Jacksan

⚠️သင်တန်းတက်မယ့်သူတိုင်း မဖြစ်မနေဖတ်ဖို့ ⚠️

မျှော်လင့်ချက်အမျိုးမျိုးနဲ့ ကျွန်တော့်သင်တန်းကို ရောက်လာကြတဲ့သူတွေထဲမှာ တချို့ကျတော့

👉သင်တန်းတော်တော်များများ တက်ပြီးတာတောင် English Language ဘာမှန်းတောင် သေချာမသိတဲ့သူတွေ

👉တခြားသင်တန်းတွေမှာ Hello , Hi, How are you? Fine,Thanks and you အဆင့်ကနေ ရှေ့ဆက်ဘာမှဖြစ်မလာခဲ့တဲ့သူတွေ

👉 ဒီသင်တန်းလည်း တခြားအွန်လိုင်းသင်တန်းတွေလိုမျိုး ဂျင်းပဲလားဆိုပြီး မယုံတဝက် ယုံတဝက်နဲ့ ကျီးလန့်စာစား ရောက်လာကြသူတွေ

👉 အင်္ဂလိပ်စာ ၊အင်္ဂလိပ်စကားဆိုရင် မမြင်ချင် မကြားချင်တော့လောက်အောင် ဒီဘာသာစကားအပေါ် စိတ်ဒဏ်ရာရနေတဲ့ သူတွေ၊ ဘယ်လိုသင်သင် ဒီဘာသာစကားကို ဘယ်တော့မှ မတက်နိုင်တော့ဘူးလို့ ယုံကြည်ထားသူတွေ

👉 နိုင်ငံခြားက ထွက်ရတော့မယ် တကယ်ပဲ နှစ်လအတွင်းမှာ ဒီဆရာ တကယ်ပဲ အင်္ဂလိပ်စကားပြောကို သင်လို့ ရရောရပါ့မလားဆိုပြီး စမ်းသပ်ချင်တဲ့သူတွေ

👉 အသက်ကြီး‌နေပြီဆိုပေမယ့် ဒီဘာသာစကားကို ဝါသနာပါလွန်းလို့ ပြောတတ်ချင်တဲ့သူတွေ

👉 ပြည်ပရောက်ရင် အင်္ဂလိပ်စကားကို ထမင်းစား ရေသောက်လောက် အပြန်အလှန်ပြောဆိုတတ်ရင် တော်ပါပြီဆိုတဲ့သူတွေ

စသဖြင့် စသဖြင့် ရည်ရွယ်ချက်မျိုးစုံနဲ့ ကျွန်တော့်သင်တန်းကို ရောက်လာကြတာ တွေ့ရပါတယ်။

တကယ်လည်း သင်တန်းတက်ကြည့်တဲ့အခါ ပထမ Introduction နှစ်ရက်မှာတင် ဒီဘာသာစကားကို ဘယ်လိုတည်ဆောက်ထားတယ်၊ ဘယ်လိုလေ့လာသင်ယူရင် ပိုအတတ်မြန်မယ် ၊ ကိုယ် ဘာကြောင့်ခုထိ အင်္ဂလိပ်စာ အင်္ဂလိပ်စာမတတ်လာ‌သေးတာလဲ၊ အင်္ဂလိပ်စာ တကယ်တတ်ဖို့ ဘာတွေဆက်လုပ်ရမလဲ ဆိုတဲ့အကြောင်းအရာတွေအပါအဝင်

အင်္ဂလိပ်စကားကို International Standard မှီမှီ တကယ့်အင်္ဂလိပ်လေယူလေသိမ်းနဲ့ ဘယ်လိုပြောသင့်တယ်ဆိုတဲ့ အယူအဆတွေ၊ အင်္ဂလိပ်အသံထွက်စနစ်ရဲ့ အသက်သွေးကြောဖြစ်တဲ့ IPA & Phonics သင်ခန်းစာတွေ အပြင် British & American Accent တွေရဲ့ ကွာခြားမှုတွေကိုပါ ကွက်ကွက်ကွင်းကွင်း သင်ပေးတာ ကြုံကြရတော့

"ဆရာရယ် ဆရာတောင်းတဲ့သင်တန်းကြေးကို အစက များတယ်ထင်တာ သင်တန်းထဲ ဆရာသင်ပေးတဲ့ သင်ခန်းစာတွေကို သေချာလိုက်လေ့လာမှတ်သားပြီး Trainer တွေနဲ့ စကားပြောကို လက်တွေ့လေ့ကျင့်ပြောဆိုရတော့ ဒီသင်တန်းကြေးဟာ နည်းတောင်နည်းနေပါသေးတယ်" လို့ အများစုဆီက ရင်တွင်းစကားသံတွေကြားရတဲ့အခါ ဝမ်းသာပီတိဖြစ်ရပါတယ်။

"ရောက်လာတဲ့ သင်တန်းသားတိုင်းကို တတ်မြောက်အောင် ဘယ်ဆရာမှ မသင်ပေးနိုင်ဘူးဆိုတာ ကျွန်တော်နားလည်ထားပါတယ်၊ဘာလို့လဲဆိုတော့ ဒီဘာသာစကားကို ခံယူချက်၊ ယုံကြည်ချက်အပြည့်နဲ့သင်ယူလိုသူတွေ သင်တန်းထဲမှာ ပါလာကြသလို တကယ်လည်း ထိထိမိမိသင်လည်းသင်ရော ထွက်ပြေးကြတဲ့သူတွေ မနည်းပါဘူး။ ကျွန်တော်သင်တန်းထဲမှာ အမြဲပြောလေ့ရှိတဲ့ စကားလိုပါပဲ " ဘဝက မအေးအေးဝင်း စီစဉ်တာ မဟုတ်လို့ တခုခုလိုချင်ရင် တခုခု ပေးဆပ်ရပါတယ်။ အင်္ဂလိပ်စကားကျတော့ ပြောတတ်ချင်တယ် စကားပြောလေ့ကျင့်ဖို့တော့ ပါးစပ်က အသံမထွက်ဝံ့ဘူးဆိုရင် သွင်းလိုက်တဲ့ သင်တန်းကြေးက ကျွန်တော့်ဝင်ငွေဖြစ်သွားတာက လွဲရင် ဘာမှဖြစ်လာဖို့မရှိပါဘူး။ သင်တန်းတခုကို မတက်ခင် သင်တန်းဆရာ ဘယ်လိုပုံစံမျိုးနဲ့ သင်ကြားတယ်၊ စာသင်ချိန်မှာ အသုံးပြုတဲ့ Camera & Accessories တွေဘယ်လိုအသုံးပြုထားပြီး နောင်တချိန်ပြန်လေ့လာနိုင်အောင်စီစဉ်ပေးထားတဲ့ Zoom Teaching Recorded Videoတွေက ဘယ်လိုအရည်အသွေးရှိတယ်ဆိုတာက အစ ပွင့်လင်းမြင်သာစွာနဲ့ သင်တန်းကြေးသွင်း မတက်ခင်ကတည်းက ချပြထားတာ ဒီနိုင်ငံမှာ ကျွန်တော့်သင်တန်းတခုပဲရှိပါတယ်။

