د. فەهمی حسێن کاکەمد ـ Dr.Fahmi Hussein Kakamad

تەسکبوونەوە و گیرانی سورێنچک

سورێنچک بریتییە لەو ئەندامەی کە خواردن لە دەمەوە دەگوێزێتەوە بۆ گەدە، لە کاتی تەسکبوونەوە یان گیران کێشەی گەورە دروستدەکات و هۆکارێکی سەرەکی پەککەوتن و مردنە! هۆکارەکانی بریتین لە شێرپەنجە (بەتایبەت لە بەتەمەنەکاندا) و زماکی (بەتایبەت لە منداڵاندا) هۆکارەکانی دیکە وەک روداوی هاتووچۆو ماددە توندوتیژەکان (وەک سوتان بە تێزاب) دەکرێت لە هەر تەمەنێکدا رووبدات.
چارەسەری کاتی بریتییە لە فراوانکردن کە رەنگە لە هەندێک کەسدا سوودی هەبێت و لە هەندێکی دیکەدا سوودی نەبێت.
چارەسەری سەرەکی بریتییە لە لابردنی سورێنچک و دروستکردنی سورێنچکی تازە لە گەدە یان ریخۆڵە. لەزۆربەی بارەکاندا، بەتایبەت لە وڵاتانی دوواکەوتوو، ئەم نەشتەرگەرییە بە کردنەوەی سنگ و سک ئەنجامدەدرێت.
نەخۆشی ئەم جارەمان منداڵێکی تەمەن ١٣ ساڵ بوو، هەر لە منداڵیەوە سورێنچکی تەسکبووبووەوە و لەم دوایانەدا بە تەواوی سورێنچکی داخرابوو، بۆ ١٥ رۆژ هیچی بۆ نەخورابوو، سوپاس بۆ پەروەردگاری رێنیشاندەر ئێمە ئەم نەشتەرگەرییە بە نازوور ئەنجامدەدەین و لە کونێکی بچووکەوە لە سنگدا گەدە لەبری سورێنچک دادەنێنین.
(Minimally Invasive Esophagectomy)
وێنەی نەشتەرگەرییەکە لە کۆمێنت دانراوە. تێبینی بکە، شوێنی ئەم نەشتەرگەرییە گەورەیە بە پلاستەری چاو داپۆشراوە! سوپاس بۆ خوای گەورە.
خوای گەورە شیفای نەخۆشەکانمان بدات و هیدایەتی ئێمەش بدات بۆ باشترین خزمەت.

نەشتەرگەری خاوێنکردنەوەی شا خوێنبەری مل

نەخۆشی تەسکبوونەوەی شاخوێنبەری مل یەکێکە لە نەخۆشییە مەترسیدارەکان و هۆکارێکە بۆ توشبوون بە جەڵدەی دەماخ. هۆکاری تەسکبوونەوەکە تا ئێستا بە شێوەیەکی بنچینەیی نەزانراوە بەڵام ئەگەری تووشبوون بەم نەخۆشییە زیاترە لەم بارانەدا:
• نەخۆشی شەکرە
• بەرزە پەستانی خوێن
• بەرزی چەوری
• قەڵەوی
• نەخۆشییەکانی دڵ
لەوانەیە کەسی توشبوو هیچ نیشانەیەکی نەبێت یان نیشانەکانی جەڵدەی دەماخی هەبێت لەوانە لەکارکەوتنی پەلێکی لەش، سڕبوون، لەهۆشخۆچوون، بەرچاورەشبوون.
سۆنەری ملەوەن ئاسانترین رێگایە بۆ دیاریکردنی رێژەی تەسکبوونەوەکە.
کەسی توشبوو لەوانەیە بە دەرمان چارەسەر بکرێت ئەگەر لە قۆناخە سەرەتایەکاندا بوو، ئەگەر تەسکبوونەوەکە زۆربوو، ئەوا پێویستە نەشتەرگەری بۆ بکرێت و خوێنبەرەکە خاوێن بکرێتەوە. ئەگەری توشبوون بە کێشەی گەورە بەهۆی ئەم نەشتەرگەرییەوە لە سەدا سێییە.
سوپاس بۆ پەروەردگاری باڵادەست تا ئێستا زیاتر لە سەد جار ئەم نەشتەرگەرییە لە نەخۆشخانەی سمارت ئەنجامدراوەو سەرجەمیان (جگە لە یەک نەخۆش) سلامەت بوون!
خوای گەورە هەموو لایەک بپارێزێت و شیفای نەخۆشەکانمان بدات.

