებზე გაამახვილა ყურადღება. ესენია საჯარო მმართველობის და ანგარიშვალდებულების სისტემის გაუმჯობესება, მოქალაქეთა საჭიროებებზე მორგებული და თანაბრად მისაწვდომი ადგილობრივი სერვისების მიწოდების ხელშეწყობა, სამოქალაქო საზოგადოების ჩართულობის გაძლიერება და დეცენტრალიზაციის პროცესის ხელშეწყობა.

🔵თბილისის საკრებულოს თავმჯდომარის მოადგილემ იმედი გამოთქვა, რომ USAID-თან ამ პროგრამის ფარგლებში, თბილისის საკრებულო აქტიურად ითანამშრომლებს. თინათინ ნიბლოშვილმა და შორენა კობაიძემ მომავალი შეხვედრები დაგეგმეს.

USAID Local Governance Program • ადგილობრივი თვითმმართველობის პროგრამა

#გენდერულითანასწორობისსაბჭო

🇬🇪 ♟️

🌟 თბილისის საკრებულოში დინი ვირსალაძის დისკის პრეზენტაცია გაიმართა

🎨 🎶 თბილისის მუნიციპალიტეტის გენდერული თანასწორობის საბჭოს მხარდაჭერით, მუსიკოს დინი ვირსალაძის დისკის ,,Dreams come true'' პრეზენტაცია და მისი ფერწერული ნამუშევრების გამოფენა გაიმართა.

ღონისძიებას საკრებულოს თავმჯდომარის მოადგილესთან, თინათინ ნიბლოშვილთან და საკრებულოს წევრებთან ერთად, მუსიკალური სფეროს წარმომადგენლები და საზოგადოებისთვის ცნობილი სახეები ესწრებოდნენ.

ღონისძიებაზე მოსულ სტუმრებს საკრებულოს უმრავლესობის წევრი და ღონისძიების ინიციატორი ნინო რუხაძე მიესალმა და განაცხადა, რომ თბილისის მუნიციპალიტეტის გენდერული თანასწორობის საბჭო, რომლის ეგიდითაც დღევანდელი საღამო გაიმართა, მუდამ ცდილობს, ხელი შეუწყოს ქალებს, რომლებიც პროფესიული მიღწევებით და ნიჭიერებით გამოირჩევიან.

🎤 „მოხარულები ვართ, რომ დღეს გვაქვს საშუალება დინი ვირსალაძის ძალიან მნიშვნელოვანი ნამუშევრის პრეზენტაცია გავმართოთ. ეს არის მუსიკალური დისკი, რომელიც მან ამერიკის შეერთებულ შტატებში ცნობილ მუსიკოსთან, მანოლო ბადრენასთან თანამშრომლობით ჩაწერა. ეს დისკი არის კიდევ ერთი დასტური იმისა, რომ ქართველი მუსიკოსების პროფესიონალიზმი და ნიჭიერება მთელს მსოფლიოში აღიარებული და დაფასებულია“- განაცხადა ნინო რუხაძემ.

#გენდერულითანასწორობისსაბჭო

Dini Virsaladze

ვუსამძიმრებთ გარდაცვლილთა ოჯახის წევრებს, ახლობლებს, მეგობრებს, სრულიად საქართველოს...

მარიამ მაისურაძე ევროპის ჩემპიონია!

🥇ქართველმა სპორტსმენმა ატაცსა და ორჭიდში ოქროს მედლები მოიპოვა.

#5 პენიტენციურ დაწესებულებაში ქალ მსჯავდებულებს სერტიფიკატები გადაეცათ

🔴თბილისის მუნიციპალიტეტის გენდერული თანასწორობის საბჭოს ინიციატივითა და მსჯავრდებულთა პროფესიული მომზადებისა და გადამზადების ცენტრის მხარდაჭერით
ქალი მსჯავრდებულებისთვის რეაბილიტაცია-რესოციალიზაციისთვის კიდევ ერთი პროექტი განხორციელდა.

🔻თბილისის მუნიციპალიტეტის გენდერული თანასწორობის საბჭოს თავმჯდომარის თინათინ ნიბლოშვილის თქმით, პროექტი
მიზნად ისახავს მსჯავდებული ქალების რეაბილიტაცია - რესოციალიზაციას, რომ ციხიდან მათი საზოგადოებაში სრულფასოვან წევრებად დაუბრუნება მოხდეს.

