ჯანმრთელობის ეროვნული სააგენტო

10 ოქტომბერი ფსიქიკური ჯანმრთელობის საერთაშორისო დღეა

🟩2023 წლის სლოგანი - ფსიქიკური ჯანმრთელობა ადამიანის უნივერსალური უფლებაა

🟩ფსიქიკური ჯანმრთელობის სახელმწიფო პროგრამას ჯანმრთელობის ეროვნულის სააგენტო მართავს.
პროგრამით გათვალისწინებული ყველა სერვისი, სახელმწიფოს მიერ, სრულად ფინანსდება.

🟩პროგრამის მომსახურებებია:

• სათემო ამბულატორიული მომსახურება;
• ფსიქოსოციალური რეაბილიტაცია;
• ბავშვთა ფსიქიკური ჯანმრთელობა;
• ფსიქიატრიული კრიზისული ინტერვენციის სამსახური მოზრდილთათვის (16-65 წწ);
• თემზე დაფუძნებული მობილური გუნდის მომსახურება;
• სტაციონარული მომსახურება;
• ფსიქიკური აშლილობის მქონე მოზრდილთა ფსიქიატრიულ - სტაციონარული მომსახურება;
• ფსიქიკური აშლილობის მქონე ბავშვთა ფსიქიატრიულ - სტაციონარული მომსახურება;
• ფსიქიკური დარღვევების მქონე შშმ პირთა თავშესაფრით უზრუნველყოფა.

🟩პროგრამის მოსარგებლეები არიან:

• საქართველოს მოქალაქეები;
• იძულებითი ან არანებაყოფლობითი სტაციონარული მომსახურების მოსარგებლეები არიან საქართველოს მოქალაქეები ან პენიტენციურ დაწესებულებებში მყოფი პირები, იდენტიფიკაციის დამადასტურებელი ოფიციალური დოკუმენტის არქონის მიუხედავად, რომელთა მიმართაც არსებობს სასამართლო გადაწყვეტილება, იძულებითი ან არანებაყოფლობითი ფსიქიატრიული მკურნალობის მიზნით, პირის სტაციონარში მოთავსების შესახებ;
• სტაციონარული მომსახურების მოსარგებლეები, რომლებსაც ესაჭიროებათ არანებაყოფლობითი მომსახურება, არიან საქართველოს მოქალაქეები, საქართველოში მყოფი უცხო ქვეყნის მოქალაქეები და საქართველოში მუდმივად მცხოვრები მოქალაქეობის არმქონე პირები.

#ჯანდაცვა2023 #ჯეს
#ძლიერიჯანდაცვისთვის
#თქვენიჯანმრთელობისთვის
#ფსიქიკურიჯანმრთელობა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ზურაბ აზარაშვილი ჯანმრთელობის მსოფლიო ორგანიზაციის ევროპის რეგიონულ დირექტორ, ჰანს კლუგეს შეხვდა.

მხარეებმა, საქართველოში, სამედიცინო და ფარმაცევტულ სექტორში მიმდინარე რეფორმები,პირველადი ჯანდაცვის სისტემის განვითარება და ჰოსპიტალური სექტორის დაფინანსების DRG მოდელი განიხილეს.

მინისტრის განცხადებით, მოდელის ამოქმედების შემდეგ, ჯანდაცვის სერვისებზე მოსახლეობის ჯიბიდან გადახდები მკვეთრად შემცირდა. როგორც ზურაბ აზარაშვილმა აღნიშნა, სამედიცინო დაწესებულებებში DRG მოდელის დანერგვა ჯანდაცვის სერვისების ხარისხის გაუმჯობესებას ისახავს მიზნად.

ჰოსპიტალურის სექტორის დაფინანსების DRG მოდელი ჯანმრთელობის მსოფლიო ორგანიზაციის ევროპის რეგიონულმა დირექტორმაც შეაფასა. ჰანს კლუგეს განცხადებით, აღნიშნული მოდელით, მოსახლეობის ფინანსური დაცულობა გაიზარდა, სამედიცინო დაწესებულების მართვა კი გაუმჯობესდა და მეტად გამჭვირვალე გახდა.

შეხვედრაზე საუბარი შეეხო, მედიკამენტებზე ხელმისაწვდომობის გაზრდის მიზნით, რეფერენტული ფასწარმოქმნის ამოქმედებასაც, ასევე, სამედიცინო მომსახურების ხარისხის გაუმჯობესებისთვის, გაიდლაინების შემუშავებისა და დანერგვის გამოცდილებასა და საერთაშორისო პრაქტიკას.

უწყების ხელმძღვანელის განცხადებით, საქართველოს მთავრობა გეგმავს, კიდევ უფრო გააუმჯობესოს სახელმწიფო პროგრამები, გახდეს უფრო ყოვლისმომცველი და უპასუხოს მოქალაქეების ინდივიდუალურ საჭიროებებს, მათი ჯანმრთელობისა და კეთილდღეობის უზრუნველსაყოფად.

შეხვედრაზე მხარეებმა, ერთობლივი სამომავლო გეგმები და თანამშრომლობის პერსპექტივებიც განიხილეს.