تەسکبوونەوە و گیرانی سورێنچک

سورێنچک بریتییە لەو ئەندامەی کە خواردن لە دەمەوە دەگوێزێتەوە بۆ گەدە، لە کاتی تەسکبوونەوە یان گیران کێشەی گەورە دروستدەکات و هۆکارێکی سەرەکی پەککەوتن و مردنە! هۆکارەکانی بریتین لە شێرپەنجە (بەتایبەت لە بەتەمەنەکاندا) و زماکی (بەتایبەت لە منداڵاندا) هۆکارەکانی دیکە وەک روداوی هاتووچۆو ماددە توندوتیژەکان (وەک سوتان بە تێزاب) دەکرێت لە هەر تەمەنێکدا رووبدات.
چارەسەری کاتی بریتییە لە فراوانکردن کە رەنگە لە هەندێک کەسدا سوودی هەبێت و لە هەندێکی دیکەدا سوودی نەبێت.
چارەسەری سەرەکی بریتییە لە لابردنی سورێنچک و دروستکردنی سورێنچکی تازە لە گەدە یان ریخۆڵە. لەزۆربەی بارەکاندا، بەتایبەت لە وڵاتانی دوواکەوتوو، ئەم نەشتەرگەرییە بە کردنەوەی سنگ و سک ئەنجامدەدرێت.
نەخۆشی ئەم جارەمان منداڵێکی تەمەن ١٣ ساڵ بوو، هەر لە منداڵیەوە سورێنچکی تەسکبووبووەوە و لەم دوایانەدا بە تەواوی سورێنچکی داخرابوو، بۆ ١٥ رۆژ هیچی بۆ نەخورابوو، سوپاس بۆ پەروەردگاری رێنیشاندەر ئێمە ئەم نەشتەرگەرییە بە نازوور ئەنجامدەدەین و لە کونێکی بچووکەوە لە سنگدا گەدە لەبری سورێنچک دادەنێنین.
(Minimally Invasive Esophagectomy)
وێنەی نەشتەرگەرییەکە لە کۆمێنت دانراوە. تێبینی بکە، شوێنی ئەم نەشتەرگەرییە گەورەیە بە پلاستەری چاو داپۆشراوە! سوپاس بۆ خوای گەورە.
خوای گەورە شیفای نەخۆشەکانمان بدات و هیدایەتی ئێمەش بدات بۆ باشترین خزمەت.

لە ئیسپانیاوە...