နောက်တခုက ဒီသင်တန်းတက်ပြီး ကိုယ်တကယ်ကြိုးစားလေ့ကျင့်သင်ယူရင် အင်္ဂလိပ်စကား တတ်ကိုတတ်သွားရမယ်ဆိုပြီး အာမခံပေးထားတာလည်း ဒီသင်တန်းပါပဲ။ ကျွန်တော့်သင်တန်းက ပေးထားတဲ့ ကတိတွေ ၊ပြောထားတဲ့ စကားတွေအတိုင်းမဟုတ်ပဲ ဂျင်းထည့်တယ်လို့ သက်သေပြနိုင်ရင် သင်တန်း page ရော Application ထဲမှာ Reviews ရေးလို့ရတဲ့ နေရာတွေရောကို ဖွင့်ပေးထားတာမို့ ကြိုက်သလို မှတ်ချက်လာရေးနိုင်ပါတယ်။

ဒါ့ကြောင့် အင်္ဂလိပ်စကားကို တကယ့်ကို ကျွမ်းကျင်စွာပြောတတ်လိုတယ်။ သေသေချာချာလေးလည်း လိုက်ကြိုးစားလေ့လာသင်ယူချင်စိတ်အပြည့်ရှိတယ်၊ တခြားသင်တန်းတွေတက်ခဲ့တာလည်း ငွေကုန်ကြေးကျ တော်တော်လေးကိုများနေပြီ၊ အနည်းဆုံးအခြေခံပညာအထက်တန်းဆင့် ၉တန်း ဆယ်တန်းလောက်ထိ ကျောင်းတက်ခဲ့ဖူူးတယ်ဆိုရင် ဒီသင်တန်းကို နောက်ဆုံးအနေနဲ့ လာတက်ကြည့်ဖို့ တိုက်တွန်းလိုက်ရပါတယ်။

"အင်္ဂလိပ်စကား ခုထိ ပြောတတ်မလာသေးတာ သင့်အပြစ်မဟုတ်ပါဘူး၊ တကယ်တတ်အောင် သေချာ သင်ကြားလေ့ကျင့်ပေးတဲ့ သင်တန်းရှိနေတာ သိသိလျက်နဲ့ မဖြစ်နိုင်လောက်ဘူးလို့ ဆက်တွေးနေရင်တော့ သင့်အပြစ်ဖြစ်သွားပါပြီ"

တကယ်တတ်ချင်၊လိုချင်၊ လေးစားလိုက်နာ လေ့ကျင့်သင်ယူလိုချင်သူတိုင်းကို တကယ်တက်အောင်သင်ကြားလေ့ကျင့်ပေးဖို့ Learn With S.M.A - VVIP English Courses က သင့်ကို စောင့်ကြိုနေပါတယ်။

သင်တန်းမတက်ခင် ဝင်လေ့လာနိုင်မယ့် Group 👉 Learn With S.M.A Class Inquiry

U Soe Moe Aung

LL.B

Licensed Tour Guide (English)

❝ နားမကြားတဲ့ ဖား ❞

တစ်ခါတုန်းက ဖားတွေနေတဲ့
တိုင်းပြည်ကြီးတစ်ခုမှာ
ပြိုင်ပွဲလေးတစ်ခု ကျင်းပကြတယ်။

အဲဒီပြိုင်ပွဲကို အနယ်နယ်အရပ်ရပ်က
မတူကြီးတဲ့ ဖားမျိုးနွယ်စုတွေ ဝင်ရောက်
ယှဉ်ပြိုင်ကြတယ်။

ပြိုင်ပွဲက ရိုးရိုးကလေးပါ၊
တောင်ကုန်းလေး တစ်ကုန်းရှိတယ်
အဲဒီ တောင်ကုန်း ထိပ်ဆုံးပေါ်ကို
တက်နိုင်တဲ့ ဖားဟာ နောက်ဆုံး
အနိုင်ရသူလို့ သတ်မှတ်ခြင်း ခံရမယ်။

တစ်ခုရှိတာက အဲဒီတောင်ကုန်းကို
တက်မယ့် လမ်းဟာ အရမ်း ချောတာမို့
မတော်ရင် အောက်ကို
ပြုတ်ကျပြီး ရှုံးချင် ရှုံးသွားနိုင်တယ်၊
လမ်းကြောင်းကလဲ အောက်ကိုပြုတ်ကျဖို့
အလားအလာ ပိုများနေတာကြောင့်
တော်ရုံ အနိုင်ရဖို့ဆိုရင် မနည်းကြိုးစားယူရမှာ။

ဒီအခါ ပြိုင်ပွဲဝင် ဖားတွေက
ဆင်ခြေပေးကြတယ်၊
ဒီနေရာကို ဘယ်လိုလုပ်ပြီး
တက်လို့ ရမှာလဲ.. အဲလောက်ခက်နေရင်
မပြိုင်ဘူးကွာ.. ပြိုင်ပွဲကနေ
လုံးဝ နုတ်ထွက်တယ်ကွာဆိုပြီး
ပြိုင်ပွဲတဲ့ ဖားတချို့ ပြိုင်ပွဲကနေ
နုတ်ထွက်သွားကြတယ်။

ဒါပေမဲ့ တစ်ကောင်တည်းသော
ဖားကသာ အဲဒီတောင်ကုန်းပေါ်ကို
တရွေ့ရွေ့ကလေး တက်ပြီးတော့
တောင်ထိပ်ပေါ်ကို တက်ပြနိုင်ခဲ့ကြတယ်။

ဒါကိုပဲ ပြိုင်ပွဲပုံစံကို သဘောမကျလို့
စောစောတုန်းက နုတ်ထွက်သွားကြတဲ့ ဖားတွေဟာ
တောင်ပေါ်တက်ပြသွားတဲ့ ဖားကို
ကြည့်ရင်း တအံ့တဩ ဖြစ်နေကြတယ်။

သူက ဘာကောင်မလို့လဲ
သူက ဘာမှော်အစွမ်းတွေ တက်လို့လဲ
စသဖြင့် ဖားအချင်းချင်းကြားမှာ
ဝေဖန်သံတွေ ဆူညံသံတွေ ပွက်လောရိုက်ပြီး
ပြောစရာ စကားဖြစ်လာတော့ပဲ။

အဲဒီအခါ တောင်ပေါ်ရောက်သွားတဲ့
ဖားရဲ့အကြောင်းကို သိတဲ့သူက
ဝေဖန်နေကြတဲ့ ဖားတွေကို
အခုလို ပြောပြတယ်။

