THORN Thearak

មួយផ្ទាំងនេះនិស្សិតរាប់ពាន់នាក់រង់ចាំដោយអំណរ និស្សិតរាប់រយនាក់សង្ឃឹមមានរូបថតស្អាតៗ ហើយបានទទួលយសពីគណៈអធិបតី និស្សិតរាប់សិបនាក់ដែលរំភើបនឹងGPAខ្ពស់ៗ និស្សិតហោចណាស់ម្នាក់ កំពុងខ្វល់ថា តើមានលុយឯណាទៅទទួលសញ្ញាបត្រ។

ចប់៚

ច្បាស់ហើយលើកនេះ🥹

កំពង់ចាមជាប់ចិត្តចាំចង
កំពង់ចម្លងឆ្លងទន្លេ
ទន្ទឹងទន្ទែងទាន់ថ្ងៃជ្រេរ
សុំជ្រកផ្ទះគេរេមួយគ្រា។

អបអរប្អូនៗប្រលងជាប់👍
សុទ្ធតែមានឱកាសបន្តការសិក្សា សូមប្រឹងប្រែងឱ្យខ្លាំង ☺️📝

ពីអតីតសិស្សនិទ្ទេស E ប៊ិះធ្លាក់

ឱយ៑
អានថា [អោយ]
សិលាចារឹក K.600,N. ដែលសំដៅដល់ ឱ្យ ជូន ថ្វាយ ប្រទាន បូជា។ល។

#សិលាចារឹក

អបអរសាទរនិងត្រេកអរចំពោះការខិតខំប្រឹងប្រែងរបស់ប្អូនៗ បានសម្រេចផលល្អជាទីគាប់ចិត្ត។ ជូនពរប្អូនៗ មានជោគនៅជីវភាពជានិស្សិតនៅពេលខាងមុខបន្តទៀត។

ពីគ្រូខ្មែរ
ចំពោះសិស្សទាំងពីរអង្គារ

[កុ-យៈ-ចេស] ពាក្យនេះគួរប្រុងប្រយ័ត្ន ពិសេសអ្នកធ្លាប់លេងគន្លាស់

កុ យចេស៑ ពាក្យក្នុងសិលាចារឹកលង្វែក សំដៅដល់ ស្ត្រីចំណាស់ម្នាក់ឈ្មោះចេស ឬ យាយចេស ដូនចេស។

តាមប្អូន Chuob Phearom 😆

តាមពិតងងុយដេកហើយ
តែនឹកដល់មហានិស្សិតមួយចំនួនគាត់អាន [កុយ-លេង]
កុយនៅឯណាសម្រាប់លេងនោះ? 😁

#សិលាចារឹក

យប់នេះភ្លៀងខ្លាំងណាស់ បងប្អូនកំពស់ចាប់ពី1.49ចុះ
កុំចេញក្រៅ ប្រយ័ត្នលិច🤒🙏

កិច្ចការបង្រៀនមនុស្ស រៀនទាល់តែសក់ជ្រុះបានដឹងថា
"អត់ចេះ"។
នមោតស្ស!

ក្រដាសពីរសែនរៀលថ្មី ស្អាតណាស់ ស្រៀងក្រដាស២ម៉ឺន។
ប្រៀបធៀបក្រដាស២សែនរៀលនិងក្រដាស២ម៉ឺនរៀលដូចខាងក្រោម៖

ធ្វើការធំតោងប្រមុំចាប់ពីតូច
បើខ្លាចខូចតោងប្រដូចប្រុងប្រយ័ត្ន
បើប្រយែងប្រយោជន៍គង់ប្រហែសបាត់
ធ្វើការចាត់ចែងការកិច្ចតិចទៅច្រើន។
ចង់រៀនចេះទាល់ចំណេះត្រិះរិះសួរ
ពាក្យគាប់គួរគួរប្រើប្រាស់ដាស់បង្កើន
បង្កការគង់គេឈ្មោះព្រោះចម្រើន
ការដែលកើនច្រើនតែការមានកិច្ចកម្ម។

#ថ្ងៃអាទិត្យ
#ចុងសប្ដាហ៍ដ៏មានអត្ថន័យ....

ឃើញសជណនេះហើយអាណិតនិស្សិតដែលស្រលាញ់ការសិក្សាណាស់ អាណិតសំឡេង"លោកគ្រូ ដល់ម៉ោងហើយ!"🙄

ចេញមុខមកភ្លាម!