وشەی (Sala) وشەی (Chairman) بیرهێنامەوە

لە هەر بۆنەیەکی زانستیدا، کەسێک لەسەر ستەیج دادەنیشێت بۆئەوەی بۆنەکە رێکبخات و سەرپەرشتی بکات، بەم کەسە دەڵێن (Chairman) واتە پیاوی کورسییەکە. ئەم عادەتە لە سەرتاسەری جیهاندا پەیڕەو دەکرێک هەر لە رۆژهەڵاتەوە تا رۆژئاوا! بنچینەی ئەم (Chairman) دەگەڕێتەوە بۆ سەردەمی عەباسییەکان لە بەغداد، کاتێک لە مزگەوتەکاندا وانە خوێندن هەبوو، مامۆستاکە لەسەر کورسیییەک دادەنیشت و خوێندکارەکان بە چواردەوریدا لەسەر زەوییەکە دادەنیشتن! لەو کاتەوە بۆنە زانستییەکان هەر بەم شێوە دەچن بەڕێوە!
لەم سەردانەمدا بۆ بارشەلۆناو بەشداریکردم لە کۆنفرانسی نەشتەرکارانی ئەوروپی، بینیم کۆنفرانسەکە لەچەند هۆلێک بەڕێوە دەچێت، بابەتە گشتیەکان لە هۆڵێکی گەورە پێشکەشدەکرێت و بابەتە تایبەتییەکان (ئیختیصاصییەکان) لە هۆڵە بچوکەکانی دیکە بەڕێوەدەچێت. ئەوەی سەرنجی راکێشام وەک لە وێنەکەدا دیارە، لەدەرەوەی هۆڵەکە نوسراوە (Sala)، وتم تۆبڵێی ئەمەش لە وشەی (صالة)ی عەرەبییەوە وەرنەگیرابێت! ئەم بابەتە بەدواداچوونێکی وردی زمانەوانی دەوێت تابتوانرێت وەڵامێکی دروستی زانستی بدرێتەوە.
زانست بە هەموو بەشەکانەوە، پڕیەتی لە کەلتور و داهێنانی مسوڵمامان، بەداخەوە ئێستا مسوڵمان بە غەریب دەناسرێت لە نێو کایە زانستییەکاندا، بێگومان هۆکاری سەرەکی ئەمەش هەر خۆمانین.
بە پشیوانی خوای گەورە سبەینێ توێژینەوەکەی تاوەری تەندروستی سمارت لە هۆڵی ژمارە شەش پێشکەش دەکەین. هیوادارین ببێتە مایەی سودمەندبوونی پزیشکانی ئامادەبوو کە زیاتر لە ١٦٠٠ پزیشکی پسپۆڕی نەشتەرگەری سنگ لە سەرتاسەری جیهانەوە هاتوون بۆ بەشداربوون لەم کۆنفراسنە.

"لە چارەسەر کردنی دەوالی بەلەیزەر سمارت دەبێتە سەنتەرێکی ڕاهێنان بۆ پزیشکانی پسپۆڕ"

لە شارە جیاوازەکانی عێراقەوە پزیشکانیی پسپۆڕ دێن بۆ ڕاهێنان

بەهۆی ئەو ئاستە بەرزەی خزمەتگوزاری و چارەسەری ‌دەوالی بە لەیزەر، پزیشکانی پسپۆڕ لە شارە جیاوازەکانی عێراقەوە، سەردانی تاوەری تەندروستی سمارت دەکەن، بۆ ئەوەی ڕاهێنان وەرگرن دەربارەی چۆنیەتی چارەسەرکردنی نەخۆشی دەوالی بە لەیزەر.

هەفتەی پێشوو، چەند پزیشکێکی پسپۆڕ لە شاری موسڵەوە سەردانی تاوەری تەندروستی سمارتیان کرد بوو بۆ ئەوەی ڕێنموونی بکرێن لەسەر جیهازی لەیزەر و بەکارهێنانی لە چارەسەری دەوالی.

شایەنی باسە، پێشوتر پزیشکانی پسپۆڕ لە شارەکانی کەرکوک و دهۆکەوە سەردانیان کردین و هەمان ڕاهێنانیان وەرگرت.‌‌‌

لە ئێستادا لە تاوەری تەندروستی سمارت و بە سەرپەرشتی د.فهمی حسین کاکەمەد، دەوالی قاچەکان هەرچەند زۆر و پێشکەوتوو بێت، بە بەکارهێنانی لەیزەرو بە کانۆلاو دەرزی و بە بەنجی مەوزوعی چارەسەردەکرێت، بەبێ بوونی تەقەڵ و برین.

ئایا لە لای ڕاستی سنگەوە نەشتەرگەری لای چەپ دەکرێت؟!
ئەگەر ناچاربوویت بەڵێ
بە داخەوە نەخۆشەکەمان تووشی شێرپەنجەی سییەکان بووبوو، لای راست گرتبوو، بڕیار وابوو لای راستی بۆ لاببەین، لامان برد، بۆ دڵنیابوونەوە سییەلابراوەکەمان نارد بۆ تاقیگە (Frozen Section) و لە ناو نەشتەرگەرییەکە چاوەڕێی وەڵام بووین، بەداخەوە وەڵام هاتەوەو وتیان هێشتا شێرپەنجەی تێدا ماوە! ناچار بەشێکیشمان لە لای چەپ لابرد و دواتر پاشماوەی لای چەپ چاکرایەوە. سوپاس بۆ پەروەردگار سەرجەم ئەم کارانەش لە رێگەی یەک کوونەوە ئەنجام دراوە. (Single Port VATS Sleeve Pneumonectomy).