შეხვედრას ჯანდაცვის მინისტრის პირველი მოადგილე თამარ გაბუნია, ჯანმრთელობის მსოფლიო ორგანიზაციის საქართველოს წარმომადგენლობის ხელმძღვანელი სილვიუ დომენტე და ჯანმრთელობის მსოფლიო ორგანიზაციის წარმომადგენლები ოქსანა დომენტი და როი ვალდა ესწრებოდნენ.

#ჯანდაცვა2023

29 სექტემბერი გულის საერთაშორისო დღეა

💗 კარდიოქირურგია/ინტერვენციული კარდიოლოგია - 2023 წლის 9 თვის მონაცემებით, საყოველთაო ჯანმრთელობის დაცვის სახელმწიფო პროგრამის ფარგლებში, 60 მილიონამდე ლარით დაფინანსდა 12 000 ადამიანის 14 000 შემთხვევა.

#ძლიერიჯანდაცვისთვის

სახელმწიფო, საყოველთაო ჯანდაცვის პროგრამით, გულით დაავადებულ პაციენტებს მნიშვნელოვან დახმარებას უწევს:

🔴 პროგრამის ყველა მოსარგებლისთვის მაღალტექნოლოგიური კარდიოვერტერ-დეფიბრილატორი სრულიად უფასოა;
ბენეფიციარებს მხოლოდ სამედიცინო მომსახურების ღირებულების თანაგადახდა უწევთ, რომლის ოდენობა, საყოველთაო ჯანდაცვის პაკეტის შესაბამისად, 0 - დან 30 % - მდეა;

🔴 გულის თანდაყოლილი მანკის მკურნალობას/ოპერაციას, ბენეფიციარის ჯანდაცვის სოციალური სტატუსის გათვალისწინებით, სახელმწიფო 70 - დან 100% - მდე აფინანსებს;

🔴 აბლაციები 3500-დან 12000 ლარამდე ფინანსდება;

🔴 სტენტირების ღირებულებას, ტარიფის მიხედვით, სახელმწიფო ანაზღაურებს;

🔴 ლიმიტის ფარგლებში, მედიკამენტებს უსასყიდლოდ იღებენ: პენსიონერები, სოციალურად დაუცველები, მკვეთრად ან მნიშვნელოვნად გამოხატული შეზღუდული შესაძლებლობის სტატუსის მქონე პირები, შშმ ბავშვები, ვეტერანები, საქართველოს ოკუპირებულ ტერიტორიებთან, გამყოფი ხაზის მიმდებარე სოფლებში მცხოვრები მოსახლეობა.

💗 გულის მსოფლიო დღე 100-ზე მეტ ქვეყანაში აღინიშნება. ესაა გლობალური კამპანია, რომლის მთავარი მიზანია, გულ-სისხლძარღვთა დაავადებების, მათი წარმოშობის მიზეზებისა და პრევენციის შესახებ ცნობიერების ამაღლება.

#საყოველთაოჯანდაცვა
#თქვენიჯანმრთელობისთვის
#ჯანდაცვა2023 #ჯეს

#გულისდღე

„ჯანმრთელობის უსაფრთხოების სამოქმედო გეგმა, ქვეყანას საზოგადოებრივი ჯანდაცვის რისკებთან რეაგირებისთვის მოამზადებს“-აღნიშნულის შესახებ თამარ გაბუნიამ, „საქართველოში, საზოგადოებრივი ჯანმრთელობის უსაფრთხოების პოლიტიკის დიალოგისადმი“ მიძღვნილ ღონისძიებაზე განაცხადა.

ჯანდაცვის მინისტრის მოადგილემ, მოწვეულ სტუმრებს, საქართველოში ჯანმრთელობის უსაფრთხოების სამოქმედო გეგმის შემუშავების მიზნით გასატარებელი ღონისძიებები გააცნო, ვინაიდან, ჯანმრთელობის მსოფლიო ორგანიზაცია და საერთაშორისო თანამეგობრობა მოუწოდებენ ქვეყნებს, შეიმუშაონ სამოქმედო გეგმები, რომლებიც ხელს შეუწყობს ჯანმრთელობის საერთაშორისო ნორმების მოთხოვნების შესრულებას.

მისივე განმარტებით, სამოქმედო გეგმა მნიშვნელოვან როლს შეასრულებს მოსახლეობის ჯანმრთელობის ხელშეწყობის, სიცოცხლის გადარჩენისა და გლობალური ჯანმრთელობის სტაბილურობის უზრუნველსაყოფად.

შეხვედრაზე, ამერიკის დაავადებათა კონტროლისა და პრევენციის ცენტრებმა, სხვა ქვეყნების გამოცდილების მიხედვით ჯანმრთელობის უსაფრთხოების სამოქმედო გეგმის შემუშავების პრაქტიკულ მაგალითებიც წარმოადგინეს.ისაუბრეს მონაწილე უწყებების როლსა და პასუხისმგებლობებზე.