ទិវាគ្រូបង្រៀនមានខ្លឹមសារ
ថ្ងៃ៥តុលារៀងរាល់ឆ្នាំ
តែសិស្សតោងរៀនសូត្រប្រចាំ
កុំចាំដល់ថ្ងៃច្នៃមិនកើត។
គុណគ្រូមួយឆ្នាំរំឭកម្ដង
មេរៀនត្រូវសងភ្លាមទើបឆើត
រៀនសូត្ររាល់ថ្ងៃមានកំណើត
កំណើតគ្រូខ្ពស់ព្រោះសិស្សប្រឹង។
សិស្សល្អតោងស្ដាប់សម្ដីគ្រូ
ហាត់ពត់គន់គូរឱ្យរឹងប៉ឹង
កុំបែរបែកឆ្ងាយចាយពេលដឹង
ដំណឹងចាប់យកឱ្យបានឆាប់។
កុំអែរបង្អក់ចង់យូរថ្ងៃ
គ្រូប្រាប់គ្រូច្នៃត្រូវប្រញាប់
យកពេលរៀនសូត្រឱ្យកើតច្បាប់
បម្រាប់របៀនរៀនទាន់ក្មេង។
សិស្សលង់ល្ងង់ខ្លៅគ្រូឈឺចិត្ត
សិស្សទុច្ចរិតគ្រូសង្រេង
សិស្សឆ្លាតពូកែគ្រូថ្លាឆ្វេង
សិស្សក្មេងចម្រើនគ្រូរីកមុខ។
ណ្ហើយជូនពរជ័យសិស្សបវរ
ជោគជ័យគ្រប់ខគ្រប់បន្ទុក
ជូនពរគ្រូខ្ញុំជាម៉ែពុក ទៅមុខសូមជួបមង្គលគាប់៕

៥ តុលា ២០២៤
#ទិវាគ្រូបង្រៀន

ត្រៀមខ្លួនជាស្រេច✅
កុំបារម្ភច្រើន👍
ព្យាយាមឱ្យអស់លទ្ធភាព💪💪
ប្អូនៗនឹងជោគជ័យ

រឿងមួយដែលខ្ញុំសរសេរក្នុងឆ្នាំ២០២១ ទើបតែល្បីនិងកើតឡើងពិតក្នុងឆ្នាំ២០២៤ តែដំណើររឿងពុំដូចគ្នាទាំងស្រុងទេ។ គឺរឿង "ភ្លើងសំលៀងចិត្ត" ។ សង្ខេបបន្តិចជូនថា "ដោយសារតែស្ថានភាពសេដ្ឋកិច្ចគ្រួសារពិបាកពេកប្រពន្ធសុំប្ដីទៅធ្វើការមួយរយៈ ទម្រាំប្ដីមានការងារធ្វើ ទើបខ្លួនមកមើលថែកូននិងគញរួសារវិញដូចធម្មតា។ ជាអកុសល លោភៈកើតឡើងក្នុងចិត្ត ឃើញគេធូរធារ រីករាយ ចង់ឱ្យគ្រួសារខ្លួនរីករាយ សប្បាយចិត្ត ជ្រុលខ្លួនមួយពេលនឹងថៅកែរបស់ខ្លួនដែលជាអ្នកមានធំ។ នាងនឹកអាល័យប្ដី កូន និងកំហុសដែលខ្លួនបានសាងចំពោះប្ដី។ ដោយក្ដីស្រលាញ់ អាណិត ប្ដីមិនអាចបោះបង់ប្រពន្ធក្នុងភក់ជ្រៅបានទេ សេចក្ដីអនុគ្រោះបានជួយឱ្យនាងឡើងពីជ្រាំនៃលោភៈ ហើយជម្រះកាយដោយមេត្តានិងករុណា។"
ជាធម្មតា ជីវិតប្ដីប្រពន្ធ មិនមាននរណាម្នាក់យល់ទុក្ខធុរៈជាងខ្លួនឡើយ។ បើបាត់ម្ខាងមិនខុសអ្វីពីបាត់ដៃម្ខាងជើងម្ខាងនោះទេ។ "ខុសម្ដងឆ្គងមួយថ្ងៃ តើខាតប៉ុន្មាន?"(អាចារ្យចុង)

_____________
#វិចារណកម្មចំពោះរឿងភ្លើងសំលៀងចិត្ត
#អ្នកថតរូប ចាន់ផល

...រស់នៅសព្វថ្ងៃក្នុងសង្គមចេះតែមានហើយការមិនពេញចិត្តខ្លះ នឿយហត់ខ្លះ ធុញទាន់ខ្លះជាដើមនេះ វាគ្រាន់តែជាផ្នែកតូចៗនោះទេ។ កាលបើយើងរវល់តែខ្វល់ខ្វាយនឹងផ្នែកតូចៗទាំងអស់នេះ យើងនឹងគ្មានពេលទៅឈឺចាប់ ពើងទ្រូង ពុះបំបែកបញ្ហាធំៗបានឡើយ។

"កុំតាមរង្វាន់ខ្លាំងពេក..."