سوپاس بۆ پەروەردگاری رێنیشاندەر نەخۆشەکە لە باری تەندروستی زۆر باشدایە.

وێنە حەقیقیەکە لە کۆمێنت دانراوە.

تەسك بوونەوەی بۆری هەناسە
تەسك بوونەوەی بۆری هەناسە بەیەکێك لە نەخۆشیە مەترسیدارەکان هەژمار دەکرێت...
هۆکارەکانی تەسك بوونەوەی بۆری هەناسە بریتیە لە زگماکی، هۆکارە دەست کەوتووەکان وەك( ڕووداوی هاتووچۆ ، داخڵ بوون لە چاودێری چڕی نەخۆشخانە ...هتد)
یان هەندێ جار هۆکارەکەی نەزانراوە ، چارەسەری ئەم نەخۆشیە بە شێوەیەکی کاتی بریتیەلە ئەنجامدانی نازووڕ و فراوانکردن، بەڵام بەشێوەی هەمیشەیی بریتیە لە بڕین و دووبارە لێکدانەوەی بۆری هەناسە سوپاس بۆ خوا ئەوەی لەوێنەکە دەیبینین چارەخوازێکی تەمەن 60 ساڵ بوو تووشی تەسک بوونەوەی بۆری هەناسە ببوو دوای ئەوەی تووشی ڕووداوی هاتوو چۆ ببوو لە چاودێری چڕ داخڵ کرا بوو ،
بەسەرکەووتووی توانرا ئەوبەشەی بۆری هەناسەی لاببرێت و پێکەوە دووبارە ببسترێتەوە ، الحمدلله لەتەندروستی یەکی زۆر باش دایە .
خوای گەورە شیفای نەخۆشە کانمان بدات..

تقبل الله منا ومنكم
جەژنتان پیرۆزبێت

دیاریکردنی گرێ پێش نەشتەرگەری بە نازوور (Preoperative localization-VATS Resection)

یەکێکی دیکە لە دەستکەوتەکانی کاری هەماهەنگی (Team Work)
هەندێک جار پێویست دەکات نەشتەرگەری بۆ نەخۆشێک بکەیت کە گرێیەکی زۆر بچوکی هەیە و لە ناو سییەکاندا ونبووە! لێرەدا گرفتی دۆزینەوەی گرێکە دروست دەبێت! چۆن لەناو نەشتەرگەری ئەم گرێیە بدۆزینەوە؟! کێشەکە گەورەتر دەبێت کاتێک بتەوێت کارەکە بە نازوور ئەنجامبدەیت!
چۆن لە نەخۆشخانەی سمارت چارەسەری ئەم کێشەیەمان کردووە؟! نەخۆشەکە پێش نەشتەرگەرییەکە دەچێتە سەنتەری تێشک بە ئەشیعەی تەنووری گرێکە دەدۆزرێتەوە، پاشان دەرمانێکی شینی تێدەکرێت و راستەوخۆ نەخۆشەکە دەگوازرێتەوە بۆ نەشتەرگەری و ئێمەش زۆر بە ئاسانی رەنگە شینەکە دەبینین وەک ئەوەی لە وێنەکەدا دیارە و پاشان بە نازوور بۆی لادەبەین (VATS Resection)!
زۆر سوپاس بۆ بەشی تیشکی تاوەری تەندروستی سمارت بەگشتی و بە تایبەتی د.سۆران هیشام بۆ ئەم هاوکارییە گەورەیە.
ئەمەش ئەنجامی کاری پێکەوەی و دەستەجەمعی (Team Work) کە بنچینەی کارە لە تاوەری تەندروستی سمارت.