“ အဲဒီဖားက
မွေးရာပါ နားပင်းနေတာ
ခုနတုန်းက ငါတို့ နုတ်ထွက်တာကို
သူ ဘာလို့ နုတ်ထွက်မှန်း မသိလို့
အခု ရသွားတာ
မဟုတ်ဘဲ သူသာ နားကြားခဲ့မယ်ဆိုရင်
အခုလို တက်နိုင်မယ် မထင်ဘူးဗျ ”
...
ဒီပုံပြင်လေးက ပေးချင်တဲ့
သင်ခန်းစာဟာ ရိုးရှင်းပါတယ်။
တစ်ခါတလေ ကျနော်တို့ဘဝမှာ
ဝေဖန်မှုပေါင်းစုံ ကြုံတွေ့နိုင်ပါတယ်။

နောက်ပြီး လူတွေက
သူတို့ မလုပ်နိုင်ဘူးလို့ ထင်တဲ့
အရာ မှန်သမျှကို တခြားလူကိုပါ
မလုပ်နိုင်အောင် ဆွဲချတတ်တဲ့ အကျင့်
ရှိနေတတ်ကြပါတယ်။

ဒါကြောင့် ဘဝတစ်ခုကို
ထီးထီးမားမား ရှင်သန်ရပ်တည်တဲ့အခါ
နားမကြားတဲ့ ဖားတစ်ကောင်လို
နားမကြားချင်ယောင် ဆောင်ထားဖို့ လိုတယ်။

ဘယ်သူ ဘာပြောပြော
ဘာလုပ်လုပ်၊ မလုပ်လုပ်
ကိုယ် လုပ်စရာရှိတာကို
ဖြောင့်ဖြောင့်တန်းတန်း
ရဲရဲဝံ့ဝံ့ လုပ်ဖို့ အင်မတန်အရေးကြီးတယ်။


#စာဖတ်ခြင်းဖြင့်_ဘဝကိုမြှင့်တင်ပါ

Articleများအကြောင်း (အာတီကယ် A, An , the )

● တစ်နေ့သ၌ ကျွန်ုပ်သည် ဧည့်လမ်းညွှန် ဝန်ဆောင်မှု့ ပေးပြီးသည့် ညနေပိုင်းအချိန်ခါ သမယ တခု၌ Tour ပြီး၍ အိမ်၌ အနားယူနေစဉ် ကျွန်ုပ်တို့၏ အထူးဇာတ်လိုက်ကျော်ကြီး ကိုဆန်းတယောက် အိမ်လည်ရောက်လာလေတော့သည်။

"ဟာ ကိုဆန်း လာဗျာ ထိုင် နေရာကတော့ မြင်တဲ့ အတိုင်းပဲ ရှုပ်ပွနေတယ်ဗျို့ "

ဟု ဖတ်ဖြစ်သည်ထက် ဝယ်ပြီး ချောင်ထိုးထားသော မဖတ်ဖြစ်တာပိုများသည့် အင်္ဂလိပ်စာအုပ်ပုံကြီး၏ ဘေးနေရာလွတ်သို့ ကျွန်ုပ်၏ ညီ ကိုရင်းတမျှ ချစ်ခင်ရသော ကိုဆန်းအား ဖိတ်ခေါ်ကာ နေရာပေးလိုက်ရင်း

" ကဲ ကျွန်တော်လည်းခုမှ Tour ပြီးလို့ အိမ်မှာ ပြန်ရောက်ရုံရှိသေးတာဗျ ရေမချိုးခင် ခင်ဗျားမြင်တဲ့ အတိုင်း စာအုပ်ပုံကြီး ရှင်းနေတာ ဗျို့ အားတော့နာပါတယ်ဗျာ " ဟု ကိုဆန်းအား လွန်စွာမှ ရိုကျိုးသော မျက်နှာပေးဖြင့် လောကဝတ်ပြုလိုက်လေတော့သည်။

" အာ မဟုတ်တာ ဆရာရယ် ရပါတယ် အား ပါး ပါး ရှယ်စာအုပ်တွေချည်းပါလား ဘယ်တုန်းက ဝယ်ထားတာတွေလဲ မသိ " ဟု ရေရွတ်လျက် အလွန်အင်မတန် သဘောကျ ပုံပေါက်နေသည့် ကိုဆန်းမှာ စာအုပ် တအုပ်ကို ကောက်ကိုင်ရင်း

"မေးစရာရှိလို့ ဆရာရေ ကျွန်တော့်ညီ အိမ်မှာ လာကျောင်းတက်နေတာဗျာ ဒီမနက် Article တွေအကြောင်းမေးတော့ ကျွန်တော့်မှာ ရမ်းဖြီးလိုက်ရသေးတယ် အဲ့ဒါ ဆရာကိုစိုးမိုးဆီ မေးချင်လို့ ထွက်လာရင်း စကားလည်း ပြောရင်းပေါ့ ဆရာရယ် ဟဲ ဟဲ " ဟု ရယ်ကျဲကျဲဖြင့် ကိုဆန်းတယောက် အလွန်အားနာသည့် အသွင်ဖြင့် ပြောလေတော့သည်။

" ရတယ် ကိုဆန်း ဒီလိုပဲ ကျွန်တော်ဆို တက္ကသိုလ်ကျောင်းသားဘဝအထိ ရွာလည်ခဲ့တာ a ,an ,the ဆိုပြီး Article လေး သုံးလုံးထဲ ရှိပါတယ် အဲ့သုံးလုံးတည်းတောင် မရပါလား ဆိုပြီး အကြီးအကျယ် စိတ်ဓာတ် ကျဖူးတယ် ဗျို့ လာဗျာ ခဏထိုင် ရေအရင်ချိုးပြီး မှ လဖက်ရည်ဆိုင် သွားရင်း လေကန်ကြတာပေါ့ ကိုဆန်းရာ" ဟုပြောရင်း အမြန်ရေမိုးချိုး၍ ထိုင်စောင့်နေသော ကိုဆန်းကို ကျွန်ုပ် လွန်စွာမှပင် အားနာနေမိလေတော့သည်။
ဩစတေးလျ နိုင်ငံသူ မိခင်လိုခင်မင်ရသည့် Wendy လက်ဆောင်ပေးခဲ့သည့် Goat Milk ဆပ်ပြာအမွှေးတုံးဖြင့် ရေချိုးပြီးသကာလ ဆိုင်ကယ်ဖြင့် ကျွ်န်ုပ်နှင့် ကိုဆန်း ၂ ဦးသား ထိုင်နေကျ နောင်ရိုး ၁ ကဖီးသို့ ဆိုင်ကယ် ကိုယ်စီဖြင့် ထွက်လာကြလေတော့၏။

