Purple Feminists Group

"အမျိုးသမီးတစ်ယောက်ဟာ သူပိုင်ဆိုင်ထားတဲ့ သူ့ရဲ့ခန္ဓာကိုယ်မှာရှိတဲ့ အသားစိုင်တွေ၊ ကောက်ကြောင်းတွေ၊ အမို့အမောက်တွေကို အနုပညာဆန်စွာ သူ့ကိုယ်ပိုင်ရွေးချယ်ဆုံးဖြတ်တတ်တဲ့ဉာဏ်နဲ့ ဖော်ပြပိုင်ခွင့်ရှိတယ်။ ဒါ အမျိုးသားထုကြီးအတွက် ကာမရာဂလုံ့စော်ပေးနေတဲ့ အချက်ပြမှုတွေမဟုတ်ဘူး။ မုဒိန်းကောင်တွေအတွက် ဖိတ်ခေါ်နေခြင်းတွေမဟုတ်ဘူး။"
- Han ("Unheard Voices Heard by Heart" Performance)

"Unheard Voices Heard by Heart" Performance >>> https://youtu.be/C0yPFPCydHc?feature=shared

"ကျွန်မရဲ့ပတ်ဝန်းကျင်တွေမှာဆိုရင်တော့ ရာသီလာရင် နာကျင်ကိုက်ခဲတာ (menstrual pain) ဖြစ်ခြင်း၊ မဖြစ်ခြင်းမှာပါ နှိုင်းယှဉ်မှုတွေရှိနေတာကို တွေ့ရတယ်။ မနာကျင်ရပဲ strong women ပုံစံ၊ ရာသီလာတာကို တောင့်ခံပြီး ရုံးတက်တဲ့အခါ strong women ပုံစံမျိုး ခံယူနေကြတာကိုတွေ့ရတယ်။ တကယ်တော့ အဲ့ဒီနာကျင်မှုအပေါ်မူတည်ပြီး ခွဲခြားနေတာတွေက မဖြစ်သင့်ဘူးလို့ မြင်တယ်။"
- Phyu Lay

⭕ 𝗖𝗼𝗻𝘀𝗲𝗻𝘁 𝗖𝗼𝗺𝗲𝘀 𝗙𝗶𝗿𝘀𝘁 : A Workshop for Male Allies ⭕

“Consent” လို့ခေါ်တဲ့ အလိုသဘောတူညီမှုဟာ ကျန်းမာပြီး အပြန်အလှန် လေးစားမှုရှိတဲ့ ဆက်ဆံရေးတစ်ခုကို ပုံဖော်ရာမှာ အလွန်အရေးပါတဲ့ အရာတစ်ခုပဲ ဖြစ်ပါတယ်။ လူမှုအသိုင်းအဝိုင်းမှာ ပတ်ဝန်းကျင်ရဲ့ လူမှုမျှော်မှန်းချက်နဲ့ ယဉ်ကျေးမှုစံနှုန်းများကြောင့် လိင်ပိုင်းဆိုင်ရာ အကြမ်းဖက်မှုများနဲ့ အလွဲသုံးစားလုပ်မှုများကို အများအားဖြင့် အာဏာရရှိထားသူ အမျိုးသားများမှ ကျူးလွန်လေ့ရှိကြပါတယ်။

🔶 Purple Feminists Group မှ စီစဉ်ပြုလုပ်တဲ့ 𝗖𝗼𝗻𝘀𝗲𝗻𝘁 𝗖𝗼𝗺𝗲𝘀 𝗙𝗶𝗿𝘀𝘁 တစ်ရက်တာ အလုပ်ရုံဆွေးနွေးပွဲမှာတော့ ♂️ မြန်မာအမျိုးသားများအတွက် ♂️ အလိုသဘောတူညီမှုရဲ့ သဘောတရာနဲ့ အရေးကြီးပုံတို့ကို လေ့လာရမှာဖြစ်ပြီး အုပ်စုဖွဲ့ဆွေးနွေးခြင်းများ၊ Case Studiesများအား လေ့လာကာ နှီးနှောဖလှယ်ခြင်းများ ပြုလုပ်ကြမှာ ဖြစ်ပါတယ်။

🔶 သင်တန်းရဲ့ အဓိကရည်ရွယ်ချက်ကတော့ ကျန်းမာသော ဆက်ဆံရေးတစ်ခုအား ဖော်ဆောင်နိုင်စေရန် အမျိုးသားများရဲ့ ပါဝင်မှုကို အားသန်စေရန် ရည်ရွယ်ပြီး ပတ်ဝန်းကျင်အား အကြမ်းဖက်မှုနည်းသော၊ ဂျဲန်ဒါ ပုံသေကားချက်များအား အတူတူတိုက်ဖျက်နိုင်သော၊ ပိုမိုလုံခြုံစိတ်ချရသော ဝန်းကျင်တစ်ခုကို ဖန်တီးနိုင်စေဖို့ရာ ရည်ရွယ်ပါတယ်။

➰ ယခုသင်တန်းအား အသက် (၁၄)မှ (၃၅)နှစ်အတွင်းရှိသူ အမျိုးသားများ မည်သူမဆို စာရင်းပေးသွင်းနိုင်ပါတယ်။ အမျိုးသားသီးသန့်ဖြစ်တာမို့ သင်တန်းသားအချင်းချင်း အပြန်အလှန်လေးစားပြီး ပွင့်လင်းမြင်သာသော ဆွေးနွေးမှုများ ပြုလုပ်နိုင်မှာဖြစ်လို့ စာရင်းပေးသွင်းလိုက်တော့နော်။