„ჯანმრთელობის უსაფრთხოების საკითხები მზარდი მნიშვნელობის თემაა. პროცესში აქტიურად არიან ჩართულები, როგორც ჯანმრთელობის მსოფლიო ორგანიზაციის წარმომადგენლები, ასევე სხვადასხვა უწყების წევრები.სამოქმედო გეგმა, საზოგადოებრივი ჯანდაცვისა და სხვადასხვა სექტორის მზაობას დაემყარება.

შეხვედრაზე, სამომავლო გეგმებთან დაკავშირებითაც ვიმსჯელეთ, რათა სამოქმედო გეგმა,ჯანმრთელობის საერთაშორისო რეგულაციებთან შესაბამისობაში მოვიყვანოთ. ასევე მნიშვნელოვანია, გაძლიერდეს ჯანდაცვის სისტემების შესაძლებლობები. მულტისექტორული პასუხი ნებისმიერ შემთხვევაში ძალიან მნიშვნელოვანია“,-აღნიშნულის შესახებ თამარ გაბუნიამ განაცხადა.

ღონისძიება დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით გაიმართა.

შეხვედრას, თავდაცვის მინისტრის მოადგილე ლელა ჩიქოვანი, განათლებისა და მეცნიერების მინისტრის მოადგილე თამარ მახარაშვილი, საგარეო საქმეთა მინისტრის მოადგილე ლაშა დარსალია, ჯანმრთელობის მსოფლიო ორგანიზაციის, გაეროს სააგენტოების, საერთაშორისო ორგანიზაციების, ამერიკის შეერთებული შტატებისა და ევროპის დაავადებათა კონტროლისა და პრევენციის ცენტრების წარმომადგენლები ესწრებოდნენ.

#ჯანდაცვა2023

სოხუმის დაცემიდან 30 წელი გავიდა. აფხაზეთის ომში დაღუპულთა ხსოვნის პატივსაცემად და სოხუმის დაცემის დღესთან დაკავშირებით, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ყველა ადმინისტრაციულ შენობაზე სახელმწიფო დროშა დაეშვა.

აფხაზეთში საბრძოლო მოქმედებები 1992 წლის 14 აგვისტოს დაიწყო და 1993 წლის 27 სექტემბერს სოხუმის დაცემით დასრულდა.

ზურაბ აზარაშვილმა, აშშ-ში, ჯანდაცვის სერვისებზე თანაბარი ხელმისაწვდომობის მნიშვნელობასთან დაკავშირებით, იაპონიის პრემიერ-მინისტრის მიერ გამართულ ფორუმში მიიღო მონაწილეობა. მაღალი დონის შეხვედრაზე, ჯანდაცვის მინისტრი სიტყვით გამოვიდა. ზურაბ აზარაშვილმა საყოველთაო ჯანდაცვის პროგრამის მნიშვნელობასა და პირველადი ჯანდაცვის სერვისების განვითარების მნიშვნელობაზე ისაუბრა.

„ათი წლის წინ, სახელმწიფომ აიღო ვალდებულება მიაღწიოს ჯანდაცვის საყოველთაო ხელმისაწვდომობას, რათა დაიცვას საქართველოს ყველა მოქალაქე ჯანმრთელობის რისკებისაგან.

COVID-19-მა, გლობალურად, ჯანდაცვის სისტემებში კრიტიკული გამოწვევები შექმნა. აღნიშნულ პერიოდში, ჩვენი ძალისხმევა ეხებოდა ერთის მხრივ პანდემიის მძიმე შედეგებთან ბრძოლას და მეორეს მხრივ აუცილებელ სერვისებზე, მედიკამენტებსა და ვაქცინებზე უწყვეტი წვდომის შენარჩუნებას.

საქართველო სრულად იზიარებს ხედვას, სამედიცინო რეაგირების ზომებზე (MCMs) თანაბარი ხელმისაწვდომობის შესახებ. უნდა გაძლიერდეს ეროვნული ძალისხმევა ჯანმრთელობის უსაფრთხოების გასაუმჯობესებლად, რათა უზრუნველვყოთ დროული ხელმისაწვდომობა სიცოცხლის გადამრჩენ მედიკამენტებზე, დიაგნოსტიკასა და სხვა სამკურნალო საშუალებებზე.

საქართველოს, 2022-2030
წლების, ჯანდაცვის ეროვნული სტრატეგია პრიორიტეტად განსაზღვრავს პირველადი ჯანდაცვის განვითარებას და სამედიცინო პერსონალის შესაძლებლობების გაძლიერებას, რათა შეიქმნას უფრო ძლიერი ჯანდაცვის პლატფორმა, რომელიც უკეთ მოემზადება და უპასუხებს საზოგადოებრივი ჯანდაცვის გამოწვევებს“, - განაცხადა ზურაბ აზარაშვილმა.

ჯანდაცვის სერვისებზე თანაბარი ხელმისაწვდომობის მნიშვნელობასთან დაკავშირებით გამართული ფორუმი იაპონიის პრემიერ-მინისტრმა ფუმიო კიშიდამ გახსნა. მასში მონაწილეობა სხვადასხვა ქვეყნის ჯანდაცვის უწყებების ხელმძღვანელმა პირებმა მიიღეს. სიტყვით გამოვიდა გეითსების ფონდის თანათავმჯდომარე ბილ გეითსი, რომელმაც აქცენტები გლობალური ჯანდაცვის გამოწვევებსა და ჯანდაცვის თანაბარი ხელმისაწვდომობის მნიშვნელობაზე გააკეთა.

