Worldview Myanmar - WIF

ကမ္ဘာ့သဘာဝပတ်ဝန်းကျင်ထိန်းသိမ်းရေးနေ့

ကမ္ဘာ့သဘာဝပတ်ဝန်းကျင်ထိန်းသိမ်းရေးနေ့ (World Environment Day) ဟာ သဘာဝပတ်ဝန်းကျင်နဲ့ပတ်သက်လို့ အကြီးမားဆုံးသော နိုင်ငံတကာနေ့တစ်နေ့ဖြစ်ပါတယ်။

United Nations Environment Programme (UNEP) က ဦးဆောင်ပြီး ၁၉၇၃ ခုနှစ် ကတည်းက ကျင်းပလာခဲ့တာ အခုဆိုရင် နှစ်ပေါင်း (၅၀) ကျော်ခဲ့ပါပြီ။

နှစ်စဉ်ဇွန်လ (၅) ရက်နေ့ကိုသတ်မှတ်ထားတဲ့ ဒီနေ့မှာ နိုင်ငံတကာမှာနေထိုင်ကြတဲ့ သဘာဝပတ်ဝန်း ကျင်ကို ချစ်မြတ်နိုးသူတွေဟာ သစ်ပင်စိုက်ခြင်း၊ သဘာဝပတ်ဝန်းကျင်ထိန်းသိမ်းရေးဆိုင်ရာဟောပြော ပွဲတွေပြုလုပ်ခြင်း၊ သဘာဝပတ်ဝန်းကျင်နဲ့ပတ်သက်တဲ့လှုပ်ရှားမှုတွေမှာပါဝင်ခြင်းအစရှိတဲ့ အစီအစဉ် လေးတွေကို တက်တက်ကြွကြွပါဝင်လေ့ရှိကြပါတယ်။

Worldview International Foundation (WIF) ရဲ့လုပ်ငန်းစဉ်ဖြစ်တဲ့ ဒီရေတောတွေထူထောင်တာ၊ ပြန်လည်ထိန်းသိမ်းတာဟာလည်း သဘာဝပတ်ဝန်းကျင်ထိန်းသိမ်းရေး လှုပ်ရှားမှုကြီးတစ်ရပ် ဖြစ်ပါတယ်။ ဒီနှစ် ကမ္ဘာ့သဘာဝပတ်ဝန်းကျင်ထိန်းသိမ်းရေးနေ့ ရဲ့ Theme က “Land restoration, desertification and drought resilience” ဖြစ်ပါတယ်။

ဒီရေတောတွေထိန်းသိမ်းရင်း..သဘာဝတရားကြီးကိုချစ်မြတ်နိုးကြပါစို့။

ဝန်ထမ်းခေါ်ယူခြင်း

Worldview International Foundation (WIF) က အောက်ပါ ရာထူးအတွက်ဝန်ထမ်းခေါ်ယူလိုပါသည်။

𝐑𝐒 & 𝐆𝐈𝐒 𝐀𝐧𝐚𝐥𝐲𝐬𝐭 (၁) ဦး

အသေးစိတ်အချက်အလက်များကို ပုံတွင် ဖတ်ရှု၍ အီးမေးလ်လိပ်စာ [email protected] နှင့် [email protected] သို့ ဇွန် (၁၀) ရက်နောက်ဆုံးထား၊ လျှောက်ထားနိုင်ပါသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

“မီးရောင်ထိန်ထိန် သားတို့အိမ်”

Worldview International Foundation (WIF) သည် ချောင်းသာမြို့၊ ကံကြီးကျေးရွာအုပ်စုအတွင်းရှိ ဆိပ်ကြီး ‌ကျေးရွာတွင် ကျောင်းတက်ရောက်နေသော ကလေးအချို့အတွက် ဆိုလာဘထ္ထရီများကို ထောက်ပံ့ပေးခဲ့သည်။

“သားအသက်ကတော့(၇) နှစ်ဖြစ်ပြီးမိသားစု(၅) ယောက် ရှိပါတယ်။ ဆိပ်ကြီးကျေးရွာစာသင်‌ကျောင်းမှာ Grade-3 မှာ တက်ရောက်နေပါတယ်၊ အရင်ကဆိုသားတို့အိမ်မှာ စာကျက်ဖို့ အ တွက် ဖယောင်းတိုင်မီးကိုအသုံးပြုရပြီး လေတွေ မိုးတွေတိုက်တဲ့ရက်ဆို စာကျက်ရတာ အဆင်မပြေ ပါဘူး။ တစ်ခါတစ် ရံဖယောင်းတိုင်ဝယ်ယူဖို့ အခက်အခဲရှိနေပါသေးတယ်၊ ဆိုလာလေး ရ လာတော့ ညီအစ်ကိုတွေ စာကျက်ဖို့ အဆင်ပြေခဲ့ပါတယ်။ ဖယောင်းတိုင် လည်းဝယ်စရာမလိုတော့ဘူး။ အိမ်ထဲမှာလည်း ဘုရားစင်ကအစ တစ်အိမ်လုံး မီးလင်း နေပါပြီ။ အရင်ကဆိုမှောင်နေတော့ အစောကြီး အိပ်ကြတယ်။ ခု‌တော့ ညဘက်ဆို စာကျက်ပြီးရင်ညီအစ်ကို တွေဆော့ကြတယ်။ သားတို့ကို ဆိုလာတွေ ပေးတဲ့အတွက် အရမ်း ကိုကျေးဇူးတင်ပါတယ်” ဟုဆိုလာဘထ္ထရီ များထောက်ပံ့ပေးထားမှုအပေါ် အသုံးပြုမှုအခြေအနေကို အသုံးပြု သူမောင်ထက်အာကာ က ပြောပြခဲ့ သည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

ဂေဟစနစ်များထဲက ဒီရေတော

ဒေသတစ်ခုအတွင်း သက်ရှိမျိုးစိတ်များအားလုံးနှင့် ၎င်းတို့၏ပတ်ဝန်းကျင်ရှိ သဘာဝ ရုပ်ဝတ္ထုများ၊ ဓါတုဖြစ်စဉ်များအကြားအပြန်အလှန်ဆက်စပ်ပတ်သက်နေခြင်းကို ဂေဟစနစ် (Eco System)ဟုခေါ်ဆို ခြင်းဖြစ်လေသည်။ ဂေဟစနစ်သည် သက်ရှိ၊ သက်မဲ့ တစ်ခုနှင့်တစ်ခု ချိတ်ဆက်နေသောအရာကိုဆို လိုခြင်းဖြစ်ပါသည်။

ဂေဟစနစ်တိုင်းသည် အရှိန်အဟုန်ကောင်းစွာဖြင့် ဟန်ချက်ညီညီပုံမှန်လည်ပတ်နေကြသည်။ ထိုအရှိန် ဟန်ချက်တစ်ခုခုပျက်သွားမည်ဆိုပါက လည်ပတ်နေသည်တို့ရပ်တန့်သွားမည်ဖြစ်သည်။
ဂေဟစနစ်တစ်ခုမှာအခြေအနေအပေါ်မူတည်၍ အရွယ်အစားအမျိုးမျိုးတည်ရှိနိုင်ပြီး ကမ္ဘာမြေတစ်ခု လုံးအနေဖြင့် လည်းကောင်း၊ ဒေသကြီးအဆင့် ဇီဝအစုအဖွဲ့များအနေဖြင့်လည်းကောင်း၊ သို့တည်း မဟုတ် ပုံမှန်တည်ရှိနေသည့် ရေအိုင်ငယ်လေးတစ်ခုအနေဖြင့်လည်းကောင်းသတ်မှတ်နိုင်သည်။ သဘာဝဂေဟ စနစ်တစ်ခု၏ ဂေဟစနစ်ဆိုင်ရာဝန်ဆောင်မှုများ (Ecosystem services) ‌ထောက်ပံ့ပေးနိုင်သည့် အရည်အသွေးတဖြည်းဖြည်းလျော့နည်းလာသည့်ဖြစ်စဉ်ကို ဂေဟစနစ် ပျက်စီးယိုယွင်းလာခြင်း (Ecosystem degradation) ဟုခေါ်ပါသည်။

ကမ္ဘာပေါ်တွင် ဂေဟစနစ်ပေါင်းများစွာရှိပါသည်။ ဉပမာအားဖြင့် သစ်တောဂေဟစနစ် (Forest Ecosystem), မြက်ခင်းပြင်ဂေဟစနစ် (Grassland Ecosystem), ရေခဲတောင်ဂေဟစနစ် (Mountain Ecosystem), သဲကန္တာရာဂေဟစနစ် (Desert Ecosystem), မြစ်ချောင်းဂေဟစနစ် (River Ecosystem), ပင်လယ်ပြင်ဂေဟစနစ် (Ocean Ecosystem), ရေကန်ဂေဟစနစ် (Pond Ecosystem) စသည်ဖြင့်အမျိုး အစားစုံလင်လှသည်။ ဒီရေတောဂေဟစနစ်မှာ သစ်တောဂေဟစနစ်ထဲတွင်တစ်ခုအပါ အဝင်ဖြစ်သည်။

