犇道 ChefBen

再次感激街坊支持！

7:30前已full booking。

有客人由單身食到結婚生小朋友，亦有客人由龍門居一路幫襯直到搬咗出港島區仍專程渣車返嚟食，腦細話十分感動，時勢能夠做英雄亦能做豬紅，今日一別，總會再見，be water my friend。
知道好多朋友嚟唔係為咗食物，而係為那份曾經美好而快將流失的情懷🥲就好似我哋成長嘅香港一樣。

今晚酒微菜薄，一切盡做，希望大家唔好介意🙏🏻🙏🏻

「釋出最後的誠意」

父親節6月15-16日，推出「泰式M5和牛斧頭扒 伴青木瓜沙律」，粗獷之中帶點很清新，就像爸爸每日辛勞工作後回家把女兒抱入懷中嘅感覺，為人父親就最清楚那滋味。
大時大節唔好再比廚餘爸爸食啦，最後三份，只留比星期六日訂座嘅朋友。

原價：1388；告別價：$998，唔好再問薯條有冇得任食啦，一直都有……

請即透過以下連結進行訂座預約：
https://inline.app/booking/chefben/theesplanade

#男人哭吧哭吧哭吧不是罪 #強人是你能飛天遁地 #難離難捨想抱緊些茫茫人生好像荒野 #如孩兒能伏於爸爸的肩膊誰要下車

感謝大家支持犇道七載，Chef Ben將於2024年6月17日(星期一）起暫停營業。最後營業日6月16日（星期日）。

位於荃灣的 繼續為你服務，讓你在舒適的氛圍下細味正宗泰式美饌。期待您的光臨。

📍荃灣廣場3樓350-352號鋪

有緣再會。

Secret menu

花左兩日時間，同泰廚反覆試菜，設計咗呢個泰西混血兒斧頭扒，以泰國香料做基調烤香斧頭扒，將切好嘅斧頭扒夾埋清爽嘅青木瓜沙律一齊食，我敢講，你去泰國都未必食得到。

暫時只有熟客book位才供應，今日台客人就食得好開心了。

請即透過以下連結進行訂座預約（免費泊車）：
https://inline.app/booking/chefben/theesplanade

#斧頭扒返嚟 #屯門區唯一全河畔景泰式西餐廳

感謝今日橫風橫雨都嚟支持嘅客人🙏🏻🙏🏻

#係愛呀

係樓面做做下野阿廚突然走出嚟問：老闆你有幾長？
係咩玩法

#點部署好 #在線等 #我好愛我老婆

無論做西餐泰菜，我哋只做精品

已經開返，歡迎訂座（免費泊車）：
https://inline.app/booking/chefben/theesplanade

#精品泰菜平民價

全榴槤果肉smooth,有冇人聽日夠薑嚟試

服務承諾

1.商場免費泊車優惠
(需提早一天訂座及提供車牌號碼)
請即透過以下連結進行訂座預約：
https://inline.app/booking/chefben/theesplanade
2.免收切餅費（須全單消費滿$800)
3.無限用餐時間(只適用於非繁忙時段：星期一至五全日）*星期六及日及公眾假期需視乎人流及訂座而作出相關安排調節
⁠4.巨杯檸檬茶、檸檬水無限添飲（由落單時間起計90分鐘內）

[膀胱剋星下集]

話說之前將我地巨杯檸檬茶命名為「膀胱剋星」，就係因為我小女兒最喜歡嘅呢本兒童故事書而改。

犇道由開業以嚟就設有無限免費添飲，仲唔係挑戰你膀胱嘅剋星！？

點解要免費添飲？就係因為想營造一個比大家可以舒舒服服，慢慢坐同交流嘅一個用餐地方。其實食咩菜式唔重要，同咩人一齊食先最重要。嚟緊我哋更希望盡量不設用餐時間，讓客人可以專心交流。

#巨杯檸檬茶

轉營泰國美食學習筆記

Khoi Soi （音：溝水）
意思係「泰北金麵」，是泰北菜五大麵品之一，正宗的泰國Khoi Soi必須經過發麵、拌、撻三個工序先會有咬勁，麵體粗身而彈牙，而蛋香味更加比廣東蛋麵有過之而無不及。
而我哋啲款Khoi Soi Loong Kai—「泰北雞腿金麵」是泰藉靚仔總廚Packy 的家鄉菜，據說是承傳自他外婆的食譜，Khoi Soi堅持要泰國正宗飛機貨，黃金咖喱湯底辣中帶甜充滿椰香味，與底層的泰國金麵非常之夾—是為「滑」，而上層側為炸到酥脆的金麵球，有點像潮式煎麵，但更脆更有蛋味，配上一隻入晒味的大雞腿，食完已經飽晒，充分感受到外婆的愛。