ჯანდაცვის მინისტრი, აშშ-ში ოფიციალური ვიზიტით იმყოფება, სადაც გაერო-ს გენერალური ასამბლეის 78-ე სესიის ფარგლებში, მაღალი დონის შეხვედრებში მონაწილეობს.

#ჯანდაცვა2023

ზურაბ აზარაშვილი, ოფიციალური ვიზიტით, აშშ-ში იმყოფება, სადაც გაერო-ს გენერალური ასამბლეის 78-ე სესიის ფარგლებში, მაღალი დონის შეხვედრებში მონაწილეობს. პანდემიის პრევენცია, მზადყოფნა და რეაგირება იყო ერთ-ერთი მთავარი საკითხი, რომელიც 158 ქვეყნის პირველმა პირებმა და ჯანდაცვის უწყების წარმომადგენლებმა განიხილეს.

სესიაზე, სიტყვით გამოვიდა საქართველოს ჯანდაცვის მინისტრი, რომელმაც პანდემიის გავლენაზე, პრევენციასა და სამომავლო გეგმებზე ისაუბრა.

„პანდემიამ უფრო მეტად დაგვანახა, მრავალსექტორული რეაგირების საჭიროება. COVID-19-მა იმოქმედა არა მხოლოდ ჩვენს ჯანმრთელობაზე, არამედ - ეკონომიკაზე, სოციალურ და ყოველდღიურ ცხოვრებაზე. მან შეგვახსენა, რომ მხოლოდ ჯანდაცვის სექტორი ვერ შეძლებს, შეამსუბუქოს პანდემიის გამოწვევების მთელი სპექტრი. ეფექტური რეაგირებისთვის, ჩვენ, ყველა სექტორში ერთად უნდა ვიმუშაოთ. პანდემიის შედეგად მიღებული გამოცდილების გათვალისწინებით, უნდა განვახორციელოთ საჭირო ცვლილებები და შესაბამისი ინვესტიციები, რათა მომავალში, ასეთ მასშტაბურ გამოწვევას, მსოფლიო, უფრო მომზადებული შეხვდეს. ჩვენ, პრიორიტეტად დავისახეთ საზოგადოებრივი ჯანმრთელობის რისკებზე მზადყოფნისა და რეაგირების გაძლიერება; დავაარსეთ საზოგადოებრივი ჯანმრთელობის საფრთხეებზე რეაგირების ცენტრები, მათ შორის - რეგიონულ დონეზე. მიზანი საგანგებო სიტუაციების დროს, ოპერატიული გადაწყვეტილების მიღება, მონაცემებისა და ინფორმაციის შეგროვება, შეჯერება, ანალიზი და დროული რეაგირებაა“,- განაცხადა ჯანდაცვის მინისტრმა.

აშშ-ში, გაერო-ს გენერალური ასამბლეის 78-ე სესიის ფარგლებში, ზურაბ აზარაშვილი, ჯანდაცვის სერვისებზე თანაბარი ხელმისაწვდომობის მნიშვნელობასა და ტუბერკულოზის წინააღმდეგ ბრძოლასთან დაკავშირებით დაგეგმილ, მაღალი დონის შეხვედრებში მიიღებს მონაწილეობას.

#ჯანდაცვა2023

#ძლიერიჯანდაცვისთვის

🔹საქართველოში DRG მოდელის ამოქმედების შემდეგ, სამედიცინო სერვისებზე პაციენტის თანაგადახდა, მნიშვნელოვნად, 27%-დან 10%-მდე შემცირდა.

🔹DRG მოდელის დანერგვით, მოსახლეობის ფინანსური დაცულობა გაიზარდა, სამედიცინო დაწესებულების მართვა კი გაუმჯობესდა და მეტად გამჭვირვალე გახდა.

🔹წლის ბოლომდე, DRG დაფინანსების სისტემა მშობიარობას, საკეისრო კვეთასა და ნეონატალური ასაკის ინტენსიურ მკურნალობას შეეხება.

🔹დაფინანსების აღნიშნული მოდელი, სისტემის მეტ გამჭვირვალობას უზრუნველყოფს, შესაბამისად, სამინისტრო, უმოკლეს ვადებში, ახდენს რეაგირებას დარღვევებსა და არაკეთილსინდისიერ ქმედებებზე.

🔹სამედიცინო დაწესებულებებში DRG მოდელის დანერგვა ჯანდაცვის სერვისების ხარისხისა და გამოსავლების გაუმჯობესებას ისახავს მიზნად. DRG მეთოდით ავტომატურად გამოითვლება ის სამართლიანი ფასი, რასაც სახელმწიფო, მოქალაქეების ხარისხიანი მკურნალობისთვის, სამედიცინო დაწესებულებებს გადაუხდის

#ჯანდაცვა2023
#საყოველთაოჯანდაცვა
#თქვენიჯანმრთელობისთვის

🔹საქართველოში DRG მოდელის ამოქმედების შემდეგ, სამედიცინო სერვისებზე პაციენტის თანაგადახდა, მნიშვნელოვნად, 27%-დან 10%-მდე შემცირდა.