ဒီရေတောဂေဟစနစ်တွင် ဒီရေတောပင်များ၊ ပင်လယ်နှင့်ကုန်းမြေတစ်ဝိုက်အပင်များ၊ ရေနေသတ္တဝါ များ အစရှိသည့် အရာအားလုံးပါဝင်လေသည်။ ဒီရေတောများသည် တောင်ပေါ်တွင်ထီးထီးကြီးရှိနေသော တောင်ပေါ်တောများနှင့်လည်းမတူ၊ ပင်လယ်ထဲတွင်လုံးလုံးလျားလျားတည်ရှိနေသော အဏ္ဏဝါဂေဟ လည်းမဟုတ်ပါ။ ကုန်းတွင်းပိုင်းနှင့်ပင်လယ်ရေပြင်နှစ်ခုဆက်စပ်နေသည့် နေရာတွင် တည်ရှိသဖြင့် ဂေဟစနစ်နှစ်မျိုးစလုံး၏ သဘာဝတရားများဖြင့် ဖွဲ့စည်းထားသော ဂေဟစနစ်တစ်ခု ဖြစ်ပါသည်။

ဒီရေတောအပင်များမှ အရွက်တို့သည်ရေပေါ်သို့ကြွေကျလာမည်။ ထိုအရွက်တို့သည်အစာ အဖြစ်ချေ ဖျက်ပြီး ရေနေသတ္တဝါများကစားသောက်ကြမည်။ ရေနေသတ္တဝါများကို ငှက်များ၊ အခြားသတ္တ ဝါများက စားမည်။ နောက်ဆုံး လူများက စားသောက်ကြမည့် အစာကွင်းဆက်အဖြစ် လည်ပတ်နေမည် ဖြစ်သည်။ ဥပမာ ဒီရေတောဂေဟစနစ်တွင် ကဏန်းသည် Keystone species ဖြစ်ပါသည်။ ၎င်း၏ တည်ရှိနေမှုသည် ဒီရေတောဂေဟစနစ်အတွင်းရှိ အခြားသတ္တဝါများရှင်သန်ရပ်တည်မှုနှင့် ချိတ်ဆက်မှု အားကောင်းနေ သောကြောင့် ဖြစ်ပါသည်။

မြန်မာနိုင်ငံသည် ကမ္ဘာပေါ်တွင် (၇) နိုင်ငံမြောက် ဒီရေတောဧရိယာအများဆုံးဖြစ်သည်။ ၅၀၂,၉၁၁ ဟက်တာ (၁,၂၃၂,၁၉၀ ဧက) (World Mangrove Atlas 2010) ကိုပိုင်ဆိုင်ထားပြီး ဒီရေတောမျိုး စိတ်ပေါင်း ၃၄ မျိုးရှိသည်ဟုသိရသည်။ (ပိုလည်းတွေ့လာနိုင်)
မြန်မာနိုင်ငံအတွင်း ဒီရေတောမျိုးစိတ်နှင့် တွဲဖက်ပေါက်ရောက်သည့် မျိုးစိတ် စုစုပေါင်း ၁၄၈ မျိုးရှိသည် ဟု အကိုးအကားများကဖော်ပြကြသည်။ ဒီရေတောများသည် တောင်လတ္တီကျု ၃၀ ဒီဂရီနှင့် မြောက်လ တ္တီကျု ၃၀ ဒီဂရီအကြားတွင် အဓိကပေါက်ရောက် (Tomlinson 1986) တတ်ကြသည်။
ဒီရေတောဂေဟစနစ်များမှ ပံ့ပိုးပေးနေသော ဝန်ဆောင်မှု (၄) မျိုးရှိပါသည်။

ယင်းတို့မှာ ပံ့ပိုးပေးခြင်းဆိုင်ရာဝန်ဆောင်မှုများ (အစားအစာ၊ရေအရင်းအမြစ်၊ ဆေးဝါးပစ္စည်းများ၊ သစ်၊ ထင်း၊ မျော၊ တိုင်)၊ ပတ်ဝန်းကျင်ထိန်းညှိပေးခြင်းဆိုင်ရာ ဝန်ဆောင်မှုများ (ရာသီဉတုမျှတခြင်း၊ ကမ်းရိုးတန်း အကာအကွယ် ပေးခြင်း၊ ကမ်းပါးပြိုတိုက်စားမှုထိန်းချုပ်ပေးခြင်း)၊ ယဉ်ကျေးမှုဓလေ့ထုံးစံဆိုင်ရာ ဝန်ဆောင်မှုများ (ခရီး သွားလုပ်ငန်း၊ ရှုခင်းပသာဒ၊ သုတေသနနှင့် ပညာပေးလုပ်ငန်း၊ မိရိုးဖလာ အမွေ အနှစ်များ)နှင့် အထောက်အကူပြုခြင်းဆိုင်ရာ ဝန်ဆောင်မှုများ (ဂေဟစနစ်လည်ပတ်မှု၊ မြေဆီလွှာ ထုတ်လုပ်ခြင်း၊ အစာ ချက်လုပ်ခြင်း၊ မြေဆီလွှာထုတ်လုပ်ခြင်း၊ အစာချက်လုပ်ခြင်း၊ မြေဆီလွှာထုတ်လုပ် ပေးခြင်း၊ ဇီ ဝရုပ်ကြွင်း (Biomass) များပံ့ပိုးပေးခြင်း) တို့ဖြစ်လေသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

ဒီရေတောများကို ဘာကြောင့် ထိန်းသိမ်းသင့်သလဲ

မြန်မာနိုင်ငံအနေဖြင့် ၂၀၀၀ ခုနှစ်တွင် ကမ္ဘာ့ဒီရေတောများ၏ ၃.၆ ရာခိုင်နှုန်း(Giri et al., 2011), ၂၀၁၄ ခုနှစ်တွင် ၂.၃ ရာခိုင်နှုန်းမှ ၃.၁ ရာခိုင်နှုန်း (Hamilton & Casey, 2016) ကို ပိုင်ဆိုင်ထားပါသည်။ မြန်မာ နိုင်ငံဒီရေတောများသည် မြစ်ဝကျွန်းပေါ်ဒေသများ၊ ကမ်းရိုးတန်းဒေသများဖြစ်သည့်ရခိုင်ပြည်နယ်၊ ဧရာဝ တီ၊ ရန်ကုန်၊ ပဲခူး၊ မွန်ပြည်နယ်နှင့် တနင်္သာရီတိုင်းဒေသကြီးတို့တွင် အများစုတည်ရှိပါသည်။

မြန်မာနိုင်ငံသည် ကမ္ဘာပေါ်တွင် ဒီရေတောများ အထူထပ်ဆုံးနိုင်ငံများထဲမှ တစ်နိုင်ငံဖြစ်ပြီး လူသားများ အတွက် အဖိုးတန်သော ဂေဟစနစ်ဝန်ဆောင်မှုများ ပေးဆောင်လျက်ရှိသည်။ သို့သော်လည်း သစ်တော များပြုန်းတီးလာခြင်း၊ စိုက်ပျိုးမြေဧရိယာများတိုးချဲ့ခြင်းတို့ကြောင့် မြန်မာနိုင်ငံ၏ ဒီရေတောဖုံးလွှမ်းမှု သည် လွန်ခဲ့သည့် ဆယ်စုနှစ်အနည်းငယ်အတွင်း သိသိသာသာကျဆင်းလာခဲ့ပြီး လက်ကျန်ဒီရေတော များမှာလည်း ဂေဟစနစ်ပျက်သုဉ်းမှုအန္တရာယ်စိန်ခေါ်မှုများနှင့် ရင်ဆိုင်နေရလေသည်။

၂၀၀၀ ခုနှစ်မှစ၍ မြန်မာနိုင်ငံသည် ဒီရေတောဖုံးလွှမ်းမှု ၁၄,၆၁၉ ဟက်တာ (တစ်နှစ်လျှင် ၂.၂ %) ဖြင့် စိုးရိမ်ဖွယ်ရာ ဆုံးရှုံးနေသည်။ အဓိကအားဖြင့် ရခိုင်ပြည်နယ်နှင့် ဧရာဝတီတိုင်းဒေသကြီးတို့၌ ဖြစ်သည်။ ဒီရေတောများ လျှော့နည်း၊ ဆုံးရှုံးလာမှုကြောင့် အပူငွေများတရိပ်ရိပ်တက်လာခြင်း၊ ကာဗွန်သိုလှောင်မှု လျော့နည်းလာခြင်း၊ သစ်ပင်ဖုံးလွှမ်းမှုရာခိုင်နှုန်း လျော့နည်းခြင်း စသည့်ပြဿနာများကြုံတွေ့ လာရသည်။

သေချာသည်မှာ မြန်မာနိုင်ငံသည် ကမ္ဘာပေါ်တွင် ဒီရေတောအကြွယ်ဝဆုံးနိုင်ငံတစ်ခုဖြစ်ခဲ့သည်။ သို့ သော်လည်း လက်ရှိအချိန်တွင် ဒီရေတောလျင်မြန်စွာပြုန်းတီးနေမှုပြဿနာသည် မြန်မာနိုင်ငံသစ်တော များရင်ဆိုင်နေရသော အရေးအပါဆုံးသော ပြဿနာထဲမှ တစ်ခုဖြစ်လေသည်။ (Prescott et al., 2017)