" ကဲ ကိုဆန်းရေ Article အကြောင်း ပြောမယ်ဆို Noun အကြောင်းက စလိုက်ကြရအောင်ဗျာ " ဟု အလွန်အင်မတန် တက်ကြွနေသော ကိုဆန်းအား ပြောလျက် လဖက်ရည် ချိုကျ နှစ်ခွက် လှမ်းမှာလိုက်လေတော့သည်။ပြီးတော့မှ

" ဒီလိုဗျ ကိုဆန်းရ Noun ၂မျိုးရှိတယ်ဗျ

Countable Noun ရေတွက်ရသောနာမ်
Uncountable Noun ရေတွက်မရသော နာမ်ဆိုပြီး

Countable Noun တွေအတွက်ပဲ Article သုံးရတယ်ဗျ Uncountable Noun တွေကျတော့ a ,an ,the မထည့်ရဘူး။ ခင်ဗျားနားလည်အောင် ဥပမာနဲ့ ရှင်းမယ်ဗျာ " ဟုပြောလျက် ကျွ်န်ုပ်ရှေ့၌ အရန်သင့်ရှိနေသော ရေနေ့ခွက်ကို မြောက်လျက်

" ဒီရေနွေး ဆိုပါတော့ဗျာ ရေတွက်လို့မရတဲ့ Noun ပေါ့ တခု နှစ်ခု လို့ရေတွက်မရဘူးပေါ့ဗျာ uncountable Noun တွေကို ပမာဏ ပဲ ထည့်ပြောရတယ်ဗျ ဥပမာ

A cup of tea ပေါ့ a cup ဆိုတာ ပမာဏလေ ဟုတ်တယ်မလား

Countable noun တွေကျ တော့ ရေတွက်ရတော့ သူတို့ကိုကျတော့ Article တွေဖြစ်တဲ့ A တွေ an တွေ ထည့်သုံးပေးရတယ်ဗျ " ဟု ဆိုလျက် ချောင်းတချက်ဟန့်ကာ စကားကို ဆက်လိုက်၏။

"Article 2 မျိုးရှိတယ်ဗျ "

☆ aနဲ့ an ကို Indefinite Article (အင်ဒက်ဖနိတ် အာတီကယ်)လို့့ခေါ်ပြီး
☆the ကိုကျတော့ Definite Article (ဒက်ဖနိတ်အာတီကယ်)လို့ခေါ်တယ်ဗျ

" မဆိုးဘူး ဆရာ ကျွန်တော် နားလည်သလို ရှိလာပြီ"

ဟု အထာပါသည့် မျက်နှာပေးဖြင့် ကျွ်န်ုပ်ထံမှ ဆက်မည့် စကားကို စိတ်ဝင်စားစွာ ငံ့လင့်နေလေ၏ ။

" အရမ်းအရေးကြီးတယ် ကိုဆန်းရ a နဲ့ an ကို တချို့တွေက တခု ၊တကောင်၊ တယောက်လောက် ပဲ သိတာဗျ တကယ်က ဘယ်သူ ဘယ်ဝါရယ်လို့ အတိအကျ မဖော်ပြပဲ Countable Noun တစ်ခုကို ပထမ ဆုံးအကြိမ် သုံးတဲ့အခါ an ,an မဖြစ်မနေ ထည့်ပေးရတယ်ဗျ မြန်မာလို " #ဆိုတာ လို့ ဘာသာပြန်ရမယ်ထင်တယ်ဗျာ ကျွန်တော်ရေးပြမယ် ကိုဆန်း သေချာကြည့် ။

A dog is an anminal . ခွေးဆိုတာ တိရစ္ဆာန်ပဲ

အဲ့ဝါကျကို "ခွေးတစ်ကောင်သည် တိရစ္ဆာန်တစ်ကောင် ဖြစ်သည်" လို့ ဘာသာပြန်လိုက်ရင် သွားပြီလေ"

"မိုက်တယ်ဆရာ ဆက်ပါဦး သိချင်လာပြီ ကျွန်တော် လည်း တခုတကောင် တယောက် လို့ပဲ သိထားတာဆရာရဲ့ ဆရာပြောမှ "ဆိုတာ" လို့ အဓိပ္ပါယ်ရှိမှန်း ခုမှသိတယ်ဗျာ " ဟု အလွန်သဘောကျ နှစ်ခြိုက်စွာ ပြုံးလျက် လဖက်ရည် တကျိုက်မော့၍ နားထောင်နေလေ၏။

" ဟုတ်တယ် ကိုဆန်း အာတီကယ် တွေက လွယ်မလိုနဲ့ လည်တက်တယ် မသုံးတတ်ရင် တိုင်ပတ်နေရောဗျို့ "ဟုရေရွတ်လျက် နှစ်ဦးသား သဘောအကျကြီး ကျလျက် ပြိုင်တူ ရယ်မော မိကြလေ၏။

"ဆက်မယ် ကိုဆန်းရေ ခုနက a dog ဆိုတာ ကျွန်တော့်ခွေး ခင်ဗျားခွေး ဘယ်ခွေးရယ်လို့ အတိအကျ ပြောတာမဟုတ်ပဲ ခြေလေချောင်းရှိတဲ့ အမြီးရှိတဲ့ ဒီကမ္ဘာပေါ်က ဘယ်ခွေးကို မဆို ပြောတာဖြစ်နိုင်တယ်လေ

A cat likes meat .
ကြောင်ဆိုတာ အသားကြိုက်တယ်။

"အဲ့မှာကြည့် meat ရှေ့မှာ a လည်းမပါဘူး an လည်းမပါဘူး တွေ့လား uncountable noun ဖြစ်နေလို့ဗျ" ဟု ကျွ်န်ုပ်မှ စာရွက်ကိုထောက်ပြလိုက်ရာ ကိုဆန်းက

"ဟုတ်တယ်ဗျို့ ခုမှ သိတော့တယ် ဆရာရေ " ဟု အလွန် နှစ်ခြိုက်စွာပြုံးလျက်

" ရေတွက်ရတဲ့ Cat ရှေ့မှာ a ထည့်လိုက်တယ် meat ရှေ့မှာကျ Zero Article ပေါ့ ဟုတ်တယ်မလား ဆရာ" ဟု ကျွ်န်ုပ်အား မေးလေတော့သည်။

"တော်တယ် ကိုဆန်း ခင်ဗျားနားလည်သွားပြီဆိုတော့ နောက်တခု ဆက်ရအောင်
ဒီလိုဗျ

He is a farmer ဆိုရင် သူက လယ်သမားပါ။
This is a pen . ဒါက ဖောင်တိန်

အဲ့သဘောဗျ အဲ့တော့ ခင်ဗျား a ,an တွေ့တိုင်း တခု တကောင် တယောက် ဆိုတဲ့ ဗီဇ ကြီးကို ဖျောက်တော့ဗျို့ "ဟု ကျွန်ုပ်မှ ရယ်လျက်ပြောလိုက်ရာ ကိုဆန်း တယောက်မျက်နှာကြီး ရဲလျက် ရှိနေလေတော့သည်။

"စတာပါဗျာ ကဲ ဆက်သွားရအောင်ဗျာ လွယ်မယောင်နဲ့ ခက် တိမ်မယောင်နဲ့ခက် တာလေးတွေပြောပြဦးမယ်ဗျ ဥပမာဗျာ ခုနက ဝါကျ a dog is an animal ကို အများပြောင်းမယ်ဆို

Dogs are animals . ဖြစ်သွားရောဗျ
"ခွေးတွေဟာ တိရစ္ဆာန် တွေလေ "

အဲ့လို singular နဲ့ Plural လေ့ကျင့်ခန်းလေး အပြန်လှန် လုပ်ကြည့် လွယ်မယ် မထင်နဲ့ ကိုဆန်းရေ တချို့ဆို The dogs are animals တွေ ဘာတွေ လျှောက်ရေးကြရော.