🔹DRG მოდელის დანერგვით, მოსახლეობის ფინანსური დაცულობა გაიზარდა, სამედიცინო დაწესებულების მართვა კი გაუმჯობესდა და მეტად გამჭვირვალე გახდა.

🔹წლის ბოლომდე, DRG დაფინანსების სისტემა მშობიარობას, საკეისრო კვეთასა და ნეონატალური ასაკის ინტენსიურ მკურნალობას შეეხება.

🔹დაფინანსების აღნიშნული მოდელი, სისტემის მეტ გამჭვირვალობას უზრუნველყოფს, შესაბამისად, სამინისტრო, უმოკლეს ვადებში, ახდენს რეაგირებას დარღვევებსა და არაკეთილსინდისიერ ქმედებებზე.

🔹სამედიცინო დაწესებულებებში DRG მოდელის დანერგვა ჯანდაცვის სერვისების ხარისხისა და გამოსავლების გაუმჯობესებას ისახავს მიზნად. DRG მეთოდით ავტომატურად გამოითვლება ის სამართლიანი ფასი, რასაც სახელმწიფო, მოქალაქეების ხარისხიანი მკურნალობისთვის, სამედიცინო დაწესებულებებს გადაუხდის

#ჯანდაცვა2023

🔹სტატისტიკის ეროვნული სააგენტოს მონაცემებით, აგვისტოში, წინა წლის იგივე თვესთან შედარებით, ჯანდაცვის მიმართულებით ფასები 7.3 პროცენტით შემცირდა, რაც -0.72 პროცენტული პუნქტით აისახა წლიურ ინდექსზე.

🔹ფასები შემცირდა სამედიცინო პროდუქციის, აპარატურისა და მოწყობილობის ქვეჯგუფზე (-17.6 პროცენტი). ივლისის თვეში, ჯანდაცვის ჯგუფში 6.9 პროცენტიანი კლება დაფიქსირდა, ამასთან, სამედიცინო პროდუქციის, აპარატურისა და მოწყობილობის ქვეჯგუფში -17.3 პროცენტიანი კლება იყო. შესაბამისად, აგვისტოში სამედიცინო პროდუქცია კიდევ უფრო გაიაფდა.

🔹სამინისტროს მიერ ფარმაცევტულ ბაზარზე განხორციელებული რეფორმების შედეგად, ფასები მკვეთრად, 70%-მდე შემცირდა.

#ჯანდაცვა2023

🔹წამლების ჩამონათვალი, რომელზეც რეფერენტული ფასი მოქმედებს, გაიზარდა. ფასის ზედა ზღვარი, ჯამში, 2 300-ზე მეტ მედიკამენტზე განისაზღვრა.

🔹არსებულ ქრონიკულ და ონკოლოგიურ პრეპარატებს, ანტიჰიპერტენზიული, ანტიკოაგულაციური, ანტიჰისტამინური, ანტიბიოტიკები, კუჭ-ნაწლავის ტრაქტზე მოქმედი, ტკივილგამაყუჩებელი და ანთების საწინააღმდეგო წამლები დაემატა.

🔹ფასწარმოქმნის აღნიშნული მექანიზმი, წლის ბოლომდე, 7 000-მდე მედიკამენტზე გავრცელდება, რის შედეგადაც ფარმაცევტულ ბაზარზე, აქტიურად მიმოქცევაში არსებული მედიკამენტების მოცვა სრულად მოხდება.

🔹 რეფორმის მიზანი, მოქალაქეებისთვის მედიკამენტებზე მაქსიმალური ხელმისაწვდომობის უზრუნველყოფაა. ცვლილების შედეგად, ფარმაცევტული პროდუქტის ფასი, საშუალოდ, 40%-ით შემცირდება.

🔹მედიკამენტების ჩამონათვალისა და მაქსიმალური ზღვრული ფასის შესახებ ინფორმაცია აღნიშნულ გვერდზეა განთავსებული:

🌐 https://referenceprice.moh.gov.ge/ui/ #/main

#ჯანდაცვა2023

🔹შაქრიანი დიაბეტის ტიპი 1 დიაგნოზის მქონე ბავშვებისთვის სისხლში გლუკოზის უწყვეტი მონიტორინგის (CGM) უახლესი სისტემებისა და მათ გამოსაყენებლად, მობილური ტელეფონების უფასოდ გაცემა დაიწყო.

🔹კომპანია Medtronic-ის უახლესი, მე-4 თაობის მოწყობილობა - Guardian 4 მონაცემების ასახვისათვის კალიბრაციას არ ითხოვს. ეს არის დიაბეტის კონტროლის თანამედროვე ტექნოლოგია. როგორც მე-3, ისე მე-4 თაობის მოწყობილობა მუდმივ რეჟიმში ზომავს გლუკოზის დონეს, აფიქსირებს გლუკოზის მაჩვენებლებს, გამოსცემს განგაშის სიგნალს, რაც სწრაფი რეაგირებისა და სიცოცხლისთვის საშიში მდგომარეობის თავიდან აცილების შესაძლებლობას იძლევა.