🔅 သင်တန်းအကြောင်းအရာ အသေးစိတ်

အလုပ်ရုံဆွေးနွေးပွဲ - Consent Comes First : A Workshop for Male Allies

နေ့ရက် - ၂၀၂၄၊ နိုဝင်ဘာ (၁၆)ရက်နေ့ (စနေ့နေ့)
အချိန် - မနက် ၉နာရီမှ ၁၂နာရီအထိ (မြန်မာ)
လျှောက်လွှာပိတ်မည့်ရက် - နိုဝင်ဘာ (၈)ရက်နေ့
‌ကျင်းပမည့်နေရာ - Zoom

စာရင်းပေးသွင်းရန် - https://forms.gle/PJHvDZUP6KRKKVMG9

⚠️ လူဦးရေကန့်သတ်ထားပါသဖြင့် စိတ်ပါဝင်စားသူများအနေဖြင့် ဖောင်ကို စောနိုင်သမျှ စောစောဖြည့်၍ လျှောက်ထားဖို့အတွက် အကြံပြုလိုပါတယ်။

အသေးစိတ်အကြောင်းအရာအား Page Messenger မှဖြစ်စေ၊ အီးမေးလ် [email protected] သို့ဖြစ်စေ ဆက်သွယ်မေးမြန်းနိုင်ပါတယ်။
----
[In English]

“Consent” acts as a cornerstone of promoting mutual respect, equity, autonomy between relationships and intimacy. In the society, a numerous cases of s*xual violence, abuse and harassment are perpetrated by men due to societal norms around masculinity and power. By understanding and practicing consent, it helps men to become allies in preventing gender-based violence and challenging harmful gender norms.

This workshop is exclusively designed for men aged 14 to 35 to engage in a focus group discussion on the topic of consent. Through this session, participants will explore the meaning of consent, importance of consent, and how consent works. The goal is to create a supportive space where men can learn from informative discussion, reflect from case studies, and share their perspectives in a secure environment.

Workshop Details:

🔶 Title : Consent Comes First_A Workshop for Male Allies
🗓️ Date : 16th November 2024 (Saturday),
⏰ Time : 9:00 AM - 12:00 PM (MMT)
💻 Platform : Zoom

Register Here: https://forms.gle/PJHvDZUP6KRKKVMG9

Due to limited seats, we highly recommend to register as early as possible. Registration will be closed on November 8, 2024.

For any inquiries: contact us via page messenger (or) email: [email protected]

"အဝတ်အစားနဲ့ ပတ်သက်လာရင် အတိုဟာ ရိုင်းစိုင်းခြင်းကို ဖော်ပြတယ်လို့ ကျွန်မတို့မိန်းကလေးတွေကို သင်ပေးခဲ့ကြတယ်။ ဒါကို ကျွန်မ ၁၁နှစ်အရွယ်ကတည်းက သတိပြုမိခဲ့တယ်။ ငယ်ငယ်ကတည်းက စကပ်အတိုဝတ်ရတာကို ကျွန်မ နှစ်သက်တယ်။ ဒါကို "မင်းက ပြည့်တန်ဆာနဲ့ တူတယ်။ ယောက်ျားတွေကို မြူဆွယ်ဖို့ အဲ့လိုဝတ်တာလား" လို့ ကျွန်မ အကိုတစ်ယောက်က ပြောခဲ့ဖူးတယ်။ အသက် ၁၁ နှစ်အရွယ်မှာတင် အိမ်မှာနေရင် ဘယ်လိုဝတ်ရမလဲနဲ့ လူအများရှေ့မှာ ဘာဝတ်သွားရမလဲဆိုတာကို ကျွန်မ တွေးပူလာတတ်တော့တယ်။"
- Nandar (Writer, Feminist Activist)

"အမျိုးသမီးရှေ့နေဘဝက လွယ်တော့ မလွယ်လှဘူးလေ။ အသားယူချင်တဲ့ဆရာနဲ့တွေ့ရင်လည်းမလွယ်၊ လိုင်စင်ရခါစရှေ့နေမို့ တစ်ယောက်တည်းရပ်တည်ဖို့ကလည်း မလွယ်နေတော့ ဆရာမတွေကိုလိုက်ရှာရတယ်။ အဆင်မပြေပါဘူး။ အများစုက အလုပ်သင်ပဲလိုချင်ကြတာလေ။"
- Hsu Myat San (Feminist Literature Competition Round-3)

"အမျိုးသားတစ်ယောက်အနေနဲ့ မွေးဖွားလာပြီး ကိုယ့်ကိုယ်ကို အမျိုးသမီးတစ်ဦးလို့ ခံယူထားကြတဲ့ (ဒါမှမဟုတ်) အမျိုးသမီးတစ်ယောက်အဖြစ် မွေးဖွားလာပြီး ကိုယ့်ကိုယ်ကို အမျိုးသားလို့ ခံယူထားကြတဲ့ Transgender တွေအတွက် မှတ်ပုံတင်ထဲမှာ တရား၀င်နာမည်ပြောင်းလို့ရတာမျိုး မရှိသေးဘူး။ ချိန်းလို့ရတဲ့ လည်း မြန်မာနိုင်ငံမှာ ရှိမနေဘူး။ အဲ့တော့ အနည်းဆုံးတော့ အမျိူးသမီးအင်္ဂါတွေရော အကုန်လုံး ပြောင်းလဲပြီးတော့ သွားပြီးတော့ လုပ်မယ်ဆိုရင်တောင် တော်တော်ခက်ခဲတဲ့အရာ ဖြစ်တယ်ပေါ့နော်။"
- Sue Sha Shin Thant (LGBTQI Activist and Feminist)

G-Taw Zagar Wyne Podcast အစီအစဉ်မှာ Sue Sha Shin Thant ပါ၀င်ဆွေးနွေးထားတဲ့ "Shine Bright Like a Rainbow" ပေါ့ကတ်စ်ကို အောက်ပါလင့်ခ်မှတဆင့် နားဆင်နိုင်ပါတယ်။
နားဆင်ရန် - https://on.soundcloud.com/avBTzBU2GarmheCt8