,,დარწმუნებული ვარ, ის ადამიანები ვინც კურსი გაიარა და ეს შესაძლებლობა გამოიყენა, ბევრად უფრო მოტივირებულები დაუბრუნდებიან საზოგადოებრივ ცხოვრებას.’’-განაცხადა თინათინ ნიბლოშვილმა.

🔻 #5 პენიტენციურ დაწესებულებაში ქალ მსჯავრდებულებს სასწავლო-გამაჯანსაღებელი პროგრამის გავლის სერტიფიკატები თბილისის მუნიციპალიტეტის გენდერული საბჭოს თავმჯდომარემ თინათინ ნიბლოშვილმა, ქოუჩის საერთაშორისო ასოციაციის პრეზიდენტმა ხათუნა მუზაშვილმა და მსჯავრდებულთა პროფესიული მომზადებისა და გადამზადების ცენტრის პროექტის მენეჯერმა თათა გულაშვილმა გადასცეს.

🔻პროექტი, რომელსაც ფსიქოლოგი, და სასწავლო გამაჯანსაღებელი სისტემის ტრენერი ხათუნა მუზაშვილი უძღვებოდა, ათი დღის განმავლობაში მიმდინარეობდა. მისი თქმით, სასწავლო-გამაჯანსაღებელი კურსის მიზანია, მსჯავრდებულებმა საკუთარი ემოციების მართვა და რესურსების გამოყენების უკეთ შეძლონ.

,,ათ დღიანი სასწავლო-გამაჯანსაღებელი კურსის ფარგლებში ადამიანს შეუძლია შეისწავლოს როგორ მართოს თავისი ემოციები, განცდები, თავისი უნარები და მართოს ასევე მისი ჯანმრთელობა, რადგან დაავადებების 92 პროცენტი სწორედ ფსიქოემოციური ფონიდან ვითარდება. ჩვენ ერთმანეთს ბევრი ემოცია გავუზიარეთ და საოცარ შედეგებზე გავედით.’’-განაცხადა ხათუნა მუზაშვილმა.

🔻ბენეფიციარებმა სტუმრებს მადლობა გადაუხადეს და მიღებული ცოდნის შედეგები გაუზიარეს.

#გენდერულითანასწორობისსაბჭო
#ქოუჩონგისსაერთაშორისოასოციაცია

მსჯავრდებულთა პროფესიული მომზადებისა და გადამზადების ცენტრი

#შენისიცოცხლეშენსხელშია

🎀კამპანიის „შენი სიცოცხლე შენს ხელშია“ ფარგლებში ეთნიკური უმცირესობების წარმომადგენლებთან შეხვედრა გაიმართა

🔴თბილისის მუნიციპალიტეტის გენდერული თანასწორობის საბჭოს მიერ დაწყებული კამპანია „შენი სიცოცხლე შენს ხელშია“ გრძელდება. კამპანიის ფარგლებში საკრებულოსთან არსებული ეთნიკურ უმცირესობათა საკოორდინაციო საბჭოს წევრებთან და მათი თემების წარმომადგენელ ქალებთან შეხვედრა გაიმართა.

🔻შეხვედრა თბილისის საკრებულოს თავმჯდომარის მოადგილემ, საკრებულოს გენდერული თანასწორობის საბჭოს თავმჯდომარემ, თინათინ ნიბლოშვილმა, გახსნა. მისი თქმით, კამპანიამ ძალიან ბევრ ქალს მისცა სტიმული, რომ სრულიად უფასოდ ჩაიტაროს სკრინინგი.
,,ვფიქრობ, ჩვენს კამპანიას გარკვეული შედეგები უკვე აქვს, თუმცა ეს საკმარისი არ არის. ნაკლები ინფორმირებულობა და დაგვიანებული სკრინინგი მაინც მთავარ გამოწვევად რჩება. ვაგრძელებთ მუშაობს და მაქსიმალურად ვცდილობთ რაც შეიძლება მეტ ადამიანამდე მივიტანოთ ჩვენი კამპანიის გზავნილი ,,შენი სიცოცხლე შენს ხელშია’’. მითუმეტეს, რომ კვლევები სრულიად უფასოა და დედაქალაქის მუნიციპალიტეტის მიერ ფინანსდება.“- განაცხადა თინათინ ნიბლოშვილმა.