ပညာရှင်အချို့၏ ခန့်မှန်းချက်အရ မြန်မာနိုင်ငံသည် ၂၀၀၁ ခုနှစ်မှ ၂၀၁၀ ခုနှစ်အတွင်း နှစ်စဉ် ဒီရေတောများ ဆုံးရှုံးမှု ၄.၇ ရာခိုင်နှုန်း ကြုံတွေ့ရသည်ဟုဆိုသည်။ သို့သော်လည်း အခြားသော လေ့လာမှုများက သိသိသာသာ ကွဲပြားသော ခန့်မှန်းချက်များကို ထုတ်ပေးခဲ့ပြီး နိုင်ငံတွင်း ဒီရေတော ပြုန်းတီးမှုနှုန်း နှေးကွေးသွားကြောင်း ပြသခဲ့သည်။

နိုင်ငံအတွင်းဒီရေတောဖုံးလွှမ်းမှုလျော့နည်းလာသည်ကို စာတမ်းအမျိုးမျိုးက ညွှန်းဆိုပြသကြသကဲ့သို့ တွက်ချက်သည့်နည်းလမ်းအပေါ်မူတည်၍ကွဲပြားသောခန့်မှန်းချက်အမျိုးမျိုးကိုလည်းပေးကြလေသည်။

မြန်မာနိုင်ငံရှိ ဂေဟစနစ်ဆိုင်ရာတွင် ဒီရေတောများ၏ အရေးပါမှုကို ချန်ထား၍မရပေ။ ထို့ကြောင့် မြန်မာနိုင်ငံအတွင်းရှိ လက်ကျန်ဒီရေတောများအား စနစ်တကျစီမံခန့်ခွဲ ခြင်း၊ ထိန်းသိမ်းစောင့်ရှောက်ခြင်း၊ တိုးတက်လာစေရန်စဉ်ဆက်မပြတ်ဆောင်ရွက်ခြင်း တို့ပြုလုပ်ရန်လို အပ်ပါသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

စနစ်ကျသော အဆိုပြုလွှာနှင့် တိုင်ကြားဖြေရှင်းရေး လုပ်ငန်းစဉ်ဆိုင်ရာ သင်တန်း

WIF သည် ဝေဖန် အကြံပြုလွှာ တိုင်ကြားဖြေရှင်း ရေး နှင့် အဆိုပြုလွှာ ရေးသားနည်း တစ်ရက်တာသင် တန်းကို ဘုတ်ပြင်းစီမံကိန်းဧရိယာရှိ ကျေးရွာဖွံ့ဖြိုးရေးကော်မတီဝင်များအား ဆောင်ရွက်ပေးခဲ့ပါသည်။

ကျေးရွာကော်မတီဝင်များအနေဖြင့် တိုင်ကြားစာ၊ မကျေနပ်ချက် များကို စုဆောင်းလက်ခံခြင်း၊ တုန့်ပြန် ခြင်း၊ ပြဿနာဖြေရှင်းခြင်း နှင့် အဆိုပြုလွှာစနစ်တကျ ရေးသားခြင်း လုပ်ငန်းစဉ်များကို စနစ် တကျ ဆောင်ရွက်တတ်စေရန် မျှဝေခဲ့ခြင်းဖြစ်သည်။

ဝေဖန်အကြံပြုခြင်း၊ တိုင်ကြားဖြေရှင်းခြင်း အစရှိသည့်လုပ်ငန်းစဉ်များကို စနစ်တကျပြု လုပ်တတ်ခြင်း ဖြင့် ရပ်ရွာဖွံ့ဖြိုးတိုးတက်ရေးလုပ်ငန်းများကို ပွင့်လင်းမြင်သာမှုရှိရှိ၊ ယုံကြည်မှုရှိရှိ ဆောင်ရွက်နိုင်မည်ဖြစ်ပါသည်။

ဝေဖန်အကြံပြုလွှာ တိုင်ကြားဖြေရှင်းနိုင်မှုသည် ကျေးရွာသူ၊ ကျေးရွာသားအားလုံးတွင်အခွင့်အ ရေးရှိပြီး အရေးကြုံလာသည်နှင့်တစ်ပြိုင်နက် စီမံခန့်ခွဲမှုဆိုင်ရာများ၊ ပြဿနာများကို လျင်မြန်စွာ၊ တရား မျှတစွာ၊ ပြီးပြည့်စုံသောပွင့်လင်းမြင်သာမှုရှိစွာဖြင့် ဝင်ရောက်ဖြေရှင်းနိုင်ကြမည်ဖြစ်ပါသည်။ (ဓါတ်ပုံ - ပေးပို့)
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

ကမ်းခြေစောင့်ခံတပ်ဖြစ်လာမည့် ဒီရေတော ပင်ပျိုလောင်းများ

ပုံမှန်လည်ပတ်နေသော ကမ္ဘာကြီးသည် တစ်နေ့ထက်တစ်နေ့ ပို၍ ပူပြင်းလာသည်။ ကမ္ဘာကြီးပြောင်း လဲလာမှု၏ နောက်ဆက်တွဲကို ကမ္ဘာပေါ်တွင်နေထိုင်သည့်လူသားတိုင်းခံစားနေကြရသည်။ အပူချိန် မြင့်တက်လာမှုကိုကာကွယ်ရန်ပြင်ဆင်ကြရသည်။

ကမ္ဘာကြီးပူနွေးလာမှုနှင့် ရာသီဥတုပြောင်းလဲမှုကြောင့် ဖြစ်ပေါ်လာသည့် အကျိုးဆက်များကိုခံစားလာ ရသည့် လက်ရှိအချိန်ကာလတွင် ဒီရေတောဂေဟစနစ်ကထူးခြားထိရောက်လွန်းသော အကျိုးပြုမှု များကို ဆောင်ကျဉ်းပေးလျက်ရှိလေသည်။

ယခုလများသည် ဒီရေတောဖြစ်လာမည့် ပင်ပျိုလောင်းများအား စိုက်ပျိုးရန်ပြင်ဆင်နေသည့်ကာလများ ပင်ဖြစ်သည်။ ငှက်တစ်သောင်းနားနိုင်မည့် သစ်တစ်ပင်ကောင်းဖြစ်ရန်မလွယ်ကူပါ။ ဒီရေတောပင်တစ် ပင်ဖြစ်ရန်မှာလည်း အဆင့်ဆင့်ဆောင်ရွက်ရသည်။ ဒီရေတောများသည် ပင်လယ်နှင့်ကုန်းမြေတို့အကြား ကြားခံ အဖြစ် ဆားငန်ရေတွင်ပေါက်ရောက်တတ်သည့်အပင်များဖြစ်ပြီး ပြန်လည်စိုက်ပျိုးရာတွင်လည်း စနစ်တကျပြုစုပျိုး ထောင်ကြရသည်။

ဒီရေတောပင်ဖြစ်လာမည့် အသီးတောင့်များကိုနေရာဒေသအနှံ့မှ လိုက်လံစုစည်းပြီး လက်ရွေးစင်အသီး တောင့်များကိုရွေးချယ်ရသည်။ ရွေးချယ်ပြီးသော အသီးတောင့်များကို ခြင်းထဲတွင်စနစ်တကျထည့်ကာ သိုလှောင်ထားရပြီး သစ်စေ့သိုလှောင်ရုံ အနီးရှိ မြစ်/ချောင်းအတွင်းမှ ရေငန်ဖြင့် နှစ်ရက်လျင် တစ်ကြိမ်ခန့် ရေလောင်းပေးရသည်။ ခြင်းထဲတွင်ထည့်ထားသော အသီးတောင့်များကို အတိအကျ ရေတွက် သိုလှောင်ထားရသည်။ ဥပမာအားဖြင့် တစ်ခြင်းလျှင် အသီးတောင့်တစ်ထောင်စီထည့် ထားမည်ဆိုပါလျှင် စိုက်ပျိုးသည့်အခါ ရေတွက်ရလွယ်ကူမည်ဖြစ်သည်။ တစ်ဟက်တာအတွက် အသီး တောင့် (၂၅၀၀) စိုက် ပျိုးရမည်ဆိုလျှင် တစ်ထောင်စီထည့်ထားသော ခြင်း (၂) ခြင်းနှင့် တစ်ဝက်စိုက်ရ မည်ဟုအလွယ်တကူခန့် မှန်းသိရှိနိုင်မည်ဖြစ်သည်။

နှစ်စဉ် ဖေဖော်ဝါရီ၊ မတ်လလောက်များ ဆိုလျှင် အသီးတောင့်များကို စတင်စုဆောင်းရရှိနိုင်ပြီဖြစ်သည်။ ဧပြီ၊ မေ လဝန်းကျင်တွင် စိုက်ပျိုးမြေနေရာ၌ ခြုံနွယ်ရှင်းလင်းခြင်း၊ မြေပြုပြင်ခြင်းတို့ကို အပြီးသတ်ဆောင်ရွက်ရမည်ဖြစ်သည်။ ဇွန်၊ ဇူလိုင်လများအတွင်း ရေထရက်များတွင် အသီး တောင့်များအား ဒီရေတောစိုက်ခင်းနေရာတွင်စိုက်ပျိုးကြပါသည်။ ထို့ကြောင့် ဒီရေတောပင်တစ်ပင် ဖြစ်လာစေရန်မှာ အသီးတောင့်စတင်စုဆောင်းခြင်း၊ လက်ရွေးစင်အသီးတောင့် များအား‌ရွေးချယ်ခြင်း၊ အသီးတောင့်များအား စနစ်တကျထားသိုလှောင်ခြင်း၊ မြေနေရာရှင်းလင်းခြင်း၊ စိုက်ပျိုးမြေနေရာတွင် စိုက်ပျိုးခြင်း အစရှိသည့် လုပ်ငန်းများကို အဆင့်ဆင့် ဆောင်ရွက်ရပါသည်။