唔好以為犇道不務正業，亦都知道試業初期有好多進步空間，所以我地就算轉為泰西料理都要比人用心200%先對得住招牌。厚住面皮都希望你哋會比次機會嚟試吓我地嘅進步唔好將我哋定形🙏🏻。致於牛扒fans唔洗失望，我地不忘初心，好快會加入返高汁牛扒落Menu🤗🤗

「AI時代好快取代人類」

最近留意到有網上求職者嘅自我簡介，文章套路都甚具AI味兒🤣

#虛擬餐廳 #虛擬牛扒

咖啡因來自咖啡果，所以咖啡果是因，咖啡因是果。

椰奶來自椰子，所以椰子是爺，椰奶是子。

#介紹返 #迷因

全新過千尺地標式隱世過江龍泰國極邪惡流心fusion一站式包羅萬有良心音樂餐廳重新開幕，等你！

請即透過以下連結進行訂座預約：
https://inline.app/booking/chefben/theesplanade

#泰國菜 #岩食好食 #泰國師傅班底主理 #輸人唔輸陣

聽日重開，先禮後兵😂😂

今次唔係中伏，唔係騙局，係洋蔥啊😭😭

老實講唔放棄都係因為覺得仲有一批支持者。聽日就開返啦，希望見到呢對小情侶。今次放下鹿角，重頭出發加入泰菜元素，帶比大家嘅係更加認真嘅飲食態度，戴定頭盔先，初初開始未必所有嘢都能夠準備最好，或者用我哋笑容同誠意搭夠。🤗

#唔放棄都係一種勇氣 #重新出發 #請支持地方小店

進入最後試菜階段

518 Reborn！

518 (Sat) Reborn, 犇道將會砍掉重練，浴火重生，人生就係咁，不斷有重整有更新先正！

520「唔要我」唔緊要，518我地由頭嚟過，約定您！有泰菜有牛扒有靚景有車位有歌又有哥！

請即透過以下連結進行訂座預約（享2小時免費泊車）：
https://inline.app/booking/chefben/theesplanade

Send a message to learn more

「虹吸式冬陰功湯」唔止打卡咁簡單

講到泰國菜，好多人第一個印象就係冬陰功湯，我哋@morethan_thai 未必係第一家做，但係就想做到最專最精。唔信可以上google search「虹吸壺冬陰功湯」🤗

用虹吸壺嚟煮冬陰功，靈感來自虹吸式咖啡，利用熱力把湯通過上壺的香辛料再透過壓力滴漏萃取，令湯味層次分明又圓潤。全程要店員在旁邊操作，主廚話呢道湯就係飲佢個層次。

有次見到主廚從烤箱拿出一盤神秘食材，悄悄加入一半湯中，用攪拌槍攪拌，然後湯面慢慢浮起橘紅色油脂，初時問佢，佢唔肯多講，只是神秘笑一笑。

我偷偷去問副廚，副廚只說全因佢用烤香嘅蝦頭提取蝦油，經過細致工序變得絲滑。而剩下嘅蝦頭嚟提煉出嘅蝦油，就用嚟炒金邊粉，唔怪之得尋晚食嘅大蝦炒金邊粉當晚特別香。認真，專業操作就係唔簡單。

而呢度虹吸冬陰功湯，就係我哋想帶比入嚟屯門嘅其中之一樣心機菜色

"Siphon Tom Yum Soup" is more than just for show.

At , we're not only the first to do it, but we aim to be the best.

Cooking Tom Yum with a siphon pot, inspired by siphon coffee, uses boiling water pressure and infuses it with freshly soaked spices to give the soup distinct layers of flavor and a smooth texture. The chef says the magic of this soup is in its complexity of flavors.

Once, I saw the chef secretly take a mysterious dish out of the oven, subtly adding it to the soup and mixing it with an immersion blender. This process caused a layer of orange oil to form on the surface, derived from the aromatic roasted shrimp heads that were finely processed to extract the shrimp oil. He wouldn't divulge more, just gave a mysterious smile.

I secretly asked the sous chef, who admitted that the leftover shrimp heads were used to refine shrimp oil, explaining why the shrimp stir-fried with rice noodles we had last night were exceptionally fragrant. Seriously, professional ex*****on is not simple.