"ဟာ ဟုတ်တယ် ဆရာသမားရေ ကျွန်တော်တောင် ခုစိတ်ထဲ The dogs လုပ်နေတာ ဗျ " ဟု လွန်စွာအံ့အားသင့်လျက် ကြောက်လန့်တကြား ထအော်လေတော့သည်။

"ဟား ဟား တွေ့တယ်မလား ကိုဆန်းရေ အဲ့ဒါပဲ တချို့ အင်္ဂလိပ်စာ သင်တဲ့ ဆရာတွေတောင် မှားကြတယ်ဗျ ကဲ ခု ဆက်ပြောမှာက ခင်ဗျားပြောတဲ့ တခု တကောင် တယောက် ဆိုတဲ့ အဓိပ္ပါယ်နဲ့ သုံးတဲ့ a ,an အကြောင်း လာပြီဗျာ " ဟု ပြော၍ ရေနွေးငှဲ့ကာ ကိုဆန်းအား တခွက်လှမ်းပေးလိုက်၏။

"There's a dog there ."
ဟိုမှာ ခွေးတစ်ကောင်"
ဒီဝါကျရဲ့ အဓိပ္ပါယ်က ဟိုမှာ ဘာရှိလဲ မေးရင် ခွေးတော့ ခွေးပဲ ဘယ်သူ့ခွေး ဘယ်ဝါ့ခွေး ဆိုတာ မပါဘူးဗျ ကိုဆန်းရ ပထမဆုံးကျွန်တော်ရေးပြတဲ့ a dog နဲ့ ခုပြောတဲ့ a dog မတူတော့တာ ကိုပြောနေတာနော် ကိုဆန်း ပထမ အဓိပ္ပါယ်က ယေဘုယျ သဘောဗျ ခုက တကောင် ဆိုတဲ့ သဘော ပါလာပြီ ဘောင်ကျဉ်းသွားပြီ။ သူ မြင်နေရတဲ့ ခွေးတကောင် ကိုပြောတာ a pen ဆိုတာ လည်း သူရနိုင်တဲ့ ဖောင်တိန်ကိုပဲ ပြောချင်တာဗျ " ဟု ရှင်းပြရာ ကိုဆန်း ကျေနပ်စွာ ပြုံးလိုက်သည်ကို ကျွန်ုပ်တွေ့လိုက်ရ၏။ ပြီးမှ

" a တွေ an တွေပါတဲ့ Noun ကို အများပြောင်းတဲ့အခါ ရှေ့က some ထညိ့ပေးရတယ်ဗျ

There's a dog there. ကို အများပြောင်းလိုက်ရင်
There are some dogs there . လို့ဖြစ်သွားရော"

" ဟား ရှင်းသွားပြီ ဆရာစိုးမိုးရေ ကွက်ကနဲ ကွင်းကနဲ ကို ရှင်းသွားတာ ဒီည ကျွန်တော် ဒီဝိုင်း တာဝန်ယူမယ်ဗျို့ "ဟုေ ပြာလျက် လွန်စွာမှပင်သဘောကျနေလေတော့၏။

"မပြီးသေးဘူးကိုဆန်း လာဦးမယ် an ကို ကျွန်တော်တို့ကျောင်းမှာ a,e,i,o,u ဆိုတဲ့ Vowel ၅ လုံးရဲ့ရှေ့မှာ ထားရမယ်လို့ သင်ခဲ့ဖူးတယ်ဗျ တကယ်ဆို an ကို "အ" အသံထွက်တဲ့ countable noun ရှေ့မှာ ထားရတာဗျ ကလေးတွေ မှတ်ရလွယ်အောင် သင်ပေးခဲ့တာဖြစ်မယ်ဗျ ။ ကြီးလာတော့

an university တို့ a hour တို့ရေးကုန်ရော
A useful thing
A Europian

တကယ်က
Universityမှာ ရှေ့သံက "ယူ"လို့ထွက်တော့ a ပဲ လိုက်ရတာဗျ အသံနဲ့ မှတ်တော့ hour အာဝါ ဆိုတော့ an လေးထည့်ရမယ်ဆိုတာ တန်းသိသွားရောလေ အသံနဲ့ မှတ်တာ ပိုကောင်း ပိုလွယ်တယ် ကိုဆန်းရေ" ဟု ကျွန်ုပ်မှ ဆိုလိုက်ရာ

"အားပါပါး ဆရာပြောမှ ပိုနားလည်ပြီဗျို့ အသံနဲ့ပဲ မှတ်တော့မယ်ဗျာ " ဟု နှစ်ခြိုက်လွန်းစွာ ပြုံး၍ ကိုဆန်းဘဝင်အလွန်တွေ့နေလေတော့၏။

" ကဲ ဒီလောက်ဆို a နဲ့ an ရဲ့ သဘောတရား ခင်ဗျား ကောင်းကောင်းနားလည်သွားပြီ ဆိုတော့ အာတီကယ် a ,an တွေ မထည့်ရမယ့် နေရာတွေ ပြောပြဦးမယ်ဗျို့

Omission of Article အာတီကယ်ချန်လှပ်ခြင်းပေါ့ဗျာ။

Noun တွေကို အကျယ်ပြန့်ဆုံး အဓိပ္ပါယ်အနေနဲ့ ပြောမယ်ဆို အာတီကယ်မထည့်ရဘူးဗျ ဥပမာဗျာ

Man is mortal . လူဆိုတာ သေမျိုးပဲ
ဒီဝါကျမှာ အာတီကယ်မပါတော့ လူတစ်မျိုးလုံးကို ဆိုလိုတာဖြစ်သွားပြီ အရမ်းကျယ်ပြန့်သွားပြီ အဓိပ္ပါယ်က