စိုက်ပျိုးရာတွင်လည်း နည်းစနစ်နှစ်မျိုးရှိလေသည်။ ပထမနည်းမှာ စိုက်ပျိုးရန်သတ်မှတ်ထားသောနေရာ ၌ အသီးတောင့်များကိုတိုက်ရိုက်စိုက်ပျိုးခြင်းဖြစ်ပြီး ဒုတိယနည်းမှာ ပျိုးပင်များကိုစိုက်ပျိုးခြင်းဖြစ်သည်။ စိုက်ခင်းထဲတွင် အသီးတောင့်များကိုတိုက်ရိုက်စိုက်ပျိုးခြင်းမှာလွယ်ကူသော်လည်း အပင် ၁၀၀ ရာခိုင်နှုန်း ရှင်သန်ကြီးထွားမည်ဟုပုံသေတွက်ဆထား၍မရ။ တစ်ချို့အပင်များမှာ အကြောင်းအမျိုးမျိုးကြောင့် ရှင်သန်မလာခဲ့။ ထို့ကြောင့် ပျိုးပင်များကို သေပင်များနေရာတွင် အစားထိုးစိုက်ပျိုးကြရသည်။ အသီး တောင့်များအားလက်ရွေးစင်ရွေးချယ်ပြီးသိုလှောင်ရုံတွင်သို လှောင်ထားသည့်ကာလ၌ ပျိုးဥယျာဉ် တစ်ခုကိုလည်းတည်ထောင်ထားရသည်။ ထိုပျိုးဥယျာဉ်တွင် အသီးတောင့်များကိုစိုက်ပျိုးထားပြီး ပင်ပျိုလေးအဖြစ်မွေးမြူထားရခြင်းပင်။ စိုက်ပျိုးရာသီကာလ အသီးတောင့် စိုက်ပျိုးခြင်း၌ မဖြစ် ထွန်းသောအပင်နေရာများတွင်ထိုပျိုးပင်ပေါက်များကို အစားထိုး စိုက်ပျိုးနိုင်မည်ဖြစ်ပါသည်။ ထို့ကြောင့် စနစ်တကျ စိုက်ပျိုးပြုစုထားသော ဒီရေတော စိုက်ခင်းများသည် ရာနှုန်းပြည့်အောင်မြင်ဖြစ်ထွန်းသောဒီ ရေတောကြီး အဖြစ်ဆီသို့ ဦးတည်လျက်ရှိနေပါသည်။ (ဓါတ်ပုံ - ထွန်းထွန်း)
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

ဘဝအတွက်တာ….ကျွမ်းကျင်ရာလိမ္မာ

ကျွန်တော့်နာမည်စောစအေးဝင်းပါ။ မိသားစုဝင် ခုနစ်ယောက်နဲ့အတူကျောက်ဖျာရွာမှာ ရှိတဲ့ ကျွန်တော့် ယောက္ခမဆီမှာနေနေပါတယ်။ ပုံမှန်ကတော့ ကျွန်တော်တို့လယ်လုပ်ပြီးတော့ လယ်သိမ်းချိန်လတွေ ပြီး သွားရင်တော့ လက်လုပ်လက်စားပါပဲ။

ကျွန်တော်ငယ်ငယ်ကတည်းက ဝါသနာပါပြီး လုပ်ဖြစ်ခဲ့တာက တော့ လက်သမားအလုပ်ပါ။ ဆိုတော့ ကျွန်တော်တို့လယ်လုပ်ငန်းတွေလုပ်ပြီးကိုင်ပြီးပြီဆိုရင်တော့ ရွာ ထဲမှာ လက်သမားအလုပ်ကလေးတွေလိုက်လုပ်တာပေါ့။ ကိုယ့်မှာလက်သမားပစ္စည်းမရှိတော့သူများ ဆီကငှားရတာလေးတွေရှိတယ်။ ဒီတော့ ရသလောက်မကာမိဘူးပေါ့။ ကိုယ်ကအလုပ်သွားလုပ်လိုက် ပြန်လာတော့ ပစ္စည်းငှားခပေးလိုက်နဲ့ သိပ်တော့လည်းမထူးပါဘူး။

ဆိုခဲ့သလိုပါပဲ။ လယ်လုပ်လိုက်၊ လက်သမားသွားလုပ်လိုက်နဲ့ ရရစားစားဘဝကိုဖြတ်သန်းနေတော့ ဒီ ထက်ပိုပြီးဝင်ငွေကောင်းမယ်လို့ထင်ရတဲ့အခြားအလုပ်ကလေးတစ်ခုကိုပြောင်းဖြစ်ခဲ့တယ်။ မီးသွေး ဖုတ်တဲ့အလုပ်ပါ။ အဲဒီမီးသွေးဖုတ်တဲ့အလုပ်ကိုနှစ်နှစ်လောက်လုပ်အပြီးမှာပဲ Worldview International Foundation (WIF) နဲ့ စပြီးသိခဲ့တယ်။ ကျွန်တော်တို့ရွာကို WIF ကရောက်လာပြီး ဒီရေ တောနဲ့ပတ်သက်တဲ့အကြောင်းကလေးတွေကိုအသိပညာဝေမျှခဲ့တယ်။ ကမ်းခြေဒေသအတွက် ဒီရေ တောတွေဟာဘယ်လောက်အရေးပါတဲ့အကြောင်း၊ ဒီရေတောတွေရှိရင်ဘယ်လိုအကျိုးဖြစ်ထွန်းတယ် ဆိုတဲ့အကြောင်းတွေကို ကျွန်တော်ကောင်းကောင်းကြီးနားလည်သဘောပေါက်တတ်လာခဲ့ပါတယ်။ နောက်ဆက်တွဲမှာပဲ ကျွန်တော်လုပ်ကိုင်နေတဲ့အလုပ်ကိုလည်း ပြောင်းလဲပစ်ဖို့လိုအပ်လာပြီဆိုတာကို ကျွန်တော်သိမြင်လာခဲ့ပါတယ်။

ကျွန်တော်တို့ရွာရဲ့ ကျေးရွာဖွံ့ဖြိုးတိုးတက်ရေးကော်မတီတွေနဲ့ WIF နဲ့ အစည်းအဝေးလေးတွေလုပ်တဲ့ အခါ ကျွန်တော်တက်ရောက်နားထောင်ခွင့်ရခဲ့တယ်။ အတိုချုပ်ပြောရရင်တော့ဗျာ ကျွန်တော်ငယ်ငယ် ကတည်းက ဝါသနာပါပြီးတစိုက်မတ်မတ်လုပ်ခဲ့တဲ့လက်သမားအလုပ်ကို ရာနှုန်းပြည့်ပြောင်းလဲလုပ် ကိုင်ဖို့အခွင့်အရေးတစ်ခုရခဲ့တယ်။ WIF က ကျွန်တော့်ကို လက်သမားအလုပ်လုပ်ဖို့အတွက်လိုအပ်တဲ့ ပစ္စည်းပစ္စယတွေအကုန်လုံးထောက်ပံ့ပေးခဲ့ပါတယ်။ အဲဒီပစ္စည်းတွေကိုကြည့်ပြီး ကျွန်တော်လက်သ မားအလုပ်ကို တွင်တွင်ကျယ်ကျယ်လုပ်ရတော့မယ်ဆိုတာတွေးတွေးပြီးကျေနပ်လိုက်တာဆိုတာဗျာ။ အရင်တုန်းကလို ပစ္စည်းငှားခဘာညာပေးစရာမလိုတော့ဘဲ ကျွန်တော်လုပ်တဲ့လုပ်အားခအပြည့်ကို ရ တော့မယ်လေ။

ပစ္စည်းမရှိလို့ အိမ်တစ်အိမ်လုံးကိုဆောက်ပေးနိုင်ရဲ့သားနဲ့မဆောက်ဖြစ်ခဲ့တဲ့အချိန်တွေအစား တစ်အိမ် လုံးကိုတာဝန်ယူပြီးဆောက်ပေးနိုင်ခဲ့ပါပြီ။ ဒါက ကိုယ်ပိုင်လုပ်ငန်းတစ်ခုအဖြစ် အိမ်ဆောက်ချင်ရင်အစ အဆုံးတာဝန်ယူဆောက်ပေးနိုင်ပြီဆိုတဲ့သဘောပါပဲ။ ကျွန်တော့်ကိုအိမ်လာအပ်ကြတဲ့သူတွေလည်းရှိ လာပြီး မီးသွေးဖုတ်တဲ့အလုပ်ကိုစွန့်လွှတ်နိုင်ခဲ့ပါပြီ။ ရွာမှာ လက်သမားဆိုတဲ့နာမည်ကိုလည်းကျွန်တော် ရလာခဲ့ပါပြီ။