#វិចារណកថា

ទោះបីជារវល់យ៉ាងណា...
ជីវភាពបច្ចុប្បន្ននេះ មានតែអ្នកមានការតស៊ូព្យាយាមស្វិតស្វាញទេទើបបានសម្រេចនូវអ្វីដែលខ្លួនបានប្រឹងប្រែងនោះ ហើយអ្វីទាំងអស់នោះបានបង្កើនជំនាញ ចម្បាស់ភាពដល់អ្នកធ្វើ រឹងរឹតតែខ្លាំងពូកែឡើងៗ។ ទោះបីជារវល់យ៉ាងណាក្នុងការចិញ្ចឹមជីវិត ទោះបីជារវល់យ៉ាងណាក្នុងការងារប្រចាំថ្ងៃ ទោះបីជារវល់យ៉ាងណាក្នុងការរកស៊ីដ៏មមាញឹក សូមកុំភ្លេច៖
១- តុបតែងខ្លួន៖ រៀបចំខ្លួនឱ្យបានស្អាតបាត។ នេះមិនមែនបង្ហាញពីភាពស៊ីវីល័យឬល្អខ្ញង់គ្រប់ពេលទេ តែការតុបតែងខ្លួនមានដោយប្រការផ្សេងៗដូចជា៖ ដោយសំលៀកបំពាក់ ដោយចំណេះដឹង ដោយសីលធម៌ ដោយឥរិយាបថ។ល។ អ្វីទាំងនេះហើយដែលលម្អខ្លួនរបស់យើងជាប្រាកដ។
២- បន្ថែមក្លិនក្រអូប៖ ទឹកអប់អាចកាត់ក្លិនមិនល្អបានមួយពេលៗ នៅពេលដែលសាបរលាបទៅ ទាល់តែបន្ថែមមួយឈីត! ពីរឈីត!ទៀតទើបរក្សាក្លិនឱ្យក្រអូបបាន។ ការបន្ថែមក្លិនឱ្យខ្លួនឯងដោយបង្កើនការយកចិត្តទុកដាក់ មានសកម្មភាពល្អៗ ធ្វើជាគំរូល្អសម្រាប់ខ្លួនឯងនៅពេលក្រោយ ធ្វើគំរូសម្រាប់ក្មេងៗជំនាន់ក្រោយ ហើយចៀសឱ្យឆ្ងាយពីក្លិនមិនល្អ រាប់ចាប់ពីការគិតឡើងទៅ។
៣- ពង្រឹងសាច់ដុំ៖ ការហាត់ប្រាណរៀងរាល់ថ្ងៃ ការធ្វើការធ្ងន់ៗរៀងរាល់ថ្ងៃ បានជួយឱ្យសាច់ដុំរបស់ខ្លួនមានភាពរឹងមាំ។ មនុស្សមិនធ្លាប់លើកទម្ងន់៥០គីឡូរួចព្រោះពុំដែលសាកល្បងលើកសូម្បីម្ដង តែបើបានជាលើករួចម្ដងពីរដងហើយ ៥០គីឡូដដែលនោះហាក់ដូចជាស្រាលជាងពេលលើកដំបូង។ ពង្រឹងសាច់ដុំ ពង្រឹងជំនាញបន្ថែមទៀត សម័យដែលសង្គមវិវត្តឥតឈប់ឈរ ជំនាញត្រូវតែវិវត្តទៅដែរ បើមិនដូច្នោះទេ ជំនាញនឹងនៅតែមួយកន្លែង ហើយបន្តថមថយពីមួយថ្ងៃទៅមួយថ្ងៃ។
ទោះបីជារវល់យ៉ាងណា សូមចងចាំនូវវិចារណកថាទាំងនេះជាប់ក្នុងចិត្ត ហើយត្រិះរិះដោយរីករាយក្នុងចិត្ត។

រូបភាពពី Pinterest
#វិចារណកថា

ពេលវេលាកាន់តែតិច
កាន់តែមានតម្លៃ។

មួយរយៈនេះខ្ញុំទទួលស្គាល់ថា "សំណាង" មានពិតមែន។
សំណាងនោះហាក់កើតពី អំពើដែលខ្លួនសាង អ្វីដែលខ្លួនមាន ឱកាសដែលខ្លួនចាប់។