Ministry of Altar Server - IFI Mandaluyong

Talaan ng mga gawain sa Pagdiriwang ng Buwan ng mga Sakristan.

ROSARYO NG BAYAN 2020
(Virtual Human Rosary)

Halina mga Kapatid, idulog natin sa ating mahal na ina ang ating mga panalangin at kahiligan.

Tayo na't dasalin ang Santo Rosaryo bilang isang Bayan ng Diyos na nagmamahal kay Maria.

Makiisa sa pananalangin sa isasagawa nating Virtual Human Rosary na mapapanood via Facebook Livestreaming sa darating na Linggo (Oktubre 25), sa Pagdiriwang natin sa Kapistahan ng Birhen ng Santo Rosaryo.

Ito'y sa ganap na ika-3:30 ng hapon, na susundan ng Salve at Banal na Misa.

Viva La Virgen de Santissimo Rosario!

ALAM NIYO BA?

SA KASAYSAYAN NG SIMBAHANG MALAYA SA MANDALUYONG, Sa araw na ito'y ipinagdiriwang natin ang Ika-21 Taon ng Pagiging Katedral ng ating Parokya. (Hunyo 1, 1999-2020)

•

Sa Kaayusan ng mga Diyosesis, ang Parokya ng Mandaluyong ay nasasakupan ng Diyosesis ng Rizal at Pampanga, Magugunita na ang Mandaluyong ay dating sakop ng probinsya ng Rizal at naging Metro Manila lamang nang ideklara ni Pangulong Marcos na ang Mandaluyong ay mapasama ito. Magkaganoon pa man, hindi nangangahulugan na ang Mandaluyong ay mapasama na rin sa Diyosesis ng Maynila sapagkat magkahiwalay ang batas ng lipunan at nang simbahan.

Noong Panahon ni Obispo Bartolome Remigio, ang Malabon ang siyang naging Katedral (sa kaisipan na kung nasaang simbahan ang Obispo ay iyon na rin ang kaniyang katedral) at noong panahon naman ni Obispo Manuel Ladao Sr. ay ang simbahan naman sa San Antonio, Guagua, Pampanga ang kanyang katedral sapagkat doon siya nakatalaga. Ngunit nang si Fr. Godofredo J. David ay kinonsagrahan bilang Obispo noong July 23, 1995 at naging Diyosesano ng Rizal at Pampanga noong February 1996 ay hindi niya idineklara na ang Morong ang kanyang katedral kahit na siya ang kura doon kundi pinag-aralan niyang mabuti ang kalagayan ng buong Diyosesis.

Sa kaniyang pananatili bilang Diyosesano mula 1996 ay noon lamang JUNE 1, 1999 nya idineklara na ang kanyang magiging KATEDRAL ay ang MANDALUYONG.

Sa kasalukuyang kapamahalaan ng Pambansang Simbahan ay sinabi na hindi na ganoon kadali magpalit ng katedral kundi wala nang pagbabago. Sinumang Obispo na magiging Diyosesano sa isang Diyosesis ay hindi niya mapapalitan ang kaniyang magiging katedral kundi kung alin ang dati nang katedral ay iyon na rin ang kanyang magiging katedral.

Nangangahulugan na ang Katedral ng Banal na Sanggol dito sa Mandaluyong dito sa Mandaluyong at siya nang naging Opisyal na Katedral ng buong Diyosesis kahit pa ng Obispo Diyosesano.

[Source: Ang Maikling Kasaysayan ng La Iglesia Filipina Independiente sa Mandaluyong, isang akda ni Obispo Emiliano Domingo]

Bilang Pangwakas na Gawain sa ating isinasagawang Online Sacristan Fellowship, ating pakinggan ang isang Inspirational Message mula sa tatay natin sa Sacristan na si Padre Jun Silvestre.

Matuto at Magnilay.

Tayo bilang mga Sacristan ay Magkakapatid kay Kristo, ngunit paano nagkakaroon ng Brotherhood sa ating Ministriya?

Pakinggan natin ang isang Inspirational Message na ito mula sa isa sa ating Former Sacristan Mayor na si Bro. Carlo dela Paz.

Matuto at Magnilay.

Ano nga ba ang kagandahan ng pagiging Sakristan?

Pakinggan natin ang isang Inspirational Message na ito mula sa isa sa mga dati nating Sacristan na si Bro. Wendell Vizconde.

Matuto at Magnilay.

Bilang Pagtatapos sa ating Isinasagawang Online Sacristan Fellowship, ating balikan ang ilan sa mga naging gawain natin sa mga nakaraang buwan na nagdaan.