🔹Guardian 4 შესწავლილი და დამტკიცებულია 7 წლის და უფროსი ასაკის პაციენტებში. კომპანიის წარმომადგენლებისა და სპეციალისტებისგან, არ გაიცა რეკომენდაცია 7 წლამდე ასაკის ბავშვებში Guardian 4-ის გამოყენების თაობაზე. შესაბამისად, აღნიშნული სისტემა 7-18 წლის მოზარდებისთვის გაიცემა. 7 წლამდე ასაკის ბავშვებისთვის კი Guardian 3 სენსორების გაცემა გრძელდება. სამინისტრო აგრძელებს მუშაობას ექსპერტებთან და Medtronic-ის წარმომადგენლებთან ერთად, მათი რეკომენდაციის საფუძველზე განიხილავს, ასაკის დაწევისა და მეოთხე თაობის აპარატით, 7 წლამდე ბავშვების უზრუნველყოფის შესაძლებლობას.

🔹რაც შეეხება სმარტფონებს, განცხადებით მომართვის საფუძველზე, მობილური ტელეფონებით უზრუნველყოფილები იქნებიან შაქრიანი დიაბეტის ტიპი 1 დიაგნოზის მქონე სოციალურად დაუცველი ბავშვები, რომელთა ოჯახის სარეიტინგო ქულა არ აღემატება 120 000-ს, ასევე, ოჯახები, რომლებშიც შაქრიანი დიაბეტით დაავადებულია, 18 წლამდე ასაკის, ორი ან მეტი ბენეფიციარი.

#ჯანდაცვა2023

2023 წელს, განვლილი 7 თვის განმავლობაში, ღვიძლისა და ძვლის ტვინის ტრანსპლანტაცია, სახელმწიფო პროგრამით, 28 ადამიანს ჩაუტარდა, რომელიც 3 მილიონ ლარზე მეტით დაფინანსდა.

ოპერაციები ორგანოთა ტრანსპლანტაციის პროგრამის ფარგლებში ტარდება და ჯანდაცვის სამინისტროს მიერ, სრულად, 100%-ით ფინანსდება.

ორგანოთა ტრანსპლანტაციის სახელმწიფო პროგრამა 2022 წლის იანვრიდან ამოქმედდა. პროექტის მიზანი თითოეული ბენეფიციარისთვის, მაღალი ხარისხის ჯანდაცვის სერვისებზე ფინანსური ხელმისაწვდომობის უზრუნველყოფაა. პროგრამის ფარგლებში, პირველ წელს, 22 ადამიანის ღვიძლისა და ძვლის ტვინის ტრანსპლანტაცია, 2 495 000 ლარით დაფინანსდა.

პროგრამით სარგებლობა შეუძლიათ საქართველოს მოქალაქეებს, თბილისსა და აჭარაში რეგისტრირებული პირების გარდა, რადგან მათთვის, ამავე სერვისს, თბილისის მერია და აჭარის ავტონომიური რესპუბლიკის მთავრობა აფინანსებს.

ღვიძლის ტრანსპლანტაციის ღირებულება 120 000 ლარია და მას სრულად ჯანდაცვის სამინისტრო ფარავს. ასევე, სრულად ფინანსდება ძვლის ტვინის ტრანსპლანტაცია, რომელიც მოიცავს როგორც უშუალოდ გადანერგვას, ისე მაღალდოზირებული ქიმიოთერაპიასა და ძვლის ტვინის ტრანსპლანტაციის წინა კვლევებს.

#ჯანდაცვა2023 #ჯეს
#ძლიერიჯანდაცვისთვის

2023 წელს, განვლილი 7 თვის განმავლობაში, ღვიძლისა და ძვლის ტვინის ტრანსპლანტაცია, სახელმწიფო პროგრამით, 28 ადამიანს ჩაუტარდა, რომელიც 3 მილიონ ლარზე მეტით დაფინანსდა.

ოპერაციები ორგანოთა ტრანსპლანტაციის პროგრამის ფარგლებში ტარდება და ჯანდაცვის სამინისტროს მიერ, სრულად, 100%-ით ფინანსდება.

ორგანოთა ტრანსპლანტაციის სახელმწიფო პროგრამა 2022 წლის იანვრიდან ამოქმედდა. პროექტის მიზანი თითოეული ბენეფიციარისთვის, მაღალი ხარისხის ჯანდაცვის სერვისებზე ფინანსური ხელმისაწვდომობის უზრუნველყოფაა. პროგრამის ფარგლებში, პირველ წელს, 22 ადამიანის ღვიძლისა და ძვლის ტვინის ტრანსპლანტაცია, 2 495 000 ლარით დაფინანსდა.