ကျွန်တော်လယ်လုပ်ပါတယ်။ တစ်ဖက်မှာလည်း လက်သမားလုပ်ပါတယ်။ ရလာတဲ့ငွေကိုစုပြီးကိုယ် ပိုင်အိမ်လေးဆောက်နိုင်ဖို့တွေးထားပါတယ်။ အဲဒီအိမ်ကလေးကို ကျွန်တော်လက်နဲ့ကျွန်တော့်ဉာဏ်ပ ညာနဲ့၊ WIF ကထောက်ပံ့ပေးခဲ့တဲ့ပစ္စည်းတွေနဲ့ ကျွန်တော်ကိုယ်တိုင်ဆောက်နိုင်လာဖို့မျှော်လင့်ရင် WIF ကိုကျေးဇူး ဉပကာရတင်ရှိပါတယ်လို့ပြောကြားလိုပါတယ်။ (ဓါတ်ပုံ - ပေးပို့)
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

Worldview International Foundation (WIF) က ဘာတွေလုပ်သလဲ

Worldview International Foundation (WIF) သည် ၂၀၁၂ ခုနှစ်တွင် အာရှရှိ ပထမဆုံး ဒီရေတောပြန်လည် ထိန်းသိမ်းရေးစီမံကိန်းကို ရှေ့ဆောင်လုပ်ဆောင်ခဲ့သည်။

ထို့နောက် အပြာရောင်ကာဗွန်စီမံကိန်း၊ ပင်လယ်မြက်များထိန်းသိမ်းခြင်း၊ ပင်လယ်ရေမှော်များမွေးမြူခြင်း နှင့် အခြားဆောင်ရွက်ချက်အမျိုးမျိုး တို့ကိုတိုးချဲ့ဆောင်ရွက်ခဲ့သည်။ မြန်မာနိုင်ငံတွင် ဒီရေတောပြုစုပျိုးထောင်ရေးလုပ်ငန်းကို ၂၀၁၂ ခုနှစ် တွင်စတင်ဆောင်ရွက်ခဲ့ပြီး လက်ရှိ အချိန်တွင် သိပ္ပံနည်းကျ နည်းစနစ်များဖြင့် ကုန်ကျစရိတ်များစွာ သက်သာပြီး အပင်များရှင်သန်မှု ၉၆ ရာခိုင်နှုန်းရှိသော စိုက်ပျိုးနည်းကိုအသုံးပြုကာ ဒီရေတော ထိန်းသိမ်းရေးဆိုင်ရာလုပ်ငန်းများကို ဆောင် ရွက်နေပါသည်။

မြန်မာနိုင်ငံရှိ WIF ကို ဒီရေတောပြန်လည်ထူထောင်ရေးဆိုင်ရာပညာရှင်များ၊ အဏ္ဏဝါသိပ္ပံပညာရှင်များ၊ သစ်တောတက္ကသိုလ်ဘွဲ့ရများ၊ အခြားနယ်ပယ်အသီးသီးမှ ပညာရှင်များဖြင့် ဖွဲ့စည်းထားပါသည်။ မြန်မာ နိုင်ငံရှိ ဆုံးရှုံးသွားသော ဒီရေတောများကို ပြန်လည်ထူထောင်နိုင်ရေးအတွက် ၂၀၃၀ ခုနှစ်တွင် ဒီရေတော ပင်ပေါင်း ဘီလီယံချီ၍စိုက်ပျိုးနိုင်ရန်ရည်ရွယ်ထားပါသည်။

အသေးစိတ်ကို ဖော်ပြပါ ပုံများတွင်ဖတ်ရှုနိုင်ပါသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

နည်းပညာနယ်ပယ်တက်လှမ်းရန်…..ကွန်ပျုတာအခြေခံ

ပညာရပ်အမျိုးမျိုးကို ရည်ရွယ်ချက်အသွယ်သွယ်တို့ဖြင့် လေ့လာသင်ယူနေကြသည့်အထဲတွင် ကွန်ပျုတာအခြေခံလည်းတစ်ခုအပါအဝင်ဖြစ်သည်။

လူငယ်များ၏အနာဂတ်ခြေလှမ်းအတွက် တစ်ထောင့် တစ်နေရာမှ အထောက်အပံ့ဖြစ်စေနိုင်ရန်ရည်ရွယ်၍ ကွန်ပျူတာအခြေခံသင်တန်း အမှတ်စဉ် (၂) ကို ငရုတ်ကောင်းမြို့တွင်ပြုလုပ်ခဲ့ပါသည်။ Worldview International Foundation (WIF) အနေဖြင့် ကွန်ပျုတာသင်တန်းနည်းပြနှင့်ပူးပေါင်းကာ ကွန်ပျုတာအခြေခံသင်တန်းများကို စီမံကိန်းဧရိယာများ အနှံ့အကောင်အထည်ဖော်ပေးလျက်ရှိရာတွင် ယခုသင်တန်း၌ ပါဝင်သူ ၂၃ ဦးရှိခဲ့သည်။ (ဓါတ်ပုံ - ပေးပို့)
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

ဒီရေတော အပင်ဖာထေးခြင်း

ဒီရေတောသေပင်ဖာထေးခြင်း သို့မဟုတ် အပင်အစားထိုးဖာထေးခြင်းသည် ဒီရေတောဂေဟစနစ်ပြန် လည်ထူထောင်ခြင်း၊ ဒီရေတောစိုက်ပျိုးခြင်းအတွက် အသုံးပြုသည့်နည်းလမ်းတစ်ခုဖြစ်ပါသည်။ အဆို ပါလုပ်ငန်းစဉ်တွင် ပုံမှန်အားဖြင့် အောက်ပါအဆင့်များပါဝင်လေသည်။

နေရာရွေးချယ်ခြင်း -🌿 သေပင်ဖာထေးရန်အတွက် မည်သည့်နေရာတွင်ဖာထေးရမည်ဆိုသည့် သင့်လျော် သောနေရာကိုရွေးချယ်ခြင်းသည် ပထမဆုံးသောအရေးအကြီးဆုံးအချက်ပင်ဖြစ်ပါသည်။ ရေငန်နှုန်း၊ ဒီရေအတက်အကျ၊ မြေဆီလွှာအနေအထား၊ လက်ရှိဒီရေတောပေါက်ရောက်နေမှုနှင့်အပ်စပ်မှုရှိမရှိ ဆိုသည့်အချက်များကိုထည့်သွင်းစဉ်းစားရမည်ဖြစ်ပါသည်။

ကြိုတင်ပြင်ဆင်ခြင်း -🌿သေပင်ဖာထေးခြင်းမပြုမီ နေရာအနေအထားကိုသေသေချာချာပြင်ဆင်ထားရန် လိုအပ်ပါသည်။ ဉပမာအားဖြင့် အမှိုက်သရိုက်၊ ခြုံနွယ်များကိုရှင်းလင်းခြင်း၊ မြေညှိခြင်းတို့ပါဝင်ပါ သည်။

ဒီရေတောမျိုးစိတ်များရွေးချယ်ခြင်း - 🌿ဒီရေတောမျိုးစိတ် အမျိုးမျိုးတွင် ဆားငန်ဓာတ်၊ မြေဆီလွှာ အခြေအနေနှင့် ဒီရေအတက်အကျကို ခံနိုင်ရည်မတူပါ။ ပြင်ဆင်ထားသောအနေအထား၊ ဂေဟစနစ်လို အပ်ချက်အပေါ်မူတည်၍ သေပင်ဖာထေးရန်ဆောင်ရွက်ရပါမည်။

ပြန့်ပွားခြင်း-🌿 ဒီရေတောများသည် အစေ့များ၊ ပျိုးပင်များ သို့မဟုတ် အသီးတောင့်များ (အစေ့အဆန်များ) မှ တစ်ဆင့်ပြန့်ပွားနိုင်သည်။ ဒေသအရင်းအမြစ်၊ အသီးတောင့်၊ အစေ့တို့သည် နေရာအနေအထား အပေါ်မူတည်၍ သေပင်ဖာထေးရန် ရွေးချယ်သတ်မှတ်ရပါမည်။

စိုက်ပျိုးခြင်း- 🌿အသီးတောင့်များ၊ ပျိုးပင်လောင်းများအဆင်သင့်ဖြစ်သည့်အခါတွင် သတ်မှတ်နေရာ၌ စ တင်စိုက်ပျိုးနိုင်ပြီဖြစ်ပါသည်။ စိုက်ပျိုးဖာထေးရသည့်အကွာအဝေးသည် မျိုးစိတ်တစ်ခုခုနှင့်တစ်ခု၊ ဒီ ရေတော၏ သိပ်သည်းမှုအပေါ်မူတည်၍ ကွာခြားနိုင်ပါသည်။

ကာကွယ်ခြင်း- 🌿အသစ်စိုက်ပျိုးထားသော ဒီရေတောများသည် ဒီရေအတက်အကျ၊ လှိုင်းလှုပ်ရှားမှုနှင့် ဖျက်ဆီးခံရခြင်းကဲ့သို့သော သဘာဝပတ်ဝန်းကျင်ဆိုင်ရာ ဖိစီးမှုများမှ အကာအကွယ်လိုအပ်ပါသည်။ အပင်ငယ်များကို ကာကွယ်ရန် စိုက်ဧရိယာတဝိုက်တွင် အတားအဆီးများ၊ ကာရံခြင်း ကဲ့သို့သော အစီအမံများ လိုအပ်ပါသည်။