Woman is man's mate.
မိန်းမဆိုတာ ယောက်ျားရဲ့ အဖော်ပဲ

တွေ့လားကိုဆန်း woman က မိန်းမ တစ်မျိုးလုံးကို ဆိုလိုလိုက်တာ ကျယ်ပြန့်သွားပြီ။

I don't like this type of watch . ဒီလိုနာရီ ပုံစံမျိုးတွေကို မကြိုက်ဘူး

ပုံစံတူ နာရီတိုင်းကိုပြောတာဖြစ်သွားပြီလေဗျာ ။
အဲ့အချက်မှာ လူတွေ လည်သွားတာဗျ တကယ်က ထည့်လည်းရတယ် ၊ မထည့်လည်းရတယ် ဆိုတဲ့ အဓိပ္ပါယ်မဟုတ်ဘူးဗျ ။ အဓိပ္ပါယ်ကျန်ပြန့်စေချင်လို့ကို အာတီကယ် မထည့်ထားတာ"ဟု စိတ်ပါဝင်စားလွန်းလှစွာ နားထောင်နေသော ကိုဆန်းအား ရှင်းပြလိုက်သောအခါ ငြိမ်သက်စွာ တချိန်လုံး နားထောင်နေသော ကိုဆန်းက

" Oh My God ပေါက်ပြီဆရာ ပေါက်ပြီ ပေါက်ပြီဟု လက်သီးလက်မောင်းတန်း၍ ထအော်ရာ ဘေးဝိုင်းမှ ကောင်မလေးတသိုက်မှ ကိုဆန်းအား ဘုရှိုးရှိုးနေသည် ကို အမှတ်မထင် တွေ့လိုက်ရသည်။

" အေးပါဗျာလန့်တောင်လန့်တယ် ကိုဆန်းရာ" ဟု ကျွ်န်ုပ်မှ ရှက်ကိုးရှက်ကန်း ဘေးဝိုင်းသို့ ကြည့်ကာ ကိုဆန်းအား ပြောလိုက်လေတော့သည်။ ပြီးမှ အာတီကယ်များအကြောင်း ပြောလက်စ စကားကို စ၏ ။

"အာတီကယ် မသုံးရမယ့် နေရာတွေ ဆက်ပြောဦးမယ် သေချာမှတ် ကိုဆန်းရေ

-ဘွဲ့နာမည်တွေ ရှေ့မှာ အာတီကယ်မပါဘူး
Lord Buddha

- General Aung San
ဗိုလ်ချုပ်အောင်ဆန်း

-အတိအကျရေးနေကျ Phrase တွေရှေ့မှာဥပမာဗျာ
-at home ,at school ,at dinner,at breakfast ,at sunrise, at noon ,at night , by day,by night,by hand ,by name,by sea.စသဖြင့်ပေါ့ကိုဆန်းရာ

"ကဲ ကိုဆန်းရေ indifinite article ပြီးတော့ definite article ဖြစ်တဲ့ "the" အကြောင်း ပြောမယ်ဗျာ ပြီးမှ the မသုံးရမယ့် နေရာတွေအကြောင်း ထပ်ပြောမယ်။

ိုဘယ်နေရာတွေမှာသုံးရမလဲဆိုတော့ဗျာ
the ကို definite article လို့ခေါ်တယ်နော်

Definite ဆိုတာ သေချာတဲ့သဘောကိုပြောတာ ကိုဆန်းရ ပစ္စည်းတခုကို ဘယ်သူ့ ဥစ္စာ ဘယ်ဝါ့ဥစ္စာ ဆိုတာ သိပြီးသားဆို the ကိုသုံးရတယ်ဗျ ဥပမာလေးတွေပေးမယ်ဗျာ နားလည်သွားအောင်" ဟုဆိုကာ ကျွ်န်ုပ်ရှေ့၌ ရှိနေသော စာရွက်နှင့် ဘောလ်ပင်အား ကောက်လျက် ဝါကျတကြောင်းရေးပြလိုက်လေတော့ သည်။

The boy is clever ဆိုပါတော့ဗျာ ဒီဝါကျ မှာ the boy ဆိုတာနဲ့ ခုနက အဲ့ကောင်လေးအကြောင်း ပြောခဲ့ပြီးသားဖြစ်မယ်။ သိနေတယ် ဘယ်ကောင်လေးဆိုတာလည်း။ ထပ်ရေးပြမယ်ဗျာ

A book is made of paper. စာအုပ်ကို စက္ကူနဲ့လုပ်တယ်

ဒီဝါကျက A BOOK ဆိုတာ ကမ္ဘာပေါ်မှာရှိတဲ့ ဘယ်စာအုပ်ကို မဆို ဆိုလိုတာ ဖြစ်တယ်လေ

ဟောကြည့် ခုရေးပြမယ်

I see a book .(ကျွန်တော်မြင်နေရတဲ့ စာအုပ်တအုပ်ကို ပြောချင်တာ)

The book is very interesting .ဆိုရင် ခုနက ပြောတဲ့ စာအုပ်ဆိုတာ ပိုသေချာသွားတာပေါ့ ကိုဆန်းရာ the book ဆိုတာ ကျွန်တော်ရော ခင်ဗျားရော ခုနကလေးတင်ပြောနေကျတဲ့ ကျွန်တော်တို့ရှေ့မှာ ရှိတဲ့ စာအုပ် ဖြစ်သွားပြီဗျ ။ the ပါလာတာနဲ့ ဘာဆိုတာ ပြောသူ နားထောင်သူ သိပြီးသားဖြစ်နေတာလေ" ဟု ဝါကျများရေးလျက်ရှင်းပြလိုက်ရာ ကိုဆန်းတယောက် ခေါင်းတညိတ်ညိတ်ဖြင့် စဉ်းစားခန်း ဝင်နေလေတော့၏။

" the မှာလည်း ထူးခြားချက်တွေ ရှိတယ်ဗျ ခုနက အစောပိုင်းက ပြောခဲ့တဲ့ countable noun တွေရော uncountable noun တွေရော တခုတွေရော အများတွေရော ကြိုက်တာနဲ့ ရေးလို့ရတယ်ဗျ ။ the က စွယ်စုံရတော့ လူတွေက အားနေ the ပဲ မျက်စောင်းထိုးပြီး ထည့်ချင်နေကြပြန်ရော ကိုဆန်းရေ"ဟုပြောလျက် အာခြောက်လာသဖြင့် ရှေ့ရှိကိုဆန်း အဆင်သင့် ငှဲ့ထားပေးသော ရေနွေးခွက်အား ဂလု ကနဲမြည်အောင် အရှိန်ဖြင့် မော့ချလိုက်လေတော့သည်။