"ကိုယ်လူတစ်ယောက်ဖြစ်လာတဲ့အခါမှာ Basic Humans Rightအ‌နေနဲ့ပဲ ကိုယ်ဘယ်သူနဲ့ပေါင်းမလဲဆိုတာက ကိုယ်ဆုံးဖြတ်တာပဲဖြစ်သင့်တယ်။ နောက်ဆုံးကိုယ်ရွေးချယ်လူကမကောင်လို့ရှိရင်လည်း ကိုယ်ဖြစ်ရင်ကိုယ်ခံဆိုတဲ့ စိတ်ဓာတ်နဲ့ပဲ ဆက်ပြီးတော့ သွားသင့်တယ်လို့ အမထင်တယ်။ ကြိုက်လို့ပေါင်းခဲ့တယ်။ မကြိုက်ဘူး ကွဲရမယ်။ ဒီဟာကို ဒီလူနဲ့ဒီလူနဲ့ပေါင်းပါဆိုပြီးတော့ ဒီခေတ်ကြီးထဲမှာ အဲ့လိုမျိုးကြီး စီစဉ်ပေးတာကြီးကတော့ အမ‌နေနဲ့ပြောရင်တော့ အမ တစ်ကိုယ်ရည် ခံစားချက်နဲ့ ပြောရင်တော့ မကြိုက်ဘူး။ အဲ့လို လာလုပ်လို့လည်းမရဘူး။"
- Win Min Thant (Beauty Blogger)

Female Pleasure (ခေါ်) အမျိုးသမီးတွေရဲ့လိင်စိတ်သာယာမှုဆိုတဲ့ စကားလုံးကြားလိုက်တာနဲ့အများစုရဲ့တုန့်ပြန်မှုဟာ ဒါ လုံးဝမပြောသင့်၊နားမထောင်သင့်တဲ့စကားလို့ ခံစားတတ်ကြပါတယ်။ ရိုးရိုး လိင်ကိစ္စတောင်ပြောလို့ အဆင်မပြေတဲ့ ပတ်ဝန်းကျင်မှာ အမျိုးသမီးတွေရဲ့ လိင်စိတ်သာယာမှု ကိစ္စဆိုတာကတော့ ဝေလာ ဝေးသေးပေါ့။ ဒါကတော့လည်း ဖိုဝါဒရဲ့ စနစ်ကျကျ အမျိုးသမီးတွေရဲ့ ခန္ဓာကိုယ်ကို ထိန်းချုပ်ထားမှုကနေ ဖြစ်ပေါ်လာတဲ့ ယုံကြည်မှု၊ခံစားမှုတခု ဖြစ်ပါတယ်။ ဒီစနစ်မှာ ကြီးပြင်းနေထိုင်လာရသူတွေတိုင်းလည်း သိပြီးသားအရာဖြစ်ပါတယ်။

မြန်မာဝန်းကျင်မှာ မိန်းမခန္ဓာကိုယ်ကို အရှက်တရားတွေနဲ့ ဖုံးလွှမ်းထားတာတင်မကပဲ သူတို့ ခန္ဓာကိုယ် အကြောင်း ဘာမှ မသိတဲ့သူတွေ ဖြစ်အောင် ပြုစုပျိုးထောင်လာခဲ့ကြတယ်။ ပိပိတို့၊လိင်တံတို့ကို ကိုင်ရင် ဘာကြောင့် သာယာနေမိတာလဲ ဆိုတာ ကလေးအရွယ်ကတည်းက လူတိုင်းနီးပါး တွေးဖူးကြတယ်။ ဒီသာယာမှုအကြောင်းကို ဘာကြောင့်ဖုံးကွယ်နေခဲ့တာလဲ။ ဘယ်သူတွေက ဖုံးကွယ်နေတာလဲ။ ဘယ်လို ဖုံးကွယ်နေတာလဲ။

လူတယောက် အဓိပ္ပာယ်ရှိတဲ့ သာယာမှုပျော်ရွှင်မှုရဖို့ဆိုတာက confident (သိမှု) နှင့် Joy (ချစ်မှု) လိုပါတယ်။ Cofident ဆိုတာကတော့ မိမိ ခန္ဓာကိုယ်ကိုနှင့် လိင်စိတ်ဖြစ်တည်မှုကို ဘယ်လိုရှိသင့်တယ်ဆိုတာထက် ဘယ်လိုရှိနေလဲဆိုတာ သေချာသိနားလည်ထားမှုကို အာရုံပေးခြင်းဖြစ်တယ်။ Joy ဆိုတာကတော့ အဲ့ဒီ မိမိရဲ့ဖြစ်တည်မှု (ခန္ဓာကိုယ်ရော၊လိင်စိတ်) အပေါ် သက်တောင့်သက်သာရှိပြီး မိမိကိုယ်ကိုယ် ချစ်မြတ်နိုးတန်းဖိုထားနိုင်ခြင်း ဖြစ်ပါတယ်။ တော်တော်များများအတွက်က Confident (သိမှု) ရရှိဖို့ လွယ်ပေမဲ့ Joy (ချစ်မှု)ကိုတော့ တော်တော်ကျင့်ယူရခက်နေတတ်ပါတယ်။ ဘာကြောင့်လဲဆိုတော့ အောက်ပါ M သုံးလုံးရဲ့နေ့စဉ် ပိတ်ဆို့ တားမြစ်ကိုင်တွယ်မှုတွေ ရှိနေတာကြောင့်ပဲ။