ထိန်းသိမ်းခြင်း-🌿ဒီရေတောများ သေပင်ဖာထေးခြင်းလုပ်ငန်းများ အောင်မြင်ရန်အတွက် ပုံမှန်စောင့် ကြည့်ခြင်းနှင့် ထိန်းသိမ်းခြင်းသည် မရှိမဖြစ်လိုအပ်ပါသည်။ အဆိုပါဆောင်ရွက်ချက်တွင် ခြောက်သွေ့ သောကာလတွင် ရေလောင်းခြင်း၊ ပိုးမွှားများနှင့် ကျူးကျော်မျိုးစိတ်များကို ထိန်းချုပ်ခြင်းနှင့် သေဆုံး သော သို့မဟုတ် ရောဂါရှိသော အပင်များကို ဖယ်ရှားခြင်းတို့ ပါဝင်သည်။

ရပ်ရွာ ပူးပေါင်းဆောင်ရွက်မှု - 🌿ဒီရေတောများ သေပင်ဖာထေးခြင်း စီမံကိန်းများတွင် ဒေသခံပြည်သူများ ပါဝင်နေခြင်းသည် ပံ့ပိုးကူညီမှု တည်ဆောက်ရန်နှင့် ရေရှည်တည်တံ့မှု ရှိစေရန် အထောက်အကူ ဖြစ်စေပါသည်။ စိုက်ပျိုးခြင်းလုပ်ငန်းများတွင် ရပ်ရွာလူထုပါ၀င်ဆောင်ရွက်ခြင်းနှင့် ဒီရေတော ဂေဟစနစ် များ၏ အရေးပါမှုအကြောင်း အသိပညာပေးခြင်းတို့သည် ထိန်းကျောင်းမှုနှင့် ထိန်းသိမ်းရေး ဆိုင်ရာ ကြိုးပမ်းမှုများကို မြှင့်တင်ပေးနိုင်ပါသည်။

စောင့်ကြည့်ခြင်းနှင့် အကဲဖြတ်ခြင်း- 🌿စိုက်ထားသော ဒီရေတောများ၏ ကြီးထွားမှုနှင့် ရှင်သန်မှုကို စောင့်ကြည့်စစ်ဆေးခြင်းသည် ဖာထေးခြင်းစီမံကိန်း၏ အောင်မြင်မှုကို အကဲဖြတ်ရန်အတွက် မရှိမဖြစ် လိုအပ်ပါသည်။ ပုံမှန်လေ့လာစောင့်ကြည့်ခြင်းသည် ကြုံတွေ့ရသည့် စိန်ခေါ်မှုများကို ခွဲခြားသတ်မှတ် နိုင်ပြီး အနာဂတ်စိုက်ပျိုးရေးနည်းဗျူဟာများကို ပြုပြင်ပေးနိုင်ပါသည်။

ရေရှည်စီမံခန့်ခွဲမှု- 🌿ဒီရေတောများ ပြုပြင်ခြင်းသည် ရေရှည်ကတိကဝတ်တစ်ခုဖြစ်သည်။ ပြန်လည်ထူ ထောင်ထားသော သို့မဟုတ် အသစ်တည်ဆောက်ထားသော ဒီရေတောဂေဟစနစ်များကို ဆက်လက် စီမံခန့်ခွဲခြင်းနှင့် ကာကွယ်ခြင်းတို့သည် အချိန်ကြာလာသည်နှင့်အမျှ ၎င်းတို့၏ ခံနိုင်ရည်ရှိမှုနှင့် ဂေဟဗေဒဆိုင်ရာ လုပ်ဆောင်ချက်များကို သေချာစေရန် လိုအပ်ပါသည်။ ၎င်းတွင် ပြောင်းလဲနေသော ပတ်ဝန်းကျင်အခြေအနေများနှင့် ခြိမ်းခြောက်မှုများကို ကိုင်တွယ်ဖြေရှင်းရန် လိုက်လျောညီထွေရှိသော စီမံခန့်ခွဲမှုဗျူဟာများ ပါဝင်နိုင်သည်။

Worldview International Foundation ၏ သေပင်ဖာထေးခြင်းစီမံကိန်း

🌿Worldview International Foundation ၏ သေပင်ဖာထေးခြင်းစီမံကိန်း အနေဖြင့် စိုက်ပျိုးထားသည့် အသီးတောင့်အားလုံး ကောင်းစွာကြီးထွားမှုအခြေအနေကို သိရှိထားရမည်ဖြစ်ပါ သည်။ အဘယ့် ကြောင့်ဆိုသော်စိုက်ပျိုးထားသည့် အပင်အတွက် နှောင့်ယှက်မည့် သူများရှိနေ၍ဖြစ် ပါသည်။ စိုက်ပျိုး ထားသည့် အပင်သစ်များအတွက် အန္တရာယ်များရှိနေရာ စိုက်ပျိုးပြီးတချိန်ချိန်တွင်ပြန် လည် အစားထိုး စိုက်ပျိုးရမည်ကို သိရှိနေရပါမည်။

ပထမစိုက်ပျိုးမည့် အပင်များမှာ ၂၀ ရာခိုင်နှုန်းအထိဆုံးရှုံးသွားနိုင်သည်ကို သိရှိရန်လိုအပ်ပြီး အပင်ဖာထေးရန် မျိုးစေ့နှင့် အသီးတောင့်များကို ပိုမိုစုဆောင်းထားရန်လိုအပ်ပါသည်။

ပထမအကြိမ်ပေါင်းရှင်းခြင်းလုပ်ငန်းကိုဆောင်ရွက်ပြီးသေပင်ဖာထေးခြင်းလုပ်ငန်းကိုလုပ်ဆောင်ကာ သေဆုံးမှုရာခိုင်နှုန်းကိုသိရှိနိုင်မည်ဖြစ်ပါသည်။ သေဆုံးသွားသည့် အသီးတောင့်နေရာတွင် ၂၀ ရာခိုင်နှုန်းခန့် အစားထိုးစိုက်ပျိုးရန်လိုအပ်ပါသည်။ အသီးတောင့်များပျက်စီးမှုမှာ ဂဏန်းများ၏ တိုက်ခိုက်မှုကြောင့်လည်းကောင်း၊ အသီးတောင့်များပြောင်းရွှေ့အတင်အချပြုလုပ်ခြင်းကြောင့် လည်းကောင်း ဖြစ်နိုင်ပါသည်။ အပင်ဖာထေးခြင်းကို အသီးတောင့် (သို့မဟုတ်) ပျိုးပင်ငယ်များ ဖြင့် အစားထိုးပြုလုပ်နိုင်ပါသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

လိုရာခရီးအတွက်…တံတားသစ်နှင့်ရှေ့ဆက်

မ,သာကျေးရွာသည် သပေါ့ကန်ကျေးရွာအုပ်စု၊ ရွှေသောင်ယံမြို့နယ်၊ ဧရာဝတီတိုင်းဒေသကြီးတွင် တည်ရှိပြီး အိမ်ခြေ (၉၈) နှင့် အိမ်ထောင်စု (၁၀၁) စုရှိသောရွာကလေးတစ်ရွာဖြစ်ပါသည်။ လူဦးရေ ၃၉၉ ဦးရှိပြီး စိုက်ပျိုးရေးနှင့် ရေလုပ်ငန်းတို့ကိုအဓိကလုပ်ကိုင်ကြသည်။

မ,သာကျေးရွာတွင် မ,သာအပေါ်၊ မ,သာအောက်၊ ကလီကုန်းဟူ၍ အပိုင်း သုံးပိုင်းရှိပြီး ရွာအလယ်တွင် ချောင်းရိုးကလေးရှိသည်။ အဆိုပါချောင်းရိုးကလေးကို ပေ (၁၀၀) အလျားရှိသောသစ်သားတံတားက လေးဖြင့် ဆက်သွယ်ထားကာ ထိုတံတားကလေးကိုအသုံးပြု၍ ဈေးရောင်းဈေးဝယ်သွားခြင်း၊ ကျောင်း သွားခြင်း၊ ကုန်စည်စီးဆင်းမှုအတွက်ကူးလူးဆက်သွယ်ခြင်းများပြုလုပ်လေ့ရှိကြပါသည်။

အသုံးပြုရ သည့်အကြိမ်ရေများလာသည်ကတစ်ကြောင်း၊ အချိန်ကြာမြင့်လာသည်ကတစ်ကြောင်း တံတားကလေး ၏ ခံနိုင်ရည်အားလျော့လာကာ ဟောင်းနွမ်းကျိုးကြေစပြုလာခဲ့ပါသည်။သို့သော်လည်း စားဝတ်နေရေးအတွက် ပုံမှန် ရုန်းကန်နေကြရသည့် ရွာသူရွာသားများအဖို့ တံတားပြုပြင်ရန် ကုန်ကျ စရိတ် အခက်အခဲ ကို ရင်ဆိုင်လာကြရသည်။