سوپاس بۆ پەروەردگاری رێنیشاندەر تا ئێستا دەیان نەخۆش بەم شێوەیە چارەسەر کراوە.
خوای گەورە شیفای نەخۆشەکانمان بدات

چالاکی لە بواری توێژینەوە
لە خزمەت مامۆستایان و خوێندکارانی زانکۆی هەڵەبجە پێشکەشکردنی بابەتێك لەسەر ڕاستکردنەوەی ئەو هەڵە باوانەی کە لەنوسینی توێژینەوەی زانستیدا ئەنجام دەدرێت (Common Mistake in Manuscript Writing)

خولی سێهەم
ڕاهێنانی پزیشکانی گەنج دەربارەی چۆنیەتی ئەنجامدانی نەشتەرگەری بە نازوور.

Minimally Invasive Surgery (Third Round)
A Great Opportunity For Doctors

Participate in this hands-on course, train and improve your skill in minimally invasive surgery If you are a surgeon or aspire to become a surgeon in the future, you shouldn’t miss this chance.

It lasts one day (23/2/2024) in Smart Health Tower, Sulaimani, Iraq
Registration fee: 90 USD

For registration, fill out this form 👇

https://docs.google.com/forms/d/e/1FAIpQLSenaRQ2Xd1XYYwPcgxsWWl65nHGPQ2fQBlNM7vYjl4fIOfsNg/viewform

Contact : 📞

07705730101 - 07705720101
07511115555 - 07705710101

ڕاهێنانی بەشێك لە خوێندکارانی ماستەر و دکتۆرا و مامۆستایانی زانکۆ لەسەر چۆنیەتی ئەنجامدانی توێژینەوەی زانستی...

خولی فێربوونی نەشتەرگەری بە نازوور ، نزیکكردنەوەی رێگایەکی دوور

لەکوردستاندا تا ئێستا پڕۆگرامێکی باش نییە پزیشکان فێری نەشتەرگەری بە نازووڕ بکات، بۆیە پزیشکانی پسپۆر دوای تەواوکردنی خوێندنی باڵا ناچارن پەنا بەرن بۆ وڵاتانی رۆژئاوا تا فێری نەشتەرگەری بە نازوور ببن!
ئەمەش کات و تێچوونێکی زۆری دەوێت و لە زۆر باردا ئەم خولانەش لە جێی ئەو خوازەگەورەی پزیشکاندا نییە و پێویستە چەندین جار بچیتەوە و لە چەند خولێک بەشداری بکەیت تا هەندێک زانیاری و کارامەیی دەست بخەیت بۆ ئەنجامدانی نەشتەرگەری بە نازووڕ.
لە سۆنگەی هەستکردنمان بەرپرسیارێتی بەرامبەر ئەم کێشەیە، هەوڵمانداوە چارەسەرێک بدۆزینەوەو کۆرسێکمان ئامادەکرد لەسەر هەمان ئەو کۆرسانەی لە وڵاتانی رۆژئاوا دەوترێتەوە لە رابردوودا چەندین پزیشک سوودمەند بوون بە کەمترین کات و تێچوون.
لە کۆتا کۆرسدا کۆمەڵێک پزیشکی پسپۆڕ بەشداریان کردوو بە گوێرەی فیدباکەکان سودێکی باشیان لێبینی.
وا بڕیارە کۆرسەکە بەردەوام بێت و جار بە جار فراوانتر و گشتگیرتر بکرێت تا ببێتە جێگرەوەی کۆرسەکانی وڵاتانی پێشکەوتوو.
خوای گەورە رێنموونیمان بکات بۆ باشترین خزمەت.

ڕاهێنانی پزیشکانی پسپۆڕ (ٲخصائي-Senior) لەسەر چۆنیەتی ئەنجامدانی نەشتەرگەری بە نازوور.



.

