Jayson tv

I gained 35 followers in the past 90 days! Thank you all for your continued support. I could not have done it without you. 🙏🤗🎉

💚🤍❤️
HINDI HADLANG ANG ATING MGA NARANASAN UPANG PASALAMATAN ANG AMA

Naranasan man natin ang pinakamabigat na pangyayari sa ating buhay sa taong ito,
dumaan man tayo sa mga kabiguan at kalumbayan na tila kasing pait ng apdo,
ipinaranas man sa atin ang mga pagsubok na ating halos ikasuko,
ngunit pagmasdan natin, nakakapaglalakbay pa rin tayo.

Hindi naging madali ang ating mga naranasan,
sa katunayan nga, yung iniluha natin ay tila isa nang karagatan,
karagatan ng luha na dulot ng mga pagsubok na nagdaan,
na pilit tayong inilulunod at isinasadlak sa kailaliman.

Walang kasing sakit,
walang kasing pait,
mga ngiti natin ay puro pilit,
puso'y parating hinahanap ang yakap ng Ama na mahigpit.

Iyon marahil ang naranasan ng bawat isa sa atin,
tila baga'y sa sobrang bigat ng dinadala'y hindi na kayang buhatin.
Mas mabigat pa sa mabigat kung ito'y ilalarawan natin,
at mas masakit pa sa masakit ang mga naging kabiguan natin.

Ngunit kahit marami man ang ipinaranas na masasakit,
mga luha na talagang mapapait,
ang Kaniyang pag-ibig ay laging sati'y ipinaparanas, walang patid,
kung kaya't Siya'y nararapat lang na papurihan at pasalamatan kahit nasa gitna man tayo ng mga balakid.

Ipinaranas man sa'tin ang mga mabibigat na pagsubok, ngunit kailan hindi Niya tayo inulila,
Nilingap Niya tayo't niyakap nang buong higpit at laya.
Siya ang naging matibay na pader, kaya't sa bagyo ng problema ay hindi nasira,
at Siya ang ating naging sumbungan sa lahat ng sitwasyon ng buhay kaya't agad-agara'y sinasaklolohan Niya.

Kaya, kasakit-sakitan at kapait-paitan man ang ating naranasan,
ngunit hindi iyon nakahahadlang upang ang Ama ay ating pasalamatan.
Marami mang nangyari na naging dulot ng paluha't kalumbayan,
ngunit mas marami pa ring dahilan upang pasalamatan ang Ama dahil sa Kaniyang kabutihang hindi mapapantayan.