🔻შეხვედრაზე „ევროპა დონა საქართველოს“ წარმომადგენლებმა სკრინინგის მნიშვნელობაზე ისაუბრეს და განმარტეს, რომ სკრინინგი ჯანმრთელი პოპულაციის გამოკვლევას ნიშნავს და ცხოვრების ხარისხის შენარჩუნების გარანტია.
,,სახელმწიფოსგან გვაქვს დიდი მხარდაჭერა და შეთავაზება ძალიან მნიშვნელოვან სერვისებზე. თუ ეს კამპანია შედეგიანად წარიმართა, ერთად ძალიან ბევრ სიცოცხლეს გადავარჩენთ.'' - განაცხადა „ევროპა დონა საქართველოს“ პრეზიდენტმა ანა მაზანაშვილმა.

🔻ეროვნული სკრინინგ ცენტრის დირექტორმა ეთერ კიღურაძემ სკრინინგის მნიშვნელობაზე და პროგრამის მაღალი ხარისხის უზრუნველსაყოფად მიმართულ ღონისძიებებზე ისაუბრა.
,,ბოლო ორ-სამ წელიწადში თბილისში გვაქვს უმნიშვნელოვანესი მატება კიბოს სკრინინგის პროგრამაში ჩართვის. მიუხედავად ამისა, მაინც რჩება ამ მაჩვენებლის დაბალი პროცენტი და ამიტომ განსაკუთრებით მოხარული ვარ, რომ დღეს, ამდენმა ქალბატონმა გამოხატა სურვილი შეხვედრაში მონაწილეობისთვის.’’ - განაცხადა ეთერ კიღურაძემ.

🔻თბილისის მუნიციპალიტეტის გენდერული თანასწორობის საბჭოს ინიციატივით, ქალთა ონკოლოგიური დაავადებების პრევენციისთვის საინფორმაციო კამპანია „ევროპა დონა საქართველოსა“ და ეროვნულ სკრინინგ ცენტრთან თანამშრომლობით უკვე მეორე წელია მიმდინარეობს. კამპანიის ფარგლებში არაერთი შეხვედრა და აქტივობა განხორციელდა.

#გენდერულითანასწორობისსაბჭო
#ევროპადონასაქართველო
#ეროვნულისკრინინგცენტრი

🔶 თბილისის მუნიციპალიტეტის გენდერული თანასწორობის საბჭოს თავმჯდომარემ თინათინ ნიბლოშვილმა, გენდერული თანასწორობის საბჭოს წევრმა ნინო რუხაძემ და „თბილისის ძალადობის მსხვერპლთა მომსახურების დაწესებულების“ დირექტორმა ინდირა რობაქიძემ გენდერული თანასწორობის საკითხებზე მომუშავე ეთნიკური უმცირესობების საკოორდინაციო საბჭოს წარმომადგენლებთან საინფორმაციო შეხვედრა გამართეს.

🔶 გენდერული თანასწორობის საბჭოს თავმჯდომარემ თინათინ ნიბლოშვილმა ეთნიკური უმცირესობების საბჭოს წარმომადგენლებთან ქალთა მიმართ ძალადობის, ოჯახში ძალადობის პრევენციასა და ამ მიმართულებით საზოგადოების ცნობიერების ამაღლებისთვის გასატარებელი ღონისძიებების შესახებ ისაუბრა.

💬 „ვფიქრობ, დღევანდელ შეხვედრაზე ყველა იმ მნიშვნელოვან კითხვას გავეცით პასუხი, რომელიც ეთნიკური უმცირესობების წარმომადგენლებს ჰქონდათ, ქალთა მიმართ ძალადობის წინააღმდეგ ბრძოლასთან დაკავშირებით. თბილისის ძალადობის მსხვერპლთა მომსახურების დაწესებულების ხელმძღვანელის, ინდირა რობაქიძის მხრიდან დეტალური ინფორმაცია მიიღეს იმ სერვისებსა და მხარდაჭერაზე, რომელსაც სახელმწიფო სთავაზობს ძალადობის მსხვერპლებს. მსგავსი ტიპის შეხვედრები სამომავლოდაც გაგრძელდება“-განაცხადა თინათინ ნიბლოშვილმა.