ထိုအခိုက်အတန့်၌ မ,သာကျေးရွာဖွံ့ဖြိုးရေးကော်မတီနှင့် Worldview International Foundation (WIF) တို့ တွေ့ဆုံဆွေးနွေးခဲ့ကြပါသည်။ WIF သည် အဆိုပါကျေးရွာတံတားအသစ်ကလေးတည် ဆောက်ရန် ပင်မငွေကြေးပံ့ပိုးပေးခဲ့ကာ ကျေးရွာဖွံ့ဖြိုးရေးကော်မတီ၊ ကျေးရွာရပ်မိရပ်ဖများက စီမံခန့်ခွဲ လုပ်ဆောင် အကောင်အထည်ဖော်ခဲ့ကြပါသည်။ ကျေးရွာအနေဖြင့်လည်း တံတားသစ်ကလေးတည် ဆောက်ရာတွင် ပါဝင်လုပ်ကိုင်ခဲ့သူ လုပ်သား (၁၀) ဦးအတွက် နေ့စဉ်လုပ်အားခများကို စုပေါင်းပံ့ပိုးပေးခဲ့ကာ တံတား တည်‌ဆောက်ရေးတွင်ငွေအားရော လုပ်အားပါ ပါဝင်ခဲ့သည်။ လက်ရှိအချိန်တွင် ထိုတံတားသစ်ကလေး တည်ဆောက်ပြီးစီး ကာ ကောင်းမွန်စွာအသုံးပြုနေကြပြီဖြစ်သည်။

တံတားသစ်ကလေးဆောက်လုပ်ပြီးစီးသွားခြင်းကြောင့် အနီးအနားပတ်ဝန်းကျင်ရှိရွာအသီးသီးသို့ သွား လာရလွယ်ကူကာ နေ့စဉ်ဆောင်တာလုပ်ငန်းများ၊ အသက်မွေးဝမ်းကျောင်းလုပ်ငန်းများကို အဆင်ပြေ ချောမွေ့စွာလုပ်ကိုင်နိုင်ပြီဖြစ်သည်။

တံတားရေရှည်ခိုင်ခံရန်အတွက် ပုံမှန်ထိန်းသိမ်းခြင်း၊ ကြည့်ရှုခြင်း၊ စောင့်ရှောက်ခြင်းတို့ကို ကျေးရွာဖွံ့ ဖြိုးတိုးတက်ရေးကော်မတီက အချိန်နှင့်တစ်ပြေးညီဆောင်ရွက်သွားမည်ဖြစ်ပါသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

နှစ်ကူး ဆုမွန်ခြွေခြင်း

မြန်မာနှစ်ကူး အတာကူး၍
ပိတောက်တို့ဝေ…ငုရွှေရည်နှင့်
မင်္ဂလာအပေါင်း ခညောင်းစေရာ
လိုရာပြည့်စေ တောင်းဆုခြွေ ဆွေသဟာ
Worldview Myanmar ရဲ့ မေတ္တာ
ပေါင်းကူးစေတနာအပြည့်
အကြောင်းထူး အကြင်နာ အသစ်များနှင့်
ကောင်းခြင်းမင်္ဂလာ ဖြာစေသော်ဝ်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

🌿ဒီရေတာပတ်ဝန်းကျင်ရှိ ငှက်များ

ဒီရေတောများနှင့်အနီးတစ်ဝိုက်သည်ရေနေသတ္တဝါများပျော်မြူးရာနေရာဖြစ်သကဲ့သို့ကုန်းနေသတ္တဝါအများစုသည် လည်း နေထိုင်ကျက်စားရာသဘာဝတောကြီးတစ်ခုပင်ဖြစ်သည်။

အထူးသဖြင့် ငှက်မျိုး စိတ်အတော်များများသည်လည်း ဒီရေတောပတ်ဝန်းကျင်အနှံ့တွင်တွေ့ရတတ်ပါသည်။ ထို့ကြောင့် ဒီ ရေတောဂေဟစနစ်ကို ငှက်များ၏အသိုက်အမြုံ၊ ကျက်စားကျင်လည်ရာနေရာတစ်ခုအဖြစ်လည်းဆို နိုင်ပါသည်။

🌿နှုတ်သီးရှည်ညို

နှုတ်သီးရှည်ညိုငှက်သည်ရေညှောင့်ငှက်မျိုးစိတ် (Scolopacidae) တွင်တစ်မျိုးအပါအဝင်ဖြစ်ပြီး ဒီရေတောရှိရာ ကမ်းရိုးတန်းဒေသတစ်လျှောက် အစုအဖွဲ့အလိုက်စုရုံး၍ ပိုးကောင်ကလေးများ၊ အခွံ့မာရေနေသတ္တဝါများကို ရွှံနွံတော၊ မြစ်ရိုးနားတစ်ဝိုက်နေရာများတွင်ရှာဖွေစားသောက် ကျက်စားတတ်သည့် ငှက်မျိုးစိတ်များပင်ဖြစ်ပါ သည်။

နှုတ်သီးရှည်ညို ငှက်မျိုးစိတ်အပါအဝင် ရေညှောင့်ငှက်မျိုးစိတ်အများစုသည် ရွှံ့နွံနှင့် မြေဆီလွှာအတွင်းသို့ နှုတ်သီးချွန်လေးဖြင့် ထိုးကာ ကျောရိုးမဲ့သတ္တဝါများကို လည်းရှာဖွေစားသောက်ကြသည်။ ရေညှောင့်ငှက် မျိုးစိတ်များသည့် နှုတ်သီးအရှည်ချင်း မတူညီကြသဖြင့် ရှာဖွေသော အစာ အမျိုးအစားလည်းမတူညီကြသောကြောင့် အစာရှာရာတွင် တိုက်ရိုက်ယှဉ်ပြိုင်ရခြင်းမရှိဘဲ စားကျက်နေရာတစ်ခုတည်း၌ အတူတကွကျက်စားလေ့ရှိကြသည်။

နှုတ်သီးရှည်ညိုငှက်သည် ရေပျော်ငှက်များထဲ၌ ကမ္ဘာ့မှတ်တမ်းဝင်မျိုးစိတ် တစ်ခုဖြစ်သည်။ အလက်စကာပြည်နယ်မှ တက်စ်မေးနီးယားပြည်နယ်သို့ ၁၃,၅၀၀ ကီလိုမီတာခရီးကို ၁၁ ရက်ကြာပျံသန်းနိုင်ပြီး တစ်နာရီလျှင်ပျမ်းမျှ ၅၀ ကီလိုမီတာခန့်စံချိန်ရှိခဲ့ကာ လမ်းတစ်လျှောက်သူ တို့၏ ကိုယ်အလေးချိန်တစ်ဝိုက်နီးပါးလျှော့ချနိုင်ခဲ့ကြသည်။ ကမ်းခြေဒေသနေရာများတွင်တွေ့ရှိရ သောအဆိုပါငှက်များသည် ဩစတြေးလျတွင်လည်းအများအပြားတွေ့ရှိရကာ သူတို့၏သားပေါက် မွေးဖွားရာအရပ်ဆီကို ဧပြီနှင့်မေလတို့တွင် စွန့်ခွာတတ်ကြပြီး အချို့ငှက် (အများအားဖြင့် အရွယ်ငယ် သေသောငှက်များ) မှာမူ ကျက်စားရာနေရာတွင်တစ်နှစ်ပတ်လုံးကျန်ရစ်နေထိုင်တတ်ကြလေသည်။

နှုတ်သီးရှည်ညိုငှက်များသည် အဖိုထက်အမမျိုးစိတ် က ပို၍အရွယ်အစားကြီးပါသည်။ ခန္ဓာကိုယ်အပေါ်ပိုင်း၌ အညိုရောင်ဖုံးလွှမ်းထားပြီး အောက်ဖက်တွင် မူ အဝါနုရောင်ကို ထင်ထင်ရှားရှားတွေ့ရတတ်ကာမှိုင်းဖြူအောက်ခံအတောင်ပံ၊ ရှည်လျား၍အနည်း ငယ်ကော့ညွှတ်နေသောနှုတ်သီး၊ အဖြူနှင့်အညိုတို့ရောစပ်ထားသောအမြီးတို့ရှိလေသည်။

🌿မိန်းမလက်သည်း

မိန်းမလက်သည်းဟုခေါ်ဆိုကြသော Eurasian whimbrel မျိုးစိတ်သည်လည်း ရေညှောင့်ငှက်မျိုးစိတ် (Scolopacidae) ထဲတွင်အပါအဝင်ဖြစ်ပြီးရေပျော်ငှက်မျိုးစိတ်တစ်ခုဖြစ်ပါသည်။ အာရှ၊ ဉရောပနှင့် စကော့တလန်တောင်ဘက်စွန်းပိုင်းအထိခြေဆံ့မျိုးပွားတတ်သော မျိုးစိတ်ဖြစ်ပြီး အရွယ်လတ် curlew genus အဖွဲ့ဝင်မျိုးစိတ်တစ်မျိုးလည်းဖြစ်သည်။ အညိုရောင်များပြီး အဖြူရောင်သန်းသော အသွင်သဏ္ဍာန်ရှိကာ အမြီးတွင် အနက်ရောင်ပါရှိသည်။