၁) Moral message- သူအလုပ်ကတော့ မိန်းမတွေကို ဘက်ပေါင်းစုံကနေ အပြစ်ရှိတယ်လို့ ခံစားရအောင် လုပ်ခြင်းပဲ။ အကယ်လို့ မိန်းမတယောက်ဟာ ကာမဆက်ဆံမှုကို ကြိုက်နှစ်သက်တယ်၊ လိုလားတယ်ဆိုရင် မင်းဟာ ပျက်စီးတဲ့၊ မကောင်းတဲ့ မိန်းမဖြစ်တယ်။။ ရှက်သင့်တယ်။ မိန်းမတွေရဲ့ ခန္ဓာကိုယ်ဟာ ယောကျာ်းတွေကို ဖျော်ဖြေပေးရတဲ့ အရာဖြစ်ကြောင့် စသည့် စကားတွေကို ဖြန့်ဝေတဲ့ အလုပ်လုပ်တယ်။ မိန်းမတွေက လိင်စိတ်မရှိရဘူး။ မကြိုက်ရဘူး။ ဘာပဲလုပ်လုပ် ရှက်စရာကြီးလို့ ပြောကာ အရှက်တွေဖြည့်ပေးတဲ့ အဖွဲ့ပေါ့နော်။ အမျိုးသမီးတွေဟာ ပိုက်ဆံမရဘဲ ကျွမ်းကျွမ်းကျင်ကျင် သရုပ်ဆောင်နိုင်သူတွေ ဖြစ်လာကြတယ်။ ဆိုတော့ ဒီအဖွဲ့ကြောင့် အမျိုးသားတွေက ငယ်ငယ်ကတည်းက မိန်းမတွေ ခန္ဓာကိုယ်ပေါ် ရပိုင်ခွင့်ရှိတယ်လို့ ခပ်မြန်မြန် ထင်မြင်ယူဆတော့တယ်။ ဒါကြောင့်အမျိုးသားတွေဟာ ငယ်ငယ်ရွယ်ရွယ်မှာတင် catcalling, street harrassment နှင့် s*xual assault ကနေ date rapeအထိ လုပ်ရဲသူတွေဖြစ်လာကြတာပဲလေ။ ဒီ message ကို ဖြန့်ဝေတဲ့ သူတွေကတော့ မိသားစုတွေ၊ သူငယ်ချင်းတွေ၊ ဆွေမျိုး၊ဆရာသမား၊စာရေးသူ စသောသူ အားလုံးပါဝင်နေတတ်ပါတယ်။

2) Medical message - ဒါကတော့ ဆေးပညာရှင်ကြီးတွေရဲ့အလုပ်လို့ပြောရမှာလား မသိဘူး။ လိင်ဆက်ဆံခြင်းကို ရောဂါတခုလို မြင်လာအောင် ကြေညာခြင်းပေါ့။ လိင်ဆက်ဆံရင် STDs ရောဂါဖြစ်မယ်။ မဟုတ်ရင် ကိုယ်ဝန်ရမယ်ဆိုပြီး ခြိမ်းခြောက်တယ်။ ဒီအဖွဲ့က အိမ်ထောင်ပြုတဲ့သူတွေကတော့ လုပ်ပေါ့။ ကလေးရဖို့ပဲ အိမ်ထောင်ပြုကြတာမဟုတ်လားဆိုတာမျိုးပေါ့။ ဘယ်လို ပုံစံနဲ့လိင်ဆက်ဆံရမယ်ဆိုတဲ့ နည်းဗျူဟာတွေတော့ သူတို့က ချမှတ်ထားလိမ့်မယ်။ ဥပမာ= s*x ကို ဘယ်လို စပြီး ဘယ်လို အဆုံးသတ်ရမလဲ ဘာညာ သင်ပေးသူတွေပေါ့။ (ကြားရအများဆုံးကတော့ ပိပိထဲလိင်တံထည့်လိုက်ခြင်းက အဖြစ်မြောက်ဆုံးသော လိင်ဆက်ဆံနည်းဆိုတာမျိုးပေါ့။ ဒီလိင်ဆက်ဆံနည်းဟာ ၇၅% သော အမျိုးသမီးတွေ အတွက် လိင်စိတ်သာယာမှုရဖို့ မဖြစ်နိုင်ဘူးဆိုတာကိုတော့ မပြောပြကြပြန်ဘူး။) အကယ်လို့သူတို့ ပြောတဲ့အတိုင်း မလုပ်ဘူး၊မဖြစ်ဘူးဆိုရင် ဒါ ဆေးဖက်ဆိုင်ရာ ပြသနာတခုပဲ။ မင်း ဆေးကုရမယ်။ ဆေးသောက်ရမယ်။ ခွဲရမယ်စတဲ့ဟာတွေ ပြောလာတတ်တယ်။ အမျိုးသမီးခန္ဓာကိုယ်ကို အထူးဦးစားပေး ကုသရမယ်ဆိုတာမျိုးလည်း ပါဝင်နေတယ်။

3) The Media Message- နောက်ဆုံးအဖွဲ့ကတော့ မင်း ဘာလုပ်လုပ်၊ဘယ်သူပဲဖြစ်နေဖြစ်နေ မလုံလောက်နေဘူးလို့ ပြောပေးနေတဲ့ အုပ်စုပဲ။ vi****or သုံးလား။ ဟို ပစ္စည်း သုံးဖူးလား။BDSM လုပ်ဖူးလား။ Threesomeကြုံဖူးလား။ ဟို စတိုင်လ်လုပ်ဖူးလား။ ပိန်လို့ ပြဿနာဖြစ်နေတာ။ ဝနေလို့ အဲ့လိုဖြစ်တာ။ မင်းခန္ဓာကိုယ်ကို ကြိုက်လွန်းရင်လည်း မကောင်းဘူး။ မကြိုက်နေရင်လည်း မကောင်းဘူး။ or**sm ဘယ်နှမျိုးရဖူး လဲ။
fifty shades of grey ထဲလို လုပ်ဖူးမှ လူရာဝင်တယ်လို့ ပြောနေသူတွေပေါ့။ ဒီအဖွဲ့က ဘာပဲလုပ်လုပ်၊မလုပ်လုပ် သူတို့ကို ကျေနပ်အောင် မထားနိုင်ဘူးလေ။