პროგრამით სარგებლობა შეუძლიათ საქართველოს მოქალაქეებს, თბილისსა და აჭარაში რეგისტრირებული პირების გარდა, რადგან მათთვის, ამავე სერვისს, თბილისის მერია და აჭარის ავტონომიური რესპუბლიკის მთავრობა აფინანსებს.

ღვიძლის ტრანსპლანტაციის ღირებულება 120 000 ლარია და მას სრულად ჯანდაცვის სამინისტრო ფარავს. ასევე, სრულად ფინანსდება ძვლის ტვინის ტრანსპლანტაცია, რომელიც მოიცავს როგორც უშუალოდ გადანერგვას, ისე მაღალდოზირებული ქიმიოთერაპიასა და ძვლის ტვინის ტრანსპლანტაციის წინა კვლევებს.

#ჯანდაცვა2023

#ძლიერიჯანდაცვისთვის

მენჯ-ბარძაყისა და მუხლის სახსრის ენდოპროთეზირების ოპერაციები, საყოველთაო ჯანმრთელობის დაცვის სახელმწიფო პროგრამის ფარგლებში ტარდება. 2022 წლის მონაცემებით, ენდოპროთეზირების ოპერაციების 5 600-ზე მეტი შემთხვევა 23 მილიონ ლარზე მეტით დაფინანსდა. 2023 წელს, განვლილი 7 თვის მანძილზე, საყოველთაო ჯანდაცვის პროგრამით, ენდოპროთეზირების 3 400-ზე მეტი ოპერაცია ჩატარდა, რომელიც 15 მილიონ ლარზე მეტით ფინანსდება.

ენდოპროთეზირების ოპერაციები უფინანსდებათ: პენსიონერებს, პედაგოგებს, სოციალურად დაუცველებს და პირველი ჯგუფის შშმ პირებს. ასევე, გარკვეულ შემთხვევებში, საყოველთაო ჯანდაცვის პროგრამის საბაზისო პაკეტით მოსარგებლე ბენეფიციარებს.

მნიშვნელოვანია, რომ ჯანდაცვის სამინისტროს გადაწყვეტილებით, 2023 წლის მაისიდან, ქირურგიული მომსახურების დროს გამოსაყენებელი სახარჯი მასალების და მათ შორის, ორთოპედიული ენდოპროთეზის მინიმალური მოთხოვნები და მახასიათებლები ამოქმედდა. ცვლილების შედეგად, საყოველთაო ჯანდაცვის სახელმწიფო პროგრამის ფარგლებში, სერვისის მიმწოდებელი ყველა სამედიცინო დაწესებულება ვალდებულია, მხოლოდ საერთაშორისო სტანდარტების, FDA (The United States Food and Drug Administration), MDR (Medical Device Reporting ) ან CE (Certified in Eu) სერტიფიკატის მქონე მასალები გამოიყენოს. სახარჯი მასალების ევროპული და ამერიკული სტანდარტები, თითოეული ბენეფიციარისთვის, მაღალი ხარისხის სამედიცინო მომსახურებას უზრუნველყოფს.

#ჯანდაცვა2023

მენჯ-ბარძაყისა და მუხლის სახსრის ენდოპროთეზირების ოპერაციები, საყოველთაო ჯანმრთელობის დაცვის სახელმწიფო პროგრამის ფარგლებში ტარდება. 2022 წლის მონაცემებით, ენდოპროთეზირების ოპერაციების 5 600-ზე მეტი შემთხვევა 23 მილიონ ლარზე მეტით დაფინანსდა. 2023 წელს, განვლილი 7 თვის მანძილზე, საყოველთაო ჯანდაცვის პროგრამით, ენდოპროთეზირების 3 400-ზე მეტი ოპერაცია ჩატარდა, რომელიც 15 მილიონ ლარზე მეტით ფინანსდება.

ენდოპროთეზირების ოპერაციები უფინანსდებათ: პენსიონერებს, პედაგოგებს, სოციალურად დაუცველებს და პირველი ჯგუფის შშმ პირებს. ასევე, გარკვეულ შემთხვევებში, საყოველთაო ჯანდაცვის პროგრამის საბაზისო პაკეტით მოსარგებლე ბენეფიციარებს.

მნიშვნელოვანია, რომ ჯანდაცვის სამინისტროს გადაწყვეტილებით, 2023 წლის მაისიდან, ქირურგიული მომსახურების დროს გამოსაყენებელი სახარჯი მასალების და მათ შორის, ორთოპედიული ენდოპროთეზის მინიმალური მოთხოვნები და მახასიათებლები ამოქმედდა. ცვლილების შედეგად, საყოველთაო ჯანდაცვის სახელმწიფო პროგრამის ფარგლებში, სერვისის მიმწოდებელი ყველა სამედიცინო დაწესებულება ვალდებულია, მხოლოდ საერთაშორისო სტანდარტების, FDA (The United States Food and Drug Administration), MDR (Medical Device Reporting ) ან CE (Certified in Eu) სერტიფიკატის მქონე მასალები გამოიყენოს. სახარჯი მასალების ევროპული და ამერიკული სტანდარტები, თითოეული ბენეფიციარისთვის, მაღალი ხარისხის სამედიცინო მომსახურებას უზრუნველყოფს.