မိန်းမလက်သည်းသည် အာဖရိက-ယူရေးရှား ရွှေ့ပြောင်းရေငှက်များ ထိန်းသိမ်းရေးဆိုင်ရာ သဘောတူညီချက် (the Agreement on the Conservation of African-Eurasian Migratory Waterbirds) စာရင်းဝင်မျိုးစိတ်တစ်ခုဖြစ်ပါသည်။ (ဓါတ်ပုံ - ကောင်းဆက်နိုင်)

ကိုးကား - birdlife.org.au, animalia.bio, Wikipedia
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos

ဒီရေတောအကြောင်း သိကောင်းစရာ

🌿ဒီရေတောများသည် ကုန်းမြင့် ဒေသရှိ မုတ်သုံမိုး သစ်တောပင်များထက် ကာဗွန်ဒိုင်အောက်ဆိုက် ၅ ဆပို၍ စုပ်ယူ နိုင်သည်။

🌿ဒီရေတောများသည် ပြင်းထန်ဆိုးရွားလွန်းသော ရာသီဥတု(မုန်တိုင်း) ဒဏ်တို့ကို ကာကွယ်နိုင် သည်။

🌿ပင်လယ်စာထုတ်လုပ်နိုင်မှုကို ၅၀ ရာခိုင်နှုန်းအထိ တိုးမြှင့်ဆောင်ရွက်နိုင်သည်။

🌿သန္တာကျောက်တန်းများနှင့် ပင်လယ်မြက်များကို ကာကွယ်ရန်အတွက် ရေကို သန့်စင် စစ်ထုတ်ပေးသည်။

🌿သက်တမ်းရင့် ဒီရေတောသစ်ပင်တစ်ပင်သည် လူလေးဦးအတွက်လုံလောက်သော အောက်ဆီဂျင်ကို ထုတ် လုပ်ပေးနိုင်သည်။

🌿ကမ္ဘာပေါ်တွင်နေထိုင်သည့် သက်ရှိများအတွက် အအေးဓါတ်ပေးခြင်း၊ အရေးကြီးသောဂေဟ စနစ်ကို ထောက်ပံ့ခြင်း တို့ပြုလုပ်ပေးသည်။

🌿ဒီရေတောများသည် ကမ်းရိုးတန်းဒေသတွင်ရှိ ထိခိုက်လွယ်သော လူမှုပတ်ဝန်းကျင်ကို ရေရှည် တည်တံ့စေသည့် ဖွံ့ဖြိုးတိုး တက်မှုဆီသို့ ရောက်ရှိအောင် ကူညီပေးနိုင်သည်။

သစ်ပင်၊ သစ်‌တောများအားလုံးသည် ဂေဟစနစ်ကို အထောက်အပံ့ပေးရာတွင် ထူးခြားအရေးကြီးသော အခန်းကဏ္ဍမှ ထူးခြားစွာပါဝင်လျက်ရှိသည်။ ကမ္ဘာကြီးပူနွေးလာမှုနှင့် ရာသီဉတုပြောင်းလဲမှုကြောင့်ဖြစ် ပေါ်လာသည့် အကျိုးဆက်များကိုခံစားလာရသည့် လက်ရှိကာလအချိန်တွင် ကမ္ဘာမြေပေါ်ရှိဒီရေတော ဂေဟစနစ်တို့သည် ထူးခြားထိရောက်လွန်းသောအကျိုးပြုမှုများကို ဆောင်ကျဉ်းပေးလျက်ရှိလေသည်။

ဒီရေတောများသည် အပူပိုင်းဒေသ နှင့် သမပိုင်းဒေသများ၌ ဒီရေအတက်အကျရှိသည့် နေရာများတွင် ပေါက်ရောက်လေ့ရှိသည့် သစ်ပင်များဖြစ်သည်။

ကမ်းရိုးတန်းရှိ ဒီရေတောများ၊ ပင်လယ်မြက်များနှင့် သန္တာကျောက်တန်းများသည် သမုဒ္ဒရာများမှ ကာဗွန်စုဆောင်းမှု ၈၃ ရာခိုင်နှုန်းနှင့် ကမ်းရိုးတန်းတလျောက်မှ ကာဗွန် ၅၀ ရာခိုင်နှုန်းကို သိုလှောင်စုဆောင်းနိုင်သည့် မြင်သာထင်သာသော အကျိုးသက်ရောက်မှုကို ပေးစွမ်းနိုင်သည်။ ၎င်းအပြင် ဒီရေတောများသည် ကမ်းရိုးတန်းဒေသတွင်နေထိုင်သူ တို့၏ အသက်အိုးအိမ်နှင့် စည်းစိမ်တို့ကို ကာကွယ်ပေးနေသည်ဟုဆိုလျှင်လည်းမမှားပေ။ ဆူနာမီ၊ ဆိုင်ကလုန်း နှင့် အခြားသော ပြင်းထန်သော ရာသီဥတုဒဏ်များ ကျရောက်ခဲ့သည်ရှိသော် ဒီရေတောများက မားမားမတ်မတ် ကာကွယ် ပေးလျက်ရှိသည်။

ဒီရေတောများသည် ရာသီဥတုပြောင်းလဲမှုနှင့်လိုက်လျောညီထွေဖြစ်အောင် လုပ်ဆောင်ရာတွင် အရေးပါ အစိတ်အပိုင်းများ ဖြစ်သည့်အပြင် ပင်လယ်စာထုတ်လုပ်နိုင်မှုကိုလည်း ၅၀ ရာခိုင်နှုန်းအထိ တိုးမြင့်‌ပေ လျှက်ရှိပါသည်။ ဒီရေတောများသည် အထက်တွင်ဖော်ပြပြီးကဲ့သို့သော အရေးပါသည့် နေရာတွင်ရှိနေ သော်လည်း နိုင်ငံအများအပြားတွင် ဒီရေတောများ ပြန်းတီးလာမှုမှာ စိုးရိမ်စရာအဆင့်သို့ရောက်ရှိနေပြီ ဟုဆိုနိုင်ပါသည်။ ကုန်းမြေသစ်ပင်များထက် သုံးဆပိုမြန်သောနှုန်းဖြင့် ပျောက်ကွယ်နိုင်သည်ဟု ခန့်မှန်းကြပါသည်။ ထို့ကြောင့် ဒီရေတောများအား ပြန်လည်ထိန်းသိမ်းခြင်းဖြင့် လက်ရှိဖြစ်ပေါ်နေသည့် အခြေအနေကို ပြောင်းပြန်လှန်ရန်အချိန်တန်ပြီဟုဆိုနိုင်ပါသည်။

ပင်လယ်သမုဒ္ဒရာမှရရှိသော အရေးပါသည့်ဂေဟစနစ်နှင့်ကျန်းမာရေးနှင့်ညီညွတ်သည့်အစားအစာ တို့မှာ ရှေးယခင်ကတည်းက ရေပန်းစားခဲ့သည်။ ကမ္ဘာပေါ်တွင် သက်ရှိများရှင်သန်ရပ်တည်နေနိုင်မှုမှာ ထိုအရင်းအမြစ်များအား အချိန်ကြာကြာထိန်းသိမ်းထားနိုင်မှုအပေါ် မူတည်ပါသည်။
ပင်လယ်နှင့်ကုန်းမြေတို့အကြား ကြားခံအဖြစ် တစ်ခုတည်း သောအပင်များမှာ ဆားငန်ရေတွင် ပေါက်ရောက်တတ်သည့် ဒီရေတောများပင်ဖြစ်သည်။ ထိုသစ်ပင်များသည် အနည်အနှစ်များကို သန့်စင်စေပြီး သန္တာ ကျောက်တန်းများ၊ ပင်လယ်မြင်များကို ကာကွယ်ပေးနေသည့်အပြင် လေထုအတွင်း ကာဗွန်ဒိုင်အောက်ဆိုက်လျော့ပါး စေရန် အမြင့်ဆုံးစွမ်းရည်ကိုထောက်ပံ့ပေးလျက်ရှိသည်။ ထိုကဲ့သို့သော အံအားသင့်စရာကောင်းသည့် အပင်များသည် ပင်လယ်ရေမျက်နှာပြင်မြင့်တက်လာမှုကိုလည်း တစ်ဖက် တစ်လမ်းမှ ကာကွယ်ပေးနေ ပြန်ပါသည်။

သို့သော်လည်း အချို့နိုင်ငံများတွင် ဒီရေတောများ လုံးဝမျိုးသုဉ်းသွားမည့် အန္တရယ်မှာ စိုးရိမ်စရာ အခြေအနေသို့ရောက်ရှိနေ ပြီဖြစ်၍ ထိန်းသိမ်းကာကွယ်ရန်လိုအပ်နေပြီဖြစ်ပါသည်။
🌿🌿
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐈𝐧𝐬𝐭𝐚𝐠𝐫𝐚𝐦 –
https://www.instagram.com/worldview_myanmar/
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫'𝐬 𝐓𝐰𝐢𝐭𝐭𝐞𝐫 -
https://twitter.com/MyamarWif45219
𝐖𝐨𝐫𝐥𝐝𝐯𝐢𝐞𝐰 𝐌𝐲𝐚𝐧𝐦𝐚𝐫’𝐬 𝐘𝐨𝐮𝐓𝐮𝐛𝐞 -
https://www.youtube.com/c/WorldviewMyanmar/videos