ဒီ M သုံးခုဟာ မတူညီတဲ့ ကဏ္ဍတွေမှာ အလုပ်လုပ်နေပေမဲ့ တူညီတဲ့ ပန်းတိုင်တွေရှိထားကြတယ်။ ဒီ M သုံးလုံးဟာ ကျမတို့s*xuality ကို ကျမတို့ဘယ်လိုမြင်လဲဆိုတဲ့ အပေါ်မှာ အများကြီး လွမ်းမိုးမှုရှိနေပါတယ်။ ဒီလို ထိန်းချုပ်မှုတွေကနေ ရုန်းထွက်နိုင်ဖို့ဆိုတာ ဒီအဖွဲ့သုံးဖွဲ့ဆီက သင်ယူသိမ်းဆည်းထားတဲ့ဟာတွေကို ဖယ်ထုတ်ပြီးတော့ မိမိရဲ့အကြောင်းကို သင်ယူလေ့လာမှုကနေ စတင်ရလိမ့်မယ်။ ကိုယ်ခန္ဓာကိုယ် ဘယ်လို အသုံးပြုမယ် (သို့) မပြုဘူးဆိုတာ ကိုယ်ကိုယ်တိုင် ဆုံးဖြတ်ချက်ချခွင့်ရှိပါတယ်။

Come As You Are စာအုပ်ကို အခြေခံကိုးကား ဘာသာပြန်ထားတာ ဖြစ်ပါတယ်။

"ကျွန်မမှာ အိပ်မက်တစ်ခုရှိတယ်။
ကမ္ဘာကြီးကို ပိုမိုမျှတပြီး ပျော်ရွှင်စရာကောင်းတဲ့နေရာလေးတစ်ခု ဖြစ်စေချင်တဲ့ အိပ်မက်ပဲပေါ့။"
- Nandar (Writer, Feminist Activist)

မူရင်းစာရေးသူ ချီမာမန်ဒါ အန်ငိုဇီ အက်ဒီချီ ရေးသားပြီး မနန္ဒာ ဘာသာပြန်ဆိုထားသည့် "ချစ်လှစွာသော အီဂျီဝီလီ (သို့မဟုတ်) ဖီးမီးနစ်အကြံပြုချက် (၁၅) ချက်" စာအုပ်မှ ကောက်နှုတ်ထားခြင်း ဖြစ်ပါတယ်။ ယခုဘာသာပြန်စာအုပ်ကို ဝယ်ယူလိုပါက Purple Feminists Group Page သို့ ဆက်သွယ်မေးမြန်းနိုင်ပါတယ်။

"Vicarious Traumaဆိုတာက secondary traumaလို့လည်း ပြောလို့ရတယ်။ ကိုယ်တိုက်ရိုက်ရတဲ့ Trauma မဟုတ်ဘူး။ ကိုယ်လက်တွေ့ကြုံခဲ့တာ‌တော့ မဟုတ်ဘူး။ ကိုယ့်ကို လုံခြုံမှုမရအောင်ဖြစ်စေတဲ့ အဖြစ်အပျက်တွေပေါ့။ ဒါပေမဲ့ ကိုယ်က မြင်မိတာ၊ ကြားမိတာ၊ တစ်နည်းတစ်မျိုးနဲ့ သိမိတာ။ လူဆိုတာ‌လေ အချင်းချင်း လိုအပ်ကြတယ်။ Social Beingsဖြစ်ကြတယ်။ အဲ့ဒါကြောင့် တစ်ယောက်ယောက်က သူတို့အတွက် စိတ်ထိခိုက်မိလာအောင်၊ သူတို့ရဲ့လုံခြုံမှုကို ထိခိုက်မိလာအောင် ဖြစ်သွားတယ်ဆိုတဲ့ အတွေ့အကြုံကို ကြားမိတဲ့အချိန်မှာ ကိုယ်က ကိုယ်ချင်းစာစိတ်နဲ့ ကိုယ်တိုင်တောင် ခံစားရသလို ဖြစ်သွားတယ်။ အဲ့အချိန်မှာ ကိုယ်လည်း စိတ်ဒဏ်ရာရသွားတယ်။"

- Ma Su Su Maung (Principal Consultant of Citta Consultancy)

Dr. Su Su Maung ပါ၀င်ဆွေးနွေးထားတဲ့ Post-Traumatic Growth အကြောင်းပေါ့ကတ်စ်ကို အောက်ပါလင့်ခ်မှတဆင့် ကြည့်ရှုနားဆင်နိုင်ပါတယ်။
https://youtu.be/0MpGM7fwF7U?si=fm5pKOE0IHWj3yAh

🚨 ဒီကရရှိတဲ့အလှူငွေများကို ယခုလတ်‌တလောမှာ ကြုံတွေ့နေရတဲ့ ရေဘေးအတွက် လိုအပ်တဲ့နေရာတစ်ချို့ကို လှူဒါန်းပေးသွားမှာမလို့ ပါဝင်လှူဒါန်းလိုသူများအနေနဲ့ A Ni Yaung Yar Thi page Messenger ကိုဆက်သွယ်ပြီး ပါဝင်လှူဒါန်းနိုင်ပါကြောင်း အသိပေးလိုက်ပါတယ်။

✴️𝗣𝗮𝗱𝘀 𝗖𝗮𝗿𝗲 - 𝗔 𝗣𝗮𝗰𝗸 𝗠𝗮𝗸𝗲𝘀 𝗔 𝗗𝗶𝗳𝗳𝗲𝗿𝗲𝗻𝗰𝗲
(လှူလည်းလှူ ကူပွန်လည်းယူ)