دەرفەتێکی ناوازە لە تاوەری تەندروستی سمارتەوە بۆ پزیشکانی پسپۆڕ (اخصائي)📣
تاوەری تەندروستی سمارت بە سەرپەرشتی (د.فهمی حسین کاکەمد) کۆرسێکی تایبەت دەکاتەوە سەبارەت بە بنەماکانی ئەنجامدانی نەشتەرگەری بە نازوور بەهەردوو شێوازی تیۆری و پراکتیکی .
ڕاهێنانەکان لەسەر هاشێوەکانی مرۆڤ (Simulators and animal tissues) ئەنجام دەدرێت، بەشداریکردن سنوردارە.
دەتوانن لە ڕێی ئەم بەستەرەوە ناوی خۆتان تۆمار بکەن👇https://docs.google.com/forms/d/e/1FAIpQLSf11zUwlQdBppxmms73ZiEqD7IpLFDR-Bv-StqXA6wvySSjyg/viewform
🔸بەروار: ٢٦/١/٢٠٢٤ ڕۆژی هەینی
🔸شوێن: تاوەری تەندروستی سمارت-نهۆمی ١٥
🔸ناونیشان : سلێمانی - شەقامی سەرەکی مادام میتراند (مەجید بەگ)تەنیشت زانکۆی سلێمانی (کەمپی ناوشار)
🔸کات: 09:00 بەیانی بۆ 04:00 پاش نیوەڕۆ.

📞بۆ زانیاری زیاتر پەیوەندی بکەن بەم ژمارە تەلەفۆنەوە:
07722124338
هاوڕێکانت ئاگاداربکەرەوە...

بڕیاری نەشتەرگەری بۆ شێرپەنجەی سییەکان !

بڕیاری نەشتەرگەری بە تایبەت نەشتەرگەری سنگ و بە تایبەتر نەشتەرگەری بۆ شێرپەنجەی سیەکان بڕیاریکی ئاسان نیە بە تایبەت لای نەخۆشەکە ، لە دونیادا هیچ نەشتەرگەریکی شێرپەنجەی سنگ بە بێ لیژنە بڕیار نادرێت لەسەری بە لیژنەکە دەوترێت (Tumor Board)، لە تاوەری تەندروستی سمارت ئەم هەنگاوەمان ناوە و نزیکەی سەرجەم نەخۆشەکانی شێرپەنجە نەشتەرگەریان بوێت پێوستە (OK) لە پزیشکی شێرپەنجە ( د. ڕێباز حاجی علی) و پزیشکی هەناوی سنگ (د.هەرێم کریم) وەرگیرێت، ئەمە جگە لە هەڵسەنگاندنی نەخۆشەکە لە لایەن پزیشکی نەشتەرگەرەوە بە هاوکاری پزیشکی تیشک (د.سۆران هیشام و د.رێژین جمال) خۆ ئەگەر یەکێک لەمانە هاوڕا نەبوو ئەوە نەخۆشەکە دەخرێتە لیژنەی پزیشکی فرە ڕەهەندەوە (MDT) بۆ ئەوەی پزیشکان ڕووبەڕوو گفتوگۆی بابەتەکە بکەن.
زۆری نەخۆشەکان نە بۆتە ئەوەی ئەم هەنگاوە زانستیانە ئەنجام نەدرێت ،
جاری وا هەبووە لە ماوەی(30) کاتژمێردا (3) نەخۆش نەشتەرگەری لابردنی لۆبیان (VATS Lobectomy) بۆ ئەنجامدراوە ،سەرجەمیان ئەم هەنگاوە زانستیانەیان تێپەڕاندووە .

سوپاس بۆ پەروەردگاری ڕێنیشاندەر

سوپاس بۆ پزیشکانی ناوبراو لە تاوەری تەندروستی سمارت

ڕاهێنانی پزیشکانی گەنج لەسەر نەشتەرگەری بە نازووڕ لە تاوەری تەندروستی سمارت .
زۆر سوپاس بۆ هاوکاران
کاک هاوار
کاک پاڤێڵ
کاک بێرون
کاک پەیوەند
م.سەنا
د.سنور
کاک هیوا
کاک دیاری
کاک محمد
م.یوسف
ئیدارەی تاوەری تەندروستی سمارت