#ჯანდაცვა2023

🔹ჯანდაცვის სამინისტროს გადაწყვეტილებით, ჰორმონოთერაპია, ქიმიოთერაპია, სხივური თერაპია და მედიკამენტები, ქვეყნის მასშტაბით, ყველა ონკოლოგიურ პაციენტს დაუფინანსდება.

🔹მათ შორის არიან ის პაციენტებიც, რომელთა წლიური შემოსავალი 40 000 ლარზე მეტია. ცვლილებამდე, მათ აღნიშნულ მომსახურებები არ უფინანსდებოდათ. სიახლე შეეხებათ დაზღვეულ ვეტერანებსაც.

🔹აღნიშნული გადაწყვეტილებით, ონკოლოგიური დაავადებების მკურნალობა, საყოველთაო ჯანდაცვის პროგრამის ფარგლებში, თითოეული ბენეფიციარისთვის, მათი შემოსავლის მიუხედავად, თანაბრად ხელმისაწვდომი იქნება. ცვლილება უკვე დაამტკიცა საქართველოს მთავრობამ.

#ჯანდაცვა2023

საქართველოს მთავრობის გადაწყვეტილებით, რაჭაში, კურორტ შოვში მომხდარი სტიქიის შედეგად დაღუპულთა ხსოვნის პატივსაცემად, 7 აგვისტო გლოვის დღედ გამოცხადდა.

გლოვის დღესთან დაკავშირებით, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ყველა ადმინისტრაციულ შენობაზე საქართველოს სახელმწიფო დროშები დაეშვა.

„ძალიან მძიმე ტრაგედია დატრიალდა რაჭაში, ვუსამძიმრებ დაღუპულთა ოჯახის წევრებს, სრულიად საქართველოს. უშუალოდ სტიქიის ეპიცენტრსა და ონში, მობილიზებულები არიან სამედიცინო ეკიპაჟები, სხვადასხვა კვალიფიკაციისა და მიმართულების ექიმები. ისინი სამედიცინო მომსახურებას უწევენ როგორც სტიქიის ზონიდან გამოყვანილ ადამიანებს, ისე - დაკარგულთა ოჯახის წევრებს“, - განაცხადა ჯანდაცვის მინისტრმა, რომელიც სტიქიის ზონაში იმყოფება.

ზურაბ აზარაშვილის თქმით, ვერტმფრენის საშუალებით, დიდი სამაშველო სამუშაოები ჩატარდა და სტიქიის ზონიდან, უსაფრთხო ადგილზე, 210 ადამიანია გამოყვანილი.

„არც ერთი მათგანის ჯანმრთელობას საფრთხე არ ემუქრება. მხოლოდ რამდენიმეს ჰქონდა ისეთი მცირე დაზიანებები, რომ სამედიცინო დაწესებულებაში გადაყვანა არ დასჭირდათ. სტიქიის ზონაში მობილიზებულ ჯგუფებს კიდევ ემატებიან ექიმები და სამედიცინო ეკიპაჟი. ისინი ადგილზე ყველანაირ სამედიცინო დახმარებას უწევენ დაკარგულთა ოჯახის წევრებს, ფსიქოლოგიური მდგომარეობისა და სხვა სამედიცინო დახამების კუთხით“, - განაცხადა ზურაბ აზარაშვილმა.

„ძალიან მძიმე ტრაგედია დატრიალდა რაჭაში, ვუსამძიმრებ დაღუპულთა ოჯახის წევრებს, სრულიად საქართველოს. უშუალოდ სტიქიის ეპიცენტრსა და ონში, მობილიზებულები არიან სამედიცინო ეკიპაჟები, სხვადასხვა კვალიფიკაციისა და მიმართულების ექიმები. ისინი სამედიცინო მომსახურებას უწევენ როგორც სტიქიის ზონიდან გამოყვანილ ადამიანებს, ისე - დაკარგულთა ოჯახის წევრებს“, - განაცხადა ჯანდაცვის მინისტრმა, რომელიც სტიქიის ზონაში იმყოფება.

ზურაბ აზარაშვილის თქმით, ვერტმფრენის საშუალებით, დიდი სამაშველო სამუშაოები ჩატარდა და სტიქიის ზონიდან, უსაფრთხო ადგილზე, 210 ადამიანია გამოყვანილი.

„არც ერთი მათგანის ჯანმრთელობას საფრთხე არ ემუქრება. მხოლოდ რამდენიმეს ჰქონდა ისეთი მცირე დაზიანებები, რომ სამედიცინო დაწესებულებაში გადაყვანა არ დასჭირდათ. სტიქიის ზონაში მობილიზებულ ჯგუფებს კიდევ ემატებიან ექიმები და სამედიცინო ეკიპაჟი. ისინი ადგილზე ყველანაირ სამედიცინო დახმარებას უწევენ დაკარგულთა ოჯახის წევრებს, ფსიქოლოგიური მდგომარეობისა და სხვა სამედიცინო დახმარების კუთხით“, - განაცხადა ზურაბ აზარაშვილმა.