💢 ငွေငါးထောင်ကျပ်ဖြင့် ရာသီသွေးစီးဆင်းမှု အခွင့်ရေးအား ကာကွယ်ပေးကြပါစို့ 💢

Period Poverty လို့ခေါ်တဲ့ ရာသီသွေးစီးဆင်းမှုအပေါ် ထောက်ပံ့မှုနည်းပါးခြင်းပြဿနာဟာ မြန်မာနိုင်ငံ ဒေသအသီးသီးက အမျိုးသမီးတွေ ရင်ဆိုင်နေရတဲ့ နေ့တဓူဝဖြစ်စဉ်တစ်ခုပဲ ဖြစ်ပါတယ်။

၂၀၂၁ခုနှစ် စစ်အာဏာသိမ်းပြီး နောက်ပိုင်းကာလတွေမှာ ရင်ဆိုင်လာရတဲ့ ကုန်ဈေးနှုန်းမြင့်မားမှုနဲ့ စစ်ရေးပဋိပက္ခတွေကြောင့် စစ်ဘေးရှောင်စခန်းနဲ့ အခြေခံမိသားစုထဲက အမျိုးသမီးတွေ ၊ ကျေးလတ် တောင်တန်းဒေသတွေမှာ နေထိုင်ကြတဲ့ အမျိုးသမီးတွေဟာ သူတို့ရဲ့ ရာသီစက်ဝန်းကာလတွေမှာ အသုံးပြုရတဲ့ ဂွမ်းထုပ် (pad) ကို တစ်နေ့လုံး အသစ်မလဲလှယ်နိုင်ပဲ နာရီ‌ပေါင်းများစွာအသုံးပြုရခြင်း၊ တချို့ဒေသများတွင် အဝတ်စဟောင်းများနဲ့ သစ်ရွက်ခြောက်များကို အစားထိုး အသုံးပြုရခြင်းကဲ့သို့ ဖြစ်စဉ်များ ဖြစ်ပွားခဲ့ပြီး အကျိုးဆက်အနေနဲ့ ဆီးလမ်းကြောင်း ပိုးဝင်မှုကဲ့သို့သော ကျန်းမာရေးပြဿနာများနဲ့ ရင်ဆိုင်ကြုံတွေ့နေရလျက်ရှိပါတယ်။ ဒီလိုအခြေနေများကို ရင်ဆိုင်နေရခြင်းရဲ့ အဓိက အကြောင်းအရင်းတွေမှာ လုံလောက်တဲ့ လစဉ်သုံးပစ္စည်း ‌‌‌‌‌‌‌‌‌‌‌ထောက်ပံ့မှုမရရှိခြင်းဟာလည်း အပါအဝင်ဖြစ်တာကြောင့် Purple Feminists Group မှ လိုအပ်တဲ့နေရာတွေကို လစဉ်သုံးပစ္စည်းများ လှူဒါန်းပေးနိုင်ဖို့အတွက် "Pads Care - A Pack Make A Difference" ဆိုတဲ့ Pads Donation အစီအစဉ်လေးကို ပြုလုပ်သွားမှာဖြစ်ပါတယ်။

Purple Feminists Group မှ ပထမအကြိမ်အဖြစ်၂၀၂၂ခုနှစ်တွင် ရှမ်း၊ ရခိုင်နဲ့ စစ်ကိုင်းကဲ့သို့သော အများဆုံးလိုအပ်နေတဲ့ နေရာတွေကို လှူဒါန်းမှုပြုနိုင်ခဲ့ပြီး ၂၀၂၃ခုနှစ်တွင်လည်း ရခိုင်ဒေသအတွက် လှူဒါန်းပေးခဲ့ပါတယ်။ ယခုတစ်ကြိမ်မှာတော့ မိမိတို့ကိုယ်တိုင် ပါဝင်လှူဒါန်းရင်း PFGကနေ ရောင်းချလျက်ရှိတဲ့ အမှတ်တရပစ္စည်းများ ဝယ်ယူဖို့အတွက် Discount ကူပွန်လေးပါ လက်ဆောင်ရရှိမယ့် အစီစဉ်လေးကိုလည်း ထည့်သွင်းပေးထားပါတယ်။ 🎉✴️

📌 ဘယ်လိုပါဝင်လှူဒါန်းနိုင်မှာလဲ။
PFG အနေနဲ့ အမျိုးသမီးတစ်ဦးရဲ့ ရာသီစက်ဝန်းကို အထောက်အကူပြုစေမယ့် လစဉ်သုံးဂွမ်းထုပ်တစ်ထုပ်နဲ့ ညီမျှတဲ့ Package တစ်ခုအား ငွေကျပ်တန်ဖိုး ငါးထောင်ကျပ် သတ်မှတ်ထားရှိပြီး မိမိကူညီပေးချင်သလောက် လူဦးရေပမာဏအထိ ထပ်တိုးလှူဒါန်းသွားနိုင်ပါတယ်။

📌 ကူပွန်လက်ဆောင် ဘယ်လိုရယူနိုင်မလဲ။
လာရောက်လှူဒါန်းပေးတဲ့ အလှူရှင်များအတွက် မိမိလှူဒါန်းတဲ့ Package အပေါ် မူတည်ပြီး Coupon Gift ရရှိမှာပဲ ဖြစ်ပါတယ်။ ဒီကူပွန်လေးတွေကို Purple Feminists Group မှ ထုတ်လုပ်ရောင်းချလျှက်ရှိတဲ့ ပစ္စည်းများကို ဝယ်ယူရာမှာ ပြန်လည်အသုံးပြုနိုင်ပါတယ်။

Coupon တစ်ခုကို ပစ္စည်းတစ်ခုအတွက်သာ အသုံးပြုနိုင်မှာပဲဖြစ်ပြီး Coupon ရဲ့ သက်တမ်းကတော့ မိမိတို့စတင်လှူဒါန်းတဲ့ နေ့ရက်ကစတင်ပြီး နောက်ထပ်ခြောက်လအထိ အကျုံးဝင်မှာပဲဖြစ်ပါတယ်။