#專業就是專注

Send a message to learn more

「本來這篇是道別文」

腦細由細到大都同好多人一樣係三分鐘熱度，好容易放棄。我諗除了婚姻之外堅持得最耐嘅就係犇道，一開就開左接近八年。到第七年時我話點都要挨落去，唔好比馬雲睇死，因為佢話過接近九成嘅初創公司會死喺第7年。而家總算成功躋身未死果一成。

但係近半年都真係做到心好累，好像逆水行舟，點努力都留唔住北上港人嘅心。經濟轉型，難請到（好）人都係原因之一。原本諗住租約期滿就瀟灑地和屯門道別。

但，係呢個星期裡面公司電話同WhatsApp 都響過不停，不是book檯就是問幾時開返，大家嘅心是否返嚟啦，你哋係咪嬲完啦？我意思唔係嬲我哋犇道，而係嬲緊香港呢個氛圍。有人嬲到想全香港店舖執笠，有人嬲到要返大陸飲湯飲出感情🤣

而我就問緊我嘅初心仲係邊？上年自嗚得意逆市開分店，仲要係自己唔熟悉嘅泰國菜@morethan_thai，自以為升格成生意人「真老闆」，點知自大令到呢一年頭頭碰壁，唔係管理出問題就係品質做得唔好。幸好上帝喜愛痛悔謙卑的人，於是我呢半年從頭嚟過，做好最基本功的，其他就交俾天父帶領。

我記得呢幾個月嚟最安慰嘅係有客人一句說話：「你呢度唔係掛羊頭賣狗肉果啲只談信仰，而啲野唔好食個喎，睇得出你地真係用心做食物。」

講住咁多先，下星期六18/5 將會有重大改變，我會將呢一年喺「摩登堂」所學嘅fusion泰國菜帶入屯門，（當然唔係由我煮，喺由泰藉主廚為大家烹調）。犇道餐廳會變成一間可能係全屯門坐得最舒服令客人最有親切感嘅泰國西餐廳，希望對保得住最佳服務金獎🤗

#講到尾都係休業啟示 #摩登犇道一家親 #最佳服務金獎 #敬請期待

《賭神！我已經睇穿你副牌！》

首先大家嚟評評理！係咪犇道好似好易厄先？！我哋啲同事個額頭是否鑿住個蠢字？

繼上次蔡San之亂，尋日又發生社福界賭神（高俊）事件薄。

話說尋日同事接到個好急嘅WhatsApp 自稱係社會福利處的社工高先生，話想後日同大後日都訂80個飯盒去派比啲老人家，咁同事見咁有意義又有生意接，當然盡快報價啦，價錢一拍即合，廚房仲專登放假都返嚟備料。

到第二日準備收錢時，高先生突然之間話要加碼送多批油比公公婆婆，but就因為某一啲原因要由我哋向佢指定嘅供應商代訂呢批大陸牌子的橄欖油（圖三），呢個時候我哋就覺得事有蹺蹊，好彩我都睇得警信多，順住落嘅劇情應該就係叫我哋入錢買左批油先，然後第二日連埋外賣一齊交貨。即時提高200%警覺性，然後我叫同事問佢攞張卡片睇吓，一睇又係嚇一跳，然後得啖笑。

高俊阿高俊（進）！今次你百密一疏啦，你連卡片上面電話的英文簡寫TEL都寫錯LTE，然後地址仲要用殘體字，可唔可以專業少少啊！我已經睇穿你底牌！再大多你一百萬瑞士銀行本票！

最後當然問落訂收錢嘅時候已經失聯。
但係我想講而家經濟差差，分分鐘有餐廳行家因為想做生意而中招，豈不是雪上加霜。問題唔係因為商家貪念，而係人與人之間仲存在信任係香港人嘅美德。而家比呢啲蛇蟲鼠蟻出嚟搞砸晒。香港已經越來越唔似香港。

#香港騙案 #高進 #賭神 #感情騙子 #欺騙對老人家嘅感情 #高俊之亂 #香港人係唔會自稱住喺香港島

RIP 今日正式告別飲左幾十年嘅紅白間膠飲桶，諗起都覺得唏噓。

#為環保而環保 #遲啲仲要用另一個比錢嘅膠袋裝住本身個膠袋 #就好似埋葬緊香港咁 #係咪我悲觀咋 #由治及興的好處