"လောလောဆယ်တော့ the တကယ်သုံးရမယ့် နေရာတွေ ဆက်ပြောရအောင်ဗျာ

လောကကြီးမှာ သူတခုတည်း ရှိတဲ့ အရာမျိုးတွေကိုပြောရင် the ထည့်ပေးရသဗျ ဥပမာ နေ တို့ လ တို့ ကမ္ဘာတို့ ဆိုရင် The moon ,The sun ,the earth အစရှိသဖြင့်ပေါ့ဗျာ။ အဲ ကိုယ့်ပတ်ဝန်းကျင်မှာ သူတခုတည်း ရှိတဲ့ နေရာမျိုးတွေ အရာဝထ္ထုပစ္စည်းတွေ ဆိုလည်း the ထည့်ပေးရတယ်ဗျ ဥပမာဗျာ အပေါ်ကို ကြည့် the fan ပန်ကာ ဆို ဒီဆိုင်မှာ ရှိတဲ့ ကျွန်တော်တို့မြင်နေရတဲ့ ပန်ကာကိုပဲ ဆိုလိုတာဗျ။ the station ဆိုလည်း ကျွန်တော်တို့ ပုသိမ်မှာတခုတည်းရှိတဲ့ ဘူတာ ပေါ့ဗျာ

-နောက် အမြင့်ဆုံးပြ Adj တွေရှေ့မှာ the ထည့်ရတယ် ဥပမာ the best teacher အကောင်းဆုံးဆရာ (သူ့လောက်တခြားဆရာတွေ မတော်ဘူး)

The most beautiful girl အလှဆုံးမိန်းကလေး ဆိုလည်း သူ့လောက်လှတဲ့ မိန်းကလေး မရှိတော့ပဲ သူပဲ ပြိုင်ဘက်ကင်းလှတယ်ဆိုတဲ့ သဘောပေါ့ဗျာ။

The poorest woman ဆိုရင်လည်း သူက အမွဲဆုံး အဆင်းရဲ ဆုံး အဲ့ဒါကြောင့် the ထည့်ပေးရတယ်ဗျ။ "

"ကိုစိုးမိုနဲ့ တွေ့မှပဲ အကုန် လုံး ရှင်းကနဲ လင်းကနဲ သိရတော့တယ်ဗျို့ ဒါနဲ့ အဲ့ the ကိုရော မသုံးရတဲ့ နေရာတွေရော ရှိလားဗျ ပြောပြပါဦး "ဟု ပိုင်နိုင်စွာ သိချင်လွန်းလှသော အကြည့်ဖြင့် ကိုဆန်းမေးလေတော့သည်။

" သိပ်ရှိတာပေါ့ ကိုဆန်းရာ မေးလည်း မေးသင့်တယ်ဗျာ ခုနက a တွေ an တွေ မသုံးရမယ့်နေ ရာတွေ ရှိသလို the မသုံးရမယ့် နေရာတွေ ရှိတယ်ဗျ ဒီလို ဒီလို

-သွားနေကျ လာနေကျ ထိတွေ့နေကျ Noun တွေ အထူးသဖြင့် နေရာပြ noun တွေကို ပြောတဲ့ ရေးတဲ့အခါမှာ the မထည့်ရဘူးဗျ ။ အဲ့ဒါ သိပ်အရေးကြီးတယ် သေချာမှတ် ကိုဆန်းရေ

ဥပမာ အိပ်ယာ ဗျာ bed.ဆိုပါတော့ သူ့ ပင်မ ရည်ရွယ်ချက်ကိုက အိပ်ဖို့ ပဲလေ အဲ့တော့ အိပ်ဖို့ဆို go to bed ပဲ to the bed ဆိုရင် ခင်ဗျား အိပ်ဖို့ မဟုတ်ဘူး ။ အဲ့ဒါ ခင်ဗျား အိပ်ယာနားက ပစ္စည်းတခုခု ယူဖို့သွားတာမျိုး ဖြစ်သွားပြီ။

He went to the bed . ဆိုရင် သူ အိပ်ခန်းထဲကို တခြားအကြောင်းနဲ့ သွားတာဖြစ်သွားပြီဗျ ။ အဲ့ သဘောပဲ go to school ဆို ကျောင်းတက်ဖို့ ကျောင်းသားတယောက်အနေနဲ့ သွားတာ ။ အဲ့ဒါ ကို ခင်ဗျားက Go to the school လို့ the ထည့်လိုက်ရင် ခင်ဗျား ရည်းစားဟောင်း ဆရာမလေးကို သွားတွေ့တာမျိုး ဖြစ်သွားရော ဟီး " ဟု ကျွ်န်ုပ်က နောက်လိုက်ရာ ကိုဆန်းတယောက် လွန်စွာမှ ပင် ရှက်သွားပြီး

" ဟာ ကိုစိုးမိုးက လုပ်ပြီဗျာ" ဟု ပြုံးဖြီးဖြီးဖြင့် အလွန်အင်မတန်ကျေနပ်စွာ ပြောလေတော့သည်။

"ဆက်ပြောမယ် ဗျာ ရေးလည်းပြမယ်

to prison က - အကျဉ်းသားအဖြစ် ထောင်ကျတာ
to the prison ဆိုတော့ ထောင်ဝင်စာသွားပို့တာပေါ့ဗျာ ဒါမှ မဟုတ် ထောင်ဝန်ထမ်း သူငယ်ချင်းဆီ သွားလည်တာ မျိုး

to college ဆိုရင် ကောလိပ်သွားတက်တာ
to the college ကျတော့ စာသင်ဖို့မဟုတ်ပဲ တခြားကိစ္စနဲ့ သွားတာဗျ

to hospital. ဆိုရင်. လူနာအဖြစ်ဆေးရုံတက်ရတာ
to the hospital ဆိုတော့ ကိုယ်က လူမမာ သွားမေးလို့သွားတာမျိုး

to market ဆို စျေးဝယ် စျေးရောင်းသွားတာ
to the market ဆိုတော့ တခြားကိစ္စနဲ့သွားတာ

to sea ဆို သင်္ဘောသားအဖြစ် ပင်လယ်ကိုသွားတာ
to the sea ကျတော့ အလည်အပတ် ရေသွားကူးတာမျိုးပေါ့

to church ဆို ဝတ်ပြုဖို့သွားတာ
to the church ဆိုတော့ အလည်အပတ်ပေါ့ဗျာ ဒီလောက်ဆို ကိုဆန်းသဘောပေါက်လောက်ပြီထင်တယ်နော် " ဟု မေးလေရာ ကိုဆန်းက အလွန်လျင်မြန်အောင် ခေါင်တတွင်တွင် ညိတ်လျက် နားလည်ကြောင်း ကျွန်ုပ်အား တုံ့ပြန်လေတော့၏။

"ကျန်သေးတယ်ဗျ phrase တွေမှာ တိကျအောင် the ထည့်ရတာလေး ပြောဦးမယ်ကိုဆန်းရေ

The girl with the blue sweater ဆွယ်တာအပြာနဲ့ ကောင်မလေး
တွေ့လား ကောင်မလေးတောင် ဆွယ်တာအပြာလေးနဲ့ တယောက် ဆိုတော့ တိကျလို့ the ထည့်ထားတာ။