🔶 დღესვე, „თბილისის ძალადობის მსხვერპლთა მომსახურების დაწესებულების“ დირექტორმა ინდირა რობაქიძემ საბჭოს წარმომადგენლებს მიმდინარე პროექტებისა და იმ მომსახურების შესახებ მიაწოდა ინფორმაცია, რომელსაც კრიზისული ცენტრები და თავშესაფრები ახორციელებენ.

🔶 შეხვედრა კითხვა-პასუხის რეჟიმში წარიმართა, სადაც საბჭოს წარმომადგენლებმა ძალადობის მსხვერპლთა მომსახურების დაწესებულების მუშაობისა და მომსახურების შესახებ ამომწურავი ინფორმაცია მიიღეს.

გენდერული თანასწორობის საბჭო • თბილისის საკრებულო
თბილისის საკრებულო / Tbilisi City Assembly
თბილისის დაწესებულება/კრიზისული ცენტრი - Tbilisi Institution/Crisis center

🎭 თბილისის მუნიციპალიტეტის გენდერული თანასწორობის საბჭოს ინიციატივით, კამპანიის ,,არა ქალზე ძალადობას“ ფარგლებში, სანდრო მრევლიშვილის სახელობის თბილისის მუნიციპალურმა თეატრმა თბილისის კრიზისული ცენტრის ბენეფიციარებს უმასპინძლა

💬 “მნიშვნელოვანია კულტურის სფეროს ჩართულობა ქალთა მიმართ ძალადობის წინააღმდეგ ბრძოლაში. მიხარია, რომ ჩვენს ინიციატივასა და შეთავაზებას თბილისის მუნიციპალური თეატრები ასეთი აქტიურობით გამოეხმაურნენ.
მადლობა, სანდრო მრევლიშვილის სახელობის თეატრალურ დასს და თეატრის დირექტორს, მიხეილ მრევლიშვილს, რომელმაც უმასპინძლა კრიზისული ცენტრის ბენეფიციარებს წარმოდგენილი სპექტაკლით ,,ცილინდრი’’." - აღნიშნა თინათინ ნიბლოშვილმა.

Mikheil Mrevlishvili

გენდერული თანასწორობის საბჭო • თბილისის საკრებულო
თბილისის დაწესებულება/კრიზისული ცენტრი - Tbilisi Institution/Crisis center

#არაქალზეძალადობას
#დუმილიგამოსავალიარარის

⚖️ ღირსება, თავისუფლება და სამართლიანობა ყველასთვის❗

🌎 10 დეკემბერს მსოფლიო ადამიანის უფლებათა დაცვის საერთაშორისო დღეს აღნიშნავს.

🗓️ 74 წელი გავიდა მას შემდეგ, რაც გაეროს გენერალურმა ასამბლეამ ადამიანის უფლებათა საყოველთაო დეკლარაცია მიიღო. ეს დეკლარაცია ადამიანის უფლებების შესახებ პირველ უნივერსალურ დოკუმენტს წარმოადგენს.

📄 დეკლარაცია საქართველოს კონსტიტუციაშია ასახული.

#ადამიანისუფლებათასაერთაშორისოდღე

🎗თბილისის საკრებულოში სტუდენტებთან შეხვედრა გაიმართა

თბილისის მუნიციპალიტეტის გენდერული თანასწორობის საბჭოს ინიციატივით დაწყებული კამპანიის „არა ქალზე ძალადობა“ ფარგლებში, თბილისის საკრებულოში სხვადასხვა უნივერსიტეტის სტუდენტებთან შეხვედრა გაიმართა.

გენდერული თანასწორობის საბჭოს თავმჯდომარემ, თინათინ ნიბლოშვილმა, სტუდენტებს კამპანიის ფარგლებში განხორციელებული ღონისძიებების შესახებ ინფორმაცია მიაწოდა. ასევე, დედაქალაქის მართვის პროცესში საკრებულოს საქმიანობასა და მის ფუნქციებზე ისაუბრა.