📌 𝐂𝐨𝐮𝐩𝐨𝐧 𝐏𝐚𝐜𝐤𝐚𝐠𝐞
လစဉ်သုံးပစ္စည်း တစ်ထုပ်စာ > 10% off
လစဉ်သုံးပစ္စည်း သုံးထုပ်စာ > 15% off
လစဉ်သုံးပစ္စည်း ငါးထုပ်စာ > 20% off
လစဉ်သုံးပစ္စည်း ဆယ်ထုပ်စာ > 30% off
လစဉ်သုံးပစ္စည်း ဆယ်ထုပ်စာနှင့်အထက် > 50% off

🛑 ပြည်ပကသူတွေအနေနဲ့ ပါဝင်လှူဒါန်းနိုင်မယ့် အစီအစဉ်လေးကိုလည်း မကြာခင် တင်ပေးသွားမှာမလို့ စောင့်မျှော်ပေးကြဖို့အတွက် တိုက်တွန်းလိုပါတယ်။

➡️ ယခုFundraisingကို ယနေ့မှစတင်ပါဝင်နိုင်ပြီး ၂၀၂၄ခုနှစ် ဒီဇင်ဘာလအထိ ကောက်ခံပေးသွားမှာ ဖြစ်လို့ ဆက်သွယ်လှူဒါန်းနိုင်ကြောင်း အသိပေးလိုက်ပါတယ်။

Fundraising Project အကြောင်း ပိုမိုသိရှိလိုပါက A Ni Yaung Yar Thi page Messengerကို တိုက်ရိုက်ဆက်သွယ်နိုင်သလို [email protected] ကိုလည်း အီးမေးလ်ပို့၍လည်း စုံစမ်းမေးမြန်းနိုင်ပါတယ်။

--------
[English Version]
✴️𝗣𝗮𝗱𝘀 𝗖𝗮𝗿𝗲 - 𝗔 𝗣𝗮𝗰𝗸 𝗠𝗮𝗸𝗲𝘀 𝗔 𝗗𝗶𝗳𝗳𝗲𝗿𝗲𝗻𝗰𝗲

Let’s combat menstrual rights with 5000 MMKs.

Period poverty is a common social issue that women in Myanmar face daily. After the 2021 military coup, due to inflation and armed conflicts, women in refugee camps, basic class families, and women in rural areas were often forced to use a single pad for an extended period beyond the recommended hours. In some rural areas, old cloth and leaves are used as substitutes, leading to infections such as urinary tract infections.

One of the main causes of these struggles is the lack of menstrual supplies and accessibility. Thus, Purple Feminists Group has launched an initiative, titled “Pads Care - A Pack Makes A Difference,” which aims to donate pads to women in need.

PFG has previously donated pads to the most needy regions of Myanmar, such as Shan State, Rakhine State, and the Sagaing Division in 2021, and again in Rakhine State in 2023. This time, in 2024, you can receive a discount coupon for PFG merchandise when you donate pads packages.

📌 How can one participate in this fundraising?
The minimum amount to donate pads for a woman helping her menstrual cycle, one package equal to 5000 MMKs. Depending on your donation packages, you will receive a discount coupon as follows.

📌 𝐂𝐨𝐮𝐩𝐨𝐧 𝐏𝐚𝐜𝐤𝐚𝐠𝐞
One Pack Donate > 10% off
Three Packs Donate > 15% off
Five Packs Donate > 20% off
Ten Packs Donate > 30% off
Above Ten Packs Donate > 50% off

Coupons can be used for any product by Purple Feminists Group except two translation books ("Why We Should All Be Feminists" Translation and "Dear ljeawele, or a Feminist Manifesto in Fifteen Suggestions")

⚠️ NOTE : Coupon will be activated on the day of your donation and will be valid until next six months

🛑 Another exciting news for international audiences to participate in this fundraising will be announced on our page very soon. Stay tuned!

🗓️ Donation will be opened until December.

For further information and inquiries, please contact A Ni Yaung Yar Thi page or email us at [email protected] .

ကိုယ့်အထင်ကိုလည်း ‌ဆွေးနွေးပေးဖို့အတွက် ဖိတ်ခေါ်ပါတယ်။

အခုတလော ဆိုရှယ်မီဒီယာပေါ်မှာ ခေတ်စားနေတဲ့ လစဉ်သုံးပစ္စည်း ဂွမ်းထုပ်အသုံးပြုပုံတွေက တကယ်အမှန်အကန်တွေလား❓

ဆိုရှယ်မီဒီယာမှာ ဂွမ်းထုပ်အသုံးပြုပုံနည်းလမ်းအသစ်အဆန်းတွေကို မျှဝေလာကြတဲ့အခါမှာ ကိုယ်အသုံးပြုနေကျပုံစံနဲ့ကွဲလွဲနေတဲ့အခါမှာ -

💭 ဟင်...ငါ သုံးပုံသုံးနည်း မှားနေတာလား။
💭 ဟမ်...ဘယ်လိုကြီးလဲ။
💭 ဘာလို့ အခုမှ ဒါကိုသိရတာလဲ။
စသဖြင့် ဇဝေဇဝါဖြစ်တတ်ကြပါတယ်။

ဆိုရှယ်မီဒီယာ တွင်ကျယ်လာတာနဲ့အမျှ သတင်းအမှားတွေလည်း ရောပြီး ယုံစားမိတာမျိုး ဖြစ်တတ်ကြပါတယ်။ ဒါဆိုရင် ဘယ်နည်းကအမှန်လဲဆိုတာကို သိချင်ရင် အောက်ကဗီဒီယိုမှာ ဝင်ရောက်ကြည့်လိုက်တော့နော်။

🔗 How to use a sanitary pad - https://www.facebook.com/share/v/vkc1NETx8UMa2p5u/?mibextid=oFDknk