နောက် the ထည့်ရမယ့်နေရာတွေက

မြစ်တွေ ၊ ပင်လယ်တွေ ၊ သမုဒ္ဒရာတွေ၊ ပင်လယ်ကွေ့တွေ တောင်တန်းတွေ ၊ကျွန်းစုနာမည်တွေ ၊ တွေရဲ့ နာမည်တွေ ၊ အရေးကြီးတဲ့ အဆောက်အအုံတွေ ၊

The Chindwin river
The Titanic
The Himalayas
The Sahara

နောက်ကျန်သေးတယ်ဗျ singular Noun တွေနဲ့ Adj. တွေရှေ့မှာ the ထည့်လိုက်ရင် အတန်းစား တရပ်လုံးကို ကိုယ်စားပြုသွားရော ကိုဆန်းရေ

ဥပမာပြောပြမယ်

The cow gives us milk. နွားမ(တစ်မျိုးလုံး)ဟာ နို့ပေးတယ်. တွေ့လား အဲ့လိုဖြစ်သွားရော

The ant is industrious .ပုရွက်ဆိတ် တစ်မျိုးလုံးဟာ လုံ့လကောင်းတယ်။

Adj အတွက်ဆိုရင်လည်း ရှေ့က the ထည့်လိုက်တာနဲ့ အတန်းစားကြီးတရပ် ဖြစ်သွားရော

The rich should help the poor.
ချမ်းသာသူများဟာ ဆင်းရဲသူများကို ကူညီသင့်တယ်။

We pity the blind and the deaf.
မျက်စိကန်းသူများနှင့် နားမကြားသူများကို ကျွန်တော်တို့ သနားကြတယ်။"

ဟု ကျွ်န်ုပ်မှ စာရွက်ပေါ် ချရေးလျက် ကိုဆန်းအား အသေချာ ရှင်းပြလိုက်လေတော့သည်။

" ကျေးဇူးအထူးတင်ပါတယ် ဆရာကိုစိုးမိုးရယ် ခုတော့ ကျွန်တော် article လို့ခေါ်တဲ့ ဒီ a ,an ,the တွေကို ဆရာ့ကျေးဇူးနဲ့ ကောင်းကောင်းကြီးကို သိသွားပါပြီဗျာ။ ဆရာ ကိုစိုးမိုး ဖွင့်မယ့် ၁၀ လပိုင်း 14ရက်နေ့ ဆရာစိုးမိုးအောင် အွန်လိုင်း အင်္ဂလိပ်စကားပြောသင်တန်း Batch 7 လည်း အောင်မြင်မှာပါ ဆရာ ၊ ဆရာ့လို ဆရာမျိုးနဲ့ ဆို အွန်လိုင်းပေါ်မှာပဲ စကားပြောသင်သင် အပြင်မှာပဲ သင်သင် ဖြစ်ဖြစ်မြောက်မြောက်တတ်မယ် ဆိုတာ ကျွန်တော်တော့ အတိအကျ အသေချာကြီးကို အာမခံရဲတယ်ဗျို့ "

ဟု ကျွန်ုပ်အား ဟိမဝန္တာ ချီးမွန်းခမ်းးဖွင့် ၍ ကျွန်ုပ်အား နှုတ်ဆက်ပြီးသကာလ ကိုဆန်းတယောက် သူနေထိုင်ရာ ပုသိမ်ကြိုးတံတားဘက်ဆီသို့ သုတ်ချေတင်၍ ၎င်း၏ Super Cub မော်တော်ဆိုင်ကယ်လေးဖြင့် ထွက်ခွာသွားသည့် သကာလ ကျွ်န်ုပ်လည်းမိမိ၏ ဘူမိနက်သန် နေအိမ်လေးဆီသို့ မိုးဒေဝါ အငြိုးတွေဖြင့် မရွာခင် ဆိုင်ကယ်စက်နှိုး၍ တချိုးတည်းပြန် လစ်လေတော့သတည်း။

ဆက်လက်ကြိုးစားပါဦးမည်

ဆရာစိုးမိုးအောင်
(Tour Guide- English)

တယောက်ယောက်ကို စတဲ့ နောက်တဲ့ နေရာမှာ သုံးနိုင်တဲ့ အသုံးနှုန်းလေးတွေကို ဒီဆောင်းပါးလေးမှာဖော်ပြပေးထားပါတယ်။

တယောက်ယောက်ကို စတယ် နောက်တယ် ဆိုတာ လူမျိုးတိုင်း နိုင်ငံတိုင်းမှာ ရှိပါတယ်။ခု အောက်မှာ ပြောပြသွားမယ့် စကားလုံးတွေကတော့

Have (Sbd) on = .......(ကို)...နောက်ပြောင်သည်။ စသည်။

တယောက်ယောက်ကို ကိုက စနောက်တယ် ဆိုရင် have ( Sbd ) on နဲ့ ပြောဆိုသုံးစွဲနိုင်ပါတယ်။

(Sbd ) ဆိုတာ object တခုခုထည့်ရမယ်လိုပြောချင်တာပါ။‌ Phrasal Verb နှစ်ခုကြားမှာ obj တခုခု ထည့်သုံးနိင်တယ်ဆိုတဲ့ သဘောပါ။

အင်္ဂလိပ်လိုပြောမယ် ရေးမယ် ဆိုရင်တော့

Have (Sbd) on = to persuade someone that something is true when it is not, usually as a joke;

တခုခုမှားနေဝာာကို အမှန်လို ထင်မြင်သွားအောင် တယောက်ယောက်ကို ဖြားယောင်းဝာာပေါ့ဗျာ။

ဒီမှာကြည့်ပါ 👇👇👇

That's your new car? You're having me on!

ဒါမင်းရဲ့ကားသစ်လား? မင်းငါ့ကို လာနောက်နေတာပဲ။

ပုံစံတူတဲ့ တချိုစကားတွေကတော့

Are you kidding?

မင်းနောက်နေတာလား

Are you joking ?

မင်းလာစနေတာလား?(နောက်နေတာမလား)

Are you pulling my leg? (Idiomatic)

မင်းငါ့ကိုလာ‌နောက်‌နေတာလား?

နောက်ထပ်ပြောပုံတခုကတော့ 👇👇👇

🍀 You shouldn't make fun of other people mistakes.

သူများတွေရဲ့ အမှားကို မင်းမလှောင်သင့်ဘူး။

❤️Make fun of = လှောင်ပြောင်ခြင်း

I only did it for fun .

ကျွန်တော်က အပျော်သဘောနဲ့ လုပ်လိုက်မိတာပါ။

(For fun )

Soe Moe Aung

Tour Guide (English)

LL.B

Quiz Time

ညဏ်စမ်းပဟေဠိလေးတွေကို အတူတူဖြေကြည့်ရအောင်