შეხვედრისას თბილისის მერის მრჩეველმა გენდერული თანასწორობის საკითხებში ნინო ბურძენიძემ, სტუდენტებს ცნობიერების ამაღლების მიზნით ინფორმაცია იმ სერვისების შესახებ მიაწოდა, რომელსაც მათ სახელმწიფო სთავაზობს.

,,თბილისის ძალადობის მსხვერპლთა მომსახურების დაწესებულების’’ დირექტორმა ინდირა რობაქიძემ, სტუდენტებთან სახელმწიფო პოლიტიკაზე, ძალადობის წინააღმდეგ ბრძოლის პრევენციასა და დანერგილი სიახლეების შესახებ ესაუბრა.

საინფორმაციო ხასიათის შეხვედრა რომელიც კითხვა-პასუხის რეჟიმში მიმდინარეობდა კომპანია ,,ენკომის'' ინიციატივით მოეწყო.

შეხვედრის ფარგლებში, თბილისის საკრებულოს ისტორიულ შენობაში სტუდენტებისთვის ექსკურსია მოეწყო.

გენდერული თანასწორობის საბჭო • თბილისის საკრებულოთბილისის საკრებულო / Tbilisi City Assembly


#არაქალზეძალადობას
#დუმილიგამოსავალიარარის

🎗თბილისის მუნიციპალიტეტის გენდერული თანასწორობის საბჭოს თავმჯდომარემ თინათინ ნიბლოშვილმა და გენდერული თანასწორობის საბჭოს წევრმა ნინო რუხაძემ, თბილისის საკრებულოსთან არსებული ეთნიკური უმცირესობების საბჭოს წარმომადგენლებთან საინფორმაციო ხასიათის შეხვედრა გამართეს და გენდერული ძალადობის წინააღმდეგ ბრძოლის 16 დღიანი კამპანიის „არა ქალზე ძალადობის“ ფარგლებში განხორციელებულ და დაგეგმილ ღონისძიებებზე ისაუბრა.

შეხვედრაზე ეთნიკური უმცირესობების საბჭოს წარმომადგენლებმა მიმდინარე პროექტებზე ისაუბრეს. ყურადღება გამახვილდა ნაადრევი ქორწინების, ოჯახში ძალადობის, ქალების უფლებების დაცვის, ასევე, ქალთა პოლიტიკური და ეკონომიკური გაძლიერების საკითხებზე.

შეხვედრის ფარგლებში საბჭოს წარმომადგენლებმა ერთმანეთს მუნიციპალიტეტში განხორციელებული პროექტებისა და ღონისძიებების შესახებ ინფორმაცია მიაწოდეს და სამომავლოდ განსახორციელებელი აქტივობები დაგეგმეს.

#არაქალზეძალადობას
#დუმილიგამოსავალიარარის

თბილისის საკრებულო / Tbilisi City Assembly გენდერული თანასწორობის საბჭო • თბილისის საკრებულო

🎗გენდერული ძალადობის წინააღმდეგ კამპანია "არა ქალზე ძალადობა"-ს გრძელდება

თბილისის მუნიციპალიტეტის გენდერული თანასწორობის საბჭოს ინიციატივით კამპანიის ,,არა ქალზე ძალადობა“ ფარგლებში, საბჭოს წევრებმა, „ახმეტელის მეტროს“ მიმდებარე ტერიტორიაზე საინფორმაციო ბუკლეტები დაარიგეს.

საინფორმაციო კამპანიაში მონაწილეობა გენდერული თანასწორობის საბჭოს თავმჯდომარემ თინათინ ნიბლოშვილმა, მერის მრჩეველმა გენდერის საკითხებზე ნინო ბურძენიძემ, გლდანის მაჟორიტარმა დეპუტატმა კონსტანტინე ზარნაძემ და თბილისის ძალადობის მსხვერპლთა დაწესებულების წარმომადგენლებმა მიიღეს.

გენდერული ძალადობის წინააღმდეგ კამპანია 25 ნოემბრიდან 10 დეკემბრის ჩათვლით მსოფლიოს 187 ქვეყანაში აღინიშნება.

#გენდერულითანასწორობისსაბჭო #თბილისისსაკრებულო
თბილისის დაწესებულება/კრიზისული ცენტრი - Tbilisi Institution/Crisis center

#არაქალზეძალადობას
#დუმილიგამოსავალიარარის