👉 ကိုယ်တိုင်ရော လစဉ်သုံးပစ္စည်းအသုံးပြုပုံကို သေချာသိရှိထားရဲ့လား။ Viral ဖြစ်နေတဲ့နည်းလမ်းတွေကိုရော စမ်းကြည့်ဖူးလားဆိုတာကို ကောမန့်မှာ မျှဝေပေးခဲ့ပါဦး။

ဘယ်လိုအခြေအနေမျိုးမှာပဲဖြစ်ဖြစ် ကိုယ်ဖြစ်နေတဲ့ကိုယ့်ရဲ့ ဖြစ်တည်မှု (Identity) ကိုလက်ခံနိုင်ရမယ်။ ကိုယ့်ဖြစ်တည်မှုကြောင့်ဖြစ်လာနိုင်တဲ့ ကောင်းကျိုး၊ ဆိုးကျိုးတွေကိုလည်း ဆင်ခြင်သုံးသပ်ပြီး အဖြေရှာ ရှင်သန်ဖို့အရေးကြီးပါတယ်။
-Su Sha Shin Thant
LGBTQI Activist and Feminist

G-Taw Zagar Wyne Podcast အစီအစဉ်မှာ Su Sha Shin Thant ပါ၀င်ဆွေးနွေးထားတဲ့ "Shine Bright Like A Rainbow" ပေါ့ကတ်စ်ကို အောက်ပါလင့်ခ်မှတဆင့် နားဆင်နိုင်ပါတယ်။

နားဆင်ရန် - https://on.soundcloud.com/CtGQqAJEPBFyhpNG9

"ကိုယ့်အမေက နောက်ဆုံးဘယ်လောက်ပဲ မကောင်းနေပါစေ။ ကိုယ့်သားသမီးအတွက်ကတော့ ဂုဏ်ယူစရာဖြစ်နေမှာပဲ။ အဲ့ဒီအချိန်မှာ ကိုယ်က ကလေးတွေရဲ့ခေါင်းထဲကို "နင့်အမေ မကောင်းဘူး" "အဖေ မကောင်းဘူး" "အဖေနဲ့တူလို့ ဒီလိုဖြစ်တာ" "အမေနဲ့တူလို့ ဒီလိုဖြစ်တာ" စတဲ့စကားလုံးတွေကို ရိုက်မသွင်းဖို့ လိုတယ်။"
- Crystal White

G-Taw Zagar Wyne Podcast အစီအစဉ်မှာ Crystal White ပါ၀င်ဆွေးနွေးထားတဲ့ "Overcoming Domestic Violence" ပေါ့ကတ်စ်ကို အောက်ပါလင့်ခ်မှတဆင့် နားဆင်နိုင်ပါတယ်။

နားဆင်ရန် - https://on.soundcloud.com/eu4rMyYpUq3r2eXMA

"ဘာသာရေးတိုင်းမှာ အမျိုးသမီးတွေကို ခွဲခြားဆက်ဆံတာက ဆက်လက်ပြီး ‌ရှိနေတယ်။ ဥပမာ - ဗုဒ္ဓဘာသာမှာဆိုရင် ဘုန်းကြီးကို လှူတာနဲ့ သီလရှင်ကိုလှူတာ လှူနှုန်းက လုံးဝမတူဘူး။ အဲ့လိုမျိုးတွေလည်း ဘာသာတိုင်းမှာတွေ့ရတယ်။ ဒါကလည်း ကျား၊ မဖြစ်တည်မှုအပေါ်မှာ ဆုံးဖြတ်ချက်ချလိုက်တာပဲ။"

- Dada (Women's Rights Activist)

G-Taw Zagar Wyne Podcast အစီအစဉ်မှာ Dada ပါ၀င်ဆွေးနွေးထားတဲ့ "Progress & Regress on Gender Work" ပေါ့ကတ်စ်ကို အောက်ပါလင့်ခ်မှတဆင့် နားဆင်နိုင်ပါတယ်။
နားဆင်ရန် - https://on.soundcloud.com/Jna6agEF4hW1o5Xy8

ကျွန်မကတော့ အခု period walk of shame လုံး၀မလုပ်ဘူးဆုံးဖြတ်ထားတယ်။ အခု အိမ်က အိမ်သာတွေမှာ pad၊ tampon တွေထည့်ထားတယ်။ သွေးဆင်းပြီဆို အပြင်ပြေးပြီးသွားယူစရာမလိုဘူး။ တန်းခံရုံပဲ။ ရုံးက အိမ်သာထဲမှာလည်းထည့်ထားတယ်။ ရုံးမှာက ကိုယ်ရယ်၊ ကိုယ့်လူကြီး ယောက်ျားလေးရယ်ပဲရှိတာများတော့ သင့်တော်ပါ့မလားတွေးမိတယ်။ သူတောင် ဘာမှမပြောတာ ကိုယ်က ဘာလို့ self-censorship လုပ်ရမှာလည်းပြန်တွေးပြီး ထည့်တယ်။ ဘွင်းဘွင်းပဲ။ ပြီးတော့ အလုပ်လုပ်၊ အလုပ်ရှုပ်နေတဲ့အချိန်မှာ period walk of shame ကိုအချိန်မပေးနိုင်ဘူး။ အဆင်ပြေဖို့ convenience ကိုပဲအချိန်ပေးတော့တယ်။ နောက်တစ်ခုက ရာသီလာပြီဆို ကျွန်မအခုပျော်တယ်။ ကိုယ်ကျန်းမာတယ်ဆိုတာကို သိရတာပေါ့။ ကိုယ်ပျော်တဲ့အရာတောင် ပုန်းလျှိုးကွယ်လျှိုးပျော်ရမယ်ဆိုမဟုတ်သေးတဲ့အတွက် period walk of shame လုပ်ပါဆို နိုးပဲပြောပါရစေ။

Phoo Myat Thwe
[Menstruation is not shameful]

Congratulations to all of the amazing contestants 👏🎉